CIG-Ferrol reclama de novo o cese da Directora Xeral de Colocación e Formación por denuncias de irregularidades na contratación

Ademais da sentenza firme polo despedimento dunha traballadora que tiña sen contrato e Seguridade Social, este cargo da Xunta acumula varias demandas por impago de salarios e está involucrada en varios despedimentos

A CIG de Ferrol exixiu a semana pasada a demisión ou cese da Directora Xeral de Colocación e Formación da Xunta de Galiza, ao ser esta condenada polo Xulgado do Social Nº2 de Ferrol, en Sentenza Firme, solidariamente polo despedimento dunha traballadora que nen estaba dada de alta na Seguridade Social, nen posuía contrato de ningún tipo. Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta.

Asi, desde a comarca de Ferrol da CIG critican as "escusas e falsos argumentos" aportados pola Conselleira para defenderse, xa que "queremos deixar ben claro, que a Directora Xeral, foi condenada en sentenza firme polo despedimento dunha traballadora que estaba a desenvolver as suas tarefas incumprindo totalmente a lexislación laboral, e que é esa mesma lexislación a que a Directora Xeral debe facer cumprir".

Sentenza e condena en firme

A sentenza é polo tanto firme e non foi recorrida no seu momento pola Directora Xeral, e engaden desde a CIG de Ferrol que "se pretende enganar por parte da Consellaria á cidadania, expresando nos medios que foi condenada subsidiariamente,é dicir, que faria frente aos pagos no caso de que non o fixese a empresa do seu pai e irmá".

A CIG-Ferrol lembra que "a sentenza ten condenado á Directora Xeral de xeito solidario, isto é que ten que pagar solidariamente coa empresa", e fica como feito probado que a Directora Xeral despediu persoalmente á traballadora, que estaba a traballar en fraude de Lei.

Sinalan que "a Conselleira pode disfrazar os feitos, mais os feitos están transcritos nunha sentenza xudicial sen recurso posíbel, e o resto son xustificacións inaceitábeis".

Nese sentido pregúntanse "que está a agardar o Sr. Feijoo que tanto se preza de ter un governo honesto a tomar as medidas oportuna coa Directora Xeral e mesmo cunha Conselleira que ampara no seu equipo a quen foi condenada por incumprir a lei".

A CIG-Ferrol insiste na petición do cese da Directora Xeral de Colocación e Formación da Xunta de Galiza, e da Conselleira de Traballo, que "absurdamente a ampara".

Varias demandas por cantidades contra a Directora Xeral

Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta. A Directora Xeral, ten sido demandada por impago de salarios por duas traballadoras, a través dos organismos da propia Consellaria de Traballo, o SMAC (Servizo de Mediación, Arbitraxe e Conciliación).

A Directora Xeral non apareceu a súa cita no SMAC o 12 de agosto

A través do SMAC foron citadas as partes para o dia 12 de agosto ás 10:30h no citado servizo en Ferrol. A CIG Ferrol informa que "lamentabelmente, a demandada, a Directora xeral, facendo caso omiso da obrigatoriedade que a Lei establece respecto á asistencia a dito acto, non compareceu. Este semella ser o valor que lle dá á Lei a Directora Xeral. Agora o asunto pasará a engrosar os expedentes a tramitar por uns desbordados Xulgados do Social de Ferrol, ao non ter comparecido, nen procedido a abonar os salarios adebedados".

Esta nova denuncia á Directora Xeral é dunha traballadora que prestaba servizos a tempo parcial como Empregada do Fogar da mesma e ademais facíao na empresa que rexentan seu pai e mais seu irmán. Ao igual que outra traballadora, carecia de contrato e alta na Seguridade Social, sendo ambas despedidas verbalmente, despedimentos que xa foron declarados xudicialmente como improcedentes.

Petición de cese e demisión

Por último, desde a CIG de Ferrol subliñan que "unha Directora Xeral, condenada xa en sentenza firme, involucrada en varios despedimentos, e entendemos que claramente coñecedora de que a sua familia ven incumprindo a Lei reiteradamente, e que non só, non denuncie os feitos, senón que sexa probado xudicialmente que nun dos casos foi ela mesma quen efectuou o despedimento, despedimento dunha traballadora que desenvolvia o seu quefacer fóra da legalidade, unha Directora xeral, que adebeda salarios a unha traballadora, non é evidentemente, a persoa mais indicada para estar nunha consellaria defendendo o cumprimento da Lei que de feito ela mesma incumpriu. Quen poda defender esta actuación, non nos merece tampouco garantia nengunha, senón que entendemos é mesmo criadora de alarma social".

Avante
18.08.2009

Fonte: galizacig.com

Foto: A Directora Xeral [María Díaz López] - Detalle dunha foto de Xoán Crespo
_____________

Enlaces relacionados:

• O PSdeG esixe a saída da Directora Xeral de Formación e Colocación
  Galicia Hoxe - 18.08.2009
  María Díaz López foi condenada por empregar na súa casa e no bar da súa familia unha cociñeira sen contrato e despois despedila

• Condenan á directora xeral de Colocación da Xunta por ter unha empregada sen contrato
  Radio Fusión - 13.08.2009
  Traballaba na cafetería da Estación de Autobuses de Ferrol e non para a Directora Xeral de Formación e Colocación da Xunta de Galicia, afirmaron esta mañá a Radiofusión dende o Gabinete de Prensa da Consellería de Traballo. As mesmas fontes indican que, en último caso, a ferrolana Ana María Diaz faráse cargo da indemnización por despido da empregada.

• Condenada por despido improcedente a directora xeral de Formación e Colocación Vieiros
  Redacción / Europa Press - 10:45 13/08/2009
  A CIG esixe da Consellaría de Traballo o "cesamento inmediato" de Ana María Díaz López logo de coñecerse a sentenza dun xulgado ferrolán
  

_________________________

O Movemento por un Traballo Digno convoca unha nova concentración en Ferrol diante do Edificio Administrativo da Xunta de Galicia

Movemento polo Traballo Digno
movementopolotraballodigno@gmail.com

Une-te a nós na loita polo traballo digno!

CONCENTRACIÓN VENRES 15 DE MAIO ÀS 12:00 FRENTE EDIFICIO DA XUNTA EN FERROL

Mentres tanto nós seguimos a ser sobrexplotados e despedidos en masa, os ricos están a roubar e dilapidar a riqueza que con tanto esforzo producimos.

Non podemos permitir que o paro siga medrando e que os capitalistas tenten utilizar-nos para ameazar ao resto de traballadore/as e xubilad@s.

Esta crise non ten solución. Nen o sorriso de ZP nen a inxección de miles de millóns aos bancos devolvera-nos o mundo que deixamos atrás. O sistema está enfermo de morte, así que o único que lles queda é apontoa-lo para que non caia.

As causas da crise

Queren facer-nos crer que a crise é só un resultado do crecimento descontrolado da especulación financeira. Pero este crecimento sen precedentes ven de atrás: da fuga de capitais da esfera produtiva, perante as dificultades de crecimento da economía real desde os anos 80.

A reacción do capital productivo, en todo o mundo, consistiu nunha presión constante para reducir os salarios e a extender a xornada laboral, así como para disminuir as suas cargas tributarias e utilizar o Estado para subvencionar a acumulación privada de capital.

Esta ofensiva do capital acompañou-se, así, de políticas orientadas a debilitar o papel económico dos poderes públicos, e a promover a precarización laboral e vital. Isto, no Estado español, creou a economía caracterizada pola especulación imobiliaria e taxas insustentábeis de endevedamento das familias.

Pero con todo isto non se resolveron os limites da economía real, cuxo crecimento é a base da especulación. O desenvolvimento tecnolóxico aumentou en tal medida a productividade do traballo, que o ritmo de creación de emprego fica cada vez mais lonxe do ritmo ao que crece a producción. O mercado non chega e a lei do beneficio privado determina entón como una necesidade o retroceso social d@s traballadore/as.

A situación actual

Cunha economía cada vez mais tecnolóxica e mundializada, pero tamén con mais explotación do traballo e menor redistribución da riqueza, o capitalismo xa non pode proporcionar nengún progreso social. Por iso, unha grave crise da economía mundial era cuestión de tempo. E tamém o antecipo de un deterioro social maior.

@s traballadore/as que agora estamos no paro somos a consecuencia de todo isto, e sería unha ilusión pensar que a maioría de nós conseguirá traballo a corto prazo. Dentro de 1 ano falaremos de 5.000.000 de parad@s, dos que 30.000 estarán na zona de Ferrol.

Se ata agora non se produciu unha explosión social é porque ainda maioría d@s desempregad@s seguimos a cobrar a prestación ou o subsidio. Con todo, 1.000.000 xa non cobramos nada. E a finais deste ano a cifra será o dobre.

Que facer?

A Conselleira de Traballo promete axilizar EREs e despidos, mostrando o camiño cara a política antiobreira que se aproxima. O goberno ZP, que recapitalizou a banca con diñeiro público, danos cos investimentos do “Plan E” outro exemplo da sua “política social”: trata-se de reactivar a acumulación privada na Construcción, sen importar a calidade do emprego e o uso dos cartos, pasando polas das redes clientelares dos concellos. Así, mailas suas ridículas migallas, este goberno está íntegramente ao servizo de empresários e banqueiros.

Tod@s @s traballadore/as temos que pasar à acción. Contra o despotismo patronal e a política procapitalista. Polo reparto da riqueza e a participación decisiva das plantillas na administración e dirección das empresas. Polo desenvolvimento dun sector público e dunha banca pública fortes, eliminando a subcontratación na industria e nas obras públicas, para crear empregos dignos. Por prohibir as horas extras continuas en todas as empresas. Por que toda a contratación laboral pase polo INEM, en combinación con bolsas de traballo sectoriais. Por recapitalizar o Sistema de Benestar Social. Pola utilización dos recursos públicos con fins sociais, en lugar de subvencionar o capitalismo.

Frente ao desamparo económico e político, non é aceitábel que os sindicatos maioritarios fagan de comparsas do goberno. Como se o aumento do paro fose como un mal inevitábel.

@s traballadore/as non podemos deixar que se nos trate como mercadoria, como forza de traballo cuxo único dereito é vendernos por un salario, servir ao beneficio privado e, se non, ficar na miseria.

• Por unha política social cuxo verdadeiro eixo sexa o dereito a un traballo digno para tod@s.
  
  
• Dereito a un subsidio indefinido para tod@s @s desempregad@s igual ao salario mínimo interprofisional (624 euros).

Folga Xeral en prol d@s traballadore/as no paro e na precariedade!

Traballo digno para tod@s. A nosa vida non pode ser unha mercadoría!

CONCENTRACIÓN VENRES 15 DE MAIO ÀS 12:00 FRENTE EDIFICIO DA XUNTA EN FERROL
_________________________________________

O Movimento polo Traballo Digno convoca unha nova cita, desta vez unha Asemblea no Ateneo Ferrolán, este Luns 4 de Maio

[Foto de C. Carballeira]

O Movimento polo Traballo Digno, realizou a súa primeira acción reivindicativa o pasado 30 de Abril, na Praza do Concello de Ferrol. Os medios de prensa convencionais o presentaron como que se constituíu un novo Movimento Cidadán en Ferrol, e así é, un movimento cidadán que quere loitar contra a precarización da vida das traballadoras e traballadores, un movimento cidadán que demande un traballo digno para todas e todos, un movimento cidadán que demande unha "renda básica" universal para tod@s, un movimento cidadán que demande un novo modelo social e económico.

A concentración contou con medio centenar de persoas disposta a dar-lle contido e visibilidade humana ás reivindicacións e romper o silencio, diante dunha crise que se nos ven acima, cando aínda non fumos capaces de saír doutra crise que ven sufrindo a nosa Comarca por mor da reestruturación do Sector Naval, o motor que debería tirar da economía da Comarca.

As persoas que dan a cara neste incipiente movimento cidadán, convocaron a unha Asemblea a celebrar nos locais do Ateneo Ferrolán, este Luns 4 de Maio ás 7 da Tarde, o Colectivo Ártabra 21 non faltará á cita.

Para contactar:
movementopolotraballodigno@gmail.com


Enlaces relacionados:

• Constituido un "Movimento polo Traballo Digno" en Ferrol
  
  
• Este Xoves, 30 de Abril, Concentración: En Loita contra a precarización da nosa vida, por un Traballo Digno para Todas e Todos

____________

Este Xoves, 30 de Abril, Concentración: En Loita contra a precarización da nosa vida, por un Traballo Digno para Todas e Todos

CONCENTRACIÓN

30 de Abril, ás 7 da tarde, na Praza do Concello de Ferrol

• MOVEMENTO POLO TRABALLO DIGNO
• EN LOITA CONTRA A PRECARIZACIÓN DA NOSA VIDA
• POR UN TRABALLO DIGNO PARA TOD@S
  

Este é un colectivo de cidadáns fartos de sufrir as consecuencias dun sistema económico caduco e inxusto, que só beneficia a “banqueiros, empresarios e unha clase política corrupta e avariciosa”. Eles son os únicos culpables da grave situación económica e social que estamos a vivir a inmensa mayoría dos traballador@s mentres os ricos están a roubar e dilapidar a riqueza que con tanto esforzo produciu a clase traballadora. Mentres tanto nós seguimos a ser sobrexplotados e despedidos en masa nun xogo onde non temos nin voz nin xustiza algunha e onde só se acordan de ti para pedirche e manipular o teu voto posto que o utilizan para lexitimar os seus abusos e delitos. A actual crise provocou xa catro millóns de traballador@s no paro dos que vinte mil están na nosa comarca as perspectivas dos voceiros económicos predeciu que no ano 2010 chegaremos ós cinco millóns de traballador@s desempregados dos que trinta mil pertencerán á nosa comarca. Isto é unha gran ameaza para a cidadanía que se vería afundida na miseria xunto a todos aqueles que dependen de nós incluidos os anciáns que suporía un perigo as súas pensións, pensións que pagamos nós. Pero os ricos seguen a rir dos obreiros, e aquí poñemos algúns exemplos:

• Acciona despediu ós seus traballador@s no porto exterior e a súa vez contratou man de obra barata.
• Eshor prepara un novo ERE que suporía o despido de 250 obreiros.
• En Navantia é indigna a precariedade que se está a sufrir a través da subcontratación e o despido libre.
• No sector servicios tamén están a despedir ás persoas sobrexplotadas algunhas sen contrato e as empregadas do fogar sustitúense por man de obra semi escrava.

Pero a palma lévana os concellos e o seu “Plan E” posto que recibiron millóns de euros para contratar desempregados e no seu lugar trouxeron subcontratas con man de obra barata. Para opoñernos a todo isto constituímonos neste movemento polo traballo digno que intentará organizar nos só ós desempregados senón a toda a sociedade civil e presionar ós políticos a actuar contra as prácticas mafiosas dos empresarios e banqueiros e obrigar ós sindicatos a convocar a unha folga xeral na defensa da clase traballadora.

O MOVEMENTO POLO TRABALLO DIGNO esiximos como pobo:

• Traballo digno para tod@s.
• Unha saída ós desempregados sen subsidio e ningún tipo de recurso.

NON SEREMOS MOEDA DE CAMBIO PARA O DESPIDO LIBRE E A IMPLANTACIÓN DE CONTRATOS TEMPORAIS ÚNICOS.

MOVILÍZATE CON NÓS NA CONCENTRACIÓN DO DÍA 30 DE ABRIL FRONTE Ó CONCELLO DE FERROL ÁS 19:00 HORAS.

QUE A CRISE A PAGUEN OS RICOS!! QUE NON SE RÍAN DE TI!!

DEFENDE OS TEUS DEREITOS!! TRABALLO DIGNO PARA TOD@S!!

________________________

Relacionada:

• Constituido un "Movimento polo Traballo Digno" en Ferrol

__________________

Constituido un "Movimento polo Traballo Digno" en Ferrol

Un grupo de persoas, na súa maioría xente nova, reflexionou e debatiu nun curso de formación ocupacional para traballadoras e traballadores desempregad@s, sobre a situación do emprego na Comarca e as perspectivas de futuro que se aveciñan. O shock provocado por un incremento tan acelerado do desemprego, deixa ás persoas desempregadas, nunha depresión social sen precedentes. A nosa Comarca e en concreto a nosa cidade -Ferrol- está acostumada a índices elevados na taxa de desemprego. Mais á crise financeira na que estamos inmersos, provocada pola cobiza e a avariza burguesa, pola especulación financieira e a burbulla inmobiliaria, soma-se agora o problema estrutural xa existente, da falta de emprego en Ferrol e a súa contorna. As traballadoras e traballadores en paro, non deben culpabilizar-se da súa situación, pois estamos nun sistema inxusto onde as persoas dependemos para viver dun "empregador". Non hai unha "renda básica", un mínimo contributo universal que nos axude a viver mentres non consigamos un emprego digno. Non hai un emprego público que nos garanta un salario a cambio da prestación dun servizo á comunidade, ... o sistema non escoita, non responde, ... "Salve-se quen poida, din ...." E deixa nas mans dun "empregador", no sistema capitalista case sempre sinónimo de explotador, o que poidas ou non acceder a un posto de traballo.

O grupo de persoas mencionadas con anterioridade, produto da súa reflexión e debate, deciden que debe unir-se e demandar "un traballo digno para tod@s" e unha "renda básica", para quen non teña emprego. Non están dispostas a quedar caladas, por iso decidiron loitar contra a precarización da súa vida, e romper o silencio. Teñen convocada unha concentración na Praza do Concello de Ferrol, diante do Pazo Municipal, para o vindeiro Xoves 30 de Abril, ás 7 da Tarde. É un punto de partida para a constitución dun "Movimento polo Traballo Digno". A convocatoria non é só para persoas en paro, é para toda a cidadanía, para o conxunto da Clase Traballadora, para que podamos exercer a solidariedade obreira, hoxe por min, maña por tí, ...

Hoxe 27 de Abril, Luns, ás 7 da Tarde, para ultimar a convocatoria teñen unha reunión nos locais do Ateneo Ferrolán, non faltes, contribúe, participa, ...

O Colectivo Ártabra 21, decidíu apoiar a mobilización do "Movimento polo Traballo Digno" e as súas xustas demandas.

Concentración
Xoves 30 de Abril
Ás 7 da Tarde
Praza do Concello de Ferrol
Por un traballo digno parra tod@s
En loita contra a precarización da nosa vida
A crise que a paguen os ricos
Movimento polo Traballo Digno

___________________________