Ortigueira: Os ríos Esteiro e Lombao reciben respectivamente residuos contaminantes, ao seu paso polas canteiras de Rande e Lombao

ortigueirasos urbanismo sostíbel
-ortigueirasos@yahoo.es-
6 de abril de 2009 16:45



SALVA O LOMBAO

Moi boas a todas e todos

Dous ríos de Ortigueira atópanse nunha situación de alerta, mais poucos saben do seu verdadeiro estado. O Esteiro e o Lombao reciben ao seu paso polas canteiras de Rande e Lombao respectivamente os residuos contaminantes xerados por estas explotacións. Os seus ecosistemas fluviais atópanse degradados ao límite, as súas augas flúen sen vida. Mais aínda: As canles de ámbolos dous ríos interrómpense abruptamente. Enormes entulleiras de miles de toneladas de lousa as soterran por completo. As autoridades medio ambientais non ignoran tal desfeita perpetrada ao longo de moitos anos e denunciada repetidamente. Denuncias e solicitudes de información ambiental son ignoradas sen escrúpulo. Non se lle pon freo á desfeita nen se esixe a reparación dos danos ás empresas responsables (CAMPO PIZARRAS e CAMPO LOMBAO).

As leis ambientais se vulneran e os ríos atópanse en absoluta indefensión. Ante esta situación faise necesaria unha resposta social.

Solidarízate cos nosos ríos: Difundir esta Denuncia

Gustaríanos que ollárades este pequeno documento gráfico facendo click na imaxe de abaixo



FAI CLICK AQUÍ PARA VER AS IMAXES

NON SON NECESARIAS AS PALABRAS

_________________________

http://ortigueira.espacioblog.com/
______________________________

Medindo a Felicidade

Interesante artigo postado por Ortigueira Sostible na web da Rede Galiza Non Se Vende:



Medindo a Felicidade

Onde vivimos importa: Non é só un tópico nin se pode reducir a slogan dunha Consellería. Á marxe das circunstancias persoais e da nosa propia capacidade para atopar felicidade, o benestar depende incuestionablemente da posibilidade de levar unha vida digna e saudable, e isto é estadísticamente mais probable nuns lugares que en outros. Dende fai moito se tenta facer unha distribución xeográfica da felicidade cuantificando o nivel de benestar dos estados: Ata fai pouco se facía cun único parámetro, o crecemento económico, que reflectía a riqueza destes e se concretaba nas cifras do PIB e a renta per cápita. Actualmente este indicador está sendo moi cuestionado porque non expresa moitas das variables das que depende o nivel de satisfaccións dos cidadáns. De feito, o PIB pode aumentar, e nomeadamente o fai, en situacións de guerras e catástrofes naturais, e pode tamén ser moi elevado en estados onde non se respectan os dereitos civís ou onde existen diferencias económicas extremas. Ademais, as cifras do PIB se nutren de actividades económicas positivas tanto como da industria armamentísta e outras de moi dubidoso beneficio social.

O Índice de Desenvolvemento Humano (IDH) elaborado pola ONU introduce na medición, ademais do PIB, outros dous importantes indicadores do benestar social: A esperanza de vida e a educación (taxa de alfabetización de adultos, taxa de matriculación nos distintos niveis de ensinanza e anos de duración da educación obrigatoria). Este medidor revela xa (informe IDH 2008) que os índices elevados de PIB non se corresponden sempre coas outras variables do IDH, mesmo en EEUU. ...

...

Acceder ao artigo completo na Web da Rede Galiza Non Se Vende
ou de Ortigueira Sostible. [Con comentarios de interese]
__________________