Amosando publicacións coa etiqueta Barallobre. Amosar todas as publicacións
Amosando publicacións coa etiqueta Barallobre. Amosar todas as publicacións

martes, novembro 24, 2015

Nova concentración en Barallobre para reivindicar a recuperación da ribeira da parroquia fenesa - Venres, día 27 Novembro ás 17:30hs, na contorna das antigas instalacións de Fondomar


Concentración Ribeira de Barallobre

Como ven sendo habitual, desde que comezou está loita veciñal, o vindeiro venres, día 27 Novembro ás 17:30 horas, terá lugar a unha concentración de fin de mes nos arredores das antigas instalacións de Fondomar na Ribeira de Barallobre, no concello de Fene, co obxecto de reivindicar a recuperación desta zona, como espazo público para o lecer e a rehabilitación do edificio Fondomar para usos socio-culturais e deportivos.

No transcurso da concentración dará-se conta e información a veciñanza das iniciativas realizadas por esta Comisión durante este mes, así como debater as propostas presentadas nesta mobilización.

A concentración está convocada polo Colectivo Veciñal de Barallobre.

Información baseada na enviada por:
RIBEIRA BARALLOBRE
-ribeira.barallobre@gmail.com-
23 de novembro de 2015 22:59
_____________

Enlace relacionado:

Ártabra 21: Proposta veciñal para a Rehabilitació0n da Ribeira de Barallobre.
____________

domingo, outubro 25, 2015

Proposta veciñal para a Rehabilitació0n da Ribeira de Barallobre - Concentración de Apoio este martes 27 de Outubro ás 7 da tarde


CONVOCATORIA CONCENTRACIÓN- RIBEIRA BARALLOBRE

Martes , 27 de Outubro ás 19 horas, nos arredores das antigas instalacións de  Fondomar na  Ribeira de Barallobre.

Convocatoria aberta a toda a cidadanía na Ribeira de Barallobre co fin de reivindicar a recuperación deste Espazo Público e Rehabilitación do Edificio Fondomar para usos socio-culturais e deportivos.

Reivindicar e promocionar este LUGAR pola súa excelencia PAISAXÍSTICA.

Implicar ao Concello e gobernou local para que COORDINE coas demais Administracións públicas este PROXECTO e a consecución de Fondos Europeos.

Esperamos recibir resposta da petición de xuntanza co Alcalde de Fene.

Informamos que recibimos resposta dalgúns grupos políticos para realizar unha entrevista relativa a rehabilitación deste espazo público.

Convidamos a toda a veciñanza a participar nesta concentración reivindicativa na Ribeira de Barallobre en Asemblea participativa e aberta.

Saúdos

- Colectivo veciñal Barallobre.-


PROPOSTA VECIÑAL DE REHABILITACIÓN RIBEIRA DE BARALLOBRE.

Sr. Alcalde –Presidente - Concello de Fene.-
Grupos Políticos – Entidades Sociais  Concello de Fene.-

Veciñ@s da Ribeira de Barallobre –Ribeiroa- expresamos a nosa queixa e preocupación motivado ao estado de abandono permanente nesta zona costeira da Parroquia de Barrallobre deste Concello de Fene. Estas instalacións de FONDOMAR S.L. foron unha antiga concesión, situadas no peirao de BARALLOBRE, retornando na actualidade a Administración de COSTAS.

A veciñanza da Ribeira de Barallobre sofren as consecuencias desta inoperancia das administracións e falta de propostas para este lugar, onde vívese unha situación de abandono e falta de PROXECTO para unha zona sensible da costa a cal conta con recursos naturais e marisqueiros propios baixo a administración da Confraría de Barrallobre que resulta  un motor importante para a economía local.

Nosa PROPOSTA consiste en convertir esta zona nun ESPAZO VERDE ou PARQUE, asi como REHABILITAR este edificio para fins deportivos, servizos, sociais e culturais para a cidadanía. Consideramos que esta parte da Ría de Ferrol,  Ribeira de Barallobre ten un particular e único valor PAISAXÍSTICO e MEDIO AMBIENTAL.

Estas antigas instalacións, ofrece a oportunidade de REHABILITACIÓN deste edificio para uso múltiples como hostelaría, zonas destinadas a albergar material de embarcacións tradicionais, naútico- deportivo, espazos para a participación cidadá. Este fin posibilitaría unha oferta cultural, deportiva e lecer para a xuventude e cidadanía nos deportes naúticos de remo, vela ou a recuperación das embarcacións tradicionais co obxecto de rescatar a tradición mariñeira.

Pedimos que a nova corporación municipal do Concello de Fene deberá  COORDINAR coas administracións da Xunta de Galicia, Deputación Provincial de A Coruña, Autoridad Portuaria, proxectos europeos – UE - ,  un planeamento de REHABILITACIÓN para a RIBEIRA co obxecto de recuperar e revitalizar este espazo público nun exercicio de política municipal, consensuando cos responsables de COSTAS e administracións competentes as fórmulas necesarias para a consecución dun proxecto vital.

Aínda temos que soportar na Ribeira de Barallobre unha MURALLA arredor destas instalacións ruinosas, polo que consideramos este peche innecesario e inconveniente para este lugar e pedimos o seu derrube e abrir este espazo ao mar.

Esta proposta cidadá debe ser analizada en base a unha reflexión política sobre as posiblidades reais que ofrece este ESPAZO de inmenso valor PAISAXÍSTICO, MEDIO AMBIENTAL, DEPORTIVO e SOCIOCULTURAL co obxectivo de conseguir a transformación deste espazo privilixiado e incomparable nun lugar de encontro cultural e social para o Concello de Fene e a nosa Ría de Ferrol.

Seguiremos informando de nosas actividades e seguiremos a reivindicar as nosas demandas a través dos medios de comunicación.

Por todo isto, pedimos as Forzas Políticas e sociais un compromiso firme para conseguir a transformación deste lugar nun Parque ou espazo verde e a rehabilitación destas instalacións como lugar de referencia sociocultural, deportivo e lecer.

Fene, Outubo de 2015 .-

Enviado por:
RIBEIRA BARALLOBRE
-ribeira.barallobre@gmail.com-
24 de outubro de 2015 19:59
___________________