Amosando publicacións coa etiqueta Mandiá. Amosar todas as publicacións
Amosando publicacións coa etiqueta Mandiá. Amosar todas as publicacións

mércores, agosto 15, 2018

Así como todo cambia que eu cambie non é estraño, ... Por Xaquín Campo Freire - Nas parroquias de Mandiá e Marmancón vai haber un cambio ben profundo - Como tales parroquias, refírome ao ámbito relixioso, van ser integradas nunha unidade territorial superior


ASÍ COMO TODO CAMBIA QUE EU CAMBIE NON É ESTRAÑO

Queridos amigos e amigas de MANDIÁ E MARMANCÓN:

En grego clásico, “panta rei”, (Πάντα ῥεῖ), quer dicir: "todo flúe", “todo cambia”. Este é un concepto atribuído por Platón ao filósofo presocrático Heráclito. E expresa a súa opinión de que todo está en cambio continuamente.

Neste mes de agosto tiven a oportunidade de visitar dous lugares da miña infancia. A un deles nunca volvera. Ao chegar, todo mudara. Estaba todo tan distinto que non conseguía recoñecer nada do que me foi tan familiar. É todo unha selva. Emocioneime e sentín mágoa.

O outro lugar é a casa onde nacín e as súas contornas. Alí vive a miña familia. A realidade de hoxe parécese ben pouco á imaxe que está na miña memoria infantil. Pero non me resulta estraño porque a cotío fun vendo a súa evolución paulatina no tempo. Podo dicir que fomos medrando e cambiando xuntos. Foron dúas experiencias persoais que me fixeron pensar.

Nas parroquias de Mandiá e Marmancón vai haber un cambio ben profundo. Como tales parroquias, refírome ao ámbito relixioso, van ser integradas nunha unidade territorial superior: A UNIDADE DE ACCIÓN PASTORAL (UPA) DA ZONA RURAL DE FERROL. Isto xa se fixo hai tempo no ensino coa concentración nos novos Grupos Escolares ou mesmo na sanidade cos Centros de Atención Primaria de Saúde e os PAC. É un signo dos tempos.

Agora, no eido eclesiástico católico, estase a facer tamén algo parecido en todas as dioceses españolas aínda que con características distintas. Estamos nun período de transición-adaptación dentro dun  proceso de cambio profundo.

A Unidade Pastoral estará coordinada por un sacerdote cun Consello Pastoral composto por membros de cada freguesía actual. E aí terá presenza activa quen teña vida real e efectiva. De non ser así en pouco tempo iremos vendo como as nosas tan queridas parroquias, sobre todo as máis pequenas e rurais, perderémonos no esquecemento xunto con todo o que cada unha significou no tempo. E están os nosos Cemiterios Parroquiais para nós tan entrañabelmente respectados, queridos e coidados.

Neste curso que vén, de setembro a xuño, na nosa Parroquia de Mandiá iremos alternando as misas dominicais, presididas polo sacerdote, con outras celebracións da Palabra de Deus no domingo, guiadas por unha equipa de segrares da parroquia que xa o veñen facendo parcialmente desde hai tempo. Vai ser unha experiencia coidada e gozosa e traerá consigo unha grande esperanza de futuro se somos serios e fieis no compromiso persoal e de comunidades.

Trátase de vivir ou morrer como comunidade parroquial. Se agora non damos este paso adiante esmoreceremos. Perderemos vitalidade persoal e comunitaria. A nosa espiritualidade e vida de fe irán deixando lugar a un baleiro anódino, rutineiro, superficial e falto de fondura.

Que nos doen os cambios? Si. Sobre todo porque estabamos máis cómodos así: Xa o cura facía todo. Por iso, sendo milenariamente tan nosa, temos unha igrexa tan pasiva.

Permitídeme que vos recorde estes versos cantados pola benquerida Mercedes Sosa:

"Cambia lo superficial. Cambia también lo profundo. Cambia el modo de pensar. Cambia todo en este mundo. Lo que cambió ayer tendrá que cambiar mañana. Cambia el caminante el rumbo aunque esto le cause daño. Y así como todo cambia que yo cambie no es extraño. Cambia el pelaje la fiera. Cambia el cabello el anciano. Pero no cambia mi amor, por más lejos que me encuentre, ni el recuerdo ni el dolor, de mi pueblo y de mi gente".

Estou entrando niso que se chama a cuarta idade. Teño 81 anos e o meu modo de servir de aquí en diante precisa de actualizarse. O próximo curso eu estarei indo e vindo de vez en cando. Estou matriculado nun Curso de Actualización Teolóxico-Pastoral da Universidade de Salamanca na sección que ten en Madrid.

Pero seguiremos axudándonos entre todos.

Antes de irme teremos unha ASEMBLEA PARROQUIAL na nosa Igrexa. Levamos vinte e dous anos entendéndonos ben. Por un máis, non nos imos fallar uns aos outros. Non si?

Unha aperta afectuosa do voso Cura.

Xaquín Campo Freire.

Mandiá - Ferrol, 14 de agosto de 2018.


[*] Xaquín Campo Freire [Xaquín da Roca], Narón 1937, é un relixioso galeguista. Graduado social, ATS pola Universidade de Santiago de Compostela, a diplomatura en Xerontoloxía Social pola Universidade Complutense de Madrid e é licenciado en Teoloxía Pastoral Sanitaria, pola Universidade Camillianum de Roma dende 2005. É membro do consello de redacción da revista Encrucillada así como membro ordinario da AELG. Traballou de enfermeiro no PAC de Fene e de capelán de Residencia de Anciáns. Na actualidade é director do Centro de Acompañamento e Relación de Axuda e da Escola de Saúde e Centro de Escoita Activa Mons. Araúxo.

Enviado por:
Xaquin Campo Freire
-xaquinderoca@mundo-r.com-
14 de agosto de 2018 17:57

________

xoves, marzo 26, 2009

A veciñanza de Mandiá mobilizarase contra a futura zona loxística


Ferrol Lunes 23 de Marzo de 2009
A veciñanza de Mandiá mobilizaránse contra a futura zona loxística

REDACCIÓN > FERROL

A Asociación Veciñal de Mandiá ten intención de mobilizarse para protestar contra a plataforma de apoio portuario proxectada na parroquia. A entidad subliña que conta co apoio de toda a zona rural e que as alegacións contra a infraestrutura loxística chegan á cincuentena.

O presidente da asociación veciñal, Manuel Suárez, afirmou que están dispostos a manifestarse contra un proxecto que consideran prexudicial para a súa parroquia. Así o acordaron na última reunión, convocada o pasado sábado coa futura plataforma loxística como único punto da orde do día. Suárez engadiu que aínda non hai calendario para as mobilizacións.

O encontro serviu ademais para tratar das alegacións ó proxecto, xa que o prazo para presentalas remata o vindeiro día 27. Segundo informaron dende a asociación de veciños, aprobouse por maioría absoluta presentar unha alegación en nome da entidade, con diferentes puntos. Ademais, o número de alegacións individuais dos residentes que se consideran afectados polas obras está cerca das 50.

Queixas > As críticas dos veciños de Mandiá abranguen diversos aspectos do proxecto, que cren alterará de forma significativa a parroquia. Entre as alegacións destacan as referidas ó derribo de vivendas, arredor dunha decena.

Tamén critican o trazado, que aseguran non respecta, entre outras cousas, o cauce do río da Sardiña. “Non respecta o nacemento, nin as fontes, nin os humedais que temos”, asegurou Suárez. O presidente do colectivo veciñal subliñou que contan co respaldo de entidades ecoloxistas, coma Adega e a Sociedade Galega de Historia Natural, da Sociedade de Caza Urogallo e doutras asociacións culturais do lugar. O clube de fútbol local vaise sumar cunha alegación propia. Tamén indicou que formacións políticas coma Esquerda Unida lles trasmitiron o seu respaldo.

Noticia publicada no xornal comarcal "Diario de Ferrol"
__________________________

Sitio web da Asociación Veciñal de Mandiá:
http://www.mandia.es/

Arquivos Ártabros: Borrador do escrito: Alegacións ao “Proxecto sectorial plataforma loxística, empresarial e portuaria de Ferrol e ao seu informe de sustentabilidade ..: "Borrador do escrito: Alegacións ao “Proxecto sectorial plataforma loxística, empresarial e portuaria de Ferrol e ao seu informe de sustentabilidade .."
______________________________

mércores, marzo 25, 2009

Alegacións ao proxecto de obras públicas da plataforma loxística de Mandía, ... , por parte de Esquerda Unida

eu-ferrolterra@esquerdaunida.org
25 de março de 2009 12:22


Prezad@s amig@s: achégase no arquivo comunicado de prensa en relación coas alegacións presentadas por Esquerda Unida para o proxecto de obras da plataforma loxística de Mandiá. Grazas pola vosa atención. Un saúdo, Ramiro Marier

Ferrol, mércores 25 de marzo de 2009
  • O GRUPO MUNICIPAL DE ESQUERDA UNIDA PRESENTA AS SÚAS ALEGACIÓNS Á PLATAFORMA LOXÍSTICA DE MANDIÁ
  • A PRESERVACIÓN DOS CAUCES FLUVIAIS E A INCOMPATIBILIDADE DOS USOS RESIDENCIAIS E INDUSTRIAIS, PRINCIPAIS DEMANDAS DE ESQUERDA UNIDA
  • ESQUERDA UNIDA RESPALDA AS INICIATIVAS DAS E DOS VECIÑOS DE MANDIÁ
O Grupo Municipal de Esquerda Unida vén de presentar as súas alegacións ao proxecto de obras públicas da plataforma loxística, empresarial e portuaria de Ferrol. A nosa organización considera que o actual trazado do proxecto afecta os cauces dos ríos Xardiña e Citula polo que demanda nas alegacións presentadas diante do Instituto Galego de Vivenda e Solo que se proceda a tracexar unha nova delimitación do proxecto que preserve a integridade destes cauces fluviais.

Razóns dabondo hai para non inflixir novas feridas sobre os cauces fluviais cando a aprobada Iniciativa Lexislativa Popular en defensa dos ríos galegos sinalaba o alto grao de deterioro que padecen os nosos ríos. Iniciativa consonte coa Directiva 2000/60/CE que no seu artigo primeiro define entre os seus obxectivos a prevención de calquera deterioro adicional e maila protección e mellora dos ecosistemas acuáticos, asemade de promover un usos sustentable do auga. Directiva que achega os principios de acción neste eido como son os de cautela, acción preventiva e requisito de integración das esixencias medioambientais en calquera proxecto.

Lexislación neste mesmo eido que vai dende o Informe Brundtland sobre desenvolvemento sustentable, concepto recollido no Tratado de Amsterdam, até a Lei de Protección Ambiental de Galicia no que atinxe a salvagardar a rede hídrica e a súa interralación cos recursos culturais e patrimoniais.

Esquerda Unida fai fincapé nas súas alegacións tamén na incompatibilidade de empregar un mesmo espazo físico para misturar fins residenciais e industriais. As zonas industriais teñen unhas servidumes que as fan inaxeitadas para compatibilizar nelas solo para fins residenciais. Neste senso semella necesario proceder tamén a facer modificacións no actual proxecto de obras.

Esquerda Unida considera necesario desenvolver un riguroso planeamento racional e sustentable no eido da construcción deste tipo de infraestruturas, onde a avaliación certa e real de necesidades evite intervencións custosas e insustentables, que lastiman á veciñanza afectada polas mesmas.

Grupo Municipal de EU
__________________________________________

mércores, marzo 11, 2009

Noticias de ADEGA sobre o Río Eume e o Proxecto de Plataforma Loxística de Mandiá

ADEGA denuncia que volven ser preocupantes os niveis de pH no río Eume. Tomaron-se mostras no encoro de Goente [As Pontes] e no lugar de Ombre [Pontedeume] esta semana, dando uns niveis que se situan en torno ao 5,3.

Por outra banda ADEGA Trasancos está elaborando as Alegacións ao Informe de Sustentabilidade Ambiental do proxecto da Plataforma Loxística de Mandía, para o cal elaborou un Borrador do escrito de Alegacións ao “Proxecto sectorial plataforma loxística, empresarial e portuaria de Ferrol e ao seu informe de sustentabilidade ambiental” que queira consulta-lo podeo facer nos Arquivos Ártabros do Colectivo Ártabra 21

No Diario de Ferrol de hoxe Mércores 11 de Marzo de 2009

Volven ser preocupantes os niveis de pH no río Eume
P.C.C. > FERROL
Os pescadores do río Eume [tal como denunciou ADEGA] alertan sobre un novo descenso do pH da auga do río Eume, cuxos niveis se situan en torno ao 5,3. Os datos son desta mesma semana e foron tomados tanto no encoro de Goente como no coto situado na poboación de Ombre.

O presidente da Asociación de Pescadores de Caaveiro, Adriano Paz Niebla, recoñece que a situación preocupa a un sector que ve como periga a campaña do reo que arrinca en menos de dous meses. Á marxe de pór en corentena os resultados das intervencións realizadas ata a data pola empresa Sogarisa e financiadas por Medio Ambiente (tres millóns de euros), o presidente dun colectivo ao que están vinculados uns 50 profesionais da pesca con cana entende que a situación do río é tan crítica que o cambio que debe producirse na Xunta "só fará empeorar as cousas". Este comentario obedece á vez que require o traspaso de poderes á fronte do Executivo autonómico e, neste sentido, o representante dos pescadores do coto de Ombre recoñeceu que "os pescadores temos medo de que neste mes de cambio siga empeorando a situación do río". Paz Niebla entende que de non porlle freo ao que a día de hoxe acontece no Eume só haberá que esperar a que se rexistre unha nova mortaldade de peixes, como a que se rexistrou o verán pasado e que foi denunciada polos pescadores. A campaña do reo arrinca o día 1 do próximo mes de abril e estará en vigor ata finais de setembro. Durante a mesma, era habitual que as capturas superasen os 600 exemplares, segundo Adriano Paz Niebla. O presidente apuntou que de non actuar de xeito urxente e eficaz para tratar de salvar o Eume "pronto asistiremos á morte do río".

Empresa > Pola súa banda, a empresa contratada por Medio Ambiente por mor da aparición de peixes mortos na canle do río, á altura do coto de Ombre, cuestiona os resultados das medicións realizadas polos pescadores, posto que sinala que as realizadas polos técnicos de Sogarisa arroxan outros datos. Segundo estes, os niveis están entre o 5,8 e o 6,4. Desde a empresa desméntese a interrupción das achegas de cal que desde fai máis de seis meses realízanse en distintos tramos do río coa intención de reducir os problemas que se rexistran no Eume desde a obra de construción da Autovía Ferrol- Vilalba.
___________________

venres, agosto 01, 2008

A comarca de Ferrolterra é a comarca galega con máis superficie de chan industrial - Puntualizacións medioambientais sobre Leixa e Mandía

De:ADEGA - Antonio Gª
-angaji@yahoo.com-
Para: artabra21@gmail.com
Data: 1 de agosto de 2008 17:12
Asunto: Polígonos industriais en Leixa e Mandía (Ferrol): Puntualizacións medioambientais


Polígonos industriais en Leixa e Mandía (Ferrol): Puntualizacións medioambientais

Remitímos as seguinte nota de prensa por se ten vostedes a ben publicala no seu medio informativo

Nota. Enviamos cartas co mesmo contido á Conselleria de Vivenda e Solo e a Alcaldía de Ferrol, parte delas escaneadas en arquivos adxuntos.

Atentamente

Antonio Garcia J
Vogal de Adega-Trasancos
angaji@yahoo.com
Ferrol

Ferrol 1.8.2008


ASUNTO: Polígonos industriais en Ferrol na zona de San Pedro de Leixa e Mandiá. Puntualizaciones medioambientais.

En referencia ás noticias aparecidas recientemente nos medios informativos por diferentes personalidades da vida social e política sobre a urxencia de realización de polígonos industriais na zona de S. Pedro de Leixa e Mandiá no concello de Ferrol, queriamos realizar as seguintes puntualizacións:
  • -as paraxes naturais de S. Pedro de Leixa e Mandiá son das mellores zonas conservadas da zona interior do concello de Ferrol,(algunha delas incluida no catálogo de benes protexidos do PXOM) que evidentemente veríanse afectadas irreversiblemente se se constrúen devanditos polígonos industriais

  • -na zona de S. Pedro de Leixa está a importanta fraga de “A Pega”, varias fragas de ribeira , rio Freixeiro e afluentes así como especias animais e vexetais protexidas que veríanse afectados irremediablemente por esta actuación

  • -a zona de Mandía está o mellor humidal de interior do concello de Ferrol que probablemente desaparecería con esta actuación; ademais está a cabecera de cunca do río da Sardina, varios regos(Ferreiro, Pazo e Taboada) e especies animáis e vexetais protexidas

  • -O polígono industrial de Leixa, en caso de levarse a cabo, estaría totalmente adxacente ao Hospital Novoa Santos e ao Hospital Básico de Defensa, e moi preto da zona están o Hospital Arquitecto Marcide e o Centro de Minusválidos có evidente perigo que supón ter un polígono industrial, con posible tránsito o almacenamento de mercadurías perigosas cerca de estos hospitais

  • -que, ata o momento, non temos constancia de que se respondesen as alegaciones que presentamos diversos colectivos en outubro 2006 ao “Plan sectorial de ordenación de áreas empresariais non ámbito dá Comunidade Autónoma de Galicia do parque empresarial de San Pedro de Leixa (Ferrol)” (D.O.G. Nº 185 de 25.9.200) e en febreiro 2007 ao “Estudo de Impacto Ambiental do Proxecto do parque empresarial de S Pedro de Leixa” (DOG 9.1.2007)

  • -nesta etapa en que estamos onde hai unha importante crise de produción de alimentos e agrocombustibles, o realizar un parque empresarial nesta zona, afectaría irreversiblemente a unhas das zonas máis fértiles da comarca

  • -do mesmo xeito, nesta fase é que é vital loitar contra a deforestación e o cambio climático, o realizar polígonos industriais nestas zonas iría en contraposición co anteriormente comentado

  • -a comarca de Ferrolterra é a comarca galega con máis superficie de chan industrial (pódense revisar as hemerotecas e datos oficiais), cos polígonos industriais de Narón (nas súas diversas fases), Fene, superficie industrial en Ferrol (asteleiros, portos interior e exterior, superficie industrial de A Gándara e do propio S. Pedro,..) e moita desta superficie industrial baleira na actualidade

  • -no porto exterior de Ferrol creouse recientemente máis de 1 millon de metros cadrados de chan industrial (“desafectando” unha zona protexida como era esa , para realizar devandito porto exterior), que se suma ao xa existente nas zonas de asteleiros, e a superficie dedicada xa a empresas na Gándara, S. Pedro de Lexia,etc. A isto hai que sumar a superficie baleira nos polígonos industriais de concellos próximos como Pontedeueme, As Pontes, Ortigueira, etc

  • -que a data do presente escrito, non temos coñecemento que saia a exposición pública ningún proxecto de polígono industrial na zona de Mandiá e , evidentemente, tampouco o obligatorio estudo de impacto ambiental.
Por todo iso, os colectivos abaixo referenciados, solicitamos que se paralice calquera proxecto de realizar un polígono industrial nas zonas de S. Pedro de Leixa e Mandiá no concello de Ferrol e que ademais realícense as accións pertinentes para protexer estes espazos naturais.

Atentemente:

Asinado:
Antonio García Jiménez (*). Vogal de ADEGA-Trasancos
angaji@yahoo.com Tlf 981324707//625878352
en representación da: “Plataforma pola Defensa Natural e Patrimonial dos Montes de Brión e de Leixa”

(*) como portavoz dos seguinte colectivos que apoia este escrito

ADEGA (1) (Asociación para a Defensa Ecolóxica de Galiza). Delegación de Trasancos . Apdo Correos 481. Ferrol. e-mail: angaji@yahoo.com

SOCIEDADE GALEGA HISTORIA NATURAL . Juan Ignacio da Silva. Presidente da SGHN. Tlf 981352820 sghnferrol@teleline.es

NÓS-UP (1)). Carlos García. Tlf 646434646 carlosgseoane@hotmail.com

ESQUERDA UNIDA-IU .(1) Ignacio Allegue. ignacioallegue@yahoo.es Tlf 679212500

CLUB DE MONTAÑA DE FERROL(1) Xan Ramírez. Pdte do Club de Montaña . Tlf 619953363. cmf@clubmontanaferrol.com
___________________

Enlaces relacionados:
__________

Noticias relacionadas:

La Sepes estudiará construir y gestionar con sus fondos el ...
La Sepes estudiará construir y gestionar con sus fondos el polígono de Mandiá. La entidad planea incluso levantar naves industriales para que sean ...

El PP reclama al Gobierno gallego que agilice los polígonos ...El PP ha reclamado al Gobierno gallego que «agilice» la tramitación para poder iniciar las obras en los polígonos industriales de Leixa y de Mandiá, ...

Ayuntamiento de Ferrol
2 Jul 2008 ... Portuaria proponen al Sepes hacerse cargo del polígono de Mandiá ... y arquitectura industrial que hagan posible un polígono realmente ...


IGAPE - Touriño presenta el Plan de Desarrollo Integral de ...
20 Mar 2007 ... “Estamos en condiciones de cambiar la historia e... de Mandiá y casi completada la 4ª fase del polígono de Río do Pozo, ... iniciar una

___________

Documentación:

Plan de Desarrollo Integral de las Comarcas de Ferrol, Eume y Ortegal 2007-2011
_____________