Colectivo Ártabra 21

• Novas marchas en Vigo na xornada número 21 de folga mentres a negociación continúa bloqueada pola intransixencia patronal

• Á tarde haberá asembleas nas centrais sindicais para decidir a estratexia a seguir

Xa van 21 días de folga no metal de Pontevedra, e nesta xornada despois da histórica e multitudinaria marcha a Compostela aínda quedaron forzas para retomar o traballo dos piquetes en moitas zonas e para volver facer marchas desde as distintas zonas industriais até encontrarse de novo nunha asemblea na Praza do Concello, en Vigo.

Máis tarde tivo lugar unha nova manifestación até á Praza da Estrela, fronte á Delegación da Xunta nesta cidade. Nesta tarde toca reflexionar nas distintas asembleas sobre que novos camiños se quere andar para gañar este conflito e acadar un convenio xusto.

[+info en Avante]
__________________