Amosando publicacións coa etiqueta Casa do Coronel. Amosar todas as publicacións
Amosando publicacións coa etiqueta Casa do Coronel. Amosar todas as publicacións

domingo, abril 13, 2008

Polémica entre BNG e o Goberno Municipal con respeito aos trámites para adaptar a Casa do Coronel para Museo da Natureza e local da SGHN

De: BNG -bng@ferrol.es-
Para: artabra21@gmail.com
Data: 11 de abril de 2008 11:13
Asunto: O BNG afirma que o edil de obras está despistado e esixe unha rectificación pública


O BNG afirma que o edil de obras está despistado e esixe unha rectificación pública

O grupo municipal do BNG no Concello de Ferrol afirmou esta mañá que o edil de obras, Miguel Reimúndez, está un pouco despistado na tramitación do convenio para adaptar as obras da Casa do Coronel para museo da Natureza a subscribir entre o Concello de Ferrol e a Consellería de Industria, polo que esixiu do mesmo unha rectificación pública.

A concelleira do BNG, Elia Rico, lamentou as declaracións do edil de obras nas que sementaba dúbidas a respecto do compromiso da Conselleira de Industria por invertir na Casa do Coronel e as relacionou coa descordinación existente entre o departamento de Urbanismo e o de obras ocultándose información uns aos outros.

O BNG presentou o documento oficial da Consellería de Industria, que tivo entrada no rexistro oficial do concello o pasado 8 de abril, no que se informa ao goberno local da documentación que deberán aportar para asinar o convenio de cooperación co fin de adaptar as instalacións da antiga casa do coronel Sánchez Aguilera para museo da natureza. Da a casualidade, que o escrito da Consellería é unha resposta a unha solicitude Municipal feita con antelación.

Elia Rico, pediulle a Reimúndez que antes de falar e criticar se informe no servizo municipal oportuno. Así mesmo, pediulle mesura pois xa non é a primeira nin a segunda vez que afirma intencións, prazos e proxectos que logo non se cumpren.

Ferrol a 11 de abril de 2008

Grupo Municipal do BNG no Concello de Ferrol

Xosé Manuel Pazo Blanco
-manolopazo@gmail.com-

[Para ampliar o Documento clicaracima del]

___________

Polo Goberno Local,

Miguel Reimúndez lembra que non existe no Concello ningunha proposta de convenio da Consellería de Industria sobre a SGHN
A primeira fase dos traballos de acondicionamento xa foi aprobada e está en fase de trámite administrativo urxente

O concelleiro de Obras de Ferrol, Miguel Reimúndez, subliñou onte que o Concello non dispón de ningunha proposta de convenio por parte da Consellería de Industria en relación coa futura sede, na antiga Casa do Coronel, do museo da Sociedade Galega de Historia Natural (SGHN). O edil de Esquerda Unida fai estas declaracións en relación coas manifestacións do BNG relativas a que é o Concello, en opinión dos representantes da formación nacionalista, quen non deu os pasos necesarios para a sinatura do acordo. [+ Info]

Enlace coa información na páxina web oficial do Concello de Ferrol
____________________