Amosando publicacións coa etiqueta Escolas Infantís. Amosar todas as publicacións
Amosando publicacións coa etiqueta Escolas Infantís. Amosar todas as publicacións

venres, marzo 13, 2009

Elia Rico invita ao Goberno Local poñer a disposición da Xunta os terreos para abrir unha galescola en Esteiro

Correo electronico BNG
-bng@ferrol.es-
13 de março de 2009 13:33



O BNG considera urxente axilizar os trámites administrativos para a súa construcción

Ferrol a 12 de marzo de 2009. O grupo Municipal do BNG invitou, esta maña, ao goberno local a que poña a disposición da Xunta os terreos necesarios para abrir unha galescola no barrio de Esteiro que axude a suplir a carencia de prazas en educación infantil que ten a nosa cidade e mais concretamente esta zona da cidade.

A concelleira nacionalista, Elia Rico, instou a edil de benestar social, Beatriz Sestayo, a axilizar os trámites administrativos para a construcción desta infraestructura.

O BNG considera máis urxente e necesario que a edil de benestar adique máis tempo a axilizar os trámites necesarios para buscarlle unha ubicación à segunda Galescola comprometida polo Consorcio Galego de Benestar para a nosa cidade, que por exemplo a vender mediaticamente proxectos xa en marcha e publicitados en varias ocasións como o centro de Día de Caranza.

Elía Rico dixo non comprender a pasividade do Goberno Local para co proxecto da segunda Galescola e asi mesmo manifestou que o BNG aposta por que esta sitúe no barrio de Esteiro.

O BNG quer lembrar que o Concello de Ferrol e a Vicepresidencia da Xunta de Galiza asinaron o pasado 15 de abril un protocolo de colaboración que na súa cláusula cuarta se recolle a súa vontade de colaboración no programa de construción, mantemento e xestión de dúas Escolas infantís..

Grupo Municipal do BNG
_______________________

martes, marzo 03, 2009

Escola Infantil Pública en Esteiro

ASOCIACION VECIÑAL FONTELONGA
-avvfontelonga@mundo-r.com-
1 de março de 2009 11:16


A Asociación Veciñal de Esteiro "Fontelonga" vimos realizando unha campaña para que a Xunta de Galicia cumpra o seu compromiso de facer unha escola infantil pública en Esteiro, a outra estase construíndo en Caranza. O remate desta campaña será o día 22 de marzo.

Pedimos a vosa colaboración na recollida de sinaturas, se vos parece ben, e que no las fagades chegar antes do día 17 de marzo.

Moitas grazas e un saúdo.

Xunta Directiva da Asociación Veciñal de Esteiro " Fontelonga".

Asdo./X. Miguel López Pérez, presidente

Baixar o Escrito de recollida de asinaturas reivindicando unha Escola Infantil para Esteiro, en formato -pdf- , do arquivo do Colectivo Ártabra 21.

ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-

Web veciñal
Blog veciñal

_______________________

luns, xaneiro 26, 2009

EU respalda a demanda expresanda pola Asociación Veciñal de Esteiro "Fontelonga" de dotar ao barrio dunha escola infantil

De: eu-ferrolterra@esquerdaunida.org
Para: artabra21@gmail.com
Data: 26 de janeiro de 2009 15:11
Asunto: EU, escola infantil en Esteiro


Estimad@s compañeir@s: achégase nota de prensa en arquivo. Grazas pola atención.
Un saúdo, Ramiro Marier

Ferrol, luns 26 de xaneiro de 2009
  • O GRUPO MUNICIPAL DE ESQUERDA UNIDA DENUNCIA A PARÁLISE DE VICEPRESIDENCIA PARA CUMPRIR OS COMPROMISOS ACADADOS NO PROTOCOLO DE COLABORACIÓN CO CONCELLO
  • A VOCEIRA DO GRUPO, YOLANDA DÍAZ, CONSIDERA NECESARIO QUE O BARRIO DE ESTEIRO CONTE CUNHA ESCOLA INFANTIL
O Grupo Municipal de Esquerda Unida quere denunciar a deixación e a falla de compromiso de Vicepresidencia da Xunta de Galicia para facer realidade o recollido nas cláusulas do protocolo de colaboración asinado entre Vicepresidencia e o Concello de Ferrol.

Esquerda Unida quere subliñar que dende a sinatura do Convenio, que tivo lugar o 15 de abril de 2008, nada fixo Vicepresidencia para facer realidade o que se consignou na cláusula cuarta do devandito convenio, cláusula que no seu punto primeiro contempla un programa de construción, mantemento e xestión de dúas escolas infantís e unha ludoteca. Os tempos malgastados por Vicepresidencia explican a caracterización de inacción e parálise que está a presidir o desenvolvemento do protocolo neste punto.

Para Esquerda Unida, o perfil demográfico do barrio de Esteiro entrégalle razóns e urxencia á demanda de radicar nel unha escola infantil, que permita cubrir a demanda de prazas. A Voceira do Grupo Municipal de Esquerda Unida argumentou o seu respaldo á construción da devandita escola infantil no barrio de Esteiro – coincidindo coa demanda expresanda pola A.VV. Fontelonga - no peso poboacional e a súa composición, asemade de lembrar o compromiso – aínda incumprido – de hai catro anos da Xunta para dotar con este equipamento ao barrio de Esteiro.

Esquerda Unida subliña o papel fundamental que teñen as escolas infantís no proceso de ensinanza-aprendizaxe dos pequenos para atender e correxir dende as idades mási temperás as desigualdades que arrastran os nenos e nenas polo medio social do que proveñan. Tamén xogan o papel indispensable de contribuir a facilitar aos pais e nais un ámbito educativo axeitado para os nenos, que facilite a incorporación ao mercado laboral da muller.
____________________________

sábado, marzo 24, 2007

Demandan do concello que poña os medios necesarios para que a escola de infantil de Masdiás entre en funcionamento no curso 2007-08

De: eu-ferrolterra@esquerdaunida.org
Para: artabra21@gmail.com
Data: 24 de marzo de 2007 12:35
Asunto: Demandan do concello que poña os medios necesarios para que a escola de infantil de Masdiás entre en funcionamento no curso 2007-08


ESQUERDA UNIDA-IU demanda do concello que poña os medios necesarios para que a escola de infantil de Masdiás entre en funcionamento no curso 2007-08

EU-IU quere amosar a necesidade de que as administracións públicas implicadas no caso do colexio Manuel Masdiás, concello e vicepresidencia, se impliquen de xeito resolutivo para acadar a posta en funcionamento dunha escola infantil pública, dotación educacional da que está falta a nosa cidade, onde hai un déficit de prazas infantís públicas innegable e non abordado.

As sucesivas demoras e o abandonos das instalacións que denuncian tanto o Consello escolar do centro, canto o profesorado, deixa en evidencia a neglixencia coa que se están a conducir neste tema a equipa de goberno.

Preguntámonos onde restan os compromisos do concelleiro de obras ao respecto de habilitar unha partida orzamentaria para arranxar un espazo que se degrada ollos vista, con humidades, filtracións ... e sen a dotación necesaria para que @s nen@s da cidade conten cun equipamento necesario para paliar o devandito déficit de prazas na educación infantil.

ESQUERDA UNIDA-IU entende que hai que superar a fase onde as administracións se tiran as responsabilidades á cabeza, resultando ferida a provisión de servizos públicos de calidade para a cidadanía. A negociación do convenio de investimentos para adheririse ao Consorcio Galego de Servizos Sociais ten que facerse xa resolutiva e conquerir para esta cidade as demandas recollidas por todolos grupos políticos no Pleno de 30 de novembro de 2006.

No devandito Pleno, o noso grupo deixou constancia do disgusto que lle producía a fórmula do consorcio, plataforma que podría derivar nunha privatización do mesmo, as discriminacións que podía producir, ou o posible menoscabo da autonomía municipal, mais acordamos necesario que sobre a única fórmula que propón a Xunta - o Consorcio - se garantan as dotacións de servizos necesarias para superar os déficits que temos neste eido nesta cidade. Qué se ten feito dende entón? Dende logo nada no que atinxe a escola infantil de Mandiás.

O barrio de Caranza non merece a deixación de funcións que están a cometer as administracións públicas, e en particular a equipa de goberno con esta dotación educativa; deixación que amosa o desinterese deste goberno municipal polas dotacións educativas públicas,asemade do nulo compromiso cunha política integral de igualdade, que axude a rachar coas dependencias sociais que se lle impoñen ás mulleres cando os poderes públicos non atenden as necesidades de colectivos como o dos nen@s fóra dos tramos educativos obrigatorios.

ESQUERDA UNIDA-IU fai un chamamento ao concello e a vicepresidencia para que resolvan, coa celeridade que demandan as necesidades sociais sen atender, o conxunto de investimentos recollidos no Pleno de 30 de novembro de 2006 : as dúas escolas infantís, o centro de día, a residencia de maiores, os gastos de xestión e mantemento da Casa de Acollida, a construcción de aprtamentos tutelados, o centro de día para transeúntes, e a ludoteca – lecoteca para os cativos, máis un incremento da contía que recibe Ferrol polo plan concertado.