Amosando publicacións coa etiqueta Correos. Amosar todas as publicacións
Amosando publicacións coa etiqueta Correos. Amosar todas as publicacións

venres, xuño 27, 2014

Manifestación unitaria en Ferrol contra os recortes no cadro de persoal e por un servizo de correos público e de calidade - Vídeos


Máis do 90% de traballadores e traballadoras de correos de Ferrol Terra e centos  doutros sectores, participaron na manifestación en defensa dos postos de traballo e dun servizo de correos sempre público.

A decisión de convocar a mobilización, chegou logo de que a principios da semana pasada se presentara na carteiría da Oficina Principal da cidade a “equipa de redimensionamento” do cadro de persoal.

Antes das 8 da tarde, saía desde a Praza da Porta Nova (Praza de España) de Ferrol, unha manifestación diversa e unitaria, convocada pola Plataforma Unitaria das Traballadoras e Traballadores de Correos de Ferrol Terra, onde participan todos os sindicatos con presencia no servizo postal público da Comarca. Centos de persoas en defensa dos postos de traballo, contra os recortes no cadro de persoal e por un servizo de correos público e de calidade.

A denuncia da corrupción estivo presente na mobilización, nas alusións gráficas e sonoras, á imputación do Alcalde de Ferrol, José Manuel Rey Varela na chamada 'Operación Pokémon'.

Despois dun percorrido polas rúas do casco histórico da cidade, concentraba-se a marcha na Praza do Concello, diante do Pazo Municipal, onde o persoal de correos situou-se nas escaleiras de acceso principal ao Pazo, e desde unha megafonía se realizaron as intervencións de Chus, Ricardo Ledo e Carlos del Rio, precedidas da interpretación da Internaciona, levada por Suso Pintos e Vitor Agulló. Rematou co Himno Galego.


http://youtu.be/1RQXXEywDUg


http://youtu.be/OKXTyK8R9XU


http://youtu.be/Edm7HOkYKVw

___________________

xoves, xuño 26, 2014

Hoxe 26 de Xuño convocada unha manifestación unitaria en Ferrol contra os recortes no cadro de persoal de Correos


Convocada manifestación en Ferrol o 26 de xuño contra os recortes no cadro de persoal de Correos
As traballadoras e traballadores advirten do empeoramento da calidade do servizo na cidade
A Plataforma de Carteiro/as de Ferrol convoca para o día 26 de xuño, ás 19:30 horas, unha manifestación contra os recortes no cadro de persoal. A decisión de convocar a mobilización chegou logo de que a principios da semana pasada se presentara na carteiría da Oficina Principal da cidade a “equipa de redimensionamento” do cadro de persoal.

Unha visita, denuncia Carlos del Río, da CIG-Correos, que se fixo “sen previo aviso e sen ter en conta a vontade negociadora dos traballadores e traballadoras que en asemblea tiñan demandado á Dirección de Correos unha xuntanza previa para falar da situación real do correo en Ferrol”.

Ante isto, “decidimos dar un paso adiante na acción reivindicativa, posto que creemos, e así o demostran os feitos, que a Dirección de Correos ten a intención de implantar un recorte de persoal brutal que vai a empeorar a calidade do servizo postal de tal xeito que será imposíbel cumprir cos prazos de entrega que marca a Lei Postal”, advirte.

Dende o colectivo de carteiro/as fíxose un chamamento á participación nesta manifestación para defender un “servizo de Correos público de todo/as e para todo/as”. Coincidindo coa manifestación iniciarase unha recollida de sinaturas para entregar á Dirección de Correos en contra dos recortes nesta cidade.

Fonte: Avantar.

______________