Amosando publicacións coa etiqueta Brión e Leixa. Amosar todas as publicacións
Amosando publicacións coa etiqueta Brión e Leixa. Amosar todas as publicacións

xoves, xaneiro 22, 2009

Solicitude ao Valedor do Pobo e ao Parlamento Europeo, desetimación polígono industrial no espazo natural de Leixa - Ferrol

De: Antonio Gª -angaji@yahoo.com-
Adega - Trasancos
Para: artabra21@gmail.com
Data: 20 de janeiro de 2009 18:17
Asunto: Solicitude ao Valedor do Pobo e ao Parlamento Europeo, desetimación polígono industrial no espazo natural de Leixa (Ferrol)



Solicitude ao Valedor do Pobo e ao Parlamento Europeo, desetimación polígono industrial no espazo natural de Leixa - Ferrol


Estimados señores-as:

Remitímoslles a seguinte nota de prensa por se teñen a ben informar dela ou notificar sobre o asunto no seu medio informativo.

Atentamente

Antonio García Jiménez
Vogal de ADEGA-Trasancos

Apdo Correos 481
15480 Ferrol (A Coruña)
angaji@yahoo.com
Tlf 981324707//625878352


Ferrol 20.1.2009

[Clicar acima da imaxe para ampliar -Anexo III-]

ASUNTO: Enviado ao Valedor do Pobo e ao Parlamento Europeo cartas e documentación para intentar a protección do espazo natural de “San Pedro de Leixa” ante o proxecto de realización dun polígono industrial nesa zona.

REMITE: ADEGA (Asociacion para a Defensa Ecolóxica de Galiza). Delegación de Trasancos.

PUNTOS BÁSICOS DA SOLICITUDE:

A) A paraxe natural de S. Pedro de Leixa e das zonas mellor conservadas do interior do concello de Ferrol, (con espazos incluídos no catálogo de benes protexidos do PXOM) e está ameazado polo proxecto de realización do “Polígono Industrial de Leixa

B) Se tal polígono industrial se levase a cabo provocaría:
  • Importantes danos na fauna da zona. (Nesta ubicación atópanse máis de 40 especies entre mamíferos, reptiles, aves, peces, ou anfibios da zona estarían englobadas dentro da Directiva Hábitats 92/43/CEE ou directiva Aves (Directiva79/409) etiquetadas de “interese especial” ou “vulnerable)
  • Importante afectación aos bosques de ribeira da zona, a Fraga da Pega (ainda que se intenta manter no proxecto final),comunidade de Ripsilvas, etc
  • Importante afectacíon ao sistema fluvial (Regos de Leixa e de Fonteiroa)
  • Probable interacción coa rede hospitalaria publica da Area Sanitaria de Ferrol ( o polígono industrial de Leixa, en caso de levarse a cabo, estaría totalmente adxacente ao Hospital Novoa Santos e ao Hospital Básico de Defensa (ver Anexo III), e moi preto da zona están o Hospital Arquitecto Marcide e o Centro de Minusválidos có evidente perigo que supón ter un polígono industrial, con posible tránsito o almacenamento de mercadurías perigosas cerca de estos hospitais)
C) A comarca de Ferrolterra é a comarca galega con máis superficie de chan industrial (pódense revisar as hemerotecas e datos oficiais), cos polígonos industriais de Narón (nas súas catro fases), Fene, superficie industrial en Ferrol (asteleiros, portos interior e exterior, superficie industrial de A Gándara e do propio S. Pedro,..) e moita desta superficie industrial está totalmente baleira ou semibaleira na actualidade . Ademais dase a circunstancia que o polígono industrial rio do Pozo en Narón IV fase está en intimo contacto coa zona onde querese facer o polígono industrial, e na actualidade dito polígono de Narón está baleiro

ARQUIVOS ADXUNTOS:

ANEXO I: Carta enviada ao Valedor do Pobo cos aurgemento da solicitude de desestimación “Polígono Industrial Leixa [En formato -pdf-].

ANEXO II: Alegacións previas enviadas en 2007 ao proxecto do polígono industrial en S. Pedro de Leixa - Ferrol [En formato -pdf-].

ANEXO III: Esquema do proxecto ubicación polígono industrial de Leixa e núcleos hospitalarios adxacentes e inmediatos [En formato -jpg-].

Nota. Se precisan información adicional (outras alegacións, copia do propio proxecto, carta remitia ao Parlamento Europeo, cartas remitidas a Conselleria Vivenda, Alcaldía de Ferrol, etc) poden solicitarno-lo

Atentemente:

Asinado:
  • Antonio García Jiménez - Vogal de ADEGA-Trasancos angaji@yahoo.com Tlf .981324707 e 625878352
__________

Enlaces relacionados:

Presentadas alegacións ao Proxecto Sectorial do parque empresarial de Leixa e ao Estudo de impacto Ambiental

Enlace Alegacións e Mapa-croquis

A SGHN oponse a que o polígono industrial de Leixa destrúa espazos naturais

Alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007)

Proposta de resolución para a Asembleia Xeral da PA21, do vindeiro 27 de marzo, sobre Cha de Brión e Leixa

A comarca de Ferrolterra é a comarca galega con máis superficie de chan industrial - Puntualizacións medioambientais sobre Leixa e Mandía


Noticias relacionadas:

La Sepes estudiará construir y gestionar con sus fondos el ...
La Sepes estudiará construir y gestionar con sus fondos el polígono de Mandiá. La entidad planea incluso levantar naves industriales para que sean ...

El PP reclama al Gobierno gallego que agilice los polígonos ...El PP ha reclamado al Gobierno gallego que «agilice» la tramitación para poder iniciar las obras en los polígonos industriales de Leixa y de Mandiá, ...

Ayuntamiento de Ferrol
2 Jul 2008 ... Portuaria proponen al Sepes hacerse cargo del polígono de Mandiá ... y arquitectura industrial que hagan posible un polígono realmente ...


IGAPE - Touriño presenta el Plan de Desarrollo Integral de ...
20 Mar 2007 ... “Estamos en condiciones de cambiar la historia e... de Mandiá y casi completada la 4ª fase del polígono de Río do Pozo, ... iniciar una

_____________

venres, agosto 01, 2008

A comarca de Ferrolterra é a comarca galega con máis superficie de chan industrial - Puntualizacións medioambientais sobre Leixa e Mandía

De:ADEGA - Antonio Gª
-angaji@yahoo.com-
Para: artabra21@gmail.com
Data: 1 de agosto de 2008 17:12
Asunto: Polígonos industriais en Leixa e Mandía (Ferrol): Puntualizacións medioambientais


Polígonos industriais en Leixa e Mandía (Ferrol): Puntualizacións medioambientais

Remitímos as seguinte nota de prensa por se ten vostedes a ben publicala no seu medio informativo

Nota. Enviamos cartas co mesmo contido á Conselleria de Vivenda e Solo e a Alcaldía de Ferrol, parte delas escaneadas en arquivos adxuntos.

Atentamente

Antonio Garcia J
Vogal de Adega-Trasancos
angaji@yahoo.com
Ferrol

Ferrol 1.8.2008


ASUNTO: Polígonos industriais en Ferrol na zona de San Pedro de Leixa e Mandiá. Puntualizaciones medioambientais.

En referencia ás noticias aparecidas recientemente nos medios informativos por diferentes personalidades da vida social e política sobre a urxencia de realización de polígonos industriais na zona de S. Pedro de Leixa e Mandiá no concello de Ferrol, queriamos realizar as seguintes puntualizacións:
  • -as paraxes naturais de S. Pedro de Leixa e Mandiá son das mellores zonas conservadas da zona interior do concello de Ferrol,(algunha delas incluida no catálogo de benes protexidos do PXOM) que evidentemente veríanse afectadas irreversiblemente se se constrúen devanditos polígonos industriais

  • -na zona de S. Pedro de Leixa está a importanta fraga de “A Pega”, varias fragas de ribeira , rio Freixeiro e afluentes así como especias animais e vexetais protexidas que veríanse afectados irremediablemente por esta actuación

  • -a zona de Mandía está o mellor humidal de interior do concello de Ferrol que probablemente desaparecería con esta actuación; ademais está a cabecera de cunca do río da Sardina, varios regos(Ferreiro, Pazo e Taboada) e especies animáis e vexetais protexidas

  • -O polígono industrial de Leixa, en caso de levarse a cabo, estaría totalmente adxacente ao Hospital Novoa Santos e ao Hospital Básico de Defensa, e moi preto da zona están o Hospital Arquitecto Marcide e o Centro de Minusválidos có evidente perigo que supón ter un polígono industrial, con posible tránsito o almacenamento de mercadurías perigosas cerca de estos hospitais

  • -que, ata o momento, non temos constancia de que se respondesen as alegaciones que presentamos diversos colectivos en outubro 2006 ao “Plan sectorial de ordenación de áreas empresariais non ámbito dá Comunidade Autónoma de Galicia do parque empresarial de San Pedro de Leixa (Ferrol)” (D.O.G. Nº 185 de 25.9.200) e en febreiro 2007 ao “Estudo de Impacto Ambiental do Proxecto do parque empresarial de S Pedro de Leixa” (DOG 9.1.2007)

  • -nesta etapa en que estamos onde hai unha importante crise de produción de alimentos e agrocombustibles, o realizar un parque empresarial nesta zona, afectaría irreversiblemente a unhas das zonas máis fértiles da comarca

  • -do mesmo xeito, nesta fase é que é vital loitar contra a deforestación e o cambio climático, o realizar polígonos industriais nestas zonas iría en contraposición co anteriormente comentado

  • -a comarca de Ferrolterra é a comarca galega con máis superficie de chan industrial (pódense revisar as hemerotecas e datos oficiais), cos polígonos industriais de Narón (nas súas diversas fases), Fene, superficie industrial en Ferrol (asteleiros, portos interior e exterior, superficie industrial de A Gándara e do propio S. Pedro,..) e moita desta superficie industrial baleira na actualidade

  • -no porto exterior de Ferrol creouse recientemente máis de 1 millon de metros cadrados de chan industrial (“desafectando” unha zona protexida como era esa , para realizar devandito porto exterior), que se suma ao xa existente nas zonas de asteleiros, e a superficie dedicada xa a empresas na Gándara, S. Pedro de Lexia,etc. A isto hai que sumar a superficie baleira nos polígonos industriais de concellos próximos como Pontedeueme, As Pontes, Ortigueira, etc

  • -que a data do presente escrito, non temos coñecemento que saia a exposición pública ningún proxecto de polígono industrial na zona de Mandiá e , evidentemente, tampouco o obligatorio estudo de impacto ambiental.
Por todo iso, os colectivos abaixo referenciados, solicitamos que se paralice calquera proxecto de realizar un polígono industrial nas zonas de S. Pedro de Leixa e Mandiá no concello de Ferrol e que ademais realícense as accións pertinentes para protexer estes espazos naturais.

Atentemente:

Asinado:
Antonio García Jiménez (*). Vogal de ADEGA-Trasancos
angaji@yahoo.com Tlf 981324707//625878352
en representación da: “Plataforma pola Defensa Natural e Patrimonial dos Montes de Brión e de Leixa”

(*) como portavoz dos seguinte colectivos que apoia este escrito

ADEGA (1) (Asociación para a Defensa Ecolóxica de Galiza). Delegación de Trasancos . Apdo Correos 481. Ferrol. e-mail: angaji@yahoo.com

SOCIEDADE GALEGA HISTORIA NATURAL . Juan Ignacio da Silva. Presidente da SGHN. Tlf 981352820 sghnferrol@teleline.es

NÓS-UP (1)). Carlos García. Tlf 646434646 carlosgseoane@hotmail.com

ESQUERDA UNIDA-IU .(1) Ignacio Allegue. ignacioallegue@yahoo.es Tlf 679212500

CLUB DE MONTAÑA DE FERROL(1) Xan Ramírez. Pdte do Club de Montaña . Tlf 619953363. cmf@clubmontanaferrol.com
___________________

Enlaces relacionados:
__________

Noticias relacionadas:

La Sepes estudiará construir y gestionar con sus fondos el ...
La Sepes estudiará construir y gestionar con sus fondos el polígono de Mandiá. La entidad planea incluso levantar naves industriales para que sean ...

El PP reclama al Gobierno gallego que agilice los polígonos ...El PP ha reclamado al Gobierno gallego que «agilice» la tramitación para poder iniciar las obras en los polígonos industriales de Leixa y de Mandiá, ...

Ayuntamiento de Ferrol
2 Jul 2008 ... Portuaria proponen al Sepes hacerse cargo del polígono de Mandiá ... y arquitectura industrial que hagan posible un polígono realmente ...


IGAPE - Touriño presenta el Plan de Desarrollo Integral de ...
20 Mar 2007 ... “Estamos en condiciones de cambiar la historia e... de Mandiá y casi completada la 4ª fase del polígono de Río do Pozo, ... iniciar una

___________

Documentación:

Plan de Desarrollo Integral de las Comarcas de Ferrol, Eume y Ortegal 2007-2011
_____________

mércores, marzo 21, 2007

Proposta de resolución para a Asembleia Xeral da PA21, do vindeiro 27 de marzo, sobre Cha de Brión e Leixa

PLATAFORMA ARTABRA 21

-PROPOSTA DE RESOLUCIÓN-

PROTECCIÓN DOS ESPAZOS NATURÁIS DO CHA DE BRIÓN E DE SAN PEDRO DE LEIXA


Na actualidad , varios espazos de interese natural e arquolóxico do concello de Ferrol atópanse ameazados por diversas actuacións urbanísticas e empresariais.

En concreto, está aberto o proxecto de facer un “megapolígono industrial “ (Plataforma Loxística) no Chá de Brión, e por outra banda, e bastante avanzado, esta o “Proxecto sectorial do parque empresarial San Pedro de Leixa (Ferrol)” (D.O.G. 9.1.2007).

Dende a “Plataforma pola Defensa Natural e Patrimonial dos Montes de Brión e de Leixa”, integrado por Clube de Montaña de Ferrol, Esquerda Unida-IU, Nós-UP, ADEGA, e veciños de Brión e de Leixa, realizamos diversas actuacións, iniciativas e alegacións cara a preservar a riqueza patrimonial e natural destas zonas.

En resumo, os puntos mais salientables polos que nos parece que debense de protexer a riqueza destas zonas son os seguintes

A) CHA DE BRIÓN

-zona con importantes restos arqueolóxicos (máis de 35 mámoas catalogadas por Patrimonio). Unha actuación urbanística na zona, non estaría en acorde, na nosa opinión, có artigo 104 de Ordenación Urbanística e Protección do Medio Rural de Galicia e a súa modificación Lei 15/2004 referente a “Adaptación a ambiente”

-está adxacente ó LIC “Costa Artabra” e unha actuación urbanística nesta zona podería danar zonas moi sensibles como a lagoa de Doniños, a propia costa Artabra,etc

-nacemento de regatos e presencia de humedais. A construcción de naves industriáis nesta zona estaría en contraposición coa recentemente aprobada Lei 5/2006 no parlamento galego para “Protección conservación e mellora dos ríos galegos”

-existencia de algunhas das ultimas turbeiras de Galicia

-flora e fauna con alguns especímenes no listado de especies a protexer.

-etc.etc

B) SAN PEDRO DE LEIXA

-atópase á “Fraga da Pega” e a “Fraga da Casa do Monte” uns dos últimos reductos de bosque autóctono non ripícola que se conserva no municipio ferrolán. Tamén nesta zona hai flora moi importante con Ripsilvas, e bosque de ribeira

-zona con importantes restos arqueolóxicos : Castro da Leixa (Croa) , Castro de Sta Icia , e a mámoa de Trasancos (actuación urbanísitca na zona: mesmos incumprementos da Lei 15/2004)

- Nesta zona atópanse especies animáis incluidas no “Catálogo Nacional de Especies Amenazadas” (CNEA) con categoría de vulnerable (V) e/o perigro de extinción. Máis de 40 especies entre mamíferos, reptiles, aves, peces, ou anfibios da zona estarían englobadas dentro da Directiva Hábitats 92/43/CEE ou directiva Aves (Directiva79/409) etiquetadas de “interese especial” ou “vulnerable”.

-Nesta zona está os regatos de Fonteiroa, o rego de Leixa e o rio Frexeiro, zonas especialmente sensibles a unha posible actuación empresarial.

-Esta superficie atópase en contacto directo có Hospital Basico da Defensa e o Hospital Novoa Santos. Non semella moi axeitado facer un polígono industrial e trafico de mercadurías potencialmente perigrosas nesta zona.



Por todo o exposto presentamos “proposta de resolución” á Plataforma Artabra 21:

1º Considerar ó “Chá de Brión” e os espazos naturáis de “San Pedro de Leixa” zonas naturais e de interese arqueoxólico a protexer de defendelas de posibles actuacións urbanísticas e empresariais.

2º Apoiar a solicitude de que preservar integramente as fragas de esa zona, en concreto as de “A Pega”, “Casa do Monte” con fíguras especiais de protección así como os cursos fluviais e bosques de ribeira

3º Apoiar a solicitude de que sexa declarado tanto o Chá de Brión como os espazos naturais de San Pedro de Leixa como “Espazos Naturais Protexidos”.



Ferrol 19.2.2007

En representación da “Plataforma pola Defensa Natural e Patrimonial dos Montes de Brión e de Leixa”,


Xan Ramirez
Pdte Clube Montaña Ferrol

Asdo Antonio García Jiménez
Vogal de Adega-Trasancos

Ignacio Allegue
Responsable de Medio Ambiente de IU-EU

Carlos García
Responsable de Nós-UP

Jaime López
Representante Veciños Brión

_______________

Enlaces relacionados:

Presentadas alegacións ao Proxecto Sectorial do parque empresarial de Leixa e ao Estudo de impacto Ambiental

Alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007)

_______________

martes, febreiro 20, 2007

Conferencia sobre Cha de Brión o próximo xoves, día 22 de febreiro, ás 20.00 na sala do Colexio de Arquitectos de Ferrol

Clicar acima da imaxen para ampliar


De: Miguelanxo Reimúndez
Para: artabra21@gmail.com
Data: 19 de febreiro de 2007 13:54
Asunto: convite charla sobre Cha de Brión


Achego convite para unha charla sobre Cha de Brión do próximo xoves, día 22 de febreiro, ás 20.00 na sala do Colexio de Arquitectos de Ferrol (Rua Real 14-16 baixo, Ferrol)

O tema da conferencia é un proxecto interdisciplinar realizado en Monte Penide, espazo de monte entre Vigo e Redondela semellante pola súa situación, riqueza e amenazas a Cha de Brión, que pretendía formular unha nova maneira de ordenar un espazo periférico de interese ambiental, cultural, histórico e paisaxístico, sen destruir ningún dos seus valores.

Agradecería que se mandase esta invitación ao resto dos colectivos da plataforma

un saudo

Miguel Reimúndez

sábado, febreiro 10, 2007

Presentadas alegacións ao Proxecto Sectorial do parque empresarial de Leixa e ao Estudo de impacto Ambiental

De: Antonio Gª
Para: artabra21@gmail.com
Data: 9 de febreiro de 2007 17:32
Asunto: Alegacions ó Proxecto de Polígono Industrial Leixa (Ferrol).2007. Plataforma Defensa Brión-Leixa. Impacto sobre medio natural, arqueolóxico, ...


Queridos compañeir@s: Vos enviamos resumo da nota de prensa e alegacions sobre o asunto do polígono industrial de Leixa, enviada hoxe á prensa, por se vos vale para algo.

Unha aperta e que teñades tod@ unha boa fin de semana

Antonio Gª

Enviamos a seguinte nota informativa de “Plataforma pola Defensa Natural e Patrimonial dos Montes de Brión e de Leixa” por se podedes informar dela na nosa paxina web.

Unha aperta e boa fin de semana

Atentamente:

Antonio García Jiménez
“Plataforma pola Defensa Natural e Patrimonial dos Montes de Brión e de Leixa”
Vogal de Adega-Trasancos

ASUNTO: PRESENTADAS ALEGACIÓNS ó “Proxecto sectorial do parque empresarial San Pedro de Leixa (Ferrol)” e ó “Estudo de Impacto Ambiental”
(D.O.G. 9.1.200)

ENTIDAD QUE A REMITE: “Plataforma pola Defensa Natural e Patrimonial dos Montes de Brión e de Leixa”, integrado por ADEGA(Asociación para a Defensa Ecolóxica de Galiza ), Club de Montaña de Ferrol, Esquerda Unida-IU, Nós-UP, e veciños de Brión e de Leixa

DATA de presentación: 8.2.2007

MOTIVOS E XUSTIFICACIÓN: Adxuntamos en arquivos asociados as alegacions presentadas completas, así como un mapa-croquis do zona proxectada para o polígono industrial e á súa relación con fragas, castro e rede hospitalaria.

Básicamente as alegacions presentadas están baseadas en:

-Se o polígono industrial de San Pedro de Leixa se levase a cabo, tería un impacto ambiental moi importante para a zona, afectando á fraga de “A Pega” (un dos últimos reductos de bosque autóctono non ripícola que se conserva), e fragas de ribeira xunto ós cauces fluviais.

-Afectaría a máis de 40 especies de animáis englobadas dentro da Directiva Hábitats 92/43/CEE ou directiva Aves (Directiva79/409) etiquetadas de “interese especial” ou “vulnerable”

- Afectaría de forma severa , os cauces fluviais da zona, especialmente O Regato de Fonteiroa e o Rego de Leixa.

-Estaría en estreito contacto có Hospital Novoa Santos e có Hospital Xeral de Defensa, e moi preto da zona están o Hospital Arquitecto Marcide e o Centro de Minusválidos. É evidente o perigo que supón ter un polígono industrial, con posible tránsito o almacenamento de mercadurías perigrosas cerca de estos hospitais.

-Estarían colindantes ou no interior do polígono industrial, restos arqueolóxicos notables e catalogados como o Castro da Leixa (Croa) , Castro de Sta Icia , e a mámoa de Trasancos.

-Ademáis, hai solo industrial nas proximidades de Ferrol (parques empresariais de Narón, Fene, Pontedeume,etc) con moita superficie valeira, así como no porto exterior de Ferrol.

-Esta actuación iria en contra das actuáis recomendaciones na loita contra o Cambio Climático, por conlevar aumento das emisións de C02 e unha destrucción irreversible de masas forestaies, humedáis e afectación de ríos.

Enlace Alegacións e Mapa-croquis


Alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007)

ASUNTO: Alegacioóns ao “Plan sectorial de ordenación de áreas e CONSELLERIA DE VIVENDA E SOLO

Polígono das Fontiñas

Area Central s/n

15781. Santiago de Compostela


ASUNTO: Alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007)


Antonio García Jiménez con DNI 22924851-S, actuando en representación da “Plataforma pola Defensa Natural e Patrimonial dos Montes de Brión e de Leixa”, integrado por ADEGA(Asociación para a Defensa Ecolóxica de Galiza ),Club de Montaña de Ferrol, Esquerda Unida-IU, Nós-UP, e veciños de Brión e de Leixa con enderezo-para os efectos de notificación- R/Jamaica 2;5ºA. Ferrol. C.P. 15404, comparece e como mellor proceda en dereito,

EXPÓN:

1-Que por medio do presente escrito a “Plataforma pola Defensa Natural e Patrimonial dos Montes de Brión e de Leixa”, e as entidades que o compoñen formulan alegacións ao “Estudo do Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007).

2-O presente Proxecto, sae a exposición pública sen haberse resolto as alegacions presentadas en 2006 pola nosa Plataforma e demais colectivos á Modificación Puntual do Plan Sectorial de Ordenación Territorial de Áreas Empresariais no Ámbito da Comunidade Autónoma de Galicia, para o Parque Empresarial de Ferrol.”(D.O.G 185, 25.10.2006). Por este motivo, ademáis, solicitamos en base ó Artigo 43 da Lei 30/92 de Procedemento Administrativo que se nos de resposta as alegacións que presentamos a tal proxecto.

3-Neste proxecto os impactos sobre territorio físico , a paisaxe e as afeccions ambientais son moi notorias contravinindo as prescripcions do Plan Sectorial de Areas Empresariais na Comunidade Autónoma de Galicia ( 2004 ) .Como o propio EIA refire, se catalogan como “importantes” nas súa pax 131 as accións a desenrolar como: “emisión de gases a la atmósfera”, “emisiones de partículas a la atmósfera”, “niveles de ruido”, “vertidos a las aguas”, “vertidos al suelo”,”generacion de residuos”, etc, e ainda que se tomen medidas correctoras ou preventivas, está claro que o impacto ambiental sobre o entorno desta actuación sería moi notorio .

4-En relación có punto anterior, no propio EIA (Estudo de Impacto Ambiental) refire na súa pax 165: “5.3.3.2. Fase de ejecución: Es en esta fase donde se produce el mayor número de impactos negativos, de los cuales un número importante son de carácter severo”. (..emisión de partículas, transformación do sistema hídrográfico, verquidos, etc,etc), moitos destos impactos os define como “permanentes”. Evidentemente proponse unha serie de medidas preventivas ou correctoras, pero en calquer caso non poderá compensar este importante e severo impacto negativo

5-Este proxecto non esta en acorde, na nosa opìnión, có artigo 104 de Ordenación Urbanística e Protección do Medio Rural de Galicia e a súa modificación Lei 15/2004 referente a “Adaptación a ambiente”. Xunto ó parque empresarial encóntrase o Castro da Leixa (Croa) , e na superficie do propio parque o Castro de Sta Icia , e a mámoa de Trasancos, polo que incumpre a norma “non existan nas proximidades do ámbito edificios ou grupos de edificios de carácter artístico, histórico, típico ou tradicional cos que se deban harmonizar as construcións”. Evidentemente unha nave industrial non é o mais axeitado para construir cerca dun castro.

6-A realización deste polígono industrial e as industrias que alís se ubiquen producirán un aumento das emisións de C02 e unha destrucción irreversible de masas forestaies, humedáis e afectación de ríos, todo iso iria en contra das actuáis recomendacións do IPCC (Intergubernamental Panel of Climate Change) de 2 de febreiro 2007, nas que ademáis de baixar as emisions de C02, é básico manter as nosas zonas boscosas, ríos e humedáis.

7- Baseándonos no carácter supramunicipal da “Plan Sectorial de Ordenación Territorial de Áreas Empresariais no ámbito da Comunidade Autónoma de Galicia” e tendo en conta que na nosa comarca hai moito solo industrial nas proximidades de Ferrol (parques empresariáis de Narón, Fene, Pontedeume,etc) con moita superficie valeira, non é preciso danar a importante zona natural de Leixa . Ademáis de iso, no concello de Ferrol creouse recentemente grande cantidade de solo para ubicación de industrias e empresas na 1ª fase de porto exterior de Ferrol e tamén está contemplado para a 2ª fase do mesmo, ademais de recentes implantacion de empresas en solo adxacente a Leixa, quedar solo industrial na Gándara,etc,etc. Por outra banda punto 3.3.do EIA: “Análisis y justificación de alternativas”: Non se evalúa ninguna alternativa ó proxecto como , no noso criterio, debería de facerse.


8-Referente á paisaxe, no texto do EIA na pax 145, refire “Por lo tanto, se considera que la ejecución del Parque de Leixa no va a producir una modificación sustancial del paisaje de la zona”. Pensamos que evidentemente esto non é así, posto que esa zona natural, das mellor conservadas do interior do concello de Ferrol , sen case construccións humanas (pode comprobarse vindo as fotografías do propio EIA) , veriase claramente modificada coa construcción de naves , viales, e demais estructuras relacionadas.

9- Como na propia pax, 51 do E.I.A. refire en relación coa zona do proxecto: “..existen fragas de considerable extensión y bastante bien conservadas..”. Este proxecto urbanístico afectaría á “Fraga da Pega” un dos últimos reductos de bosque autóctono non ripícola que se conserva no municipio ferrolán. Está solicitado ó Concello de Ferrol, dende o ano 2001, que esta fraga xunto con outras 4 de Ferrol, sexa declarada como Espazo Natural de Interese Local dacordo coa Lei galega de Conservación da Naturaza, Lei 9/2001, de 21 de agosto) . Ademáis de iso, diversos colectivos como nós e o propio Concello de Ferrol, a través da súa Concellería de Medioambiente, solicitou á Xunta de Galicia no ano 2006 a inclusión da “Fraga da Pega” dentro do Catálogo de Árbores Senlleiras da propia Xunta de Galicia.

10-Na zona da actuación existen unha serie de fragas de ribeira, constituídas por especies arbóreas cada vez mais escasas na nosa bisbarra, como o bidueiro (Betula sp), ameneiro (Alnus glutinos), freixo(Fraxinus agustifolia), carballo (Quercus robur), espiño branco(Crataegus monogyna), sabugueiro(Sambucus nigra), salgueiro(Salix sp), abeleira(Corylus avellana),etc . Con esta actuación se afectaría especies arboreas de caducifolias, laurifolias, e especies como Crataegus monogyna, Frnagula albus, Pyrus cordata, Malus silvestres, Arbusutus unedo, Ilex aquifolium, Laurus nobilis, etc. Estas masas arbóreas desaparecerían ou verianse seriamente mermadas con esta actuación.

11-Desaparecerían ou danaríanse fortemente as comunidades de Ripsilvas, especialmente Senecio bayoneneis e Valeriano pyrenaicae, árbores que están na veira dos ríos e as veces dentro dos propios cauces fluviáis e que son básicas para o mantemento dos cauces , suxeción dos mesmos antes as crecidas e avenidas.

12-Tamén atóupase na zona un ameneiral que permanece anegado gran parte do inverno, sendo unha formación arbórea de rara presentación que tamén afectariase polo parque empresarial.

13- Nesta zona atópanse especies animáis incluidas no “Catálogo Nacional de Especies Amenazadas” (CNEA) con categoría de vulnerable (V) e/o perigro de extinción. Máis de 40 especies entre mamíferos, reptiles, aves, peces, o anfibios da zona estarían englobadas dentro da Directiva Hábitats 92/43/CEE ou directiva Aves (Directiva79/409) etiquetadas de “interese especial” ou “vulnerable”. Entre eles destacar: Lontra (Lutra lutra), Xeneta (Genetta genetta), Desmán ibérico (Galemys pyrenaicus) , Morcego rateiro ( Rhinolophus hipposideros) , Garza pequena (Ixobrychus minutus),Falcón peregrino (Falco peregrinus) , Águia cabreira (Circaetus gallicus) ,etc,etc. Ademáis habería que sumar o impacto sobre a fauna residual da contaminación lumínica, acústica, etc, que suporía ter un polígono industrial na zona.

14-. O ámbito aparece cruzado por dous ríos: O regato de Fonteiroa e o Rego de Leixa. No EIA do proxecto (pax 185), se explicita que parte do curso fluvial canalizaríase. Ademáis as obras, construccións e movementos de terras case con toda seguridade vertería sobre estos ríos así como sobre o río Frexeiro que é a un dos límites do polígono. Por iso estimamos que tal actuación, estaría en contraposición coa recentemente aprobada Lei 5/2006 no parlamento galego para “Protección conservación e mellora dos ríos galegos”.

15-.Na zona de Leixa destaca por un solo de extraordinaria fertilidade , que evidentemente se perdería coa actuación. Precisamente no Tomo I do proxecto, na súa paxina,2-18 explicita referente á riqueza do só que : “tan só o 0,1 da superfície do ámbito considérase solo improdutivo”. E sería unha auténtica mágoa, adicar este só tan fértil, a polígono industrial, máxime cando a superficie agrícola do concello está a diminuir de forma considerable.

16-.O presente polígono industrial, en caso de levarse a cabo, estaría en estreito contacto có Hospital Novoa Santos e có Hospital Xeral de Defensa (Ver Anexo I) e moi preto da zona están o Hospital Arquitecto Marcide e o Centro de Minusválidos. É evidente o perigo que supón ter un polígono industrial, con posible tránsito o almacenamento de mercadurías perigrosas cerca de estos hospitais. Non E.I.A. non se analizan as repercusions de ter un polígono xunto a rede hospitalaria nin as medidas correctoras e preventivas a tomar.

17.Neste proxecto urbanístico, quedarían núcleos de casas na zona de Fonteiroa, prácticamente “enxaulados” dentro do polígono industrial asi como o Centro de Educación Especial ASPANAES.


Por todo o exposto SOLICITA

1.Que se teñan formuladas alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007) e persoada a “Plataforma pola Defensa Natural e Patrimonial dos Montes de Brión e de Leixa” e as entidades cá compoñen( ADEGA, Club de Montaña de Ferrol, Esquerda Unida-IU, Nós-UP, e veciños de Brión e de Leixa como parte interesada no mesmo, informándonos por escrito en base ó Artigo 43 da Lei 30/92 de Procedemento Administrativo de cantas actuacións e resolucións se practiquen en diante

2.Que Estudo de Impacto Ambiental catalogue como NON APTO o “Proxecto sectorial do parque empresarial San Pedro de Leixa (Ferrol)” (D.O.G. 9.1.2007) por implicar un dano irreversible deste espazo natural con destrucción de zona boscosa, de cauces de ríos e a repercusión correspondente á fauna da zona e polo risco que supón ubicar un polígono industrial pegado a núcleos hospitalarios, máxime habendo espacios valeiros en polígonos industriais próximos.


Ferrol 8.2.2007

Asdo Antonio García Jiménez

Plataforma pola Defensa Natural e Patrimonial dos Montes de Brión e de Leixa”,

Vocal de Adega-Trasancos



venres, febreiro 09, 2007

A SGHN oponse a que o polígono industrial de Leixa destrúa espazos naturais

Transcribimos unha nova que sae hoxe publicada no Diario de Ferrol, pois a consideramos de interese, para procurar a súa máxima difusión, relacionada coa presentación de alegacións ao proxecto do Polígono Industrial de Leixa e o seu informe de impacto medio ambiental, pois a realización deste proxecto destruiría espazos naturais de grande valor ecololóxico.

Diario de Ferrol

Ferrol | Vernes, 9 de Febreiro de 2007

A SGHN oponse a que o polígono industrial de Leixa destrúa espazos naturais

A Sociedade Galega de Historia Natural de Ferrol presentou alegacións ó proxecto sectorial e ó estudo de impacto ambiental do parque empresarial de San Pedro de Leixa por entender que este proxecto afecta á integridade dos espazos húmidos e ás manchas de bosque autóctono de Leixa.

REDACCIóN > FERROL

A SGHN reitera que é fundamental excluir da zona afectada a superficie das veigas existentes no cuadrante suleste, así como a Fraga da Pega. Con esta segregación sería, para a entidade, suficiente para a preservación dos espacios con maior biodiversidade, que se corresponden coas zonas húmedas asolagadas temporalmente, de veigas ocupadas por prados de sega e vexetación riparia asociada ós regos Fonteiroa, Leixa e Río Seco, así como pola Fraga da Pega, un dos escasísimos e reducidísimos exemplos de bosque autóctono que fican no concello de Ferrol, o que lle confire un grande valor ambiental.

A sociedade ecoloxista indica tamén que dende outro punto de vista, semella que a superficie restante disponible para o polígono é suficiente para as aspiracións de reindustrialización da zona, tendo en conta o espazo industrial xa existente nunha superficie que abrangue dende Leixa ata Catabois, que precisaría dunha maior optimización, dándolle unha nova configuración.

Ámbito > A Sociedade Galega de Historia Natural entende ademáis a necesidade dunha planificación supramunicipal, tendo en conta que as sucesivas fases urbanizadoras dos concellos de Narón e Fene deron lugar, según a entidade, a un proceso de "conurbanización, podendo considerarse hoxe en día como una unidade".

Finalmente a entidade pon en dúbida a legalidade dos proxectos sectoriais que se están a desenvolver, tendo en conta a "inexistencia de directrices de ordenación territorial, requisito indispensable para levar adiante este tipo de actuacións", afirma a SGHN, que cita, neste senso, a Lei de Ordenación do Territorio.

___________________________
Notícia orixinal no Diario de Ferrol
___________________________