Amosando publicacións coa etiqueta EcoGaleguistas. Amosar todas as publicacións
Amosando publicacións coa etiqueta EcoGaleguistas. Amosar todas as publicacións

luns, marzo 05, 2012

Presentación de EcoGaleguistas: 8 de Marzo en Ferrol


Presentación de EcoGaleguistas en Ferrol

Hai uns días puxemos en marcha o proceso ‘espazo ecogaleguista’ que culminará o 26 de maio coa construción dunha nova ferramenta política necesaria para os novos tempos que vivimos.

Quizais esta necesidade sexa xa unha demanda para moitos e moitas desde fai algún tempo pero o 15-M ten creado un antes e un despois que non podemos arranxar mirando para outro lado ou insistindo en vías mortas.

Tratase dunha iniciativa para sumar e non para restar, por iso non somos alleos aos debates que se están a producir nas forzas políticas da esquerda hoxe existentes, e a necesidade de crear novos espazos amplos e plurais da esquerda galega. Espazos necesariamente de cooperación política e de colaboración cultural de ideas, tal como a cidadanía demanda, e tal como debe ser ao noso entender a política deste inicio de século XXI.

Pero iso tamén obríganos a desenvolver un polo renovador que incorpore á axenda política os elementos de renovación e redicalidade democrática, de cultura nacional máis aló dos limites do actual nacionalismo, os retos dun novo modelo económico e ecolóxico sustentable, e os problemas derivados da xustiza global e da paz.

Estamos a facer xuntanzas para presentar o proxecto a nivel local co fin de que poidas ter unha idea máis clara do proceso e poidamos dialogar sobre a oportunidade ou non do mesmo.

Presentación en Ferrol:

Xoves 8 de marzo ás 20,00 horas;
na Galeria Sargadelos (r/ rubalcava, 30-32)


Son reunións de dialogo para tempos de esperanza nas que de seguro ti podes aportar elementos de reflexión necesarios.


Esperémoste
--


Contactar en:
ecogaleguistas@ecogaleguistas.org


692 212 166 (Xoán Hermida. Portavoz)
610 574 279 (Chus Boo. CoPortavoz)
639 586 559 (Manolo Dios. CoPortavoz)


www.ecogaleguistas.org
http://www.facebook.com/ecogaleguistas


Construír o galeguismo do século XXI desde a sustentabilidade ecolóxica,
a xustiza social global, a cultura da paz e a radicalidade democrática

Enviado por:
xesus manuel diaz suarez
-xesusmanuel@gmail.com-
5 de março de 2012 18:24
_______________________