Conferencia "Democracia alegre contra o medo triste" de Juán Carlos Monedero en Ferrol [Ciclo Democracia e Compromiso] - Venres día 4 de Marzo ás 8 da tarde no Centro Cultural Carvalho Calero do Inferniño

Conferencia "Democracia alegre contra o medo triste" de Juán Carlos Monedero [Ciclo Democracia e Compromiso].

Dende a xunta directiva da Fuco Buxán, A.C. queremos informar do vindeiro acto que a nosa asociación organiza dentro do Ciclo Democracia e Compromiso:

Conferencia de Juán Carlos Monedero Fernández, venres día 4 de marzo ás 20:00 horas na Centro Cultural Carvalho Calero de Ferrol:

Juán Carlos Monedero Fernández (Madrid, 12 de xaneiro de 1963) é un politólogo, profesor en varias universidades, ensaísta e político español, colabora en varios medios de comunicación, tanto de prensa como televisión. O venres 4 de marzo ás 20:00 horas no Centro Cultural Carvalho Calero (Inferniño), Ferrol.

A Asociación Cultural Fuco Buxán vén de celebrar varios actos dentro do ciclo DEMOCRACIA E COMPROMISO que permitiron achegar diferentes informacións en ámbitos moi diversos e necesarios de poñer en coñecemento da sociedade ferrolá.

A Asociación Cultural Fuco Buxán iniciou o Ciclo, que baixo o título xenérico, DEMOCRACIA E COMPROMISO, pretende indagar nas claves e contribuír ao debate sobre a profunda crise sistémica na que estamos inmersos. A tal fin, convidamos e convidaremos a prestixiosos analistas que darán a súa visión dende perspectivas diversas.

A. C. Fuco Buxán [CICLO DEMOCRACIA E COMPROMISO]

Web oficial:
http://www.fucobuxan.net
Blog Escolma das Razóns:
http://escolmadasrazons.blogspot.com.es/
Blog Pensamento Crítico:
http://opinionsfuco.blogspot.com.es/
Facebook:
http://www.facebook.com/pages/Fuco-Bux%C3%A1n/118931821452749
Twitter:
http://twitter.com/FucoBuxan
Google+:
https://plus.google.com/u/0/108716477794009532670/posts

Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es

Enviado por:
A.C. Fuco Buxán Fuco Buxán
-fucobuxan@gmail.com-
1 de março de 2016 14:42
______________

Reflexións, ... Por Juan Carlos Monedero - Interesante vídeo

Juan Carlos Monedero, foi profesor universitario en Berlín, Londres, Medellín, México e Venezuela. Actualmente, imparte clases de Ciencias Políticas e Sociología na Universidade Complutense de Madrid. Foi responsable de formación do Centro Internacional Miranda de Caracas e asesor do goberno de Venezuela. En 2010 foi relator central na conmemoración do Día Internacional da Democracia na asemblea xeral de Nacións Unidas en Nova York. Nesta entrevista, o director do departamento de sociedade civil global do Instituto Complutense de Estudos Internacionais, aborda temas como o proceso constituiente, as recentes protestas brasileiras e a necesidade de reapropiarse da linguaxe. Juan Carlos Monedero tamén participa no faladoiro político A Tuerka (Canle 33), no diario madrileño Público e atende o blog www.comiendotierra.es.


Reflexións - Juan Carlos Monedero por attactv
____________________

"O goberno das palabras" ... Por Juan Carlos Monedero - Interesante Vídeo (Non deixar pasar, paga a pena parar-se a ve-lo e escoitar)

"Precisamos pobos máis quijotescos e menos hamletianos, pobos que dialoguen, non que monologuen"

O capitalismo pelexa frecuentemente as súas crises, á vez que mostra un abanico de respostas cada vez máis limitado. O Estado moderno tenta resistir os embates de solucións máis exitosas que o desbordan territorialmente por arriba e por abaixo. O pensamento moderno, esgotado no esforzo de cabalgar sobre a idea de progreso, renuncia ao combate e cede as solucións racionais a andrómenas, sectarismos relixiosos, remedios de espiritualismo de consumo rápido e libros de autoaxuda. Época de transición e confusión. Pode brindar axuda a reinvención da política? A linguaxe é unha herdanza poderosa que nos fala. Bendicir é dialogar; maldicir, monologar.

Recuperar a política é desterrar os monólogos e regresar a diálogos que dean sentido á vida. Despensar os nomes da política -democracia e gobernabilidade, desenvolvemento e modernización, consenso e gobernanza- para logo repensalos ao servizo dun novo sentido común á procura de solucións atrevidamente humanas. Fronte ao auxe de libros que convidan a solucións individuais, estamos ante un libro de "autoaxuda colectiva" que quere devolver ao político a dignidade extraviada.


http://youtu.be/9C-dJRp92wo
Juan Carlos Monedero (Madrid) é licenciado en Ciencias Políticas e Socioloxía na Universidade Complutense de Madrid. Fixo os seus estudos de posgraduado na Universidade de Heidelberg (Alemaña), e foi profesor convidado no Instituto de Estudos Políticos da Universidade Humboldt de Berlín (dirixido polo profesor Claus Offe).

Igualmente, foi profesor visitante na Universidade Nacional de Quilmes (Arxentina), a Universidade Nacional de Medellín (Colombia), a Universidade Iberoamericana de Poboa (México), a Universidade Nacional de Córdoba (Arxentina) así como as Universidades Bolivariana e Central de Venezuela, onde impartiu conferencias, seminarios e cursos regulares. A súa tese doutoral sobre o afundimento da República Democrática Alemá recibiu a cualificación de sobresaliente cun laude.

Actualmente é profesor titular de Ciencia Política e da Administración na Universidade Complutense de Madrid (con dous tramos de investigación -sexenios- recoñecidos).
___