Amosando publicacións coa etiqueta Rana Plaza. Amosar todas as publicacións
Amosando publicacións coa etiqueta Rana Plaza. Amosar todas as publicacións

luns, abril 24, 2017

Rana Plaza está por todas partes - 24 de Abril, desmantelar o poder das corporación na vida das mulleres - Marcha Mundial das Mulleres, convoca Acción en Vigo


O 24 de abril lembramos a masacre ocorrida en Rana Plaza, Bangladesh, onde máis de 1000 mulleres, resultaron feridas e mortas no 2013, por causa do derrube do edificio no que traballaban en condicións infrahumanas e por un salario inmoral. Nós, activistas da Marcha Mundial das Mulleres, xuntas, en solidariedade, elevamos as nosas voces para denunciar o lucro do capitalismo por medio da expropiación e a explotación do traballo produtivo que este está empregando de diversas maneiras, en todos os recunchos do mundo e na nosa vida diaria.


O capitalismo reestrutúrase permanentemente e utiliza os mesmos mecanismos violentos de acaparamento presentes dende a súa orixe: apropiación das terras e da natureza, explotación laboral, control dos corpos das mulleres, violencia e poder militar. Isto significa que este sistema, nas súas diversas manifestacións, está directamente relacionado co neo- colonialismo e o patriarcado.

As compañías organizan a súa produción e toda a cadea de valores de maneira diseminada ao redor do mundo e teñen como obxectivo os países do Sur considerados como “paraísos fiscais” con man de obra barata. Con todo, a forza de traballo non debe ser máis barata a costa dos dereitos das e dos traballadores. Mulleres, en particular negras, asiáticas e /ou inmigrantes, inclusive dos países do Norte, sofren polas condicións precarias de traballo, realizan longas xornadas e reciben baixo salario.

Isto tamén se debe á usurpación das terras das comunidades, á transformación da agricultura familiar en agricultura para a exportación, á deforestación e a contaminación dos ríos polas devanditas actividades das multinacionais. Son as mulleres as que sofren a ausencia de recursos básicos como alimentos e auga necesarios para o sostén e o benestar das súas familias. Así, dependemos do mercado para poder comer sen que teñamos poder adquisitivo e temos que percorrer longas distancias para abastecernos de auga. A clase traballadora de inmigrantes urbanos – na súa maioría composta por homes - que xorde da presenza destas compañías nas comunidades, favorece á súa vez a prostitución, os matrimonios precoces, é dicir o sexo multinacional, para liquidar as dificultades financeiras vividas polas mulleres e as súas comunidades.

Así mesmo, a industria alimentaria que apoia os alimentos xeneticamente modificados (OXM) instalouse plenamente nos nosos mercados. Nesta industria, a aparencia estética dos alimentos é máis importante que a súa calidade nutricional, o que significa que a nosa saúde e benestar se vexan gravemente comprometidos. A industria da moda e da tecnoloxía, pormedio da manipulación mediática para garantir un consumo acelerado, crea necesidades superfluas e convéncenos de que tal consumo nos concede un status elevado, levándonos a un modo de culto polo noso amor propio.

Rexeitamos esta falsa idea que pretende que a feminidade se mide pola cantidade e o prezo do que compramos.

Este contexto, que afecta cada día ás Mulleres de distintas formas, é consecuencia do que se chama “libre intercambio”, que non é ningunha novidade e que ademais non ten nada de libre. Os acordos de libre intercambio (ALC) son instrumentos que establecen normas moi ríxidas formuladas a través dun proceso extremadamente antidemocrático, cuxo obxectivo é que tales normas sexan irreversibles para que as empresas multinacionais poidan ampliar o seu poder sobre as nosas vidas, controlar as políticas dos estados e a explotación da forza de traballo das mulleres. Con estes tratados de libre comercio (ALC), as sociedades tenden a apropiarse cada vez máis dos coñecementos ancestrais dos nosos pobos. Queren patentar a vida, as sementes, o coñecemento e posuír o monopolio das patentes o maior tempo posible. Exemplos disto son o Acordo Tras Pacífico (TPP), o Tras-Atlántico (TTIP) e o Acordo sobre comercios e servizos (TISA). Nós as Mulleres, loitamos contra os TLC xa que estes acordos son máis que simples regulamentacións do comercio entre países, son estratexias de dominación das persoas. Tales acordos amplían o alcance do mercado, aumentan as desigualdades entre os países e os pobos e son unha ameaza para a sustentabilidade da vida, contribúen ao aumento do efecto invernadoiro e repercuten na preservación da vida, a natureza e a súa diversidade terrestre e mariña. Representan un interese desmesurado de conquistar e explorar lugares como a lúa e outros planetas. As multinacionais ademais contan coa impunidade: contaminan a natureza, violan os dereitos humanos, os nosos corpos e non son castigados. Cambian os seus nomes, as súas marcas e os seus lugares de produción para aumentar as súas ganancias.

Ao opoñernos ao libre comercio, cuestionamos tamén un modelo de desenvolvemento que asocia o machismo e o racismo no mercado capitalista e beneficia unicamente a unha pequena élite. Así, denunciamos as estratexias do avance permanente do capital sobre os territorios e a biodiversidade dos países do sur e a mercantilización da vida.

Nós, mulleres da MMM, reafirmamos a data do 24 de abril como data de Resistencia e de loita contra o poder e a impunidade dos TNC e contra todas as formas de explotación capitalista neoliberal. Convidamos ás nosas activistas e ás súas aliadas para unirnos ao redor desta reflexión/acción sobre o seu contexto específico incorporando as súas loitas locais neste debate máis amplo. O noso cuestionamento está na base das alternativas que construímos ao redor da soberanía alimentaria, a agro-ecoloxía e a economía solidaria dende onde defendemos o traballo como un espazo para a liberdade das persoas que son produtoras e das que son consumidoras.

A nosa acción refórzanos e estimula as loitas e resistencias na nosa diversidade como mulleres que somos e representamos a nivel local e internacional.

---

Na Galiza a Marcha Mundial das Mulleres convoca Acción en Vigo


Este 24 de Abril, recordamos a masacre de Rana Plaza en Bangladesh onde no ano 2013, resultaron feridas e mortas máis de 1000 mulleres ao se derrubar o edificio onde amoreadas, en condiciones inhumanas e a cambio dun salario inmoral, traballaban para marcas occidentais tales coma Benetton, The Children's Place, DressBarn, Mango, Monsoon e Primark, así como para empresas de distribución coma El Corte Inglés.

Na industria textil hai miles de Rana Plaza. As empresas priman cada vez máis o beneficio ilimitado a costa dos dereitos humáns. Na Galiza, Inditex é un claro exemplo, que deslocaliza empresas en territorio galego para establecelas en países nos que exerce a explotación e expolio d@s traballador@s sen prácticamente barreiras.

A cobiza que se impón como lema deste sistema capitalista, non pode ser a norma que dirixa o mundo. A Marcha Mundial das Mulleres rebélase contra este mercado inmoral e criminal e para iso convócate a participar nunha acción de denuncia na rúa.


Rana Plaza está por todas partes

ACCIÓN DE DENUNCIA

Lugar:  R/ Eduardo Iglesias (Vigo)

Día: 24 de abril ás 19:30h

Agardamos contar contigo e ser moitas as voces que se escoiten na rúa en contra desta barbarie! Se queres participar, avísanos no correo mmmvigo@gmail.com para poder organizar o material preciso e coordinarnos.

Desmantelando o Poder das Corporacións Económicas e Finaceiras Transnacionais:

http://www.stopcorporateimpunity.org/?lang=es

---

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza


Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.
____________

domingo, abril 26, 2015

A Marcha Mundial das Mulleres marcou a ruta da explotación nas rúas de Ferrol - Moi interesantes Vídeos e Enlaces


Co aniversario do brutal accidente en Rana Plaza de fondo, a poucos días da celebración internacional do 1º de maio, a Marcha Mundial das Mulleres marcou a ruta da explotación e das empresas do sector téxtil relacionadas coa traxedia na nosa cidade. Un chamado á reflexión e á responsabilidade por parte desta rede feminista internacional, que convocou actos en todo o planeta, e que na nosa localidade tivo, como non podía ser doutro xeito, a súa expresión a través dun acto intenso e reivindicativo, a pesares da choiva.

Máis información na conta de facebook galega:
https://www.facebook.com/marchamundialmulleres.galiza


https://youtu.be/Uy-3wmmlP6U


https://youtu.be/LS-6X0azi-o


https://youtu.be/M2rngWpqLt0


https://youtu.be/X3Xru8bwydw


https://youtu.be/8RAqSRZD1_E


https://youtu.be/zXR3NJsxXsM


https://youtu.be/71mG57i8xLU

--
"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.
---
Enlaces relacionados en Ártabra 21: A traxedia do "Rana Plaza" no buscador libre DuckDuckGo.
_______________

luns, abril 20, 2015

Roteiro da Explotación: "Rana Plaza esta en todas partes", organizado pola Marcha Mundial das Mulleres, para o venres 24 de Abril, desde as 7 da tarde


"O homicidio industrial masivo ocorreu ás 9 da mañá do 24 de abril. No edificio derrubado, construído ilegalmente, había cinco fábricas de roupa con 2.500 traballadoras. Esas cinco fábricas son Ether Tex, New Wave Bottoms, New Wave Style, Phantom Apparels e Phantom-TAC. Crese que esas fábricas produciron para varias marcas occidentais coñecidas, como Mango, Primark, C&A, KIK, Wal-Mart, Children?s Place, Cato Fashions, Benetton, Matalan e Bon Marchei.

O 23 de abril, o día anterior ao afundimento, apareceron grandes gretas estructurales nos alicerces que soportaban o "Rana Plaza", pero o propietario do edificio Sohel Rana e os donos das fábricas de roupa non fixeron caso ás autoridades locais que lles deron a orde de evacuar, mentres que as tres tendas e o banco que se atopaban na planta baixa atenderon a advertencia e evacuaron. Un obreiro da confección de Rana Plaza tiña que traballar tres días sen salario por cada xornada laboral perdida, razón pola cal os traballadores resistíanse a permanecer seguros na súa casa o 24 de abril
"

A Marcha Mundial das Mulleres de Ferrolterra organiza o Roteiro da Explotación baixo o lema "Rana Plaza esta en todas partes"

ROTEIRO DA EXPLOTACIÓN: "RANA PLAZA ESTÁ EN TODAS PARTES"

Data: Venres 24 de Abril de 2015.
Hora: Desde as 19:00hs (7 da Tarde).
Saída, Percorrido e remate: Desde a Praza do Concello de Ferrol, pasando pola Rúa Real até a Praza de Amboaxe.

Ao longo da Rúa Real hai unha mostra de todas estas firmas ás que denunciamos como provocadoras desta masacre en "Rana Plaza" e noutros moitos lugares do mundo.

Este 24 de Abril, recordamos a masacre de "Rana Plaza" en Bangladesh onde no ano 2013, morreron e quedaron feridas máis de 1.000 mulleres ao se derrubar o edificio onde amoreadas, en condiciones inhumanas e a cambio dun salario inmoral, traballaban para marcas occidentais tales coma Benetton, The Children's Place, DressBarn, Mango, Monsoon e Primark, así como para empresas de distribución coma El Corte Inglés.

E estas historias que nos poden parecer lonxanas, non escapan á realidade da industria textil galega; onde observamos como grandes firmas como INDITEX, deciden deslocalizar a produción de roupa en Galiza provocando graves condicións de explotacións noutras partes do mundo e numerosas perdas de emprego no país.

Nós, militantes da Marcha Mundial das Mulleres, unidas en solidariedade, estamos xuntas para denunciar a cobiza capitalista e o patriarcado que explotan e expropian os corpos das mulleres e o seu traballo produtivo.


--

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Información baseada na enviada por:
Marcha Mundial Ferrolterra
-mmmferrolterra@gmail.com-
20 de abril de 2015 11:19
________

Enlace relacionado en Ártabra 21:
O desastre de Rana Plaza - Bangladesh: duras críticas ás marcas de roupa pola súa desapiadada indiferenza - 397 persoas mortas confirmadas.

A traxedia do "Rana Plaza" no buscador libre DuckDuckGo.
_______________