Amosando publicacións coa etiqueta CNT. Amosar todas as publicacións
Amosando publicacións coa etiqueta CNT. Amosar todas as publicacións

martes, abril 28, 2015

As Marchas da Dignidade de Ferrolterra e o Sindicato de Oficios Varios da CNT, convocan en conxunto unha Manifestación en Ferrol, o vindeiro venres 1 de Maio, ás 6 da tarde, con saída do Cantón


No Día do Internacionalismo Proletario, as Marchas da Dignidade de Ferrolterra, convocan en conxunto co Sindicato de Oficios Varios da CNT unha Manifestación en Ferrol, o vindeiro venres 1 de Maio, ás 6 da tarde, con saída do Cantón e remate na Praza do 10 de Marzo (Entre As Pías e as Casa Baratas).

Participa no envento no facebook e difunde:
https://www.facebook.com/events/1390097747982799/

MANIFESTO UNITARIO DOS SINDICATOS QUE PARTICIPAN NA COLUMNA GALEGA DAS MARCHAS DA DIGNIDADE


PRIMEIRO DE MAIO, POLA DIGNIDADE

Neste Primeiro de Maio a Clase Traballadora continúa a loita contra o aumento da represión e da precariedade laboral e social, contra a corrupción xeneralizada, a privatización dos servizos públicos, a miseria enerxética e a falta de vivendas. Sobran motivos para a mobilización.

As reformas laborais serviron para que os empresarios conseguiran os seus obxectivos: ter traballadores e traballadoras sen dereitos. Banqueiros e capitalistas seguen aumentando os seus beneficios á costa do sufrimento e da miseria da meirande parte da poboación. Sen escrúpulos e coa complicidade de políticos lacaios que comparten os seus privilexios sosteñen tramas de corrupción que repugnan calquera persoa decente, condenando amplos sectores populares á pobreza máis severa.

Cando nun país seres humanos son desaloxados violentamente das súas vivendas, cando se corta a luz, a auga ou o gas a quen xa non os pode pagar máis, cando encher a cesta da compra é un acto épico, cando non existe ningunha estabilidade laboral e o empresario pode despedir ao seu bel-prazer, cando as pensións son miserables, cando a xuventude ten que emigrar, cando as listas de espera nos hospitais son interminables e a axuda á dependencia é unha burla mentres os gastos militares e policiais se disparan... a conclusión é que vivimos nun estado de excepción e de exclusión e que xa chegou o momento de dicir que xa abonda desta ditadura disfrazada de democracia.

A represión endureceuse para quen loita contra este sistema corrupto e inxusto desde os seus cimentos. A lexislación modificouse a tal efecto e os xuíces a executan sen pestanexar. A aplicación sistemática da prisión preventiva e o aumento do número de procesados, condenados e encarcerados por mobilizacións sindicais e sociais retrotráenos a épocas no que o aparato xudicial era un executor máis do estado totalitario.

Neste 1º de Maio dicimos "ou eles, ou nós". Imponse a necesidade da acumulación de forzas e a unidade da clase obreira e os sectores populares. Se, a unidade de clase é imprescindible nesta fase histórica do capitalismo, para desde aí poder afrontar con garantías o derrubamento do sistema e o empoderamento popular. De non ser así, non poderemos asinar o certificado de defunción deste capitalismo feroz.

Pero aquí dicimos que nós non lles temos medo. Soamente coa loita e a resposta contundente na rúa e nos centros de traballo poderemos combater os atropelos e a barbarie que Goberno e Capitalismo nos impoñen. Vainos nelas a liberdade e a posibilidade de vivir con dignidade e igualdade unha vida que mereza tal nome e na que os dereitos sociais sexan a garantía do desenvolvemento das persoas. Por iso nós continuaremos loitando contra o TTIP, nas Marchas da Dignidade, nos movementos antidesafiuzamento, e naqueles ámbitos nos que se denuncie a inxustiza como o que é: violencia institucionalizada.

Por todo isto, este Primeiro de Maio berramos:

BASTA XA DE REPRESIÓN!
PAN, TRABALLO, TEITO E DIGNIDADE!
VIVA A CLASE OBREIRA! VIVA O PRIMEIRO DE MAIO!

1 de maio de 2015





MARCHAS DA DIGNIDADE DE FERROLTERRATELÉFONO DE CONTACTO:
603 213 863

ENDEREZO DE CORREO-E:
marchasdadignidadeferrolterra[arroba]gmail.com


Enlaces de interese
.-

Ferrolterra:
http://marchas-da-dignidade-ferrolterra.blogspot.com.es/
Redes da Columna de Ferrolterra:
https://www.facebook.com/marchasdadignidade.ferrolterra

Galiza:
http://marchasdadignidade.blogspot.com/
Redes da Columna Galega:
https://twitter.com/galizaMarcha22M
https://www.facebook.com/MarchasDignidade
https://www.facebook.com/groups/265451853621237/
https://www.youtube.com/channel/UCaOvAhPYKR43taxbOKCCreg


Estado:
http://marchasdeladignidad.org/


PAN, TRABALLO E TEITO !!
Á RÚA QUE XA É HORA !!



Información baseada na enviada por:
Marchas Dignidade
-marchasdadignidadeferrolterra@gmail.com-
28 de abril de 2015 01:30
___

sábado, abril 11, 2015

A Sección Sindical da CNT do Ateneo Ferrolán analiza a situación da entidade e formula as súas denuncias e demandas

Comunicado da Sección Sindical da CNT no Ateneo

A Sección Sindical da CNT no Ateneo queremos denunciar as manobras do PP para con esta entidade:

Ante a demanda presentada pola empresa de mudanzas contra esta entidade @s traballador@s do Ateneo esiximos ao Concello gobernado polo PP, neste momento, que devolva o patrimonio desta entidade que mantén secuestrado e que é de toda a cidadanía e poder así desenvolver o noso traballo con normalidade e en igualdade de condicións. Reclamamos tamén a devolución dos espazos e metros cadrados da sede desta entidade durante 30 anos e que esta corporación négalle agora ao Ateneo. O goberno de Rey Varela trata de presentar de portas a fóra un compromiso con determinados valores, mesmo di apoiar actuacións encamiñadas a converter a nosa cidade en Patrimonio da Humanidade, pero o certo é que movido por resentimentos partidistas non dubida en comprometer un conxunto patrimonial.

O Concello de Ferrol non pode buscar evadir a súa responsabilidade nunhas actuacións, traslado e almacenamento do patrimonio do Ateneo, que se realizaron como consecuencia dunhas obras contratadas pola devandita administración.

DENUNCIAMOS: Que o Concello de Ferrol está a malgastar diñeiro público nos espazos do edificio do Ateneo, logo da inversión de máis de 1 millón de euros. Peches de salas de exposicións e de aulas para non ser utilizadas, buzóns, porteiros automáticos, telefonía... O peche dunha das salas supón non ter acceso ao sistema contraincendios do edificio nin acceso ao cadro das luces que temos denunciado por rexistro dende hai meses sen resposta. Así como as graves deficiencias de construcción e de acabados que presenta esta obra recén rehabilitada e recepcionada polo goberno do PP que temos presentado tamén por rexistro:
  • Calefacción que non funciona.
  • O material contraincendios que mostra irregularidades.
  • Humidades e goteiras na cuberta, nos pisos inferiores e na entrada polo patio.
  • Aseos coas pezas rotas ou descolgadas da parede.
  • Portas e fiestras que non pechan nos aseos e mal frisadas.
  • Balcóns do século XVIII nun estado deplorable.
  • Canalones atascados que filtran auga.
  • Saídas de emerxencia que non existen
  • etc.
Dende a Sección Sindical da CNT no Ateneo queremos salientar a labor desta nova Xunta Directiva que, non sin atrancos, foron capaces de poñerse ao día no pago da Seguridade Social, Facenda e acadaron un acordo con nós, os traballadores, polas débedas de nóminas contraídas polo anterior equipo de Ramón Veloso. O Ateneo Ferrolán é unha entidade de carácter cultural, cun modelo de xestión económica que ocasiona un custo mínimo ó Concello, xa que hai 4 anos que non recibe ningún tipo de axuda ou subvención, cando durante décadas asinábase un convenio económico anual co Concello como múltiples asociacións seguen a ter en vigor.

A Sección Sindical da CNT no Ateneo responsabiliza ao goberno do PP e ao alcalde da cidade Rey Varela, ao que lle pedimos unha entrevista ao igual que a Directiva e non tivemos resposta, da posible perda de tres postos de traballo nunha comarca na que xa hai demasiada xente desempregada, por un conflito no que vémonos inmersos e a nosa situación laboral implicada, por non ter vontade dende esa corporación de buscarlle unha saída.

Ferrol a 10 de abril de 2015
--
Sección Sindical CNT do Ateneo Ferrolán

http://www.cntgaliza.org/

Enviado por:
CNT Ateneo
-cntateneo@gmail.com-
11 de abril de 2015 12:09

_________

luns, outubro 27, 2014

Asemblea Aberta a todos os sindicatos, organizacións e colectivos cidadáns e a toda cidadanía en xeral - Organizar una mobilización en resposta á escalada de represión sindical e social que estamos a sufrir dende o estado e as súas institucións


Convocatoria dunha Asemblea Aberta a todos  os sindicatos, organizacións e colectivos cidadáns e a toda cidadanía en xeral

Día: Mércores 29 de Outubro.
Hora:  ás 20 h.
Lugar: Ateneo Ferrolán (Rúa Madalena 202-204).
Obxectivo: Realizar unha asemblea aberta coa intención de organizar una mobilización en resposta á escalada de represión sindical e social que estamos a sufrir.

Dende o Sindicato CNT de Ferrol invitamos aos demais sindicatos, organizacións e colectivos cidadáns e a toda cidadanía a participar nunha asemblea aberta coa intención de organizar una mobilización en resposta á escalada de represión sindical e social que estamos a sufrir dende o estado e as súas institucións.

A convocatoria é para o próximo mércores día 29 de outubro ás 20:00 horas, no Ateneo Ferrolán.

Temos que dar unha resposta na rúa ao intento de amedrentarnos e calarnos.

Se tocan a unh@, tócannos a tod@s. A rúa non é súa.

Evento no facebook:
https://www.facebook.com/events/1389048941376267/

Enviado por:
ferrol@cntgaliza.org
-ferrol@cntgaliza.org-
25 de outubro de 2014 12:56

_________________________

venres, setembro 12, 2014

A Sección Sindical da CNT no Ateneo responsabilizamos ao goberno do PP e ao alcalde da cidade da posible perda dos nosos postos de traballo nunha comarca na que xa hai demasiada xente desempregada

Comunicado da Sección Sindical no Ateneo Ferrolán

Co motivo da demanda da empresa Mudanzas Felix contra o Ateneo Ferrolán por unha débeda contraida polo Concello de Ferrol e que agora non quere asumir, a sección sindical da CNT solicitamos unha entrevista co alcalde de Ferrol José M. Rey Varela, para solucionar este conflito que pon en perigo os tres postos de traballo que mantén o Ateneo.

A Sección Sindical da CNT no Ateneo responsabilizamos ao goberno do PP e ao alcalde da cidade da posible perda dos nosos postos de traballo nunha comarca na que xa hai demasiada xente desempregada. Quedamos á espera da súa pronta resposta para solucionar un conflito no que vémonos inmersos e a nosa situación laboral implicada, por non ter vontade dende esa corporación de buscarlle unha saída.

Denunciamos as manobras e as dobres varas de medir do Goberno do PP ás que ten sometido ao Ateneo Ferrolán e sinalamos como culpable ao alcalde Rey Varela, da situación creada pola persecución política que dende o seu goberno vén sometendo a unha entidade incómoda como é o Ateneo

Dende a CNT, comunicamos que estaremos presentes nas diferentes protestas e mobilizacións en apoio ao Ateneo Ferrolán, polo que acudiremos á concentración convocada polo Ateneo este martes día 16 ás 20 h. na Praza de Armas e facemos un chamamento á cidadanía para que acuda, non só pola defensa da Cultura libre senón que tamén, en defensa dos postos de traballo.

Ferrol, 10 de setembro, de 2014

Sección Sindical da C.N.T. no Ateneo Ferrolán

http://www.cntgaliza.org/

Enviado por:
CNT Ateneo
-cntateneo gmail.com-
11 de setembro de 2014 13:30

____________________

xoves, xullo 31, 2014

A Sección Sindical da CNT do Ateneo Ferrolán denuncia irregularidades do goberno municipal

Dende a Sección Sindical da CNT queremos facer públicas as diversas irregularidades que esta a cometer o Concello de Ferrol contra o Ateneo Ferrolán e os seus traballadores e traballadoras.

Logo de ter reducido o espazo dispoñible usado polo Ateneo dende hai máis de 30 anos, despois das obras de rehabilitación de máis de 2 anos, que estivemos traballando dentro do edificio, un proxecto aprobado para albergar a esta entidade, o goberno do PP limita a súa capacidade en favor de outras asociacións “fantasma” ideoloxicamente mais afíns ó goberno municipal.

Tras dous anos de obras de rehabilitación, o edificio histórico cedido á entidade, tivo que volver a soportar máis obras a maiores para facer espazos pechados e acomodar así dentro do edificio aos seus amigos “fantasma” sen solucionar nen ter en conta que o edificio, como xa denunciamos en reiteradas ocasións, presenta grandes deficiencias de obra e de materiais utilizados na súa rehabilitación: segue a entrar a auga polo tellado, ventás que non pechan, portas rotas, wateres rotos e atascados, paredes cheas de humidade, o chan coa calefacción radiante cheo de filtracións de auga, chove dentro dos aseos .....

Escoitamos e lemos, con estupor, nos medios de comunicación cómo se legalizan edificios públicos, ata o momento de uso ilegal e concédense “licencias exprés” para empresas hosteleras que nin pagan impostos nin de consumo de auga e de electricidade dentro destos edificios supostamente para usos culturais, firmas de convenios e subvencións con asociacións que nada aportan á cidade, tan solo por “amiguismo”.

Dende a Sección Sindical da CNT no Ateneo, denunciamos as diferentes varas de medir que ten o grupo de goberno do PP no Concello de Ferrol para con esta entidade e o importantísimo patrimonio almacenado por orden do Concello dende hai máis de 3 anos nunha empresa de mudanzas. O Concello de Ferrol non pode buscar evadir a súa responsabilidade nunhas actuacións, traslado e almacenamento do patrimonio do Ateneo, que se realizaron como consecuencia dunhas obras contratadas pola devandita administración.

Dende a Sección Sindical da CNT no Ateneo queremos salientar a labor desta nova Xunta Directiva que hai escasamente 6 meses asumiron a xestión desta entidade e que, non sin atrancos, foron capaces de poñerse ao día no pago da Seguridade Social, Facenda e acadaron un acordo con nós os traballadores polas débedas contraídas polo anterior equipo de Ramón Veloso. O Ateneo Ferrolán é unha entidade de carácter cultural, cun modelo de xestión económica que ocasiona un custo mínimo ó Concello, xa que hai anos que non recibe ningún tipo de axuda ou subvención.

Non é admisible xogar de xeito interesado cun patrimonio de enorme valor para o conxunto da cidadanía e que presenta, como corresponde á súa natureza, un enorme risco de sufrir deterioracións que poden resultar en moitos casos irreversibles. O goberno de Rey Varela trata de presentar de portas fóra un compromiso con determinados valores, mesmo di apoiar actuacións encamiñadas a converter a nosa cidade en Patrimonio da Humanidade, pero o certo é que movido por resentimentos partidistas non dubida en comprometer un conxunto patrimonial, Biblioteca-Hemeroteca única en Ferrolterra, que mereceu múltiples recoñecementos a nivel internacional e que se ve sometido por problemas de conservación, cuestión que evidentemente se agrava tras un período tan prolongado de almacenamento dentro duns contenedores nun polígono industrial.

A CNT sinala como culpable da situación á persecución política que dende o goberno do PP se vén sometendo a unha entidade incómoda como é o Ateneo

Dende a CNT, comunicamos que calquera tipo de medida ou iniciativa que supoña un prexuízo aos intereses dos traballadores e traballadoras do Ateneo, atoparán unha resposta decidida por parte deste sindicato.

Sección Sindical da C.N.T. no Ateneo Ferrolán

http://www.cntgaliza.org/
_______________

martes, marzo 04, 2014

Comunicado do SOV CNT Ferrol en Apoio as Marchas pola Dignidade do 22 de marzo a Madrid

Comunicado en Apoio as Marchas pola Dignidade do 22 de marzo a Madrid

Ferrol. 28 Febreiro, 2014 - 17:59

Dende o SOV CNT Ferrol comunicamos que participaremos nas mobilizacións e asembleas que se convoquen na cidade en apoio as Marchas pola Dignidade convocadas para o 22 de marzo que confluirán en Madrid.

Mobilizarémonos contra este sistema que privatiza o rendible mentres recórtannos o presuposto en saúde, educación, dependencia, transportes públicos, auga, enerxía, comunicacións, servizos sociais, etc..,

Mentres a patronal, aproveitando o drama do paro masivo, aperta máis aínda, as roscas á baixa dos salarios e das condicións de traballo ás persoas que aínda teñen un emprego.

Traballadores e traballadoras que, ante a difícil situación, non poden nin sequera cuestionar o seu papel de meros explotados/ás polo capital. O sistema intenta obrigarnos a mostrar agradecemento aos empresarios, convertidos polo sistema en benfeitores da sociedade.

É hora de repartir o traballo e a riqueza, e que as persoas traballadoras poidan sentirse donas do seu futuro.

Facemos un chamamento a encher de dignidade as rúas.

En Ferrol a 27 de febreiro de 2014

http://www.cntgaliza.org/

Enviado por:
Axenda Aberta
-axendaaberta@gmail.com-
3 de março de 2014 09:04

http://axendaaberta.blogspot.com/

________________

mércores, decembro 19, 2012

A CNT emite un novo comunicado de prensa en apoio os traballadores do Ateneo Ferrolan

Novo comunicado de prensa en apoio os traballadores do Ateneo Ferrolan

COMUNICADO DA CNT

Dende o SOV CNT – FERROL apoiamos a inciativa da Xunta Directiva do Ateneo Ferrolán que, a través dos seus traballador@s e ante a negativa do PP do Concello de Ferrol a facilitarlles as chaves da súa sede que ocupan dende hai 30 anos, optaron por entrar no edificio coa chave que sempre tiveron e que por dereito utilizaron.

Logo de máis de 2 anos de obras, os traballadores, por fin, poden reincorporarse aos seus postos e desenvolver a súa actividade con normalidade a espera da devolución do seu Patrimonio (que é de tod@s) e que semella queiran secuestrar desde o goberno do Sr. Rey Varela.

O edificio aberto ao público e á cidadanía logo da súa rehabilitación, pódese visitar e comprobar que a idea de compartir espazos coas asociacións afíns ao PP, a SAF e a AVV Zona Centro, só débese as ganas deste goberno de controlar e afastar o asociacionismo da cidade e non pola demagoxia utilizada do aforro económico.

O Partido Popular, no uso da súa maioría absoluta no Concello de Ferrol, pretende no próximo pleno do día 27 de decembro distribuír arbitrariamente os espazos do Ateneo, do mesmo modo que pretende facer desaparecer o seu nome asociado ao edificio e tutelar as actividades culturais desta entidade con máis de cen anos de historia na cidade de Ferrol, (so a ditadura franquista conseguiu pechar ao Ateneo). Ademais, entregará a unha empresa privada, como é EULEN (tamén familiar e afín ao PP), o servizo de vixilancia, mantemento, ... gastos do edificio que ate agora eran cubertos polo propio Ateneo.

Feitos que semellan provir do desexo non só, de acalar e controlar o tradicional desenvolvemento cultural da entidade en favor de Ferrol e da cultura galega, senón que tamén demostra o desexo do PP e desta dereita de privatizar a cultura, poñendo así en perigo os postos de traballo.

Dende a CNT estaremos atentos as manobras que dende o goberno do PP fagan con esta entidade, co patrimonio e cos traballadores apoiando ás reivindicacións e accións que por dereito plantexen ante o desmantelamento da cultura en xeral que na aplicación destas políticas están a levar a cabo.

Secretaria de Prensa e Propaganda.

Ferrol 15 de decembro de 2012

http://www.cntgaliza.org/

Enviado por:
ferrol@cntgaliza.org
-ferrol@cntgaliza.org-
19 de dezembro de 2012 17:05

_______________

Concentración en Ferrol, contra os abusos da banca e a ditadura dos mercados, convocada polo colectivo Forxa e CNT

O SEU BOTÍN É A NOSA CRISE!!

Concentración contra os abusos da banca e a ditadura dos mercados.

Xoves 20 de decembro, ás 18:00 horas, na Praza de Armas (diante da oficina de Bancaja) - Ferrol

Organizan: FORXA! e CNT.

http://revistaforxa.blogspot.com.es/2012/12/concentracion-contra-os-abusos-da-banca.html

Enviado por:
Forxa!! Construír o partido, preparar a revolución!! -forxagz@gmail.com-
17 de dezembro de 2012 21:35

___________

venres, novembro 09, 2012

A C.N.T de Ferrol convoca folga para o 14 de Novembro

A C.N.T de Ferrol convoca folga para o 14 de Novembro

Para CNT o 14 de Novembro debe ser un paso máis cara a novas e máis contundentes mobilizacións, ata conseguir reverter as medidas antiobreiras dos distintos gobernos.

CNT veu traballando desde o día posterior á folga xeral do 29M por unha nova convocatoria de folga, e por unha campaña de mobilizacións xeneralizadas que vaian máis aló das convocatorias de 24 horas, e teñan a capacidade de conseguir a retirada da reforma laboral, das sucesivas reformas legais en favor da banca e a gran patronal.

Nese sentido CNT presentou unha convocatoria de folga propia e diferenciada na que chama a clase obreira da comarca, en activo ou en paro, a estudantes e xubilados a mobilizarse contundentemente contra as políticas antiobreiras do goberno e das institucións europeas, e a facelo de forma crítica co sindicalismo de concertación e pacto social, entendendo que esta convocatoria é un paso necesario pero non suficiente, e que necesitamos levantar, xunto a outras organizacións e colectivos anticapitalistas, as bases dun movemento social amplo e con capacidade de ir máis aló dos limitados obxectivos e medios que o chamado cume social propuxo.

Para CNT, é hora de ir a por todas e enfrontar de xeito decidido o ataque e o saqueo contra a clase traballadora. Afrontamos xa que logo esta convocatoria apostando pola unidade de clase, desde a base, na rúa e nos piquetes, co convencemento de que debemos levantala sobre prácticas distintas das do modelo sindical de concertación e pacto social, que demostrou repetidas veces que é incapaz de enfrontarse á a ofensiva xeneralizada do poder empresarial e financeiro que sufrimos.

CNT chama por iso, a desbordar o guión prestablecido do sindicalismo institucional o próximo 14N, dando á folga a contundencia e a extensión que a situación esixe, apostando desde o día seguinte pola continuidade das mobilizacións, cando xa desde o goberno prepáranse novas medidas contra a clase traballadora que satisfagan as esixencias do rescate das institucións financeiras.

8 de Novembro de 2012

Secretaria de Prensa e Propaganda.

C.N.T de Ferrol

http://www.cntgaliza.org/

Enviado por:
ferrol@cntgaliza.org
-ferrol@cntgaliza.org
8 de novembro de 2012 22:40
_______________

martes, marzo 27, 2012

Comunicado de prensa C.N.T -Ferrol ante a folga xeral do 29-M, chamando á participación activa

A CNT como organización sindical convócante quere facer un chamamento á participación activa da poboación na xornada de folga xeral convocada para este xoves 29 de Marzo.

Esta en xogo a posibilidade de frear unha reforma que significara unha importante preconización das condicións laborais, os servizos públicos e a calidade de vida da maioría da poboación.

A clase obreira debe dar unha resposta contundente nas rúas, logo de demostrarse a incapacidade dos representantes parlamentarios e sindicais para defender os nosos dereitos. Porén, a xornada de folga do 29 de Marzo non debe ser un feito illado, ou unha válvula de escape para a desesperación; debe ser o comezo dunha serie de accións e mobilizacións continuadas de cara a poñer freo ás agresións que esta a sufrir a clase obreira.

O sindicato de Oficios Varios de Ferrol convoca este mércores 28 unha asemblea aberta á participación de afiliados, simpatizantes, e calquera traballador con gañas de loitar polos seus dereitos, de cara a debater e organizar as accións a levar a cabo na xornada de folga durante os piquetes e manifestacións. A asemblea será no local do sindicato na Avda de esteiro nº10 baixo as 20:30h.

Secretaria de Prensa
C.N.T-Ferrol

http://www.cntgaliza.org/

Enviado por:
ferrol@cntgaliza.org
-ferrol@cntgaliza.org-
27 de março de 2012 00:39
____________

luns, marzo 05, 2012

Convocada Folga Xeral para o 29 de Marzo: As centrais sindicais CGT, CIG, CNT e CUT presentaron a comunicación de Folga o pasado 2 de Marzo ante o rexistro xeral da Consellería de Traballo - Vídeo


A CGT, CIG CNT e CUT, facían entrega formal, o 2 de Marzo, no rexistro da Consellaría de Traballo, da convocatoria de Folga Xeral.

Os catro sindicatos chamaron a CCOO e UGT a sumarse, para dar unha resposta conxunta e frear a reforma laboral.



http://youtu.be/ZdZMpiFx6lI


Segundo explicou Suso Seixopretendemos así dar a imaxe de que aquí si existe unidade sindical. Outra cousa é que CCOO e UGT sigan na ambigüidade”. O secretario xeral da CIG fixo un chamamento a estas centrais sindicais para que se sumen, mantendo aberta a posibilidade de mudar a data, se iso vai favorecer unha máis ampla resposta á reforma laboral, que supón, dixo, “o maior ataque que se fixo á clase traballadora desde a transición”.

Seixo denunciou que o que se pretende coa reforma é non só precarizar o mercado laboral e pór man de obra barata a disposición das empresas, senón tamén deixar á clase traballadora nunha situación de total indefensión. Por iso, concluíu que “cantos máis sindicatos se sumen a esa convocatoria e canto maior sexa a resposta, moito máis doado será obrigar ao goberno a que retire a reforma laboral que é o noso obxectivo”.

Para o secretario xeral da CIG non se pode pretender “dulicificala”, porque do que se trata é de que o goberno “comece a facer políticas económicas en serio, a favor dos intereses da maioría social. Políticas que realmente contribúan a reactivar a economía porque iso é o que vai xerar emprego”. Cuestionou ademais que a reforma laboral vaia xerar emprego e afirmou que “hai datos abondo como para poder demostrar que iso non é así”.

Respecto da posibilidade de mudar a data se CCOO e UGT deciden finalmente convocala, asegurou que as catro organizacións sindicais coinciden en que estarían dispostas a facelo, para que a convocatoria fose conxunta, sempre e cando se trate de adiantala ou atrasala uns días. “O que non imos é a atrasar a folga para o mes de maio ou xuño, cando xa estea aprobado todo no Parlamento, tanto a reforma como os orzamentos”.

Nese sentido, explicou que a data de finais de marzo, en concreto o 29, decidiuse tendo en conta a dinámica do debate parlamentar. Por iso, afirmou “se atrasa moito no tempo, perdería a forza que ten nestes momentos”. Nese caso, informou, a CIG mantería a convocatoria do día 29 deste mes.

Seixo recoñeceu contactos con CCOO e UGT “desde o principio” e que a información extraoficial que ten a central sindical é que “teñen tomada a decisión de convocala para o día 29 de marzo. Parece que están agardando a reunir os seus organismos para tomar a decisión definitiva”.

Ricardo Castro, secretario xeral da CUT, pediu xenerosidade ás organizacións sindicais e afirmou que “agora é o momento de acumular forzas, de cara a crear un movemento de carácter social que impida que se impoñan estas reformas. É o momento da dignidade, de estar do lado da clase traballadora ou estar noutro lado”.

Pola súa banda, desde a CNT, Rita Giráldez denunciou que q reforma laboral cambia os piares do sistema de relacións laborais, rompe coa negociación colectiva e modifica substancialmente as condicións laborais, en función dos intereses do empresario.

Fonte: Avantar


Calendario da CIG na Comarca de Ferrol Terra para a convocatoria da Folga Xeral do 29M:

Ártabra 21: CIG informa do calendario comarcal de mobilizacións contra a reforma laboral, tanto en solitario como en compañía doutros sindicatos, até concluir na Folga Xeral do 29 de Marzo

* * *

Centrais Sindicais

Confederacións Internacionais

Outras centrais sindicais de interese
______________________

martes, xaneiro 18, 2011

A CNT da Galiza chama a secundar a Folga Xeral do 27 de Xaneiro

27 de Xaneiro Folga Xeral!


Chamamento a Folga Xeral para o día 27 de Xaneiro


A CNT da Galiza chama a todos os traballadores e traballadoras a secundar a folga xeral convocada na Galiza para o dia 27 de Xaneiro, contra a nova reforma da Seguridade Social, que amplia a idade de xubilación, aumenta a cotización necesaria para o acceso a mesma e rebaixa a cuantia das pensions. Desde a CNT facemos unha chamada a participación activa na folga, a non ficar nese comodo facto de non ir traballar. Chamamos a todos os traballadores e traballadoras a participar dos piquetes de feche de empresas, comercios e fabricas para garantir o noso direito de folga e impedir a indigna opción de garantir o direito ao traballo, e dicer, a esquirolaxe.Desde a CNT vimos manifestando continuamente a necesidade dunha convocatoria de folga xeral apos a folga do pasado 29 de Setembro. Entendemos que non hai escusa nengunha para non secundar esta folga. A clase traballadora debe permanecer en luita continua contra os ataques que o Estado perpetra contra os direitos laborais e sociais conseguidos muitos deles grazas a duras luitas que costaron sangue e suor a tantos traballadores e traballadoras a traves dos anos. A clase traballadora actuaremos tamben dignamente nesta ocasion, e non dubidamos en asinalar como culpabeis da nova reforma da Seguridade Social, da anterior reforma laboral e do escenario de extrema precarización que se abre para a clase traballadora, a organizacions auto-apeladas sindicatos como son UGT e CCOO, xunto ao poder economico e politico de toda a cor.

Os traballadores e as traballadoras con dignidade, e con eles a CNT, non ficaremos en silencio, senon que unha vez mais estaremos na rua, defendendo os nosos direitos, do lado que nos corresponde. Se UGT e CCOO erran sobre cal e o seu lugar, nos saberemos colocar-nos enfrente e contra eles, como levamos tantos anos de digna historia de luita enfrentando o poder e o capital, coa seguridade de que hai outra forma de organizar a sociedade, coa seguridade de que so na luita obreira esta o camiño cara a emancipacion economica e social. Sabemos que a situacion fai-se cada vez mais urxente: os recortes de direitos avanzan e a necesidade de reorganizacion e reactivacion da luita obreira e mais importante do que nunca. Nos saberemos estar.

http://www.cntgaliza.org/
__________________

mércores, xullo 28, 2010

A CNT de Ferrol inicia a súa campaña de mobilizacións cara á Folga Xeral do 29S contra a reforma laboral e os recortes sociais: Chalar no Inferniño este 29 de Xullo

Charla sobre a reforma laboral en Ferrol
Ferrol. 27 Xullo, 2010 - 19:46
Comezo: 29/07/2010 20:30

A Federación Local da CNT de Ferrol inicia a súa campaña de mobilizacións cara á folga xeral do 29 de setembro contra a reforma laboral e os recortes sociais.

O sindicato CNT vai comezar a campaña cunha serie de charlas en diversas localidades da comarca (Ferrol, Narón, Fene, Pontedeume), sobre as consecuencias que a reforma laboral está tendo nas condicións de traballo da clase obreira. As conferencias estarán a cargo de Rita Giráldez, da Asesoría Xurídica da CNT de Compostela.

O primeiro acto da devandita campaña será a conferencia de Rita Giráldez "Cómo nos afecta a reforma laboral?", o vindeiro xoves, 29 de xullo, ás 20:30 horas, no Centro Cultural Carvalho Calero, de Ferrol.

Dende a Federación Local da CNT chamamos á poboación da cidade a asistir a estes actos para coñecer de primeira man as consecuencias que a reforma laboral terá nas nosas condicións de traballo. Entendemos que só coñecendo as implicacións da reforma laboral seremos quen de opoñernos con forza a esta e outras medidas, tan negativas para a clase traballadora.

Ferrol, 27 de xullo de 2010
Federación Local da CNT de Ferrol

Fonte: http://www.cntgaliza.org/
_______________

Enlace relacionado:

Blogue de Ártabra 21

Folga Xeral do 29 de Setembro de 2010

http://sindicalismo-sindicatos.blogspot.com/

______________________

sábado, xuño 26, 2010

Manifestación 26 xuño en Compostela: Nin recortes de dereitos nin reforma laboral

Sábado 26 de Xuño de 2010, manifestación da CNT galega contra a reforma laboral en Compostela

A CNT galega organiza unha manifestación contra a reforma laboral e os recortes sociais este sábado, 26 de xuño, en Compostela, ás 12 horas. A manifestación sairá da Alameda e rematará cun mitin dos secretarios xerais do sindicatos de Compostela e Ferrol, e Antonio Baena, ex-secretario xeral de acción social da CNT.

Nin recortes de dereitos nin reforma laboral!!!

Enviado por:
Unión Libertaria
-unionlibertaria@gmail.com-
25 de junho de 2010 22:59
_______________

Enlaces relacionados:

________________________

mércores, abril 28, 2010

CNT - Manifestación do 1º de maio en Vigo

A Federación Local da CNT de Ferrol vai participar na manifestación do 1º de maio que a organizáción galega da CNT convoca de xeito unitario na cidade de Vigo, ás 12 horas, con saída na confluencia da Gran Vía e a rúa Urzáiz.

Desde Ferrol haberá autobuses que partirán en dirección a Vigo, saíndo ás 9 da mañá do local da CNT en Ferrol (Avenida de Esteiro, 10), e facendo paradas en Fene, Pontedeume e Betanzos.

Este Sindicato organiza ademáis un acto sindical para o día 30 de abril, ás 20 horas, no seu local social (Avenida de Esteiro, 10), no que falarán Xabier Porto (secretario do Sindicato), Francisco Fernández (traballador do metal) e Eliseo Fernández (historiador).

Neste ano no que a CNT celebra o centenario do seu nacemento (1910) consideramos que a clase traballadora precisa revisar con urxencia o modelo de organización sindical existente. Desde hai moitos anos, o sindicalismo de xestión amosa a súa incapacidade para conseguir ningunha mellora para a clase traballadora, e fracasa miserablemente á hora de defender as conquistas históricas do movemento obreiro.

Nunha data de forte significación histórica como é o 1º de maio, compre lembrar a vella consigna dos nosos antecesores: "A emancipación dos traballadores será obra dos traballadores mesmos". Porque só desde unha maior implicación da clase traballadora na defensa dos seus intereses, poderemos revertir o proceso de perda de dereitos impulsado pola patronal e xestionado polos gobernos do PSOE e o PP.

Por todo elo, neste 1º de maio chamamos á clase traballadora a sair á rúa e participar nas mobilizacións contra a perda de dereitos laborais e contra a lacra do paro.

Nin un só recorte máis!!!

Ferrol, 28 de abril de 2010
Federación Local da CNT de Ferrol

Enviado por:
CNT-Ferrol
ferrol@cntgaliza.org
28 de abril de 2010 16:01
____________________

Sitio web da CNT-Galiza
http://www.cntgaliza.org/
____________________________

venres, marzo 26, 2010

Porqué a CNT vai participar na mobilización convocada pola plataforma Rumbo 21 o vindeiro sábado 27 de Marzo

A Federación Local da CNT de Ferrol vai participar na mobilización convocada pola plataforma Rumbo 21 o vindeiro sábado 27 de marzo. E vaino facer para amosar a súa indignación polos continuos atropelos que padece a clase traballadora nesta bisbarra.

Nos anos 80 houbo unha reconversión “salvaxe” que causou fortísimas reduccións do cadro persoal dos estaleiros de Fene e Ferrol. Despois fíxose unha reconversión “suave” con prexubilacións que aínda botaron máis xente fora nas factorías de ASTANO e BAZAN. Os sindicatos maioritarios opuxéronse á reconversión “salvaxe”, mais aceptaron a reconversión “suave” porque as prexubilacións beneficiaban aos traballadores fixos. Nin individual nin colectivamente, a clase traballadora que combatera no 72, foi quen de impedir a reconversión, nin tivo a dignidade abondo para rexeitar unhas prexubilacións que destruíron centenares de postos de traballo na bisbarra. Marcharon para a casa traizoando todo o que dicían defender.

Outras forzas sindicais, como a propia CNT, pagaron un prezo moi caro pola súa oposición frontal á reconversión e a todos os amaños do sindicalismo oficial. O noso sindicato practicamente desapareceu porque se enfrontou ao goberno socialista que fixo a reconversión e porque rexeitou tamén o “alpiste” que outras centrais si aceptaron como pago polos seus servicios: as subvencións directas, as subvencións proporcionais á representatividade, e esa financiación escandalosamente fraudulenta que son os cursos de formación, moitos deles organizados “a distancia”, sen persoal nin medios, mais xenerosamente pagados polo Estado. Cremos que non debemos esquecer que na bisbarra de Ferrol, o Estado que financia directamente aos sindicatos é, ao tempo, a patronal.

Con mentiras e barullos, sen que ninguén dera a cara e contara a verdade, sacouse a ASTANO da construcción naval civil. Un escandaloso pacto “secreto” entre a Unión Europea e o goberno do Estado botaron fora do mercado ao estaleiro de Fene. O que seguiu a ese pacto foi un clamoroso silencio por parte dalgúns, promesas descaradas de revisión do pacto por parte de outros, e unha vontade deliberada de enredar e enganar á cidadanía sobre o motivo polo que ASTANO non podía facer barcos. Aínda a día de hoxe ningún responsable político nin sindical tivo a dignidade de explicar á cidadanía os detalles dese acordo. Significativamente, os principais protagonistas deste enredo son os que xa anunciaron que o sábado non van ir á manifestación, feito que de por si aclara bastantes cousas.

Os opositores da manifestación din que esta mobilización vai dirixida á privatización do estaleiro de Fene. Pode ser que haxa forzas políticas ou sindicais que teñan esa pretensión, mais a CNT de Ferrol vai a manifestarse o vindeiro sábado para protestar polas limitacións que ten o estaleiro de Fene de facer construcción naval civil. Entendemos que mais valía que estes partidos e sindicatos que agora falan, defenderan o sector naval ferrolán cando se fixo a auténtica privatización: a transformación do emprego estable no sector naval público por emprego precario nas compañías auxiliares. Mais valía que animaran ao persoal fixo do estaleiro a deixar de facer horas extras cando existe un escandaloso desemprego na bisbarra. E mais valía que exerceran algún tipo de actividade na defensa dos traballadores das auxiliares do naval.

A CNT de Ferrol quere participar na mobilización do sábado 27 para esixir a volta de Navantia Fene á construcción naval civil, para protestar pola transformación de emprego de calidade en Navantia por emprego basura nas compañías auxiliares, para animar á clase traballadora a loitar en tódolas frontes contra o desemprego e para esixir ás burocracias sindicais e políticas que deixen de tomar o pelo á clase traballadora.

Ferrol, 25 de marzo de 2010.
Federación Local da CNT de Ferrol

Enviado por:
Unión Libertaria
-unionlibertaria@gmail.com-
25 de março de 2010 23:41
_____________

Enlaces relacionados:
___________________

luns, febreiro 15, 2010

Exposición “Solidaridad Obrera, 100 años de prensa anarcosindicalista”


O luns 15 de febreiro, ás 20 horas, terá lugar a inauguración da exposición Solidaridad Obrera, 100 años de prensa anarcosindicalista” nos locais do Ateneo Ferrolán, organizada pola Federación Local da CNT de Ferrol.

No centenario do nacemento do sindicato CNT, esta exposición percorre tamén os cen primeiros anos de vida do xornal “Solidaridad Obrera”, o voceiro histórico desta organización. A exposición recolle as épocas e as persoas máis significativas da vida deste xornal, ao tempo que se percorre unha longa historia de traballo e loita da clase obreira.

A exposición permanecerá nos locais do Ateneo Ferrolán até o día 20 de febreiro e pode visitarse de luns a venres de 11.30 a 13.30 e de 17 a 21 horas e os sábados, de 10.30 a 13.30 horas.


Ateneo Ferrolán, fundado en 1879.

___________________

xoves, xaneiro 14, 2010

Solidariedade co profesor de Matemática, Brais de Esteban Bassave, inxustamente despedido, en Febreiro do pasado 2009, polo mero feito de reclamar no IES Manuel Murguía de Arteixo da Coruña, que as aulas de Matemática se deran en galego

BOTAI UNHA SINATURA VIRTUAL POR BRAIS ANTE O SEU INMINENTE XUIZO

O vindeiro Febreiro celebrara-se o xuízo polo despedimento do profesor Brais, docente do IES Manuel Murguía de Arteixo despedido o pasado ano polo mero feito de reclamar que as aulas de Matemática se deran en galego (como correspondía por lei, decreto 124/07).

O sindicato CNT leva a cabo desde entón unha campaña de solidariedade consistente en recoller sinaturas de apoio para a sua readmisión nas listas de interinos e substitutos. Como remate das accións de solidariedade, e previamente ao xuizo, o sindicato CNT concentrara-se ás portas do Rexistro Xeral para facer entrega de todas as sinaturas recollidas.

Agradecemos-lle que se existisen no seu centro follas asinadas as puidesen envíar ao apartado 590 -15780 Compostela antes de Febreiro.

Tamén se pode asinar telemáticamente no web de CNT:
Ao mesmo tempo, desde a CNT apoiamos a convocatoria de folga no ensino para o próximo 21 de Xaneiro, e chamamos à participar  activamente nesta xornada de loita.

Agradecendo de antemán a sua colaboración reciba un cordial saúdo.

Secretariado Xeral de CNT-Compostela.

Máis información do caso Brais en:
Enviado por:
espalla@redeanticapitalista.org
14 de janeiro de 2010 15:08

______________________________

venres, xuño 12, 2009

Preparando o golpe de estado na informática galega

O sábado día 13 de xuño reúnese en asemblea o CPEIG (Colexio Profesional de Enxeñeiros/as Informáticos/as de Galiza) co obxectivo de encamiñar os seus estatutos cara unha futura situación lexislativa na que poidan impoñer a súa visión da informática a todo o sector profesional galego.

Entre as lindezas que atopamos nos estatutos están: a colexiación obrigatoria (Art.4.1), ordenación da profesión e representación en exclusiva da vontade de tod@s (Art.5.1.a), perseguir aos que consideren "intrusos/as" (Art.6.m), deber e obrigatoriedade de visar a documentación técnica ou facultativa dos proxectos aboando as cantidades correspondentes ao CPEIG (Art.14.d e Art.15), deber de prestar declaración e facilitar información en asuntos de interese colexial (Art.14.i), dar conta de quen exerce sen título ou sen colexiar a pesar de ter título (Art.14.k) ou o réxime disciplinario (Art.51) e as correspondentes sancións asociadas (Art.52).

Poderiamos seguir a enumerar os múltiples puntos chamativos que atopamos nesta regulación "de facto" do sector pero cremos que será máis instructivo e constructivo para tod@s ver o que se pode derivar disto na práctica informática diaria:

Os que estamos na situación de colexiarnos e asinar proxectos podemos estar contentos pois de seguro que veremos melloras na nosa situación laboral, sobre todo no referente ao salario. Seguro que a nosa empresa está encantada coa regulación e a nómina se enche con pluses en concepto da nova e importante responsabilidade que asumimos ao asinar un proxecto (Art.15.8). Proxecto que terá que ser visado polo CPEIG para o que a empresa, de novo, soltará a talegada para pagar este obrigatorio servizo (Art.15.4). Unha vez visado o proxecto este viaxará aos mundos de Produción e quedarás destinado a non esquecerte del, pois ti asumiches a responsabilidade legal derivada do seu funcionamento. Pero tranquilo, na informática nunca hai erros excesivamente "graves" e en caso de habelos para iso está o CPEIG, non para asumir contigo a responsabilidade (Art.15.7), pero si para personarse na túa causa legal como parte interesada (Art.6.d e Art.13.b) e poñer en marcha o típico mecanismo corporativo de defensa baseado na presentación de todo tipo de informes, peritaxes, ... (Art.6.h) que te protexerán. Moi ao estilo de como se resolven algúns casos de neglixencia médica, profesión á que nos gusta compararnos.

Deixemos por un momento o grupo dos "elixidos/as", e pensemos que sería de nos de ser un kurrito/a máis, melloraría a nosa situación laboral?? Pois, por qué non!!. As empresas embriagadas polos azos de regulación do seu persoal correrán a actualizar as nosas categorías profesionais, a subir os nosos soldos, a poñernos en convenios decentes, pagarnos as horas extras, reducir o noso horario laboral e dignificarnos e tratarnos co respeito que merece esta profesión. Lonxe quedarán os tempos de sermos tratados como cachos de carne sen dereitos.

Claro que para defender esta nova situación privilexiada na que traballaremos teremos que sacrificar a moitos "intrusos/as", esa xente á que antes chamabamos erróneamente compañeiros/as. Eses que non facian máis que destragalo todo co seu labor profesional, os que tiñan a culpa da nosa antiga precariedade e que eran, na súa totalidade, un perigo para a sociedade.

Así, para garantir a pureza da profesión en aras da calidade do software e do beneficio social, tod@s os/as irmáns do CPEIG (Art.6.2) terán a obriga de chivarse, perseguir e denunciar a aquelas ovellas descarriadas que non cumpran co catecismo moral ditado polo código deontolóxico (Art.14.c) baixo pena, de non facelo, de seren sancionados sen poder exercer (Art.51.h e Art.52).

Abandoando este repugnante mundo ideal e regresando á realidade, nos pensamos que a imposición no futuro desta normativa no sector non traerá ventaxas para os traballadores e traballadoras "de a pe". Tod@s seguiremos máis ou menos nas lamentabeis condicións de sempre e coas mesmas gañas de non "meternos en lios". De seguro haberá beneficiados/as, e non só nos referimos aos cargos que o CPEIG vai a "liberar" (Art.22.2), senon a eses poucos xestores/as de proxectos, que cumprindo as condicións de titulación e colexiación, están actualmente recoñecidos polas empresas e que serán quenes asuman a sinatura da totalidade dos proxectos desenvolvidos.

Amais, resulta sinxelo adiviñar de onde aforrarán as empresas os cartos "a maiores" que lle costará esta nova regulación. Neste sentido desconfiamos moito do comportamento da patronal galega do sector (AGESTIC) que tanto entusiasmo e apoio amosa á pretendida regulación. Non terá que ver nisto a curiosa coincidencia na pretendida creación en Galiza de fábricas do software con persoal "competitivo" que os empresarios definen como "enfoque nerarshore" [INTECO-21/05/2009] e o Presidente do CPEIG chama o Silicom Valley de Europa? [La Voz-24/02/2009, pxn.10] .

Por último, queremos deixar claras as liñas de actuación da Sección Sindical Siega de CNT:
  • Recuperar para a loita a verdadeira unidade dos profesionais informáticos (que o CPEIG se cepilla con falsas polémicas de intrusismo que endexamais se viron no sector), a súa libre asociación e a solución aos problemas laborais endémicos da profesión.
  • A demostración diaria da valía de cada un no seu posto de traballo.
  • A busca da calidade do software seguindo critérios de enxeñería (hai que ler a Pressman!!)
  • A libre difusión do coñecemento, a oposición frontal ás patentes, á propiedade intelectual e aos seus xestores como a SGAE.
  • O decidido apoio ao software libre e á súa filosofia, esa gran descoñecida de moit@s profesionais, inventada polo "intruso" Stallman.
E por suposto, a continuidade na exitosa loita laboral na que levamos varios anos, como ben saben "de primeira man" no CPEIG, porque a dignidade non servirá para comer pero serve, polo menos, para poder mirar á cara aos nosos compañeiros/as e familias e non sentir vergoña.

SE NINGUÉN TRABALLA POR TI, QUE NINGUÉN DECIDA POR TI!!

NON ÁS IMPOSICIÓNS DO CPEIG!!

Distribúe e informa!!.

12 de Xuño de 2009

galiza@cntgaliza.org
http://www.cntgaliza.org/
_________________________

luns, abril 27, 2009

Primeiro de maio anarcosindicalista en Ferrol

Unión Libertaria -unionlibertaria@gmail.com
-
22 de abril de 2009 16:02


Adxuntamos chamamento aberto á participación na convocatoria promovida pola CNT da Galiza para o 1º de Maio en Ferrol.

unionlibertaria.org
Av/ Esteiro 10, baixo Ferrol
unionlibertaria@gmail.com

Convocatoria 1 MAIO

Primeiro de maio anarcosindicalista en Ferrol


Como cada ano a clase traballadora sairá á rúa o primeiro de maio nunha xornada de loita e reivindicación. Nesta ocasión o anarcosindicalismo galego, da man da CNT, ven de convocar unha xornada unitaria na nosa cidade. Unha xornada enmarcada na crise económica que co lema Todos os días 1 de maio será a manifestación da dignidade da clase obreira, da reivindicación da xustiza social e a favor da emancipación das traballadoras e traballadores.

Para Unión Libertaria esta convocatoria é de especial importancia pola grandísima incidencia que a crise do capital está a ter na precariedade e no aumento do paro.

Unha crise que nos fan pagar a traballadoras e traballadores e coa que, de seguro, pretenderán argumentar novos recortes en dereitos e liberdades. Mais tamén é importante para nós porque por primeira vez en moito tempo o anarquismo galego escolle a nosa cidade para sacar adiante esta xornada de loita do primeiro de maio.

É por isto que, facendo nosa a convocatoria, dende Unión Libertaria realizamos un chamamento aberto á participación neste primeiro de maio do que esperamos un antes e un despois na nosa comarca.

A convocatoria é a seguinte:

Venres, 1 de maio de 2009
  • Manifestación en Ferrol dos sindicatos da CNT
  • na Galiza
  • Saída ás 12:30 horas, do local da CNT en Ferrol
  • (Avenida de Esteiro, 10)
  • Mitin ás 14:00 horas, no mesmo local
Unidade acción autoxestión!!

Outro sindicalismo é posible!!


Un 1º de Maio AnarcoSindicalista

[+ Info na web da CNT]
________________