Demandado o BBVA por imcumprir este a obrigación de informar respecto da existencia, posibilidades e requisitos do Código de Boas Prácticas, e acudir directamente ao procedemento de execución hipotecaria - A vista vai ter lugar este mércores 24 de maio nos Xulgados de Ferrol - O movimento antidesafiuzamento de Ferrolterra convoca unha concentración de apoio á familia demandante e para denunciar a mala práctica da entidade bancaria - Contaremos coa presencia do avogado José María Erauskin e a avogada Maite Ortiz, do movemento antidesafiuzamentos de Gipuzkoa

As plataformas PAH de Ferrol e Comarca e Stop Desafizamentos da Rede de Apoio Mutuo de Ferrolterra, queren poñer en coñecemento dos medios de comunicación, institucións e cidadanía, que o próximo día 24 de maio terá lugar, ante o Xulgado de Primeira Instancia número 4 de Ferrol, a vista pola demanda interposta por un dos nosos compañeiros afectados fronte á entidade BBVA por incumprir esta a obrigación de informar respecto da existencia, posibilidades e requisitos do Código de Boas Prácticas, e acudir directamente ao procedemento de execución hipotecaria.

Hai que recordar que o Código de Boas Prácticas, ten por obxecto intentar evitar os procedementos de execución hipotecaria en base a que as entidades adheridas ofrezan períodos de carencia ou reestruturacións de débeda aos debedores que reúnan determinadas condicións.

É verdade que o Código de Boas Prácticas resulta un tanto cutre en canto aos requisitos para acollerse aos seus beneficios, é certo que ten unha ampla marxe de mellora, pero en calquera caso constitúe unha ferramenta moi interesante para evitar os desafiuzamentos, e, en consecuencia, non podemos permitir que as entidades eludan as responsabilidades que teñen a súa libre adhesión ao mesmo.

O Código de Boas Prácticas é de cumprimento obrigatorio para as entidades que voluntariamente se adheríron a el, que foron todas, e establece a obrigación de que as entidades, no momento en que se produza o primeiro non pago, informen por escrito ao prestatario da existencia do Código de Boas Prácticas, das posibilidades que ofrece e dos requisitos que esixe.

Con todo, BBVA non cumpriu con tal obrigación cando o noso compañeiro atrasouse no pago das cotas de abril, maio e xuño de 2016, resolvendo o contrato e acudindo ao procedemento de execución hipotecaria.

Na demanda presentada solicitamos do xuíz que declare que BBVA incumpriu coa súa obrigación de informar da existencia do Código, co que causou un importante dano ao noso compañeiro, polo que solicitamos que o xuíz condene a BBVA a desistir da demanda de execución hipotecaria interposta.

É o primeiro caso destas características que se xudicializa en España, e entendemos que resulta de especial transcendencia para todos os debedores hipotecarios de boa fe, polo que facemos un chamamento á concentración que se realizará ás portas do xulgado ás 11 da mañá, o mesmo día do xuizo.

https://www.facebook.com/pahferrol/

http://stop-desafiuzamentos-ferrolterra.blogspot.com.es/

Foto de Santi Burgos.
____________

Convocada concentración nos Xulgados, diante do xuízo por non informar a entidade bancaria da posibilidade de acoller-se ao Código de Boas Prácticas (Mércores 24 de maio) e intervención no Pleno de Ferrol para que o Concello se implique co Código de Boas Prácticas

Concentración e xuízo en Ferrol denunciando ao BBVA, por non ter informado ao cliente da posibilidade de acoller-se ao Código de Boas Prácticas e pola contra si iniciou demanda de execución hipotecaria

Este mércores 24 de maio ás 11 da mañá, vai ter lugar nos Xulgados de Ferrol un xuízo contra o BBVA, por non ter informado ao cliente da posibilidade de acoller-se ao Código de Boas Prácticas e pola contra si iniciou demanda de execución hipotecaria. Stop Desafiuzamentos da Rede de Apoio Mutuo de Ferrolterra e a PAH de Ferrol e Comarca, convocan unha concentración para apoiar á familia -con menores- afectada e denunciar esta práctica habitual por parte das entidades financeiras. Neste xuízo estarán presentes o avogado José María Erauskin e a avogada Maite Ortiz, do movemento antidesafiuzamentos de Gipuzkoa. Que nos escriben:

"De aí votaremos a Ferrol. Interesante a vista que temos alí A través da Plataforma de Ferrol presentamos demanda fronte a BBVA por canto este non informou a un afectado da zona da existencia do Código de Boas Prácticas, con detalle das medidas que ofrece e os requisitos que esixe. Hai que recordar que as entidades voluntariamente adheridas ao Código están obrigadas a realizar tal comunicación por escrito no momento en que se produce o primeiro non pago, e iso co fin de evitar os procedementos de execución hipotecaria. BBVA non cumpriu con esa obrigación e acudiu directamente á execución hipotecaria. Tendo en conta de que non ofrecer o Código de Boas Prácticas non constitúe unha causa de oposición á execución, vímonos obrigados a acudir a un procedemento declarativo ante o xulgado de instancia e solicitar do xuíz que declare que BBVA non cumpriu coa obrigación que se especifica no artigo 5.9 do Código de Boas Prácticas, que iso causou un dano importante ao noso defendido que agora se ve inmerso nun procedemento de execución hipotecaria no que non debía estar, de cumprir o Banco coa súa obrigación, e solicitamos do xuíz que condene ao Banco a retirar a demanda executiva que ten presentada.

Este procedemento é importante porque si gañamos ábrese unha porta para todos aqueles que foron ou están sendo executados directamente sen que a entidade lles informara da existencia do Código e as súas posibilidades, e iso con independencia de que, posteriormente, o executado non cumprise cos requisitos, pois unha cousa é a obrigación de ofrecelo, e outra cousa é que se xunten os requisitos"

Intervención e Moción no Pleno do Concello de Ferrol, reclamando unha implicación do Concello na divulgación Código de Boas Prácticas Bancarias e inste ás entidades financeiras a cumprir a lei

Por outra banda as mesmas entidades antidesafiuzamentos e polo dereito a unha vivenda digna, presentaron unha proposta de moción no Concello, para que se trate no vindeiro pleno deste último xoves de mes, 25 de maio, onde tamén pedimos intervir. Co obxectivo de que o Concello se implique na divulgación Código de Boas Prácticas Bancarias e inste ás entidades financeiras a cumprir a lei informando do mesmo ás persoas da existencia do citado Código, ao que se adheriron voluntariamente a práctica totalidade de entidades financeiras, e que prevé expresamente, entre outras medidas, a moratoria durante cinco anos do préstamo hipotecario pagando exclusivamente o euribor mais un 0,25%. Esta moratoria é de obrigatoria aplicación polos bancos para aquelas persoas que cumpran os requisitos de vulnerabilidade que normalmente son as mesmas que están acudindo aos servizos sociais dos concellos a solicitar a axuda pública. Os bancos están-se aproveitando da situación de vulnerabilidade das persoas e intentan apoderar-se de todo o diñeiro do que podan dispoñer as familias e os seus contornos e mesmo de fondos públicos que podan conceder os concellos en forma de axudas de emerxencia, en lugar de informar por escrito ás familias vulnerábeis do seu dereito a solicitar unha moratoria do seu préstamo hipotecario.

A nosa compañeira Aurelia Teijeiro Carnero, ten solicitado a intervención no Pleno Municipal de Ferrol que está prevista a súa celebración o vindeiro xoves 25 de maio, para denunciar esta situación, pedir unha maior implicación municipal contra os desafiuzamentos e polo dereito a unha vivenda digna e lembrar ao Pleno que fai máis dun ano (25.02.2016) foi aprobada unha moción que declaraba a Ferrol Cidade Libre de Desafiuzamentos (presentada polo BNG e FeC) con medidas e demandas que deberían ter unha acción posterior.

Os concellos son quen tramitan as axudas de emerxencia social e os que están en contacto coas persoas e familias en situación de vulnerabilidade e polo que debería de informar da existencia do Código de Boas Practicas Bancarias á veciñanza, mais sobre todo lembrar-lles aos bancos a súa obriga, segundo o disposto na lei, que teñen de informar da existencia do mencionado Código. Mais tamén poden asesorar e mediar, medida que pedimos na moción.

Documentos anexos.-

Achegamos o texto da proposta de moción. | 3 páxinas en formato pdf.  | Acceder/Baixar.

Detalle da Acta do Pleno Municipal onde está a moción aprobada e reflexa o debate sobre a mesma e a intervención da nosa co0mpañeira Aurelia. | 19 páxinas en formato pdf. | Acceder/Baixar.

A Plataforma de Afectadas pola Hipoteca, publica un novo Kit - Acábase de aprobar o Real Decreto 5/2017 que modifica o Real Decreto 6/2012 (Coñecido como Código de Boas Practicas) e a Lei 1/2013 que decretou unha tímida moratoria de 2 anos para algúns casos de desafiuzamento

KIT RDL 5/2017 MORATORIA E ALUGUER SOCIAL

Acábase de aprobar o Real Decreto 5/2017 que modifica o Real Decreto 6/2012 (Coñecido como Código de Boas Practicas) e a Lei 1/2013 que decretou unha tímida moratoria de 2 anos para algúns casos de desafiuzamento.

Aínda que se anuncian como "medidas urxentes para reforzar a protección dos deudores hipotecarios", as modificacións teñen un alcance limitado e cosmético, de face á galería, pois non soluciona as carencias das versións anteriores e non aborda a situación actual de miles de persoas en urxencia habitacional.

A principal novidade é que este Real Decreto amplía os supostos de especial vulnerabilidade para a moratoria, a todas as familias con menores de 18 anos, independentemente do número ou idade, cuestión que desde a PAH xa denunciaramos mediante o recurso de inconstitucionalidade que suscitamos contra a Lei 1/2013.

Con todo, aínda que se teña unha situación "vulnerábel", mantense o requisito "económico", que obriga a demostrar que o esforzo no pago da hipoteca incrementouse nos últimos catro anos. Concretamente o artigo 1.3.b) que di "Que, nos catro anos anteriores ao momento da solicitude, a unidade familiar ha de sufrir unha alteración significativa das súas circunstancias económicas" e o complementa o punto 4 do mesmo artigo cando di: "A efectos do previsto neste artigo entenderase: Que se produciu unha alteración significativa das circunstancias económicas cando o esforzo que represente a carga hipotecaria sobre a Renda familiar se multiplique por 1.5".

Este requisito "económico" non ten en conta a cronificación da situación da pobreza que fai imposíbel o pago das cotas por dificultade acumulada tras varios anos de redución de ingresos, aínda que a cota se mantivo máis ou menos estábel. É habitual caer en non pagar a hipoteca por esgotamento no esforzo económico tras varios anos obtendo ingresos irregulares de aquí e de alá, con independencia da cota.

Cando se redactaron as moratorias orixinais, anos 2012 e 2013, este criterio podía ter certo sentido, pero entón as situacións de vulnerabilidade contempladas eran máis restritivas e, xa que logo, tampouco eran medidas reais e efectivas para a maioría das familias afectadas. Por iso, a medida chega tarde e mal, xa que miles de familias que se puideron beneficiar desde o ano 2013 até agora, xa non teñen opción, e hoxe en día, moitas delas viven pendentes de desafiuzamentos de alugueiro.

Outro aspecto que contempla a Lei é un alugueiro para as mesmas familias que teñen dereito á moratoria. A familia deberá afrontar, si quere acceder a iso, o pago da taxación da súa vivenda a fin de calcular o prezo da cota de alugueiro, que será dun máximo do 3% anual do valor actual da vivenda, pero non regula nin limita estes alugueiros en función da situación social e económica das familias que se poderían beneficiar. En conclusión, a medida establece un impedimento á vez que obriga a pagar a taxación que pode custar uns 400 euros ou máis, e deixa en mans das entidades financeiras o feito que sexa ou non unha medida efectiva para as familias que poidan pagar a taxación.

Este alugueiro establecerase por cinco anos (o anterior era só por tres) o que parece un incentivo para que as persoas con moratoria non esgoten o prazo total até maio de 2020, aínda que teñan dereito a iso.

Aportámosvos os documentos útiles para o seu respectivo uso:

• Enlace ao modelo de Solicitude Moratoria | 2017 | Acceder/Baixar.
• Enlace ao modelo de Solicitude Alugueiro Social | CBP 2017 | Acceder/Baixar.
• Enlace ao modelo de Escrito Solicitude de suspensión de lanzamento por Execución Hipotecaria. | 2017 - Sen Advogad@ | Acceder/Baixar.
• Enlace ao modelo de Escrito de suspensión de lanzamento por Execución Hipotecaria. | 2017 - Con Advogad@ | Acceder/Baixar.
• Cadro comparativo das normas, en tres ámbitos de interese (coas reformas en amarelo e as principais modificacións en verde) | Acceder/Baixar:
  
  • Ámbito de aplicación da situación de vulnerabilidade.
  • Novo prórroga de prazo de suspensión de lanzamentos - Até 15 de maio de 2020.
  • Mecanismos de aluguer - Sobre inmóbeis obxecto de lanzamento suspensión.

Publicado na web da PAH (Estatal) | 03.05.2017. Os documentos atopan-se aloxados na base de datos do servidor da PAH.

Fonte: http://afectadosporlahipoteca.com/2017/05/03/kit-rdl-52017-moratoria-y-alquiler-social/

Nin Casas sen Xente, Nin Xente sen Casas !
Contra o abuso bancario !
Polo dereito a unha vivenda digna e adecuada!
Pode-se !! Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.


Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol
____________

En varias cidades da Galiza, como no resto do territorio do Estado, presentaron-se nos xulgados unha petición para que se paralicen todos o procedimentos relacionados con execucións hipotecarias deribadas da cláusula, agora declarada abusiva, de vencimento anticipado - En Ferrol, diante dos diferentes casos de desafiuzamento que ocupan a nosa atención, faremos a entrega o vindeiro martes 14 de marzo

EN RELACIÓN COA SENTENZA DO TXUE DO 26 DE XANEIRO SOBRE VENCEMENTO ANTICIPADO, E A RECENTE CUESTIÓN PREXUDICIAL QUE EXPUXO O TRIBUNAL SUPREMO AO PROPIO TXUE, SOBRE SE DEBEN ARQUIVARSE OU NON AS EXECUCIÓNS HIPOTECARIAS POR ESTA CLÁUSULA PRESENTE NO 99,99% DAS HIPOTECAS, E DESPOIS DE QUE AS AUDIENCIAS PROVINCIAIS DE XIRONA, BARCELONA, CASTELLÓ E MADRID, SOLICITASEN A SUSPENSIÓN DAS EXECUCIÓNS HIPOTECARIAS ATÉ QUE O TXUE RESOLVA... AGORA TAMÉN NA GALIZA, PRONUNCIO-SE A AUDIENCIA PROVINCIAL EN VIGO.

O pasado 7 de marzo, en varias cidades da Galiza, como no resto territorio do Estado, presentaron-se nos xulgados unha petición para que se paralicen todos o procedementos relacionados con execucións hipotecarias derivadas da cláusula, agora declarada abusiva, de vencemento anticipado. En Ferrolterra, Stop-Desafiuzamentos da Rede de Apoio Mutuo de Ferrolterra e a Plataforma de Afectad@s pola Hipoteca de Ferrol e Comarca (PAH), diante dos diferentes casos de desafiuzamento que ocupan toda a nosa atención, faremos a entrega o vindeiro martes 14 de marzo, ás 11:30 da mañá, no Edificio dos Xulgados. Ao final do Comunicado vai o Kit elaborado pola comisión xurídica da PAH, adaptado á situación organizativa de Ferrolterra e traducidos á nosa lingua, para presentar nos xulgados, un dirixido ao Xuíz Decano e outro ao Servizo Común de Actos Notificacións e Execucións. Acompañamos tamén un escrito para enviar a Madrid, dirixido ao Consello Xeral do Poder Xudicial e outro escrito dirixido aos xulgados de primeira instancia, para que todas as persoas afectadas con proceso de  execución hipotecaria solicitando a nulidade da cláusula de vencemento anticipado e subsidiariamente a suspensión até que se pronuncie o TXUE (Tribunal de Xustiza da Unión Europea).

Comunicado Unitario

O Goberno Español é contrario ao dereito da Unión Europea, no sentido de que se opón ao dereito Comunitario, cando defende e mantén a lexislación coa prohibición a que os propios xuíces podan investigar as cláusulas abusivas nun contrato hipotecario. "Evidentemente, é unha cuestión retórica", non imos esperar máis a que o TXUE siga dando a razón ao movemento antidesafiuzamentos e polo dereito a unha vivenda digna e adecuada.

Os colectivos PAH/STOP da Galiza, como no resto territorio do Estado, poñemos-nos hoxe "Todas a Unha" presentando nos xulgados escritos de oposición, colectivos e individuais, esixindo a paralización de todos os procesos de Execución Hipotecaria en marcha.

A sentenza do TXUE do 26 de Xaneiro de 2017, sobre vencemento anticipado, e a recente cuestión pre-xudicial que expuxo o Tribunal Supremo ao propio TXUE, sobre se deben arquivarse ou non as execucións hipotecarias por esta cláusula presente no 99,99% das hipotecas, son o golpe definitivo a un sistema hipotecario inxusto, abusivo e, por tanto, ilegal.

Tras o repetido choque de trens entre a xustiza española e a comunitaria, despois das últimas 8 sentenzas do TXUE, que "legalidade" ten a lexislación hipotecaria española? Que norma impide ao Goberno lexislar que os xuíces deben examinar de oficio as cláusulas abusivas nos contratos hipotecarios pasados, presentes e futuros?

O TXUE aclárao: para os xuíces non hai unha norma que lles impida revisar de oficio as cláusulas abusivas, porque en realidade están obrigados a iso... E para o Goberno tampouco hai norma que lles impida propoñer leis acordes coa lexislación europea. Non permitiremos que a vontade política do goberno de quenda se converta no fiel da balanza.

Se as leis hipotecarias que ditaron os políticos neste país non son compatíbeis co dereito da Unión Europea, e o TXUE ratifícase nisto en cada sentenza ou pronunciamento: son compatíbeis estes políticos coa Unión Europea? Se o Dereito da Unión impón a un dos poderes do estado español, o xudicial, a protección ás persoas, non debe aplicar isto o poder lexislativo e, en consecuencia, o poder executivo, é dicir o goberno?

A lei debe ser a encargada de disuadir o delito, pero no terreo hipotecario isto non é así: o monopolio político/financeiro nin sequera permite que os xuíces investiguen, deixando ás persoas indefensas.

Di o TXUE que o xuíz debe determinar se as cláusulas dun contrato hipotecario actúan en detrimento das persoas, e se supoñen un desequilibrio importante entre os dereitos e obrigacións das partes do contrato. E sinala o carácter abusivo tanto da cláusula como dos prazos para recorrer.

ESIXIREMOS NOS XULGADOS QUE SE ARQUIVEN OS PROCEDEMENTOS DE EXECUCIÓN HIPOTECARIA!

SE PODE-SE!!

Colectivos PAH e STOP-DESAFIUZAMENTO da Galiza
---
Desde a Comisión Xurídica da PAH achegan-nos varios escritos que compoñen o "KIT do Vencemento Anticipado", segundo o acordado na última Asemblea Estatal celebrada en Madrid.

O Kit elaboraron-no para que podamos utilizalo na acción programada para este mes de Marzo nos Xulgados de todo o Estado, así como para que se pendure na web como documentos útiles.

O Kit do vencemento anticipado compoñen-no catro escritos:

1) Un escrito para que como PAH/STOP (É dicir, a idea é presentar un único escrito) solicitemos ao Xuíz Decano dos Xulgados da nosa localidade que se reúna con todos os xuíces para informar-lles de que desde a PAH esiximos a nulidade da cláusula de vencemento anticipado de todas as execucións hipotecarias e subsidiariamente a suspensión cautelar de todos os procedementos de execución hipotecaria até que o TXUE volva pronunciarse sobre as cuestións prexudiciais suscitadas polo Tribunal Supremo. | Acceder/Baixar.

2) Un escrito para que como PAH/STOP (Igualmente a idea é presentar un único escrito) solicitemos ao Servizo Común de Actos Notificacións e Execucións dos Xulgados da nosa localidade a suspensión inmediata de todos os lanzamentos derivados de procedementos de execución hipotecaria até que se decrete a nulidade da cláusula de vencemento e subsidiariamente, até que se pronuncie o TXUE sobre as cuestións pre-xudiciais suscitadas polo Tribunal Supremo. | Acceder/Baixar.

3) Un escrito para que como PAH/STOP (Un único escrito) solicitamos ao Consello Xeral do Poder Xudicial para que traslade a todos os órganos xudiciais nosa petición de aplicación directa das sentenzas do TXUE e acorden todos os organismos xudiciais a nulidade da cláusula de vencemento anticipado e subsidiariamente a suspensión até que se pronuncie o TXUE sobre as cuestións suscitadas polo Tribunal Supremo. | Acceder/Baixar.

4) Un escrito xudicial para que tod@s os afectad@s que teñamos unha execución hipotecaria presentemos no Rexistro dos Xulgados da nosa localidade (Independientemente de que teñamos avogad@ e procurador/a) solicitando a nulidade da cláusula de vencemento anticipado e subsidiariamente a suspensión até que se pronuncie o TXUE. Este escrito é para que o presente todo o mundo que teña un procedemento de execución hipotecaria. Recomendamos que os que teñan avogado e procurador avisen ao seu avogad@ de que van presenta-lo, pois o normal é que o Xulgado logo no-lo devolva para que o presentemos a través do nos@ avogad@, igualmente pasará cos que non teñamos aínda avogad@ no procedemento e entón teremos que pedir-lo para volver presentalo asinado por avogado e procurador. | Acceder/Baixar.

---

Nin Casas sen Xente, Nin Xente sen Casas !
Contra o abuso bancario !
Polo dereito a unha vivenda digna e adecuada!
Si se Pode !! Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

||||||||||||
_________

A Plataforma de Afectad@s pola Hipoteca elabora un 'Tutorial da PAH para calcular o gasto da cláusula chan' - Vídeo Tutorial - Folla de Cálculo

Desde a PAH elaboraron un novo documento útil, o Kit 46, para saber canto cobraron os bancos de máis, referente ás cláusulas chan e así poder reclamar esta cantidade co Kit 45. Para que o poida facer un mesmo, ou cunha pequena axuda, fixeron un vídeo tutorial que explica paso a paso como se calcula, de forma aproximada, o que estafou a banca coa cláusula chan desde que se firmou a hipoteca.

¡Esperamos que sexa útil! :)

Por unha banda:

1. Baixar a folla de cálculo.

2. Seguir o tutorial de vídeo que prepararon as comPAHs.

3. Destapa canto roubou a banca a cada unha.

4. Exercer os dereitos.

5. Seguir loitando coa PAH e os colectivos Stop-desafiuzamentos.

6. Pode-se !!


DOCUMENTOS ÚTILES

Kit - 45 Cláusula chan e reclamación de gastos

Como saber si teño cláusula chan? | Acceder/Baixar.

Modelo reclamación cláusula adoito. | Acceder/Baixar.

Modelo reclamación gastos. | Acceder/Baixar.

Preguntas frecuentes sobre cláusulas chan. Acceder/Baixar.

Kit - 46. Tutorial: folla de cálculo, cláusula chan e gastos.

Tutorial Youtube. | Ir a Canle.

Folla de calculoPAH. | Acceder/Baixar.

Web da PAH:
http://afectadosporlahipoteca.com/

Nin Casas sen Xente, Nin Xente sen Casas !
Contra o abuso bancario !
Polo dereito a unha vivenda digna e adecuada!
Si se Pode !! Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

||||||||||||

Nos últimos días a depauperada situación socioeconómica de Ferrolterra, acelera o afloramento de inxustizas extremas en referencia ao dereito á vivenda e ao aumento do empobrecemento da Clase Traballadora - Desafiuzamentos- Concentración

Nos últimos días a depauperada situación socioeconómica de Ferrolterra, acelerou o afloramento de inxustizas extremas en referencia ao dereito á vivenda, e ao aumento do empobrecemento da Clase Traballadora. A falta de emprego, mesmo a falta de perspectivas de consigue-lo a curto prazo, deprimen socialmente a unha poboación castigada duramente pola crise e a mala xestión dos recursos nas comarcas do noroeste galego, e principalmente nos concellos da contorna da Ría de Ferrol. As persoas que non teñen apoio familiar, son as principais vítimas da situación. En Ferrolterra, miles de persoas viven dos salarios e pensións de familiares directos en primeiro grado, mesmo até conviven nos mesmos fogares. Mais hai un grupo máis vulnerábel, trata-se de persoas sen familiares directos, ou vítimas noutrora da violencia machista ou da escravitude do Capital. Casos de familias numerosas e outros en perigo de exclusión social. Nomes como Emilia, Cristian, Angel, Mariola, Estevan, Verónica, Blanca, Rocio, Cristina, Merche, Jeide, Dulce, Aurelia, José, Isabel, Manuel, Iván... E tantos outros e outras, forman parte dunha relación de persoas con necesidades que non son máis que dereitos fundamentais vulnerados, ao traballo, á vivenda á alimentación,... a unha vida digna. Non podemos quedar calados, temos que romper o silencio e reclamar unha solución,... vivir con dignidade, parque público de vivendas, renda básica universal europea, subministros básicos garantidos (luz, gas, auga,...) ... emprego,... Solidariedade e Xustiza.

Nos próximos días

Os dous últimos casos que se achegaron a Stop Desafiuzamentos da Rede de Apoio Mutuo de Ferrolterra, son familias numerosas con ganas de vivir, con esperanzas, con ganas de futuro. As crianzas ignoran a fráxil situación que lles ameaza, como se se trata-se dunha fera con ganas de matar sen piedade. De matar a esperanza; de matar unha puberdade alegre e ilusionada, con sonos e liberdade; de matar o futuro. Por que nun mundo rico, hai xente que non sabe se vai poder dar-lle un teito as súas pequenas crianzas mañá?

Hai vidas en xogo. Non está permitido xogar á rendibilidade partidaria cos recursos de todas e todos, cos recursos públicos que non son do partido de quenda que se apoltrona no poder, son do pobo e teñen que xestiona-los con xustiza e responsabilidade.

O desafiuzamento de mañá venres, 3 de febreiro que estaba previsto para as 10:30hs queda adiado até que se resolva o asunto dunha alternativa residencial. Hoxe mesmo estivemos no Servizo Común de Actos de Comunicación e Execución, para saber da situación e nos comunicaron que se ía adiar á espera de recibir comunicación do Concello ou da Xunta.  De todos os xeitos o que está previsto no Convenio, son só 10 días, polo que como no sexan máis celosos, o tempo non vai chegar, para solucionar o asunto. Polo que mañá non imos convocar concentración. Aínda que imos estar presentes na comunicación.

Por outra banda, temos outro xuízo previsto para este luns 6 de febreiro, ás 13:30, no xulgado de instancia n°5. Un desafiuzamento por falta de pagamento do alugueiro, por mor de falta de recursos económicos, familia de sete membros, cinco menores, de 10, 8, 7, 6 e 2 anos de idade. Trata-se dunha parella nova de 29 e 30 anos, con circunstancias familiares e de vida e infancia, moi difíciles. Son traballadores en desemprego, totalmente integrados e arraigados no barrio, mais empobrecidos.  Hoxe mesmo presentamos-lle o caso á Concelleira de Benestar, Saínza Ruíz, que se comprometeu a xestionar unha solución.

Concentración

Luns 6 de febreiro, ás 13:00hs (unha da tarde), diante dos Xulgados de Ferrol, concentración de denuncia e solidariedade, por unha vivenda digna. Convocada pola PAH de Ferrol e Comarca e Stop-Desafiuzamentos da Rede de Apoio Mutuo de Ferrolterra.

Nin Casas sen Xente, Nin Xente sen Casas !
Contra o abuso bancario !
Polo dereito a unha vivenda digna e adecuada!
Si se Pode !! Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

||||||||||||

A sentenza do Tribunal de Xustiza da Unión Europea do pasado 21 de decembro non deixou indiferente a ninguén: Documentos prácticos sobre a clausula chan

Documentos prácticos sobre a cláusula chan.
Un manual de como detectar a cláusula chan nas nosas hipotecas e un escrito de reclamación de devolución de todo o noso diñeiro e os correspondentes intereses, para que podamos presentalo ante as entidades financeiras.

As primeiras filtracións do Real Decreto que previsibelmente se ía a aprobar no Consello de Ministros e que finalmente quedaron adiadas, anuncian que non será unha batalla fácil (Fala-se de que o decreto que quere consensuar o goberno con PSOE e C's, permitiran compensar aos bancos as débedas, derivadas da estafa das claúsulas chan, coas cotas de amortización pendentes)... é o resto que?.

A sentenza do Tribunal de Xustiza da Unión Europea do pasado 21 de decembro non deixou indiferente a ninguén. A banca viuse acurralada, ao Goberno pillóuselle "in fraganti" tapando as vergonzas da banca e o Tribunal Supremo sufriu unha nova perdida de lexitimidade, como sucede cada vez que se pronuncia o Tribunal Europeo.

A sentenza vén darnos a razón, unha vez máis, e confirma o que vimos sinalando desde fai moitos anos, as execucións hipotecarias son ilegais, as hipotecas están cheas de cláusulas abusivas e iso supón que se executaron centos de miles de desafiuzamentos de forma ilegal. Onte mesmo, un maxistrado do propio Tribunal Supremo sentenciou que "as execucións hipotecarias que teñan como causa a aplicación dunha cláusula chan son nulas, e o desafiuzado debería recuperar a súa casa".

Ante esta realidade, desde a PAH volvemos a elaborar un "Kit" que contén respostas ás dúbidas máis frecuentes sobre este asunto, un manual de como detectar a cláusula chan nas nosas hipotecas e un escrito de reclamación de devolución de todo o noso diñeiro e os correspondentes intereses, para que podamos presentalo ante as entidades financeiras. Igualmente inclúe un escrito de reclamación de devolución dos gastos de constitución de hipoteca, outra cláusula que tamén foi declarada abusiva recentemente.

Desde a PAH poñemos a disposición de todos os afectados pola hipoteca este Kit para que se distribúa nas asembleas de asesoramento colectivo e animamos á súa presentación de forma masiva. Somos conscientes de que non é só a cláusula chan, son todas e cada unha das cláusulas que conteñen as hipotecas as que converten en ilegais os préstamos hipotecarios e ante esta realidade desde a PAH imos esixir, unha vez máis ao Goberno que dea resposta á realidade de centos de miles de persoas, unha resposta que pase por recoñecer e lexislar as medidas que conteñen "As 5 da PAH", até que iso non se produza, non haberá resposta definitiva á estafa.

Neste sentido, estamos á espera das medidas que finalmente anuncie o Goberno de Mariano Rajoy. Cinco anos de precedentes ao servizo da banca, as propias declaracións do ministro de Guindos ou as primeiras filtracións do Real Decreto que previsibelmente se ía a aprobar no Consello de Ministros de onte (13.01.2017)e que finalmente quedaron adiadas, anuncian que non será unha batalla fácil (Fala-se de que o decreto que quere consensuar o goberno con PSOE e C's, permitiran compensar aos bancos as débedas, derivadas da estafa das claúsulas chan, coas cotas de amortización pendentes)... e o resto que? O que está claro é que nós non nos imos a render.

Os documentos en cuestión atópanse no apartado "documentos praticos" e son o documento número 45. Aquí enlácelos para descargalos de balde:

45. Kit cláusula chan e reclamación de gastos:

• Como saber si teño cláusula chan?
• Modelo reclamación cláusula chan.
• Modelo reclamación gastos.
• Preguntas frecuentes sobre cláusulas chan.

Fonte: Plataforma de Afetad@s pola Hipoteca.

Sentenza: Acceder/Baixar.

---

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
Stop-Desafiuzamentos da Rede de Apoio Mutuo de Ferrol Terra
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. Coop. Galega
Traseira do Mercado Municipal de Caranza.
1406-Ferrol
______

Acción de Protesta e Denuncia diante dos Xulgados de Ferrol ante un novo Xuízo de Desafiuzamento e para demandar alternativa residencial e denunciar o desemprego, a pobreza e a exclusión social - Mércores 11 de xaneiro, ás 10 da mañá, diante do edificio dos xulgados de Ferrol

Concentración diante dos Xulgados de Ferrol ante un novo Xuízo der Desafiuzamento e para demandar alternativa residencial e denunciar o desemprego, a pobreza e a exclusión social.

As plataformas Stop Desafiuzamentos da Rede de Apoio Mutuo de Ferrrolterra e a PAH de Ferrol e Comarca, teñen convocado mañá mércores 11 de xaneiro, ás 10 da mañá, unha acción de proptesta e denuncia, diante do edificio dos xulgados de Ferrol.

Mañá vai ser desafiuzada unha nai e o seu fillo menor, de 16 anos de idade, o motivo é a falta de traballo e o empobrecemento. Desde as plataformas antidesafiuzamentos e polo dereito a unha vivenda digna e adecuada, mobilízamo-nos unha vez máis en demanda de xustiza social. J.T.Z. vai ser xulgada por falta de recursos económicos para facer fronte aos gastos correntes e de residencia, non pode pagar un alugueiro que lle garanta o dereito a unha vivenda digna e adecuada. Un caso máis en Ferrol que se ven somar ás múltiples situacións de inxustiza que se producen a diario. Nos últimos días mantemos xuntanzas coa concelleira de benestar social, para trasladar-lle problemas de exclusión social que se van somando aos que desde hai tempo persisten na cidade. Depende de nós da solidariedade, organización e mobilización, atopar solucións que non se transformen só en paliativas ou dependentes de por vida dos servizos sociais. Toda persoa ten dereito ao traballo ao benestar social e saúde tanto física como psíquica, a un nivel de vida adecuado, até alimentación, vestido e vivenda, e á mellora continua das condicións de existencia... os dereitos dos menores e adolescentes á protección efectiva... o dereito a unha vivenda digna e adecuada...  pactos, convenios internacionais, ... continuamente chaman ás administracións a lexislar para garantir-los, mais os gobernos miran para outro lado e tiran medidas para a galería sen importa a súa efectividade e cumprimento, mais estamos faltas de medidas estruturais de reparto efectivo da riqueza, rematar co malgasto e a corrupción e que sexa real a máximas política que agora todo o mundo asume, de primeiro as persoas... a non ser que non nos consideren persoas.

_______________

Esquerda Unida Narón presenta unha Moción para o Pleno deste mes coa intención de declarar "Narón cidade libre de desafiuzamentos" e polo dereito a unha vivenda digna e adecuada

EU Narón presenta esta Moción para o Pleno deste mes.

Esquerda Unida presenta unha moción para declarar a

"NARÓN CIDADE LIBRE DE DESAFIUZAMENTOS"
e POLO DEREITO A UNHA VIVENDA DIGNA E ADECUADA.

EU Narón solicitará a aprobación dos seguintes acordos no pleno deste mes:

PRIMEIRO.- O pleno do concello declara Narón como “Cidade Libre de Desafiuzamentos”.

SEGUNDO.- Creación dun servizo municipal de vivenda coas seguintes funcións:

1. Estudo de elaboración dun Plan Municipal de Vivenda que recolla dun xeito real e efectivo a demanda de vivenda que hai no termo municipal e as características e tipo de demanda.
2. Orientación xurídica e práctica en materia hipotecaria e de alugueres.
3. Seguimento e avaliación dos casos de afectados por procedementos de execucións hipotecarias ou  de desafiuzamentos por aluguer, en colaboración cos Servizos Sociais.
4. Rexistro de demandantes de vivenda.
5. Elaboración dun censo de vivendas baleiras (propiedade, estado, localización, características, dispoñibilidade, …).

TERCEIRO.- Que o Concello se comprometa a que ningún corpo de seguridade e emerxencias municipal colabore na execución de desafiuzamentos (nomeadamente Policía Local e Bombeiros).

CUARTO.-  O Concello garantirá a aplicación dos protocolos e normativas derivadas do  Convenio de colaboración entre o Consello Xeral do Poder Xudicial, a Xunta de Galicia e a Federación Galega de Municipios e Provincias (fegamp) sobre a detección de supostos de vulnerabilidade con ocasión do lanzamento de vivenda familiar e medidas de carácter social, asinado o do 8 de Abril de 2013.

QUINTO.- Instar o Goberno de España á modificación do ordenamento xurídico estatal que garanta a paralización dos desafiuzamentos, a dación en pago e o efectivo dereito a vivenda.

SEXTO.- Trasladar o presente acordo á Xunta de Galicia.

SÉTIMO.- Trasladar o presente acordo ao Goberno de España.

"Dende EU Narón entendemos que hai que garantir o dereito a unha vida digna, e a vivenda debe ser un dereito e non un privilexio, ningunha familia debe quedar na rúa por non poder pagar as súas facturas, as traballadoras e traballadores en paro son vítimas e non culpables dunha crise provocada polos que mais teñen e que pagamos os de sempre".

"Moitos traballadores con salarios de miseria non son capaces de chegar a fin de mes, ocorre que ter traballo xa non garantiza saír da pobreza, unha traballadora ou traballador con 600 euros de salario ou menos, e con cargas familiares, non pode pagar un alugueiro de 300 ou 400 euros e vivir dignamente, vense obrigados simplemente a sobrevivir".

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
21 de junho de 2016 23:45
_______________

Mobilizacións contra a criminalización dos movimentos sociais e a represión

Mobilizacións diante das Subdelegacións do Goberno (A Coruña, Lugo e Ourense) e en Vigo diante da sede do PP, contra a criminalización e a represión dos movimentos sociais, organizadas polas plataformas anti-desafiuzamentos e polo dereito a unha vivenda digna, que conflúen na coordinadora galega de STOP's e PAH's.

Ante as continuas actuacións represivas do Goberno contra o movimento solidario na Galiza, convocaron-se mobilizacións, para denunciar a criminalización da protesta e a lexitimidade do pobo a defender o dereito humano a unha vivenda digna e adecuada. Nas mobilizacións estiveron presente as reivindicacións das persoas inmigrantes, por ser hoxe o Día Internacional d@ Migrante. Tampouco faltaron referencias á Lei Mordaza, mal denominada de Seguridade Cidadá, que nos quere impoñer o Partido Popular, para criminalizar a protesta, para legalizar aínda máis a represión sobre o movimento social, para intentar meter medo.

Stop-Desafiuzamentos da Rede de Apoio Mutuo de Ferrol Terra, como integrante da coordinadora galega, participou na concentración diante da sede da Subdelagación do Goberno e posterior manifestacións, na Coruña que rematou diante da Delegación do Goberno, onde un compañeiro leu un comunicado en reperesentación dos colectivos de inmigrantes e reperesentantes das plataformas antidesafiuzamentos o manifesto unitario "Non Temos Medo".

-

Stop-Desafiuzamentos da Rede de Apoio Mutuo de Ferrol Terra
Está Adherida ás PAHs e forma parte da Coordinación Galega de STOPs e PAHs
Dereito a unha Vivenda Digna e Adecuada

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
Stop-Desafiuzamentos da Rede de Apoio Mutuo de Ferrol Terra
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol
__________


___________________________

A ILP contra os desafiuzamentos chega ao Parlamento - Celso Posada e Inácio Martínez foron os dous compañeiros de Stop-Desafiuzamentos da Rede de Apoio Mutuo de Ferrol Terra que asinaron como promotores da ILP-Galega presentada

O pasado 18 de Marzo, xuntábamo-nos en Compostela compañeiros e compañeiras dos STOPs e PAHs da Galiza, diferentes plataformas de loita e solidariedade polo dereito a unha vivenda digna e adecuada, un dereito humano fundamental. O motivo da convocatoria era o de facer entrega no rexistro do Parlamento Galego, dunha Iniciativa Lexislativa Popular Galega -ILP, para a paralización de todos os desafiuzamentos e a aplicación efectiva da dación en pago, así como o impulso dunha Lei Galega da Vivenda. Celso Posada e Inácio Martínez foron os dous compañeiros de Stop-Desafiuzamentos da Rede de Apoio Mutuo de Ferrol Terra que asinaron como promotores da ILP-Galega presentada. A continuación transcribimos o artigo de Miguel Pardo en 'Praza Pública' que reflicte o sentir maioritario dos STOPs e PAHs integrantes da coordinación galega e dos dos obxectivos que se perseguen coa presentación desta iniciativa.

ILP galega contra os desafiuzamentos

As diferentes plataformas antidesafiuzamentos e de afectados pola hipoteca de Galicia presentarán este martes a Iniciativa Lexislativa Popular (ILP) contra os desaloxos. Logo de meses de contactos e xuntanzas, as organizacións levan á Cámara unha protesta que chega tras o éxito -e posterior rexeitamento por parte do PP- da ILP que aterrou no Congreso dos Deputados co apoio do millón e medio de sinaturas presentadas pola PAH.

    A ILP pide modificar a lei de Vivenda e Solo e crear unha nova que paralice os desaloxos, instaure o aluguer social e permita expropiar as vivendas baleiras aos bancos

O propósito dos diferentes colectivos contra os desaloxos é proxectar a nivel autonómico o problema da vivenda e "sobre todo e especialmente da vivenda desocupada e do aluguer social", explican. O obxectivo: a modificación da actual lei de Vivenda e Solo de Galicia e a creación dunha nova norma que "vaia na liña das actuais leis de Navarra e, sobre todo, de Andalucía", ademais da "paralización inmediata dos desafiuzamentos",  a instauración do "aluguer social na vivenda habitual" e a opción de embargar as vivendas que os bancos manteñen baleiras e pechadas.

As plataformas lembran que, "malia o silencio administrativo", os desafiuzamentos seguen a ser unha realidade en Galicia e recordan que o Consello Xeral do Poder Xudicial alertou dun incremento dos desaloxos, un "grave problema habitacional" que no país mínguase un chisco "polo colchón familiar e a especial configuración da vivenda".

    As plataformas lembran que "a Xunta ten plenas competencias para modificar o marco lexislativo na problemática xeral da vivenda"

A presentación desta ILP aposta por reabrir o debate en Galicia logo de que o Goberno do PP rexeitase no Congreso a proposta apoiada por máis de medio millón de sinaturas e a maioría da oposición e que solicitaba a "dación en pagamento retroactiva e a fin dos desafiuzamentos". Os impulsores traen agora a iniciativa ao Hórreo "porque a Xunta ten plenas competencias para modificar o marco lexislativo na problemática xeral da vivenda" e tamén porque os últimos datos indican que case o 20% das vivendas do país están baleiras e porque a vivenda é un dereito recoñecido na Constitución que na práctica só é considerada "un simple ben de consumo suxeito ás leis do mercado".

Así, na ILP as plataformas antidesafiuzamentos e de afectados pola  hipoteca reclaman que se modifique actual Lei do Vivenda e Solo de Galicia do 2012 en tres puntos. Solicitan modificacións lexislativas que permitan embargar ás entidades bancarias as vivendas das persoas que están sendo desafiuzadas e que estas se oferten en réxime de aluguer social. Ao tempo, piden á Xunta "a inmediata paralización dos desafiuzamentos en Galicia e o aluguer social na vivenda habitual". Tamén reclaman a expropiación das vivendas baleiras en mans da entidades financeiras e da Sareb. "Aínda que o artigo 33 da Constitución consagra o dereito á propiedade privada, establecendo que se trata dun dereito cuxo contido vén delimitado pola súa función social, a Constitución non tutela, xa que logo, usos antisociais do dereito de propiedade".

    As PAHs e os grupos de Stop Desafiuzamentos piden o apoio da sociedade civil á ILP e convocan a unha concentración ante o Parlamento

As PAHs e os grupos Stop Desafiuzamentos de Galicia fan un chamamento á sociedade civil, aos partidos de esquerda e nacionalistas, aos sindicatos e ás organizacións sociais para que apoien esta proposta de cambios lexislativos. Ademais, tamén chaman aos movementos sociais galegos e á cidadanía compostelá para que acuda mañá martes 18 ás 11.30 á entrada do Parlamento "en apoio da ILP".

As diferentes plataformas son conscientes de que a maioría absoluta do PP en Galicia fai "case imposible" que a ILP sexa aceptada, pero a iniciativa vai moito máis aló dese resultado final. "Queremos lanzar unha mensaxe, a de que non pode haber casas baleiras mentres se está a desafiuzar a xente e hai unha clara emerxencia social e habitacional", explicaba a Praza Adolfo Telmo, voceiro da PAH de Vigo-Tui, que aclara que é "unha carreira de fondo e de concienciación". "Queremos que o programa sexa asumido polos partidos da oposición, porque pensamos tamén no futuro e en promover un cambio e ofrecer, a partir da lei, unha saída a todas as familias en dificultades", engade.

Miguel Pardo | @depunteirolo

Praza   Pública precisa de Ti:
A forza de Praza Pública son os seus lectores e lectoras. Praza é un medio da súa comunidade de lectores. A existencia do xornal depende das achegas realizadas por todos nós [+info].
---
Stop-Desafiuzamentos da Rede de Apoio Mutuo de Ferrol Terra | Está Adherida ás PAHs e forma parte da Coordinación Galega de STOPs e PAHs.
Comisión Dereito a unha Vivenda Digna

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
Stop-Desafiuzamentos da Rede de Apoio Mutuo de Ferrol Terra
https://www.facebook.com/StopDesafiuzamentosDeFerrolTerra

Enviado por:
forosocialdeferrolterra
-forosocialdeferrolterra@gmail.com-
21 de março de 2014 00:35
____________

Presentación o Martes 18 de Marzo, no Parlamento de Galicia, da ILP-Galega para a paralización de todos os desafiuzamentos e a aplicación efectiva da dazón en pago, así como o impulso dunha lei galega da vivenda

Presentación o Martes 18 de Marzo, no Parlamento de Galicia, da ILP-Galega para a paralización de todos os desafiuzamentos e a aplicación efectiva da dazón en pago, así como o impulso dunha lei galega da vivenda

Presentación o Martes 18 da ILP-Galega non Parlamento de Galicia

Nós non causamos a burbulla inmobiliaria, nin esta crise que nos deixa sen traballo e sen poder pagar a hipoteca, polo que non temos por que pagar as súas consecuencias mentres vemos como os bancos se quedan coas vivendas para mantelas pechadas, cando hai familias enteiras vivindo nas rúas.

Por iso, presentamos esta Iniciativa na que propoñemos a paralización inmediata de todos os desafiuzamentos, o aluguer social como alternativa habitacional e a expropiación daquelas vivendas que os bancos manteñan pechadas.

¡Contra os abusos da banca, organicémonos! ¡Enchamos a porta do Parlamento contra os desafiuzamentos!

Convocamos á cidadanía a concentrar-se diante do Parlamento para acompañar-nos acto de presentación da nosa Iniciativa Lexislativa Popular, que terá lugar o vindeiro martes 18 de marzo ás 11 da mañá diante do Parlamento de Galicia. Mentres, compañeiros e compañeiras das PAHs e STOPs entrarán xunto cos promotores da ILP a rexistrala. Tras rexistrala, convocaremos unha rolda de prensa, coa que finalizará o acto de presentación.


Este martes 18 de Marzo de 2014, ás 11:30hs á entrada do Parlamento de Galicia as PAH/STOPs de Galiza presentaremos a nosa Iniciativa Lexislativa Popular ILP.

Estes son os nosos motivos :

Os desafiuzamentos a día de hoxe malia do silencio administrativo, seguen sendo unha realidade no noso PAIS. O consello do Poder Xudicial recoñece que aumentaron en Galiza no primeiro trimestre deste ano un 11% Existe un grave problema habitacional en Galiza amortiguado sen dúbida polo colchón familiar e a especial configuración da vivenda no noso país .

A parte mais cruel deste problema, os suicidios, por causa dun desafiuzamento ou das presións dos bancos a día de hoxe seguen sendo unha triste realidade como soubemos recentemente. O Goberno do PP fixo caso omiso do millón e medio de firmas que as PAHs presentaron no Congreso pedindo a "dacion en Pago retroactiva e o fin dos desafiuzamentos". A pesar do enorme apoio cidadán que estas peticións tiveron, o Goberno de Rajoy empeñouse en desoír estas peticións e sacar unha lei á medida e ditado da BANCA.

Hoxe queremos suscitar unha ILP autonómica que leve o grave problema dos desafiuzamentos e da vivenda á Xunta de Galicia, a cal dito sexa de paso fixo como "si os desafiuzamentos non fosen con ela e só fose un problema do Goberno central "

Queremos suscitar a nivel Autonómico o problema da Vivenda e sobre todo e especialmente da Vivenda desocupada e do Aluguer social

Primeiro Porque a Xunta ten plenas competencias para modificar o marco lexislativo en na problemática xeral da vivenda.

Segundo Porque o 18,6% dás vivendas de Galiza estaban baleiras en 2011

É especialmente condenable o considerable número de vivendas baleiras pertencentes entidades financeiras e as súas filiais inmobiliarias, entidades de xestión de activos, incluídos os procedentes da reestruturación bancaria a SAREB. E que hai que dicir que foron entidades bancaria rescatadas con enormes e inxentes cantidades de diñeiro publico. Rescate que xerou un gravísimo endebedamento, que hoxe está empobrecendo á maioría da nosa sociedade, por causa da política do Partido Popular baseada en recortes e nunha política austericida.

Terceiro Porque malia a importancia que a Constitución outorga ao dereito á vivenda, o certo é que na práctica é considerada un simple ben de consumo suxeito ás leis do mercado. Neste contexto, é urxente e necesario que desde os poderes públicos se adopten as medidas necesarias para asegurar a función social da vivenda e desta forma se faga efectivo o cumprimento do artigo 47 da Constitución, garantindo desde as administracións públicas a realización deste.

Por todo isto as PAHs e STOPS de Galiza formulan unha ILP que

... modifique actual Lei do Vivenda e Chan de Galicia do 2012 en tres puntos :

- Suscitamos unhas modificacións lexislativas que embarguen ás entidades Bancarias as Vivendas das persoas que están sendo desafiuzadas e que estas, se oferten en réxime de Aluguer Social.

- Esiximos á Xunta a inmediata paralización dos desafiuzamentos en Galiza e o Aluguer Social na vivenda habitual

- Suscitamos a expropiación da Vivendas baleiras en mans da Entidades Financeiras e da SAREB, porque pensamos que aínda que o artigo 33 da Constitución consagra o dereito á propiedade privada, establecendo que se trata dun dereito cuxo contido vén delimitado pola súa "función social", que é básica para a xeneralización dos dereitos sociais. A Constitución non tutela, xa que logo, usos antisociais do dereito de propiedade ...

¡E hai poucos usos mais antisociais e antieconómicos que manter vivendas baleiras¡

Ademais moitas delas produto de embargos e desafiuzamentos que se realizaron ao amparo dunha lexislación abusiva e ilegal como recordaron múltiples sentenzas xudiciais e o TXdaEU.

A ILP Autonómica das PAHs e Stops da Galiza suscitan modificacións legais que pretenden mellorar a definición da función social da propiedade da vivenda e das consecuencias do incumprimento de dita función, nuns momentos que poden ser cualificados como de urxencia social e económica

A ILP sinala e pon en punto de mira dun lado, a existencia dun desorbitado parque de vivendas sen uso ou infrautilizado e, doutro, unha demanda insatisfeita cunha oferta insuficiente e a prezos non adecuados, e numerosos procesos de privación da súa vivenda. Á vez que denunciamos, que por culpa da crise económica e dunha estafa perfectamente planificada os prezos da vivenda e das hipotecas están inflados como o propio Banco de España advertía no seu informe de 2004 o sinalar que o prezo da vivenda estaba sobrevalorado entre un 24% e un 35%. Para o 40% das familias pagar unha hipoteca supoñen o 60% dos ingresos familiares, converténdose deste xeito nunha forma moderna de exclavitude.

Facemos un chamamento á sociedade civil, aos partidos de esquerda e nacionalistas, a sindicatos, orgs sociais que apoien unha vez mais ás PAHs Galegas e aos Grupos STOPs de Galiza e a súa proposta de cambios lexislativos, ademais queremos facer un chamamento aos diversos movementos sociais de Galiza e así como a toda a cidadanía compostelá, para que acudan este martes 18 de Marzo, ás 11:30hs á entrada do Parlamento de Galicia para apoiar a nosa Iniciativa Lexislativa Popular.

O acto consistirá nunha concentración diante do Parlamento. Mentres, varios compañeir@s das PAHs e Stops entrarán xunto cos promotores dá ILP a rexistrala. Tras rexistrala, convocaremos unha rolda de prensa, coa que finalizará o acto de presentación.

@PAHs/STOP de Galiza

PROPOSICIÓN DE LEI A TRAVÉS DE INICIATIVA LEXISLATIVA POPULAR PARA A PARALIZACIÓN DE TODOS OS DESAFIUZAMENTOS EN GALICIA, A APLICACIÓN EFECTIVA DA DACIÓN EN PAGAMENTO E O IMPULSO DUNHA LEI GALEGA DE VIVENDA [Acceder ou Baixar o Texto] - en formato pdf.

||||||||||||||||||||||||||

Saúde e Vivenda Digna !

Plataforma Stop-Desafiuzamentos da Rede de Apoio Mutuo de Ferrol Terra | Está Adherida ás PAHs e forma parte da Coordinación Galega de STOPs e PAHs.
Comisión Dereito a unha Vivenda Digna

Inácio (Comunicación)
645 158 113

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
Stop-Desafiuzamentos da Rede de Apoio Mutuo de Ferrol Terra
https://www.facebook.com/StopDesafiuzamentosDeFerrolTerra

||||||||||||||||||

Enviado por:
Foro Social de Ferrol Terra FSdeFerrolTerra
-forosocialdeferrolterra@gmail.com-
17 de março de 2014 02:26
____________

Loita pola Dignidade, ... Por José Manuel Pena, portavoz de Stop Desafiuzamentos de Barbanza

A LOITA POLA DIGNIDADE

Por José Manuel Pena [*]
21.10.2013

A soidade, a angustia e a indefensión coa que se atopaba unha muller da Comarca, do Barbanza que a punto estaba de quedarse na rúa, por culpa dun procedemento de execución hipotecaria iniciado a instancias dunha coñecida entidade financeira, moveunos a tomar as rendas e constituír unha Plataforma para protexer ás familias humildes do poder "omnipotente" das entidades financeiras e presionar á clase política sobre a necesidade de garantir, de xeito efectivo, o dereito de todo cidadán a unha vivenda digna.

Eramos conscientes da cruzada que iniciabamos contra o poder político e financeiro pero nunca cremos atoparnos con tal cantidade de familias afectadas, en máis de ano e medio de vida, case un centenar coa total imposibilidade de facer fronte ás súas obrigacións hipotecarias, e moitas delas con graves dificultades para chegar a fin de mes, até sen nada que levarse á boca.

Comezamos con entrevistas cos máximos responsables municipais e os departamentos de servizos sociais acompañadas de campañas, nos diferentes medios de comunicación, ao obxecto de que a propia sociedade civil fose consciente da necesidade de loitar e opoñerse aos abusos bancarios, obrigando ás entidades financeiras a negociar antes de que ningunha familia humilde, por causas económicas, tivese que perder a súa vivenda habitual.

Refinanciamento dos préstamos, moratorias, dacións en pago, alugueres sociais e cantidade de fórmulas existentes, todas elas para chegar a acordos puntuales coas entidades antes de que unha soa familia quedásese na rúa. Un ano e medio despois leste, sen ningunha dúbida, foi un obxectivo sobradamente cumprido.

Tamén nos centramos en recoller firmas, para presentar a Iniciativa Lexislativa Popular no Congreso dos Deputados, na Comarca co apoio de máis dun milleiro de persoas. Ao final a "chantaxe" do poder financeiro puido máis que a "sensatez" da clase política. Boas palabras e intencións pero os desafiuzamentos séguense producindo, nun país con máis de seis millóns de persoas sen emprego; con máis de tres millóns de familias que viven na pobreza extrema e, nos últimos catro anos, con máis de medio millón de desafiuzamentos de familias humildes.

Non tardaron en implicarse co noso labor, de carácter permanentemente altruísta, o Valedor do Pobo e varios profesionais liberais de prestixio (avogados e analista financeiros) e coa suficiente experiencia para opoñerse aos procedementos xudiciais e a presionar ás entidades financeiras para obter o compromiso firme de non desaloxar a ninguén da súa única vivenda.

Tamén comezaron a saír as primeiras sentenzas xudiciais, dalgúns tribunais superiores, que protexían os Dereitos Humanos das familias contra a usura e o abuso da maioría das entidades: cláusulas e intereses abusivos, concesión de hipotecas lixo, tasaciones irregulares e concesión de préstamos hipotecarios coas garantías de avalistas, a propósito da clara imposibilidade de que a familia, en poucos anos, puidese seguir cumprindo coas súas obrigacións crediticias e o banco se incautaría de varias vivendas para logo especular e vendelas ao mellor postor, malia presumir, na maioría dos casos, de que cumprían co código das boas prácticas bancarias.

Moi pronto nos demos conta de que Bruxelas legislaba para protexer aos consumidores, mentres Madrid continuaba amparando o saqueo do patrimonio dos bancos por parte dalgúns membros dos consellos de administración con indemnizacións multimillonarias e suculentos plans de pensións. Mentres milleiros de familias xa apenas poden pensar en pagar a hipoteca cando nin son capaces de alimentar, vestir e costear os estudos dos seus fillos. Moitos dos seus membros, con graves secuelas psicolóxicas, polo acoso constante dos responsables das entidades financeiras e con numerosos intentos de suicido ás súas costas. Seguiremos loitando pola dignidade de todas estas familias porque cada vez somos máis e os verdugos xa están contra as cordas.

[*] José Manuel Pena, é portavoz de Stop Desafiuzamentos de Barbanza. j.mpena@hotmail.com

Enviado por:
Foro Social de Ferrol Terra FSdeFerrolTerra
-forosocialdeferrolterra@gmail.com-
20 de outubro de 2013 21:46
http://stop-desafiuzamentos-ferrolterra.blogspot.com.es/
_________________

Un día máis as compañeiras e compañeiros de Stop Desafiuzamentos da Coruña, continuan a pé de portal para evitar o desafiuzamento de Elisabeth

SEGUIMOS EN LOITA. SEGUIMOS CONVIDANDO A TODA Á CIDADANÍA A QUE NOS ACOMPAÑE EN ANTONIO NOCHE 30. GRACIAS POLO VOSO APOIO. NESTA CIDADE NON SE DESAFIUZA¡¡¡

Boas tardes,

Dende STOP Desafiuzamentos A Coruña queremos informar de que a ameaza de desafiuzamento de Elisabeth Sanles segue en pé ó non recibir ela ningún tipo de notificación que lle garanta o contrario. No día de hoxe se lle otorgou o cambio de avogado e se están comezando a abrir novas vías xudiciais, que atinxirán ó Tribunal Europeo de Dereitos Humáns e das que informaremos ó longo destes días. Agardamos que este traballo poda servir de precedente para outros casos similares nos que o dereito á vivenda se vexa vulnerado.

Polo outro lado, queremos agradecer á veciñanza todo o apoio, a empatía e a solidariedade que están a amosar durante estes días. É a forza da xente a que permite frear as agresións contra os mesmos dereitos básicos que as institucións non defenden.

Grazas pola vosa atención,
STOP Desafiuzamentos A Coruña

Correo-e:
desahucios.coruna@gmail.com

Blogue:
http://stopdesahuciosacoruna.blogspot.com.es/

Facebook:
https://www.facebook.com/pages/STOP-DESAHUCIOS-A-CORU%C3%91A/216065495111451

Twiter:
https://twitter.com/Desahuciocoruna

Grupo de stopdesahucios d'A Coruña
@desahuciocoruna
https://n-1.cc/pg/groups/372403/desahucios-corua/

___________________

Concentración en Cabanas ante a emerxencia dun inminente lanzamento de vivenda, como consecuencia dunha situación sostida de violencia machista - Este Luns 7 de Outubro de 2013, ás 10 da mañá, en Cabanas, na Urbanización 'Los Llanos' nº3

EMERXENCIA: LANZAMENTO DUNHA VIVENDA EN CABANAS

Concentración e apoio a Sandra, o Luns, 7 de Outubro, ás 10 da mañá fronte ao Areal da Praia de Cabanas, urbanización Los Llanos, nº3.

LEE E DIFUNDE A CONVOCATORIA

Onte pasaron-nos unha notificación de que se ía producir un lanzamento de vivenda en Cabanas, Urbanización Los Llanos nº3 (Na zona fronte ao piñeiral da Praia da Madalena, á beira do Hotel Iberia).

Nós xa coñeciamos algo sobre este asunto, no que tivera que intervir o Valedor do Pobo, para que a esta muller a quixeran empadroar no Concello de Cabanas, pois o Secretario negaba-se. Mais o asunto non volveu saltar á luz até onte, onde a exposición da situación durou sobre seis horas, coa presencia da nosa avogada, un concelleiro de Cabanas e nós.

O asunto non é só o lanzamento da vivenda. Este desafiuzamento é consecuencia dunha situación de VIOLENCIA MACHISTA, a cal confirmamos a través da Asociación Ve-la Luz.

Sandra, que é así como se chama a persoa que van desafiuzar da súa casa, ten unha sentenza de divorcio logo de máis dun ano de espera, onde ten a custodia do seu fillo de tres anos de idade. Ten interposto unha demanda por venda fraudulenta da vivenda familiar, contra o seu ex-marido (o arquitecto Jorge Salgado Cortizas) que vendeu a vivenda familiar a un amigo, o farmacéutico ferrolán Antonio Torres Fernández que é a persoa que demandou a Sandra e solicita o desafiuzamento da vivenda.

O ex-marido, esta procesado por violencia de xénero, a espera de xuízo.

Sandra vive co seu fillo na casa, mais tamén coa súa nai e a súa irmá que son as que a protexen dun contorno de acoso constante.

Sandra necesita a axuda, a protección e o apoio que a maquinaria xudicial non lle facilita, frente ao seu agresor, e para parar un lanzamento inxusto.

Convocan: Stop-Desafiuzamentos (Adherida ás PAHs) - Comisión Dereito a unha Vivenda Digna, da Rede de Apoio Mutuo de Ferrol Terra e a Asociación Ve-la Luz
(Asociación Galega para a defensa de mulleres e neñ@s vítimas da Violencia de Xénero e/ou abusos). E as compañeiras e compañeiros de Stop-Desafiuzamentos de Compostela.

Inácio (Comunicación)
645 158 113

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Redes Sociais:
facebook Stop Desafiuzamentos Ferrol Terra

Evento no facebook:
https://www.facebook.com/events/613904661993569/

Enviado por:
Foro Social de Ferrol Terra FSdeFerrolTerra
-forosocialdeferrolterra@gmail.com-
4 de outubro de 2013 22:08
http://redesocialdeferrolterra.blogspot.com.es/
______________________