A Comisión de Peticións do PE, vai tratar a Petición N° 1322/2007 sobre a planta regasificadora de Reganosa, este Martes 23 de Febreiro de 2010

O vindeiro Martes 23 de Febreiro de 2010 a Comisión de Peticións do Parlamento Europeo, vai retomar o asunto da Petición N° 1322/2007, presentada por Yolanda Díaz Pérez, en nome de Esquerda Unida de Galicia, Jesús Ignacio Caselas Pérez, en nome da Federación Roi Xordo de AAVV da zona urbana de Ferrol, e Bernardo Bastida Sixto, en nome da Confradía de Pescadores de Ferrol. Esta Petición fora formulada en Novembro de 2007, mais admitida a trámite o 7 de Maio de 2009.

A Comisión de Peticións pideu á Comisión Europea que facilitara información (artígo 202, apartado 6, do Regulamento do Parlamento Europeo) e esta respostou o pasado 25 de Setembro de 2009, cun Informe con proposta de resolución que a Comisión de Peticións transcribeu nun documento en forma de "COMUNICACIÓN AOS MEMBROS" [http://www.europarl.europa.eu/meetdocs/2009_2014/documents/peti/cm/742/742551/742551es.pdf], para tratar no Plenario da Comisión de Peticións. Nun principio o asunto ía-se tratar no Plenario celebrado os pasados 1 e 2 de Decembro de 2009, máis quedou adiado para o seguinte Plenario a celebrar o 27 Xaneiro de 2010, mais xa non figuraba no Documento de Traballo para o citado Plenario, polo que quedou adiado o asunto para o seguinte que se vai celebrar, en Bruxelas, o xa citado 23 de Febreiro, asunto que figura no ponto 10 da orde do día e referencia 429.587 CM [http://www.europarl.europa.eu/meetdocs/2009_2014/organes/peti/peti_20100127_1500.htm].

O Comité Cidadán de Emerxencia para a Ría de Ferrol, reunido no mes de Xaneiro deste 2010, para preparar unha ampliación argumental e documental á Petición N° 1322/2007, tendo como referencia a reunión de Xaneiro, preparou un documento que posteriormente revisou ao coñecer-se que non se ía tratar o asunto na reunión do Plenario da Comisión de Peticións do citado Xaneiro, documento de ampliación que foi revisado polos servizos xurídicos do Comité Cidadán e xa rexistrados na Comisión de Peticións.

Nun principio estaba prevista a comparecencia de varios membros do Comité Cidadán na reunión do Plenario da Comisión de Peticións, mais á hora de redactar este escrito non hai confirmación oficial da mesma.

Por outra banda Esquerda Unida xa anunciou publicamente que tamén ía presentar unha ampliación de documentación.

Nota.-
Nas póximas horas ampliaremos a información
____________________

Relacionadas:

• Esquerda Unida ampliará nestes días a súa denuncia contra a planta de gas diante da Comisión de peticións do Parlamento Europeo
  
• Por qué mentiron os medios de comunicación dun xeito tan xeneralizado ?

___________________________________

Fonte: Accións contra Reganosa nas institucións europeas
[Blogue de Traballo do CA21]
___________________________

Solidariedade do Comité Cidadán cos mariscadores, diante do xulgamento do vindeiro 22 de Febreiro, por unha acción na defensa da Ría e do seu emprego

Solidaridade do Comité Cidadán de Emerxencia cos 14 mariscadores acusados

Mañá, luns 22 de febreiro, no Xulgado do Penal de Ferrol, xúlgase a 14 mariscadores acusados pola fiscalía do delito de desordes públicas e para os que se pide nove meses de cárcere e unha indemnización á Autoridade Portuaria.

Os sucesos ocorreron o 30 de maio de 2007, cando un grupo de mariscadores entrou ao despacho do presidente da Autoridade Portuaria de Ferrol, Amable Dopico, solicitando un determinado documento relativo á entrada a Reganosa do gaseiro "Mourad Didouche", documento que Dopico se negaba a mostrar, alegando que non existía e que por fin “atopou” logo de tres horas de peche, tras o cal os mariscadores abandonaron o edificio.

Mentres isto ocorría, o Patron Maior da Confraría, Bernardo Bastida, estaba detido, e un gran número de persoas, convocadas polo Comité Cidadán de Emerxencia, ocupaban o porto, en protesta pola entrada ilegal de Gaseiros ao interior da nosa Ría.

Este Comité Cidadán de Emerxencia solidarízase cos acusados, estará presente mañá ás 10 horas no Xulgado, e considera que a causa debe ser sobreseida, tendo en conta que estes mariscadores actuaban en defensa da legalidade, dos seus postos de traballo e da vida e a seguridade dos habitantes da Ría de Ferrol.

¡ PLANTA DE GAS FORA DA RÍA !

Comité Cidadán de Emerxencia Para a Ría de Ferrol.

comitecidadan@gmail.com
www.comitecidadan.org

Enviado polo:

Comité Cidadán de Emerxencia

-comitecidadan@gmail.com-

21 de fevereiro de 2010 18:15

__________________

Enlaces relacionados que dan unha visión do clima de indignación e loita dos días 29 e 30 de Maio de 2007:

• Convocaroria da Asemblea Cidadá para a defensa da Ría de Ferrol
• Hoje foi um dia moi duro
• Video do acontecido o 30 de Maio en Ferrol
• A mobilización cidadá consigueu impedir a entrada na Ría de Ferrol do buque gaseiro "Mourad Didouche", que pretende descargar GNL para REGANOSA
• Abortado o primiero intento de entrada ilegal do Gaseiro Mourad Didouche segundo gaseiro para unha Reganosa ilegal
• Segundo metanero, o Mourad Didouche, que pretende descargar en Reganosa: Concentración ás 13:00 hs no peirao de Ferrol [29.05.2007]

________________________

O Comité Cidadán de Emerxencia informa: A planta de Reganosa estivo por baixo dos mínimos da seguridade técnica

A PLANTA DE REGANOSA ESTIVO POR BAIXO DOS MÍNIMOS DA SEGURIDADE TÉCNICA

De acordo co protocolo de Admisibilidade PD-09, de título “cálculo de rangos admisibles para os valores das variabeis básicas de control dentro dos rangos normais de operación do sistema”, aprobado pola Dirección de Política Enerxética e Minas, en abril de 2007, fala da necesidade de que cada planta de regasificación dispoña de un volume mínimo –gas talón- para poderse asegurar que se vai poder relicuar o gas de boil-off, que se xera de xeito natural nos tanques evitando así a súa emisión á atmosfera. A xeración de gas boil-off é inevitabel dada a baixa temperatura do GNL no ambiente, a pesar do illamento con que contan os tanques.

Para reducir a cantidade de gas no interior dos tanques, faise circular o gas boil-off a través de un relicuador polo que se fai circular un volume moito maior de GNL de xeito que se enfría o gas licuandose, sin quentar demasiado o GNL que e devolto ao tanque. Se a cantidade disponíbel de GNL no tanque é pequena, este proceso pode levar á progresiva vaporización do GNL, pola elevación da súa temperatura, forzando á súa emisión á atmosfera ou a queimalo no combustor, para impedir o ascenso da presión no interior do tanque .

Enagas, como xestor do sistema, a miúdo considera como valor medio do gas talón para cada planta un 9% da súa capacidade total. Ou sexa, no caso de Mugardos con dous tanques de 150.000 m3 debería sempre estar por riba de 27.000 m3 de GNL entre os dous tanques.

Noutros documentos, o xestor técnico do sistema gasístico, por riba do gas talón de 27.000 m3 hai outro límite maior que ENAGAS chama "existencia mínima por seguridade técnica" no caso de Reganosa é 51.246 m3, da forma indicada no documento “mínimos técnicos zonales” para o mes de febreiro de 2010.

Mirando a programación de febreiro, actualizada ao 17/02/201, mostra que o 13, 14, 15 e 16 de febreiro, a planta Reganosa estaba por baixo da existencia mínima por seguridade técnica, rozando tamén o valor do gas talón de 27.000 m³. En realidade, é a primeira vez que un gaseiro que entra na marea da tarde (17:47 de martes 16 de febreiro), chegou a descargar 3.900 m3 de GNL antes das 12 da noite, cando o proceso de amarre rematou mas tarde das 18:30 horas e o posterior e obrigado protocolo de revisións necesario antes de iniciar a descarga ocupa varias horas. Debían estar moi apurados para actuar así

Unha vez mais se confirma que esta planta e deficitaria pola baixa contratación que as empresas comercializadoras fan. Así polos datos dispoñibles: As Plantas de Sagunto, Bilbao e Cartaxena teñen establecido un mínimo técnico máis do dobre de Mugardos. No caso de Huelva e Barcelona, o seu valor é cinco veces maior.

Estes datos demostran a realidade do mercado: A planta de Mugardos e totalmente innecesaria, case toda a demanda a cobren as demais (Reganosa só aporta o 6,5% do total) e só está a dar custos para o sistema de gas, que está obrigado a restituír o investimento feito, aínda que a Planta so aporte unha cantidade simbólica ao conxunto do sistema gasista.

Ferrol a 19 de Febreiro de 2010

Comité Cidadán de Emerxencia Para a Ría de Ferrol.

comitecidadan@gmail.com
www.comitecidadan.org

Enviado polo:

Comité Cidadán de Emerxencia

-comitecidadan@gmail.com-

20 de fevereiro de 2010 22:32

__________________

Enlace relacionado:

• Ártabra 21: Reganosa baixo mínimos, e as condicións meteorolóxicas adversas na Ría de Ferrol, fixeron activar a alarma no sistema gasístico da península

_______________________

Reganosa baixo mínimos, e as condicións meteorolóxicas adversas na Ría de Ferrol, fixeron activar a alarma no sistema gasístico da península

REGANOSA BAIXO MÍNIMOS

Este Xoves, 17 de Febreiro de 2010, a xestora técnica do sistema gasístico estatal -ENAGAS- emitía unha nota informativa sobre a alerta que causou a situación de mínimos de Reganosa complicada polas condicións atmosféricas adversas.

Esta é a nota que publicou ENAGAS:

"Nota de Operación Nº03 - 17.02.2010 (Cont. 2 e Final)[*]

Ante a eventualidade de que persistisen as condicións atmosféricas adversas durante o día de onte martes e fora preciso chegar a ter que parar a produción da Planta para manter as existencias mínimas de seguridade, preparáronse para a súa posible activación, as medidas previstas para este caso no Acordo de Asistencia Mutua ENAGÁS-REN, consistentes na achega a través da conexión de Valença-Tui de cantidades de gas suplementarias. Desde o propio luns, o sistema gasistico configurouse para conseguir a máxima achega de gas á Zona IV (Galicia- Asturias) desde a Vía da Prata e os gasodutos Burgos-Santander.

O buque finalmente puido realizar a súa manobra de entrada e atracada, e proceder ao comezo da súa descarga na tarde noite de onte martes. As medidas de Asistencia Mutua desactiváronse sen chegar a implementarse. Debemos destacar a actitude positiva e de total colaboración de REN.

Mantense a atención a toda a demanda programada".

A actividade de Reganosa está baixo mínimos. O Comité Cidadán de Emerxencia ven informando desta situación nos últimos meses, somado a algo tamén reiteradamente denunciado polo mesmo Comité, sobre a persistencia de condicións atmosféricas adversas perante moitos días no ano que obrigan a retrasar a descarga dos buques gaseiros e a que estes permanezan proximos á costa ou, como nalgún caso ten acontecido, teñan que virar mesmo case na bocana da Ría (LNG Finima, LNG Lokoja, ...), convertindo todas estas operacións en situacións de risco extremo para a población desta comarca.

Son unha ducia, os buques gaseiros cargados con GNL que até agora tiveron que abortar a súa entrada na Ría por mor de causas meteorolóxicas. Dun total de 60 buques, 12 non puideron entrar na Ría polo mal tempo reinante, é dicer o 20%. Estas condicións meteorolóxicas tan frecuentes no golfo Ártabro, non permiten aos prácticos portuarios, entrar cos buques polo angosto canle da Ría de Ferrol. A existencia de Reganosa ve-se unha vez máis xustificada só polo volume de negocio basado na especulación do chan, concesións portuarias, e subsidios públicos que teñen os seus promotores.

Reganosa mentiu ao presentar o seu proxecto para que lle fose concedida a licenza tanto de construción como de entrada en funcionamento. Estas mentiras, entre outras sobre a súa carteira de clientes, está pondo en perigo o sistema gasístico. Reganosa leva tempo funcionando a mínimos, sen cumplir cos seus compromisos de inxectar gas no sistema. Asi aconteceu estes días, mais nom é a primeira vez que Reganosa chega aos límites co chamado "gas de manobra", que é a porcentaxe de gas que se pode utilizar para manter a planta dentro dos límites de temperatura e seguridade. Xa no pasado mes de Outubro, a xestora técnica gasística obrigou a Reganosa a contratar un buque que ía con rumbo a Barcelona, pois detectaron a situación crítica da planta regasificadora de Mugardos [Protocolo de Rangos Admisibles PD-09 **]. Mesmo a Comisión Nacional de Energía, CNE, no seu Informe 34/2009 que xa temos publicado en Ártabra 21, dicia:

" A información que acompaña á proposta de Orde xustifica que a modificación das peaxes de descarga de buques débese ao desequilibrio na utilización da planta de Mugardos, o cal pode constituír un problema na medida en que se poñan en perigo os niveis mínimos de planta por falta de utilización". [***]

_____

[*] Acceder ou Baixar a Nota orixinal de ENAGAS en formato -pdf- :

• Nota de Operación Nº03 - 17.02.2010

[**] Protocolo de Rangos Admisibles PD-09: "é un protocolo aprobado pola Dirección de política Enerxética e Minas en abril do 2007, onde fala da necesidade de que cada planta de regasificación dispoña dun volume mínimo -gas talón- para asegurar que se vai poder relicuar o gas de boil-off que se xera de forma natural nos tanques evitando así a súa emisión á atmosfera"

[***] Artigo publicado en Ártabra 21 sobre o Informe 34/2009 da CNE

Fontes: Comité Cidadán e Enagas

Información baseada na enviada por:

Ferrol-Cape

-ferrol.cape@gmail.com-

19 de fevereiro de 2010 15:37

_______________

Enlaces relacionados:

• Ártabra 21: Abortada entrada gaseiro nº 60
  
  
• Ártabra 21: De novo un buque cargado con GNL para Reganosa tivo que abortar o seu intento de entrada na Ría por mor do forte vento
  
  
• Ártabra 21: "Ladran, porque cabalgamos Sancho"
  
  
• Ártabra 21: A perla da Ría era falsa
  
  
• Ártabra 21: Por unha información veraz

________________________

Enlace de interese:

REAL DECRETO 949/2001, de 3 de agosto, polo que se regula o acceso de terceiros ás instalacións gasistas e establécese un sistema económico integrado do sector de gas natural. [Con análise xurídico da disposición]
________________________

Nom à criminalizaçom da luita contra a planta de gás

Solidariedade com os repressaliados

Catorze mariscadores serám julgados 22 de Fevereiro em relaçom com um acto de protesto contra REGANOSA na Autoridade Portuária de Ferrol. Os factos remontam-se a 30 de Maio de 2007, data na que os acusados, membros da Confraria de Pescadores de Ferrol, protagonizárom um encerramento no escritório do entom presidente, Amable Dopico.

A fiscalia pede para cada um dos participantes no encerramento, nove messes de prisom.

Como já temos experiência em repressom judicial contra movimentos populares e de classe nom podemos mais do que qualificar esta proposta de condena como de política, com a intencionalidade de blindar a intocabilidade dos responsáveis políticos de umha decisom injusta e ilegal, como a instalaçom de umha planta de gás em plena ria e num núcleo povoado como Mehá, e também de amedonhar aos sectores mais activos nos protestos (os sectores mais directamente afectados, pescadores, mariscadores...) para assim debilitar ao movimento popular e derrotá-lo.

Nom podemos permitir que estes catorze membros do movimento popular fiquem sozinhos perante o intento do poder judicial espanhol de impôr-lhes puniçons “exemplarizantes”. O movimento contra a Planta de Gás nom pode recuar, porque as suas reivindicaçons som justas e porque nom se pode consumar um abuso político com tintes criminosos como este.

NÓS-Unidade Popular manifesta a sua solidariedade com os mariscadores e solicita que se arquivem as diligências.

Absoluçom dos processados!!! Planta de Gás fora da Ria!!!!!

Assembleia Comarcal de NÓS-UP em Trasancos

19-02-2010

Enviado por:

nosup-trasancos@nosgaliza.org

-nosup-trasancos@nosgaliza.org-

19 de fevereiro de 2010 15:49

_______________________

Web Oficial de Nós-UP:
http://www.nosgaliza.org/
________________________________

Abortada entrada gaseiro nº 60

Unha vez máis, o LNG Catalunya Spirit houbo desistir da entrada na Ría de Ferrol, por mor das condicións do vento.

De 60 gaseiros o nº de entradas abortadas foi de 12, o que supón o 20% do total sendo un indicativo das condicións singulares da Ría de Ferrol e da non idoneidade da ubicación da Planta de Gas no interior dela.

O recente accidente pola explosión de gas na planta de ciclo combinado en Conneticut (USA) pon ao día a peligrosidade dunha instalación como Reganosa  que en caso de accidente, tanto na Planta como nun gaseiro, causaría miles de vítimas. Esta instalación que actualmente traballa ao 30 % da súa capacidade -para manter a sua actuividade, teñen pechado o gasoducto de Tui- é unha instalacion non so peligrosa e ilegal senon deficitaria e que soportamos o conxunto dos cidadáns  pagando un gas máis caro para o beneficio exclusivo dos promotores. Estes recibiron no pasado ano 60 MM de euros do Sistema Gasístico, ou sexa do peto de todos.

Unha vez máis o CCE demanda dos poderes públicos o peche desta instalación e a apertura dos gasoductos.

Relacion de gaseiros cargados con GNL que abortaron a súa entrada na Ría de Ferrol, para descargar na planta de Reganosa, por culpa das condicións metereolóxicas:

LNG Cheik el Mokrany (05/02/2008), LNG Mourad Didouche (24/03/2008), LNG Edo(16/10/2008), Madrid Spirit (20/10/2008), Bilbao Knutsen ( 25/11/2008) , LNG Lagos (13/12/2008 e 14/12/2008), Madrid Spirit (29/08/2009), LNG Finima (13/11/2009 e 14/11/2009), LNG Lokoja (28/11/2009), LNG Catalunya Spirit (15/02/2010).

¡ PLANTA DE GAS FORA DA RÍA !

--
Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

Enviado por:
Comité Cidadán de Emerxencia
comitecidadan@gmail.com
16 de fevereiro de 2010 21:16
__________________________

De novo un buque cargado con GNL para Reganosa tivo que abortar o seu intento de entrada na Ría por mor do forte vento

E xa van 12, xa son unha ducia os buques gaseiros, cargados con GNL, os que tiveron que abortar a súa entrada na Ría por mor de causas meteorolóxicas. Estes representan o 20% do total, de 60 buques 12 non puideron entrar na Ría polo mal tempo reinante, fortes ventos fixeron desistir aos prácticos portuarios no seu intento de entrar polo angosto canle de entrada á Ría de Ferrol.

O Catalunya Spirit tiña prevista a súa chegada a Reganosa este Luns 15 de Febreiro de 2010, mais como xa dixemos non puido entrar, o forte vento desta tarde foi o "culpábel". Mais mañá coincidindo coa pleamar diúrna, único momento no que o buque pode atravesar a canle da Ría e atracar no peirao da regasificadora de Mugardos en Punta Promontorio, vai-no intentar de novo, até conseguir deixar a súa perigosa carga.

Reganosa, ao traer este buque, voltará de novo, coa complicidade da Xunta, dos concellos de Mugardos e Ferrol, do Goberno de Madrid, a aumentar o perigo potencial que xa de por si ten a presencia da planta de gas, instalada no corazón da nosa Ría, ameazando a seguridade e vida das miles de persoas que moramos na súa contorna.



A pesar de que o buque non entrou, o Comité Cidadán realizou a súa acción de protesta, unha acción que pretende avisar á poboación do perigo da presencia dun buque cargado con GNL dentro da Ría, así como para denunciar mais unha vez a instalación da planta de gas dentro da Ría, todo un despropósito: perigoso, irracional e corrupto.

Polo seu interese achegamos un artigo de Lorena Bustabad, publicado hoxe no xornal El País na súa edición para Galiza.

Reganosa intenta enviar gas a Portugal por Tui

Por Lorena Bustabad

15.02.2010

A posibilidade de espremer a regasificadora galega, que traballa a medio gas, para fornecer enerxía a Portugal, vai tomando corpo. Gas Natural, que logo de comprar Unión Fenosa controla o 21% do accionariado da planta, despunta como operador independente no mercado luso. Cunha produción de 2,2 millóns de megavatios hora en 2009, pechou un acordo con Reganosa o mes pasado para rendibilizar a proximidade da planta -a 200 quilómetros da fronteira portuguesa- para penetrarse no mercado luso polo Norte. A única regasificadora portuguesa está en Sines, ao sur de Lisboa e esta distancia deixa de ser un competidor para a terminal galega.

Gas Natural xa se asegurou o transporte e a distribución nese país mediante acordos co xestor REN e os operadores Galp e EDP. Esta opción de negocio tamén abre novas vías para Reganosa, que pechou 2009 cun descenso na produción do 26%, mentres a demanda nacional recortábase un 8%. A terminal de Mugardos rexistrou a caída máis acusada das seis plantas da rede estatal.

Proxecto de Feijóo

A posibilidade de explotar unha gran vía gasista de Galicia ao norte de Portugal tamén forma parte do proxecto que o presidente da Xunta, Alberto Núñez Feijóo expuxo ao primeiro ministro luso na reunión que ambos os mandatarios mantiveron a semana pasada en Lisboa. Feijóo reclamou un novo gasoduto de alta presión que José Sócrates se comprometeu a estudar.

A exportación de gas desde Reganosa a Portugal permitirá reabrir o gasoduto de Tui, pechado desde 2008. Por este conduto de dobre sentido, capaz de transportar 23 gigavatios por hora cada día, subía o gas africano a Galicia ata que comezou a funcionar a terminal de Mugardos, en maio de 2007.

O último informe anual de Enagás coloca a terminal de Mugardos ao 35% da súa capacidade. Foi a última en construírse. Tamén a máis pequena e polémica. Abastécese, fundamentalmente, de gas de Nixeria, Alxeria ou Trinidad e Tobago. Os seus opositores, agrupados no Comité Cidadán de Emerxencia, cren que "a planta é innecesaria" e pouco máis que "un proxecto especulativo". protestaron contra a chegada de todos e cada un dos 58 buques metaneros que atracaron nos peiraos de Reganosa.

Fonte: elpais.com
_________________________

Reganosa e o Xacemento Romano de Caldoval

[Para entrar na Galería de Diapositivos clicar acima da imaxe]

Diante as novas recollidas nos medios, sobre o Convenio asinado entre Reganosa, o Sr.Alcalde de Mugardos e o Conselleiro de Cultura da Xunta de Galicia que pretende “poñer en valor” o xacemento romano de Caldoval trasladándoo a un museo na vila, queremos manifestar:

1º.- Sábese a pretensión dos promotores da planta de gas de Reganosa de desmantelar os xacementos arqueolóxicos da zona, cualificada no PXOM de Mugardos como solo rústico de protección de patrimonio (SRPP) que inclúe o Castro de Mehá, o xacemento romano de Caldoval e o de Sta. Lucía, como paso previo, para poder recalificar o solo e permitir a ampliación de Reganosa.

2º.- A recalificación do solo onde se atopa o xacemento, proposta por Reganosa e tramitada polo entón Alcalde Sr. Toimil, foi rexeitada no seu día pola Xunta de Galicia, aínda así os promotores de Reganosa, a sabiendas de que nese espazo non poderían instalar 2 tanques máis, acadaron o seu obxectivo de desmantelamento do xacemento do seu lugar orixinal, un xacemento por outra banda non “descuberto” por Reganosa, xa que estaba perfectamente catalogado desde hai tempo.

3º.- O TSXG, ditou unha 3ª sentenza en contra de Reganosa (Sentenza nº 00311/2008 de 22 de abril de 2008), anulando a modificación puntual do Plano Xeral de Ordenación Municipal de Mugardos que serviu ao Concello para outorgar a licenza de obras e de actividade a Planta de Gas de Reganosa.

4º.- Estamos diante dunha nova patraña por parte dos promotores de Reganosa, como as que propagaron ao longo destes anos. Onde van as moreas de postos de traballo que ían crear? Unha planta de gas que so funciona ao 30 % da súa capacidade -pechan o gasoduto de Tui para colocar o pouco gas que produce-,que ameaza a vida de miles de cidadáns, unha planta deficitaria, cuxo custo pagamos tod@s, e innecesaria pois os gasodutos teñen a capacidade para subministrar aos ciclos combinados e ao consumo doméstico de Galicia. A pesares de todo isto, da Sentenza do TSXG, este Convenio só obedece aos interese de Reganosa para recalificar a zona.

5º.- A musealización in situ constitúe o mellor modo de poñer en valor o citado xacemento e o conxunto da zona en particular, e de respecto que merece a historia do noso pobo, a súa cultura, a legalidade e o interese xeral.

Isto e o que debería facer o Sr. Alcalde de Mugardos, e un Conselleiro de Cultura da Xunta de Galicia, non debería seguir os imperativos dos que promoven a barbarie contra o patrimonio, a nosa Ría e a seguridade das persoas,con tal de obter beneficios..

Ferrol a 13 de Febreiro de 2010

Álbum fotográfico de Caldoval:
http://picasaweb.google.es/comitecidadan/XacimentoRomanoDeCaldoval#

--
Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Enviado por:
Comité Cidadán de Emerxencia

comitecidadan@gmail.com

15 de fevereiro de 2010 15:21

__________________________

Enlace de interese:

• Xacemento Arqueolóxico

__________________________________

Cancentración este Luns 15 de Febreiro, ante o anuncio da chegada dun novo gaseiro cargado con GNL para Reganosa

Un novo gaseiro ten prevista a súa chegada a Reganosa este Luns 15 de Febreiro de 2010.

Desde a chegada do último gaseiro, xa pasou un mes, todo un síntoma da situación que esta pasando á planta regasificadora de Mugardos, sen clientes a quen vender o seu gas.

O Catalunya Spirit que é así como se chama o buque agardado, será nº 2 do ano e o 60 desde que entrara o Galicia Spirit en Maio de 2007.

A empresa gasística volta máis unha vez, coa complicidade das administracións, a aumentar o perigo potencial que xa de por si ten a presencia de Reganosa en Punta Promontorio, instalada irresponsabelmente no corazón da nosa Ría, ameazando a seguridade e vida das miles de persoas que moramos na súa contorna.



Concentración

Como xa mencionamos, este Luns 15 de Febreiro está prevista a entrada do buque, e como resposta o Comité Cidadán de Emerxencia, convoca unha acción de protesta e denuncia, o mesmo día ás 7 da Tarde na Praza Amada García, diante do Edificio Administrativo da Xunta de Galicia, unha concentración sonora e reivindicativa.

Características e Notas sobre o buque:

• Nome: Catalunya Spirit - Bandeira: España - Eslora: 284 m - Manga: 42 m - Calado: 12 m - Capacidade: 138.000 m³
  
• Este gaseiro o 11 de Febreiro de 2008 quedou, a plena carga, á deriva fronte a Cape Cod, costa do estado de Massachussets (USA).

¡ PLANTA DE GAS FORA DA RÍA ¡


Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org


Información baseada na enviada por:

Comité Cidadán de Emerxencia

-comitecidadan@gmail.com-

14 de fevereiro de 2010 01:01

__________________

Connecticut (EEUU) un gravísimo accidente nunha Planta eléctrica de ciclo combinado, ao facer explosión unha canalización de gas natural

[Estado en que quedou a planta de ciclo combinado "Kleen Energy de 620MW" logo da explosión de gas, do pasado 5 de Febreiro de 2010 - Connecticut-EEUU]

Onte, ás 5 da tarde hora española, producíase en Connecticut (EEUU) un gravísimo accidente nunha Planta eléctrica de ciclo combinado, ao facer explosión unha canalización de gas natural.

Transcorridas 24 horas do suceso, continúa sen pecharse definitivamente o balance de vítimas, posto que parte dos traballadores poden estar aínda baixo os escombros da Planta. Algúns medios apuntan a posibilidade de 50 mortos e un centenar de feridos.

A Planta, aínda en período de probas, está situada a 4 quilómetros da cidade de Middletown (40.000 habitantes) nunha zona apenas poboada.

Ante esto, o Comité Cidadán de Emerxencia, plantexase o seguinte:

Esta explosión de Gas Natural tivo lugar nunha central eléctrica - como ben dixo hoxe en Radio Voz o Alcalde de Mugardos - non nunha Planta de Gas, e aínda así causou numerosas vítimas, a planta quedou totalmente esnaquizada e causou importantes danos a numerosas vivendas bastante afastadas. Os efectos da explosión notáronse nun radio superior a 25 km.

De producirse unha situación similar na planta de Reganosa (o que o Sr. Barcia denomina “futuroloxía”, e no que non quere entrar), as consecuencias - é evidente - serían gravísimas. Tanto polo volume de gas almacenado, como polo efecto multiplicador que supón a contigua planta de Forestal do Atlántico que almacena enormes cantidades de produtos tóxicos.

Ao estar situada no interior da ría, a poucos metros de núcleos de poboación, a 600 metros de Mugardos e a pouco máis dun quilómetro dos Arsenais e cidade de Ferrol, os mortos terían que contarse por miles.

Unha vez máis este Comité Cidadán, reitera o mantido nos últimos dez anos, en canto á ilegal localización da planta (aínda que “conte con todos os permisos”), o seu perigo permanente así como o tráfico de gaseiros no interior da nosa ría.
Urxe que o Tribunal Supremo dite sentencia confirmando as emitidas no seu día polo Tribunal Superior de Xusticia de Galicia, favorables a este Comité e recorridas pola Xunta de Galicia.

Urxe - agora que ainda estamos a tempo - que os poderes políticos, - locais, autonómicos e estatais - que consenten esta temeridade, tomen a determinación de erradicar do interior da nosa ría esta ameaza real e permanente.

Urxe tamén que os cidadáns e cidadás da contorna, como o vimos facendo desde fai unha década, e cada vez con máis razóns e con máis motivos, porque o tempo corre na nosa contra, tomemos conciencia e esixamos publicamente o noso dereito a vivir libres deste perigo.

¡ PLANTA DE GAS FORA DÁ RÍA ¡

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org


Enviado por:
Comité Cidadán de Emerxencia
-comitecidadan@gmail.com-
8 de fevereiro de 2010 22:44
______________________

Enlace relacionado:

Máis de 600 enlaces coa noticia vista por diferentes medios
________________________

Videos da homenaxe a Carmelo Teixeiro no segundo aniversario do seu pasamento

Organizado polo Comité Cidadán de Emerxencia para a Ría de Ferrol, realizou-se o Sábado, 6 de febreiro 2010, ás 12 do mediodía no Parque Carmelo Teixeiro de Caranza, unha homenaxe a quen foi o seu primeiro Coordinador: Carmelo Teixeiro Menéndez, ao celebrarse o segundo aniversario do seu pasamento.

Os que a continuación presentamos son vídeos que recollen algúns dos momentos relevantes do acto.

Ofrenda Floral na Ría de Ferrol desde Caranza


Fonte: http://www.youtube.com/watch?v=iBfcP0VtgNc

Intervencións de Luz Mariña Torrente, Eliseo Zaera e Lalán


Fonte: http://www.youtube.com/watch?v=p5nlanEnUOg

Na voz de Pim Patinho, unha versión especial para Carmelo, de Xan Tavía, do poema NALGURES de Marica Campo.


Fonte: http://www.youtube.com/watch?v=UvwPyYBdzzg

A música de Bach desde o violín de Estrela Gómez.


Fonte: http://www.youtube.com/watch?v=6HJ9ArDwtcQ

Interpretación de Agulló e André d'A Revolta


Fonte: http://www.youtube.com/watch?v=CI70GPT2_9w

O Hinno Galego por Agulló e André d'A Revolta


Fonte: http://www.youtube.com/watch?v=kw2-78DlD3U

__________________

Enlaces relacionados:

Ártabra 21: Emoción e compromiso na homenaxe a Carmelo

Ártabra 21: Lembrando a Carmelo Teixeiro no segundo aniversario da súa morte

Ártabra 21: Sábado 6 de Febreiro de 2010: Homenaxe a Carmelo Teixeiro no II Aniversario do seu pasamento
__________________________

Emoción e compromiso na homenaxe a Carmelo

Hoxe, sábado 6 de Febreiro, en Caranza, xunto aos tres carballos plantados no seu recordo, no parque que leva o seu nome, celebrouse un acto sinxelo e entrañable dedicado a Carmelo Teixeiro, cando se cumpre o segundo aniversario do seu falecemento.

A emoción coa que case un centenar de persoas depositaron un caravel no mar onde Carmelo descansa, ademáis dun acto de recordo e de solidariedade coa súa familia, é un sinal inequívoco de que as súas compañeiras e compañeiros seguimos na loita e non abandonaremos ata conseguir que
algún día, Carmelo poida ver cos nosos ollos o final destaameaza contra a que tanto loitou.

Do compromiso, da tenacidade e da entrega xenerosa de Carmelo, así como do seu esforzo de toda unha vida por facer un mundo mellor, falaron na súa intervención Luz Mariña Torrente, Presidenta dá A. VV. “O Cruceiro” de Mehá e Eliseo Zaera, Presidente do Ateneo Ferrolán,  membros do Comité Cidadán de Emerxencia.

Lalán, como coordinador do CCE, estableceu unha conversa con Carmelo na que lle dicía:

“Saberás Carmelo que a ameaza segue en pé. A morea de postos de traballo que ian crear, esfumáronse, é mais, vivimos unha profunda crise económica, consecuencia da rapiña e da especulación levada adiante por unha minoría que cementou unha gran parte do solo do estado español, do que Reganosa é un exemplo.

A destrución da Ría avanza. A produción de gas disminúe, os ciclos funcionan ao ralentí. Esta realidade amosa a falsedade dos datos aportados polos promotores para obter a autorización da Planta.


Para nos, a seguridade, a defensa da vida, da legalidade e da Ría, son fundamentais. Pero agora sabemos tamén que é unha instalación innecesaria.

Carmelo, tamén saberás que seguimos aquí contra esta ameaza, con todos os frentes de loita abertos: xurídico, administrativo, mediático e de movilización, que ao longo deste ano –Décimo Aniversario– desenvolveremos”.

E así seguiremos, porque nós non nos resinamos, Queremos deixar ás novas xeracións un entorno habitable, sin ameazas. Conseguiremos que o espírito de rebeldía que tiña Carmelo


cristalice nesta sociedade e impediremos que estes sectores económicos e financieiros, cuio obxetivo non é máis que obter beneficios sen ningunha outra consideración, a base de explotar aos seres humanos e a propia natureza, sigan dominando o presente e o futuro.

Tras das intervencións citadas, a música e a poesía selaron este compromiso de solidariedade.

Na voz de Pim Patinho, unha versión especial para Carmelo, de Xan Tavía, do poema NALGURES de Marica Campo. A música de Bach desde o violín de Estrela Gómez, e o son dás

gaitas de André e Agulló (A Revolta) encheron o parque e os corazóns presentes de saudade e determinación.

Compañeiro Carmelo : ¡ A loita continúa ¡
¡ PLANTA DE GAS FORA DÁ RÍA ¡


NALGURES

Nalgures andarás, nalgunha guerra,
quizais nunha cidade destruída
osmando entre os cadáveres a vida,
que o oficio de vivir nunca te aterra.

Sempre a loitar coa xente que se aferra
aos soños e que aposta na partida
non dando nunca a causa por perdida

loitando sempre polo mar e a terra

Pintando arcos da vella na tormenta,
liñas pintadas coma pontes,
cousas de non matar e bolboretas,

así te podo ver, sempre á mantenta
onde se movan máis os horizontes,
que as ondas do teu mar nunca están quietas.

Marica Campo
[poema versionado por Xan Tavía, especialmente para Carmelo]


Album fotográfico (fotos de Suso Pazos):

http://picasaweb.google.com/fucobuxan2/IIHomenaxeACarmeloTeixeiro#

--
Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org


Enviado por:
Comité Cidadán de Emerxencia
-comitecidadan@gmail.com-
7 de fevereiro de 2010 00:41
______________________

Lembrando a Carmelo Teixeiro no segundo aniversario da súa morte

Por José Torregrosa [*]
06.02.2010

Desde a Asociación "Fuco Buxán", onde tanto tivo que facer ese home enteiro, quero expresar -está soando Bach- a súa vívida nostalxia e o seu presente. Pois a loita pola Razón aínda segue en pé, desde esa ría que mece a súa brillante cinza, continúa chegando a esixencia do seu alento, un máis entre todos, arrimando ombreiros e argumentos.

Que levou a morte de Carmelo? Non a súa enerxía e a súa fe esperanzada no futuro; non a súa bondade, que nos serve de exemplo. Se seica, afastou a súa cabal proximidade; pero non máis aló do horizonte dunha empresa en común e salvadora: "Planta de Gas Fóra da Ría". El foi o seu impulsor e baluarte; a súa vangarda e a súa forza integradora. Nin a Comadre Seca foi quen para esgotar a súa forza convencida. Non se cansou Carmelo nin na Hora: caeu, non o calaron nunca, rodeado de muíños de furacán corrupto, de plantas venenosas, de cámaras de gas onde debía perecer Natureza e Vida ...

[Lembrandoa Carmelo Teixeiro no segundo aniversario da súa morte.]

Foi un privilexio convivilo, compartir a súa mensaxe xenerosa, unha consigna chea de sentido: "Todos xuntos; pero ti, o primeiro". Non era incansable; sacaba forzas da súa crenza no próximo alcanzable e un sentido emocionante do deber, do compromiso, da acción, que non coñeceu máis límite que o espazo dedicado á reflexión e ao sentimento.

Ai, Carmelo, loitador, e home de familia, e compañeiro, que roubaches o tempo aos reloxos para poder cumprir coa túa tarefa; que aprendiches, como pedía Machado, a distinguir as voces dos ecos ... Hoxe sabémosche perto, respirando unha espera: o converter os muros de silencio no berro cidadán colectivo, portador da rabia e da idea.

Nese día descansarás tranquilo, peixe de luz nesa ría que hoxe acolle a túa historia e o teu traxecto: permanecer, xa sempre, na memoria da masa fecunda do teu Pobo. Mentres tanto, temos moitas cousas que encargarche; sobre todo, o que non nos esquezas: oxalá acertemos a encher o teu repouso de recordos, os novos pasos, tantos novos camiños que estamos percorrendo co teu nome nos beizos e a túa hombría xusta e sabia no corazón e a cabeza.

Non digamos "parece que foi onte", pois non o foi. Carmelo é o reto dun mañá nunha Galicia a salvo de ameazas e de atrasos. Se vin chorar aos teus amigos aquel día, foi por agrandar o mar que ti defendes desde o máis profundo da súa alma, o asuco azul que labra o po e a semente da túa, tan branca e tan fermosa.
Na mañá do sábado, che ofrendaremos flores. Non será suficiente: debemos achegarche a vitoria contra o despropósito e a avaricia.

Só entón poderemos darche grazas e ser dignos de estar na túa memoria eterna, ao teu lado, nun milagre laico, cando na ría de Ferrol estea fóra de perigo e dentro do Progreso, e vexamos como se multiplican, outra vez, Carmelo, na ría de Ferrol, os pans e os peixes.


[*] José Torregrosa comezou a traballar na prensa galega a mediados dos anos sesenta. No ano 1972, foi encausado no proceso dos 23, un xuízo aos traballadores dos estaleiros de Bazán en Ferrol aos que a ditadura franquista represaliou polos seus actos de protesta.

Un feito que o marcou e que fixo tamén que marchara a Madrid en 1974 para intentar a aventura teatral. Logo, regresa en Ferrol, onde casa en 1976 e ten dúas fillas.

Colaborador na prensa e en diversas entidades culturais, gusta de escribir sobre cine e literatura que cre que "unha novela ten tantas historias como lectores ten".

Comezou adicandose á poesía dende o mesmo cárcere da Coruña. "Era a única forma de saír do meu interior a través das palabras". Ademais, tamén ingresou no Grupo Chorima co que publicou antoloxías e recitais poéticos. "Todo o que escribín ten que ver coa poesía existencial, experimental, en palabra e forma, sempre cunha búsqueda do interior", asegura Torregrosa.

Unha vida moi intensa a deste xornalista e escritor ferrolán que, dende o 2000, dirixe a revista Razón Socialista da Asociación Fuco Buxán e tamén colabora co suplemento "Nordesía" do xornal Diario de Ferrol. [Galicia -Hoxe]

Bolgue Persoal:
http://josetorregrosa.wordpress.com/______________________________

Sábado 6 de Febreiro de 2010: Homenaxe a Carmelo Teixeiro no II Aniversario do seu pasamento

Organizado polo Comité Cidadán de Emerxencia para a Ría de Ferrol, este Sábado, 6 de febreiro 2010, ás 12 do mediodía en Caranza (Parque Carmelo Teixeiro), celebrarase unha homenaxe a quen foi o seu primeiro Coordinador:  Carmelo Teixeiro Menéndez, ao celebrarse o segundo aniversario do seu pasamento.

Alí, no parque que leva o seu Nome, ao pé dos tres carballos plantados na súa memoria, lembraremos a Carmelo, a súa labor ao fronte deste Comité Cidadán e a súa semente de loita e compromiso contra o maior perigo a que se enfronta a nosa comarca, a Planta de Gas localizada no interior da Ría de Ferrol.

Será un acto sinxelo, coa intervención de membros do Comité e a música de Estrela e o seu violín e do grupo A Revolta.

Farase unha ofrenda floral na que tod@s estamos convidados.

Fonte: http://www.youtube.com/user/mugar2

Carmelo Teixeiro, Coordinador do Comité Cidadán de Emerxencia para a Ría de Ferrol, dedicou os dez últimos anos da súa vida a dirixir con eficacia, enerxía e constancia todas as actividades desenvolvidas en contra da localización da Planta de Gas, da defensa medioambiental da Ría e da vida dos seus habitantes.

Ademais, Carmelo Teixeiro desempeñou un importante papel na Transición política do noso país. Procedente das JOC, participou activamente no movemento sindical de Bazán dos anos sesenta ( foi xurado nas eleccións de 1963) e na reconstrución do movemento socialista na comarca, pois foi fundador da USO, posteriormente dirixente da UXT e formou parte da dirección do PS de G-PSOE, desde 1978.

Fundador e primeiro presidente da Asociación Cultural Fuco Buxán e da Revista “Razón Socialista”, o seu traballo sempre intenso, desinteresado e discreto, ao longo de toda a súa vida, polas causas sindicais, políticas e sociais, é un exemplo de entrega e compromiso para as compañeiras e compañeiros que se esforzan cada día por acadar un mundo máis xusto e solidario.

¡ PLANTA DE GAS FORA DA RÍA ¡

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

______________________

Denuncia do Comité Cidadán de Emerxencia no Xulgado de Garda, polo incumplimento da normativa vixente, na entrada do gaseiro GNL “Ibérica Knutsen” na Ría de Ferrol

Hoxe sábado 16 de xaneiro, o noso Coordinador, Manuel Rodríguez Carballeira, en representación do Comité Cidadán de Emerxencia para a Ría de Ferrol, presentou unha denuncia no Xulgado de Garda, polo incumplimento da normativa vixente, na entrada do gaseiro GNL “Ibérica Knutsen” na Ría de Ferrol, ocorrido o día de onte.

Dito gaseiro ten unha capacidade de 173.000 m3, sendo o máximo permitido 140.000 m3, segundo establece a cláusula 2ª da Resolución da Dirección Xeral de Política Enerxética e Minas, de 13 de febreiro de 2004, pola que se aprobou o proxecto de execución das instalaciones da Planta de Recepción, Almacenamento e Regasificación de GNL, presentada por Reganosa..

O CCE considera que a entrada deste buque supuxo un grave risco para a cidadanía do entorno da Ría, e un incumplimiento flagrante e doloso da autorización de construcción e que a tolerancia delo pode acarrear responsabilidades personais para os organismos de control.

Preveendo estas circunstancias, o CCE, como xa fixemos público, cursou escrito ao Ministerio de Industria, o pasado día 14, solicitando a adopción das medidas oportunas para impedir a entrada na ría de dito buque.

A denuncia foi presentada contra as seguintes persoas e entidades:

- Capitán do buque “Ibérica Knutsen”.

- Dirección General de Política Energética y Minas.

- Autoridade Portuaria de Ferrol – San Cibrao.

- Promotores de la Planta de Gas de Reganosa.


¡ PLANTA DE GAS FORA DA RÍA ¡

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org



Enviado por:

Comité Cidadán de Emerxencia

-comitecidadan@gmail.com-

16 de janeiro de 2010 21:07

____________________

O Comité Cidadán de Emerxencia, voltou de novo a concentrar-se para denunciar e protestar pola entrada na Ría do buque gaseiro "Iberica knutsen", cargado con GNL-LNG para Reganosa

[Para entrar na Galería clicar acima da imaxe]

O Comité Cidadán de Emerxencia para a Ría de Ferrol, voltou de novo a concentrar-se para denunciar e protestar pola entrada na Ría do buque gaseiro "Iberica knutsen", cargado con GNL-LNG para Reganosa. Foi o primeiro buque gaseiro do ano e o 59 desde que entrara o Galicia Spirit en Maio de 2007.

Na concentración denunciou-se, unha vez máis, as irregularidades da chegada deste buque, non só polo arriscado de entrar co temporal que había, senon por superar en moito a capacidade permitida para este tipo de buques na normativa do Porto, para que estes podan entrar na Ría, sendo ao do buque de 173.000 m³, e a permitida de 140.000 m3. Mais isto non é novo xa ten pasado outras veces sen que as autoridades tomen medidas, para impedir esta situación de alto risco. Deste xeito Reganosa, coa complicidade da administración, ven a aumentar o perigo potencial que xa de por si ten a presencia da planta regasificadora construida irresponsabelmente en Punta Promontorio, no concello de Mugardos. Os contínuos incumprimentos da normativa establecida incrementan a situación de risco e perigosidade a que constantemente está sometida a población de Ferrol e comarca.

Tamén se anunciou a presentación dunha ampliación da denuncia presentada ante a Comisión de Peticións do Parlamento Europeo que vai tratar a nosa Petición 1322/2007 na Reunión Plenaria da Comisión de Peticións dos vindeiros 27 e 28 de Xaneiro de 2010 que por certo non fora arquivada como así espallaron a todos os ventos os medios e axencias convencionais, sen dementi-lo con posterioridade.

Por outra banda solicitou-se apopio económico ante o pago do peritaxe [4.000 €] que obrigou a facer un dos tribunais de Madrid que leva un dos contenciosos que seguimos mantendo contra Reganosa, no aspecto da seguridade dos buques e a imposibilidade destes de saír a alta mar polos seus propios medios, e en calquer momento, en caso de emerxencia.


Fonte da galería Fotográfica:
http://picasaweb.google.es/reganosa.ferrol

Enlace coa Galería Fotográfica para poder baixar as Fotos

______________________

O Comité Cidadán de Emerxencia, necesita apoio económico, para que poida desenvolver a súa actividade
NOVA CONTA DO COMITÉ CIDADÁN DE EMERXENCIA
Para axudas económicas pode-se ingrear na seguinte conta corrente do Banco Santander:
Luz Marina Torrente e outros
Para ingresar desde unha oficina bancaria desde dentro do Estado:
00493315772894017995
Para ingresar desde unha oficina bancaria desde fóra do Estado:
ES 71 00493315772894017995

Comité Cidadán de Emerxencia para a Ría de Ferrol

comitecidadan@gmail.com
http://comitecidadan.org

_____________________________

Galería fotográfica da entrada na Ría de Ferrol do "Iberica knutsen"

[Clicar acima da imaxe para entrar na Galería de Diapositivos]

Fonte: http://picasaweb.google.es/reganosa.ferrol

Enlace coa Galería fotográfica para baixar as fotos


Enviado por:

suso

-susopazos@yahoo.es-

15 de janeiro de 2010 18:05

______________________________

Enlace relacionado:

Colectivo Ártabra 21: Un novo gaseiro coa súa perigosa carga ten pensado entrar na Ría de Ferrol, este Venres 15 de Xaneiro de 2010: O Comité Cidadán convoca unha acción de protesta e denuncia
___________________________________

Un novo gaseiro coa súa perigosa carga ten pensado entrar na Ría de Ferrol, este Venres 15 de Xaneiro de 2010: O Comité Cidadán convoca unha acción de protesta e denuncia

Ante o anuncio de que un novo gaseiro coa súa perigosa carga, para Reganosa, ten pensado entrar na Ría de Ferrol, este Venres 15 de Xaneiro de 2010, o Comité Cidadán convoca unha acción de protesta e denuncia, para o mesmo día ás 7 da tarde diante do Edificio Administrativo da Xunta de Galicia, na Praza Amada García de Ferrol. Unha concentración sonora ante o que ven ser o buque metanero número 1 do ano 2010 e o 59 desde que entrara o Galicia Spirit en Maio de 2007.

Unha vez máis Reganosa, coa complicidade das autoridades locais, autonómicas e centrais, veñen a aumentar o perigo potencial que xa de por si ten a presencia da planta regasificadora, instalada irresponsabelmente no corazón da nosa Ría.

Características do buque: Nome.- Iberica Knutsen, Bandeira .- Noruega, Eslora.- 277 m, Manga.- 43.40 m, Calado Máximo.- 12.10 m, Puntal.- 26 m, Capacidade.- 173.000 m³ (1)

(1) A capacidade máxima autorizada, pola legislación vixente, para a entrada na nosa Ría deste tipo de buques é de 140.000 m3.

Os contínuos incumplimentos da normativa establecida incrementan a situación de risco e perigosidade a que constantemente está sometida a población de Ferrol e comarca.

O movimento social que se opon a Reganosa, coa forza moral que lle dan os seus argumentos, vai seguer loitanto contra o despropósito gasístico, porque  é perigoso, irracional e corrupto.

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

_________________________

Enlaces con historia:

• Colectivo Ártabra 21: Água das fontes calai, ó ribeiras chorai, que eu não volto a cantar
  
• Colectivo Ártabra 21: De novo abortado o intento de entrar na Ría do buque gaseiro Galicia Spirit, con destino á Planta Regasificadora de REGANOSA en Mugardos [08.05.2007]
  
• Colectivo Ártabra 21: O Comité de Emerxencia da Ría de Ferrol, está alerta polo anuncio dunha eminente entrada dun buque gaseiro cargado de GNL na Ría de Ferrol
  
• Colectivo Ártabra 21: Abortado o intento do buque GNL, de entrada na Ría de Ferrol [07.05.2007]
  
• Colectivo Ártabra 21: Fotografías do bloqueo ao Galicia Spirit na Ría de Ferrol, cando pretendia entrar con GNL para REGANOSA

__________________

Unha regasificadora innecesaria: José Bogas, Director Xeral de Endesa, falou das dificultades que está pasando Reganosa, cunha caída de produción catro veces superior á da media do Estado

Onte pola noite a axencia europa press, publicaba unha nova referente a unha entrevista que concedeu o Director Xeral do negocio eléctrico do grupo Endesa para España e Portugal, José Bogas Gálvez, na súa visita ao complexo enerxético d'As Pontes, reconoceu que se prevé "unha redución importante" na produción enerxética de carbón e dos ciclos combinados da empresa durante este ano 2010, así como tamén as dificultades que está pasando Reganosa, onde un recente informe da Comisión Nacional da Enerxía advertiu da baixa utilización da regasificadora de Mugardos, cunha caída de produción catro veces superior á da media do Estado.

A continuación transcribimos a noticia, pola súa importancia na loita social contra a planta de gas instalada por Reganosa no corazón da nosa Ría. Esta noticia avala o noso argumentario, aprofundando no fundamento e razonamento de que a planta regasificadora, está moi lonxe de ser estrátéxica para Galiza, senon que nen tan sequera era necesaria.

[Para ampliar clicar acima da foto]

Economía/Enerxía
Endesa prevé unha "redución importante" na produción enerxética debido á crise económica

FERROL, 13 Xaneiro 2010. (EUROPA PRESS) -

O director xeral de Endesa para España e Portugal, José Bogas, prevé "unha redución importante" na produción enerxética de carbón e dos ciclos combinados da empresa durante este ano 2010, cunha diminución importante con respecto a 2008, derivada da actual crise económica e do descenso na demanda.

José Bogas, que visitou hoxe a central eléctrica das Pontes, explicou que, como consecuencia da crise financeira, en 2009 xa se produciu unha importantísima caída na demanda. Fronte ao crecemento que se rexistrou en España nos últimos anos do 4,5 por cento, en 2008 a subida foi inferior ao 1 por cento e en 2009 xa rexistrou valores negativos, cunha baixada do 4,05 por cento.

Neste sentido, augurou que non será ata o ano 2013 cando se recuperen valores de demanda similares ao ano 2008. O incremento da produción con enerxías renovables, xunto coa caída da demanda e o aumento na capacidade tras a construción de ciclos combinados provocaron, segundo manifestou Bogas, que "exista unha sobrecapacidad e que as producións sexan moi inferiores ás inicialmente esperadas".

Con todo, precisou que esta situación non suporá cambios nas previsións empresariais para As Pontes, na que se transformou a central térmica para que "teña unha vida de 15 a 20 anos" e construíronse ciclos combinados para outras dúas décadas. "Por conseguinte, aínda que con menos utilización, temos vocación de permanencia", concluíu.

José Bogas respondeu deste xeito ás preguntas formuladas sobre as previsións de produción da empresa e tamén de Reganosa. Un recente informe da Comisión Nacional da Enerxía advertiu da baixa utilización da planta de gas de Reganosa, na ría de Ferrol. O documento elaborado a finais de 2009 reflexa unha caída de produción da planta de gas catro veces superior á da media do país.

Fonte: http://www.europapress.es/
______________________________

Enlaces relacionados:

• Por unha información veraz
  
  
• Fundamentos e razóns que invalidan técnica e legalmente o asentamento da planta de Gas Natural Licuado (GNL) que REGANOSA ten en Mugardos
  
  
• "Ladran, porque cabalgamos Sancho"
  
  
• Entrou pola mañá o "Hispania Spirit" na Ría de Ferrol, cargado con GNL-LNG para Reganosa e o Comité Cidadán realizou unha acción de denuncia e protesta
  
  
• A perla da Ría era falsa
  
  
• As contas non lle saen á planta de gas da ría de Ferrol

___________________________

Por unha información veraz

Este Comité Cidadán de Emerxencia para a Ría de Ferrol, denuncia -unha vez máis- a falta de información veraz, en todo o relacionado cun complexo petroquímico tan perigoso como é Reganosa [perigo que incrementa a súa situación á beira de Forestal del Atlántico], onde se investiu tanto diñeiro público e que nos segue custando aínda moitos millóns de euros anuais.

Onde se empobrece a Ría, onde se pon en perigo permanente a nosa vida e seguridade, a cidadanía temos dereito a que se nos informe, non á desinformación coa manipulación e constante ocultación do que non interesa que se saiba.

Esta análise, que agora facemos público, vén confirmar o que levamos dicindo, desde fai moito tempo, de que a planta regasificadora non é necesaria e que principalmente supón un proxecto económico especulativo, onde o negocio estivo nos pelotazos urbanísticos, os recheos ilegais e altamente contaminantes da Ría, nas recualificacións das parcelas, na propia construción da planta e porto, na capitalización com diñeiro público e das caixas de aforros e nos subsidios e favores das administracións europea, central e autonómica.

Informe do Comité Cidadán de Emerxencia

En relación coa noticia emitida por Europa Press o 30 de decembro pasado, recollida en varios medios de comunicación, afirmando que a regasificadora de Gas Natural Licuado (GNL) de Mugardos operaba case ao máximo da súa capacidade nominal, o Comité Cidadán de Emerxencia (CCE) vese na obrigación de desmentila por inexacta e denunciar de novo a intención de Reganosa de manipular os datos para confundir aos lectores e cidadáns da ría de Ferrol. Lonxe de lograr a produción nominal obxectivo da planta e tal como xa informamos anteriormente, a regasificadora de Mugardos está sendo cuestionada tanto polo regulador de enerxía CNE como polo xestor do sistema gasista español debido á súa baixa ocupación.

A información máis abaixo descrita é pública polo que o lector pode facilmente contrastala nos enlaces que se indican. Vexamos:

1. Os “picos” de regasificación de GNL son normais nesta época do ano. No entanto, estráñanos a intensidade de produción que citaban os medios na regasificadora de Mugardos, xa que, segundo o xestor do sistema, nesas datas (do día 14 ao 21) non estaba prevista unha eventualidade por “onda de frío” e na seguinte, de data 22 de decembro (nota de operación nº 24) a planta de Mugardos non estaba incluída na lista de regasificadoras de apoio para esta situación excepcional. (1)

2. Ademais esa “elevada actividade continuada” da planta durante eses días, de 71,7 GW.h/día de produción, supón un 56% da capacidade nominal da planta se temos en conta que esta capacidade é de 127 GW.h/día e non dos 115 GW.h/día citados pola axencia. (2)

3. A regasificación de gas na planta de Mugardos diminuíu no ano 2.009 un 26,6% respecto ao ano anterior, cando no mesmo período a demanda de gas natural en España reduciuse soamente un 10,5%, o que significa unha perda clara de mercado. Por esta razón, a CNE “considera que se deberían analizar as causas desta baixa utilización, para saber en que medida éstas son consecuencia da evolución da demanda rexistrada nos últimos meses, e xa que logo respondería a unha situación temporal, ou resulta máis ben dun problema estrutural de demanda en devandita planta”. (3)

4. A baixa utilización da planta de Mugardos dá como resultado unha achega de GNL na Planta regasificadora insuficiente para atender a produción diaria mínima que garanta o necesario fluxo de GNL no relicuador que evite a emisión de metano á atmosfera. Para solucionar este desequilibrio foi necesaria a descarga na Planta de cantidades adicionais de GNL, mediante o desvío dun buque metanero de 125.000 m3 de GNL a Mugardos contratado inicialmente por outra regasificadora. (4)

5. O número de gaseiros que descargaron GNL na planta de Mugardos, durante o ano 2.009, foi de 21, un 60% menos dos gaseiros programados. Por esta razón a CNE propón no seu informe 34/2009 do 17 de decembro de 2.009, “….a peaxe de descarga de buques aumenta na proposta de Orde entre un 10% e un 12% en todas as plantas do sistema, excepto a planta de Mugardos, que pasa a ter un prezo igual a cero, con obxecto de corrixir o escaso grao de utilización dadevandita planta". (3)

6. Tal como dixemos en comunicados anteriores durante os meses de setembro, outubro e novembro do pasado ano, o ratio de utilización da planta de Mugardos foi dun 30% da súa capacidade nominal (non se coñece o dato de decembro). (5)

7. Denunciamos tamén o feito de que o xestor gasista, Enagás, mantén pechada a conexión internacional situada en Tuy desde a inauguración da regasificadora de Mugardos, abril de 2.007, o que impediu a Galicia recibir gas por gasoduto directamente desde Alxeria, vía Portugal, ofrecendo unha clara situación de privilexio á planta de Mugardos e ademais co consecuente incremento de custo para os consumidores. (5)

Os compromisos dos promotores da Planta de gas de Mugardos, en canto á capacidade de regasificación, están moi lonxe de cumprirse tal como expuxemos máis arriba neste comunicado. O futuro desta planta augura unha situación aínda máis difícil debido ás seguintes circunstancias:

a. Durante o ano 2.009 as exportacións a Francia por Larrau multiplícanse por 4,4 e en Irún por 7,1 con respecto ao 2.008. Cara a Portugal foi de 11,9 veces a través de Badaxoz. Con todo, na nova proposta da Orde Ministerial que substitúe á actual ITC/1724/2009 elimínase a posibilidade de realizar exportacións con punto de entrada de GNL por Mugardos cara a gasodutos con saída por Portugal, Larrau ou Irún. Ver páxina 9 da referencia (3)

b. Dos cincuenta e oito gaseros que recibíu a regasificadora de Mugardos desde a súa inauguración unha ducia tivo que demorar a súa entrada á Planta, nalgún caso ata dous días, debido ás condicións meteorolóxicas existentes polo que a súa navegación, nestas condicións, podería supor riscos para o buque, a carga e veciñanza da zona.

c. O transporte do GNL mediante gaseiros está cara a buques de mellor tecnoloxía e de maior capacidade de carga como os tipo Q-flex e os Q-max (ata 267.000 m3), o que implica unha redución considerable dos riscos de accidentes e de custos de transporte do GNL. Tal como informamos anteriormente a regasificadora de Mugardos non pode recibilos xa que o seu calado impide a súa navegación pola canle de acceso á ría de Ferrol.

d. A baixa produción da regasificadora de Mugardos débese aos incumprimentos das condicións da APROBACIÓN da súa construción, principalmente pola case nula operación das plantas de Ciclo Combinado, á inexistencia dos complexos químicos anunciados polo grupo Tojeiro e a que Galicia non sofre fortes condicións climatolóxicas (frío no inverno e calor no verán). Ademais, e segundo a noticia recollida en La Voz, de data 26 de novembro pasado, Gas Natural, a empresa catalá que acaba de completar a adquisición de Unión Fenosa, apostará no futuro por achegar a produción eléctrica aos centros de consumo, en detrimento de os grandes territorios xeradores de enerxía, entre os cales no sistema peninsular destaca Galicia, polo que a actividade das Centrais de Ciclos Combinados situadas na nosa comunidade pode verse reducida aínda máis. (6)

e. Para o colmo, outra contrariedade vaille a xurdir á regasificadora de Mugardos, xa que o novo gasoduto Medgaz tendido entre Orán (Alxeria) e Almería está a piques de comezar a fornecer gas natural cunha capacidade de 8.000 Mill. m3/ano. Segundo nota de prensa da CNE do 22 de decembro “... en canto á diversificación, o gas procederá de, polo menos, oito orixes distintas, sendo Alxeria o principal país aprovisionador. Este país, coa entrada en funcionamento de Medgaz, chegará a aprovisionar en torno ao 40% do mercado español”. (7)

- Enlaces de onde se extraeu a información:

1. http://www.enagas.es/cs/Satellite?blobcol=urldata&blobheader=application%2Fpdf&blobkey=id&blobtable=MungoBlobs&blobwhere=1146250303539&ssbinary=true
2. http://www.europapress.es/galicia/noticia-reganosa-senala-actividad-acerca-limite-maximo-atender-demanda-causada-frio-20091230193718.html
3. http://www.cne.es/cne/doc/publicaciones/cne155_09.pdf
4. http://www.enagas.es/cs/Satellite?blobcol=urldata&blobheader=application%2Fpdf&blobkey=id&blobtable=MungoBlobs&blobwhere=1146250194815&ssbinary=true
5. http://www.enagas.es/cs/Satellite?cid=1146233000618&language=es&pagename=ENAGAS%2FPage%2FENAG_listadoComboDoble
6. http://www.lavozdegalicia.es/dinero/2009/11/26/0003_8132279.htm
7. http://www.cne.es/cne/doc/prensa/np_22122009.pdf

¡¡ Planta de Gas fóra da Ría !!

--
Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Enviado por:
Comité Cidadán de Emerxencia
-comitecidadan@gmail.com-
7 de janeiro de 2010 13:27
Para: comitecidadan@gmail.com
____________________

Enlaces relacionados:

• Colectivo Ártabra 21: "Ladran, porque cabalgamos Sancho"
• Colectivo Ártabra 21: Entrou pola mañá o "Hispania Spirit" na Ría de Ferrol, cargado con GNL-LNG para Reganosa e o Comité Cidadán realizou unha acción de denuncia e protesta
  
• Colectivo Ártabra 21: A perla da Ría era falsa

_____________________________

O Comité Cidadán de Emerxencia, necesita apoio económico, para que poida desenvolver a súa actividade:

NOVA CONTA DO COMITÉ CIDADÁN DE EMERXENCIA

Para axudas económicas pode-se ingrear na seguinte conta corrente do Banco Santander:

Luz Marina Torrente e outros

• Para ingresar desde unha oficina bancaria desde dentro do Estado:
  00493315772894017995
  
• Para ingresar desde unha oficina bancaria desde fóra do Estado:
  ES 71 00493315772894017995

__________________________________