Amosando publicacións coa etiqueta Forxa. Amosar todas as publicacións
Amosando publicacións coa etiqueta Forxa. Amosar todas as publicacións

luns, xaneiro 13, 2014

En perigo o dereito de folga


Transcorridos máis de seis anos desde o estoupido da crise capitalista, e da guerra desatada polo bloque oligárquico–burgués contra a clase obreira e o pobo, o Estado capitalista fixou un novo obxectivo: destruír o dereito de folga dos traballadores e traballadoras.


Un dereito conquistado pola loita obreira.

Os dereitos nunca caeron do ceo, nin foron outorgados graciosamente polas clases dominantes. Foron conquistados historicamente en constante e dura loita por quen non tiña nas súas mans o poder, a forza organizada do Estado. Iso sucedeu co dereito de folga. Foi a dura loita proletaria librada contra o fascismo a que obrigou a recoñecer o dereito de folga recoñecido polo Real Decreto–Lei 17/1977, de 4 de marzo, de Relacións de Traballo, posteriormente regulamentado no artigo 28.2 da Constitución de 1978 e interpretado pola Sentenza do Tribunal Constitucional de 8 de abril de 1981, que mantivo a vixencia do Real Decreto de 1977 aínda que anulando algúns preceptos inconstitucionais.

A concepción empresarial do dereito de folga.

Para a clase obreira o dereito de folga sempre foi o dereito obreiro a parar a produción, a atacar o beneficio capitalista extraído da explotación da forza de traballo. Con todo, no marco da democracia burguesa, o dereito de folga convértese nun dereito formal: vostede ten dereito de folga sempre que non pare a produción, isto é sempre que o exercicio do seu dereito non afecte aos beneficios empresariais. E neste marco debe analizarse o debate sobre os servizos mínimos e sobre a actuación dos piquetes.

Ata a data era habitual que a patronal e o Estado impuxesen uns servizos mínimos claramente abusivos. O obxectivo? Baleirar de contido o dereito a folga, converténdoo nun dereito formal e, con iso, protexendo os beneficios capitalistas. Eses servizos mínimos, polo xeral, eran impugnados xudicialmente polos sindicatos, obtendo na maior parte dos casos sentenzas favorábeis que declaraban abusivos os servizos mínimos meses logo de finalizar a folga, polo que o único que se obtiña era unha indemnización por terse vulnerado un dereito fundamental. Na práctica, os servizos mínimos abusivos eran combatidos pola acción dos piquetes, instrumentos defensivos da clase obreira ante os abusos patronais que trataban de impedir que os obreiros e obreiras parasen a produción a través da folga.
Todo depende da correlación de forzas.

E é que cando falamos de dereitos falamos fundamentalmente de correlación de forzas. A hexemonía da socialdemocracia e do oportunismo no seo das organizacións sindicais, reducindo as reivindicacións ao económico, ao inmediato, sen vinculación algunha cun proxecto emancipador vinculado á loita polo poder, desarmou terribelmente á clase obreira. Impúxose un sindicalismo burgués que terminou atrapado nas redes estatais tecidas para desmobilizar e corromper ás organizacións de clase. A dinámica mobilización–negociación, propia do pacto social, alterouse co estoupido da crise.

A patronal xa non está en condicións nin disposta a ceder, tal e como vimos tralas tres últimas folgas xerais. Ademais, os capitalistas son conscientes da extrema debilidade das organizacións sindicais, enredadas en casos de corrupción que son oportunamente lembrados pola campaña antisindical posta en marcha polos monopolios da comunicación, e sen máis proxecto que ofrecer que a vella monserga dun capitalismo con rostro humano que se torna imposíbel ante os ollos dunha clase obreira esnaquizada, que sofre a diario, que ve empeorar exponencialmente as súas condicións de vida e traballo e comproba nas súas carnes a esencia da ditadura capitalista. Non hai límites infranqueábeis na guerra actual á que se somete á clase obreira: convenios colectivos, dereitos de reunión e manifestación, dereitos de folga… Arrasarán con todo se non o impedimos.

Nós producimos, nós decidimos.

Non hai saída para a clase obreira no capitalismo. A única alternativa é organizar as forzas obreiras e populares para preparar un cambio no poder, para derrocar o capitalismo e levantar un modelo de sociedade protagonizado polas forzas do traballo: o socialismo–comunismo. É un camiño difícil e cheo de perigos, pero é o único camiño se non queremos seguir sendo os escravos do século XXI. E será aínda máis complicado se os monopolios e o seu Estado eliminan o dereito de folga. A única resposta posíbel é deixar claro ao inimigo de clase que só recoñeceremos como lei os intereses da clase obreira e dos sectores populares. Non nos someteremos, seguiremos loitando, seguiremos defendendo a vida fronte á condena a matar que significa a escravitude capitalista.

Non hai vías intermedias, cada día está máis claro nesta guerra de clases: ou eles ou nós.

RMT.

[Fonte: UyL]

Publicado na Revista Dixital o 27 de Decembro de 2013

Actualizacións da web de Forxa! e da Revista Dixital (a 10/01/2014)

Enviado por:
Forxa!! Construír o partido, preparar a revolución!!
-forxagz@gmail.com-
10 de janeiro de 2014 11:22

_____________________

martes, maio 21, 2013

O historiador Grover Furr estará este Xoves, 23 de Maio, en Ferrol -

O historiador Grover Furr estará este Xoves, 23 de Maio de 2013, en Ferrol, ás 7 da tarde no salón de Actos da Escola Oficial de Idiomas de Ferrol.

O Colectivo Forxa!, organiza en Ferrol unha das conferencias que o historiador USAmericano vai impartir na Galiza. O día anterior estará en Compostela (o 22 de maio, ás 19hs na Galería Sargadelos). Baixo o título "A falsificación histórica contra o Movemento Comunista Internacional", desenvolveran-se os actos na Galiza. Gorver Furr é profesor na Montclair State University (Nova Jersey). Na conferencia estará dispoñíbel a versión galega do seu libro  "As mentiras de Khrushchev", editado por Edicións Benigno Álvarez. O dominio da lingua rusa, do profesor Gorver Furr, permitiulle o estudo en primeira persoa da documentación dos arquivos soviéticos. As conclusións deste libro, resultados de dez anos de traballo, non deixarán indiferente a ninguén. Os actos darán comezo con extrema puntualidade, para que, ao remate, o autor poda efectuar sinatura de exemplares do seu libro. Após da intervención principal do poñente, terá lugar un debate.

http://www.aforxa.blogspot.com.es/

Enviado por:
Colectivo marxista-leninista Forxa!!
Construír o partido, preparar a revolución!!
-forxagz@gmail.com-
21 de maio de 2013 10:50

_____________

mércores, decembro 19, 2012

Concentración en Ferrol, contra os abusos da banca e a ditadura dos mercados, convocada polo colectivo Forxa e CNT

O SEU BOTÍN É A NOSA CRISE!!

Concentración contra os abusos da banca e a ditadura dos mercados.

Xoves 20 de decembro, ás 18:00 horas, na Praza de Armas (diante da oficina de Bancaja) - Ferrol

Organizan: FORXA! e CNT.

http://revistaforxa.blogspot.com.es/2012/12/concentracion-contra-os-abusos-da-banca.html

Enviado por:
Forxa!! Construír o partido, preparar a revolución!! -forxagz@gmail.com-
17 de dezembro de 2012 21:35

___________

xoves, xullo 12, 2012

Rajoy anuncia brutais recortes e medidas antipopulares


O presidente do Goberno, Mariano Rajoy, debullou esta mañá no Congreso un amplo paquete de medidas con severos recortes para a clase obreira, en especial funcionarios, parados e dependentes e subidas de impostos para lograr un axuste de 65.000 millóns de euros nos próximos dous anos, segundo explicou o presidente. Este abanico de medidas representa o maior axuste desde o franquismo e cambiarán radicalmente o escenario económico e administrativo do país nos próximos anos. A elas súmanse os 27.000 millóns que incluían os orzamentos e as medidas adoptadas polo Goberno a finais de decembro. Tamén hai que considerar os máis de 18.000 millóns en diminución de gastos e subidas de ingresos postos en marcha polas comunidades autónomas. O anterior Executivo, liderado polo socialista José Luís Rodríguez Zapatero, xa recortou 15.000 millóns en dous anos.

Fontes do Goberno aseguran que estas medidas serán aprobadas no próximo Consello de Ministros, o venres, e que entrarán en vigor inmediatamente. A subida do IVE empezará a aplicarse "nos próximos días", indican desde fontes do Executivo. Para as compras xa realizadas, pero que aínda non se pagaron, será a data de emisión da factura a que fixe se se ve afectada polo aumento do imposto. As medidas que afectan aos funcionarios entrarán en vigor o luns.

Os Orzamentos de 2012 quedaron en papel mollado en menos de dúas semanas tras a batería de medidas avanzadas por Rajoy esta mañá. O Goberno levaba semanas estudando todas as posibilidades para recortar o gasto e subir impostos para equilibrar as contas públicas desbocadas “ata maio o déficit do Estado ascendía ao 3,41%, case todo o previsto para todo o ano”. Entre as medidas aprobadas hai un paquete de medidas que afecta á función pública. Rajoy anunciou que suprimirá a paga extraordinaria de Nadal para os funcionarios este ano. O presidente pediu que tamén sexa aplicada aos senadores e deputados. A medida suporá un aforro de preto de 5.000 millóns de euros.


Os funcionarios poderán recuperar parte desta paga a partir de 2015 pero non en metálico, senón a través dunha achega ao fondo de pensións. Está por determinar se esta medida de suspender a paga extra será aplicable tamén nos próximos dous anos.

O Goberno reducirá tamén os moscosos, os días de libre disposición, a pesar de que o ministro de Facenda asegurou o pasado luns que non se tocarían. Outra das medidas máis polémicas consiste na equiparación da situación de incapacidade temporal ás do resto de traballadores. Esta medida -segundo eles- serve tanto para reducir o gasto de persoal como para combater o absentismo dos traballadores públicos. Durante os primeiros días de baixa o Estado complementa o soldo dos traballadores ata o 100% do soldo a diferenza do sector privado que depende dos convenios de cada empresa.

O presidente tamén precisou que haberá un novo recorte nas partidas de gasto dos ministerios de 600 millóns de euros no que queda de 2012 para reducir subvencións, gastos correntes e transferencias. Ademais, avanzou que os Orzamentos de 2013 terán unha rebaixa do 20% na subvención para partidos políticos, sindicatos e organizacións empresariais que se engade ao recortado neste capítulo neste exercicio.

O Goberno tamén dá un forte machadazo ás prestacións sociais. “Racionalizarase o gasto no sistema de dependencia, revisando o baremo e as prestacións”. Ademais, suprimirá un gran número de bonificacións á contratación, salvo as relativas ao novo contrato para emprendedores ou a inserción laboral dos discapacitados.

Respecto das prestacións por desemprego, o Goberno rebaixa a contía da percepción por desemprego en 10 puntos a partir do sexto mes como desempregado: Os novos receptores verán reducida do 60% ao 50% da base reguladora. O presidente tamén avanzou que planea acelerar a aplicación de factor de sustentabilidade. É dicir, acelerarase o atraso da idade de xubilación e endurecerase o tratamento da xubilación anticipada.

No lado dos ingresos. Rajoy anunciou unha subida do IVE a pesar de que se opuxo ferreamente a adoptar esta decisión, e durante o goberno de Zapatero crearon unha polémica páxina web facendo campaña contra a subida do IVE que se prevía entón. Considera que subir este tributo cando cae o consumo detrae a economía. Finalmente, sobe o imposto. O tipo xeral pasa do 18% ao 21% e o tipo reducido do 8% ao 10%. Esta medida suporá un ingreso extra de máis de 6.000 millóns de euros, e empobrecer aínda máis á clase traballadora. A última subida do tributo, aprobada polo anterior goberno “socialista” en 2010 supuxo un ingreso extra de 5.500 millóns. O tipo reducido do IVE (10%) aplícase á maioría de produtos alimenticios, produtos sanitarios, transporte terrestre de viaxeiros e equipaxes e aéreo e marítimo e ao turismo en xeral que reclamara que non se subise o tributo. Tamén están suxeitos a este tipo reducido as entradas a espectáculos culturais (cines, teatros, circos, concertos, bibliotecas, museos, exposicións). Está por ver cando entra en vigor a medida e se finalmente haberá unha reforma na estrutura do imposto: é dicir pasar artigos gravados co tipo reducido (10%) ao tipo xeral (21%).

A subida dos impostos indirectos irá acompañado, segundo explicou o presidente, cunha rebaixa das cotizacións sociais de dous puntos ata 2014: un punto en 2013 e outro en 2014. Esta medida supón un alivio para os custos laborais dos empresarios que verán minorados os seus gastos.

Tamén se subirán os impostos vinculados co medioambiente -“quen contamina paga”, dixo Rajoy- e outros impostos indirectos como o do tabaco. O presidente avanzou unha nova medida sobre o imposto de Sociedades para modificar o pago fraccionado, a pesar de que nos orzamentos xerais presentados a finais de marzo xa se introduciron varias reformas sobre o tributo. Ademais, seguindo a recomendación da Comisión Europea o Goberno eliminará a dedución por compra de vivenda habitual a partir de 2013. Esta dedución no imposto sobre a renda supón unha carga para as arcas públicas do Estado de preto de 2.500 millóns. Pero como a medida non ten carácter retroactivo, non afecta aos que se beneficien xa dela só aos novos compradores, non terá un gran impacto nas contas públicas.

Respecto da reforma da Administración pública, o presidente do Goberno anunciou que reducirá un 30% o número de concelleiros dos Concellos en función dos tramos de poboación. Rajoy avanzou que nos próximos días presentará a reforma de racionalización e sustentabilidade da Administración local. “Delimitaranse competencias para solucionar o problema das competencias impropias para que os Concellos non poidan prestar servizos para os que non se contan co financiamento necesario e refórzase o papel das Deputacións co fin de centralizar a prestación de servizos”, indicou Rajoy, que cifra a medida en 3.500 millóns. No plan de estabilidade financeira 2012-2015 remitido polo Goberno a Bruxelas estima que a “racionalización do número de entidades locais e competencias impropias” suporía un aforro de preto doutros 10.500 millóns de euros. Ademais, o presidente manifestou que se reforzará o papel do interventor municipal e dos funcionarios con habilitación nacional. O Executivo tamén procederá a acelerar a eliminación de empresas públicas locais.

O presidente tamén aludiu ao esforzo que deben realizar as comunidades autónomas. E explicou que no Consello de Política Fiscal e Financeira que se celebra mañá as comunidades deberán aprobar o obxectivo de déficit para os dous próximos anos, examinarase o cumprimento dos plans de equilibrio -que conteñen axustes por 18.000 millóns para este ano- e poranse en marcha os hispanobonos, como popularmente se coñece ao mecanismo de asistencia financeira para que as comunidades poidan afrontar os vencementos da súa débeda bancaria e comercial. As comunidades que se acollan a esta medida terán que asumir novas condicións de consolidación fiscal (máis recortes e máis impostos) para as comunidades.

Rajoy precisou tamén que “levará a cabo un proceso de liberalización e, no seu caso, privatización dos servizos asociados ao transporte ferroviario, portuario e aeroportuario”. Fontes do Goberno explicaron que esta medida de levarse a cabo nas condicións previstas podería xerar un ingreso extra de 30.000 millóns de euros.

Para rematar, o presidente aludiu a un paquete regulatorio para avanzar na liberalización dos servizos profesionais e na clarificación da normativa para o sector enerxético que irá acompañado por un novo esquema de fiscalidade enerxética.

[Tirado de PRAVDA, traducido ao galego por FORXA!]

Fonte: http://revistaforxa.blogspot.com

Enviado por:
Forxa!! Construír o partido, preparar a revolución!!
-forxagz@gmail.com-
12 de julho de 2012 17:32

____________

Asembleas Abertas de Desempregad@s na comarca de Ferrol: os venres 13 e 20 de Xullo, no Inferniño e Freixeiro


A Asemblea de Desempregad@s da CIG (de Ferrol) ven desenvolvendo desde o pasado mes de xuño unha serie de asembleas abertas en distintos barrios e vilas: As Pontes, Fene e Ferrol (nos barrios de Caranza, Recimil e Santa Icía).

As dúas seguintes datas previstas, que pecharán esta primeira rolda ata despois do mes de agosto, son:

- Barrio do Inferniño (Ferrol): 13 de xullo, na pista deportiva da Praza do Inferniño.

- Barrio de Freixeiro (Narón): 20 de xullo, na Praza Álvaro Paradela.

Ambas ás 18:00 horas.

Cómpre sinalar que estas asembleas son abertas a todos os traballadores e traballadoras desempregadas, independentemente de cal sexa a súa filiación sindical, ou mesmo sen estar sindicados.

Do que se trata é de ir sumando forzas e crear un forte e amplo movemento de desempregad@s, que na comarca de Ferrol-Eume-Ortegal xa supera a cifra dos 20.000.

Tratase de canalizar a defensa das persoas desempregadas en forma de mobilizacións e propostas urxentes, mais que tamén sirva ao conxunto das clases traballadoras para dar resposta a asuntos como o mantemento de postos de traballo ou a mellora substancial das súas condicións laborais.

É moi importante traballar de forma conxunta (tanto desempregad@s como en activo) cara á convocatoria dunha gran folga xeral, e das que fagan falla, até derrubar todas as reformas antiobreiras e antipopulares que se están a acometer e que se acometerán.




Fonte: http://revistaforxa.blogspot.com

Enviado por:
Forxa!! Construír o partido, preparar a revolución!!
-forxagz@gmail.com-
12 de julho de 2012 17:32

____________

venres, xuño 22, 2012

Forxa 'Revista Dixital: Resolución do Comité Central Do KKE: Primeira avaliación do resultado electoral do 17 de xuño de 2012

Novas actualizacións da REVISTA DIXITAL
[FORXA!]

Resolución do Comité Central Do KKE: Primeira avaliación do resultado electoral do 17 de xuño de 2012 |Ir ao Artigo|

Crónica do II Encontro Galego - Portugués de Solidariedade con Cuba celebrado en Porto o 16 de xuño entre a Asociación de Amizade Galego – Cubana Francisco Villamil e a Asociación Porto com Cuba. |Ir ao Artigo|

...

http://revistaforxa.blogspot.com
http://aforxa.blogspot.com

forxagz@gmail.com

Enviado por:
Forxa!! Construír o partido, preparar a revolución!!
-forxagz@gmail.com-
22 de junho de 2012 01:37

________________

xoves, xuño 14, 2012

Concentración en solidariedade con dous sindicalistas xulgados en Ferrol [FORXA!] - 14 de Xuño de 2012


Concentración en solidariedade con dous sindicalistas xulgados en Ferrol

A folga xeral do pasado 29 de marzo foi secundada masivamente, alén de polos principais centros produtivos, polo pequeno comercio da comarca de Ferrol, cun peche sen precedentes.

Pola contra, o Hipermercado Alcampo desmarcouse do apoio á clase obreira que loita xunto co resto dos sectores populares contra os recortes e medidas que nos están a impor a oligarquía e os monopolios, e decidíu non secundar a folga, nin permitir que os seus traballadores e traballadoras exerceran este dereito.

O propio piquete informativo que estivo practicamente durante toda a xornada ante as portas deste establecemento, fortemente custodiado polos antidisturbios (como vén sendo habitual), decidíu preparar unha campaña informativa de sensibilización, a nivel comarcal, para os días posteriores.

Foi nesa primeira convocatoria unitaria de CCOO, CIG, UGT e USTG, do pasado 19 de abril, na que participaron un bo número de traballadores e traballadoras da comarca, onde a policía identificou, de xeito totalmente aleatorio, a dous compañeiros da CIG que posteriormente recibiron unha citación xudicial.
Estes dous compañeiros,  que son o co-portavoz comarcal da CIG-Ferrol e un membro do Consello Federal do Metal (tamén militante de FORXA!), teñen o xuízo este xoves 14 de xuño, ás 11:20 horas.

Ese mesmo día, está convocada unha concentración de solidariedade con estes dous compañeiros, e contra a persecución sindical, ás 10:45 horas, nas portas dos Xulgados de Ferrol.

Consulta máis actualizacións da Revista Dixital en www.revistaforxa.blogspot.com

As solucións fóra do marco do poder popular só serven ao capital.

O fortalecemento do KKE determinará a posición do pobo o día despois das eleccións.
...

Publicado por forxa! | 13.06.2012

Enviado por:
Forxa!! Construír o partido, preparar a revolución!!
-forxagz@gmail.com-
13 de junho de 2012 23:20
__________________

domingo, xuño 10, 2012

Unha indignación que se fai extensiva aos intentos de concertación sindical e de repetición das estratexias de pacto social, pola súa inutilidade e o seu papel desmobilizador fronte aos ataques antiobreiros, liquidadores e privatizadores deste goberno da oligarquía - Proclama comunista en apoio das traballadoras e traballadores do naval da Ría de Ferrol


OS COMUNISTAS COS TRABALLADORES E TRABALLADORAS DO NAVAL EN LOITA

Pálpase indignación, pero indignación de clase, indignación obreira. Ese é o estado de ánimo do proletariado da bisbarra, nomeadamente dos operarios do sector naval, manifestada na crítica, denuncia e rexeitamento da pasividade das direccións sindicais pactistas, fronte á xestión comercial inoperante da SEPI e a negativa do goberno e da maioría parlamentaria do PP á infraestrutura do dique flotante e da súa indiferenza indolente e paternalista ante a sorte dos traballadores das empresas auxiliares, que veñen padecendo a lacra da subcontratación, da precariedade e da temporalidade, froito da política de pacto social e de entreguismo sindical levado a cabo durante as últimas décadas.

Unha indignación que se fai extensiva aos intentos de concertación sindical e de repetición das estratexias de pacto social, pola súa inutilidade e o seu papel desmobilizador fronte aos ataques antiobreiros, liquidadores e privatizadores deste goberno da oligarquía.

Hoxe as traballadoras e traballadores das auxiliares son as primeiras vítimas da falta de carga de traballo, situación que tarde ou cedo acabará por afectar tamén aos traballadores da principal. Por iso cómpre respostar con unidade de clase e non con división e pasividade. Hai que respostar ás políticas antiobreiras do mesmo xeito que o están a facer os mineiros e os traballadores do trasporte en folga indefinida polos seus dereitos. A resposta ten que ser a FOLGA XERAL, a RESISTENCIA CONTINUADA e o CONTRAATAQUE.

A inocente ou máis ben necia intención do reformismo político e tamén sindical de tratar de endereitar a crise do sistema, dentro do corrompido marco político e institucional que padecemos, xa non se sostén. Para o caduco sistema capitalista non hai outra saída que non pase pola superexplotación xeneralizada, pola negación dos dereitos políticos e sociais para as masas traballadoras, incluíndo tamén a represión, a guerra ou o fascismo, chegado o caso.

Porque nin se erguerán vetos sobre a antiga Astano, nin se impulsará a construción naval, nin se creará emprego neste e noutros sectores produtivos, se non se supera o esgotado e senil modo de produción capitalista, se non se derroca este goberno e con el se leva ao réxime monárquico á crise política, se antes non saímos do cárcere dos depredadores imperialistas que é a UE, o sistema monetario e a OTAN. Non se acadarán conquistas, nin das reivindicacións inmediatas, se o proletariado e os traballadores e traballadoras do capitalismo do século XXI en crise non loitamos como os nosos antergos, con combatividade, resolución e conciencia de clase, poñendo a ollada no mundo que temos que gañar, que non é senón o SOCIALISMO, pois do capitalismo pouco máis xa temos que perder.

Para iso a clase obreira ha de pór a punto as súas ferramentas de combate: a participación e a acción sindical e política pola base, coa asemblea como instrumento de debate, decisión e mobilización, ou como no caso concreto do naval mediante unha coordinadora obreira das empresas auxiliares, así como un comité de folga unitario e democrático que dea resposta aos intereses da maioría traballadora. Animamos aos traballadores e traballadoras avanzados, sindicados ou non sindicados, a xestar unha fronte militante unitaria para a intervención no conxunto do movemento obreiro e sindical, sobre a base dos Comités de Unidade Obreira (CUO), co obxectivo de impulsar a efectiva unidade de clase e orientar a loita de clases do proletariado a obxectivos revolucionarios e de quebra do sistema.

Queremos aproveitar esta folla para manifestar o noso apoio á Xornada de Loita convocada na nosa comarca para o día 28 de xuño e chamamos á clase traballadora da comarca e a todas as centrais, sindicatos e colectivos de traballadores/as a erguer a imprescindíbel UNIDADE DE CLASE que faga posible unha folga xeral unitaria e masiva.

UNIDADE, RESISTENCIA, CONTRAATAQUE!
FORXA! COLECTIVO MARXISTA LENINISTA
PCPE-COMUNISTAS DA GALIZA

Enviado por:
FranciscoXavier.Iglesias.Mouriz@sergas.es
-FranciscoXavier.Iglesias.Mouriz@sergas.es-
9 de junho de 2012 21:31

______________

luns, febreiro 13, 2012

Posicionamento conxunto de Forxa e Comunistas da Galiza -PCPE, diante do Pacto sobre contención salarial e negociación colectiva, acordo asinado polas organizacións patronais e as centrais sindicais CCOO e UGT


NIN REFORMAS DE OLIGARCAS, NIN PACTOS DE TRAIDORES

Unha vez máis, os dirixentes sindicais de CCOO e UGT, veñen de consumar unha nova traizón contra a clase obreira plasmada no acordo sobre a negociación colectiva, ao cal teñen chegado coas organizacións da patronal. Asumindo e someténdose ás directrices do gran capital, asinan retrocesos e recortes nas condicións laborais e salariais que benefician única e exclusivamente ás clases dominantes e só ofrecen para a clase obreira máis explotación e sometemento.

As consecuencias desta crise, que os grandes oligarcas xeraron coas súas políticas económicas criminais, está a sufrilas a clase obreira día tras día con índices alarmantes de desemprego, con case 6 millóns de desempregados, cos milleiros de familias que viven ao borde da pobreza, familias cuxas vivendas son embargadas polos bancos, familias ás que lles son retiradas as prestacións económicas e sanitarias, traballadores que se ven empuxados ao abismo e á absoluta indefensión diaria e continuada ante os abusos da patronal. Ese é o camiño que nos ofrecen os capitalistas para saír da súa crise. Con acordos e rendición (baixando os pantalóns) responden os líderes sindicais traidores comprados pola oligarquía. Queren que nos apertemos o cinto en aras da estabilidade capitalista; pretenden que nos resignemos e asumamos como inevitábeis as políticas antiobreiras impulsadas pola UE do capital.

Nós dicimos NON! Os nosos dereitos non se negocian, deféndense, como os defenden os traballadores gregos con máis de 15 folgas xerais ás súas costas, coa súa oposición frontal ás medidas antiobreiras, ou coa clase obreira de Bélxica que vén de demostrar que cando esta está unida é capaz de paralizar todo un país. Ese é o camiño que debemos seguir, erguernos e pelexar polo que por dereito é noso, para demostrarlles que non estamos dispostos a entregarlles tan facilmente as nosas conquistas sociais e os nosos dereitos, para que comprendan que non estamos dispostos a vivir axeonllados e sometidos ante a cobiza dos explotadores .

Esta claudicación por parte das centrais sindicais debe servir para borrar e desterrar dunha vez as políticas de pacto social e de negociación, que só teñen conducido á perda progresiva de dereitos e ao empeoramento continuado das nosas condicións de vida. A clase obreira non pode agardar ningunha concesión por parte da oligarquía nin das clases dominantes, e moito menos, cando estas despregan unha ofensiva para arrebatarnos as poucas concesións e melloras conseguidas durante décadas de loitas e de combates. A submisión dos dirixentes obreiros traidores e o seu paso ás filas do inimigo de clase suscitan nos traballadores a necesidade da ruptura coas políticas de colaboración de clase e a preparación para un período de choques abertos entre o proletariado e os sectores populares e a burguesía e as clases dominantes. Debemos prepararnos dende xa: reorganizando as nosas forzas dende a base, dende o núcleo mesmo das entrañas das fábricas e centros de traballo, dende o corazón mesmo onde teñen lugar as relacións de produción, organizándonos e mobilizándonos por cada conflito, ligando as demandas inmediatas e puramente económicas aos obxectivos de emancipación e de loita política do proletariado. A historia do movemento obreiro ten demostrado que, no marco capitalista, a clase obreira só pode conseguir melloras mediante a forza, mediante o combate franco e resolto, mediante a rebelión e a oposición ao sistema de explotación, mediante a loita por demandas inmediatas que reforcen o poder obreiro e popular, mediante loitas que debiliten as posicións do inimigo e reforcen e amplíen as nosas propias forzas.

Compre o artellamento de estruturas que permitan e posibiliten a confluencia de todos os sectores obreiros de oposición as medidas do capital co fin de fortalecer e ampliar a mobilización obreira,coordinar e unificar as loitas,desenrolar unha plataforma e unha táboa reivindicativa común ao conxunto da clase obreira e ofrecer unha resposta organizada e contundente fronteás políticas e ás reformas criminais emprendidas pola oligarquía.Nesa dirección os comunistas galegos organizados en FORXA! e máis no PCPE-comunistas da Galiza, facemos un chamamento ao conxunto da militancia sindical,delegados e comités de empresa, participación e a construción de organismos unitarios dentro e fora das fabricas, comités de folga,asembleas obreiras de carácter intersindical etc., organizadas de acordo a os principios da democracia obreira e da defensa inquebrantábel dos intereses xerais de clase como ferramenta destinada a incrementar a mobilización e a rebelión obreira xeneralizada na dirección da folga xeral e da loita continuada contra os plans capitalistas.

Só podemos responder á traizón con unidade e organización. Esa é e debe ser a nosa mellor arma, o camiño que debemos seguir se queremos reverter a orde de cousas existente. Unidos seremos capaces de plantarlle cara ao inimigo, de dicirlle que as súas reformas e recortes, as súas políticas e toda a súa maquinaria de dominación, serán inútiles fronte ao poder organizado da clase obreira e do pobo, e por iso, Comunistas de Galiza-PCPE e o colectivo marxista-leninista FORXA! fan un chamado ao conxunto da clase obreira, independentemente da súa filiación sindical, a sumarse á folga xeral que terá lugar a finais de marzo; a facer desta folga xeral unha vitoria unitaria do conxunto do movemento obreiro galego; unha vitoria sobre as políticas claudicadoras e pactistas; un paso na dirección da reorientación clasista do movemento sindical e un paso firme na loita organizada da clase obreira contra as políticas capitalistas.

Todos e todas a folga xeral!
Hai que paralos!

FORXA! COLECTIVO MARXISTA LENINISTA
PCPE-COMUNISTAS DA GALIZA

http://aforxa.blogspot.com

http://revistaforxa.blogspot.com

Enviado por:
Forxa!! Construír o partido, preparar a revolución!!
-forxagz@gmail.com-
12 de fevereiro de 2012 22:30
_______________