Amosando publicacións coa etiqueta Os sen Voz. Amosar todas as publicacións
Amosando publicacións coa etiqueta Os sen Voz. Amosar todas as publicacións

mércores, xuño 10, 2009

Un libro fundamental para entender o mundo

Por Juan Torres López

O xornalista Pascual Serrano, fundador de rebelion.org e autor doutros libros que xa mencionei noutras ocasións nesta web, acaba de publicar unha obra fundamental para entender a realidade social que nos rodea: Desinformación. Como os medios ocultan o mundo [Editorial Península. Madrid. Xuño 2009 ISBN 978-84-8307-880-8, 624 páxs. 25,90€].

O libro está prologado polo director de Le Monde Diplomatique, Ignacio Ramonet, e aconsello vivamente que o lea calquera persoa que queira saber como os medios constrúen unha "verdade" que non o é, como ocultan as claves que poidan permitir que os cidadáns saiban o que pasa e entendan o que sucede no noso mundo.

É un libro fundamental para coñecer de primeira man como nos mentiron ao contarnos os grandes fitos da nosa época e, sobre todo, para saber por que e para que inventan constantemente unha falsidade tras outra cando narran a actualidade, cando analizan os conflitos políticos, cando informan das guerras, cando día tras día dinnos coma se fose verdade o que está pasando pero que en realidade case nunca sucede como eles din.

Logo de establecer unhas bases esenciais para entender o fenómeno da desinformación, Pascual Serrano entra enseguida no que eu creo que máis agradecen o lector ou lectora: un repaso aos acontecementos máis importantes da nosa época que permite non só descubrir a infame cobertura dos grandes medios senón, de paso, as claves que hai detrás de cada un deles. O que fai nos sucesivos capítulos dedicados a Europa, América Latina, Estados Unidos, Asia e África é desvelar o que nos últimos decenios ocorreu verdadeiramente. É dicir, descorrer o veo de desinformación coa que os grandes medios disimularon o papel dos poderes ocultos, coa que terxiversaron os acontecementos e coa que deron gato por libre para evitar deixar claro os intereses reais que condicionaron as decisións políticas, económicas e militares coas que fan e desfán as nosas vidas e os nosos patrimonios. Finalmente, o libro contén reflexións sobre a forma de combater a desinformación que son especialmente lúcidas vindo como veñen un combatente en exercicio, dun xornalista que día a día se dedica precisamente a cumprir co compromiso informativo que predica.

Non deixar pasar esta oportunidade, aprendan a informarse e non se deixen enganar, lean rapidamente o libro de Pascual Serrano e poñan desde agora en práctica a recomendación que impregna todo o seu libro: desconfiar das "verdades indiscutibles", contrastar toda a información que nos chega, buscar a información alternativa á dos grandes medios, aprender e axudar a desenvolvernos nós mesmos e os demais como cidadáns con pensamento independente e "conscientes de que a complexidade do que sucede no mundo nunca poderá simplificarse mediante mensaxes xornalísticas sometidos a demasiados e perigosos intereses".

___________________________________

martes, abril 03, 2007

Coñecedes esta web ?

De: calareo -calareo@yahoo.es-
Para: artabra21@gmail.com
Data: 03-abr-2007 3:48
Asunto: La Voz

Coñecedes esta web ?

http://www.lacoctelera.com/la-voz-de-galicia

venres, marzo 23, 2007

Proposta de logo para Os sen voz

De: calareo
Para: artabra212gmail.com
Data: 22 de marzo de 2007 23:10

Asunto: Proposta de logo dos sen voz



Aí vai unha proposta de logo para "Os Sen Voz".

A ver se vos gosta.

Saudos

mércores, marzo 21, 2007

Comunicado do Colectivo de "Os sen Voz de Galicia"

De: CCE -comitecidadan@iespana.es-
Para: artabra21@gmail.com
Data: 21 de Marzo de 2007 00:51
Asunto: Comunicado do Colectivo de "Os sen Voz de Galicia"

Nas dúas últimas semanas en varias reunións de distintas asociacións en relación con La Voz de Galicia, redactouse un texto de dúas páxinas co título de "Os sen Voz de Galicia" para colgar en, paginas de Internet das asociacións participantres ou que subscriban devandito texto.

Do mesmo texto fíxose unha versión máis reducida dun páxina para divulgar pola rúa e do que xa se difundiron 2000 exemplares este domingo pasado na Feira de Ferrol.

Para todos os que aínda non o coñecen achéganselles ambos textos, o de dúas páxinas e o dunha so páxina. Ademáis da versión en galego apórtase a versión en castelán para uso e envio a quen desde fóra de Galicia poida contribuír á súa difusión.

Saudos cordiais
Carmelo Teixeiro




Colectivo “Os sen Voz de Galicia”

Motivado as censuras e manipulacións do grupo La Voz de Galicia, un colectivo de asociacións cidadáns, ecolóxicas e socioculturais nos agrupamos transitoriamente baixo a denominación de “OS SEN VOZ DE GALICIA”. Compartimos un profundo malestar pola deriva de dito grupo nos últimos tempos en connivencia con posicións radicais conservadoras. Somos conscientes da importancia que este grupo de comunicación ten na conformación da opinión pública galega, e dende a nosa condición de cidadáns galegos do século XXI entendemos que é necesaria unha profunda rectificación na liña editorial deste grupo, alomenos no que atinxe á bisbarra de Ferrol.

A nosa condición cidadá a vimos amosando dende hai anos, pois a meirande parte de nós ten unha dilatada experiencia de traballo nos movementos sociais, e xa que logo, na vida pública da nosa bisbarra. No noso traballo social constatamos que nos derradeiros anos, a empresa de comunicación que é La Voz de Galicia, amosa unha predisposición a ignorar, censurar, manipular ou deformar a realidade social na que en Ferrolterra vivimos e tamén as propostas que se crean dende a sociedade.

Estamos decididos a promover o exerxicio dos dereitos de cidadanía, da liberdade de expresión que a constitución recoñece, e asimesmo un estatuto da profesión periodística ainda pendente e atrancado por medios como La Voz de Galicia, porque son valores moi superiores a práctica de gañar cartos conculcando principios básicos da profesión periodística e tamén da vida social democrática como a veracidade e a pluralidade.

Resulta esgotador o relatorio de problemáticas, feitos e conflitos da vida social, económica, política e cultural, da que somos parte, onde La Voz de Galicia censura ou manipula a información. Sirvan algúnhas mostras, sen ánimo de exhaustividade: censura do Premio José Couso do ano 2005 a Ignacio Ramonet Director do semanario Le Monde Diplomatique; censura da información que xeneran os que apostan por que a planta de gas se ubique fora da Ría de Ferrol: no Porto Exterior ou en mar aberto do Golfo Artabro, pero adica paxinas enteiras a informacións caprichosas dos promotores de Reganosa; o apoio a postura do goberno municipal de Ferrol de privatizar espazos públicos na Praza de Sartaña, na Praza de España - Porta Nova cun edificio de sete plantas para usos privados, na Praza do Inferniño, na Praza de Amboage, Vivendas de Recimil, Montes de Brión, o apoio ao disparate do Sr Juncal de traer a Papeleira de Ence para a nosa Ría, o apoio cego a un proxecto abortado dunha piscifactoria na Praia de Ponzos, o respaldo aos depredadores da Fraga de Menáncaro, a manipulación da información en xeral e en particular nos sucesivos conflitos laborais, no convenio con defensa e a residencia universitaria. Os calificativos insultantes para os colectivos que defenden a recuperación da riqueza natural e marisqueira da Ría, ou a quenes defenden a vida humana e os intereses xerais da cidadanía, etc.. En todo isto La Voz de Galicia ven actuando á contra dos intereses xerais dos veciños e das veciñas de Ferroterra. Nós queremos ser claros, mais non inxenuos: recoñecemos a filiación da sistemática desinformación, silenzos e exclusións practicada por La Voz de Galicia, que nunha manchea de temas amosa a pantasma de poderosos intereses económicos con unha trama espúrea que a cidadanía comprometida ten a obriga de denunciar.

Na actual sociedade chamada de globalización capitalista, o impacto dos medios de comunicación acada unha grande importancia, quizais máis que noutrora. Os grandes medios de comunicación de masas teñen como obxectivo primeiro procuran gañar cartos e deste imperativo despréndese o corolario que fai que tendan a soster ideoloxicamente os poderes políticos i económicos dos que se “alimentan”. O grupo La Voz de Galicia é unha empresa privada que vai por un mal camiño sobre dunha base equivocada de que “solo existe o que se publica no seu xornal”, un erro de vulto porque tamén estamos entrando na chamada sociedade da información na que hai moitos medios e formas de comunicación.

Nada hai que obxectar a que un grupo de comunicación privado manteña a liña editorial que estime oportuna, consonte os seus intereses, mais sí temos dereito, a cidadanía, a dispor dunha información veraz e plural, como recolle o artigo 20 da Constitución. Debémosnos e debémoslle a Ferrolterra o compromiso de esixir á Voz de Galicia que a transmisión dos feitos sexa obxecto de contraste e careo, con fontes diversas e datos mismamente fiables, en vez dos datos falsos ou manipulados, asemade dos silenzos e censuras ás posicións distintas que La Voz de Galicia, en temas importantes que afectan a Ferrolterra, nestes últimos anos se nega a publicar por ser daqueles que “non comulgan coas rodas” de muíño do propio medio, practicando éste o sectarismo da trasnoitada dictadura franquista, vulnerando os actuais dereitos constitucionais.

Mais pensamos que non todo vale nesa nefasta dinámica, polo que La Voz de Galicia debe millorar cara a una información con valores que cómpre preservar, ente eles sinaladamente dous: VERACIDADE e PLURALIDADE. Se ámbolos dous se vulneran, comprométese de xeito irremediable a calidade da información, reducida entón a pobre condición de unha función informativa prostituída, mera mercadoría.

Queremos preservar da nosa crítica aos abnegad@s e bos profesionais traballador@s do grupo La Voz, non exentos da enorme precariedade laboral; paradoxos da globalización, que exalta a información e castiga as condicións de traballo d@s que a producen.

E lamentable que o Presidente do grupo Voz, Santiago Rei Fernández Latorre, por unha maioría dos concelleiros de Ferrol se lle teña otorgado o titulo de fillo adoptivo da cidade, nun contexto en que seu xornal está exercendo a maior censura e manipulación informativa en temas de moito interese para a maioría dos ferroláns e ferrolás, cos correspondentes perxuicios para a cidade.

O noso fondo malestar crítico e racional, pode condensarse nunha demanda de rectificación da praxe do grupo La Voz de Galicia, co fin de que sexan respectados os criterios de veracidade e pluralidade inherentes a unha praxe informativa honrada e profesional. Por todo ilo, como cidadanía crítica e informada, DEMANDAMOS: unha mínima información veraz e plural, de La Voz de Galicia, dos feitos e demandas sociais que acontecen na nosa bisbarra e nos temas que lle afectan.

Mentras non sexan satisfeitas estas demandas, o colectivo de “Os sen Voz de Galicia” seguirá incrementando seu número, e promovendo que non se merque dito xornal hasta que cambie sua inercia.

En Ferrol , a 20 de Marzo de 2007.

Saúdos Ferrolterrans.
“Os sen Voz de Galicia”