Colectivo Ártabra 21

De: Loxistica -loxistica@consellodacultura.org-
Para: artabra21@gmail.com
Data: 31 de outubro de 2007 12:50
Asunto: Arredor do cambio climático e Fontes de enerxía para un planeta sostible


Estimadas amigas e amigos,

Remítolles o ficheiro do díptico para a conferencia do señor Domínguez Vilches, catedrático de Botánica que falará sobre "Arredor do cambio climático", dentro do ciclo Cultura Conciencia, coordinado por Domingo Docampo e organizado polo Consello da Cultura Galega.

Será o vindeiro día 8 de novembro ás 20 horas na Escola Universitaria de Formación do Profesorado na avenida Ramón Ferreiro en Lugo. A entrada é libre e non precisa de confirmación previa.

Aproveitamos para lles informar da celebración a pasada semana en Ferrol da conferencia de Ignacio Pérez Arriaga co título "Fontes de enerxía para un planeta sostible". Foi un relatorio de sumo interese ao que poden acceder no seu formato pdf no sitio web do Consello da Cultura Galega www.consellodacultura.org. Nas súas páxinas atoparán información sobre os informes do IPCC e cálculos de consumo e reservas enerxéticas que poden serlles de proveito.

Agradecemos a súa difusión.

Área de Actividades
Consello da Cultura Galega

_________________________

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 29 de outubro de 2007 20:03
Asunto:Máis contra Reganosa


Xornal.com
Carrillo e Herrero de Miñón piden a Touriño que traslade Reganosa
Veteranos políticos españois solidarízanse co movemento que pide a recolocación da regasificadora.

Luns, 29 de outubro de 2007

XORNAL I Santiago.- O berro de "Reganosa fora dá ría" tivo eco tamén en Madrid. O programa "A Fiestra" da Cadea Ser dedicou un microespacio á polémica, no que o algúns dos máis notables políticos veteranos galegos mostráronse asombrados pola localización actual de Reganosa, polo silencio da actual Xunta respecto diso, e pediron unha solución razoable ao Goberno galego.

Santiago Carrillo, Pere Portabella e Miguel Herrero de Miñón reflexionaron sobre os "muros de silencio" que afectan ao caso Reganosa e sobre a localización da planta nun lugar que non parece o máis adecuado. Entre os puntos máis sorprendentes todos destacaron o silencio do actual goberno galego respecto diso. Para Herrero de Miñón, "a explicación é, á miña entender, que a madeja económico-administrativa que se montou ao redor de Reganosa fai que todo o mundo recoñeza que é un disparate pero ninguén faga nada".

No programa interveu Luz Mariña Torrente, representante dos veciños encerrados no concello de Mugardos, que apuntou que nos encerramos aquí porque levamos oito anos de peregrinación por este problema", que cualificou de "gran cacicada". Luz Mariña cre que aínda as cousas estanse facendo "á carta para Reganosa", aínda que confía en que o actual Goberno "non autorice" a planta. En calquera caso, móstrase decepcionada coa actitude da Xunta e opina que o silencio de Touriño respecto diso débese a que "non ten argumentos para rebaternos e, xa que logo, non dá a razón".

Santiago Carrillo dirixiuse directamenet ao presidente da Xunta, "antigo compañeiro ao que coñezo fai moitos anos", para "rogarlle que preste atención a esta demanda e vexa se non é necesario corrixir un grave erro do goberno anterior".

"Non é xusto manter silencio sobre o que pasa alí e sobre todo non é xusto que o Goberno galego caye", apuntou.

Como broche final, Herrero de Miñón lanzou algunhas preguntas envelenadas e dixo que lle gustaría saber "que grandes plusvalías gañou Reganosa coa súa actual localización e que grandes plusvalías terán os accionistas, por exemplo un accionista que teña o 3%".

Enlace orixinal no Xornal.com , recomenda-se entrar pois ten moitos cometarios de interese

___________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
________

De: Plataforma Corrubedo -corrubedo@altermundo.org-
Para: artabra21@gmail.com
Data: 29 de outubro de 2007 21:18
Asunto: Corrubedo, 4N: NOTA DE PRENSA


NOTA DE PRENSA
MARCHA NACIONAL POLA DEFENSA DO LITORAL
CORRUBEDO, 4 DE NOVEMBRO DE 2007, 12 horas
NON AO PLAN ACUÍCOLA


O catedrático Xosé Manuel Beiras, a actriz Patricia Vázquez, o actor Luís Tosar e mailo director e músico Antón Reixa, lerán o Manifesto de Corrubedo o vindeiro domingo como colofón á Marcha Nacional pola Defensa do Litoral en Corrubedo.

As organizacións convocantes da Marcha Nacional pola Defensa do Litoral, colectivos de veciños, veciñas e ecoloxistas, teñen todo preparado para a manifestación unitaria contra o Plan Acuícola que terá lugar o domingo 4 de novembro, ás 12 da mañá, no Porto de Corrubedo e á que se teñen adherido decenas de colectivos de todo o país. Para isto contarán coa inestimábel axuda de persoeiros da cultura e doutras disciplinas que se unen á cidadanía para reclamar “liberdade para o litoral galego”.

O percorrido da manifestación comezará á beira do peirao corrubedense baixo o lema “Pola túa costa, polo teu mar: Non ao Plan Acuícola” e discorrerá até o faro da localidade, lugar emblemático da costa galega, co que as organizacións queren chamar a atención sobre un problema que afecta ao litoral de todo o país, dende Ribadeo á Guarda.

Con esta mobilización os movementos sociais galegos queren esixir ao goberno da Xunta que paralice o Plan Acuícola actual, por consideralo inxusto socialmente, medioambientalmente e economicamente. O plan prevé 26 piscifactorías, ou fábricas de peixe, que os veciños e veciñas do país, xunto ás organizacións ecoloxistas, confrarías de pescadores e mariscadores e varias agrupacións sindicais e políticas consideran un grave erro que se fixo de costas á cidadanía.

CONVOCAN: ADEGA, Plataforma Medioambiental de Corrubedo, Plataforma Veciñal en Defensa do Patrimonio Cultural de Quilmas (Carnota), Plataforma pola Defensa do Litoral de Seráns (Porto do Son), Comisión de Propietarios/as Laxe Brava (Teira-Corrubedo), Plataforma Veciñal Xove-Lago, Plataforma Veciñal de Merexo (Muxía), Plataforma de Afectados/as de Arou (Camariñas), Plataforma de Afectados/as de Oia, Plataforma de Afectados/as de Foz, Agrupación de Mariscadoras/es de Corcubión, Cooperativa de Mergulladores/as da zona 5ª.

COLECTIVOS QUE APOIAN (a 20 de outubro): Comité Cidadán de Emerxencia para a Ría de Ferrol, Greenpeace, Salvemos Monteferro, SOS Courel, Colectivo Fusquenlla, Ortigueira Sostible, Colectivo Arraianos, Asociación Sagres de Aguiño, Asociación Cultural Choiva Azeda (As Pontes), Asociación Natura Celtica (Cangas), BNG de Ribeira, Frente Popular Galega, CUT (Central Unitaria de Traballadores), Colectivo Nacionalista de Marín, Asociación Altofalante (Ribeira), Colectivo Ecoloxista Verduxo, Plataforma en Defensa do Patrimonio das Pontes, Asociación Amigos de Corrubedo, Plataforma Veciñal contra a piscifactoría de Baroña, Asociación Cultural "Fuco Buxán" de Ferrol, BNG do Barbanza, Asociación Pau da Luz (Corrubedo), Asociación Cultural Barcas do Minho (Chantada), CNT-Compostela, Amigos da Terra, Plataforma Ártabra21, Quercus (Portugal), PP de Ribeira, BNG de Porto do Son, Comité de defensa das Rías Altas, Asociación profesional XORNAGA (Xestión e Organización de Recursos Naturais de Galicia), Rede Litoral Vivo, Confraría de Pescadores de Carreira e Aguiño, Veciños das Mariñas (Oia), IPdR (Iniciativa Progresista de Ribeira), Foro Social Temos Dereito a Saber, 'O Ribeiro', Bouzas Móvete, Confraría de Pescadores de Corcubión.
________________

Ola a todo@s .- A Plataforma Artabra21 informa que o Comité de Emerxencia para a Ría de Ferrol, imos contratar un BUS para nos trasladar a CORRUBEDO a MANIFA CONVOCADA PARA O DÍA 4 DE NOVEMBRO.

Baixo o lema:
MARCHA NACIONAL POLA DEFENSA DO LITORAL
CORRUBEDO, 4 DE NOVEMBRO DE 2007, 12 horas
NON AO PLAN ACUÍCOLA
POLA TÚA COSTA
POLO TEU MAR

Está prevista a súa saida ás 09:30 hrs de frente ao edificio de Correos de Ferrol, na Praza de Galicia.

OS PREZOS ESTARÁN POR 8 OU 9 € , dependendo do número de persoas que vaiamos.

USAR ESTE CORREO [artabra21@gmail.com] para CONFIRMAR a VOSA ASISTENCIA.

Está por decidir se nos quedamos pola tarde para visitar a zona... OPINAR deste asunto

ANIMARVOS .

Saúdos

xosé mel sanxoán e Alexandre C.
__________________

De:bardo_do_vinho@hotmail.com
Para:artabra21@gmail.com
Data: 29 de outubro de 2007 20:17
Asunto: ESCURSION A REGANOSA

Tan só informarvos do seguinte: "Este mércores día 31 de outubro os alumnos de 2º curso de Bacharelato, grupos A,b e c do IES Sofía Casanova teñen proposto visitar REGANOSA. Os alumnos sairan do intituto en bus as 12 e regresaran aproximadamete as 14.10 deberan levar un bloc e boligrafo e aportar dous euros."

A min soame a que nos van tratar de vender a moto de que a planta é unha inversion de futuro e na que quimicos e biologos terán traballo, enfín un saudo e haber que trolas nos contan.

________________



DESDE A PLATAFORMA ÁRTABRA 21

DEBERÍAMOS PASAR Á OFENSIVA E FACER VISITAS GUIADAS Á BOCANA DA RÍA E MESMO AO LOCAL DA ASOCIACIÓN VECIÑAL DE FERROL VELLO, PARA EXPLICAR COMO E PORQUE SE CONSTITUIU O MOVIMENTO SOCIAL PARA DEFENDERSE DO DESPROPÓSITO GAŚITICO E A CORRUPCIÓN QUE O ACOMPAÑA.-

Pode que sexa hora de que o Comité Cidadán de Emerxencia para a Ría de Ferrol, propoña excursións ou visitas ao contorno da Ría, mesmo a Brión a altura de San Cristobal, para ensinar o canal e bocana de entrada e explique o porque do non de REGANOSA en Punta Promontorio. Non estaría mal, mais tamén non esquecer os asuntos doutro carácter como son a corrupción política e os pelotazos urbanísticos. Rematando cunha lección sobre Aritmética, poboación e Enerxia.
___________________

De: CCE -comitecidadan@iespana.es-
Para: artabra21@gmail.com
Data: 26 de outubro de 2007 17:51
Asunto: Denuncia á Fiscalia do TSXG dun pelotazo económico



Denuncia á Fiscalia do TSXG dun pelotazo económico

Unha plusvalía do 1.552 % na venda dunha parcela a Reganosa confirma que foi o "pelotazo", non a xeración de xeración de emprego, a verdadeira motivación do Sr. Tojeiro para situar a Planta de Gas en Punta Promontorio (Mugardos).

Segue en nota adxunta co resumo da rolda de prensa celebrada hoxe no Ateneo.

Reganosa é a maior agresión ambiental que se esta producindo en Galiza. Coa súa entrada en funcionamento en probas desde o 9 de maio pasado, Reganosa ameaza a vida de miles de cidadáns, a riqueza marisqueira da Ría e o seu patrimonio histórico.

O Comité Cidadán de Emerxencia para a Ría de Ferrol, desde hai máis dun ano, con escritos e entrevistas no Ministerio de Industria, vén reclamando que non sexa aprobada o acta de explotación comercial ou de funcionamento definitivo de Reganosa. Esta reclamación fundaméntase en que coa localización dentro da Ría de Ferrol é imposible que Reganosa poida cumprimentar os condicionados de distancias suficientes ata as poboacións que require o articulo 12 da Directiva Seveso II e a saída a mar aberto dos buques gaseros en caso dunha urxencia durante a descarga ou na súa transito polo interior da angosta Ría de Ferrol.

Ademais da ameaza á vida humana e á riqueza marisqueira da Ría, nos últimos oito anos o Comité Cidadán de Emerxencia vén seguindo o proceso de irregularidades no que están inmersas as autorizacións e permisos a Reganosa. Continúan descubríndose datos e informacións evidenciando que non foron o emprego nin a xeración de riqueza as verdadeiras motivacións do Sr. Tojeiro e os seus apoios para situar a Planta de Gas en Punta Promontorio (Mugardos). Agora descóbrese que o principal motivo é o pelotazo económico-urbanístico, constatado cunhas certificacións do Rexistro da Propiedade de Pontedeume, segundo as cales a empresa "Forestal do Atlántico", propiedade do Grupo Tojeiro, das propiedades de chan rustico que comprara a particulares, o 2 de febreiro de 2001 segregó unha leira de 75.000 m2 rexistrándoa cun valor de 47 millóns cincocentas mil pesetas. Así mesmo que con data 27 de abril de 2001, menos de dous meses despois, Forestal do Atlántico S.A vendeu a Reganosa dita parcela de 75.000 m2 polo valor de setecentos trinta e sete millóns de pesetas, é dicir, que en menos de dous meses xerou unha plusvalía contorna ao 1.552 %.

Coa participación de José Antonio Orza, entón Conselleiro de Economía, neste "pelotazo" inscríbese no marco do Convenio con cláusulas confidenciais asinado en xullo do ano 2000 polo Sr. Fraga entón presidente da Xunta de Galicia, co Sr. Tojeiro e outros socios de Reganosa. Así mesmo que José Antonio Orza era socio do Sr. Tojeiro na empresa chamada Forestal do Atlántico S.A., encostada á cal constrúese a Planta de Gas de Reganosa.

Os lindes desa parcela de 75.000 m2 coinciden cos de dúas parcelas que teñen como lindero sur o camiño real. Unha delas de 37.694 m2 é na que Reganosa ten construídos dous tanques para almacenar GNL. A outra parcela de 33.414 m2, é na que Reganosa proxecta construír outros dous tanques. Esta segunda parcela é chan rustico de protección especial de patrimonio onde está asentado o xacemento romano de Caldoval. O actual Director Xeral de Patrimonio é coñecedor de que a Reganosa non lle será autorizada esa segunda fase e cando se confirme proporá a Reganosa que o xacemento Romano de Caldoval sexa posto en valor ?in situ?. Por iso o Alcalde de Mugardos abandonou a súa peregrina idea de trasladar o xacemento para o soto dun cine que o Concello comprou fai uns dous anos para esa finalidade.

Esas certificacións do Rexistro da Propiedade de Pontedeume foi posta en coñecemento da Fiscalía do Tribunal Superior de Xustiza de Galicia, na súa Adscrición en Ferrol, a fin de ampliar a denuncia que fai uns meses presentouse en relación co Convenio de xullo de 2000 e para o que están abertas unhas dilixencias previas.

A Xunta de Galicia queda emprazada para abrir unha investigación sobre estas irregularidades e a retirar do Tribunal Supremo os recursos de casación que ten presentados contra as sentenzas do TSXG que anulan a tramposa tramitación ambiental de Reganosa elaborada pola Consellería de Medio en xuño do ano 2001.

Ferrol, 26 de outubro de 2007

Comité Cidadán de Emerxencia para a Ría de Ferrol
comitecidadan@iespana.es
http://comitecidadan.org
___________________

Documentación do "Pelotazo" nos arquivos Ártabros:

Escrito de denuncia á Fiscalia do TSXG

Certificacións do Rexistro da propiedade de Pontedeume

Plano elaborado polo Comité Cidadán de Emerxencia

_______

A Xunta Coordinadora, acordou solicitar ao Concello toda INFORMACIÓN posible sobre o futuro da PRAZA DA PORTA NOVA - PRAZA DE ESPAÑA.

Expresamos nosa satisfación pola PARALIZACIÓN DAS OBRAS, máis queremos que se determine o futuro da PRAZA, iniciando un proceso de recuperación deste ESPAZO PÚBLICO sen edificación algunha e darlle unha función de disfrute pública, así mesmo preocúpanos que a situación se prolongue demasiado nos despachos ou como arma arroxadiza de campaña electoral, polo que a cidadanía esixe unha relativa rápida solución e da máxima calidade para esta PRAZA EMBLEMÁTICA.

INFORME PRAZA DE ESPAÑA- PORTA NOVA

A Xunta Coordinadora da PA21, reunida na tarde deste pasado día 17 de outubro, no seu debate interno respecto a política municipal sobre os Espazos e PRAZAS PÚBLICAS como unha das prioridades desta Plataforma acorda:

SOLICITAR :

UN INFORME DA ALCALDÍA E CONCELLARÍA DE URBANISMO, MEDIANTE O SECRETARIO DO CONCELLO DAS NOVAS PROPOSTAS DE FUTURO E XESTIÓN DA PRAZA DE ESPAÑA - PRAZA DA PORTA NOVA.

Lembramos que a Plataforma Ártabra 21, a través de diversas iniciativas promoveu un movemento social para a PROTECCIÓN E CONSERVACIÓN DA PRAZA COMO UN ESPAZO PÚBLICO DESTINADO AO DISFRUTE E GOZO DA CIDADANÍA LIBRE DE EDIFICIOS, AINDA MENOS PARA A EXPLOTACIÓN OU ESPECULACIÓN PRIVADA EN SUPERFICIE.

Este MOVEMENTO SOCIAL estivo sempre representada pola maioría social e veciñal da cidade de Ferrol para salvagardar e reivindicar seu uso de espazo público .

Ferrol a 24 de Outubro de 2007.

A XUNTA COORDINADORA.
José R. Jove, Amadeo Varela, J. Fernandez, Xosé N. Sanxoán
__________________

De: Plataforma Veciñal "O Cruceiro de Meá"
ocruceiromeha@yahoo.es
Para: artabra21@gmail.com
Data: 25 de outubro de 2007 18:19
Asunto: Actuación domingo 28 concello Mugardos


O vindeiro domingo día 28 de Outubro ás 18:30, no concello de Mugardos, actuarán, en solidariedade cos veciños pechados en protesta da localización da planta de gas de REGANOSA no interior da ría de Ferrol, BURLA NEGRA.


Invitámosvos a tod@s a gozar con estes artistas que solidariamente acoden a apoiar a nosa causa.

VENCEREMOS !

PLANTA DE GAS FORA DA RÍA !

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
________________

De: Expropiados Ferrol
-expropiadosferrol@gmail.com-
Para: artabra21@gmail.com
Data: 24 de outubro de 2007 12:40
Asunto: O conflito de Canido segue sen resolverse


AFECTADOS POLAS EXPROPIACIÓNS DE VIVENDAS EN CANIDO (FERROL)

A tardanza na solución do problema está provocando a deterioración das vivendas que os afectados non poden reparar porque van ser derrubadas

O conflito de Canido segue sen resolverse

Un mes despois de que o Concello anunciase a solución ó conflito das expropiacións de Canido, esta segue sen chegar. Ningún dos tres veciños ós que debería de ofrecérselles un realoxo alcanzou un acordo en firme coa empresa promotora Albantur, que pretende construír no barrio ferrolán unha nova urbanización de 260 vivendas. Os afectados piden ó concelleiro de Urbanismo, o socialista Angel Mato, que explique por que tivo tanta présa en publicitar o desbloqueo dunha situación que comezou en 2004. Ese ano o Concello taxou ilegalmente os 18 inmobles expropiados por un valor de 224.932 euros, uns 12.000 euros por cada un, e iniciou un proceso de expropiacións que excede o esperpento.

Tres anos despois, os veciños están fartos de coaccións, ameazas de desaloxo e promesas que nunca se cumpren. A suposta solución á que fai referencia o concelleiro baséase simplemente nunha oferta da empresa Albantur. Os tres afectados pendentes de realoxo, están dispostos a aceptala, con todo, levan dous meses esperando a que llos convoque para asinar os documentos xurídicos que a avalen.

O propio Valedor do Pobo resalta, na última comunicación remitida ós veciños, que a situación actual é inaceptable. A institución que agora dirixe Benigno López enviou dez cartas ó Concello pedindo que lle concrete como vai ofrecerlles o reacollo ó que legalmente teñen dereito. Desde fai varios meses, o consistorio limítase a responderlle que hai unha negociación aberta. “Non pode entenderse que esa efectividade (a do realoxo) veña só pola vía dunha prolongada negociación entre os afectados, o Concello e a promotora”, resalta o Valedor, quen engade que “a actual indefinición crea unha situación de inseguridade que vostedes, os afectados, padecen, e que non deberían soportar”.

A tardanza na solución do conflito está carrexando, ademais, novos problemas. As vivendas expropiadas son antigas e algunhas necesitarían reformas para poder vivir nelas dignamente. Pero os afectados non poden facer obras, porque as casas vanse a derrubar. Os veciños reclaman unha vez máis ó Concello que poña fin ó problema, pois polo momento parece que só ten interese en simular que está resolto. De prolongarse esta situación, os afectados veríanse obrigados a iniciar un novo procedemento xudicial contra o consistorio para reclamarlle danos e prexuízos polas molestias ocasionadas.
______________________

Estimad@s ARTABR@S.- Estamos CONVOCAD@S para celebrar unha ASEMBLEA o vindeiro martes, día 30 ás 7,30 horas da tarde no Centro Cultural Municipal CARVALHO CALERO.

Unha primeira parte da ASEMBLEA será para debater os pontos da Orde do Día, e unha segunda parte para os pontos finais que analizaremos os cometidos e funcións da Plataforma que é necesario impulsar e mesmo ampliar ou abrila a novas incorporacións.

A maioría das organizacións e persoas que conforman esta PA21 estamos convencidos da necesidade de fortalecer e impulsar sua presenza ante posibles ameazas de actuación políticas inadecuadas, economicas ou contra o medio ambiente, entorno natural, actuacións sociais...etc., polo que debemos continuar preservando os intereses xerais de tod@s nos.

Non importa tanto o grado de implicación das distintas organizacións que xa teñen seu traballo interno e con dificultades por a falta de persoal, pois pensamos que a presenza de entidades e colectivos na PA21, a fortaleze .

Pensade tamén que un dos grande exitos da PLATAFORMA é o seu BLOG e as súas comunicacións, facendo das reivindicacións sociais un argumento que nos implica a tod@s.

Temos que facer unha REDE REIVINDICATIVA E SOCIAL QUE IMPLIQUE A TODA A ZONA NORTE DESTAS COMARCAS.

Debatelo dentro de vosas organizacións para pedir vosa entrada na PA21 coa garantía de ser totalmente democraticos e asemblearios nas tomas de decisións.

- Tamén hai sitio a título PERSOAL.

Sería máis facil CONFIRMAR a vosa asistencia.

xosé mel. - 649 024 612


XIV ASEMBLEA XERAL ORDINARIA

30 de Outubro de 2007

A Xunta Coordinadora da Plataforma Ártabra21, convócavos para unha ASEMBLEA XERAL ORDINARIA ás 7.30 h. da tarde, o martes día 30 de Outubro -07 no Centro Cultural CARVALHO CALERO.

Orde do día:

1 .- Lectura e aprobación , se procede, da ACTA da ASEMBLEA anterior.
2 .- Estado de contas.
3 .- INFORMACION XERAL.-
a .- LEIXA – MANDIÁ; SARTAÑA; RECIMIL; PRAZA DE SARTAÑA; PRAZA DE PORTA NOVA-PRAZA DEESPAÑA ; MENÁNCARO;
4 .- PLANTA DE GAS .-
5 .- INFORMACIÓN DA REUNIÓN EN COMPOSTELA DA REDE LITORAL VIVO O PASADO DÍA 20.
- REDE GALIZA NON SE VENDE
- MANIFESTACIÓN NACIONAL EN S. COMPOSTELA PARA O DOMINGO- 17 DE FEBREIRO -2008 .
6 .- INVITACIÓN A NOVAS INCORPORACIÓNS DE ORGANIZACIÓNS NA PLATAFORMA ÁRTABRA21.
- Próxima ASEMBLEA -
7 .- Suxestións e preguntas.

Ferrol a 23 de Outubro de 2007.

SAÚDE.


* A Xunta Coordinadora –
Asdo. Amadeo Varela, José R.Jove, Inácio Martínez, Xosé M. Sanxoán

_________________________

COMUNICADO DE PRENSA CON MOTIVO DO TERCEIRO MES DE PECHE NA CASA DO CONCELLO DE MUGARDOS

Con motivo do terceiro mes de peche no concello de Mugardos por parte das veciñas e veciños afectados pola localización da Planta de Gas Natural Licuado de REGANOSA no interior da ría de Ferrol, queremos mostrar a nosa máis enérxica protesta pola falta de interese que, desde a Xunta de Galicia estase tendo para connosco xa que, a día de hoxe, non houbo ningún movimento de achegamento por parte do bipartito que goberna Galiza con respecto ás entrevistas pedidas por este colectivo que tan exemplar e cívicamente está levando a cabo o peche.

Por outra banda dicir que houbo un comportamento totalmente diferente por parte dos organismos estatais dependentes do Ministerio de Industria, quen realmente teñen competencia para a autorización definitiva. Destes últimos se podemos dicir que canto menos, atenderon e escoitado as nosas peticións en diferentes reunións así como en varias conversacións telefónicas, dándonos unha idea moito máis positiva do seu interese puntual sobre a problemática do asunto que nos compete. Conversacións, por outra banda, enfocadas en todo momento a intercambiar información sobre os informes incompletos e os condicionados que se deron para obter a AUTORIZACIÓN ADMINISTRATIVA PREVIA do 2002 e de CONSTRUCIÓN do 2004 da xa mencionada Planta de Gas.

É por iso que, logo destes 92 días ininterrompidos de peche no concello de Mugardos esiximos, con máis forza que nunca, paralícese dunha vez por todas calquera actividade da planta de gas de REGANOSA xa que non reune as condicións para o seu funcionamento e, debido á súa localización, entre outras moitas causas, nunca poderá reunilas.

Recordar tamén que as obras ilegais hai que paralas antes de que poidan causar desastres irreversibles na sociedade.

Mugardos, 23 de outubro de 2007

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
_______________________

De:Platafoorma Veciñal "O Cruceiro de Meá"
ocruceiromeha@yahoo.es
Para: artabra21@gmail.com
Data: 21 de outubro de 2007 20:18
Asunto: Actuación para o 23 de outubro no terceiro mes de peche e artigo no xornal Galicia Hoxe



ACTUACIÓN NO CONCELLO DE MUGARDOS CON MOTIVO DO TERCEIRO MES DE PECHE

O martes día 23 de outubro ás 19:30 horas, actuarán Fran Rey ao piano e Germán Lamas, voz e Luis Cuba no baixo, solidarizándose deste xeito cos veciños e veciñas pechadas desde hai xa 3 meses no concello de Mugardos, en protesta pola localización da planta de gas de REGANOSA no interior da ría de Ferrol.

Agradecendo a todos e todas a vosa presenza enviámosvos un cordial saúdo.

VENCEREMOS PLANTA DA GAS FORA DA RÍA

Tamén leer a reportaxen que transcribimos máis abaixo, publicado no xornal Galicia Hoxe o domigo 21 de outubro de 2007.

grazas, unha aperta

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
______________


Mugardos
Reganosa, sen riscos ?

Os expertos desdín a empresa e recoñecen que os buques poderían ter problemas para saír en caso de emerxencia porque a entrada da ría é estreita e o calado limitado

REDACCIÓN . SANTIAGO 21.10.2007

Entrada dun buque gaseiro á planta regasificadora de Reganosa en Mugardos, na comarca de Ferrolterra FOTO: Kiko Delgado



Nos últimos meses a planta regasificadora de Mugardos sementou a polémica. E hai só cuestión de días as discrepancias en torno a Reganosa avivárona aínda máis se cabe.

Os medios galegos trasladáronlle á cidadanía un informe de seguridade que Reganosa lle entregou a Industria no que indicaba "a probabilidade coa que traballamos de que suceda un accidente grave é dunha nun millón de anos", sentenciaba a responsable de Seguridade e Medio Ambiente, Paula Pieroni, quen sinalou que a planta regasificadora xa implementou as medidas de seguridade necesarias para actuar.

Para verificar este sorprendente dato, Galicia Hoxe contactou cun inspector marítimo encargado de controlar a seguridade de todos os barcos e, entre eles, dos gaseiros.

O experto declara que na teoría un buque destas características non ten practicamente ningún perigo, sempre que cumpra as condicións que se lle esixen. É dicir, "se se traballa baixo unhas condicións normais, non ten porque pasar nada". Con todo, recoñece que o único inconveniente que presentan este tipo de buques xorde cando se descargan, non antes. "O risco de que haxa un rebentón está máis vixente cando os tanques están baleiros ou da metade para abaixo polo gas que queda dentro destes".

Despois de todas estas declaracións, o inspector marítimo confesa que "o risco en si non sería tan grave". Refírese ó porto de Ferrol, do que recoñece que ten unha entrada abondo estreita e un calado limitado. Continúa explicando que en caso de emerxencia o buque tería problemas para saír. E precisamente para evitar ese problema, a Capitanía Marítima de Ferrol pensou nunha alternativa que consiste en "ter preparado un remolque a proa e outro a popa, de modo que se hai algún accidente se achegaría un remolcador e engancharía eses remolques que están colgando para sacar e consegurirían así, levar o barco para fóra, para alta mar". "No caso de que houbera problemas coas mareas e, polo tanto, problemas de calado, pensaron noutra posibilidade", asegura. "Buscaron un lugar afastado da terminal, unha zona reservada e arredada da poboación. E arrimaríase o barco alí", expón.

Unha vez aclarado isto, reitera "o risco en si non sería tan grave". E compara esta situación coa refinería coruñesa e di "se vamos a poñer trabas, incluso a refinería ten os seus perigos porque como estes tanques estén medio vacíos e salte unha chispa rebentarían".


Un quecemento das augas que afectaría o marisqueo

Por outra parte, o experto cre que a preocupación dos mariñeiros é un posible quecemento das augas. É dicir, temen que as elevadas temperaturas do sistema de refrixeración da regasificadora de Mugardos alteren o ciclo natural de vida de todas especies acabando con elas e coa ría ferrolá a posteriori. O inspector entende os seus medos, aínda que engade que non se deben adiantar os acontecementos porque primeiro hai que estudar ata onde isto pode prexudicar a ría.


EN PRIMEIRA PERSOA

"A seguridade nos gaseiros é a mínima. Hai moitas neglixencias"

Un mariñeiro que estivo embarcado en gaseiros, asfalteiros e petroleiros durante máis de 15 anos explica que estes barcos teñen moitos riscos polo feito de que transportan mercancías perigosas. Pese a que explica que son buques moi seguros, está convencido de que os elevados perigos que se corren xorden a consecuencia de que non se aplican as medidas de seguridade que se lles esixe. Di que "isto funciona moi mal".

Por outra banda, confesa que os mariñeiros que coma el traballaron neste tipo de buques non son conscientes do perigo que iso conleva. "A xente que estamos dentro non sabemos o que é iso. Non che esixen nada e ignoras todo o que alí acontece". Continúa expoñendo que o día a día é moi duro. "Traballas as túas oito horas, pero estás pendente durante todo o día. Vaste para a cama pero non estás tranquilo. Sempre estás pendente. "Tes medo continuamente", di, pero tamén recoñece que cando xa levas moito tempo embarcado "te acostumas a que salten determindas alarmas a cotío. Pero cando realmente te preocupas é cando salta algunha que non o fixo nunca". Afirma que "a vida está continuamente en perigo" e que "cada vez peor", o que provoca que "te sintas impotente", engade.

De feito, relata que traballando nun asfalteiro explotou un tanque. "O fallo foi humano, dun soldador en concreto, e non do propio barco", conta. "Por sorte non houbo feridos. Non pasou nada", pero sabe que isto son avisos que un día se fan realidade. E cre que son mostras da cantidade de neglixencias que se cometen.


OS GASES

A perigosidade do metano

O técnico superior marítimo asegura que o butano é moito máis perigoso que o metano porque o primeiro se transporta a presión e en caso de fuga podería prender lume. No entanto, o metano sae cunha temperatura moi alta, polo que se iría conxelando e o perigo de que prendese lume é moito menor, explica.

A temperaturas moi elevadas

O experto asegura, doutra banda, que o metano ou tamén chamado gas natural se transporta a través de tanques con características moi especiais e superprotexidos, dentro dos cales as temperaturas son moi frías, xa que oscilan entre menos 160 ou 180 graos.

Recoméndase entrar neste enlace na edición dixital do xornal Galicia Hoxe pois podense leeerr e facer comentarios
_______________________

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 19 de outubro de 2007 19:04
Asunto: O lago das pontes


O lago das Pontes

A CERNA DO XALUNDES
O lago das Pontes
Marcelino Fernández Mallo
19/10/2007 - Vieiros

Como di meu pai, “o tempo pasa pero non o ves pasar”. Isto é o que pode ocorrer coa mina de lignito que explota Endesa en As Pontes a ceo aberto: tras trinta anos de extraer mineral para alimentar a súa central térmica, disque van deixar o lugar, máis ou menos, tal como o atoparon. Habemos ver.

O plan é pechar a chamada Mina do Tesouro o vindeiro 31 de decembro. A partir de xaneiro, e a través dun canal de 5.700 metros case rematado, a compañía eléctrica principiará a verquer no inmenso buraco auga procedente do río Eume. En total, serán 540 millóns de metros cúbicos que se transvasarán dende o leito fluvial durante catro anos ata formar o meirande lago artificial de Europa, o cal ocupará unha superficie de 8 quilómetros cadrados (así como a Illa de Arousa).

Nos últimos meses, escoitáronse voces supostamente autorizadas que defendían o lago artificial coma un auténtico dinamizador económico. Eu, agás a actividade previsible dun par de restaurantes durante as fins de semanas e o aluguer dunhas lanchas de pedais, non vexo qué outras actividades económicas se poden desenvolver a partir da nova lagoa. Os responsables do proxecto desvelaron hai pouco os plans para crear unha praia artificial, unha illa ornitolóxica e un peirao para embarcacións deportivas. Isto nun país, Galicia, con máis de 1.700 quilómetros de costa!

O transvase de auga presenta riscos importantes que paga a pena lembrar. Por suposto, o primeiro será o impacto sobre o propio caudal do río Eume e, consecuentemente, sobre a fauna e flora que vive no seu interior e na contorna. O segundo dos interrogantes será a calidade da auga que conforme o lago, pois o buraco que deixa a mina amosa unha alta presencia de pirita, mineral tóxico cuxo efecto se pretende minimizar cunha capa de arxila branca. O terceiro problema sería a contaminación por reborde das propias augas do Eume se finalmente se produce a acidificación do lago por mor da pirita. Por último temos a propia loxística da operación pois seica o seu éxito vai depender do ritmo do transvase, atopando opinións diferentes en función do técnico ou experto consultado.

Ante un novo macroproxecto de incertos efectos, altos custos e moi escasa produtividade previsible, propoñemos a seguir unha alternativa que se nos antolla máis coherente co feito a subsanar e, sobre todo, coas necesidades reais do país. Vexamos.


Visión Alternativa creadora de traballo e riqueza

As Pontes áchase a 40 quilómetros do porto exterior de Caneliñas. Logo ten unha evidente oportunidade para converterse nun importante centro loxístico. A súa localización implica unha fácil relación con sectores fundamentais para a economía galega como a construción naval, a pesca ou o agrogandeiro. A central de Endesa seguirá a funcionar a pleno rendemento pola importación de hulla asiática e polos investimentos comprometidos para abordar o ciclo combinado a partir do gas de Reganosa. As Pontes soa como posible destino da planta que veña substituír a amortizada factoría de Ence na ría de Pontevedra. Ademais, está a 25 quilómetros de Vilalba, logo terá conexión directa coas vías de alta velocidade (por estrada ou ferrocarril) do Cantábrico e de conexión coa Meseta. En resumidas contas, As Pontes reúne as condicións para virar nun dos centros neurálxicos da economía galega no inmediato futuro.

Por outra banda, Galicia leva sufrindo cando menos dez anos unha pésima planificación de solo industrial e un déficit importante de superficie nas áreas con maior potencial produtivo. A esta negativa circunstancia hai que engadir a ampla dispoñibilidade de terreo industrial no norte de Portugal a prezos extremadamente competitivos.

Por último, por máis ca o Conselleiro de Traballo insista no obxectivo do pleno emprego en tres anos, a teimuda realidade é que o noso país continúa a perder traballadores novos cada ano ao tempo que a taxa galega de actividade mantense sete puntos por debaixo da española, sendo a cuarta peor do Estado.

Así pois, se Galicia precisa crear máis postos de traballo dos que xera ao ritmo actual de actividade; se sofre unha persistente falta de solo industrial; se As Pontes supón unha localización con vantaxes salientables, e se a Mina do Tesouro carece, evidentemente, de calquera valor ecolóxico, se todo isto é así, alguén debería explicar de onde saíu a idea de asolagar oito quilómetros de solo aproveitables para usos industriais.

Por que non analizar unha opción que achegue un valor real ao noso país? Supoñamos que o lago dos oito quilómetros cadrados redúcese á súa oitava parte, co cal diminúen notablemente os riscos comentados ao comezo do artigo. Supoñamos que, por exemplo, outros dous quilómetros se deixan para zonas residenciais, de servizos (garderías entre eles) e de lecer. Supoñamos que se instala nalgún punto do lugar un centro especializado de servizos empresariais (ordenadores de gran capacidade, sistemas de xestión de telecomunicacións, asesoramento tecnolóxico, departamento de axudas...). Supoñamos que se destina o resto da superficie a grandes parques empresariais especializados en (sigo cos exemplos) loxística, enerxía e I+D enerxético, biotecnoloxía e innovación agrogandeira. Supoñamos que se reforza notablemente a OPYDE (oficina de desenvolvemento da bisbarra de As Pontes) con equipos expertos en cada un deses sectores apoiados con empresas consultoras do primeiro nivel en captación de proxectos de investimento. Supoñamos que se ofrece o solo industrial a 10 céntimos o metro cadrado (nada extraordinario tendo en conta que nestes momentos está prevista a inundación do terreo). Supoñamos que o Goberno galego entra en negociacións coas principais empresas europeas en cada un dos sectores definidos. Supoñamos que crea un gran fondo de investimento con capital propio máis as achegas das grandes empresas e dos grandes empresarios galegos, tanto os que están no país como os que andan por Cataluña, Madrid, México ou Brasil. Supoñamos que nos embarcamos nun gran proxecto de atracción de empresas de alto valor engadido e gran capacidade de creación de traballo e riqueza.

Un auténtico desafío. Complicado, evidentemente, pero se cadra, digno cando menos de estudar. Isto ou quedar mirando como van caendo os metros cúbicos de auga dende o río Eume ata o artificial lago das Pontes.

Enlace co artigo orixinal en Vieiros
___________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
________

Enlaces relacionados:

Xornadas: Restauracion Mina das Pontes, 2 de decembro

Recuperación da Mina das Pontes: A FGG lamenta que se conciba a solución de restauración dun complexo problema ambiental orixinando outro

Recuperación ambiental da Mina das Pontes: A FEG quere saír o paso das declaracións realizadas hoxe polo Conselleiro de Medio Ambiente

Guerrilleiros das Fragas rexeita o modelo de recuperación de Endesa
_________________________________

A Xunta Coordinadora da Plataforma Ártabra21, reunida na tarde deste día 17 de outubro-07, acorda emitir o seguinte comunicado.

A Plataforma Ártabra21, APOIA as demandas da SGHN nas súas reivindicacións para a cesión da CASA DO CORONEL, facilitándolle os recursos e necesidades propias, dentro do posible, para exercer o seu cometido.

Esta PA21 aceptará calquera outra solución que necesariamente teña a aprobación da SGHN .

A PA21 esixirá o máximo esforzo do Concello de Ferrol para que a SGHN quede instalada e situada na cidade de Ferrol, non admitindo baixo ningún pretexto a perda ou a marcha de nosa cidade.

Somos conscientes do recoñecido prestixio da SGHN, o significado e alcance da súa obra ligada a cidade de Ferrol polo que pedimos todos os esforzos ao Goberno Local para a consecución dos deus fins e obxectivos.

Ferrol a 17 de Outubro de 2007.

A Xunta Coordinadora.
Asdo. Amadeo Varela, José R. Jove, Bruno Lopes, J. Fernández, Xosé M. Sanxoán

A ilegal e perigosa REGANOSA, foi a anfitriona dun numeroso grupo de directivos de empresas ligadas ao gas. O propio "Diario de Ferrol" que non é sospeitoso de ser un opositor á planta regasificadora, o formulaba perfectamente na súa edición de hoxe, calificaba a reunión como unha especie de "benvida á familia". REGANOSA entra no clube gasístico internacional, pois necesita grandes apoios e avalales de corporacións empresariais, para homologarse ante a sociedade. Todo foron parabéns, os amigos de REGANOSA fixeron declaracións de apoio e valoración das excelencias da planta regasificadora, fruto de intereses económicos moi particulares e corrupción política. Non houbo sorpresas era o que agardabamos. Moitas son as plantas regasificadoras que teñen problemas coa sua localización e o cumprimento das normativas de seguridade, ...

O Comité Cidadán de Emerxencia para a Ría de Ferrol, quixo exteriorizar a súa oposición a esta perigosa planta de gas localizada dentro da pequena e angosta Ría de Ferrol, concentrandose diante do Edificio Administrativo da Xunta de Galicia e do Hotel onde se aloxan varios directivos do gas.



______
Fotos e video do compañeiro:

Amador Ferreiro Alvarez
aferreiroalvarez@yahoo.es
________________

Dúas varas de medir

No lugar do Ferrazo da Ría de Arousa, dende o ano 2000 están instalados uns depósitos de hidrocarburos líquidos con 80.000 toneladas almacenadas. Estas instalacións foron autorizadas no seu día pola Consellería de Industria.

De xeito similar ás instalacións de Reganosa na nosa ría, as de Vilagarcía teñen sido obxecto de rexeitamento e protestas populares, protagonizadas pol@s nos@s compañeir@s da Plataforma en Defensa da Ría de Arousa.

Ao igual que no noso caso, o Tribunal Superior de Xustiza de Galiza tense pronunciado en contra das instalacións, no caso de Vilagarcía nunha sentenza que anula a autorización administrativa da Xunta e ademais recoñece o perigo que supoñen os depósitos do Ferrazo para a Ría de Arousa e os seus habitantes.

Recentemente o actual Conselleiro de Industria, Sr Blanco, nunha visita a Vilagarcía manifestou con contundencia que a actividade dos depósitos do Ferrazo non podía seguir. Pero con iso o Sr. Fernando Blanco, a súa Consellería e o Goberno da Xunta amosan duas varas de medir.

Na Ría de Ferrol o complexo petroquimico chamado "Forestal del Atlántico" con 280.000 toneladas de combustibles líquidos e outros productos quimicos canceríxenos, mais a regasificadora de Reganosa con tanques que almacenan 300.000 toneladas de GNL e cos grandes buques gaseiros que entran a descargar, representa un perigo moito maior ao dos depósitos do Ferrazo en Vilagarcía, agrandado ademais polo feito de que os buques gaseiros a plena carga non teñen garantias de sair o mar en caso de unha emerxencia durante a descarga ou no seu tránsito polo interior da Ría de Ferrol.

No caso de Reganosa o TSXG emiteu duas sentenzas que anularon a tramposa tramitación ambiental feita pola Xunta de Galicia no ano 2001 , pero a firmeza de ditas sentenzas está atrancada porque no ano 2004 e no ano 2006 foron recurridas o Tribunal Supremo por Reganosa e tamen pola Xunta de Galicia.

Todo isto amosa que o Sr. Blanco, o goberno da Xunta e os partidos que o sosteñen non teñen un proxecto de país, pois aquí din isto e alí aquilo, aquí coa participación do 10% en REGANOSA ameazan a vida human e a riqueza marisqueira da Ria, mentras que alí actúan logo dunha sentenza xudicial. Nen sequera son quen de recibir @s veciñ@s de Meá, que levan case 90 días de peche. O Conselleiro Fernando Blanco, ao igual que todo o goberno da Xunta, debe saber que o verdadeiro cambio non é o de unhas persoas por outras. O verdadeiro cambio é a erradicación da prepotencia e a arbitrariedade con un proxecto coherente de país.

Saudamos este éxito da poboación de Arousa, que é de tod@s e manifestamos a nosa confianza e determinación na consecución dos nosos obxectivos.

PLANTA DE GAS FORA DA RÍA !

Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org
___________

Sesión fotográfica a mesma escala das rías de Arousa e Ferrol

[Clicar acima das imaxens para ampliar]

Fotográfias de satélite, a mesma escala, das instalacións de Ferrazo e REGANOSA

[Clicar acima das imaxens para ampliar]

Outras fotografias de interese, con detalles da situación das instalacións, tanto a de Ferrazo en Vilagarcia, como a de Reganosa e as poboacións do contorno da Ría

[Clicar acima das imaxens para ampliar]

_______________
Enlaces Relacionados:

• Sobre as inconsistencias do BNG
  

• Industria non recorrerá a sentenza que anula os permisos de Ferrazo
  
  
• Outra sentencia do TSXG, contra Reganosa
  
  
• A Xunta de Galicia no debe apoiar a Reganosa na sentencia 606/2006 del TSXG
  
  
• De interes xeral que o BNG sexa coherente en Ferrol Terra
  

• Segundo unha sentenza do Tribunal Supremo terán que pechar, ou ser trasladados, os depósitos de hidrocarburos instalados en Ferrazo, na Ría de Arousa
  
  
• Lourizán, Mugardos e O Ferrazo: feridas abertas
  
  
• Un futuro para os depósitos
  

________________

Manipulación e Belas Artes
15.10.2007
X.L. Méndez Ferrín

Hai unha semana lía no grande xornal madrileñista de Arteixo unha noticia de oito ou dez liñas nas que se daba conta de que un barco gaseiro entrara na ría de Ferrol para despachar a súa mercadoría na planta de Mugardos e que, en consecuencia, trescentas persoas, ben contadas ao parecer polo corresponsal anónimo, nin unha máis nin unha menos, se manifestaron contra tal tránsito e contra tal actividade insalubre e perigosa para a seguridade dos seres humanos. Estas poucas liñas facían mención lacónica de que un grupo de veciños (non mencionaba o protagonismo dos de Meá ou Mehá) leva 76 días de encerramento na casa do concello de Mugardos en protesta contra a emprazamento da planta regasificadora do, ao parecer todopoderoso, señor Tojeiro dentro da Ría. Parco pero certo. Ora si, no mesmo número do mesmo xornal coruñés de que falamos, vimos que a información de poucas liñas sobre a planta de Reganosa viña seguida de oito ou dez páxinas completas, entre as cales unha de publicidade aberta da citada Reganosa , pre-enchidas de brillante prosa e brillante despregue fotográfico sobre a candidatura da parte dazaoitesca de Ferrol á condición de Patrimonio da Humanidade, que é cousa que nunca certei a saber en que consista. (Deixemos, por hoxe, sen considerar o desprezo que os políticos de Ferrol demostran, desde sempre, polo seu casco histórico medieval, máis ben invilecido, e que só teñan ollos para o Ferrol militar borbónico e producto do Despotismo Ilustrado).

Tamén eu gosto do Ferrol do século XVIII, home non. Pro iso non me impide observar que o xornal de que falamos utilizou a imaxe e o esplendor da enxeñaría e a arquitectura neoclásica emanada da razón cesarista borbónica para ocultar que o medio ambiente, a salubridade e a vida das persoas están ameazadas realmente pola planta regasificadora de Reganosa dentro da Ría cando onda no Prioiriño Pequeno (o de "Chico" vén do Ministerio da Mariña, Madrid tamén) hai sitio dabondo para a súa instalación. A beleza, a proporción, a severidade, a grandeza do espírito militar neoclásico constituiron no seu día atributos a un tempo utilitarios e belos, por non dicer funcionais, dunha cidade-enclave estretéxico do Despotismo absolutista. Hoxe, ese Ferrol de pedra clasicista está a servir como pantalla de distracción destinada a ocultar o Ferrol e os núcleos de poboación da ría que leva o seu nome onde que viven seres humanos que se sinten ameazados por unha fábrica de gas que pode ocasionar unha catástrofe. Se eu fose profesor de xornalismo, sen dúbida daría unha clase práctica sobre manipulación da opinión baseándome nas páxinas do xornal que provocaron esta columna. A Historia da Arte ao servizo da ocultación da realidade, titularíase a lección.

Lean o libro Muros de silencio. Corrupción e ameaza na Ría de Ferrol, por Enrique Barrera Beitia e Manuel Ángel Rodríguez Carballeira. Procúrenno na Asociación Cultural Fuco Buxán de Ferrol porque é duro de o atopar por aí xa que, dalgunha maneira, é un libro prohibido polo poder realmente existente. Demasiados intereses políticos e económicos pesan sobre o asunto da gaseira de Mugardos. De momento, a colusión entre PP, PSOE e BNG coincide en todo co espírito demostrado no Hórreo por estas tres forzas para designar un Valedor do Pobo de quen imos ter que velarnos.
_________________
Nota.-
Xosé Luís Méndez Ferrín (Ourense, 7 de setembro de 1938) é un escritor galego amplamente recoñecido como o máis importante e representativo da literatura galega contemporánea.
___________________

De: Fusquenlla
-fusquenlla@sospontedeume.com-
Para: artabra21@gmail.com
Data: 16 de outubro de 2007 19:57
Asunto: Reunión en Santiago




Lembrámosvos dende "Rede Litoral Vivo" que se celebrará unha reunión o próximo sábado, 20 de outubro, en Compostela. Pregámosvos, aos que teñades páxina web, que anunciedes amplamente a convocatoria.

O movemento que o 6 de maio se aglutinou arredor do lema "Galiza non se vende" segue vivo e non renuncia a conseguir un cambio de rumbo na andaina depredadora de certas empresas.

O desenvolvemento industrial e económico non é tal se non vai acompañado dunha protección eficaz das nosas rías, da terra e do aire que respiramos. Por estas razóns, a Rede Litoral Vivo, na que se integran máis de vinte asociacións ecoloxistas, chama a unha xuntanza que se celebrará o vindeiro sábado día 20 ás 12 h. na Galería Sargadelos de Compostela.

Pregamos a asistencia de todos os colectivos cidadáns, organizacións ecoloxistas, representantes da cultura e calesquera cidadáns que sintan a necesidade ineludíbel de opoñerse á perda do privilexiado hábitat galego, o que mellor define a nosa identidade.

http://www.sospontedeume.com/
_______________

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 16 de outubro de 2007 22:10
Asunto: 2º comunicado de hoxe.


COMUNICADO DO COMITÉ CIDADÁN DE EMERXENCIA PARA A RÍA DE FERROL

Hoxe 16 de Outubro, seguindo a convocatoria do Comité Cidadán de Emerxencia, unhas 300 `persoas concentráronse no Peirao de Curuxeiras a partir das 19 horas, agardando o segundo intento de entrada, nesta xornada, do 9º buque gaseiro que arriba a Reganosa – o Cádiz Knusten" que, cargado de 138.000 m3 de GNL, foi recibido cunha sonora e longa protesta.

Unha vez mais, este Comité Cidadán, quere facer púbrica denuncia do perigo a que se está a someter á poboación de Ferrolterra coa ubicación da planta no interior da Ría e o tránsito por ela, o pé das nosas casas e das nosas vidas, dunhos gaseiros que xamais cumplirán os condicionados de seguridade.

Nesta ocasión, fracasado o primeiro intento polas condicións climatolóxicas – cunha visibilidade de 1000 metros por debaixo do normativo – e sin que os modernos medios de auxilio a navegación, subministrados por Reganosa nún alarde mediático, lles foran suficintes, forzaron temerariamente o segundo intento, en condicións de calado extremo e nocturnidade, o límite do establecido na normativa de navegabilidade, co consentimento e complicidade da Autoridade Portuaria.

Novamente este Comité Cidadán reafírmase na necesidade de seguir loitando – con tódolos medios legais o noso alcance - pola nosa vida, o noso patrimonio e a riqueza da Ría de Ferrol.

¡¡¡ PLANTA DE GAS FORA DA RÍA ¡!!

Ferrol, 16 de Outubro de 2007

Comité Cidadán de Emerxencia para a Ría de Ferrol

comitecidadan@gmail.com
http://comitecidadan.org
___________________
Enlaces relacionados:

• Concentración, este martes 16 de Outubro, para protestar pola entrada na Ría dun novo buque con GNL, para a ilegal e perigosa REGANOSA
  
  
• O "Cádiz Knutsen", non puido entrar na Ría por mor da néboa, vaino intentar hoxe á tarde: concentración ás 7 da tarde no Porto de Ferrol

__________________

No momento máis quente da loita cidadá "Planta de Gas Fora da Ría", a Asociación Cultural Fuco Buxan, editou o libro "Muros de Silencio", escrito colectivamente polos membros do Comité Cidadán de Emerxencia para a Ría de Ferrol:
·Carmelo Teixeiro Menéndez
·Enrique Barrera Beitia
·M. Angel Rodríguez Carballeira

Lamentamos que o libro non foxe escrito na nosa lingua propia, o galego, nen nos convencen as razóns que se diron para elo [puideron-se escoller outras alternativas], mais non por iso non deixa de ser un importante documento para entender, o porqué e o como puideron instalar a planta regasificadora dentro da Ría de Ferrol, sobre a corrupción subxacente e a ameaza que significa para a saúde ambiental da Ría e a vida da poboación que vive no seu contorno.

Podedes conseguir este libro, nas librerias e papelerias da comarca ou poñendo-vos en contacto coa asociación en: Apartado de Correios, 240.
Ferrol 15400. Galiza
Tlfn. 981.325.492
fucobuxan@yahoo.es
http://www.fucobuxan.com/
----------------------
Artigo de Manuel Rivas, no xornal El País [25.05.2007]
"Os Muros de Silencio"
______________

De: Homes Galegos pola Igualdade
homesgalegospolaigualade@yahoo.es
Para: artabra21@gmail.com
Data: 16 de outubro de 2007 22:46
Asunto: HOMES GALEGOS POLA IGUALDADE: CONCENTRACIÓN CONTRA A VIOLENCIA MACHISTA - 21 OUTUBRO - SANTIAGO DE COMPOSTELA


HOMES GALEGOS POLA IGUALDADE:
CONCENTRACIÓN CONTRA A VIOLENCIA MACHISTA
- 21 OUTUBRO -
SANTIAGO DE COMPOSTELA

COLABORA PARTICIPANDO E DIFUNDINDO ESTA MENSAXE, É UN SINXELO PERO IMPORTANTE PASO PARA RACHAR COA VIOLENCIA

Homes Galegos pola Igualdade, convoca a toda a sociedade galega á

CONCENTRACIÓN CONTRA A VIOLENCIA MACHISTA

Domingo 21 de outubro ás 12:00 h., na Praza do Toural en Santiago.

A violencia masculina contra as mulleres ten unha magnitude inaceptable, milleiros de mulleres maltratadas e decenas de mulleres mortas se repiten anualmente, o que supón un ataque intolerable aos dereitos humanos e as liberdades democráticas no noso país.

Quenes cremos na xustiza social e na igualdade, temos a obriga moral e política de esixir unha resposta firme ás nosas institucións, pero tamén temos a obriga de apoialas e poñer todos os recursos que estean ao noso alcance.

É preciso que toda a sociedade participe activamente no cambio da xerarquía de valores, é necesario que non calemos, que nos fagamos responsables, xa que o silencio fainos cómplices de que esta situación se perpetúe.

Nese día Sevilla, Madrid, Barcelona, Málaga, León, Santiago, e posiblemente outras cidades estarán unidas por un mesmo obxectivo, por unha mesma causa.

Dende aquí, Homes Galegos pola Igualdade, convoca a toda a sociedade galega a unha concentración o Domingo 21 de outubro ás 12:00 h., na Praza do Toural en Santiago.

Na que invita á participación activa, ás persoas responsables políticas de Galicia que cada día máis introducen a perspectiva de xénero nas súas axendas, ás asociacións de mulleres que traballan dende hai décadas pola erradicación da violencia e o apoio ás vítimas, ás persoas que dende os seus entornos de traballo (Medios de comunicación, Universidades, Concellos, centros educativos, CIMs, Xulgados, Servizos Sociais, as Forzas e Corpos de Seguridade, etc) que todos os días poñen o seu gran de area, nesta, cada día máis tupida rede de persoas que loitan contra a violencia.

Pero particularmente queremos incentivar a participación dos homes que asumen o compromiso de enfrontarse a calquera conduta que supoña desconsideración ou maltrato de calquera tipo cara as mulleres e cara a infancia, porque somos os homes os primeiros que temos que rachar coa complicidade que temos cos homes que exercen violencia.

Grazas, vémonos en Santiago.


Cómo criar un grupo de homes profeministas?:

Homes Galegos Pola Igualdade

Avda. Buenos Aires, 26 – 1º
36500 Lalín (Pontevedra)

Tels.: 661 181 725 – 609 827 021 - 619 861 242
609 276 501 - 661 582 721

correio-e:
homesgalegospolaigualade@yahoo.es
_______________

Urxente:
A néboa aliada da cidadanía e do Comité Cidadán

Hoxe Martes 16 de Outubro, o gaseiro non puido acceder ó interior da Ría de Ferrol, por facerse imposible a navegación na mesma por estar pechada de néboa.

O que por si mesmo denuncia o engano que pretende Reganosa, cando nos dí que con modernos GPS podese entrar e saír da ría sen problemas.

Este feito ratifica as posicións mantidas polo Comité Cidadán, da singularidade da Ría de Ferrol e da ameaza que supón para a población a ubicación da Planta de Reganosa no interior da Ría, e a entrada de gaseiros. Plantexando ás Administracións competentes que non deben otorgar a licencia de explotación comercial á Planta. E asemade suspende-la entrada ilegal dos buques gaseiros cargados de GNL.

O Comité Cidadán de Emerxencia, CONVOCA A TODA A CIDADANÍA , para ás 7 desta tarde no Peirao de Curuxeiras, para desenvolver unha cacerolada de protesta contra a ilegal e perigosa entrada do “Cádiz Knutsen”.

PLANTA DE GAS FÓRA DA RÍA DE FERROL!

Comité Cidadán de Emerxencia para a Ría de Ferrol

Novo correio-e do Comité:
comitecidadan@gmail.com
Web do comité:
http://comitecidadan.org

------------------
Enlace Rrelacionado
_______________

__________

Comunicado:

En reunión celebrada hoxe 13 de outubro o Comité Cidadán de Emerxencia para a Ría de Ferrol acordou dirixir a cidadanía a seguinte convocatoria dunha CONCENTRACION - CAZOLADA, este Martes 16 de Outubro, ás 8 da mañá no Porto de Ferrol. Para rexeitar a entrada na nosa ría dún novo gaseiro "Cádiz Knutsen", cara a ilegal e perigosa Planta de Gas, que arribará coa primeira pleamar diurna ás 8,15 horas. Sobre ás 9 da mañá, a protesta trasladaráse ante o Edificio Administrativo da Xunta de Galicia na Plaza de España. É importante asistir con elementos de percusión, camisetas, bandeiras, buzos blancos, ….

Unha vez máis estase a poñer en perigo as nosas vidas, a riqueza da nosa ría e os seus postos de traballo, polo inadecuado asentamento dunha Planta incapaz de cumplir os condicionados legais de seguridade.

PLANTA DE GAS FORA DA RIA!!

Comité Cidadán de Emerxencia para a a Ría de Ferrol
http://comitecidadan.org

________________
O 14 de Xullo pasado o buque gaseiro "Cádiz Knutsen ", estaba atracado no peirao que ocupa ilegalmente REGANOSA en Punta Promontorio, descargando GNL, cando ao mesmo tempo REGANOSA realizaba o verquido de sopa química na nosa Ría.


Este buque vai ser a terceira vez que entre na Ría con a súa perigosa carga e con este van ser 9 os buques que están introducindo GNL en REGANOSA [sobre 1.240.000 m3 de GNL], no seu sexto mes de funcionamento en probas. Que probas son estas sen acta de funcionamento, con dúas sentencias do TSXG que anulan a tramitación da avaliación de impacto ambiental, sen implantar un Plano Exterior de Emerxencias, cunha planta regasificadora que incumple as normativas europeias e estatais de seguridade e medioambientais, planta de gas construida ao amparo dunha perversa corrupción política e que baixo o engano de "industria estratéxica e de interese xeral" so se esconde un ineteresse económico moi particular... e os políticos que supostamente nos representan e as diferentes administracións [central, autonómica e local] quedan de brazos cruzados ou mais ben avalan este despropósito.

Acta de funcionamento, non !

Esixamos responsabilidades !

Non a REGANOSA !

Non aos políticos corruptos !

Planta de Gas Fora da Ría !

Todas e todos ás Concentracións !

Martes 16 de Outubro:

* Ás 8 da mañá no Porto de Ferrol

* Ás 9 da mañá diante do Edificio Administrativo da Xunta de Galicia

____________
Características do Buque:

O Metanero Cádiz Knutsen.

Propiedade de Union FENOSA, o metenero Cádiz Knutsen comezou a navegar no mes de xuño de 2004, unha vez superadas as probas de mar e de gas. O buque está destinado ao transporte de gas natural licuado a baixas temperaturas, “-163ºC”, ten unha capacidade de 138.000m3, mide 284,40 metros de eslora e desenvolve unha velocidade máxima de 19,5 nós. É o segundo dos construídos no estaleiro Puerto Real e supuxo máis de 1.750.000 horas de traballo. O gasero pertence á flota que UNION FENOSA contratou para transportar gas natural licuado (GNL) desde a planta de licuefacción que constrúe no porto exipcio de Damietta.

O buque necesita ao redor de 15 días para efectuar unha viaxe Exipto - Ferrol - Exipto navegando á velocidade de deseño, ou preto de 10 días se a descarga prodúcese na terminal de Sagunto. A flota de UNION FENOSA conta con outro metanero de 140.500 metros cúbicos.

- "Cádiz Knutsen" Buque metanero de Unión FENOSA Gas.
- Construido en IZAR Puerto Real (Cádiz)
- Eslora: 284,40 m. Manga: 42,50 m. calado: 11,33 m.
- Capacidade: 138.000 m3 de GNL
- Velocidade en servizo: 19,5 nós
- Tripulación: 40 persoas
- Potencia: 28.000 kW a 83 rpm xerados por unha turbina de vapor tipo Kawasaki-IZAR, fornecida pola Fábrica de Turbinas de IZAR situada en Ferrol.
_______________

No momento máis quente da loita cidadá "Planta de Gas Fora da Ría", a Asociación Cultural Fuco Buxan, editou o libro "Muros de Silencio", escrito colectivamente polos membros do Comité Cidadán de Emerxencia para a Ría de Ferrol:
·Carmelo Teixeiro Menéndez
·Enrique Barrera Beitia
·M. Angel Rodríguez Carballeira

Lamentamos que o libro non foxe escrito na nosa lingua propia, o galego, nen nos convencen as razóns que se diron para elo [puideron-se escoller outras alternativas], mais non por iso non deixa de ser un importante documento para entender, o porqué e o como puideron instalar a planta regasificadora dentro da Ría de Ferrol, sobre a corrupción subxacente e a ameaza que significa para a saúde ambiental da Ría e a vida da poboación que vive no seu contorno.

Podedes conseguir este libro, nas librerias e papelerias da comarca ou poñendo-vos en contacto coa asociación en:

Apartado de Correios, 240.
Ferrol 15400. Galiza
Tlfn. 981.325.492
fucobuxan@yahoo.es
http://www.fucobuxan.com/
----------------------
Artigo de Manuel Rivas, no xornal El País [25.05.2007]
"Os Muros de Silencio"
______________

O xornal comarcal, "Diario de Ferrol", publica hoxe sábado, 13 de outubro de 2007, unha importante reportaxen sobre a vivenda en Ferrol, o compañeiro dea PA21 e agora concelleiro responsábel da area de obras, Vivenda e Rehabilitación do Concello de Ferrol, pretende abordar un asunto de vital importancia para a cidade, o problema da vivenda. O concelleiro Miguel Reimundez considera necesario conter a construción de vivenda nova en favor da rehabilitación, para permitir a reutilización de inmobles en desuso, e a activación do mercado de aluguer. Polo interese desta reportaxen realizada por David Rubial García, transcribimos unha parte da mesma e amosamos os enlaces na versión dixital do mencionado xornal.


A metade das vivendas baleiras localízanse en Ferrol
A área municipal de Vivenda e Rehabilitación, dirixida por Miguel Reimúndez, ultima un diagnóstico sobre a situación do sector inmobiliario no municipio. Os primeiros datos deste informe, no que se cruzan e recompilan datos do Instituto Nacional de Estatística e do Ministerio de Vivenda, revelan a elevada porcentaxe de casas deshabitadas que se localizan no municipio, así como o seu deficiente estado de conservación. En función deste estudo, o edil de EU considera necesario conter a construción de vivenda nova en favor da rehabilitación, para permitir a reutilización de inmobles en desuso, e a activación do mercado de aluguer.

DAVID RUIBAL GARCÍA > FERROL

O Concello de Ferrol traballa na elaboración dun estudo sobre a situación do sector inmobiliario no municipio no cal constátase que no centro urbano de Ferrol hai un total de 7.599 vivendas sen habitar. Esta cantidade representa o 50% dos case 15.000 inmobles desocupados que suman exístenos nos concellos veciños da ría. Ademais, boa parte deses pisos baleiros -o informe dálle unha porcentaxe do 30%- ten máis de cincuenta anos de antigüidade, circunstancia que inflúe de xeito decisivo en que presenten un deficiente estado de conservación.

O concelleiro de Vivenda, Miguel Raimúndez, remóntase aos anos 70, 80 e 90 para explicar estes datos. "Nesa época -di- a oferta de vivendas non era quen de cubrir a demanda e é entón cando á iniciativa pública constrúe Caranza, primeiro, e despois Esteiro, producíndose un transvasamento de poboación entre as vivendas vellas e as novas". A primeira consecuencia deste movemento "é ou baleiramento do parque de vivenda máis antigo, antes cheo por necesidade, que se abandona buscando mellores condicións de habitabilidade", apunta o edil. Reimúndez argumenta esta conclusión noutro dato que extrae do observatorio municipal: "do total dás vivendas baleiras na cidade tan só 15,34% foron construídas na década dous anos 90", todas elas pódense considerar en óptimas condicións de mantenimento e, polo tanto, en disposición de ser ocupadas.

Rehabilitación > Para o concelleiro o problema radica nas vivendas deshabitadas, a maioría de máis de 50 anos de antigüidade, e que se atopan en mal estado. Segundo o estudo urbanístico do Concello, neste apartado englóbanse ao redor de 2.500 pisos, e estes son sobre os que desde o departamento municipal que dirixe o edil de EU cre que debería desenvolverse algún tipo de actuación que posibilite o seu regreso ao mercado, ben de venda ou de aluguer. Trataríase, indica Reimúndez, de "activar un parque inmobiliario hoxe durmido,e así atraer poboación".

Das 36.000 vivendas que forman o parque ferrolán, un 20% -máis de 7.500- non teñen inquilinos, razón pola que este responsable local aposta -fronte a novos desenvolvementos urbanísticos- por "promover paquetes de rehabilitación ou de renovación, tanto en cascos históricos como fose deles, que permitan reutilizar a vivenda xa construída". Así, mostrouse a favor dunha "política de contención" que reduza o número de novas construcións.

O Concello retoma a ordenanza de inspección técnica de edificios
O goberno local quere implantar o próximo ano unha ordenanza que obrigue a realizar inspeccións nas edificacións máis antigas para comprobar o seu estado e evitar accidentes derivados da súa deterioración. O Colexio de Arquitectos traballa no contido da normativa.

Os arquitectos consideran "imprescindible" a nova normativa
O edil delegado de Vivenda mantivo varios encontros coa delegación ferrolá do Colexio Oficial de Arquitectos de Ferrol (COAG) para avanzar na normativa sobre a inspección técnica de edificios. A súa presidenta, María Fernández Lemos, considera que esta ordenanza "é imprescindible nunha cidade como Ferrol, cun importante casco histórico no que se localizan aínda bastantes vivendas anteriores a 1900".

O 25% das casas deshabitadas en Narón construíronse nos anos 90
O mapa de vivendas que resulta do concello ferrolán pon en evidencia a perda de poboación que experimenta a cidade desde os anos 80, de aí a elevada porcentaxe de pisos deshabitados que se localizan no municipio. Hai tres factores que, en opinión do edil de EU, Miguel Reimúndez, causan a proliferación de inmobles baleiros: "a perda demográfica do conxunto dá área urbana e a produción desmesurada de vivenda nova fora do alcance dúas ferroláns, sobre todo na última década, que provocou ou transvasamento de poboación de Ferrol a Narón".

Enlace coa noticia orixinal
__________________________________

Este sábado, 13 de outubro, ás 11 da maña, nos locais do Ateneo ferrolán, terá lugar unha reunión da Mesa de Traballo do Comité Cidadán de Emerxencia para a Ría de Ferrol, ante o anuncio de que este martes pola mañá [16 .10.2007], agarda-se a chegada dun novo buque gaseiro, cargado co perigoso GNL. este buque, que fai o 9º, pretende entrar na angosta Ría ferrolán, para descargar o gas, na ilegal planta regasificadora que REGANOSA construíu dentro da pequena e angosta Ría de Ferrol, en Punta Promontorio, no concello de Mugardos.

DESPOIS DA REUNIÓN DAREMOS CONTA DO ACORDADO.

POLO QUE HABERÁ QUE ESTAR ATENTOS ÁS MEDIDAS DE TIPO XURÍDICO-ADMINISTRATIVAS E MOBILIZACIÓNS CIDADÁS QUE SE ACORDEN.

____________________

As loitas contra os despropósitos gasísticos, a corrupción e os intereses económicos particulares das multinacionais e burguesías locais que os acompañan, exténdense por todo o planeta
_____________________

De: Ferrol CAPE -ferrol.cape@gmail.com-
Para: artabra21@gmail.com
Data: 12 de outubro de 2007 13:56
Asunto: As loitas contra os despropósitos gasísticos, a corrupción e os intereses económicos particulares das multinacionais e burguesías locais que os acompañan, exténdense por todo o planeta


AS PROTESTAS CIDADÁS CONTRA AS PLANTAS DE GNL -
NON SE DESENVOLVEN SÓ EN FERROL

OBSERVATORIO DO GAS NATURAL LICUADO (GNL)

Con obxecto de informar a aqueles que manifestan que o Comité Cidadán de Emerxencia empobrece a imaxe de Ferrol coas súas accións (lexítimas) de protesta contra á localización da planta de gas de Mugardos, emitimos hoxe unha listaxe sobre as accións recentes realizadas por outros cidadáns e asociacións doutros lugares afectados polas perigosas localizacións de plantas de GNL.

A National Marine Fisheries Service (NMFS) (Servizo Nacional de recursos pesqueiros) informou do impacto significativo, adverso e acumulativo que suporía para os recursos de pesca se a planta de GNL de BIENVILLE (no Offshore de Alabama e a 62 millas mar dentro) utilizase o sistema de regasificación do GNL con auga de mar. (COMO EN FERROL)
12 – 10 - 2007

http://www.energycurrent.com/


O Comité Cidadán de nome TAN (Texada Action Now) da Illa de Texada (Canadá) esixe un referendo para que a cidadanía opine sobre a localización na illa dunha planta de GNL.
20 – 9 - 2007

http://www.zwire.com/


O Concello de Oxnard (California) insiste de novo que non quere plantas de gas (GNL) na súa costa. Informa que miles de cidadáns da súa cidade están convencidos que son daniñas para o medio ambiente e moi perigosas. (NESTA CIDADE XA SE REALIZO HAI TRES ANOS UN REFERENDUM POR OUTRA PLANTA DE GNL)
10 – 10 – 2007

http://www.venturacountystar.com/


Os cidadáns de Chuck Chlidress (Canadá) non queren que os gaseros pasen pola súa ría cara ás plantas de de GNL de EE.UU. Din que a mestura de políticos con Gas Natural Licuado (GNL) é INESTABLE .
11 – 10 – 2007

http://thetyee.ca/


O goberno de Canadá informa que non permitirá que os gaseros pasen polas súas rías levando gas natural licuado cara ás plantas de GNL de MAINE ( EE.UU.) xa que presenta RISCOS para a poboación que non pode aceptar. (Na ría de Ferrol tamén é perigoso segundo asegurou D. Francisco Alvarez-Cascos Fernández, Ministro de Fomento, en data 21 maio 2001)
10 – 9 – 2007

http://www.energycurrent.com/


O goberno italiano suspendeu o decreto de autorización da construción da Planta de GNL de British Gas na cidade de BRINDISI. Realizáronse demasiadas irregularidades con implicacións de políticos famosos. (Situación e historia moi similar á planta de Mugardos)
6 – 10 – 2007

http://investing.reuters.co.uk/


Os opositores á planta de RABASKA (Canadá) atoparon un novo aliado no goberno provincial ao considerar que a localización da planta dana os cultivos agrícolas da zona e atrasando de novo a súa autorización.
5 – 10 – 2007

http://www.canada.com/montrealgazette/


Os residentes dos Condados de Malibú e de Ventura (EE.UU.) expresaron dúas veces nunha semana a súa oposición a unha nova planta de GNL de nome CLEARWATER PORT situada 35 millas mar dentro.
Outubro 2007

http://malibusurfsidenews.com/

http://www.venturacountystar.com/


A empresa NATIONAL GRID anuncia que abandona o seu proxecto de planta de GNL en Providence ( EE.UU.). Logo dunha batalla de 4 anos, triunfan as alegacións dos cidadás e asociacións da zona.
3 – 10 2007

http://www.projo.com/


Para os NON seguidores desta problemática, informámoslles que os cidadáns de VALLEJO, OXNARD, MOREHEAD CITY, TIJUANA, MONFALCONE, BRINDISI, HARPSWELL, EUREKA, MALIBU, PROVIDENCE, LONG BEACH e GALVESTON, entre outras, xa conseguiron CANCELAR as plantas de GNL próximas ás súas cidades.

Seguen as accións opositoras nas cidades de FALL RIVER, BRADWOOD, COOS BAY, BAHAMAS, BANGOR, PETERBOROUG, DUNDALK, BOSTON, WARREN, FAIRFIELD, BILOXI, LONG ISLAND, NORWALK e EUGENE en EE.UU. VANCOUVER e NEW BRUNSWICK en Canadá. DAMPIER en Australia. TARANTO, ROSIGNANO, ZAULE-TRIESTRE e VIGATA-SICILIA en Italia. MILFORD HAVEN en Reino Unido.

¡PLANTA DE GAS FORA DA RIA!

Edita e envía o Colectivo universitario opositor á planta de gas natural licuado (GNL) da Ría de Ferrol.

Planta de Gas fora dá Ría!

DIFUNDE ESTE COMUNICADO E VISITA A NOSA WEB
http:// www.f-cape.org
_________________
O blog www.f-cape.org (ferrolterra-Cidadáns Aliados para Protexer a súa Contorna) xorde pola SEN RAZON de políticos, especuladores e "técnicos competentes" que, debido aos seus intereses persoais, deciden situar unha peligrosísima planta de REGASIFICACION de Gas Natural Licuado na Ría de Ferrol. Este blog non é político nin ten relación algunha con persoas, entidades ou partes interesadas. O único interese na realización do blog está referido aos artigos 43 e 45 da Constitución Española pois nos preocupa a nosa seguridade e a da nosa familia.
___________________________________

Na península e Canarias hai outras loitas:

• Plataforma en Defensa de las Terres del Sènia - Países Cataláns
  
  
• A luita contra a Planta de Gás de Vinaròs - Alcanar
  
  
• Planta de GNL en Granadilla - Tenerife
  
  
• Planta de Gas Natural Licuado en Arinaga - Patinegro
  
  
• Salvemos Arinaga - Ben Magec-Ecologistas en Acción de Canarias

_________________________

Este é un artigo que escribiu Juanjo, un compañeiro canario comprometido na loita pola necesidade do aforro enerxético e a agricultura ecolóxica, no que compara a regasificadora de Ferrol coas dúas que están proxectadas para Canarias.
20 agosto 2007 12:13

GRANADILLA E ARINAGA SON FERROL

A loita contra as plantas de regasificación en terra de gas natural licuado que están proxectadas para Granadilla e Arinaga ten moito, moito que ver coa que se libra en Galiza contra a xa construída en Mugardos, próxima ao Ferrol. Esta regasificadora está en probas e por agora entraron catro buques gaseros (o último onte día 17 de agosto de 2007) con forte movemento social en contra e a oposición dos mariscadores da ría do Ferrol, que montan barreiras cos seus barcos para impedirlles a entrada. Algunhas circunstancias da regasificadora do Ferrol son parecidas ás das dúas regasificadoras canarias en proxecto.

A regasificadora dista poucos metros das casas do pobo de Mugardos, está a 900 metros dunha base naval e a pouco máis de 1000 metros da cidade do Ferrol, de 100.000 habitantes. A proxectada en Granadilla dista das Maretas (Arico), con 3.000 habitantes, tan só 500 mts.; da Caleta (Arico), 2.410 mts.; das Areas (Arico), 2.874 mts; de Tajao (Arico), 3.200 mts.; de San Isidro (Granadilla), con 15.139 hab, 6.400 mts.; do Médano (Granadilla), con 7.235 habitantes, 5.900 mts. A proxectada en Arinaga dista apenas 150 metros das vivendas máis próximas. Vemos pois o máis absoluto desprezo, non xa polas distancias de entre 3 e 6 Km. que se adoptaron como medida de seguridade en países civilizados en base ao cálculo segundo diversos modelos dos radios de perigo ou de impacto das nubes de gas e aire mesturados que se producen en caso de accidente, senón polos 2.000 metros que impón O Regulamento de Actividades Molestas, Insalubres, Nocivas e Perigosas, Real Decreto 2414/1961, de 30 de novembro.

Segundo a norma UNE-EN 1532, en caso de accidente un buque gasero debe poder saír de porto polos seus propios medios, e o terminal de descarga deberá estar orientado para que o buque poida partir rapidamente utilizando a forza dos ventos dominantes. O vento hase de ter moi en conta con estes barcos: dada a baixa densidade do gas licuado (a metade que a auga aproximadamente) e a limitación que supón que o calado non deba exceder 10 ou 12 metros para poder entrar en porto, téñense buques de máis de 45 metros de manga (anchura) onde os tanques sobrevoan de forma notable a cuberta principal. Estas enormes superestructuras sobre a cuberta fan que estes buques ofrezan unha gran superficie vélica que normalmente dificulta a maniobrabilidad dos mesmos aínda en casos de ventos frouxos.

Pola contra a entrada e saída dos buques gaseros é perigosa e non cumpre o previsto na norma. En Ferrol por ser a través dunha ría cuxa estrechísima e pouco profunda entrada só é practicable para os gaseros con pleamar, de día e axudados por remolcadores. En caso de accidente o buque podería ter que permanecer dentro da ría, a poucos metros do Ferrol, ata a pleamar do día seguinte, cos ventos dominantes do oeste empuxando o barco cara ao fondo da ría. No caso de Granadilla os ventos do nordeste, moi fortes de ordinario (calculouse que a terceira parte dos días o proxectado porto industrial non estaría operativo por non poderse efectuar carga nin descarga de colectores debido ao vento) non deixarían saír ao buque cara a alta mar, senón que o arrastrarían paralelo á costa cara á poboación do Médano.

Os estudos de impacto ambiental fixéronse como puro trámite, sen ter en conta en conta os efectos sobre o medio nin sobre a sociedade. O sistema usado en todos os casos para quentar o gas licuado é cun sistema aberto que emprega auga de mar, cun dobre impacto sobre o medio mariño: pola baixa temperatura que alcanza a auga de retorno que se verte outra vez ao mar, entre 5º e 7º menos, e polo cloro con que se trata a auga para impedir proliferación de organismos mariños dentro dos condutos. No Ferrol supón o fin da actividade pesqueira e marisqueira na ría; non en balde son os mariscadores, que perden o seu medio de vida, a vangarda na loita contra a posta en funcionamento da regasificadora. En Granadilla supón un grave impacto sobre o medio mariño e a actividade pesqueira en toda a zona sur de Tenerife; Así mesmo no sur de Gran Canaria coa regasificadora de Arinaga.

Finalmente a verdadeira causa de que en todos estes casos búsquense eses estraños emprazamentos en terra obedece a intereses particulares. A regasificadora galega inicialmente pensábase situar nun novo porto exterior á ría, pero a decisión final sobre o seu emprazamento debeuse a un acordo pactado en segredo entre Fraga e o empresario local Tojeiro, propietario dos terreos e principal impulsor e accionista de referencia da planta de Mugardos. Segundo o xornal dixital Xornal.com, o artífice do trato foi o ex - conselleiro de economía da Xunta de Galiza, José Antonio Orza Fernández, quen participa no accionariado dunha das sociedades que conforman o Grupo Tojeiro,: Industrias do Taboleiro (Intasa). Anteriormente formou parte dos órganos de administración de Forestal do Atlántico (Foresa) e Impregnaciones Melamínicas Galegas, tamén do grupo Tojeiro. A Xunta participa co 10% no capital de REGANOSA, onde tamén están o Grupo Tojeiro, ENDESA, Unión FENOSA, Caixa Galiza, a alxerina Sonatrach, Banco Pastor e Caixanova. No entanto o actual goberno galego (PSOE/BNG) segue cualificando esta planta de estratéxica para Galiza.

As regasificadoras canarias son promovidas por GASCAN, onde participan ENDESA co 45%, o goberno de Canarias co 10%, as Caixas de aforros de Canarias co 5% e 12 empresarios canarios vinculados ao sector da construción, designados polo Goberno sen concurso público, co restante 40% das accións. Estes empresarios son 6 das Palmas: Eustasio López (Lopesan), Juan Miguel Sanjuán (Satocan), Germán Suárez (Astican), Pérez Moreno (Laymos), Javier Esquivel (Opcsa) e Pedro Agustín do Castelo; e 6 de Tenerife: Pedro Suárez, Antonio Plasencia (Puntalarga), José Fernando Rodríguez de Azero, Ignacio González (Vultesa), Juan Fontes (Atlantis) e Pedro Luís Cobiella (Hospiten). O alcalde de Agüimes, Antonio Morais, en cuxo termo está Arinaga, puxo o 11 de novembro de 2005 en coñecemento do Fiscal Anticorrupción do Tribunal Superior de Xustiza de Canarias a operación de venda das accións por se os feitos puidesen ser constitutivos dos delitos de malversación e prevaricación. A razón de que GASCAN non considere sequera unha estación regasificadora offshore é que significaría moita menos obra civil en terra e boa parte dos seus accionistas de referencia son compañías construtoras, que ademais acapararon terreos no polígono industrial de Granadilla e necesitan a regasificadora en terra e o porto industrial correspondente para revalorizalos, á marxe completamente da rendibilidade que no futuro poidan ter ou non a central térmica a gas e o porto industrial.

Como consideración xeral, as tres plantas proxectáronse cando o prezo do gas natural estaba en 2 $ por millón de BTU (unidade inglesa equivalente á enerxía de 2.760 metros cúbicos de gas) cando agora leva camiño de quintuplicarse. Habéndose alcanzado xa o peak ? gas en EEUU, é previsible que aumente as súas compras de GNL en ultramar, provocando unha forte e crecente competencia cos demais consumidores, agravada pola escaseza de buques gaseros, o que presumiblemente dispare os prezos e comprometa a viabilidade económica destas instalacións. Dá igual que sexan offshore ou estean en terra.

Un saúdo solidario para os compañeiros de Galiza.

Juanjo

Enxeñeiro agrónomo e profesionalmente traballa en agricultura ecolóxica.

Participa na coalición cidadá "Toda Canarias contra o Gas", que promove o aforro enerxético e as enerxías alternativas e oponse á introdución do gas natural licuado en Canarias e á construción de sendas regasificadoras en Granadilla (Tenerife) e Arinaga (Gran Canaria).
____________________________

De: ADEGA-TRASANCOS
Antonio Gª -angaji@yahoo.com-
Para: artabra21@gmail.com
Data: 12 de outubro de 2007 10:35
Asunto: saudos, novas na prensa sobre afectación do Eume polo gaseoducto,etc

Un saúdo a todos/as, que teñades unha boa fin de semana longa.

Reenviamos a nova de prensa sobre o asunto da afectación do Eume polo gaseoducto.

Os/as que apetezca, hai xuntanza da nosa delegación o próximo martes 16.10 as 20hs; e se non hai novidades e se dades o visto bo o resto do equipo.

Apertas

Nota. Seguemos facendo turnos de apoio á veciñanza pechada en Mugardos, os/as que queirades facer algunha quenda: 675307921

Outra aperta

Antonio Gª
Adega-Trasancos


As entidades ecoloxistas temen que a actuación afecte ao río
Ferrol | Venres, 12 de Outubro de 2007
As entidades ecoloxistas Adega-Trasancos, Fusquenlla, Sociedade Galega de Historia Natural e Verdegaia puxeron de manifesto onte a través dun comunicado o seu temor de que a obra de construción do gasoduto na zona do Eume termine por afectar ao río. Segundo as citadas asociacións, "non colocáronse vos dispositivos axeitados para evitar ou arrastre de materiais e ou enturbamento dás augas".
A actuación realízase fóra dos lindes do parque natural, aínda que os ecoloxistas cren que, de chegar os lodos á canle, a marea levaríaos ata dentro da zona protexida. Os ecoloxistas apuntan que nalgún punto a franxa aberta excede a anchura proxectada e reclaman que ao finalizar cada xornada de traballo tapónense os extremos dos tubos para evitar que se coen os animais.
Desde Reganosa recordouse, respecto diso, que as obras efectúanse a varias decenas de metros do Eume e que se están realizando de acordo ao establecido na declaración de impacto ambiental outorgada polo Ministerio e baixo a supervisión das autoridades. A compañía alude a que dificilmente se pode afectar ao río porque as actuacións desenvólvense a bastante distancia do seu curso

Enlace coa noticia orixinal no "Diario de Ferrol"


Ecoloxistas din que o gasoduto pode afectar ás Fragas do Eume e Reganosa négao
La Voz de Galicia Ferrol 12/10/2007

Catro entidades ecoloxistas presentaron onte unha protesta na delegación de Medio Ambiente polas obras de construción do gasoduto que atravesa Mugardos, Betanzos, Abegondo e Sabón, ao considerar que poderían afectar ao parque natural das Fragas do Eume, extremo que nega Reganosa, a empresa promotora. Adega-Trasancos, Fusquenlla, a Sociedade Galega de Historia Natural e Verdegaia aseguran que no tramo non se colocaron os dispositivos adecuados para evitar o arrastre de materiais e o enturbamiento das augas. Admiten que os traballos desenvólvense fóra do límite do parque pero sosteñen que «ou fluxo mareal levaría estes lodos augas arriba ata invadir» o recinto natural.
Reganosa asegura que as obras están a 40 metros da canle, polo que nega que poida producirse o enturbamiento das augas nin arrastre de lodos.

Enlace coa noticia orixinal en "La Voz de Galicia"
__________________________

Enlace relacionado:
a noticia no Blog do Colectivo Fusquenlla de Pontedeume.
________________

As Fragas do Eume unha reportaxen de Natureza Dixital, sitio web comprometido na defensa do medio naturale moito interese.
____________________

De: Plataforma Veciñal "O Cruceiro de Mea"
ocruceiromeha@yahoo.es
Para: artabra21@gmail.com
Data: 9 de outubro de 2007 13:46
Asunto: Actuacions para o Xoves nacasa do Concello de Mugardos


Actuacións para o Xoves no Concello de Mugardos

Compañeiros e compañeiras, cada día que pasa é máis e máis a xente que sentese identificada connosco que a día de hoxe levamos 78 días pechados no concello de Mugardos.

Este xoves, día 11 de outubro ás 20:00 horas virá dar un concerto Virginia Calvo Meizoso, profesora de acordeòn e interprete.

A continuación Peque Varela co seu 1977 [proxeción de video]

ADXUNTO CARTEL DO ANUNCIO

Grazas pola vosa presenza.

VENCEREMOS

PLANTA DE GAS FORA DA RÍA !

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
______________

De: Plataforma Corrubedo
-corrubedo@altermundo.org-
Para: artabra21@gmail.com
Data: 10 de outubro de 2007 19:57
Asunto: Corrubedo 4N, xa é oficial


Corrubedo 4N, xa é oficial


Hoxe, 10 de outubro, presentamos publicamente en Compostela a MARCHA NACIONAL CONTRA O PLANO ACUÍCOLA convocada por plataformas sociais e colectivos de afectados/as de toda a costa galega. Baixo o lema POLA TUA COSTA, POLO TEU MAR: NON AO PLANO ACUÍCOLA faise un chamamento a todas as xentes de ben do país a berrar contra esta aberración ambiental, social e económica á que nos quere condear a Xunta. No Porto de Corrubedo, o domingo 4 de novembro de 2007 ás 12 da mañá.

NON LLE FALLES AO NOSO LITORAL, NON LLE FALLES AO PAÍS!

DIFUNDE ESTA MENSAXE!!

RECURSOS DE APOIO Á MARCHA:

• Información
• Banner de apoio
• Manifesto en formato -pdf-
• Cartaces e dípticos en formato -pdf-
• Autocolantes en formato -pdf-

PODEDES SEGUIR ENVIANDO ADHESIÓNS A:

corrubedo@altermundo.org

CONVOCAN: ADEGA, Plataforma Medioambiental de Corrubedo, Plataforma Veciñal en Defensa do Patrimonio Cultural de Quilmas (Carnota), Plataforma pola Defensa do Litoral de Seráns (Porto do Son), Comisión de Propietarios/as Laxe Brava (Teira-Corrubedo), Plataforma Veciñal Xove-Lago, Plataforma Veciñal de Merexo (Muxía), Plataforma de Afectados/as de Arou (Camariñas), Plataforma de Afectados/as de Oia, Plataforma de Afectados/as de Foz, Agrupación de Mariscadoras/es de Corcubión, Cooperativa de Mergulladores/as da zona 5ª, Asociación Altofalante (Ribeira).

COLECTIVOS QUE APOIAN (a 10 de outubro): Greenpeace, Salvemos Monteferro, SOS Courel, Colectivo Fusquenlla, Ortigueira Sostible, Colectivo Arraianos, Asociación Sagres de Aguiño, Asociación Cultural Choiva Azeda (As Pontes), Asociación Natura Celtica (Cangas), BNG de Ribeira, Frente Popular Galega, CUT (Central Unitaria de Traballadores), Colectivo Nacionalista de Marín.

ADHESIÓNS INDIVIDUAIS EN:

http://altermundo.org/
_______________

De: S.O.S Courel
-soscourel@mundo-r.com-
Para: artabra21@gmail.com
Data: 11 de outubro de 2007 07:56
Asunto: O Courel acude aos Tribunais de Xustiza

____________________________

____________________________
SOS Courel vese na obriga de acudir aos Tribunais de Xustiza

Amigas e amigos do Courel:

Se o tedes a ben, difundide esta mensaxe entre os vosos contactos, aos que lles poida interesar a defensa deste Espacio Natural e Cultural.

A Asociación Ecolóxico-Cultural SOS Courel, coa axuda de todas e todos, tentou por todos os medios de parar a desfeita total do Courel. Como nin o Parlamento nin a Xunta escoitaron, agora só nos queda acudir a Xustiza.

E fixémolo xa este venres, 5 de outubro de 2007, recorrendo ante o Tribunal Superior de Xustiza de Galicia, a autorización do Consello da Xunta, de 21 de xuño de 2007, para a canteira, “La Campa-Santa Eufemia”, no medio da Cunca do Lor, no miolo dun xa masacrado Courel, aínda un dos espazos de maior valor cultural e ambiental da Europa.

Inmediatamente, a primeiros de novembro, teremos que recorrer tamén a licencia de actividade desta mesma canteira.

Logo, si se lle concedera, teremos que recorrer a licencia de apertura. E seguramente polo camiño surxirán máis contenciosos e recursos á estancias superiores aos que facerlle fronte.

Como o custo de todos estes procedementos, desgraciadamente é sempre proporcional a “magnitude da desfeita”, non temos máis remedio que pedir e aceptar donativos.

_____

2 1 0 0

2 1 8 3

5 6

0 2 0 0 1 8 1 1 0 9

____________

Por iso, para todas e todas e todos aqueles que estean interesados na defensa ambiental e cultural do Courel poñemos a súa disposición un nº de conta en “La caixa”, que podedes mirar no medio do texto de calquera dos seguintes enlaces:

• Verdegaia
• Arredemo
• Adega
• Ecotono
• Amigos da Terra

Ou tamén podes miara o nº ao final deste artigo de prensa de EL PAÍS.

Mellor en páxinas fixas, porque ao difundir o nº de conta no texto do correo electrónico, pode xerar erros ou saltos de cifras.

Se o pesadelo rematara antes do previsto, todo o remanente económico desta campaña, utilizariámolo para a adquisición e restauración de algún anaco de souto abandonado, de calquera outro terreo ou de algunha construcción tradicional en ruínas no Courel, para uso e desfrute de todas e todos.

__________________________

A Asociación Ecolóxico-Cultural SOS Courel
con NIF G27362474,
con enderezo postal en
“Santa Eufemia, nº32,
Folgoso do Courel. 27327 Lugo”
non ten ánimo de lucro,
e tal e como consta nos seus estatutos,
debe promover todas aquelas medidas que leven a acadar a
“Posta en valor, recuperación e conservación do Patrimonio Natural e Cultural do Courel”.
___________

Para calquera dúbida, aclaración ou queixa, utilizade o noso enderezo electrónico soscourel@mundo-r.com, o noso enderezo postal indicado arriba ou o
telefono 607 22 58 87.

Por suposto que renderemos contas de ingresos e gastos e manterémosvos informados.

Gracias por axudar

SOS Courel, 11 de outubro de 2007
______________________

Enlaces con fotos do desastre:

Fotos -1-
Fotos -2-

Video no Youtube:

Axuda urxente para o Courel !


Outras aclaracións:

Mentres o Courel se dispara cara un despoboamento seguro e o Parlamento cala, a Xunta lanza cortinas de fume a base de unha maraña de prazos e datos confusos sobre o futuro Parque Natural, de numero de concesións mineiras posibles e imposibles e de unha garabullada de promesas e medidas que nunca chegan; todo elo para tranquilizar a opinión pública sobre o inmenso escándalo.

Ao noso entender, o Consello da Xunta de Galicia, en xuño de 2007, errou ao entender mal a Lei, e autorizar unha canteira no medio da Cunca do Lor, na médula dun xa masacrado Courel.

A lei di: “ O Consello da Xunta valorará a compatibilidade ou non da explotación cos valores naturais, ambientais e paisaxísticos existentes”. Pois ben, a explotación funcionaba xa, a pesar de unha orde de peche, dictada precisamente por non ser compatible con eses valores.

Ao mesmo tempo esta autorización, é o precedente e o umbral ambiental necesario para a autorización de alomenos outras 54 explotacións mineiras neste territorio; e tamén é o requisito previo para a declaración do concello de Folgoso do Courel como “Concello Mineiro” tal e como se prevé na futura “Lei de promoción da minaría de Galicia”.

No Courel xa hai demasiadas canteiras cunhas condicións ambientais insostibles, recoñecidas polas propias empresas, cando pediron axuda económica ás Administracións para solucionar o problema ambiental no 2001.

Os postos de traballo:

No Courel hai posibilidade dabondo de crear moito máis dos cen postos de traballo, da canteira que se cuestiona, e son necesarios e urxentes para a restauración e conservación cultural e ambiental de todo o Courel.

A Xunta pode se quere, crear estes postos de traballo xa, sen traumas nin chantaxes para os traballadores; e os fondos poden saír por exemplo, do mesmo “cofre” de onde que saíron os do “Gaiás” ou os dos de momento, 4.000 sobresoldos de 15.000 euros anuais, para pasados e futuros altos cargos; e non imos valorar agora estes dous últimos “esforzos económicos públicos”.

Aos traballadores da pedra de Galicia, as Administracións débenlle, según algúns sindicatos e nós estamos tamén de acordo, un plan cun “esforzo económico Estatal”, para equiparar a idade de xubilación aos outros ramos da Minaría. De levarse a cabo permitiría a xubilación de moitas e moitos traballadores cunhas retribucións máis xustas que as actuais e recolocar todas as traballadoras e traballadores especialistas desta canteira nas outras da contorna.

Non hai desenvolvemento económico se non se respectan os valores culturais e ambientais.
_______________

GALERÍA DE DIAPOSITIVOS DO CAUREL
________________

Video: Soberanía Alimentaria.

Este vídeo, recomendado na web da Cooperativa de Consumo Responsable A Xoaniña, explica cun toque de humor, a traxédia que supón a usurpación, por parte do Mercado, do dereito dos pobos á soberania alimentaria. Pensar o que comemos, o que mercamos, como consumimos e como se produce, non é só unha cuestión de saúde, é unha cuestión de construción dunha sociedade máis xusta ou do imperio do Mercado e a destrucción do planeta. Nós eleximos, e coa nosa elección decidimos tamén.

É HORA DA SOBERANÍA ALIMENTARIA !!

___________________

___________________

Coordenadora Labrega Europeia

Sindicato Labrego Galego - CC.LL.

A Vía Labrega - Movimento Agrario Internacional

Foro internacional pola Soberania Alimentaria - Nyeleni 2007
_____________

De: Ferrol CAPE -ferrol.cape@gmail.com-
Para: artabra21@gmail.com
Data: 7 de outubro de 2007 20:55
Asunto: O caso Brindis en Italia: segundo a axencia Reuters, o goberno italiano deroga o decreto de aprobación da planta de gas

CANCÉLASE A PLANTA DE GAS DE BRINDISI (Italia), A IRMÁ XEMELGA DA PLANTA DE REGANOSA- PARABÉN ITALIA -

Segundo a noticia da axencia REUTERS datada en MILAN onte día 6 de Outubro, o Goberno italiano SUSPENDEU o decreto de aprobación da planta de gas licuado (GNL) de Brindisi que tiña en fase de construción a empresa BRITISH GAS. Logo de claros incumprimentos de Directivas europeas e de procesos xudiciais por sospeita de suborno.

Existe un claro paralelismo de accións políticas corruptas e incumprimentos legais coa planta de GNL de Mugardos que merece ser tido en conta polos nosos gobernos (autonómico e nacional)

VER INFORME COMPLETO NO DOCUMENTO ANEXO

Para estar na lista de países do primeiro mundo temos que ser respectuosos coas leis, regulamentos técnicos e cos dereitos constitucionais das persoas. Non chega con xurar diante do apostol Santiago que se farán cumprir as leis.

HAI QUE ESIXIR QUE SE CUMPRAN e máis cando os que as incumpren teñen cargos públicos.

Enlace co documento "O Caso Brindisi" nos Arquivos Ártabros

Recorremos a este sistema de difusión ante a negativa dalgúns medios de comunicación a publicar as nosas queixas e accións en contra da planta. Grazas pola vosa paciencia.

Planta de Gas fora dá Ría!

Edita: Colectivo universitario opositor á planta de gas natural licuado (GNL) da Ría de Ferrol.
Envía www.f-cape.org Colectivo universitario opositor á planta de GNL de Mugardos (Ría de Ferrol)

Noticia en : http://investing.reuters.co.uk/
_____

http://www.comune.brindisi.it/

Brindisi na Wikipedia

http://www.noalrigassificatore.it/

Proxecto de Regasificadora no porto de Brindisi na lolalidade de Capo Bianco
_________________

De: comitecidadan@iespana.es
Para: artabra21@gmail.com
Data: 7 de outubro de 2007 21:34
Asunto: A cidadanía rexeita a entrada do 8º gaseiro a Reganosa.



Hoxe 7 de outubro , convocada polo Comité Cidadán de Emerxencia para a Ría de Ferrol, a cidadanía manifestouse unha vez mais, rexeitando a entrada de buques gaseiros a Reganosa.

Unha vez mais, en desprezo da normativa legal de seguridade, un buque – O LNG Cross River - cargado con 135.000 m3 de GNL pon en perigo as nosas vidas cara unha Planta ilegal e perigosa, á que non lle é posible cumplir , dada a súa ubicación, a legislación vixente nesta materia, e que prosigue – nun estrano e prolongado período de probas - a súa ilegal e perigosa actividade, coa tolerancia e complicidade das autoridades cuxa obriga sería velar pola seguridade dos cidadáns e pola riqueza da Ría e o seu entorno.

Unhas 300 persoas congregáronse no porto de Curuxeiras para facer, como en anteriores ocasións, unha sonora protesta e trasladarse logo, nunha caravana de máis de medio cento de vehículos, ate as inmediacións da Planta, en Punta Promontorio onde mantiveron a protesta perante o atraque do buque. Posteriormente a caravana automovilística percorreu a vila de Mugardos, rematando nunha visita ós veciños e veciñas pechados no Concello hai más de 75 días.

Visita de solidaridade e de pronunciamento en contra dos actos vandálicos que esta veciñanza está a sofrir, como a bomba que estoupou hai poucos dias ou a queima da pancarta na fachada da Casa Consistorial esta mesma madrugada.

¡¡¡PLANTA DE GAS FORA DA RIA.!!!

Comité Cidadán de Emerxencia para a Ría de Ferrol

O seu correo electrónico é:
comitecidadan@iespana.es

A súa web:
http://comitecidadan.org/
_______________

De: Plataforma Veciñal "O Cruceiro de Meá"
ocruceiromeha@yahoo.es
Para: artabra21@gmail.com
Data: 7 de outubro de 2007 11:37
Asunto: URXENTE COMUNICADO DE PRENSA


URXENTE COMUNICADO DE PRENSA

Na madrugada do día 7 de Outubro sobre as 6:30 horas persoa ou persoas descoñecidas queimaron a pancarta que a veciñanza encerrada na Casa do Concello de Mugardos tiñamos colocada na fachada principal de devandito edificio, onde se indicaba o número de días que desde o 23 de Xullo levamos encerrados, 75 naquel momento.

A pesar de que os presentes no peche a esa hora atopabámonos no interior do edificio, os culpables do vandálico acto, non dubidaron en pór en perigo as nosas vidas, podendo provocar queimaduras ou algún problema grave de intoxicación se o lume ou o fume entrasen en devandito local.

Queremos recordar que con esta, é xa a terceira agresión que os veciños encerrados sufrimos durante a nosa protesta no concello:

1º Secuestro do mural por parte do alcalde.

2º Explosión dun artefacto no interior dun colector de vidro, próximo ás vivendas da veciñanza e ao local onde habitualmente realizamos as nosas reunións.

3º Queima da pancarta á que nos estamos referindo neste comunicado.

Unha vez máis denunciamos que nos sentimos prexudicados ante ese tipo de grupos de intransixentes que pretende impedir a liberdade de expresión de xente que protestamos cívica e exemplarmente contra a localización da planta de gas de REGANOSA no interior da ría de Ferrol.

Significar que no momento de enviar este comunicado xa se presentou a oportuna denuncia por parte da Asociación Veciñal "O Cruceiro de Mehá"

Significar tamén que aínda non se presentou no concello desta localidade nin o alcalde, Xosé Fernández Barcia nin ningún outro membro da corporación, ao obxecto de interesarse polos feitos acaecidos.

Aproveitamos tamén para recordarvos que hoxe ás 14:00 horas hai unha concentración-cacerolada no peirao de Ferrol como protesta da entrada do 8º gasero para REGANOSA. A continuación unha caravana de vehículos desprazarase desde o porto de Ferrol cara aos tanques de REGANOSA (Mugardos) a cal está prevista que chegue sobre as 15:15 horas

Mugardos, a 7 de Outubro de 2007

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
______________





Algúns medios xa se fixeron eco do asunto:

Grupo Voz

Noticias yahoo

__________________

Alerta, próxima chegada de perigoso buque gaseiro, cargado con GNL, para REGANOSA !!



Este domingo, 7 de outubro, está prevista a entrada dun perigoso buque gaseiro cargado con GNL, para a ilegal planta regasificadora que REGANOSA ten instalada dentro da Ría de Ferrol.

Trátase do “LNG Cross River”, de 288,75 m. de eslora e 48 de manga; 116.000 toneladas. Construido, en 2005, por Hyundai Heavy Ind Co. Ltd.Propiedade de Bonny Gas Transport, Ltd. Que navega cara a Ferrol, con bandeira de Bermudas e una carga de 135.000 m3 ( 67.500 T.) de GNL. Deberá entrar na pleamar diurna ás 14,47 horas.

Con motivo da chegada deste 8º buque gaseiro para Reganosa, prevista para o vindeiro domingo 7 de Outbro, o Comité Cidadán de Emerxencia para a Ría de Ferrol, acordou convocar unha concentración, ás 14:00 horas do domingo 7 de outubro, no peirao de Coruxeiras de Ferrol. Con cacerolas e todo tipo de percusión que se escoite moito ruído, fagamos unha concentración sonora.

Probabelmente que haxa outras posibeis accións a realizar, en protesta e alerta en relación co perigo que supón para a vida de milleiros de persoas a instalación ilegal da Planta de Gas no interior da Ría de Ferrol, e a entrada de buques cargados de GNL sen cumprir os condicionados de seguridade.


__________________

De: ATENEO FERROLAN
-a_ferrol@teleline.es-
Para: artabra21@gmail.com
data: 4 de outubro de 2007 18:24
Asunto: Convocatoria dunha rolda de prensa



Mañá VENRES día 5 de outubro, ás 12 da mañá haberá no Ateneo Ferrolán unha

ROLDA DE PRENSA convocada polo

COMITÉ CIDADÁN DE EMERXENCIA PARA A RÍA DE FERROL para:

- Presentación das novas iniciativas a seguir.

- PLANTA DE GAS FÓRA DA RÍA

Agardamos a Vosa presenza. Grazas!
_____________

De: ASOCIACION VECIÑAL FONTELONGA
avvfontelonga@mundo-r.com
Para: artabra21@gmail.com
Data: 4 de outubro de 2007 17:34
Asunto: A actual Xunta deu 1.100 millóns de pesetas aos medios en axudas a dedo

A actual Xunta deu 1.100 millóns de pesetas aos medios en axudas a dedo

6.619.642 euros, máis de 1.100 millóns de pesetas. Esta é a exorbitante cantidade de cartos públicos que o bipartito da Xunta de Galicia repartiu entre os medios de comunicación a través de convenios. Galiciaconfidencial publica por vez primeira as cifras destas subvencións aos xornais, radios, axencias e diarios electrónicos galegos. A diferenza das axudas polo uso do galego, os convenios non se reparten en función duns criterios publicados no DOG. É dicir, son axudas directas que dependen unicamente do ‘criterio’ de cada consellería.

Todos os datos deste artigo poden contrastarse no Rexistro de Convenios, publicado en internet pola Vicepresidencia da Xunta. Por exemplo, os detalles duns dos convenios con máis cartos poden consultarse aquí.

Na maioría dos acordos (que cubren toda a etapa do bipartito), os medios comprométense a publicar informacións sobre as actividades das consellerías a cambio de cartos. Nalgúns casos específicase que se fará mediante publicidade, pero noutros cóbrase a cambio de publicar novas institucionais disfrazadas de información propia, algo difícil de distinguir para moitos lectores.

Grupos e xornais en papel
Segundo o Rexistro, o Grupo Voz é o principal beneficiado, levándose aproximadamente un de cada catro euros. E é que o Grupo Voz recibiu 1.714.520 euros (uns 285 millóns de pesetas) a través de 18 convenios. Divídense en 11 acordos co xornal, catro con Radio Voz, un con Canal Voz (a filial de internet), un coa Corporación Voz e outro coa Fundación Rey Fernández Latorre.


Gráfico convenio medios
A continuación ‘clasifícase’ o Grupo El Progreso. Logra a segunda posición entre os máis subvencionados con 1.253.287 euros (208 millóns de pesetas), grazas aos 12 convenios do xornal El Progreso de Lugo (662.219,67 euros), Diario de Pontevedra (dez protocolos por 441.067 euros) e do único convenio que apañou o gratuíto en galego De Luns a Venres (150.000 euros).

Terceiro posto no reparto para Prensa Ibérica, dono de Faro de Vigo (922.029 euros en dez convenios) e de La Opinión da Coruña (192.989 euros en sete protocolos). É dicir, un conxunto de 1.115.018 euros (185 millóns de pesetas, cen menos que o Grupo Voz) en dezasete paquetes para o tamén chamado ‘Grupo Moll’.

A Editorial Compostela tamén sae ben parada. A matriz de El Correo Gallego, apañou a metade de cartos públicos que o Grupo Voz. Foron 12 acordos con El Correo Gallego (782.559 euros), catro con Galicia Hoxe (193.000 euros) e un con Radio Obradoiro (10.000 euros). Suman 17 convenios e 986.059 euros, máis de 164 millóns de pesetas.

Tampouco lle vai de todo mal a Editorial La Capital, editora de El Ideal Gallego, Diario de Ferrol, Diario de Arousa e Diario de Bergantiños. Coas catro cabeceiras suma 443.674 euros (case 74 millóns de pesetas) a través de nove convenios.

O grupo de xornais con menos axudas da Xunta o Grupo La Región. A cabeceira de Ourense apaña 292.466 euros, tres veces máis que Atlántico Diario (Rías Baixas Comunicación) con 85.000 euros en tres acordos. Suman en total 11 convenios e 377.466 euros, case 63 millóns de pesetas.

Pero é o periódico conservador ABC o que fecha o ‘ranking’ de subvencións aos diarios. A delegación galega da cabeceira madrileña quedouse con 94.042 euros -15,6 millóns de pesetas- en tres convenios. Tamén en papel, o semanario A Nosa Terra logrou este ano un convenio por valor de cincuenta mil euros, algo máis de 8 millóns de pesetas.

Emisoras de radio
As cadeas de radio tamén se benefician, pero gozan de menos axudas que a prensa escrita. Así sucede nos xa citados casos de Radio Voz (169.000 euros, uns 28 millóns de pesetas) e Radio Obradoiro (10.00 euros, algo máis de millón e medio de pesetas), cantidades moi inferiores aos seus ‘pais’ en papel, La Voz e El Correo.

Despois de Radio Voz, son o conxunto de emisoras que emiten programación da Cadena Ser as que máis suman. Son 118.000 euros, uns 19 millóns de pesetas en cadanseu convenio da Secretaría Xeral de Comunicación con Radio Coruña, Radio Lugo, Radio Pontevedra, Radio Ourense, Radio Principal e Radio Vigo.

Terceiro posto no ‘ranking’ de radios para a COPE, 95.000 euros, case 16 millóns de pesetas en dous protocolos. Cuarto lugar para Cadena Noroeste (36.000 euros en dúas partidas). Con un só convenio quedaron Onda Cero (25.00 euros), e Radio Líder (10.000 euros).

Axencias de información
As axencias, que subministran aos xornais gran parte dos seus contidos, tamén son destinatarios destas axudas directas dende San Caetano. Así, a Axencia Galega de Noticias, controlada polo Grupo El Progreso, apañou 153.794 euros (25 millóns de pesetas). Europa Press recibiu algo máis da metade desa cantidade, 98.783 euros (uns 16 millóns e medio de pesetas).

Diarios en internet
Os novos medios exclusivamente dixitais tamén recibiron un anaco do pastel, aínda que trátase dun cacho moito máis pequeno cos outros. Así o coruñés Xornal.com –editado por Xornal Galinet SA- asinou dous acordos polos que recibiu 33.000 euros, case 5,5 millóns de pesetas. O seu competidor compostelán Vieiros.com so firmou un convenio coa Secretaría Xeral de Comunicación. Foron 20.000 euros, uns 3,3 millóns de pesetas.

Non son as únicas axudas públicas
En definitiva, salvo contadas excepcións (entre elas, por exemplo, a edición galega de El País, Radio Galicia, Tempos Novos, Efe ou A Peneira), Galiciaconfidencial demostra que PSdG e BNG están a utilizar os departamentos da Xunta que controlan para subvencionar moi xenerosamente á práctica totalidade dos empresarios da comunicación do país.

Cómpre subliñar que estes convenios de colaboración non están regulados por uns criterios transparentes, como sucede co máis de millón de euros repartido en axudas polo uso do galego, convocatoria que si publica o Diario Oficial de Galicia.

Ademais é probábel que non todas as consellerías estean informando ao Rexistro de todos os convenios que firman, malia ser a súa obriga legal, polo que o montante final podería resultar aínda maior dos 1,6 millóns de euros. A esta cantidade hai que sumarlle as axudas polo galego, a numerosa publicidade institucional e os contratos con varias produtoras propiedade de xornais que fornecen de novas locais á TVG.

Consellería a consellería
Se ben é certo que subvencionar masivamente aos empresarios da comunicación xa era práctica común na era Fraga, a ninguén se lle escapa que o actual enorme volume de subvencións inflúe na autonomía que algunhas empresas confiren aos seus xornalistas para cumprir o seu traballo, informar obxectivamente aos cidadáns. Trátase, ademais, de empresas que en moitos casos ofrecen condicións laborais ínfimas aos seus traballadores.

Sexa como for, en vindeiras entregas Galiciaconfidencial detallará estes convenios, para analizar polo miúdo o reparto de cartos públicos, consellería a consellería, medio a medio.

Enlace coa noticia orixinal en Galica Confidencial
[Recomendamos entrar na noticia orixinal, ademais ten máis de vinte interesantes comentarios]
________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
________

MANIFESTACIÓN NACIONAL CONTRA O PLANO ACUÍCOLA EN CORRUBEDO

Saúdos:


A presentación pública do evento será este mércores 10 de outubro ás 12h no decurso dunha rolda de prensa no Clube Internacional de Prensa de Compostela (Av. da Coruña, 6, baixo, Compostela). Aínda que o prazo para recibir adesións manterase aberto até o mesmo día da manifestación, no acto de presentación daremos conta dos apoios recibidos, que figurarán nos cartaces.

POLA NOSA COSTA, POLO NOSO MAR,
NON AO PLANO ACUÍCOLA!

A COSTA É GALEGA, E NON DE NORUEGA!


Co patrocinio de:

De: Plataforma Veciñal "O Cruceiro de Meá"
ocruceiromeha@yahoo.es
Para: artabra21@gmail.com
Data: 2 de outubro de 2007 22:05
Asunto: Velada literaria con Carlos Meixide e Séchu Sende na Casa do Concello de Mugardos, este xoves 4 de outubro


o xoves 4 de outubro ÁS 19:30 haberá unha velada literaria con Carlos Meixide e Séchu Sende, en apoio e solidariedade cós veciños pechados desde ó 23 de Xullo no concello de MUGARDOS en oposición á ubicación da planta de gas de REGANOSA dentro da ría ferrolá

grazas pola vosa presenza

VENCEREMOS

PLANTA DE GAS FORA DA RÍA !

PLATAFORMA VECIÑAL "O CRUCEIRO DE MEÁ"
ocruceiromeha@yahoo.es
http://ocruceirodemea.blogaliza.org/
______________

De:Fusquenlla -fusquenlla@sospontedeume.com-
Para: artabra21@gmail.com
Data: 1 de outubro de 2007 17:05
Asunto: Aviso de reunión


Ao remate da manifestación celebrada onte no Ferrol contra a planta de gas, reunímonos unha serie de organizacións pertencentes á Rede Litoral Vivo. Había un consenso xeralizado en promover unha reunión en Santiago para debatir a actual situación: Reganosa, Plano sectorial de acuicultura, etc, situación que en nada mellorou dende o 6 de maio.

Trátase de estudar se é posíbel promover algunha resposta unitaria.

Por outra banda, falouse moito da necesidade de ampliar a Rede Litoral Vivo a outro tipo de colectivos que teñen graves problemas e non formaban parte de RLV (Minas do Courel; Terra Cha...). Unha posibilidade consiste en refundir a rede litoral Vivo no movemento "Galiza non se vende".

Estas e outras cuestións querémolas tratar nunha asemblea que convocamos dende _*Rede Litoral Vivo*_ a celebrar o *sábado 20 de outubro ás 12 h. na Galería Sargadelos de Compostela.

*Agardamos a asistencia de todos os colectivos e particulares que estean interesados en seguir defendendo o noso territorio, o mellor que temos e que está seriamente ameazado.*
_______________