Amosando publicacións coa etiqueta Colectivo de Persoal Pasivo de Navantia. Amosar todas as publicacións
Amosando publicacións coa etiqueta Colectivo de Persoal Pasivo de Navantia. Amosar todas as publicacións

xoves, decembro 19, 2013

Acordos da última Asemblea do Colectivo de Persoal Pasivo de Navantia. recollida de firmas, concentracións e participación

O Colectivo de persoal Pasivo de Navantia (xubilados, prexubilados, viuvas, etc.) celebrou o pasado 18 de Decembro de 2013, no Centro Cultural do Inferniño 'Carvalho Calero', unha Asemblea para analizar e debater sobre a situación crítica do Naval e sobre os dereitos, adquiridos durante anos de negociación e loita, que agora se ven recortados no preacordo do Convenio, como o paquete de Nadal, que non só afecta a traballadores e traballadoras en activo, senón tamén a este colectivo, sendo en total sobre 12.000 persoas.

No transcurso da Asemblea, cunha participación moi numerosa de persoas afectadas, tras o debate, tomáronse os seguintes acordos:
  • Iniciar a recollida de firmas entre os afectados, dirixidas ao Comité de Empresa, para que esixa o mantemento do dereito ao paquete de Nadal o, caso contrario, inicie o proceso de Conflito Colectivo.
  • Convocatoria dunha Concentración do persoal Pasivo, para o día 3 de xaneiro, diante da porta de Navantia (porta das áncoras), na que se fará entrega ao Comité de Empresa das firmas recollidas.
  • Facer un chamamento a todos/as os afectados á participación nestas dúas cuestións.
Colectivo de Persoal Pasivo de Navantia

Enviado por:
fucobuxan
-fucobuxan@gmail.com-
18 de dezembro de 2013 22:41

http://www.fucobuxan.net/

___________________