Amosando publicacións coa etiqueta Medio Ambiente. Amosar todas as publicacións
Amosando publicacións coa etiqueta Medio Ambiente. Amosar todas as publicacións

domingo, febreiro 05, 2023

Lembrando a Carmelo Teixeiro, quen fora o primeiro Coordinador do Comité Cidadán de Emerxencia para a Ría de Ferrol e de todas as compañeiras e compañeiros que nos acompañaron nestes 22 anos de actividade en defensa da nosa Ría, contra o despropósito gasista de Reganosa


Ofrendas florais en Parque Carmelo Teixeiro

O 15º aniversario do pasamento de Carmelo Teixeiro, Coordinador deste Comité Cidadán de Emerxencia.

O Concello de Ferrol lembrou o 15º aniversario do falecemento de Carmelo Teixeiro, cunha ofrenda floral, no parque de Caranza que leva o seu nome.

PARQUE CARMELO TEIXEIRO MENÉNDEZ (Mugardos 1937 – Ferrol 2008). O Excmo. Concello de Ferrol en sesión plenaria do 26.02.2009, acordóu nomear este espazo público na memoria deste activista social, sindical e político, que foi Coordinador do Comité Cidadán de Emerxencia para a Ría de Ferrol, polo seu labor na transición, a súa implicación sindical, a defensa das liberdades e da nosa ría e a súa coherencia na loita polos principios democráticos. 8 de xuño de 2018. Memoria de Ferrol”.

O Comité Cidadán de Emerxencia para a Ría de Ferrol, depositou hoxe unha ofrenda floral no Parque Carmelo Teixeiro de Caranza, en memoria de quen fora o primeiro Coordinador deste Comité e de todas as compañeiras e compañeiros que nos acompañaron nestes 22 anos de actividade en defensa da nosa Ría, da legalidade e da vida das persoas que habitan na súa contorna, sempre coa ameaza presente dunha Planta de Gas no centro dela, que, a pesar dos permisos que unhas administracións cómplices lle conceden, segue incumprindo todas as normas de seguridade segundo demostraron as cinco sentenzas xudiciais en contra dela.

Hoxe cúmprense 15 anos do pasamento de Carmelo pero lembramos tamén a:

José Gabeiras - presidente de honra do Comité Cidadán in aeternum (Xaneiro de 2005), Xaime Quessada autor do mural contra a imposición de Reganosa, mural que agora se expón no Auditorio Municipal de Ferrol (Decembro de 2007), Santiago Torrente 'Tito' (Marzo de 2009), Tino Deibe autor do logotipo do Comité (Maio de 2010), José Luís Estévez Barros 'Seli' (Decembro de 2011), Regino Varela (Xullo de 2014), Victoria Fernández Paredes, (compañeira de Carmelo, falecida o 8 de novembro de 2014), Ramón Capotillo (Febreiro de 2015), Luís Matalobos (Outubro de 2015), Julio Videira (Xuño de 2016), Joaquín Cupeiro (Decembro de 2016), Julio Pico (Xuño de 2017), Bernardo Bastida, (Xaneiro de 2018), Emilio Romero "Milín" (Marzo- 2018), Mel Sanxoán (Abril de 2018), José Luis Rodríguez Pardo (Xuño de 2018), Helena Sánchez (Novembro de 2018), Pepe Leira (Outubro de 2019), Ricardo González Costas "Cardín" (Xaneiro de 2020), Víctor Agulló López (11 de Xullo de 2021),  Eugenio Pereiro Couce (4 de novembro de 2021), Marichy Cuadrado Caruncho (14 de xaneiro de 2022) e Antonio Dopico Carro (23 de xaneiro de 2022).

Todas e todos sempre na nosa memoria!

Enviado por:
Comité Cidadan de Emerxencia
-comitecidadan@gmail.com-
5 de fevereiro de 2023 às 17:1

_______

Nova plantación de Betula, a asociación para a custodia do bosque atlántico das comarcas, desta vez en Montefaro, sobre unha parcela en custodia que foi deseucaliptizada


O vindeiro o sábado 11 de febreiro en Montefaro, Betula, a asociación para a custodia do bosque atlántico, realizará unha primeira fase de plantación de 50 arbores, principalmente carballos. Trátase dunha finca en custodia que foi deseucaliptizada o ano pasado e van comezar a plantar especies autóctonas.

O terreo e chan e non ten ningunha dificultade para acceder a él polo que é apto para tódalas idades e condicións físicas.

Lembramos a importancia do VOLUNTARIADO para a transformación destas zonas degradadas; os traballos de limpeza, deseucaliptización, plantación de autóctonas… requiren de man de obra de xente extraordinaria. ANÍMATE!!

Non dubidedes en formar parte desta loita, agora máis que nunca FAITE SOCIO E COLABORA!!

Para mais información e para confirmar asistencia, CONFIRMADE POR CORREO:

custodia.betula@gmail.com

Na actualidade custodian-se 142.712 m² en propiedade e 2.725.586 m² en convenio: Visor.

O ano 2022 rematou coa adquisición dun total de 13.983 m2 repartidos en diferentes localizacións principalmente nos concellos de Ares e Monfero.

Mais a cousa non remata aquí xa que neste 2023 xa contamos con 1.703 m2 de novo terreo en propiedade na zona de Montefaro en Ares.

Todas as parcelas cumpren cos requisitos de seren zonas degradadas cun alto valor medioambiental, cultural e paisaxístico.

As terras de Ares localízanse principalmente na zona de A Bailadora e do Mosteiro de Santa Catalina de Montefaro, situado na parroquia de Cervás.

O BOSQUE SOMOS NOS

http://www.betula-atlantico.eu

Info baseada na enviada por:
Asociación Custodia Bosque Atlántico BETULA
-custodia.betula@gmail.com-
4 de fevereiro de 2023 às 22:50

_______

mércores, xaneiro 18, 2023

O H2Med protagonizará o cume hispano-francesa a pesar da súa dubidosa viabilidade - A rede 'Gas Non é Solución' sobre o hidroducto-proxecto H2Med


O H2Med protagonizará o cume hispano-francesa a pesar da súa dubidosa viabilidade

O proxecto H2Med/BarMar protagonizará as negociacións do cume hispano-francesa coa complicidade do President da Generalitat, Pere Aragonès.

Esta infraestrutura foi contestada por expertos e a sociedade civil organizada. A rede Gas non é Solución [*] e a Plataforma Resposta ao BarMar, radicada en Barcelona, sinalan este proxecto como unha falsa solución á crise enerxética actual.

O 19 de xaneiro celebrarase en Barcelona o cume hispano-francesa na que se tratarán varios asuntos, entre eles o H2Med, que aspira a ser a principal infraestrutura de hidróxeno verde entre España e Francia. A capital catalá foi especialmente escollida para centrar as discusións neste proxecto que conectará Barcelona con Marsella, tal como aseguraba a portavoz do Goberno español, Isabel Rodríguez, hai unha semana. O proxecto, ademais do apoio da Comisión Europea, Francia e Portugal, conta coa complicidade de Pere Aragonès. O President da Generalitat subliñaba hai uns días a súa vontade de aproveitar este cume para concretar e impulsar o H2Med.

Pero o avance das conversacións está a ser contestado pola sociedade civil. A rede Gas non é Solución (en diante, a rede), formada por máis de 30 organizacións, rexeita firmemente este proxecto. A esta oposición súmase a Plataforma Resposta ao BarMar, anteriormente conformada para responder á construción do gasoduto MidCat, xa abandonado.

O H2Med é unha aposta que pon en risco a viabilidade da transición enerxética, desviando para a exportación unha enerxía imprescindíbel para a descarbonización da demanda estatal. Ademais de usar un vector enerxético como o hidróxeno (H2) moi ineficiente, este tipo de infraestruturas perpetúan un modelo centralizado que vai en contra das persoas, o medio ambiente e segue privilexiando ás grandes empresas enerxéticas como Enagás.

O pasado xoves 15 de decembro presentouse ao fin o H2Med no rexistro de proxectos candidatos a recibir financiamento europeo. Esta infraestrutura suporá a construción sen precedentes dun conxunto de gasodutos que transportarán en principio hidróxeno producido a partir de enerxías renovábeis. Será adxudicada a Enagás e custará entre 2.500 e 3.000 millóns de euros procedente das arcas públicas. Comezará en Portugal co tramo Celorico-Zamora (CelZa) e continuará co tramo submarino Barcelona-Marsella (BarMar). O H2Med non se entende sen outras interconexións que involucrarán a Huelva, Cartaxena, Puertollano, Zamora e Xixón creando unha rede moito máis ampla e paralela á nosa rede actual de gas. Ademais, o proxecto presentado expón dous almacenamentos subterráneos de hidróxeno situados en cavidades salinas de Cantabria e o País Vasco.

A rede aclara que o hidróxeno verde pode axudar a alcanzar un sistema enerxético 100% renovábel. Pero a súa utilización debe reservarse para casos concretos nos que sería inviábel utilizar outro tipo de enerxía renovábel, especialmente para substituír o uso do hidróxeno como materia prima en determinados procesos industriais, así como naqueles que requiren de altas temperaturas que non teñen polo momento outras opcións de descarbonización.

Con todo, denuncia que esta aposta pola exportación de hidróxeno a gran escala implica grandes riscos debido á inmadureza da tecnoloxía que se contempla tanto na produción como no transporte de hidróxeno. O investimento público estaría mellor empregada en medidas cuxo funcionamento xa foi comprobado como o é a electrificación, a aposta por proxectos renovábeis con participación cidadá, o autoconsumo, as comunidades enerxéticas e melloras na eficiencia enerxética dos fogares.

Ademais, ás limitacións e riscos xa mencionados, as organizacións agrupadas na rede engaden as seguintes consideracións:

– Exportar grandes cantidades de hidróxeno implicaría a implantación de moitísimos máis proxectos de renovábeis de grandes dimensións que poderían ter un  alto impacto ambiental e territorial. Tamén existe o risco de que, ao non haber suficiente excedente de enerxía renovábeis, caia en producir o hidróxeno con gas fósil como é o caso do 99% do H2 obtido na actualidade.

O anterior risco aumenta debido á baixa eficiencia enerxética do H2, como sinalou xa o instituto de investigación independente Hydrogen Science Coalition. No proceso de produción de hidróxeno por electrólise a partir, por exemplo, de fontes renovábeis e durante o seu transporte por gasoduto, pódese chegar a perder ate un 80% da enerxía investida.

– Se finalmente o H2Med inclúe-se na lista de Proxectos de Interese Común (PICs), aspirando a financiamento europeo, podería acollerse aos controis ambientais menos esixentes introducidos polo REPowerEU. Como denunciou xa ClientEarth, este paquete de medidas destinadas a substituír o gas ruso outorga aos PICs a posibilidade de saltarse o principio de “Non Dano Ambiental Significativo” (ou “Do Non Significant Harm” en inglés) e estar exentos de avaliacións de impacto ambiental exhaustivos.

– Isto último faise especialmente relevante se temos en conta que atravesará o Golfo de León, un dos ecosistemas con maior índice de biodiversidade no Mediterráneo, onde se atopan espazos mariños protexidos, un corredor de cetáceos e o Santuario de Pélagos.

Por todas estas razóns, a rede Gas non é Solución denuncia a postura do executivo do Estado español. Tamén sinala o apoio que recibe da Generalitat, que ve o H2Med e concretamente no tramo Barcelona-Marsella (BarMar) “positivamente, no sentido de que marca a Catalunya e Barcelona como un punto neurálxico da nova estrutura enerxética europea”, en palabras de Aragonès. Os riscos asociados a este megaproxecto urxen a un debate social moito máis amplo, transparente e que involucre á cidadanía.

18 de xaneiro de 2023

A rede 'Gas Non é Solución'

[*] Os colectivos que integran esta rede son: 350 Bcn, Aliança contra la Pobresa Energètica, Amigos de la Tierra, Asamblea Ciudadana contra el Gas en Gran Canaria, Asociación de Cultura Popular Alborada (Gallur), Berriztu!, Comité Cidadán de Emerxencia para a Ría de Ferrol (Galiza), Ecologistas en Acción, Enginyeria Sense Fronteres (ESF), Equo, Equo Huelva, Ferrol-Cape, Fracking Ez, Fundación Renovables, Fundación Ecología y Desarrollo, Greenpeace España, Instituto Internacional de Derecho y Medio Ambiente, No Més Gas,Observatorio Crítico de la Energía, Observatori del Deute en la Globalització, Plataforma Ciudadana Zaragoza sin Fractura, Plataforma por un Nuevo Modelo Energético, Plataforma Resposta al Midcat, Plataforma Salvemos Doñana, Podemos, SEO/BirdLife, Transport & Environment, WWF España, Xarxa per la Sobirania Energètica.

Enviado por:
Manuel Amorim
-m.amorim@telefonica.net-
18 de janeiro de 2023 às 10:53

_______

mércores, outubro 26, 2022

Caeu a torre da vergoña da ENEL Green Power, veuse a baixo a metáfora de espada de Damocles sobre as nosas cabezas, ... Por André Abeledo Fernández




Por André Abeledo Fernández [*]
26.10.2022


Caeulles a torre aos de ENEL Green Power, os que ameazan a todo un pobo con montar o "Parque Eólico de Caaveiro" e destruír o noso entorno, a nosa forma de vida, e as nosas esperanzas dun futuro mellor para a nosa terra.

Querían medir a forza do vento, e o vento levoulles a canallada, agora si queren medir a forza da veciñanza defendendo a súa terra vainos levar o demo.

Caeulles a torreta de medición da velocidade do vento que todos os veciños podíamos ver como espada de Damocles sobre as nosas cabezas.

Vai ser que a natureza e o vento tamén están con nos na loita contra os muíños do espolio, da especulación e do desastre, vai ser que traballan con nos os elementos para defender a terra.

Ao día seguinte da caída da estrutura xigante, duns 100 metros, os veciños de Anca celebramos a caída do símbolo dos abusos do poder e das multinacionais do sector eléctrico na nosa parroquia.

Aplaudimos ao vento que levou o esperpento ameazante que nos miraba día e noite dende o noso monte.

Sabemos que a loita vai seguir, que volverán a levantar a torre da vergoña, será por cartos, pero esta vitoria do vento sobre os especuladores macroeólicos é a primeira de todas as que veñen detrás.

Porque non imos permitir que destrúan a nosa terra, o noso presente e hipotequen o futuro dos nosos fillos sen loitar.

Porque ata os elementos están berrando que a Galiza non se vende, se defende.

EÓLICOS AQUÍ NON!

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.

Enviado por:
André Abeledo Fernández
-andre1474@gmail.com-
26 de outubro de 2022 12:01

_______

xoves, xullo 21, 2022

Ante a actual vaga de lumes: Máis de 50 colectivos sairán a rúa nas sete grandes cidades galegas este xoves- En Ferrol, será cunha concentración ás 20:30hs, na Praza Amada García (diante do Edificio da Xunta) - Queren amosar a súa 'indignación' e exixir medidas á Xunta


A plataforma "Por un monte galego con futuro", da que forma parte máis de 50 entidades de todo o país, convocan concentracións nas sete cidades cidades galegas para o xoves 21 de xullo ás 20h (20:30 en Ourense) para amosar a súa "indignación" e esixir medidas á Xunta ante a actual vaga de lumes.

En Ferrol, será cunha concentración hoxe xoves 21 de xullo, ás 20:30hs, na Praza Amada García (diante do Edificio da Xunta)

Os actos amosarán o total apoio á veciñanza afectada así como aos colectivos dos profesionais que traballan na prevención e extinción dos lumes. As concentracións organízanse en resposta a vaga de incendios que está a devastar as máis emblemáticas xoias ecolóxicas de Galicia.

As entidades convocantes reclamarán a declaración de "zona cartastrófica" (agora "zona afectada gravemente por unha emerxencia civil") das áreas atinxidas polos lumes, así como accións inmediatas para evitar a erosión destes solos de extraordinaria importancia e procurar o antes posíbel a súa restauración, entre outras reivindicacións que se lerán nun manifesto conxunto.

"Co obxecto de que o goberno da Xunta escoite unha soa voz que percorra o país ao berro de LUMES NUNCA MÁIS, a plataforma 'Por un monte galego con futuro', anima á sociedade galega a saír á rúa, asistindo ás concentracións convocadas na Coruña, Compostela, Ferrol, Pontevedra, Vigo, Lugo e Ourense", apunta o colectivo nun comunicado.

Entre as entidades que integran a Plataforma "Por un monte galego con futuro" están A Estruga, A Rente do Chan-Pladever, A Ría Non se Vende, A Terra Non se Vende (ATNSV), Agrupación Micolóxica Naturalista Liboreiro, Amarelante Sociedade Cooperativa Galega, Amigos da Terra, Anduxía, Asociación Ambiental Petón do Lobo, Asociación Ambiental Senda Nova, Asociación de Amigos e Amigas dos Bosques "O Ourol de Anllóns", Asociación para a Defensa Ecolóxica de Galiza (ADEGA), Asociación para a defensa medioambiental Salvemos Monteferro, Asociación pola Defensa da Ría (APDR), Asociación Galega de Amigos do Camiño de Santiago (AGACS), Asociación Galega de Apicultura (AGA), Asociación Galega Cova Crea, Asociación Cultural Bidueiro, Asociación Galega de Custodia do Territorio (AGCT), Asociación de Custodia do Territorio Brexa, Asociación Frouma, Asociación Medioambiental Galicia Ambiental, Asociación Medioambiental Grupo Lobo, Asociación Monte Galego, Asociación Montes de Galiza (MONTEGAL), Asociación Naturalista Baixo Miño (ANABAM), Asociación Naturalista Hispella, Asociación Rebinxe, Asociación Rexeneración Autóctona, Asociación Veciñal do Saviñao, Colectivo Agrocuir da Ulloa, Comando Ghichas, Confederación Intersindical Galega (CIG), Ecoloxistas en Acción, Federación Ecoloxista Galega (FEG), Federación Rural Galega (FRUGA), Foro do Camiño, Fundación Eira, Greenpeace, Grupo Naturalista Hábitat, Instituto de Estudos Miñoráns, Mariña Patrimonio, Organización Galega de Comunidades de Montes (ORGACCMM), Plataforma Pola Defensa da Ría de Vigo «CÍES», Plataforma pola Protección da Serra do Galiñeiro, Quercus Sonora, Salvemos as Fragas de Catasós, Sindicato Labrego Galego, Sociedade Galega de Ornitoloxía (SGO), SOS Groba, SOS Suído Seixo, Terra Chá Sostible, Verdegaia e Véspera de Nada.

Publicado en Galicia Confidencial, baixo licenza Creative Commons by-nc-sa/4.0.
_______

A Ecomarcha ciclista 2022 chegou onte a Reganosa, onde se realizou un acto nas inmediacións da planta de regasificadora


A Ecomarcha ciclista 2022 chegou onte a Reganosa

Hoxe mércores 20 de xullo, una representación do Comité Cidadán de Emerxencia acudiu a Mugardos, para diante da Planta de Gas de Reganosa recibir á Marcha Ciclista de Ecoloxistas en Acción que co lema “Sempre Mais” recorre Galicia reivindicando causas sociais e ambientais.

Un representante da Ecomarcha 2022, Fixo a presentación do Informe “GNL: Ao caos climático pola vía líquida”, intervindo tamén, en nome do CCE, para salientar as irregularidades o perigo e o fraude de REGANOSA, o Coordinador Manuel Rodríguez Carballeira, o membro do mesmo Carlos Álvarez e a avogada Patricia Gabearas.

A Continuación tivo lugar un xantar de confraternización no Campo dos Carneiros.

Álbum Fotográfico (fotos de Lupe Ces e Fer OM) . Acceder/Baixar.

No actopresentou-se o Informe "GNL: AO CAOS CLIMÁTICO POLA VÍA LÍQUIDA . 10 razóns polas que o gas fósil licuado non é unha opción" | Acceder/Baixar.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
20 de julho de 2022 22:20

_______

martes, xullo 19, 2022

Lumes e emerxencia climática, ... Por Iolanda Teixeiro Rei


Por Iolanda Teixeiro Rei [*]
19.07.2022


LUMES E EMERXENCIA CLIMÁTICA

'A necesidade de que triunfe a variedade sobre as máis intelixentes unificacións'.
Ramón Otero Pedrayo, 'Marx e a balalaika'.

Seceda, Riodolas, Prado Albar, Carballeda de Valdeorras, Candeda, Aldea de Vilar, Saa, Oímbra, Verín. Serra da Culebra, Gêrés, Serra da Enciña da Lastra...arden os topónimos ricaces, as vivendas, xoias do Patrimonio etnográfico, espello da nosa cultura ancestral, a montaña e a bocarribeira, as queirugas e as devesas, as rutas sendeiristas... e arriscan a vida os bombeiros forestais. En desaloxo, fuxe a veciñanza rural, os derradeiros habitantes que resistiron ao forzado éxodo rural. Dende a gadoupa desenrolista do ICONA franquista e as súas primeiras repovoacións de piñeiros, deica a mafia do monocultivo eucalital, o noso territorio, desposuído do comunal, entregado ás multinacionais pasteiras e ao saqueo mineiro e enerxético, esmorece a mans dun governo colonial.

Os intereses creados pola industria do lume arrasan o territorio e a conciencia veciñal. A alcaldesa do PP de Folgoso do Courel amósase impotente e disque nunca imaxinou unha situación así. Devería pedirlle contas ao seu partido que é responsabel desta abraiante política forestal presta a chantar eucalitos dende a Serra da Lastra e o Suído deica as fontes do Miño aló na belida Serra de Meira. Monocultivo de eucalito para as multinacionais pasteiras que acabaron con miles de empregos do mar en Pontevedra e converteron a súa ría nunha noxenta cloaca. Monocultivo pirófilo en todo o monte galego, aveirando vilas, campos e aldeas para facer da Galiza verde unha gadañenta ratoeira infernal.

Mentres as lapas converten en cinzas as aldeas e os parques naturais Impulsa Galicia, esa sociedade creada pola propia Xunta para fomentar proxectos que capten fondos europeos de reconstrucción, fai de celestina da multinacional portuguesa para instalar unha planta de biofibras na Finca Río Seco, entre Palas de Rei e Melide para producir celulosa. Desviarán 200 millóns de euros con cargo a fondos públicos a través dos fondos rexionais FEDER 2021-2027, que como o mesmo nome indica, feden que alcatrean.

Así que cando merquemos unha camiseta de Lyocell, esa fibra sostivel, pode que nin veña de asolaren de eucalitos as selvas da Amazonía ou o fogar dos derradeiros orangutangos das selvas de Borneo senón de relocalizar a produción cun Perte da rotunda economía circular, afeita xa a circular tambén polos territorios das colonias europeas do sul.

Algúns medios de comunicación de avangarda xa ousan falar de emerxencia climática agora que o cambio climático é unha evidencia desclasificada. Incluso son quen de tertuliar encol da relación entre vagas de calor abafantes e incendios incontrolados arrasando o planeta. (Agudas mentes do progreso!).

Mentres, e segundo unha ecoloxista, a veciñanza do Courel, pídelle á Xunta equipas de protección individual para facer de cada galego de nacencia, un brigadista. E ninguén descarta que ese poida ser o vindeiro plan de prevención de incendios do governo. Esperemos que para o 2027 o FEDER xa teña un convenio con Amazon para enviar extintores a pé de porta xunto cos ventiladores e o aire acondicionado. Maravillas do livre mercado. Anque para entón Beezos xa terá recreado as aldeas e carvalleiras galegas no espazo intersideral. Iso si, coa colaboura do conselleiro do Medio Rural, ao que non lle quitará o sono que a deslocalización extraterrestre do tecido empresarial da industria incendiaria (motobombas, avionetas…), e o seu custoso transporte esqueza a urxencia da descarbonización e o conseguinte aumento do GEI, eis, os gases de efecto invernadoiro, principais causantes da Emerxencia climática. Ao fin, a escusa do gas que non chega de Ucraína converteu a ilusoria transición enerxética nun conto de fadas para nenos.

Parece que Galiza concentra a meirande cantidade de topónimos de Europa porque a querencia da paisanaxe pola paisaxe era tan fabulosa en recuados tempos, antes do capitalismo global, o vencello coa terra dos devanceiros era tan rexa, que bautismavamos cada recuncho do noso territorio. Incluso levando eses nomes sagrados cos emigrados ás novas terras. Porque o nome humaniza e o territorio galego -a dicir do douto ensaísta da paisaxe, Otero Pedrayo- está ou estava fondamente cultivado. Como escreve Craig Patterson en "O devalar da idea". Otero Pedrayo e a identidade galega, a obra de Pedrayo e maiormente Devalar (decorrer ou devir da paisaxe como un proceso) condensa a relevancia cultural da paisaxe en Galiza. A proxeción do ser sobre a paisaxe e a natureza. A continuidade do tempo e da casa na tradición da vida común nunha terra enchoupada de vestixios das xeracións pasadas.

O monocultivo do lume é un coitelo cinsento no cerne do noso povo. Unha creba insalvable na identidade. A creba do espello territorial galego, un Soutelo sen castiros, unha Carballeda de abrótegas calcinadas, un Prado Albar sen espiños, sen aciñeiras unha Serra da Enciña.

Quando os lobos uivam na Serra de Milhafres e os terrenos baldios -que eran un ben comunitario de sustento-, foran expropiados durante o salazarismo portugués e luitados polos beirões como nos conta o grande escritor Aquilino Ribeiro. O noso povo luitava tambén entón daquela os montes comunais, magoa de seren nestora tantos, eucalitizados.

Mais há espranza nun povo que pariu ao grande Fontán, guieiro do grande Pedrayo. Un povo que publica teses doutorais como a de María López Sández, Paisaxe e nación: a creación discursiva do territorio. Un povo galego enchido de contradicións entre a épica da gadaña e a lírica paralizante da saudade. Há espranza nesta vella terra aldraxada e sumisa ás vértoláns comenencias dos ventos do capitalismo global. Unha terra que fronte ao monocultivo incendiario da nefasta política agroforestal, é quen de ir artellando brigadas de deseucalitización.

[*] Iolanda Teixeiro Rei. Secretaria de organización de LiGanDo-LGD. Activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Diario Nós.

Enviado por:
Iolanda Teijeiro
-iolandateixeiro@gmail.com-
19 de julho de 2022 22:31

_______

A Ecomarcha ciclista 2022 de Ecoloxistas en Acción, co lema 'Sempre Máis', chegará este mércores 20 de xullo a Mugardos e será recibida no Cruce da Pedreira, polo Comité Cidadán de Emerxencia para a Ría de Ferrol


Mércores 20 de xullo, en Mugardos, ás 13:00hs, no Cruce da Pedreira, encontro e comida coa Ecomarcha ciclista 2022 de Ecoloxistas en Acción que está percorrendo Galiza, sinalando puntos medioambientalmente sensíbeis ou afectados por agresións contra o medio.

A Ecomarcha ciclista 2022 de Ecoloxistas en Acción, co lema “Sempre Máis”, que chega á R´ia de Ferrol, será recibida no Cruce da Pedreira, á 1 da tarde, polo Comité Cidadán de Emerxencia para a Ría de Ferrol e cantas persoas queiran sumarse, para marchar cara á Planta de Gas de Reganosa, onde presentarán o INFORME GNL (Gas Natural Licuado). Logo, no Campo dos Carneiros, celebrarase un xantar de confraternización coas viandas que leve cada quen.

Esta marcha ciclista que comenzou o día 9 en Pontevedra rematará o día 24 en Lugo tras recorrer Santiago, A Costa da Morte (neste próximo 20º aniversario do Prestige), A Coruña, e outras comarcas de Galicia, como a nosa, reivindicando causas sociais e ambientais, como ven facendo desde 2010.

Animádevos a participar!

Ecomarcha 2022

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
18 de julho de 2022 11:29

_______

venres, xuño 10, 2022

Radio Cerna emite un novo boletín informativo ambiental: A coordinadora Eólica Así Non conseguiu encher a Praza do Obradoiro con milleiros de manifestantes que reclaman á Xunta e ao Estado un modelo enerxético xusto e sustentábel, por e para o pobo e mais novas


Boletín informativo ambiental semanal - 10 de xuño de 2022

O pasado domingo, Galiza unha xornada reivindicativa exitos a prol do medio ambiente. A coordinadora Eólica Así Non conseguiu encher a Praza do Obradoiro con milleiros de manifestantes que reclaman á Xunta e ao Estado un modelo enerxético xusto e sustentábel, por e para o pobo. Ademais disto, obterás información sobre unha nova mina de coltan en Galiza, informe sobre lumes e eucaliptización, Fragas do Eume e o novo Plan de biodiversidade da ministra Ribera.





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#GalizaPolaPaz
#RadioCerna
#EolicaAsiNon
#NonInvasionEolica
#GalizaContraAmezaEolica

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
10 de junho de 2022 12:27

_______

mércores, xuño 08, 2022

Acto reivindicativo: Visita guiada ao parque do Montón - sábado, 11 de xuño,ás 12 do mediodía, punto de encontro antiga gasolineira d'As Pias


O vindeiro sábado, 11 de xuño, temos organizada unha visita guiada ao parque do Montón co obxectivo de dar a coñecer esta zona verde e reivindicar a súa posta en valor e recuperación para goce de toda a veciñanza da cidade.

A recuperación desta zona verde situada nun dos barrios cruciais desta cidade como é o barrio de Caranza foi un dos compromisos adquiridos polo goberno local co BNG para a aprobación dos orzamentos municipais do ano 2021 que segue agardando pola súa execución.

O BNG considera que esta zona da cidade é unha auténtica descoñecida para moitos veciños e veciñas debido precisamente a escasa atención que se lle presta por parte dos distintos gobernos locais que desaproveitan as oportunidades que esta parcela ofrece tanto como lugar de recreo como para poder albergar un centro de educación medioambiental.

O BNG desenvolver este sábado esta visita guiada por persoal técinco para que as persoas interesadas poidan coñecer de primeira man unha parcela que alberga unha grande variedade de especies botánicas de até 58 especies diferentes que se están a perder polo abandono municipal e como xeito de poñer en valor as propostas que o BNG trata de impulsar no concello.

É por isto que queremos invitarte a participar nesta actividade que terá lugar o vindeiro sábado 11 de xuño ás 12 horas con saída da antiga gasolineira das Pías.

Ferrol, a 7 de xuño, de 2022

Bloque Nacionalista Galego

Ferrol | Web | Facebook | Twitter.

Ferrolterra | Web.



Enviado por:
BNG
-bng@ferrol.es-
7 de junho de 2022 13:57

_______

venres, xuño 03, 2022

Novo boletín informativo ambiental nesta semana en Radio Cerna: Temos alternativa - Alén desta, máis novas de relevancia no panorama ambiental e ecoloxista de Galiza neste espazo de Radio Cerna - Non o deixes de escoitar!


Boletín informativo ambiental 03/05/22

O vindeiro domingo, Galiza prevé vivir unha inesquecible xornada de manifestación polo Día do Medio Ambiente. Máis de 200 entidades conformadas na coordinadora Eólica Así Non convocan unha mobilización por un modelo enerxético xusto e sustentábel, por e para o pobo, baixo o lema "Temos alternativa". A marcha sairá da Alameda ás 12 horas e prevé encher de novo a Praza do Obradoiro. Alén desta, máis novas de relevancia no panorama ambiental e ecoloxista de Galiza neste espazo de Radio Cerna. Non o deixes de escoitar!





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#GalizaPolaPaz
#RadioCerna
#EolicaAsiNon
#NonInvasionEolica
#GalizaContraAmezaEolica

Foto: Altri xa é un comprador habitual do eucalipto galego para as súas plantas en Portugal.

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
3 de junho de 2022 11:38

_______

Máis de 200 colectivos acudirán este domingo, 5 de maio, á manifestación do Día do Medio Ambiente por unha enerxía por e para o pobo - Temos Alternativa! !


A Coordinadora Eólica Así Non acada a adhesión de 217 entidades e plataformas galegas de diferente índole (ecoloxistas, veciñais, culturais, sociais, sindicais, políticas…) que se botarán ás rúas de Compostela o vindeiro domingo, 5 de xuño, Día Internacional do Medio Ambiente, para reclamar un modelo enerxético xusto coa sociedade galega e sustentábel co medio ambiente. Tras o anuncio público da convocatoria da marcha, o pasado 25 de maio, sumáronse a esta causa outras 32 entidades a maiores das que xa participaron en anteriores mobilizacións convocadas pola coordinadora e que recibiron un multitudinario apoio, como a manifestación do 5 de xuño de hai un ano, ou a celebrada en todo o país con motivo do Días das Montañas, o pasado 11 de decembro.

Resulta cada vez máis evidente a falta de planificación e ordenación do actual desenvolvemento de enerxías renovábeis, nomeadamente a eólica, que volve colocar a Galiza nunha situación de extrema ameaza ambiental e social, tanto en terra como no mar, baixo a escusa dunha “transición ecolóxica”, dirixida actualmente polas grandes multinacionais da enerxía coa conivencia e sumisión das administracións públicas. Máis de 275 proxectos eólicos, coas súas liñas de evacuación, están actualmente en tramitación na Xunta que, sumados aos proxectos de competencia estatal, xa superan os 300. Ante tal espolio eólico do territorio galego e a falta de amparo por parte das administracións públicas, máis preocupadas en dar facilidades ás grandes coorporacións depredadoras, non é de extranar que cada vez sexa máis amplo o rexeitamento social da poboación galega ao actual modelo enerxético.

Por iso, o vindeiro domingo, 5 de xuño, coindicindo co Día Mundial do Medio Ambiente, as máis de 200 organizacións que forman parte de Eólica Así Non convidan á sociedade galega a participar nunha grande mobilización en Santaigo de Compostela co obxectivo de manifestar o apoio ás fontes de enerxía renovábel pero a través dun modelo enerxético de implantación xusto e sustentábel, concibido para dar servizo ao pobo e ao interese público e no que teña cabida o autoconsumo e outras formas de produción alleas ao oligopolio enerxético. No Manifesto “Temos Alternativa!”, a Coordinadora establece 9 principios fundamentais sobre os que se debe construír a alternativa enerxética do país: 1. Protección da Natureza; 2. Preservación dos caladoiros de pesca e corredores ecolóxicos mariños; 3. Coidado do Patrimonio; 4. Compatibilidade coa soberanía alimentaria; 5. Aforro e eficiencia enerxética antes que aumento da xeración; 6. Soberanía sobre os nosos recursos fronte ao espolio enerxético; 7. Planificación enerxética con fins socioambientais e ao servizo do país; 8. Participación pública activa; e 9. Preservación da saúde pública.

As adhesións de novas entidades ou colectivos á Coordinadora Eólica Así Non e á manifestación “Temos Alternativa!” do vindeiro domingo, pódense seguir facendo no formulario: https://bit.ly/adhesions5x

A manifestación tamén conta co apoio de persoas recoñecidas na Galiza de diferentes artes e disciplinas culturais que nos últimos días axudaron á coordinadora Eólica Así Non a alentar á sociedade galega a participar nesta gran marcha por un modelo enerxético alternativo: Son da Rúa, Dios Ke Te Crew, A Banda da Loba, Xurxo Souto ou Toñito de Poi, grupo ITH, do eido musical; escritoras e contadores como Luz Fandiño, Suso de Toro, Iván García, Valentín Carrera, Olga Novo, Celso Sanmartín; ou personalidades ligadas aos mundos do teatro, cine e televisión como Quico Cadaval, Vitor Mosqueira, Rocío Barrio, Melania Pérez Cruz, Margarita Ledo, Mónica Caamaño, Anxo Baranga, Mabel Rivera, Enrique Banet, Nieves Rodríguez, Gloria Mascuñana, entre outros.

Servizo de buses para a manifestación

As persoas que desexen achegarse á manifestación do domingo poderán facelo nalgúns casos a través de servizos gratuitos de autobuses que porán á disposición dos manifestantes algunhas das plataformas veciñais e concellos afectados pola actual vaga eólica.

Poderán facer uso destes servizos aquelas persoas ou colectivos que procedan das seguintes localidades e comarcas:

-O Morrazo. Teléfonos para reserva de praza: Cangas (676 479 447), Marín (676 011 319), Bueu (616 784 273), Moaña e Vilaboa (662 094 951).

-Betanzos, Oza-Cesuras, Curtis e Mesía. Tfno reservas: 643 704 706.

-Ferrolterra-Ortegal. Teléfonos reservas: 649 178 619 (Fran) ou 630 971 170 (Silvia).-A Baña. Teléfonos reservas: 626 800 673.

-A Pastoriza-Meira-Lugo. Teléfonos para reservas: 677 490 669.

Percorrido con destino á Praza do Obradoiro

O percorrido da marcha dará comezo ás 12:00 horas na Alameda de Santiago de Compostela e discorrerá polas rúas do casco histórico (Rúa da Senra, Praza de Galiza, Rúa Doutor Teixeiro, Rúa República do Salvador, Rúa do Hórreo, Rúa das Orfas, Cantón do Toural, Rua do Vilar, Rúa Xelmirez, Rúa de Fonseca, Rúa do Franco) con destino de chegada na Praza do Obradoiro.

Ao pé da Catedral de Santiago terá lugar a lectura do manifesto “Temos alternativa!” a cargo dunha representación da extensa lista de plataformas veciñais de afectados/as que hoxe en día están a sufrir de forma máis directa os efectos da actual invasión eólica. O acto estará conducido pola actriz Isabel Risco e o contactontos Lois Pérez, acompañados dun grupo de música tradicional.

Desta volta, Eólica Así Non pretende encher a Praza do Obradoiro con milleiros de manifestantes como xa conseguira hai agora un ano, tamén con motivo do Día do Medio Ambiente e contra a invasión eólica, co obxectivo de dar visibilidade ao gran rexeitamento social de Galiza ao actual modelo enerxético e á necesidade imperiosa de procurar unha alternativa máis xusta e sustentábel.

Ligazóns Manifesto

Cartaz manifestación 5X


Formulario para adhesións


Descargas Listado de entidades Coordinadora Eólica Así Non

Novas relacionadas Galiza mobilizarase o 5 de xuño por un modelo enerxético xusto, sustentábel, por e para o pobo

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
3 de junho de 2022 11:38

_______

luns, maio 16, 2022

Carlos Taibo: 'Decrescimento e colapso' - Vídeo da palestra dentro das Xornadas Acción e Terra, celebradas en Lugo entre o 22 e 29 de abril deste ano 2022


Carlos Taibo: "Decrescimento e colapso", dentro das "Xornadas Acción Terra: Xornadas de medio ambiente e sustentabilidade", celebradas en Lugo, os 22, 25, 26, 27, 28 e 29 de abril de 2022.

Palestra dada por Carlos Taibo, Escritor e Editor. Profesor xubilado de Ciencia Política e da Administración (Universidade Autónoma de Madrid), no que se fala da raíz do problema medio ambiental no que esta sumida a Terra e das posíbeis solucións.


Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
13 de maio de 2022 13:58

_______

domingo, maio 08, 2022

Unha semana máis un novo Boletín informativo ambiental de Radio Cerna: As organizacións ecoloxistas galegas advirten sobre os prexuízos ambientais que a fábrica de fibra téxtil de Altri podería traer para a comarca da Ulloa e para o país e outras novas


Boletín informativo ambiental 06/05/22

As organizacións ecoloxistas galegas advirten sobre os prexuízos ambientais que a fábrica de fibra téxtil de Altri podería traer para a comarca da Ulloa e para o país. Alén disto, esta semana deixou información de interese sobre proxectos hidroeléctricos en activo e en proxección nos ríos galegos. Tamén se deron avanzas na elaboración do catálogo estatal de reservas hidrolóxicas, onde por primeira vez, aparecerá o Pedregal do Irimia, un dos lugares nos que maioritariamente se sitúa o nacemento do río Miño. En Radio Cerna atoparán o resto da actualidade ambiental e ecoloxista da semana.

Queres coñecer a actualidade ambiental de Galiza? Escoita Radio Cerna!





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#GalizaPolaPaz
#RadioCerna
#EolicaAsiNon
#NonInvasionEolica
#GalizaContraAmezaEolica

Foto: Altri xa é un comprador habitual do eucalipto galego para as súas plantas en Portugal.

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
7 de maio de 2022 09:27

_______

venres, abril 29, 2022

Boletín informativo ambiental semanal de Radio Cerna: O movemento ecoloxista consegue que se protexan 1.130 zonas húmidas de Galiza tras 15 anos de pasividade e desproteccón por parte da Xunta e do Estado ... e outras novas


Boletín informativo ambiental 29/04/22

O movemento ecoloxista consegue que se protexan 1.130 zonas húmidas de Galiza tras 15 anos de pasividade e desproteccón por parte da Xunta e do Estado. Tamén os activistas galegos lideran a o oposición estatal ao real decreto lei que simplifica a tramitación de macroproxectos eólicos e os exime de avaliación ambiental ordinais. E a fábrica de fibras téxtiles de Altri preséntase como nova amezada para o medio ambiente galego.... Esta e máis novas no eido ambiental e ecoloxista de Galiza na última semana. Escóitaas en Radio Cerna!!

#GalizaPolaPaz

Queres coñecer a actualidade ambiental de Galiza? Escoita Radio Cerna!





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#RadioCerna
#EolicaAsiNon
#NonInvasionEolica
#GalizaContraAmezaEolica

Foto: Lagoa de Vixán, en Ribeira | 02.02.2022 | Dirección Xeral de Patrimonio Natural - Xunta de Galicia

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
29 de abril de 2022 12:03

_______

Día Mundial da Terra: Camiñando cara a sexta extinción, ... Por Miguel Anjo González Garcia


Por Miguel Anjo González Garcia [*]
29.04.2022


O planeta Terra está a vivir un momento histórico, no que a vida nel como a entendemos desde fai milleiros de anos, está sobre pasando o límite de destrución dos seus ecosistemas, os cales son os que a diferencian do resto de planetas coñecidos, pola acción do ser humano e do seu sistema de vida, por mor do seu sistema económico. Un sistema económico que basease no consumismo como motor de crecemento da economía o cal, está a depredar os recursos naturais de xeito totalmente desbocado, co resultado que estamos a vivir (cambio climático-contaminación-desertificación- aparición de novos virus etecetera) Segundo a ONU o ano 2020 foi o máis cálido da historia desde que se teñen rexistros. O nivel do mar esta a subir máis rápido do que se esperaba así como, o quecemento e a acidificación o que esta a facer é que moitas especies mariñas emigren cara os polos. Na próxima década senón facemos algo 2/3 dos bosques tropicais desapareceran, por non poder soportar o aumento das temperaturas. Por mor da agricultura e gandería intensiva, estamos a acabar cos bosques tropicais, coa auga fresca e os sistemas de polinización o que vai traer consigo, que moitas especies vexetais e os seus depredadores estean en risco de desaparecer, alterando con isto a cadea trófica natural, ademais de por en xaque a produción de moitos alimentos para humanos. Tamén estase a comprobar que por mor do cambio climático, esta a repuntar a fame, estase a propagar certas doenzas que estaban mais ou menos controladas ademais de ter récords de concentracións de dióxido de carbono na atmosfera. Ademais da COVID, África e unha parte de Asia están a sufrir máis do que antes era normal praga de langostas co espécimes de máis tamaño do normal, que están a devorar a maior parte dos cultivos co conseguinte risco de fame negra nestes países. A destrución da natureza a nível mundial e dos servizos ecosistémicos que presta, xunto coa desaparición das especies correspondentes, esta a custar entre o 10-20% do PIB mundial ano tras ano.

Desde a asociación ecoloxista ADEGA queremos facer un chamamento ás autoridades este 22 de abril Día Mundial da Nai Terra e tamén a poboación en xeral de que se seguimos co noso sistema de vida baseado no consumismo e se non aceleramos o abandono dos combustíbeis fósiles, estamos poñendo ao planeta e sobre todo a nós mesmos, ante o inicio do que moitos científicos chaman a Sexta Extinción. Desde ADEGA-FERROLTERRA creemos que as nosas autoridades deben empezar a traballar xa en serio en temas como:

✅ A mobilidade onde a poboación coa axuda das autoridades debemos apostar por modelos sostíbeis aínda que o carro sexa eléctrico.

✅ Reducir o consumo de enerxía en todo o que sexa posíbel e camiñar cara a un modelo extensivo na súa produción.

✅ Apostar por reducir o noso consumo polo menos de unha gran parte do que sexa superfluo.

✅ Apostar polos produtos locais e feitos con materiais sostíbeis.

✅ Apostar polos produtos a granel como se fixo nunha gran parte da nosa historia.

✅ Apostar polo compostaxe esixindo as nosas autoridades municipais que o favorezan e promovan nos barrios.

✅ Apostar por produtos de mais duración e sempre que sexa posíbel volver a cultura da reparación como sempre se fixo neste país.

✅ Educar as nosas rapazas no consumo responsábel e nos perigos da obsolescencia percibida para o medio ambiente.

✅ Intentar abandonar a cultura do avión e apostar polo tren nas cortas e medias distancias etcétera.

En resumo, desde ADEGA pensamos que debemos empezar a camiñar cara outro sistema de vida acorde coa natureza, a cal é con certeza, a que nos permite vivir e sen ela, a vida dos humanos tal como a coñecemos é imposíbel.

Foto: Un día calquera na praia de Caranza (Ferrol) | 7 de Xaneiro de 2022.

[*] Miguel Anjo González Garcia, é o Coordinador da Delegación Comarcal de Ferrolterra - Trasancos da Asociación para a Defensa Ecolóxica de Galiza (Adega). E condutor do programa "Residuo Cero" en Rádio Filispim (93.9 da FM). | Artigos no Diario de Ferrol | OllaparoÁrtabra 21.

_______

luns, abril 25, 2022

As alamedas Ilustradas de Ferrol - Charla no Museo de Historia Natural de Ferrol, o venres 29 de abril - Coa artista e bióloga, María José Leira Ambrós

 



Charla coa artista e bióloga ferrolá, María José Leira Ambrós en Ferrol: "As alamedas ilustradas de Ferrol", unha historia das alamedas e a vida nos corredores verdes na cidade.

Día: venres 29 de abril.
Hora: ás 19:30hs.
Lugar: Salón de Actos do Museo de Historia Natural (Canido).
Organiza: Sociedade Galega de Historia Natural (SGHN).

María José Leira Ambrós, gran experta que nos deleitará coa relevancia e importancia destes espazos verdes e a súa función na vida, cultura, lecer e costumes na cidade de Ferrol, e que posteriormente deron lugar a este tipo de corredores noutras cidades e vilas do país.

María José Leira Ambrós é licenciada en Bioloxía pola USC. Exerceu como profesora de Bioloxía e Xeoloxía maiormente no IES Concepción Arenal de Ferrol. Dende hai anos é autora de numerosas publicacións en forma de libros e artigos, nos que maiormente trata sobre as árbores ornamentais e dos xardíns (algúns deles foron presentados no proxecto e proposta de Ferrol, Patrimonio da Humanidade):

✔ LEIRA AMBRÓS, Mª JOSÉ. 2021. As alamedas ilustradas de Ferrol. Xerme dos corredores verdes urbanos e urbano-industriais. Deputación da Coruña. 94 pp.
✔ LEIRA AMBRÓS, Mª JOSÉ. 2018. En: BURGOA, J.J. & LLORCA FREIRE, GUILLERMO (Coords.) Memoria histórica do barrio da Magdalena. Edicións Embora. 360 pp.
 ✔ LEIRA AMBRÓS, Mª JOSÉ. 2002. Los jardines del Campus de Esteiro. Universidade da Coruña. 119 pp.
✔ LEIRA AMBRÓS, Mª JOSÉ. 1998. Árboles y arbustos ornamentales de Ferrol. Ayuntamiento de Ferrol. 175 pp + planos de ubicación de los ejemplares.
✔ LEIRA AMBRÓS, Mª JOSÉ. 1990.  Árboles y arbustos de los jardines de Ferrol. Ayuntamiento de Ferrol. 127 pp + planos de ubicación de los ejemplares.

Esta actividade vén organizada pola Delegación de Ferrol da SGHN e patrocinada pola Deputación da Coruña. O aforo é limitado e non se precisa reserva.

https://sghn.org/

Delegación de Ferrol
Sociedade Galega de Historia Natural (SGHN).
Casa do Coronel. Praza de Canido s/n. 15401 Ferrol.
Teléfonos: 881 931 315 – 698 141 384.
ferrol@sghn.org
_______

sábado, abril 23, 2022

Radio Cerna emite esta semana un novo Boletín Informativo Ambiental: Alén de celebrarse o Día da Terra, nesta semana cúmprense 15 anos desde a aprobación do Catálogo Galego de Especies Ameazadas e outras novas


Boletín informativo ambiental 22/04/22

Alén de celebrarse o Día da Terra, nesta semana cúmprense 15 anos desde a aprobación do Catálogo Galego de Especies Ameazadas. Un catálogo que nacía con vocación de favorecer a conservación das especies, mais hoxe en día só unhas poucas das 200 que incorpora contan con plan de conservación e recuperación. Mais, a grande sorpresa da semana foi a do "pacto de país" dos socialistas de Galiza pola enerxía eólica, pero que non contou coas organizacións ecoloxistas nin afectadas pola actual vaga eólica. Se queres obter máis información, escoita Radio Cerna!

#GalizaPolaPaz

Queres coñecer a actualidade ambiental de Galiza? Escoita Radio Cerna!





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#RadioCerna
#EolicaAsiNon
#NonInvasionEolica
#GalizaContraAmezaEolica

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Foto: Manifestación da plataforma "Eólica Así Non" en Santiago de Compostela. | Xoán Álvarez.

Enviado por:
adegatrasancos@adega.gal
-adegatrasancos@adega.gal-
22 de abril de 2022 10:366

_______

Foto: Biodiversidade do Deza.
_______

venres, abril 08, 2022

Novo boletín informativo ambiental de Radio Cerna - O decreto-lei de Sánchez no que exime de avaliación ambiental certos proxectos de enerxías renovábeis fai saltar as alarmas das entidades ecoloxistas.... e outras novas


Boletín informativo ambiental 08/04/22

O decreto-lei de Sánchez no que exime de avaliación ambiental certos proxectos de enerxías renovábeis fai saltar as alarmas das entidades ecoloxistas, mesmo das estatais. As enerxías renovábeis non poden implantarse á custa de rebaixar as garantías ambientais ou de participación pública. ADEGA advirte de que este decreto en Galiza poría en risco espazos que foron propostos como ampliación da Rede Natura 2000. Doutra banda, a Xunta intenta reparar a súa ilegalidade, constatada polo TSXG, e volve a poñer en exposición púbilca aqueles proxectos eólicos aos que lles recurtou a metade o prazo de alegacións. Estas e outras novas de interese, neste espazo de Radio Cerna!

#GalizaPolaPaz

Queres coñecer a actualidade ambiental de Galiza? Escoita Radio Cerna!





Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#RadioCerna
#EolicaAsiNon
#NonInvasionEolica
#GalizaContraAmezaEolica

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Foto: Manifestación da plataforma "Eólica Así Non" en Santiago de Compostela. | Xoán Álvarez.

Enviado por:
adegatrasancos@adega.gal
-adegatrasancos@adega.gal-
8 de abril de 2022 13:36

_______

xoves, abril 07, 2022

De fondo Reganosa - Desenterrar a verdade do gas natural como gas de efecto invernadoiro - É o carbón 'mellor para o clima' que o GNL?

Tendo en conta o conflito en curso en Ucraína, case parece non apropiado discutir outros asuntos. Cando hai vidas en xogo, todo o demais vólvese secundario. Mais talvez estea xustificado tendo en conta que esta situación política en Europa tamén ten que ver co acceso á enerxía.

Un novo artigo de investigación científica do Dr. Lars Schernikau e o Prof. William Smith (Universidade de Washington, St. Louis), 'Impactos climáticos dos combustíbeis fósiles nos sistemas enerxéticos de hoxe', recibiu recentemente unha revisión por pares e publicouse (dispoñíbel en liña en SSRN ou en YouTube), dá un exemplo do distorsionante e custosa que pode ser a política enerxética cando trata de dar conta dos desafíos medioambientais sen ter en conta o ciclo de vida completo dos sistemas enerxéticos e toda a información dispoñíbel.

Presentado como un documento de investigación simple, só utiliza información oficial do IPCC e a IEA sobre o potencial de quentamento global dos gases de efecto invernadoiro (GEI) e as emisións antropóxenas (causadas polo home) de CO2 e CH4. Conclusións crave dos resultados da investigación:

✔ Primeiro, a investigación confirmou que menos da metade do CO2 emitido, o 46% segundo o IPCC, en realidade termina na atmosfera, e loxicamente só esta porción de CO2 pode contribuír ao quentamento. O outro 54% do IPCC que non está no aire ocúpao a natureza e os océanos, o que contribúe á ecoloxización do noso planeta (confirmado polo IPCC e a NASA). Polo tanto, debemos deixar de falar das emisións de CO2 xeradas pola enerxía humana e comezar a falar dos cambios no equivalente de CO2 no aire, xa que só estes poden contribuír ao quentamento.

✔ En segundo lugar, a investigación baséase nos datos de emisión de CH4 resumidos pola AIE por primeira vez a escala mundial en 2020 e actualizados en 2021. Aproximadamente o 40 % das emisións de metano proveñen de fontes naturais. As emisións antropoxénicas de metano ascenden a ~60%, sendo a agricultura o maior emisor de CH4. A enerxía representa ~20% e quéimaa de residuos/biomasa ~15%. Segundo, os datos da AIE, poida que non sexa sorprendente que, das emisións coñecidas de metano enerxético, a maioría proveña do gas natural e o carbón. Usando o potencial de quentamento global de 20 anos do IPCC [1] (GWP20) de 84x, pódese calcular que as emisións antropóxenas actuais de CH4 representan case o 65 % de todos os gases de efecto invernadoiro humanos transportados polo aire que chamamos CO2eq. O CO2 antropoxénico transportado polo aire "" representa o 35% de todo o CO2eq transportado polo aire con GWP20.

✔ En terceiro lugar, debido a que os impostos actuais sobre o carbono non inclúen as emisións do ciclo de vida de ningunha fonte de enerxía, senón que se enfocan só na combustión, o prezo do carbono é erróneo e distorsiona a política enerxética a expensas do medio ambiente e a economía. Si acéptase o GWP20 do IPCC's, unha perda de CH4 ~2 % [2] maior en toda a cadea de valor antes da combustión do gas natural fronte ao carbón poñería ao carbón e ao gas natural en "paridade climática".

Ao analizar os datos públicos, as cadeas de valor do gas natural teñen altas perdas de CH4 e CO2 non documentadas. En promedio, a nivel mundial, o gas natural emite 15 % máis CO2eq que o carbón extraído ao descuberto, nun horizonte de 20 anos. Esta diferenza aumenta a medida que se expande o uso de gas de esquisto e GNL. Tendo isto en conta, segundo o IPCC e a AIE, o GNL é, en promedio, "menos favorable para o clima" que calquera carbón. Os resultados foron sorprendentes ata para os autores. A industria do gas utilizou as súas emisións de CO2 aparentemente máis baixas durante décadas para aumentar a participación de mercado nun mercado enerxético moi competitivo, con todo, esta nova investigación proporciona á industria do carbón a xustificación necesaria para fortalecer o caso da súa importancia para a combinación de enerxía.

Ademais, as conclusións subliñan un punto de importancia crítica para a enerxía e o medio ambiente. Necesitamos analizar as emisións reais do ciclo de vida e o impacto ambiental non relacionado cos GEI para toda a cadea de valor de todas as enerxías convencionais e renovábeis, incluído o hidróxeno, as baterías e os vehículos eléctricos. Facer estas análises sen dúbida significaría sorpresas. Imaxine que a Unión Europea (UE) prometa que o carbón e a enerxía nuclear son "verdes" en lugar do gas natural e a enerxía nuclear.

Os autores creen explicitamente que hoxe en día o mundo require todos os combustíbeis fiábeis e alcanzábeis para a xeración de enerxía, incluídos o gas, o carbón, a enerxía nuclear, a hidroeléctrica, a xeotérmica e, de forma selectiva, a eólica e a solar. Só unha combinación de enerxía equilibrada pode evitar a escaseza de electricidade e os efectos devastadores nos seres humanos e as industrias como se experimentou a nivel mundial durante os últimos 18 meses.

Con todo, non existe unha solución de enerxía única para todos. Os inversores deben apoiar todos os sistemas de enerxía dun xeito que evite unha crise enerxética, incluídos os sistemas intermitentes de enerxía renovábel cando teñan sentido. Si é necesario reducir as emisións de CO2, unha das formas máis efectivas sería a instalación de centrais ultrasúper críticas con tecnoloxía CCUS. Con todo, os beneficios do CO2 a través da fertilización deben considerarse e avaliarse de xeito xusto.

A política enerxética debe volver centrarse nos seus tres obxectivos, a seguridade enerxética, a accesibilidade enerxética e a protección do medio ambiente. Isto tradúcese en dous camiños para o futuro: 1) investir en educación e investigación básica para aplanar o camiño cara a unha Revolución de Nova Enerxía; e en paralelo, 2) apoiar o investimento en sistemas enerxéticos para mellorar a súa eficiencia e reducir a carga ambiental da enerxía necesaria para as nosas vidas.

notas

[1] O potencial de quentamento global (GWP) é un tema moi debatido, e o GWP20 potencial de quentamento global de 20 anos do IPCC parece disputarse na ciencia. Ademais, a concentración atmosférica de CH4 alcanza só 0,0002 %, mentres que o CO2 representa 0,04 %. Aínda que os autores tamén teñen reservas sobre o GWP do IPCC, para este traballo de investigación utilizáronse os números oficiais do IPCC. Isto débese a que son utilizados polos gobernos e hai moita discusión sobre a urxencia inmediata de resolver a 'crise climática' agora mesmo, non en 20 anos. Cabo sinalar que o GWP100 de 100 anos é menos discutido. Isto tamén se discute no documento e todos os cálculos móstranse tanto para 20 como para 100 anos.

[2] Esta cifra de equilibrio do carbón/gas aumenta de 2 % a 5,5 % de perda de metano utilizando o potencial de quentamento global de 100 anos GWP100 do IPCC en lugar do GWP20 de 20 anos. Os cálculos detallados menciónanse no documento.

Fonte: World Coal. | Published by Will Owen, Deputy Editor | World Coal, Wednesday, 06 April 2022 11:00

Foto: Acción de Greenpace en Reganosa (Ría de Ferrol - Galiza). | 15 de novembro de 2021. | Comité Cidadán de Emerxencia para a Ría de Ferrol.
_______