Amosando publicacións coa etiqueta Ferrol Vello. Amosar todas as publicacións
Amosando publicacións coa etiqueta Ferrol Vello. Amosar todas as publicacións

luns, agosto 04, 2014

Xornadas Informativas sobre o Plan Especial de Ferrol Vello - 5, 12 e 19 de Agosto, na Praza Vella


Xornadas Informativas sobre o Plan Especial de Ferrol Vello

Perante os martes 5, 12 e 19 de Agosto de 2014, na Praza Vella, terán lugar as Xornadas Informativas sobre o Plan Especial de Ferrol Vello, organizadas pola Comisión Cidadá pola Recuperación de Ferrol Vello

A ordenación do espazo público. O estacionamento.
martes, 5 de agosto, 20.00 horas.

Os aspectos económicos do Plan.
martes, 12 de agosto, 20.00 horas.

A normativa do Plan.
martes, 19 de agosto, 20.00 horas.

Enviado por:
Alexandre Carrodeguas
-republicadetraballadoras@gmail.com-
4 de agosto de 2014 18:40

__________

Documentación:

Anuncio da aprobación inicial do Plan especial de protección e rehabilitación do barrio de Ferrol Vello, publicado no DOG  DOG Núm. 142 Martes, 29 de xullo de 2014 Páx. 32807 | Ir a web.

____________________

sábado, agosto 02, 2014

A área de Urbanismo e Vivenda do Consello Político Local de Esquerda Unida valora a proposta de 'Plan especial de protección e rehabilitación de Ferrol Vello'

Esquerda Unida considera globalmente positiva a reordenación do espazo público formulada polo Pepri de Ferrol Vello, mesmo entende que debería ser máis ambicioso, e insta ao PP a tomar boa nota.

A area de elaboración de Urbanismo e Vivenda defende a remodelación do adro da Igrexa de San Francisco e propón que se faga extensiva á fronte portuaria. | A supresión do aparcadoiro previsto na Costa de Mella, substituído por un baixo rasante na praza Eduardo Pondal, debe ser exhaustivamente explicado e analizado.


A área de Urbanismo e Vivenda do Consello Político Local de Esquerda Unida considera globalmente positiva a proposta de reordenación do espazo público formulada pola empresa redactora  no Plan especial de protección e rehabilitación de Ferrol Vello. A rexeneración do barrio pasa, necesariamente, pola racionalización de espazos e unha aposta pola mobilidade peonil. Esta materialización que se propón claramente para a o adro da Igrexa de San Francisco, e progresivamente para a rúa do mesmo nome, debería materializarse para a fronte portuaria, suprimindo as prazas de aparcadoiro en superficie e mellorando a habitabilidade do espazo público do conxunto da fachada marítima da cidade.

Con respecto a dotación de aparcadoiro que se propón, baixo rasante na praza de Eduardo Pondal, Esquerda Unida propón a apertura dun debate público con información rigorosa por parte da empresa redactora así como o careo público do goberno municipal coa veciñanza do barrio. A veciñanza e a cidadanía en xeral ten que estar exhaustivamente informada do por que da modificación do previsto polo plan de mobilidade (plan de mobilidade que os redactores do plan especial toman, polo demais, como referencia) das súas vantaxes e das garantías que  se están a ofrecer para a dotación pública de aparcadoiros de vehículos unha vez revitalizado o barrio. Por que non contemplar tamén a parcela de Hispania? Falamos do seu conxunto. A maiores da obrigada reserva que a propiedade ten que facer e que no plan se denomina “xardíns de Hispania”, 746 dun total de 3450 metros cadrados. Aquí a posibilidade  de compatibilizar praza verde con aparcadoiro público verde é a proba de algodón para calquera goberno municipal que se tome en serio os plans que publica no DOG.

Queda por último unha cuestión non menor para un plan especial que toma como referencia o mencionado de mobilidade: cómpre incorporar ao plan as formulacións do plan de mobilidade para transporte público terrestre: o silencio ao respecto doutros modos que transporte alternativos ao vehículo privado é clamoroso. Incomprensible no caso do autobús e do carril bici, aspectos clave para a nosa organización, na procura dunha cidade compacta e sostible medioambientalmente debe promoverse o uso do transporte público e de medios alternativos non contaminantes, claro que se o propio concelleiro responsable da área, Pablo Cal, recoñece “non ter nin idea de transportes” cabe na pura lóxica deste goberno que non estea contemplado. Será motivo de  alegacións por parte de Esquerda Unida.

Ferrol, 2 de agosto de 2014
--
Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
2 de agosto de 2014 11:35

Achégase nota de prensa sobre o Pepri de Ferrol Vello, ao que esta organización fará alegacións na procura dunha reordenación do espazo público máis ambiciosa e sostible. Un saúdo. Secretaría de comunicación.

___________________

mércores, marzo 05, 2014

Esquerda Unida e os problemas de organización do tráfico dos transportes públicos - iniciativa parlamentar a propósito da situación casa natal de Carvalho Calero en particular e Ferrol Vello en xeral


Javier Galán demanda a convocatoria da comisión de Urbanismo, Seguridade e Tráfico “que está para algo máis que para aprobar licenzas “
| Esquerda Unida levará as reivindicacións das asociacións de veciños á comisión de urbanismo e tráfico cando sexa convocada. | O grupo municipal de Esquerda Unida critica o desleixo do goberno do PP ante a grave situación de Ferrol Vello.

Ao igual que a semana pasada, na correspondente comisión de urbanismo, o grupo municipal de Esquerda Unida pediu explicacións pola improvisada ordenanza reguladora de tráfico na próxima, que non será esta semana, comezaremos tanto a levar as reivindicacións das entidades e veciñanza que se ven prexudicadas polas decisións do PP como a continuar co xa exposto no pleno a propósito dos seus contidos aprobados só inicialmente.

O grupo municipal de Esquerda Unida fai súas as demandas das asociación de veciños  e comerciantes de Esteiro e Ultramar e volverá de novo, en preguntas e suxestións porque noutro punto non hai posibilidade, a levar a problemática do tráfico á comisión de urbanismo e seguridade cando o Partido Popular teña a ben convocala. Neste sentido criticamos como grupo a falta de iniciativa do goberno municipal para levar con tempo suficiente para o debate e toma en consideración as propostas que presenta. Como mostra a última sesión: na orde do día só figuraba licenzas e a aprobación inicial da ordenanza de terrazas para ser inmediatamente levada ao pleno ao día seguinte. En “rogos e preguntas” a oposición no seu conxunto plantea dezaoito preguntas (á parte de sete que EU vén incluíndo dende o 30 de maio de 2012 reiteradamente e que algunhas tocan ao seu fin: asfaltado da rúa Herbosa) das que  sete son Esquerda Unida:tráfico paradas de autobuses a centros sanitarios e marquesiñas, problemas de saneamento no medio rural, talas de árbores e mantemento etc.

 Esta é a tónica común: saturación de demandas veciñais como suxestións da oposición ante a imposibilidade de que o asociacionismo canalice as súas demandas polas institucións participadas. Por iso aínda non sabemos nada do prometido novo plan especial para Ferrol Vello por iso non son quen de convocar asembleas de barrios para que os veciños poidan libremente expresar as súas demandas e opinións sobre a zonal azul ou a ordenación tráfico, por iso non son quen de convocar ao consello da veciñanza e, dotándoo dun regulamento interno, facelo partícipe da toma de decisións sobre tráfico, transporte público ou investimento en rexeneración urbana para lograr a recuperación económica e comercial de determinados  barrios sumidos no máis absoluto e interesado abandono como estamos a padecer.

Ferrol 4 de marzo de 2014



Á MESA DO PARLAMENTO GALEGO

Yolanda Díaz Pérez, Xabier Ron Fernández e Ramón Vázquez Díaz, integrantes do Grupo Parlamentar da Alternativa Galega da Esquerda, ao abeiro do recollido no artigo 156 do Regulamento da Cámara, presentan a seguinte Pregunta para a súa resposta oral no Pleno, relativa a situación de ruína da casa de Carvalho Calero en Ferrol.

Co derrube dunha  parede medianeira da casa de Carvalho Calero  confirmamos o mal que corroe o barrio de Ferrol Vello, o espazo primixenio da cidade, que sofre unha progresiva degradación que semella imparable, diante da práctica parálise coa que se conducen as administración públicas competentes todas nas poutas do PP.
É unha confesión do desinterese do PP a realidade do retraso que acumula o goberno municipal para aprobar o plan especial de protección e rehabilitación de Ferrol Vello, que agora se nos anuncia para fins de mes, logo de contemplar a paisaxe de Sarajevo que presenta o barrio, dende a praza de Ferrol Vello en ruínas ate a rúa Curuxeiras pechada hai un ano, unha sucesión de desaloxos  e que agora presenta este derrubo nun inmoble cuxa rehabilitación se vén adiando sen motivo, ou con el: a pura falla de interese.

A Xunta de Galicia declarou o barrio de Ferrol Vello como ben de interese cultural ( decreto 33/2011, do 10 de febreiro) atendendo a importancia do conxunto histórico como elemento nuclear e orixinario da cidade de Ferrol. Esa figura garante unha protección integral que vencella a todas as administración públicas. Logo de 3 anos nada se  fixo e o barrio segue a virse abaixo. Que fai a Xunta de Galicia para facer efectivo o previsto no artigo 25.2 da lei do patrimonio cultural de Galicia?
Ferrol Vello precisa unha actuación rehabilitadora decidida e nese ámbito a casa de Carvalho Calero pode xogar un punto de inflexión desa derrota de ruína que os gobernos local e da Xunta practican con el. Regresión demográfica e falla de servizos e equipamentos son os complementos desa derrota de ruína. A pouco que se desenvolvan unha serie de actuacións definidas no corazón do barrio este daría un volco completo, pero a Xunta amosa unha nula vontade de actuación.

En atención ao sinalado, o Grupo Parlamentar da Alternativa Galega da Esquerda achega a seguinte pregunta para a súa resposta oral na comisión:
  • Que actuacións desenvolveu e cales vai desenvolver en adiante o goberno galego para garantir a protección integral que reporta a declaración de BIC do barrio de Ferrol Vello?
  • Que actuacións de urxencia vai desenvolver o goberno galego para coadxuvar a evitar a degradación e ruína de Ferrol Vello e en particular para recuperar e rehabilitar a casa de Carvalho Calero?
  • Que financiamento vai habilitar a Xunta de Galicia para a rehabilitación de Ferrol Vello?
Compostela, 4 de marzo do 2014.

Asdo. Yolanda Díaz Pérez
Asdo. Xabier Ron Fernández
Asdo. Ramón Vázquez Díaz

---

Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
4 de março de 2014 12:57

Boas. Enviámosvos nota do grupo municipal pola que nos posicionamos diante dos problemas de organización do tráfico transportes públicos e urbanismo que padece a nosa cidade. Adxuntamos a proposición parlamentar que a iniciativa de  esquerda Unida presenta hoxe o grupo parlamentar de AGE no Parlamento a propósito da situación casa natal  de Carvalho Calero en particular e Ferrol Vello en xeral. Grazas e un saúdo, Secretaría de Comunicación. Consello Político Local.

_____________

Foto: Ferrol Vello, de Urban Idade.
__________________________

xoves, febreiro 13, 2014

Esquerda Unida contesta á presentación e anuncio da existencia dun inminente Plan Especial de Protección e Rehabilitación de Ferrol Vello


O grupo municipal de Esquerda Unida esixe do goberno do PP que o debate sobre o Plan especial de Protección e Rehabilitación de Ferrol Vello non sexa un mero trámite. | “Se de verdade se quere acometer unha rexeneración urbana ligada á recuperación económica do barrio e aá conservación patrimonial nós dámoslle a benvida xa que levamos moito tempo esixindo cousas así. Agora ben, isto significa investimento público e participación cidadá na toma de decisiónsafirma Javier Galán.

O grupo municipal de Esquerda Unida saúda con satisfacción a modificación da perspectiva coa que o goberno do PP viña traballando até o momento no caso de Ferrol Vello e os seus problemas urbanísticos. Así, como de maneira reiterada vimos sinalando e como se ven propoñendo dende instancias veciñais e profesionais de Ferrol (por exemplo, dende o Colexio Oficial de Arquitectos de Galicia e desde a Federación Veciñal Roi Xordo) hai que traballar pola rexeneración urbana como concepto inclusivo e que vai alén da mera rehabilitación. Hai , neste sentido, que contemplar medidas encamiñadas á dinamización comercial e outras que fagan compatible a rehabilitación coa rexeneración económica.

En principio, sobre o papel todo está ben e o grupo municipal de Esquerda Unida saúda as declaracións do concelleiro Evia sobre a necesidade de ir máis aló da rehabilitación de inmobles e “poñer en valor o espazo urbano, realizando un traballo coordinado entre administracións, os técnicos e os veciños”. A pregunta é: como? Con que medidas? Cal é o presuposto? Vaise convocar os órganos de participación cidadá?. Ou vai ser todo como está a acontecer co URBAN, que está executado como se fose un plan de obras, ou como o Plan de mobilidade que só se tira del por parcelas e á conveniencia? Realmente estas son as preguntas e as cuestións que ten que responder o concelleiro Evia. Non as referidas ao traballo dos técnicos, non ao rigor ,que se supón, para a catalogación e os seus criterios. A cuestión é a revitalización integral do barrio non un problema urbanístico puntual. Se de verdade estamos dispostos a pronunciar as palabras e a darlles o valor que denota o seus significados non nos podemos  (auto)enganar. Se pola contra  é certo todo o que se di entón  é unha emenda á totalidade á política desenvolvida até agora. Benvida en todo caso.

Esquerda Unida agarda impaciente a entrega do documento xa que será a primeira información da que dispoña para poder , man a man, traballar en pos dunha rexeneración integral, participada e que “poña en valor o espazo urbano”. Polo ben común. Polo interese xeral. Contra a especulación.

Ferrol 13 de febreiro de 2014

Acompañamos a nota con dúas de hai un ano onde xa Esquerda Unida reclamaba o que agora se pretende así como denunciaba o que, inevitablemente, tiña que acontecer de seguir o goberno polo rego no que estaba: ruínas.


NOTA INFORMATIVA GRUPO MUNICIPAL ESQUERDA UNIDA DO 28 DE XANEIRO DE 2013.


O GRUPO MUNICIPAL DE ESQUERDA UNIDA OBSERVA CON PREOCUPACIÓN O ESTADO DE ABANDONO DUNHA IMPORTANTE CANTIDADE DE INMOBLES NA NOSA CIDADE E ESIXE DO GOBERNO MUNICIPAL DILIXENCIA NA UTILIZACIÓN DOS RECURSOS PREVENTIVOS DISPOÑIBLES PARA ACTUAR NESTES CASOS.  | ESQUERDA UNIDA REITERA QUE CÓMPRE GRAVAR AS VIVENDAS DESHABITADAS  CON FÓRMULAS FISCALMENTE PROGRESIVAS  DE FORMA QUE INCIDA ESPECIALMENTE NOS  GRANDES PROPIETARIOS E SEXA DISUASORIA FRONTE Á RUÍNA E A ESPECULACIÓN. | O GRUPO MUNICIPAL DE E.U. ENTENDE QUE ADEMAIS ESE IMPOSTO DEBE DESTINARSE Á REFORMA E ADECUACIÓN DE VIVENDAS SOCIAIS DO CONCELLO, FUNDAMENTALMENTE  RECIMIL, PARA QUE CUMPRAN A FUNCIÓN SOCIAL QUE RECLAMAN MOITAS FAMILIAS NA CIDADE | O CONCELLO DEBE DAR EXEMPLO: SITUACIÓNS COMO AS AGORA VIVIDAS CO BAMBÚ  CLUB OU COA CASA NATAL DE RICARDO CARVALHO CALERO DEBEN ATOPAR SOLUCIÓN E NON REPETIRSE NO FUTURO.

O grupo municipal de Esquerda Unida entende que o Concello ten recursos legais uteis para combater as numerosas incidencias que se veñen producindo nos últimos anos en inmobles abandonados da nosacidade. Incendios, derrubes, non son só un gran perigo para os cidadáns de Ferrol senón que ademais supoñen unha merma fundamental para o patrimonio da  cidade. A ordenanza municipal vixente, aprobada por unanimidade, debe aplicarse con rigor contribuíndo así a previr posibles accidentes e contribuíndo a loitar contra a especulación que en moitos casos é o fondo último do deterioro dos nosos edificios.

Esquerda Unida non pode darse por conforme coas reiteradas desculpas en forma de incapacidade para discernir cal é ou non un inmoble deshabitado á hora de gravar os citados edificios. O goberno dispón de diferentes formas de control da legalidade que ten que exercer, sen máis. Unha cidade como Ferrol, cunha merma constante de habitantes e con moitos cidadáns en situación realmente precaria, debe acometer os problemas e tomar decisións políticas que lle permitan  actuar no campo da vivenda. Fiscalizar aspectos como o sinalado pode ser unha ferramenta fundamental para dinamizar a habitabilidade daqueles barrios que presentan agora unha densidade demográfica realmente pobre así como para poder obter recursos que destinar a xestionar adecuadamente o parque de vivendas sociais propiedade do Concello.

O grupo municipal de Esquerda Unida esixe ao goberno municipal a defensa do patrimonio existente na cidade. Situacións de feitos consumados como as recientemente vividas coa Fábrica de Lápices ou como a que agora nos toca afrontar co Bambú Club non deben producirse. Trátese dun edificio de propiedade privada ou pública calquera perda no catálogo de construcións singulares ou de interese en Ferrol debe considerarse como unha merma irreparable para o conxunto da cidadanía.

Ferrol, 28-xaneiro-2013


COMUNICADO DE PRENSA DO GRUPO MUNICIPAL DE EU FERROL DO 21 DE FEBREIRO DE 2013

Esquerda Unida apoia a asemblea aberta da cidadanía convocada para mañá en Ferrol Vello. O futuro do barrio ben o merece. | “Non pode ser que nesta situación de emerxencia o proxecto para o malgasto na praza de España continúe” afirma Javier Galán.

O grupo municipal de Esquerda Unida Ferrol denuncia a política de abandono e especulación que o Goberno Municipal do PP mantén sobre o barrio e a veciñanza de Ferrol Vello. Mañá o goberno municipal promoverá  a contratación das obras da praza de España por un importe superior ao millón de euros nun contexto marcado polo desleixo do quefacer municipal e autonómico sobre o futuro dun barrio como Ferrol Vello  que se suma ao caso de Recimil  barrio catalogado e protexido,  polo menos nominalmente, pola Dirección Xeral de Patrimonio. Ao igual que nas vivendas de Recimil seica  o futuro de Ferrol Vello é  o derrubo.“A piqueta e a especulación son as marcas de fábrica do goberno do PP en relación co barrio de Recimil”, decía Javier Galán á altura de xaneiro deste ano cando se anunciaba o derrubo do Bambú Club. Daquela ,coma hoxe, se recortan  as partidas para o mantemento do barrios, se bloquean e impiden na práctica a entrega do cento de vivendas baleiras , ou se mete a piqueta; todo menos desenvolver un  plan de actuación que contribúa a reverter o proceso de degradación material e social do barrios, que este goberno semella estar interesado en profundar, quizabes na busca dun pretexto para lanzar unha operación especulativa de gran formato. Porque o PP aposta máis pola especulación que por garantir o acceso a unha vivenda digna na nosa cidade.

Esquerda Unida lamenta o malgasto do potencial enorme que teñen os barrios de Ferrol para desenvolver unha política pública de vivenda social en aluguer.

O Grupo  lamenta a  inacción do Goberno Municipal e apoia decididamente a iniciativa da asociación veciñal de Ferrol Vello de impulsar unha asemblea da cidadanía. Esquerda Unida como organización e os seus concelleiros estarán mañá na asemblea e participarán a carón dos veciños e veciñas no debate e sobre o futuro do barrio de Ferrol Vello.

Ferrol, 21 de febreiro de 2013

--
Esquerda Unida de Ferrol
R/ do Sol 124 Entrechán Esquerda
15403 - Ferrol

Telf: 981944035
eu-ferrolterra@esquerdaunida.org
www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
13 de fevereiro de 2014 14:09

Boas. Enviámosvos nota de prensa do grupo municipal de Esquerda Unida pola que se contesta á presentación e anuncio da existencia dun inminente Plan Especial de Protección e Rehabilitación de Ferrol Vello do que non se teñen máis noticias que as declaracións do concelleiro Evia. Non hai novidade dada a peculiar política informativa e de (nula) participación do goberno do PP mais neste caso anúnciase unha proposta que de ser tomada en serio implica unha modificación radical do que se ven facendo até agora. Acompañamos a nota con dúas de hai un ano onde xa Esquerda Unida reclamaba o que agora se pretende así como denunciaba o que, inevitablemente, tiña que acontecer de seguir o goberno polo rego no que estaba:ruínas. Grazas e un saúdo, Secretaría de Comunicación. Consello Político Local - EU Ferrol

__________________

Foto: Urban cidades
__________________________

domingo, febreiro 12, 2012

Acto conmemorativo da declaración do Barrio de Ferrol Vello como Casco Histórico: Domingo 12 de Febreiro, ás 12 do mediodía na Praza Vella


Mañá domingo 12 de Febreiro de 2012, ás 12 do mediodía, na Praza Vella, desenvolverase un pequeno acto conmemorativo do primeiro aniversario da declaración do Barrio de Ferrol Vello como Casco Histórico que consistirá na lectura dun texto onde se fai balance das medidas tomadas polas administracións públicas para a recuperación do barrio no último ano.

A sesión estará amenizada polo cantautor Roger de Flor, que tocará unhas pezas da súa produción.

Comisión Veciñal pola recuperación de Ferrol Vello

Nota.-
Litográfia de Julio Ferrín

_________________

domingo, febreiro 05, 2012

Anomia e anemia, ... Por Miguel Reimúndez González e Alexandre Carrodeguas

Na loita por salvar da piqueta a Antiga Fábrica de Lapis Hispania non só se discute a pervivencia desta arquitectura racionalista, senón tamén o xeito de facer cidade que queremos os ferroláns e ferrolás. Moitas das cidades europeas que foron importantes focos industriais, sustentaron dende os anos oitenta do pasado século a súa estratexia de recuperación na revitalización do seu patrimonio construído como xerme dunha oferta turística singular e, sobre todo, unha anovada calidade urbana, na que instalar novos veciños e novos empregos. Dentro desta estratexia destacou a revitalización das súas instalacións industriais en desuso para localizar usos públicos, como museos, centros socio-culturais e universidades, que, pola cativa escala do tecido dos seus cascos históricos, non tiñan cabida noutro lugar que nas vellas factorías situadas no seu contorno inmediato. Pero tamén foron moitas as empresas que decidiron potenciar a súa imaxe corporativa aproveitando a singularidade destas arquitecturas e, de paso, utilizar a súa aposta pola recuperación urbana como un argumento comercial máis diante da sociedade. Esta aposta foi clara e coherente. O exercicio das políticas públicas (urbanística, de vivenda, de promoción económica e turística) foi explícito e apoiado maioritariamente por unha sociedade que non admitía contradicións entre unhas e outras, que defendía como modelo comercial o pequeno comercio, como política inmobiliaria a rehabilitación e como modelo de mobilidade a peonil, a bicicleta e o transporte público. En conxunto, foi asumindo, non sen batalla, con naturalidade a defensa da súa identidade urbana como principio de actuación. Ferrol non o fixo e deixou pasa-lo tempo deixando esmorecer o seu ricaz patrimonio herdado, en prol dunha modernidade mal entendida, trasnoitada, por falta de consenso político e social en torno a un proxecto de cidade. Por todo iso a defensa da Fábrica de Lapis cobra aínda máis sentido no actual contexto de crise económica. Non se trata de mantela como está ou derrubala, senón entre derrubala ou aproveitala para mellorar as oportunidades da cidade e do barrio de Ferrol Vello en termos de imaxe urbana, calidade de vida, interese cultural, proxección turística, etc. Dáse, en definitiva, entre o modelo seguido nos últimos 25 anos e o modelo do porvir.

Comisión Cidadá pola Recuperación de Ferrol Vello

[*]Miguel Reimúndez González, arquitecto e Alexandre Carrodeguas da Comisión Cidadá

Enviado por:
Alexandre Carrodeguas
-republicadetraballadoras@gmail.com-
5 de fevereiro de 2012 18:46

__________________

xoves, xuño 16, 2011

En defensa dos xardíns da Ranita - Concentración o Venres 17 de Xuño

Venres, 17 de Xuño, ás 7 da Tarde, Concentración convocada pola Asociación Veciñal de Ferrol Vello, en defensa dos "Xardíns da Ranita"

En defensa dos xardíns da Ranita

A Asociación Cultural Fuco Buxán súmase a reivindicación dos Xardíns da Ranita, como espazo público emblemático para toda a cidadanía ferrolá e demanda do Concello de Ferrol que faga as xestións precisas, ante o Ministerio de Medio Ambiente, para que as instalacións encamiñadas ao saneamento da ría sexan ubicadas en outro emplazamento.

Máis información:


--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es


Enviado por:

Fuco Buxán Asoc. Cultural - Ferrol
-fucobuxan@gmail.com-
15 de junho de 2011 00:35
_______________

domingo, xaneiro 31, 2010

Instan á Xunta de Galicia a informar publicamente sobre o estado do expediente "Declaración do Barrio de Ferrol Vello como Ben de Interese Cultural"

O BNG presenta unha iniciativa de control sobre a Declaración do Barrio de Ferrol Vello como Ben de Interese Cultural

As deputadas do BNG, Ana luisa Bouza e Ana Ponton, lembran que “o pasado 27 de febreiro de 2009 a conselleriaa de Cultura asinaba unha resolución mediante a que se incoaba o expediente de declaración do Barrio de Ferrol Vello, en Ferrol, como Ben de Interese Cultural na categoría de casco histórico

O ámbito proposto para a declaración inclúe o propio barrio, xa catalogado polo Plan Xeral da cidade, a fronte do porto (avenida da Mariña) e o barrio de Argüelles. O ámbito de respecto proposto inclúe a Fábrica de Lapis Hispania, o Baluarte de San Xoán, e a Dársena de Curuxeiras.

Tras a publicación no DOG, abríase un paréntese de 20 meses de traballo que debía concluir coa declaración definitiva de BIC para o barrio de Ferrol Vello. Polo que o BNG insta ao Goberno Galego a dar conta do estado do expediente e se pensa esgotar o prazo máximo, fixado na lei, para resolver definitivamente a declaración do barrio como BIC.

BNG-Ferrol


Enviado por:
BNG Comarca Ferrolterra
-sedenacional@bng-galiza.org-
31 de janeiro de 2010 03:42

___________________

Documento de Interese:

Baixar dos Arquivos Ártabros a Resolución da Direción Xeral do Patrimonio Cultural - en formato pdf- facilitada pola asociación veciñal

____________________________

sábado, agosto 01, 2009

Feira Mediaval en Ferrol Vello, os días 7, 8 e 9 de Agosto

TRAXES FEIRA MEDIEVAL

Como saberedes, os próximos días 7, 8 e 9 de agosto de 2009, vaise celebrar no noso barrio a feira medieval da cidade.

Nela trátase de recrear, dentro do posible, o ambiente da idade media. e para iso, intentaremos que os veciños, comerciantes e hosteleiros do Barrio colaboren vestíndose durante esos dias con traxes de época.

Con esa intención, o concello vai alugar traxes axeitados para prestalos gratuitamente a todos os que os soliciten.

Por ese motivo facemos público un chamamento a todos os veciños, comerciantes e hosteleiros que estean dispostos a colaborar, vestíndose de medievais mentres dure a feira, que poderán facelo poñendose en contacto con calquera vogal da asociación de veciños ou chamando ao número 638176108 (MÓVIL DA ASOCIACIÓN DE VECIÑOS). De 7:30 a 11:00 da mañá, e de 17:00 a 20:00 en horario de tarde. Haberá que saber se son homes, mulleres ou nenos (que tamén poden participar).

Un saúdo desde o "CONXUNTO HISTÓRICO DE FERROL VELLO"

A. VV. FERROL VELLO
Xunta Directiva

Calexón do Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es


Enviada por:
AVV FERROL VELLO
-avvferrolvello@yahoo.es-
1 de agosto de 2009 19:48

_________________

domingo, abril 19, 2009

Biblioteca de Barrio en Ferrol Vello

avvferrolvello@yahoo.es
18 de abril de 2009 21:05


A ASOCIACIÓN DE VECIÑOS DE FERROL VELLO INAUGURA O VINDEIRO XOVES A SÚA BIBLIOTECA DE BARRIO.

O proxecto veciñal contou coa colaboración da Universidade da Coruña e da Consellería de Cultura e Deporte.

O vindeiro xoves día 23 de Abril, Día Internacional do Libro, na segunda planta do edificio da Asociación de Veciños de Ferrol Vello, na rúa do Curro 1 (Paseo da Mariña) inaugúrase a Biblioteca de Barrio de Ferrol Vello, coa presentación ás 20.00h. da sección que esta biblioteca adica á Memoria Histórica, a cargo do historiador especialista en movemento obreiro Eliseo Fernández.

Este proxecto da Asociación de Veciños de Ferrol Vello contou coa colaboración da Universidade da Coruña, a través dunha beca para a realización de traballos de catalogación dos fondos existentes e tamén da Consellería de Cultura e Deporte, que aportou unha subvención para a adquisición dos fondos da sección de Memoria Histórica.

A biblioteca abrirase a partir do luns 27 de abril polas tardes, dúas horas diarias, de 17.00 a 19.00 h, contando cun fondo de máis de 4.000 volumes, destacando a xa mencionada sección de memoria histórica, o fondo local e o relativo á literatura infantil e xuvenil. Ademáis ofertará un punto de acceso libre a Internet, pretendendose como lugar de encontro e punto de información para os veciños do barrio.

Un saúdo desde "O CONXUNTO HISTÓRICO DE FERROL VELLO"
________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es

_________________________

luns, abril 06, 2009

O Arquitecto Manuel Amable Romero falará este martes, día 7 de Abril, sobre o significado e efectos de Ferrol Vello como Conxunto Histórico


Asociación Veciñal
-avvferrolvello@yahoo.es-
6 de abril de 2009 16:10


  • CHARLA INFORMATIVA
  • DESDE A AVV FERROL VELLO QUEREMOS INFORMAR
O vindeiro martes día 7 de Abril, as 20.00 h, no local social da asociación de veciños de Ferrol Vello, impartirase unha charla informativa baixo o título "Ferrol Vello, Casco Histórico".

O Arquitecto Manuel Amable Romero Pérez, responsable da comisión de planeamento da delegación en Ferrol do Colexio Oficial de Arquitectos de Galicia, informará aos veciños sobre a incoación da declaración de Ferrol Vello como Conxunto Histórico e os seus efectos.

Grazas, e un saúdo desde o Conxunto Histórico de "FERROL VELLO".

________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es

_______________

venres, abril 03, 2009

Exposición de fotografías seleccionadas do I e do II Maratón fotográfico de Ferrol Vello

Asociación Veciñal Ferrol Vello
-avvferrolvello@yahoo.es-

2 de abril de 2009 17:00


Esta Semana Santa imos expoñer as fotografías seleccionadas do I e do II Maratón fotográfico de Ferrol Vello, celebrados no barrio en setembro de 2007 e de 2008.

Será unha exposición espallada polos bares e mesóns de Ferrol Vello.

A exposición é moi variada, tanto en temas como en participantes (hai de todas as idades). Os títulos das fotos obedecen aos temas suxeridos nos Maratóns, e que cada quen interpretou libremente. Os de 2008 foron, entre outros, "Levantando paredes", "Conflitos", "Rostros á nosa beira", "Con-sumo gusto"... e en 2007, entre outros, "Correr lentamente", "O pan noso de cada día"... Os Maratóns desenvolvéronse no espazo do barrio e o resultado é unha invitación a mirar Ferrol Vello con outros ollos: con espíritu crítico ou cariñoso; resaltando a súa vida cotiá ou buscando o extraordinario; indagando en cores e texturas ou retratando rostros...

Inauguraremos o vindeiro sábado 4 de abril ás 12.30 h. Comezaremos reuníndonos no local da AVV, na rúa do Curro nº1, e logo faremos un percorrido polos dezanove locais nos que se expoñen, repartidas, as corenta fotos.

A. VV. FERROL VELLO Xunta Directiva C/ Curro, 1. 15401 - FERROL Tlf./fax: 981.356842 Móvil: 638176108 avvferrolvello@yahoo.es
__________________

Reunión sobre participación cidadá no Local de Toxos e Flores: Venres 3 de Abril

Asociación Veciñal Ferrol Vello
-avvferrolvello@yahoo.es-
2 de abril de 2009 15:47


MAÑÁN VENRES, 3 de ABRIL, ÁS 20:00 HORAS REUNIÓN DAS ASOCIACIÓNS INTERESADAS NO PROCESO DE PARTICIPACIÓN CIDADÁ NO SEGUNDO PISO DO LOCAL DO REAL CORO TOXOS E FROLES (C/ Magdalena, 220).

SI CONSIDERADES PREOCUPANTE A SITUACIÓN ACTUAL, VÉMONOS ALI.

UN SAÚDO.

A. VV. FERROL VELLO Xunta Directiva C/ Curro, 1. 15401 - FERROL Tlf./fax: 981.356842 Móvil: 638176108 avvferrolvello@yahoo.es
____________________________

mércores, abril 01, 2009

Silencio participativo

Asociación Veciñal
-avvferrolvello@yahoo.es-
1 de abril de 2009 00:37



Desde a AVV FERROL VELLO queremos enviar un saúdo a todas as xuntas directivas do movemento asociativo vecinal desta cidade.

A todos aqueles compañeiros que entran por primeira vez en cargos de responsabilidade, mostrando unha sensibilidade e unha coraxe á hora de resolver e facer seus os problemas cotiáns de cada barrio, como daquelas directivas cuxa experiencia e anos de traballo aínda seguen dando resultados satisfactorios como o primeiro día.

A unhas e outras noso maior respecto e consideración.

Agora ben:

Do mesmo xeito que mostramos o noso respecto a todas aquelas persoas que cren nas solucións e no traballo asociativo.

Queremos manifestar o noso malestar e indignación ante o que nos parece unha burla e unha falta de consideración por parte dunha administración pública como o concello de Ferrol, ante un proceso de participación cidadá que en contra do que debería ser un intento de democracia participativa, onde cidadáns e administración falen un mesmo linguaxe, a linguaxe das ideas, o esforzo e a colaboración mutua que fagan de Ferrol un referente de participación e optimismo. Estéase convertendo nunha ridícula broma que se eterniza no tempo.

Por este motivo, desde a nosa entidade vecinal propoñemos convocar ao GAP xunto con todas aquelas entidades que crean e defendan un proceso participativo real e comprometido a unha reunión para debater e analizar a situación actual que atravesa o proceso de participación cidadá, e consensuar si se considera necesario un documento que explique os motivos que xeneran o estancamiento do reglamento de participación cidadán e de todo o proceso participativo, e ata plantexar a posibilidade de convocar ao foro cívico pois consideramos que como membros do GAP temos a obrigación de explicar ao resto de entidades asociativas e cidadáns interesados, a grave situación en que se atopa todo o proceso participativo.

Esperamos as vosas suxerencias á hora de decidir data e lugar do encontro.

Un saúdo desde o Conxunto Histórico de FERROL VELLO.

A. VV. FERROL VELLO Xunta Directiva C/ Curro, 1. 15401 - FERROL Tlf./fax: 981.356842 Móvil: 638176108 avvferrolvello@yahoo.es
____________________________

Segundo o BNG a Declaración de Ferrol Vello como Conxunto Histórico, é unha mostra do compromiso das administracións gobernadas polo mesmo coa cidade

BNG -bng@ferrol.es-
1 de abril de 2009 14:30

  • Este acordo pon de manifesto o compromiso das administracións gobernadas polo BNG coa cidade de Ferrol e o seu patrimonio
  • O DOG PUBLICA A RESOLUCIÓN POLA QUE SE INCOA O PROCEDEMENTO PARA A DECLARACIÓN DE FERROL VELLO COMO BEN DE INTERESE CULTURAL
O Diario Oficial de Galiza ven de publicar na mañá de hoxe a resolución da Dirección Xeral de Patrimonio Cultural, pola que se incoa o procedemento para a declaración de ben de interese cultural coa categoría de conxunto histórico en favor do barrio de Ferrol Vello.

Ferrol a 1 de abril de 2008. Este novo tramite administrativo que supón avanzar na protección, potenciación e recuperación do barrio de Ferrol Vello foi acollido polo grupo municipal do BNG con enorme satisfacción pola súa trascendencia. O portavoz nacionalista, Xoán Xosé Pita, afirmou que este feito revela o compromiso das administracións gobernadas polo BNG coa cidade de Ferrol e o seu patrimonio. Pita destacou a importancia deste novo trámite administrativo convencido de que a declaración de BIC para Ferrol Vello axudará a convertir esta zona de Ferrol nun novo referente urbanístico. Esta decisión é o reflexo máis evidente do respaldo e atención que a Consellería de Cultura, liderada polo BNG, ven prestando ao patrimonio cultural da nosa cidade.

A resolución tomada o pasado 27 de febreiro, polo Director Xeral de Patrimonio, e hoxe ratificada coa súa publicación no DOG, abre un paréntese de 20 meses de traballo que debe concluir coa declaración definitiva de BIC.

O BNG estará atento e fará un especial seguimento de todos os trámites precisos para lograr este obxectivo final e pídelle ao goberno municipal que se implique activamente nesta tarefa.

Grupo Municipal do BNG
____________________

venres, marzo 20, 2009

Incoado expediente para a Declaración como Ben de Interese Cultural como Conxunto Histórico do barrio de Ferrol Vello

Asociación Veciñal de Ferrol Vello
-avvferrolvello@yahoo.es-
19 de março de 2009 16:00


  • UNHA NOTICIA HISTÓRICA, PARA UN BARRIO CON HISTORIA
  • O MOVEMENTO ASOCIATIVO, VECINAL E CIDADÁN EN XERAL ESTÁ DE ENORABOA, POIS UNHA VEZ MAIS COMO TANTAS OUTRAS VECES SE SITUA POR DIANTE DO POLITICO REPRESENTATIVO QUE CADA VEZ MAIS HABITUALMENTE NON ESTÁ Á ALTURA DAS DEMANDAS E RECLAMACIONS DE QUEN DEBERIAN REPRESENTAR
  • SAÚDOS E UNHA APERTA DESDE O CONXUNTO HISTORICO DE FERROL VELLO
  • FERROL VELLO SERÁ DECLARADO CASCO HISTÓRICO
Nunha resolución da Consellería de Cultura e Deporte do pasado 27 de febreiro incóase o expediente de declaración do Barrio de Ferrol Vello como Ben de Interese Cultural na categoría de casco histórico.

Esta declaración é producto do traballo da Comisión Cidadá Pola Recuperación de Ferrol Vello e da Asociación de Veciños do barrio, que acadou o seu obxectivo a pesares de non contar co apoio do propio Concello de Ferrol. Tratouse polo tanto dunha iniciativa puramente cívica, á que dou cumprida resposta a Dirección Xeral de Patrimonio da Consellería de Cultura e Deporte, que demostrou unha grande sensibilidade á hora de atender esta iniciativa.

Esta resolución da Consellería de Cultura ven darnos a razón aos veciños do Muelle que sempre defendimos o valor patrimonial do barrio, xa que logo equipara a categoría e o interese patrimonial de Ferrol Vello ao nivel do Barrio da Magdalena, ao que é complementario en termos de valor histórico e cultural, segundo o propio texto da resolución da Consellería de Cultura, co que acompañamos esta nota.

O ámbito proposto para a declaración inclúe o propio barrio, xa catalogado polo Plan Xeral, a fronte do porto (avenida da Mariña) e o barrio de Argüelles. O ámbito de respecto proposto inclúe a Fábrica de Lapis Hispania, o Baluarte de San Xoán, e a Dársena de Curuxeiras.

Unha das consecuencias inmediatas da incoación do expediente de declaración de Casco Histórico é a obriga que adquire o Concello de Ferrol de redactar e aprobar un Plan Especial que ordene este ámbito da cidade, reivindicación xa vella das entidades que apoian dende hai tres anos a recuperación urbana do barrio. Outra consecuencia inmediatas da incoación deste expediente de declaración é a suspensión do efecto das licencias de agregación de parcelas, derribo e nova edificación no barrio e a prohibición de outorgar novas licencias deste tipo en tanto non esté aprobado o Plan Especial de rehabilitación.

Esto supón que, dende o día de hoxe, ata que esté aprobado o Plan Especial de Rehabilitación do barrio só se poderán levar adiante obras de rehabilitación no ámbito declarado. Entendemos que esta resolución desactiva definitivamente calquer interese inmobiliario especulativo, impulsando de xeito importante a política de rehabilitación xa en marcha.

Para os veciños de Ferrol Vello, e para a cidade de Ferrol, esta declaración debería supor un estímulo para confiar máis que nunca no extraordinario valor patrimonial que alberga esta cidade, xa que logo vai ser a única cidade de Galicia que conte con dous barrios declarados Ben de Interese Cultural.

O día 16 de Marzo de 2006 representantes da Comisión Cidadá pola Recuperación de Ferrol Vello manteñen unha primeira entrevista co Director Xeral de Patrimonio Cultural, Don Felipe José Arias Vilas, interesándose pola posibilidade de que Ferrol Vello fose declarado Ben de Interese Cultural.

A primeira solicitude de Declaración de Ferrol Vello como Ben de Interese Cultural diante da Consellería de Cultura e deporte data do día 16 de Maio de 2006, e foi presentada pola Comisión Cidadá pola Recuperación de Ferrol Vello.

Posteriormente, o día 30 de xaneiro de 2007, a Subdirección Xeral de Protección do Patrimonio Cultural solicitou á Comisión Cidadá Pola Recuperación de Ferrol Vello completar a documentación aportada xunto coa solicitude.

En resposta a este requerimento presentouse, o 10 de febreiro de 2007, documentación complementaria á aportada na primeira solicitude.

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es

http://www.jazztelia.com/ferrol-vello/blog
_______

Baixar dos Arquivos Ártabros a Resolución da Direción Xeral do Patrimonio Cultural - en formato pdf- facilitada pola asociación veciñal
___________________

mércores, novembro 12, 2008

Autoconvocatoria para unha reunión sobre a iniciativa Lexislativa Popular relativa ao Sector Naval: venres 14 de Novembro

De: AVV FERROL VELLO -avvferrolvello@yahoo.es-
Para: artabra21@gmail.com
Data: 12 de novembro de 2008 16:49
Asunto: Iniciativa Lexislativa Popular




Iniciativa Lexislativa Popular


REUNIÓN EN RÉXIME DE AUTOCONVOCATORIA SOBRE A INICIATIVA LEXISLATIVA POPULAR RELATIVA AO SECTOR NAVAL

Cremos que o conxunto da sociedade estaría disposta a defender unha Iniciativa Lexislativa Popular sobre o sector naval, singularmente sobre a recuperación do antigo astaleiro de Astano para a construción naval civil.

Tendo en conta que temos unha Consellería de Industria disposta a reabrir a antiga Astano á produción naval civil, uno dos motores económicos para o benestar da nosa comarca.

Con mais razón se cabe no contexto da profunda crise económica mundial na que vivimos, e que nada ten que ver cosector da construción naval civil.

Un sector vivo e en auxe que obriganos a non desaproveitar nin as instalacións de Fene nin a experiencia e recoñecido prestixio dos nosos profesionais.

Por esta razón, convócase unha reunión, para o vindeiro Venres 14 de novembro ás 19:00 horas no Pavillón 4 A de FIMO, onde se aprobará entre todos os asistentes o texto da Iniciativa Lexislativa Popular e se abordarán todos os pasos necesarios para a súa explicación no seo da sociedade e para a súa tramitación parlamentaria.

Esperando a implicación social neste traballo, a prol do futuro da nosa comarca.

Un saúdo

________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es

_______________________

mércores, outubro 01, 2008

Foro Cívico este xoves 2 de Outubro en Esteriro, con motivo da Reforma do Regulamento de Participación Cidadá do Concello de Ferrol

De: AVV FERROL VELLO
-avvferrolvello@yahoo.es-
Para: artabra21@gmail.com
Data: 1 de outubro de 2008 20:02
Asunto: Foro Cívico este xoves 2 de Outubro no Edificio de Apoio ao Estudo Campus Universitario de Esteriro, Ferrol ás 19:00 horas con motivo da Reforma do Regulamento de Participación Cidadá


Foro Cívico este xoves 2 de Outubro no Edificio de Apoio ao Estudo Campus Universitario de Esteriro, Ferrol ás 19:00 horas con motivo da Reforma do Regulamento de Participación Cidadá

ACUDE !

A PARTICIPACIÓN ESTÁ NA TUA MAN !

Con motivo da reforma do Regulamento de Participación Cidadá, que comenzaba cun proceso aberto a "todas" as entidades sociais o pasado mes de maio, e no que se formó un grupo de traballo conformado por distintas asociacións municipais.

E o momento de consensualo entre "todo" o movimento asociativo da cidade xunto con "todos" os veciños que estean interesados na participación do cidadán no rumbo que se quere dar a cidade.

Facendo un chamamento tanto a asociacións deportivas, culturais, sanitarias, ecoloxistas, xuvenís, benéficas, veciñais e cidadáns interesados no proceso do novo regulamento.

CONVÓCASE

Este xoves 2 de outubro, o FORO CÍVICO no que teñen cabida todas as entidades sociais e persoas interesadas, para validar a proposta de reforma do Regulamento de Participación Cidadá. A reunión celebrarase no Edificio de Apoio ao Estudo, Campus de Esteiro-Ferrol (Universidade da Coruña) ás 19:00 h. Nesta sesión explicarase o traballo realizado ate o momento e as fases que faltan para a aprobación definitiva do Regulamento. Ao tempo traballarase na identificación das accións de maior prioridade para a posta en marcha do Regulamento.

O texto sobre o que se vai a traballar nesta sesión está dispoñible na web municipal (www.ferrol.es) ou ben recoller unha copia na Área de Participación Cidadá (2º andar Casa do Concello).

UN SAÚDO E ATA MAÑÁ
________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
avvferrolvello@yahoo.es
___________

Baixa o borrador en formato pdf:

Borrador de regulamento de participación veciñal
___________

mércores, xuño 04, 2008

O BNG apoia a mobilización da A.V.V. De Ferrol Vello polas descargas no porto de Ferrol

De: Xosé Manuel Pazo Blanco -manolopazo@gmail.com-
Para: artabra21@gmail.com
Data: 3 de junho de 2008 17:18
Asunto: INFORMACIÓN iNICIATIVAS BNG



O BNG apoia a mobilización da A.V.V. De Ferrol Vello polas descargas no porto de Ferrol

O Bloque Nacionalista Galego de Ferrol quer facer pública a súa solidariedade e compromiso coa A.V.V. De Ferrol Vello e anuncia que vai secundar a mobilización convocada para o vindeiro mércores, 4 de xuño, co obxecto de facer pública a indignación e repulsa polas continuas descargas, sen control medio ambiental algún, que se desenvolven de forma reiterada e que poñen en perigo a saúde dos veciños e veciñas das zonas colindantes coas instalacións portuarios.

O BNG reclama do Goberno local de Ferrol que esixa á Autoridade Portuaria a cumprir a resolución Plenaria deste concello, aprobada por unanimidade, na que demandamos que se tomen as medidas necesarias para facer cumprir a lexislación vixente en materia de carga e descarga nos Portos de Ferrol e tomar as medidas oportunas para evitar as molestias que esta actividade causa entre a veciñanza das zonas limítrofes aos portos.

Ferrol a 3 de xuño de 2008

Bloque Nacionalista Galego de Ferrol

--
Xosé Manuel Pazo Blanco
______

mércores, abril 04, 2007

Demandan do concello extremar as medidas para garantir a igualdade e o respecto no trato a tod@s e evitar comportamentos xenófobos con inmigrantes

De: eu-ferrolterra@esquerdaunida.org
Para: artabra21@gmail.com
Data: 4 de Abril de 2007 16:24
Asunto: Demandan do concello extremar as medidas para garantir a igualdade e o respecto no trato a tod@s e evitar comportamentos xenófobos coa poboación inmigrante


ESQUERDA UNIDA-IU demanda do concello extremar as medidas para garantir a igualdade e o respecto no trato a tod@s e evitar comportamentos xenófobos coa poboación inmigrante

ESQUERDA UNIDA-IU quere denunciar unha práctica ilegal e profundamente xenófoba, que se ten repetido en varias ocasións nas últimas fins de semana na Praza de Ferrol Vello, onde xúntanse as fins de semana grupos de latinoamericanos, en especial ecuatorianos, para a práctica deportiva. Perante estas actividades, a policía ten estorbado e impedido o seu normal desenvolvemento, nun xeito de proceder que alomenos ten que ser tildado de xenófobo e ilegal.

Para ESQUERDA UNIDA-IU, o Concello ten que garantir que os seus funcionarios cumpran as súas funcións, e sirvan a cidadanía coa necesaria correción e eigualdade no trato. Neste senso a nosa organización quere preguntar ao concelleiro por estos feitos inaceptables, para que sexan esclarecidos e no seu caso sancionados.

Nós entendemos que sería inexcusable que esta lamentable conducta reproduxérase, pois indicaría que quizás o Concello non está vixiante para velar pola igualdade e o respecto a cidadanía, con indpendencia da orixe de cada quen.

Na nosa sociedade son uns poucos os que pretenden xerar comportamentos xenófobos e racistas entre nós. A inmensa maioría da poboación só anceia vivir en paz e con benestar. Resulta, pois, fundamental que os poderes públicos velen polo respecto aos dereitos das persoas, de todas as persoas.

Que nós saibamos a práctica deportiva lonxe de supor un ataque a convivencia pacífica, resulta un indicador de saúde recomendado pola OMS. Resulta tamén un dereito de tod@s nós, poder practicar deporte, e ninguén pode tentar incomodar ou impedi-lo sen incurrir nun delicto.

ESQUERDA UNIDA-IU está comprometida coa construcción dunha sociedade de iguais en liberdade e cos mesmos dereitos. Non imos retroceder nas nosas demandas de que cantos con nós viven e traballan teñan os mesmos dereitos, con independencia da súa situación administrativa. Neste caso ademáis os cidadáns latinoamericanos cumpren esa legalidade policial e represora que adoitamos chamar lei de estranxeiría, a cal nega a centos de miles de inmigrantes o exercicio dos dereitos humanos ( reunión, asociación, folga,... e restrinxe outros caso da educación ).

Queremos aproveitar para que cando a nosa sociedade afronta un novo proceso electoral, onde nós imos exercer o dereito cidadán de voto, para pedir unha reflexión e un compromiso pola igualdade e a xustiza. Temos que conquerir que aqueles que viven e traballan con nóa acaden o dereito de voto, alomenos nas municipais. Non será libre unha sociedade que lle nega o dereito a unha parte dela; e hoxendía, os inmigrantes – responsables de crear riqueza e de facelo en condicións a miudo de sobreexplotación laboral – o son, o deben ser con todas as consecuencias.