Amosando publicacións coa etiqueta Plan Urban. Amosar todas as publicacións
Amosando publicacións coa etiqueta Plan Urban. Amosar todas as publicacións

sábado, setembro 28, 2013

Esquerda Unida pide a convocatoria do Consello da Veciñanza así como que se activen todos os mecanismos institucionais que garanten o acceso á información e toma de decisións participadas no desenvolvemento e seguimento do plan Urban

O GRUPO MUNICIPAL DE ESQUERDA UNIDA ESIXE A CONVOCATORIA DA COMISIÓN DE SEGUIMENTO DO PLAN URBAN E DO CONSELLO DA VECIÑANZA
O GRUPO MUNICIPAL DENUNCIA QUE SOLICITOU REUNIRSE COA OFICINA TÉCNICA DO PLAN URBAN SEN RECIBIR RESPOSTA DO CONCELLEIRO LANGTRY.
JAVIER GALÁN CONSIDERA QUE O ALCALDE MESTURA DELIBERADAMENTE MANTEMENTO ORDINARIO CON OBRAS DO URBAN PARA AUTOBOMBO E PROPAGANDA DO SEU PLAN DE BARRIOS.

O grupo municipal de Esquerda Unida, favorable como é ao desenvolvemento do plan Urban e, polo tanto, á implementación dun plan de mobilidade para (entre outros) o barrio da Magdalena que inclúa a peonalización, esixe do goberno municipal que proceda consonte coa normativa comunitaria e informe exhaustivamente ao órgano de participación das medidas que está a tomar. O plan Urban, ao contrario do que pensa o goberno municipal non é un plan de obras e , tamén por contra do que se cren, obriga a compartir a toma de decisións coa cidadanía, e non darlle un uso interesado que pretenda suplir as carencias do programa político que está a aplicar o partido popular en Ferrol: nula preocupación polo emprego, desprezo á veciñanza, servizos sociais ineficaces.

Resulta obsceno politicamente, que un proxecto comunitario sexa empregado polo goberno municipal para convocar aos medios de comunicación e presentalo como propio sen rubor nin escrúpulos, ademais de unha indecencia política é un acto irresponsable que pon en perigo a subvención mesma do Urban, xa que o requisito de participación veciñal e esencial para o seu desenvolvemento.

Por outra banda, EU permanecerá vixiante a que o plan de mobilidade non sexa outro engano, e que pola porta de atrás se introduzan elementos de distorsión para favorecer a empresas amigas, como moito nos tememos que vai acontecer co parking da Praza de Armas. O obxectivo de EU dunha cidade consolidada pasa pola necesaria rehabilitación de Ferrol Vello, Canido e A Magdalena, pero non só a través do Urban coa rexeneración de rúas e a potenciación do comercio, senón por un proxecto ambicioso de rehabilitación de vivendas, a través de compra de inmobles, fomento do emprego cooperativo na súa rehabilitación e usos públicos e sociais da inxente cantidade de edificios abandonados.

Ferrol 18 de setembro de 2013.

Grupo Municipal de Esquerda Unida

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/


Enviado por:
Ferrol Esquerda Unida
-eu-ferrolterra@esquerdaunida.org-
27 de setembro de 2013 14:13

Bo día. Remitimos a nota de prensa do grupo municipal de Esquerda Unida pola que pedimos a convocatoria do Consello da Veciñanza así como que se activen todos os mecanismos institucionais que garanten o acceso á información e toma de decisións participadas no desenvolvemento e seguimento do plan Urban. Xuntamos o documento completo. Grazas. Saúdos, Jorge Suárez Secretario de Comunicación CPL- Esquerda Unida.

_________________