Convocada unha nova concentración ante o anuncio da entrada do 'LNG Galea', cargado con gas para a ilegal e perigosa Reganosa - Na Praza Amada Garcia, diante do Edificio Administrativo da Xunta de Galicia, este Luns 20 de Outubro, ás 7 da Tarde

CONCENTRACIÓN SONORA EN FERROL,
 LUNS 20 DE OUTUBRO, ÁS 7 DA TARDE (NOVO HORARIO)
DIANTE DO EDIFICIO ADMINISTRATIVO DA XUNTA
NA PRAZA AMADA GARCIA

O gaseiro 'LNG Galea', con bandeira de Singapur, é un buque de grande porte, de 290m de eslora, 46m de manga, 25m de puntal e de calado 11,40m. Cunha capacidade de 134.425 m³ de GNL. Son miles as toneladas de gas natural licuado, para a ilegal e perigosa Reganosa. Este buque metaneiro ten anunciado a súa entrada na Ría de Ferrol, para este Luns 20 de Outubro de 2014. Esta entrada, supón xa a 181, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consistente nunha Concentración Sonora, o mesmo Luns ás 7 da Tarde, en Ferrol, na Praza Amada Garcia, diante do Edificio Administrativo da Xunta de Galicia.

Hai case dous anos e medio (11 de maio de 2012) que se ditou a Sentenza polo Tribunal Supremo, onde a planta xa foi declarada ilegal, en sentenza inapelábel. Mesmo este 15 de Setembro, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE ERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

18 de outubro de 2014 08:42

_______________