A Plataforma no Pleno do 25 de agosto onde se pretendian aprobar 6 anos das contas irregulares de Emafesa e eximir a Emafesa da súa respondabilidade polo incumprimento das súas obrigas respecto ao saneamento do rural - O Pleno visto polos medios locais

Intervención de Lupe Ces no nome da Plataforma na Defensa dos Servizos Públicos, pola Remunicipalización, no Pleno Municipal do Concello de Ferrol

Sr Alcalde, concelleiras e concelleiros:

O goberno municipal trae a pleno a aprobación das contas de EMAFESA dos anos 2016, 2017, 2018, 2019, 2020 e 2021, sen explicar por que non se tiñan aprobado, e que foi o que cambiou para que agora haxa que aprobalas. Cando a propia auditoría que acompaña esas contas di que non se realizaron as Xuntas de Accionistas correspondentes para aprobalas e a Interventora xeral do Concello, anima á aprobación das mesmas dicindo aos concelleiros e concelleiras que “non xera ningún tipo de responsabilidade, e que tampouco significa estar de acordo coa xestión da empresa”, como se as cantidades e partidas reflectidas nas mesmas, non responderan a actuacións concretas tantas veces denunciadas neste pleno por, cando menos, irregulares. Isto ben reflectir, non só unha mala xestión dos diferentes gobernos municipais, senón que tamén toda unha mala xestión da parte privada Socamex que controla Emafesa, sen apenas fiscalización. Parte privada que impón ao Concello de Ferrol un xerente, Alejandro Pisa Jaraba, que amosa incompetencia na xestión de Emafesa, e ao noso entender só responde aos intereses de Socamex, sen importarlle a calidade do servizo, nin os intereses da veciñanza de Ferrol.

Tamén leva a aprobación unha Addenda 1ª ao Protocolo de Execución Concertada entre o Concello de Ferrol e EMAFESA para a xestión, explotación, mantemento e conservación do sistema de saneamento e depuración. Proposta acompañada por un informe de motivación asinado polo alcalde Ángel Mato, e o xerente de EMAFESA, Alejandro Pisa. Un informe que intenta xustificar a mala xestión da empresa, ao abeiro das distintas sentencias xudiciais que lle foron favorábeis ao longo destes anos, e que chega ao delirio cando asegura que o saneamento da zona rural non se puido realizar pola suspensión da taxa ou os problemas derivados da pandemia, cando este compromiso estaba recollido no Protocolo de Execución Concertada desde o ano 2014, ou como se EMAFESA non facturara mais de 7 millóns 129 mil euros cobrando unha taxa, á veciñanza, cando non se prestaba o servizo, polo tanto tampouco se realizou o gasto previsto. Agora pretenden eximir a EMAFESA e aos tres gobernos municipais de non ter acometido o saneamento do rural. Coa aprobación desta addenda pretenden fuxir de calquera responsabilidade e condicionar a súa aprobación coa execución do saneamento do rural, que tamén vai estar xestionado por EMAFESA. Temos que dicir á veciñanza do rural, que este goberno vai poñer ao raposo a coidar do galiñeiro do saneamento no rural, e aí nos van ter á Plataforma para apoiar, denunciar e mobilizar, pero hoxe non podemos máis que mostrar o noso desacordo con esta addenda e con esta aprobación de contas.

Neste informe, o Sr Mato e o Sr Pisa, botan balóns fora, que se Narón porque non acepta a cantidade do que se lle pide, que se a suspensión da taxa, que se o COVID19... todo menos asumir que houbo e hai unha mala xestión por parte de EMAFESA e os distintos gobernos municipais que manteñen abertas moitas vías por onde se desangra unha e outra vez a esta cidade. E non falamos só da xestión da depuración, tamén falamos dos contadores, das facturación de caño libre, das lecturas estimadas irregulares e avultadas, da non retirada de tramos de tubaxe de fibrocemento, da non retirada dos emisarios sumarinos como o que emerxe na praia de Caranza, do impago do Canon Concesionario ao Concello, do cobro por duplicado de parte da xestión da rede de saneamento que agora xestiona Acuaes e Viaqua, de financiar-se co diñeiro que se lle cobra ás veciñas e veciños pola recollida e transporte do lixo e do Canon da Auga, ...

Vémonos na obriga de vir de novo ante este pleno para asegurar que este intento de legalizar e branquear a mala xestión de EMAFESA e o mal goberno de Rey Varela, Jorge Suárez e Ángel Mato, non queda sen  oposición por parte da veciñanza que levamos anos intentando defendermo-nos de todos estes abusos, aos que haberá que somar, tal e como informa a Interventora Xeral no seu “Informe de control financeiro”, o aumento exponencial dos custes eléctricos do sistema que superaron para o ano 2021 o millón de euros. As perdas deste exercicio de 2021, pretende a empresa, como así o expón no informe de xestión, que sexan compensadas mediante subvención ou o mesmo canon concesional. Un sistema de saneamento insostíbel, e a mala xestión outra vez a costa da veciñanza de Ferrol. Un canon concesional que debera ser usado para a mellora do sistema ou para abaratar o servizo e investir en eficiencia enerxética, até agora usado para financiar á empresa mediante a falta de pago do mesmo, e agora xa abertamente se solicita o seu uso para tapar a mala xestión.

A outra grande desculpa en canto á situación das contas de EMAFESA, o conflito veciño concello de Narón, volve a situarnos nunha situación produto do electoralismo e da incompetencia dos gobernos desta cidade, que non admitiron a posibilidade de colaboración e unha xestión conxunta do que é unha infraestructura supramunicipal, por máis que estea localizada na sua maior parte en territorio do Concello de Ferrol. EMAFESA non pode admitila polo que implica de control e rendición de contas a outras instancias que non sexan gobernos ben atados a través dos seus representantes nos consellos de administración.

Queremos que a depuradora volva a mans de Augas de Galicia, mentres non haxa unha xestión mancomunada; queremos a apertura dun expediente administrativo a EMAFESA; queremos unha auditoria integral, tantas veces anunciada; queremos a apertura dunha oficina municipal para recoller directamente as queixas da cidadanía polo mal servizo, abusos e incumprimentos; queremos a recuperación da xestión 100% pública destes servizos básicos.

 Sabemos que hoxe se pretende pechar a posibilidade de que todo iso aconteza, mais esta Plataforma vai seguir pelexando, porque como di a frase que se atribúe a Abraham Lincoln, “Podes enganar a todo o mundo algún tempo. Podes enganar a algúns todo o tempo. Pero non podes enganar a todo o mundo todo o tempo”.

Aproveitamos tamén para amosar a nosa solidariedade cos traballadores de parques e xardín, dicindo que hai servizos públicos que hai que remunicipalizar de maneira urxente.

Ferrol, a 25 de agosto, de 2022


O Pleno nos Médios:

💧 La Voz de Galicia. | O pleno de Ferrol tomba as contas de Emafesa e apraza a votación do saneamento rural. | Rocío Pita Parada - Ferrol - La Voz - 25 ago 2022 . Actualizado ás 23:15 h. | O goberno retirou o punto da orde do día para evitar que fose rexeitado. | O alcalde, Ángel Mato, aceptou retirar o punto. Pero antes tivo que escoitar á representante da Plataforma pola Remunicipalización, Lupe Ces, que o advertiu de que «vai poñer ao raposo a coidar do galiñeiro do saneamento no rural», en alusión ao socio privado de Emafesa, Socamex. | Ir á Web.

💧 Diario de Ferrol. | El pleno rechaza las cuentas de Emafesa y el rural debe postergar el saneamiento. |   Redacción 26 de agosto de 2022, 00:03 | La gestión de la empresa mixta de aguas –Emafesa–, las cuentas, el saneamiento o los cobros a ciudadanos y Concellos vecinos volvieron a centrar un pleno que, pese a celebrarse en el mes de agosto, fue tan o más denso que los de los meses más laborables por execelencia. | Como en todo debate relativo a la gestión del servicio del agua, la Plataforma pola Remunicpalización, con Lupe Ces como representante, intervino en el pleno reclamando una auditoría integral, una oficina para recoger demandas cidadanas, una gestión 100% pública del servicio, la apertura de un expediente administrativo a Emafesa y que la depuradora vuelva a manos de Augas de Galicia, entre otras cuestiones. | Ir á Web.

💧 Enfoques. | El pleno de Ferrol aprueba reclamar a Narón 3,5 millones por el saneamiento. | PP y BNG rechazaron aprobar las cuentas de Emafesa de los ejercicios 2016, 2017, 2018, 2019, 2020 y 2021. |  Autor Redacción
25 agosto, 2022. | El pleno ordinario de Ferrol, correspondiente al mes de agosto y celebrado esta mañana, dio luz verde esta mañana a varios asuntos relacionados con el sistema de saneamiento de la ría. Uno de los puntos más importantes se retiró del orden del día. Se trata de la propuesta de aprobación de la adenda 1ª al Protocolo de Ejecución Concertada (PEC), de 2014, entre el Ayuntamiento de Ferrol y Emafesa para la gestión, explotación, mantenimiento y conservación del sistema de saneamiento y depuración, se retiró de la orden del día. | Ir á Web.

💧 Radio Cope. | La oposición “acorrala” al gobierno de Mato. | El PSOE no logró aprobar las cuentas de seis años de Emafesa, retiró del orden del día el proyecto para el saneamiento de la zona rural y pierde la votación de las zonas verdes. | Ir á Web.

💧 Ferrol 360. | PP y BNG tumban en el pleno de Ferrol las cuentas de Emafesa de los últimos seis años. | Viernes 26 agosto 2022 | 11:31 | Nuevo pleno tensionado este jueves en el Concello de Ferrol. Casi cinco horas de debate ―que puede visualizarse en este enlace de nuevo― en las que se ha abarcado la gestión de la empresa mixta de aguas Emafesa y una vez más el pliego al que están esperando los trabajadores de Parques y Jardines. Con instantes de nerviosismo y faltas de respecto, lo cierto es que ha sido nuevamente una sesión especialmente complicada para la edil de Servizos, Ana Lamas. | Tomó la palabra Lupe Ces como representante de la Plataforma pola Remunicipalización, acompañada de un nutrido grupo que sujetaba pancartas en las que se pedía que Emafesa fuera un servicio público al 100 %. El colectivo también solicitó una auditoria a las cuentas de la empresa mixta y la apertura de un expediente administrativo, además la apertura de una oficina que atienda a las demandas de la ciudadanía y que la depuradora vuelva a ser gestionada por Augas de Galicia, entre otras. | Ir á Web.


✅ Enlace ao Texto da intervención da Plataforma no Pleno | Acceder/Baixar.

✅ Vídeo da Intervención de Lupe Ces no Pleno. | Ir á Canle da Plataforma.

✅ Vídeo do Pleno que comeza no minuto 17. | Ir á Canle do Concello de Ferrol.

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN

Abonda de saqueo! Hai outras alternativas!
Pódese, débese e precísase!

remunicipalizacion.plataforma@gmail.com

https://plataformaferrol.blogspot.com

_______

Intervención da compañeira Lupe Ces, no Pleno celebrado o 25 de agosto, onde o Goberno Municipal quixo dar carpetazo á xestión do saneamento, sen que ninguén asuma responsabilidades e ocultar o mal goberno e a mala xestión en todo o referente ao sistema de saneamento e depuración - Vídeo da intervención e enlace ao texto - Enlace ao vídeo completo do Pleno

Intervención da compañeira Lupe Ces, portavoz da Plataforma, no Pleno Ordinario celebrado o 25 de agosto de 2022, onde o Goberno Municipal quixo aprobar, entre outros asuntos, tres de suma importancia, para deste xeito dar carpetazo á xestión do saneamento, sen que ninguén asuma responsabilidades e ocultar o mal goberno e a mala xestión en todo o referente ao sistema de saneamento e depuración que vimos padecendo, durante mais dunha década, confiando en que a veciñanza, nos esquezamos do mal que xestionaron todo este asunto, tanto os diferentes gobernos municipais, como Socamex que é a parte privada que leva o temón e controla a xestión da Empresa Mixta de Augas de Ferrol e como Augas de Galicia (que a responsábel é a Xunta de Galicia).

Chama a atención que coa aprobación da 1ª Addenda ao Protocolo de Execución Concertada queiran eximir a EMAFESA de toda responsabilidade por non ter investido nin un só euro no saneamento do rural, investimento ao que estaba comprometido desde xuño de 2014, fai xa oito anos.

Estes asuntos que se trataron no Pleno foron:

 ✔ En primeiro lugar o goberno municipal do alcalde Ángel Mato, leva ao Pleno a proposta de aprobación das contas de EMAFESA dos exercicios 2016, 2017, 2018, 2019, 2020 e 2021. | Este punto foi rexeitado polo Pleno, cos votos do PP e o BNG.

  ✔ En segundo lugar leva a proposta de aprobación da addenda 1ª ao Protocolo de Execución Concertada entre o Concello de Ferrol e EMAFESA para a xestión, explotación, mantemento e conservación do sistema de saneamento e depuración. | Este punto foi retirado polo Alcalde, a petición do PP para chegar a un acordo co goberno Municipal.

  ✔ E en terceiro lugar, a proposta de aprobación das reclamacións ao Concello de Narón por débedas contraídas co Concello de Ferrol, en concepto de saneamento. | Este punto foi aprobado polo Pleno, cos votos do PP e o PSOE.


✅ Enlace ao Texto da intervención da Plataforma no Pleno | Acceder/Baixar.

✅ Vídeo do Pleno que comeza no minuto 17. | Ir á Canle do Concello de Ferrol.

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!

remunicipalizacion.plataforma@gmail.com

https://plataformaferrol.blogspot.com

_______

Membros da Plataforma comezan a entregar os recursos contra a Providencia de Prema, co obxectivo de opoñer-se á mesma e que quede sen efecto o Requirimento de Pagamento dos recibos da taxa de depuración do período onde non se prestaba o servizo

Hoxe pola mañá, membros da Plataforma comezaron a entregar os recursos contra a Providencia de Prema, co obxectivo de opoñer-se á mesma e que quede sen efecto o Requirimento de Pagamento dos recibos da taxa de depuración do período onde non se prestaba o servizo.

A Plataforma, despois de celebradas as diferentes asembleas coa veciñanza, onde se acordou facilitar un modelo de recurso, para manifestar a oposición ao cobro dos recibos da taxa de depuración, correspondentes ao exercicio 2015, cando o Concello non prestaba o servizo.

O recurso vai dirixido á Tesourería Municipal, como órgano encargado do cobro pola vía executiva destes recibos. As veciñas e veciños formulan o recurso contra a Providencia de Prema e que quede sen efecto o Requirimento de Pagamento dos recibos en base ás seguintes alegacións:

Que son recibos correspondentes ao exercicio 2015, polo que o acto administrativo de reclamación da presunta débeda está prescrito, dado que a lexislación prevé que as débedas prescriben aos 4 anos e xa van case 7 anos desde que se xerou a mesma entre xaneiro e setembro de 2015.

Que a taxa de depuración das augas residuais que se pretende agora cobrar, corresponde a un período onde non se producía o feito impoñíbel que é a prestación do servizo, dado que as poucas augas residuais que chegaban non se depuraban e ademais que a grande maioría dos barrios estaban sen conectar ao sistema, pois as obras estaban sen rematar, nen entregar, e polo tanto o servizo de interceptación (colectores, rexistros, interceptores, tanques de tormenta e aliviadoiros) estaba sen contratar, feito que se produzo aínda, despois da licitación, o 28 de febreiro de 2017.

Que é un acto administrativo de discriminación, ao tratar de xeito diferente a persoas en situacións similares sen que exista unha xustificación obxectiva e razoábel, pois toda a actividade administrativa debe estar inspirada na igualdade de todos ante a lei, dado que a unha parte da veciñanza de Ferrol non se lle esixiu o pago, como tampouco á veciñanza de Narón, cando o sistema de depuración beneficia por igual a toda a poboación de Ferrol e de Narón, e este comezou a funcionar o 3 de abril de 2017.

A veciñanza solicita no citado Recurso a anulación da Providencia de Prema e que se deixe sen efecto o Requirimento de Pagamento, dando por prescrita a presunta débeda, ou no seu caso proceda-se á anulación da débeda por tratar-se dun cobro dunha taxa sen que se dera o feito impoñíbel e por ser un acto administrativo de discriminación, pois toda a actividade administrativa debe estar inspirada na igualdade de todos ante a lei. Nos tres casos por ser contrarios a dereito tal e como expoñen.

Relacionado:

✔ Recurso contra a Providencia de Prema, co obxectivo de opoñer-se ao acto administrativo sinalado e que quede sen efecto o Requirimento de Pagamento dos recibos da taxa de depuración do período onde non se prestaba o servizo - Modelo en diferentes formatos e con documentación anexa. | Acceder.

✔ Lupe Ces da Plataforma, entrevistada en TV Ferrol onde falou diante da situación creada a raíz da vía executiva iniciada polo Concello de Ferrol, para o cobro dos recibos da taxa de depuración do, período onde non se prestaba o servizo - Vídeo | Acceder.

✔ A Plataforma realizou asemblea veciñais en Caranza e no Inferniño diante da vía executiva iniciada polo Concello de Ferrol para o cobro dos recibos da taxa de depuración | Acceder.

✔ A Plataforma convoca dúas asembleas veciñais, unha en Caranza e outra no Inferniño, ante o inicio do cobro dos recibos non pagados da taxa de depuración, por vía executiva, notificación que o Concello de Ferrol, está enviado ás casa estes días  | Acceder.

✔ Ante o inicio da vía executiva, por parte do Concello de Ferrol, para o cobro dos recibos non pagados da taxa de depuración que están chegando ás casa estes días: a Plataforma informa | Acceder.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
___ ___

Lupe Ces da Plataforma, entrevistada, en TV Ferrol, onde falou diante da situación creada a raíz da vía executiva iniciada polo Concello de Ferrol para o cobro dos recibos da taxa de depuración do, período onde non se prestaba o servizo - Vídeo

Lupe Ces da Plataforma na defensa dos servizos públicos, pola remunicipalización, entrevistada, o pasado martes 12 de xullo, pola xornalista Natalia Anguita, no programa da Televisión de Ferrol "Espacio Abierto", onde falou pola situación creada a raíz da vía executiva iniciada polo Concello de Ferrol para o cobro dos recibos da taxa de depuración do exercicio 2015, período onde non se prestaba o servizo, dado que as poucas augas residuais que chegaban non se depuraban e ademais que a grande maioría dos barrios estaban sen conectar ao sistema, pois as obras estaban sen rematar, nen entregar, e polo tanto o servizo de interceptación (colectores, rexistros, interceptores, tanques de tormenta e aliviadoiros) estaba sen contratar, feito que se produzo aínda, despois da licitación, o 28 de febreiro de 2017.


Emitido no Canle da TV Ferrol.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______

Recurso contra a Providencia de Prema, co obxectivo de opoñer-se ao acto administrativo sinalado e que quede sen efecto o Requirimento de Pagamento dos recibos da taxa de depuración do período onde non se prestaba o servizo - Modelo en diferentes formatos e con documentación anexa.

SR. ALCALDE PRESIDENTE  DO CONCELLO DE FERROL

TESOURERÍA MUNICIPAL

D/Dna:


Con DNI Nº


maior de idade e veciño/a de Ferrol, co enderezo a efectos de notificación na rúa / praza / lugar:
                                                                                                                  Nº       ,     .  C.P.


EXPÓN:

Que recibiu Notificación de Providencia de Prema, o pasado ___, de __________ deste ano 2022, remitida polo Concello de Ferrol, polo concepto de AUGA LIXO E OUTROS DO EXERCICIO 2015, PERÍODOS: XANEIRO - XUÑO 2015 E XULLO - SETEMBRO 2015, POR UN IMPORTE TOTAL DO PRINCIPAL E RECARGA DE _________ EUROS.

Que non está de acordo coa PROVIDENCIA DE PREMA recibida, polo que ao abeiro do disposto no artigo 123 e dentro do prazo que establece o artigo 124, ambos da Lei 39/2015, de 1 de outubro, do Procedemento Administrativo Común das Administracións Públicas, como dispón expresamente o art. 52.1 da Lei 7/1985, de 2 de abril, Reguladora das Bases do Réxime Local, formula RECURSO contra o acto administrativo sinalado, co obxectivo de opoñer-se á Providencia de Prema e que quede sen efecto o Requirimento de Pagamento en base ás seguintes

ALEGACIÓNS:

Primeira.- Recibos satisfeitos en período voluntario ou errónea sinalización do concepto.

Que todos os recibos sinalados na Notificación de Providencia de Prema, neste acto recorrida, co concepto de “Auga, Lixo e outros. ...” correspondentes ao exercicio 2015 que se xiran en períodos bimensuais, están satisfeitos en período voluntario, o que poden comprobar coa revisión dos ingresos efectuados ou dando audiencia no expediente, para achegar os xustificantes de abono, citando lugar, data e hora.

Segunda.- Acto administrativo prescrito (presunta débeda reclamada prescrita).

Que se do que se trata é dun erro na notificación, é onde se puxo como concepto “Auga, Lixo e outros. ...” , esa Tesourería Municipal refírese ao concepto de “Facturación Servizo Depuración - Cota Fixa e Cota Variábel”, de carácter semestral, polos períodos sinalados na notificación (de xaneiro a setembro de 2015), manifestar que a suposta débeda reclamada está prescrita, dado que xa transcorreron case 7 anos desde que presuntamente se xerou a débeda, segundo o disposto no “artigo 66 e no artigo 167, da Lei 58/2003, de 17 de decembro, Xeral Tributaria”. Dado que a presunta prestación do servizo de depuración que xerou a factura, agora reclamada en débeda, é anterior á data de suspensión da Taxa de depuración das augas residuais que foi no Pleno Municipal celebrado o 18 de setembro de 2015, polo que non lle afectaría unha presunta suspensión do prazo de prescrición, nin polo acordado no citado Pleno, nin polas actuacións e resolucións administrativas e xudiciais, posteriores ao presunto feito impoñíbel.

Terceira.- Pretende-se cobrar unha taxa sen se producir, no período reclamado, o feito impoñíbel.

Que o de aquela Alcalde Jorge Suárez, xunto a membros do goberno e técnicos municipais, realizaron unha inspección á Depuradora de Cabo Prioriño. A raíz da citada inspección realizada o 25 de agosto de 2015, constatou-se que non se depuraba, nin sequera estaba en funcionamento o sistema; non había persoal contratado, só unha persoa ao cargo das instalacións en xornada de mañá; non había enerxía eléctrica, tampouco fora contratada (utilizaba-se un grupo electróxeno); balsas e tanques estaban con fisuras e filtracións en muros e canles, parte sen utilizar, provocando inundacións de estancias; o laboratorio sen estrear, e un baipás desviaba as augas residuais sen depurar deitándoas directamente ao mar. Ante estes feitos o propio goberno municipal manifestaba que “se estaba cometendo unha fraude no servizo de saneamento e depuración”, pois non se prestaba o servizo. Un relatorio do Enxeñeiro Municipal (DOC-1) deu conta da Inspección e tamén tres comparecencias públicas do goberno municipal os días 28 e 31 do mesmo mes de agosto e 28 de setembro de 2015 (DOC-2). Mesmo as dúas consultoras de enxeñería (PW Advisory & Capital Services e Applus Norcontrol, das que solicita se una ao expediente) contratadas polo Concello, nos seus informes, inspeccións e conclusións, deixaron constancia de que en xaneiro de 2016, non se procedera á reparación das fisuras e defectos construtivos na EDAR e que a esas alturas aínda as poucas augas residuais que eran bombeadas desde a EBAR non se estaban depurando.

Que a continuación transcribe e sinala detalles de documentos que achega anexos, como proba de que non se daba o feito impoñíbel, no período sinalado que xera a presunta débeda reclamada por vía de prema polo Concello de Ferrol:

<<Informe Enxeñeiro Industrial de Urbanismo...  “CONCLUSIÓN: Nesta visita de inspección puidemos comprobar que a empresa Emafesa non está a xestionar o sistema  de saneamento e depuración de augas residuais EDAR, de cabo Prioriño, xa que as augas residuais saen da planta sen depurar... Ferrol, 27 de agosto de 2015”>> (DOC-1).

<<Todo o Goberno local, os once concelleiros, compareceron esta mañá no salón de recepcións do Concello de Ferrol nunha rolda de prensa de carácter extraordinario para denunciar uns feitos que o alcalde, Jorge Suárez, cualificou como de extrema gravidade, e que teñen a corporación perplexa e indignada polo engano e a estafa que sería para os usuarios que se lles estea a cobrar (entre 40 e 70 euros semestrais no recibo) en concepto de taxa de saneamento por un servizo que non se presta e que supuxo un engano á cidadanía prolongado durante meses... “Temos que dicir que na EDAR de Cabo Prioriño desde agosto do 2014, cando Emafesa se fixo cargo por unha encomenda de xestión do Concello de Ferrol, que previamente autorizou a Xunta mediante un convenio, non se depurou integramente e absolutamente nin un só metro cúbico de auga”, afirmou Súarez... Nas imaxes tomadas polos técnicos pódese observar os laboratorios sen uso, manuais de instrucións dentro dos aparellos e teas de araña, e a auga completamente negra, sen tratar integramente, que directamente vai ao mar. Desde xaneiro, a Edar só funcionou de 8 a 15:00 horas en momentos moi puntuais, segundo as insuficientes explicacións achegadas por Emafesa, e para eliminar os residuos sólidos sen decantación nin filtrado... Web Oficial do Concello de Ferrrol – 28.08.2015>> (DOC-2).

<<O Goberno local de Ferrol ofreceu este martes unha rolda de prensa para valorar a extensa visita realizada na tarde do luns a EDAR de Cabo Prioriño, cos responsables de AEOPAS, a Asociación Española de Operadores Públicos de Abastecemento e Saneamento, que asesoran ao Concello de Ferrol no proceso para remunicipalizar o ciclo integral da auga... Participaron o alcalde, Jorge Suárez, os edís de Servizos e Participación Cidadá, Bruno Díaz e Álvaro Montes, o enxeñeiro e secretario xeral de Aeopas, Jaime Morell. A primeira conclusión que extrae AEOPAS do percorrido polas instalacións de Prioriño é que a EDAR de Ferrol, en palabras do seu máximo responsable, non funcionou como tal nunca, a pesar de tratarse dunha obra “de primeiro nivel tecnolóxico” na que se investiron millóns de cartos públicos. Web Oficial do Concello de Ferrol – 22.09.2015. >> (DOC-3)

Que as cifras comparativas amosan grandes diferencias entre os consumos estimados que se utilizaron para o cálculo da Taxa (Informe de AUDIGAL 2014), 10.934.188 Kwh/ano e os consumos reais do exercicio 2015, 405.252 KWH/ano (só o 11% do previsto),  e augas residuais que chegaron ao EDAR (aínda que non foron depuradas), 2.486.265 m3/ano (só o 9,6% do previsto que eran 25.771.190 m3/ano), segundo cifras de Emafesa no seu informe de xestión de 2015, que tivo lugar no exercicio dese ano. Situación que se mantivo até que o sistema comezou a funcionar, coa conexión e posta en funcionamento (3 de abril de 2017) dos “Interceptores Xerais da marxe dereita da Ría de Ferrol”, por parte da sociedade estatal pública Acuaes, situación posta de manifesto na xuntanza da Comisión de Seguimento das Obras, celebrada o 14 de xuño de 2017 (Acuaes, Augas de Galicia, Concello de Narón e Concello de Ferrol). (DOC-4)

Que outra proba é a enorme diferencia na recollida de lodos e outros residuos, 135 toneladas en 2015, cando o sistema estaba en probas, e 4.883,62 toneladas en 2018, cando todo o sistema xa estaba conectado e en funcionamento, a diferencia está máis que clara (informes de xestión de Emafesa do 2015 e o do 2018 que pide que se engadan ao expediente).

Que mesmo se pode comprobar na diferencia en gastos de persoal, que en 2015 foron 1.892.940 euros, onde se sitúa o período que pretende cobrar Emafesa, e en 2018 foron 2.293.592 euros, cando o sistema funcionou conectado, cunha diferencia de 400.652 euros (informes de xestión de Emafesa do 2015 e o do 2018).

E o que, se cadra, é máis significativo, pola súa ausencia, é a falta de gasto en mantemento nin en explotación do sistema de interceptación a facer, pois este aínda non estaba nin contratado, nin licitado, nin entregado, nin rematado (ate febreiro/marzo de 2017).

Queda constatado, que a non prestación efectiva do servizo no exercicio 2015, supuxo un custe moi inferior ao da posta en funcionamento real e efectiva do mesmo, exercicio 2018. Senón, que os informes de xestión amosan que ese período non foi de posta en servizo, nin de prestación do mesmo, foi un período de arranque ou fase de proba, mentres non se puxo a funcionar o sistema de saneamento, interceptación e depuración, que a todos os efectos, comezou o 3 de abril de 2017.

Que na xa citada xuntanza da Comisión de Seguimento das Obras, celebrada o 14 de xuño de 2017 (DOC-4), deixouse constancia da posta en funcionamento do sistema de saneamento e depuración coa conexión do sistema de interceptación (colectores xerais, interceptores, tanques de tormenta, aliviadoiros,... ) o 3 de abril do mesmo ano.

<<Durante o encontro informouse da recente posta en marcha dos colectores e tanques de tormentas dos tramos xa finalizados da Malata-Gándara, A Gándara-Cadaval e Cadaval-Neda. Ademais púxose en servizo a parte das obras do Tramo Rio Inxerto concluída, que transporta máis do setenta e cinco por cento do caudal que recolle este tramo.

Grazas a iso, desde o pasado mes de abril (2017) comezáronse a conectar ás novas infraestruturas á rede de sumidoiros municipal que recollen as augas residuais urbanas dos barrios ferroláns de Esteiro, Caranza, Ensanche-A, Ultramar, Recimil, San Xoán, Sta Cecilia e unha parte importante de San Pablo e Sta Mariña, e os barrios naroneses de Alto do Castaño, O Couto, A Solaina, A Gándara e Freixeiro, Piñeiros e Xubia, xunto coa parte da zona rural correspondente ás parroquias de Castro, San Mateo, O Val e San Xiao.>> (DOC-4)

Que no artigo 2 da ordenanza municipal Nº 17 que regula o servizo de depuración das augas residuais, indícase que a Taxa será exixible a partir da recepción, posta en servizo e explotación. Do mesmo xeito, o artigo 7 desta ordenanza establece que nace a obrigación de pago cando se inicie a actividade que constitúe o “Feito Impoñible”, entendéndose iniciada a mesma, desde que teña lugar a efectiva posta en servizo das instalacións de recollida e depuración das augas residuais, nos termos establecidos no artigo 3.

Por outra parte, o artigo 26, parágrafo 1, parte b) do Real Decreto Lexislativo 2/2004, de 5 de marzo, Lei Reguladora das Facendas Locais, establece que o “Devengo da TAXA” producirase cando se inicie a prestación do servizo.

Para o caso é oportuno ter en conta a sentenza do Tribunal Supremo (Contencioso), sec. 2a, S 20-02-1996, rec.3377/1992, onde se aclara que “ . . . . a efectiva prestación dun servizo municipal é presuposto imprescindíbel para que poda exixirse taxa por tal concepto, por canto o feito impoñible no mesmo, ven constituído pola efectiva prestación dun servizo que beneficie ou afecte de modo particular ao suxeito pasivo, sen que a mera existencia do servizo municipal sexa suficiente para constituír a unha persoa en suxeito pasivo da taxa establecida para a seu financiamento, si o servizo non se presta en forma que aquela poda considerarse especialmente afectada por aquel, en forma de beneficio efectivo ou provocación da actividade municipal”.

Como sinala anteriormente no artigo 2 da citada ordenanza, pola prestación do servizo de recepción obrigatoria de recollida e depuración de augas residuais. Este servizo inclúe (sic) os conceptos de “mantemento e explotación da EDAR de Cabo Prioriño e do emisario submarino” e de “mantemento e explotación da EBAR de A Malata, emisario terrestre de Brión, emisario submariño de A Malata, colector-interceptor cos seus bombeos intermedios, tanques de tormentas e alivios (servizo de interceptación)”.

Pois ben, o colector-interceptor cos seus bombeos intermedios e os tanques de tormenta non estaban finalizados (aínda tardarían 18 meses en estar operativos), nin a empresa pública ACUAES os tiña concesionados, feito que aínda se produce o 28 de febreiro de 2017, adxudicando o contrato a VIACUA (DOC-5). Polo que a prestación do servizo de recepción obrigatoria de recollida e depuración de augas residuais non se estaba producindo e, polo tanto, o feito impoñíbel non estaba a ter lugar. Así pois, a taxa non se podía cobrar, tal e como se indica no artigo 15 da citada Lei 8/1989, do 13 de abril, de taxas e prezos públicos, e no fundamento de dereito 4 da Sentenza do Tribunal Supremo 4106/2014, do 16 de outubro de 2014, que resolve o recurso 818/2013.

Que mesmo en novembro de 2020, nunha queixa/reclamación dirixida ao Sr. Alcalde, Ángel Mato, xunto a centos de veciñas e veciños, solicitou que o Concello de Ferrol emitira unha Certificación fundada, coa data de inicio da prestación efectiva do servizo de depuración da súa vivenda (conexión ao sistema de interceptación), de acordo coa xa nomeada ordenanza Nº 17 e a lexislación vixente, co obxecto de poder facer efectivo, no seu caso, o pago do agora requirido. Mais o Concello nunca respondeu a tal solicitude.

Que mesmo o Consello de Administración de Emafesa (solicita inclusión da acta no expediente), recoñece a falta de funcionamento do sistema de depuración, na xuntanza do mesmo celebrada o 12 de xullo de 2016: “Os representantes do goberno local no Consello de Administración de Emafesa, reunido na mañá deste martes, acordaron co socio privado da Empresa mixta de augas, que é Socamex-Urbaser, que non se impoñerá ningunha taxa aos veciños e veciñas ata que haxa un saneamento efectivo e real”. (DOC-6)

Que na web oficial de Augas de Galicia, figura o ano 2017 como o ano no que se puxo en funcionamento a EDAR de Prioriño en Ferrol. (DOC-7)

Polo que, ao non se prestar o servizo, o feito impoñíbel non se produce, segundo o disposto nos artigos 13 da Lei 8/1989, de 13 de abril, de Taxas e Prezos Públicos. A prestación do servizo de recepción obrigatoria que especifica a ordenanza, non se produce, o feito impoñible non está a ter lugar, polo tanto non se devenga, artigo 15 da citada Lei 8/1989.

Cuarta.- Un acto administrativo de discriminación, ao tratar de xeito diferente a persoas en situacións similares sen que exista unha xustificación obxectiva e razoábel, pois toda a actividade administrativa debe estar inspirada na igualdade de todos ante a lei.

Que o sistema de saneamento e depuración da zona norte da Ría de Ferrol, supón unha infraestrutura supramunicipal que tanto vai beneficiar á veciñanza de Ferrol, como á de Narón, e nun futuro á de Neda. Polo tanto, non pode ser sufragada a súa posta en marcha, arranque e probas, só por unha parte da veciñanza de Ferrol e sobre todo, cando a grande maioría dos abonados de Ferrol, foron conectados ao sistema o mesmo día que os de Narón. A unha parte da veciñanza de Ferrol exíxeselle o pago de 7.129.145,59 euros (Incluído IVA), cousa que aos veciños e veciñas de Narón non, como tampouco á veciñanza ferrolá da “Conca do Río Sardiña e Mandiá. e das Concas Atlánticas e da bocana da Ría: A Cabana, A Graña, Valón, San Felipe, San Cristóbal, Cariño, Confurco, Doniños, San Xurxo-A  Mariña, O Pieiro, Covas-Esmelle) – Artigo 9. b) b-1) da Ordenanza”. Unha parte da veciñanza de Ferrol, non podemos costear, un período de 31 meses desde setembro de 2014 a marzo de 2017, cando a depuradora non funcionaba como tal, e o sistema non estaba conectado. Uns custos dun período que tería que ser contribuído pola Administración Central, a Xunta de Galicia e os concellos de Ferrol e Narón. Considera este, un acto administrativo discriminatorio, ao tratar de xeito diferente a persoas en situacións similares sen que exista unha xustificación obxectiva e razoábel, pois toda a actividade administrativa debe estar inspirada na igualdade de todos ante a lei. Vulnerando co mesmo, o principio de igualdade recollido no artigo 14 da Constitución Española e no artigo 21 da Carta dos Dereitos Fundamentais da Unión Europea e de toda a normativa que deles emana.

En virtude do exposto,

SOLICITA, que se teñan por realizadas as anteriores manifestacións e, en consecuencia, admítase a trámite o presente escrito, dando por interposto Recurso, proceda-se á anulación da Providencia de Prema e que se deixe sen efecto o Requirimento de Pagamento, dando por prescrita a presunta débeda, ou no seu caso proceda-se á anulación da débeda por tratar-se dun cobro dunha taxa sen que se dera o feito impoñíbel e por ser un acto administrativo de discriminación, pois toda a actividade administrativa debe estar inspirada na igualdade de todos ante a lei. Nos tres casos por ser contrarios a dereito tal e como foi exposto.

En Ferrol, a 15 de xullo, de 2022

Asinado.-

Nota.- No caso de que non se queira pagar voluntariamente co 10% de recargo e agardar ao que se decida no recurso (no prazo dum mes), sempre sabendo que poda que non se conceda a suspensión do pago e que continúe a vía executiva, pasando a ser o recargo do 20%, máis xuros e custes do procedemento. Debe-se de engadir este paragrafo:

"OTROSI DI: Solicita a suspensión cautelar do pagamento da presunta débeda en tanto se resolva este recurso, para o cal, baixo a súa responsabilidade, declarase plenamente solvente para facer fronte á presunta débeda reclamada, ou se o considera esa Tesourería Municipal e se así o reclamara compromete-se a presentar aval suficiente de acordo co establecido no artigo 224 da Lei 58/2003, do 17 de decembro, xeral tributaria".

Importante: Pode-se ir directamente pola vía do contencioso-administrativo, sen pasar polo recurso, mais si se presentase o Recurso, hai que agardar a súa resolución ou no seu caso o prazo dun mes. Outro asunto é se paga a pena recorrer no xulgado por unha cantidades pequenas. | Xustiza Gratuíta.

DOCUMENTACIÓN ANEXA QUE SE ACHEGA XUNTO AO RECURSO

DOC-1.- Informe do Enxeñeiro Industrial de Urbanismo (Municipal), sobre carencia de depuración das augas residuais que saen da EDAR de Cabo Prioriño. En relación coa inspección xirada o 25 de agosto de 2015. | Asinado en Ferrol, a 27 de Agosto de 2015. | Acceder/Baixar.

DOC-2.- Novas publicadas na Web Oficial do Concello de Ferrol, os días 28 e 31 de Agosto e 28 de setembro de 2015, sobre a fraude da EDAR que non funcionaba. | Acceder/Baixar.

DOC-3.- Nova publicada na Web Oficial do Concello de Ferrol: "O Goberno local convida a AEOPAS a inspeccionar a Edar e conclúen que nunca funcionou para depurar as augas negras". | 22 de setembro de 2015. | Acceder/Baixar.

DOC-4.- Nota do Gabimete de Prensa do ministerio: "A través de la sociedad estatal Aguas de las Cuencas de España (Acuaes), el Ministerio de Agricultura y Pesca, Alimentación y Medio Ambiente pone en funcionamiento la actuación: Interceptores generales de la margen derecha de la Ría de Ferrol” (A Coruña) | 5 de abril de 2017. | Acceder/Baixar.

DOC-5.- Anuncio de adxudicación “Número de Expediente ACE/802.01-02-03-04-05/ 16/EXPL/01”, publicado na Plataforma de Contratación do Sector Público o 28-02-2017 ás 13:03 horas, onde o “Consejo de Administración de Sociedad Mercantil Estatal Aguas de las Cuencas de España, S.A. (ACUAES)”, adxudica o contrato "Servicios de explotación de los Interceptores generales de la margen derecha de la Ría de Ferrol" a “VIAQUA, GESTIÓN INTEGRAL DE AGUAS DE GALICIA, S.A.U.”| Data do acordo: 27/02/2017. | Acceder/Baixar.

DOC-6.- Nova na Web Oficial do Concello de Ferrol: "Os representantes do goberno local no Consello de Administración de Emafesa, reunido na mañá deste martes, acordaron co socio privado da Empresa mixta de augas, que é Socamex-Urbaser, que non se impoñerá ningunha taxa aos veciños e veciñas ata que haxa un saneamento efectivo e real. Ferrol, a 12 de xullo de 2016”. | Acceder/Baixar.

DOC-7.- Información pública na Web Oficial de Augas de Galicia (Xunta de Galicia), sobre datos administrativos - económicos e características técnicas da EDAR de Cabo Prioriño (Ferrol), onde figura entre outros datos o de INICIO DE FUNCIONAMENTO: 2017. | Acceder/Baixar.

O RECURSO EN DIFERENTES FORMATOS:

✅ En formato PDF cos anexos incluídos. | "RECURSO contra o acto administrativo sinalado, co obxectivo de opoñer-se á Providencia de Prema e que quede sen efecto o Requirimento de Pagamento". | Acceder/Baixar.

✅ En formato ODT (libre), os anexos hai que baixalos aparte. | "RECURSO contra o acto administrativo sinalado, co obxectivo de opoñer-se á Providencia de Prema e que quede sen efecto o Requirimento de Pagamento". | Acceder/Baixar.

✅ En formato DOC (de Microsft), os anexos hai que baixalos aparte. | "RECURSO contra o acto administrativo sinalado, co obxectivo de opoñer-se á Providencia de Prema e que quede sen efecto o Requirimento de Pagamento". | Acceder/Baixar.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______

A Plataforma convoca dúas asembleas veciñais, unha en Caranza e outra no Inferniño, ante o inicio do cobro dos recibos non pagados da taxa de depuración, por vía executiva, notificación que o Concello de Ferrol, está enviado ás casa estes días

A Plataforma na Defensa dos Servizos Públicos pola Remunicipalización, reuniu-se, para abordar a situación xerada a raíz de que o Concello de Ferrol iniciara a vía executiva para realizar o cobro dos recibos de depuración, do período de cando aínda o servizo non se prestaba, a depuradora non depuraba e o sistema de saneamento (colectores, interceptores, tanques de tormenta, ...) estaba en obras sen rematar.

A Plataforma fixo un chamamento á veciñanza afectada para que non realizara o pago destes recibos, de cor sepia, que incluían só o concepto de depuración. Desde a Plataforma considerábamos que esta loita non se podía dar nos tribunais. Confiabamos na mobilización veciñal e na negociación para resolver este conflito, pero nin o Goberno de Jorge Suárez, nin agora o de Angel Mato, tiveron interese na defensa dos dereitos da veciñanza. Só defenderon a Emafesa e a súa parte privada que a xestiona (Socamex). Tampouco conseguimos mobilizar ás asociacións veciñais, que deixaron na indefensión aos seus veciños e veciñas fronte os abusos da empresa Emafesa coa complicidade dos gobernos municipais, porque non entenderon, non puideron ou non quixeron. Sumamos-lle a todo isto os anos de pandemia que paralizaron e limitaron as nosas posibilidades de mobilización.

Agora reclaman estes recibos pola vía executiva. A Plataforma informou en todas as asemblea realizadas, que íamos intentar facer forza, co impago destes recibos, para conseguir unha saída negociada. Informamos que ao que nos arriscabamos era a ter que pagar o recibo cun 10% de recargo. Pasaron case catro anos e estamos nese momento. A veciñanza a quen lles chegaron estas cartas, a veciñanza que nos acompañou ate aquí nesta loita, debe saber que aínda que a lexislación marca un prazo máis curto, o Concello nas súas cartas dá de prazo ate o 20 de xullo, para facer o pago con ese 10% de recargo de forma voluntaria. No caso de non ingresar de xeito voluntario dentro do prazo sinalado, o recargo sería do 20% con custos de xestión do procedemento e xa cobrarían directamente das nosas contas. Os recursos, se houbera lugar, non paralizarían o cobro.

Ante esta situación, convocamos dúas asembleas abertas, como no seu día nos comprometemos, onde se podan realizar as correspondentes preguntas para que todas as persoas que nos acompañaron nesta loita contra o pago dun servizo que non se nos prestou, poidan tomar da maneira máis informada a súa decisión.

A Plataforma, ademais de informar e render contas á veciñanza, quere renovar nestas asembleas o seu compromiso de continuar na loita contra os abusos de Emafesa, por uns servizos públicos de calidade e a remunicipalización dos servizos públicos básicos do Concello.

Ferrol, a 26 de xuño de 2022

Calendario de Asambleas:

>> Mércores 29 de xuño, ás 7 da tarde
Centro Cívico de Caranza

>> Xoves 30 de xuño, ás 7 da tarde
Centro Cultural Carvalho Calero do Inferniño.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______

Ante o inicio da vía executiva, por parte do Concello de Ferrol, para o cobro dos recibos non pagados da taxa de depuración que están chegando ás casa estes días: a Plataforma informa

Están chegando, avisos de providencia de prema (requirimento de pagamento) [1], ás casa das veciñas e veciños que non pagaron os recibos da depuración correspondente ao período onde aínda non comezara a funcionar o sistema de depuración, sistema que se puxera en funcionamento o 3 de abril de 2017.

A Plataforma, no seu momento chamou a non pagar os recibos de depuración por considera-los inxustos, dado que todo o proceso de posta en funcionamento do sistema de depuración estivo cheo de mentiras e irregularidades.

A PLATAFORMA ANTE O INICIO DA VÍA EXECUTIVA DO COBRO DOS RECIBOS NON PAGADOS DA TAXA DE DEPURACIÓN, POR PARTE DO CONCELLO DE FERROL

A Plataforma na Defensa dos Servizos Públicos pola Remunicipalización, reuniu-se no día de onte para abordar a situación xerada a raíz de que o Concello de Ferrol iniciara a vía executiva para realizar o cobro dos recibos de depuración, do período de cando aínda o servizo non se prestaba, a depuradora non depuraba e o sistema de saneamento (colectores, interceptores, tanques de tormenta, ...) estaba en obras sen rematar.

A data límite de pagamento que figura nas cartas que están enviando é a do 20/7/2022. O recibo que non pagamos, correspondente ao 2014, non o están reclamando porque xa prescribiu.

O 28 de agosto de 2014, sendo alcalde José Manuel Rey Varela, aprobase definitivamente a Ordenanza reguladora da taxa de depuración das augas residuais (BOP 03.09.2014), co voto en contra de todos os partidos da oposición. Unha ordenanza que contemplaba o cobro da taxa a partires do día seguinte de ser publicada no BOP, sen ter en conta si se estaba en condicións de prestar ou non o servizo. Mais non había dispoñibilidade real, nin potencial, de prestar o servizo. Non como a ordenanza de Narón que como é lóxico, contemplaba e contempla, o cobro da taxa só despois de que se puxera en funcionamento o servizo, e as vivendas das veciñas e veciños de Narón estiveran conectadas ao sistema de saneamento e depuración, é dicir, cando se dera a dispoñibilidade real ou potencial da súa prestación.

Os pagos que agora se reclaman teñen data de xaneiro a setembro 2015 que foi cando o Pleno suspendera a aplicación da ordenanza de depuración, antes de asinarse as liquidacións do mencionado período. Suspensión que se produce a raíz dunha inspección, feita en agosto do mesmo ano, do goberno municipal e técnicos do Concello, á depuradora de Prioriño (sendo alcalde Jorge Suárez), constatando o seu deterioro e defectos de construción, con fisuras e inundacións de zonas presuntamente estancas; sen enganchar á rede eléctrica; vertendo, sen depurar, directamente ao mar, as poucas augas residuais que chegaban; sen persoal contratado, ... entre outras anomalías.

A finais de maio de 2018, o xulgado do contencioso-administrativo de Ferrol, dita sentenza a favor de Socamex (parte privada que xestiona Emafesa). A sentenza ven dicir que non se seguiu o procedemento, que a lexislación non contempla a figura de “suspensión”. Polo que tería que ser ou “derogación” ou “modificación” da ordenanza da taxa; que non se xustificou suficientemente a medida e entre outras cousas, que non se determinou como se ía sufragar o servizo que se lle asignara (irregularmente) a Emafesa ao deixar de cobrar a taxa. De todos os xeitos o Concello acorda recorrer a sentenza ante o TSXG en xuño de 2018.

En agosto do mesmo ano, o alcalde Jorge Suárez, asina as liquidacións (BOP do 10.09.2018) para que se nos cobren estes recibos. Uns recibos correspondentes a un período onde a maioría das usuarias ás que se lle reclama o pago, non estaban conectados ao sistema de depuración. Un período que tampouco se lle exixe á veciñanza do Concello de Narón. Un período de reparación, probas, e posta a punto, dado que o Sistema de Saneamento e Depuración aínda estaba en obras, período (de 31 meses) que se carga só a unha parte das veciñas e veciños de Ferrol (quedando exentos as da conca d’A Malata, o rural e Narón), sendo esta unha infraestrutura que beneficia a toda a veciñanza da marxe norte da Ría de Ferrol e nun futuro a Neda.

A Plataforma fixo un chamamento á veciñanza afectada para que non realizara o pago destes recibos, de cor sepia, que incluían só o concepto de depuración. Desde a Plataforma considerábamos que esta loita non se podía dar nos tribunais. Confiabamos na mobilización veciñal e na negociación para resolver este conflito, pero nin o Goberno de Jorge Suárez, nin agora o de Angel Mato, tiveron interese na defensa dos dereitos da veciñanza. Só defenderon a Emafesa e a súa parte privada que a xestiona (Socamex). Tampouco conseguimos mobilizar ás asociacións veciñais, que deixaron na indefensión aos seus veciños e veciñas fronte os abusos da empresa Emafesa coa complicidade dos gobernos municipais, porque non entenderon, non puideron ou non quixeron. Sumamos-lle a todo isto os anos de pandemia que paralizaron e limitaron as nosas posibilidades de mobilización.

Non conseguimos os nosos obxectivos, a pesar de que é público e notorio que o sistema de saneamento e depuración comezou a funcionar o 3 de abril de 2017, constatado nos medios de comunicación; nas reunións entre o presidente de Augas de Galicia e a alcaldesa de Narón e o alcalde Ferrol; na entrega de obras, licitación e na comisión de seguimento do sistema de interceptación; ou mesmo a propia Augas de Galicia, que na sua páxina web admite que o sistema de depuración comezou a funcionar en 2017.

Agora reclaman estes recibos pola vía executiva. A Plataforma informou en todas as asemblea realizadas, que íamos intentar facer forza, co impago destes recibos, para conseguir unha saída negociada. Informamos que ao que nos arriscabamos era a ter que pagar o recibo cun 10% de recargo. Pasaron case catro anos e estamos nese momento. A veciñanza a quen lles chegaron estas cartas, a veciñanza que nos acompañou ate aquí nesta loita, debe saber que aínda que a lexislación marca un prazo máis curto, o Concello nas súas cartas dá de prazo ate o 20 de xullo, para facer o pago con ese 10% de recargo de forma voluntaria. No caso de non ingresar de xeito voluntario dentro do prazo sinalado, o recargo sería do 20% con custos de xestión do procedemento e xa cobrarían directamente das nosas contas. Os recursos, se houbera lugar, non paralizarían o cobro.

A Plataforma está estudando con xuristas, se cabe a posibilidade de presentar algún recurso, pero o Concello, como administración pública, ten a potestade de executar o cobro despois do dia 20, cun recargo do 20%, aínda que se puidera presentar recurso.

Desde a Plataforma, imos intentar chegar ate o final neste asunto. Mesmo compañeiros e compañeiras teñen ingresado o pago dos recibos onde ven incluído os "atrasos" polo concepto de depuración, xunto ao consumo de auga, recollida de lixo, etc... pero ingresando na conta de Emafesa só a parte correspondente a estes servizos, restando do total a cantidades correspondentes a "atrasos". Un camiño custoso e arriscado que comprendemos que moitas e moitos dos nosos veciños nom poden seguir.

Desde a nosa capacidade intentamos facer o mellor que puidemos, (seguro que con moitos erros), para afrontar esta loita contra o descarado roubo “legal” de máis de 7 millóns 129 mil euros, e das irregularidades de todo o procedemento. Sufrimos incompetencia por parte de tres alcaldes que a día de hoxe seguen como membros da corporación municipal. Mais queremos destacar catro actuacións que se deixaron de facer no seu momento e que de seguro, de terse feito, cambiarían o devir desta loita:

✔ A primeira é o feito de que os partidos que votaron en contra da aprobación da Ordenanza da taxa de depuración de 2014, aínda en vigor, non a impugnaran no seu momento.

✔ A segunda é que o goberno de Jorge Suárez non devolvera, como tiña anunciado, a depuradora a Augas de Galicia e simultaneamente “derogara”, como estaba previsto, a mencionada ordenanza, limitando-se a unha alegal “suspensión” da mesma, comezando unha deriva de erros e malas decisións, relegando a participación cidadá a algo residual que lle molestaba.

✔ A terceira é que nin os integrantes da Plataforma como veciños e veciñas afectadas, nin os grupos municipais que se opuñan ao cobro desta taxa, recorrésemos as resolucións do alcalde, Jorge Suárez, de agosto de 2018 onde se aprobaron as liquidacións para o cobro, entre outros, destes recibos que agora se pasan a cobro por vía executiva.

✔ E a cuarta é que a todo isto hai que engadir a negativa do alcalde Angel Mato, de recorrer a sentenza do TSXG ante o Tribunal Supremo. Cando ao noso entender, o asunto tiña unha relevancia casacional obxectiva, aos efectos de crear xurisprudencia e de interpretar asuntos de importancia como son a prestación dun servizo público e cando se entende que se realiza o feito impoñíbel.

Trátase dun abuso máis da empresa Emafesa coa complicidade dos distintos gobernos municipais, abusos que continúan sucedéndose no tempo (lecturas estimadas, falta de contadores, opacidade nas contas, situación irregular da empresa a respecto da depuración, dobre cobro polo servizo de saneamento, trato de favor ao socio privado a respecto doutras empresas, uso indebido deste socio dos recursos públicos...) ao que se suma un elevadísimo custe eléctrico do sistema de saneamento e depuración, no seu momento elixido que non tardaremos en ver reflectido de novo nos recibos.

Ante esta situación, temos convocadas dúas asembleas abertas, como no seu día nos comprometemos, onde se podan realizar as correspondentes preguntas para que todas as persoas que nos acompañaron nesta loita contra o pago dun servizo que non se nos prestou, poidan tomar da maneira máis informada a súa decisión.

A Plataforma, ademais de informar e render contas á veciñanza, quere renovar nestas asembleas o seu compromiso de continuar na loita contra os abusos de Emafesa, por uns servizos públicos de calidade e a remunicipalización dos servizos públicos básicos do Concello.

Ferrol, a 24 de xuño de 2022

Calendario de Asambleas:
>> Mércores 29 de xuño, ás 7 da tarde.
Centro Cívico de Caranza
>> Xoves 30 de xuño, ás 7 da tarde.
Centro Cultural Carvalho Calero do Inferniño.
___

[1] VÍA EXECUTIVA - Procedemento de prema en executiva - O cobro da débeda a través do procedemento de prema. - Lexislación aplicábel á recadación por parte do Concello por vía executiva en expediente de prema. | Acceder/Baixar

Artigo 62.5 da Lei Xeral Tributaria. | Acceder/Baixar. | Xurisprudencia relacionada. | Acceder/Baixar.

Artigo 14.2 do Real Decreto Lexislativo 2/2004, de 5 de marzo, polo que se aproba o texto refundido da Lei Reguladora das Facendas Locais. | Acceder/Baixar.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______

A Plataforma interviu no Pleno do Concello de Ferrol convocado en sesión ordinaria onte mércores 29 de decembro, no punto 9 da orde do día, onde se abordou a proposta de aprobación da Segunda Addenda ao Convenio de colaboración entre Augas de Galicia e o Concello de Ferrol para a formalización da encomenda de xestión da explotación, mantemento e conservación do sistema de saneamento e depuración do Concello de Ferrol - Vídeo da intervención e do debate no Pleno

O Pleno Municipal en sesión Ordinaria que se celebrou no Palacio Municipal, o mércores 29 de decembro de 2021, ás 7 da tarde, no punto 9, abordou-se a proposta de aprobación da SEGUNDA ADDENDA ao Convenio de colaboración entre Augas de Galicia e o Concello de Ferrol para a formalización da encomenda de xestión da explotación, mantemento e conservación do sistema de saneamento e depuración do Concello de Ferrol.

Por medio de Lupe Ces, a Plataforma na Defensa dos Servizos Públicos pola Remunicipalización, interveu no citado Pleno para solicitar que se entregue a Augas de Galicia a xestión do sistema de saneamento e depuración (incluído o que xestiona ACUAES) porque este ten un carácter supramunicipal e a xestión debe ser única e centralizada, para optimizar custes e aproveitar as sinerxías, mentres non se constitúe un ente supramunicipal para a xestión do sistema. E apoiamos a creación dese ente supramunicipal entre os dous concellos, sempre que se trate da xestión directa mancomunada dunha empresa pública que reverta os beneficios en mellorar o sistema reducindo custes enerxéticos e custes ambientais. Para iso temos exemplos onde mirar como pode ser o modelo da Coruña, Arteixo, Cambre, Culleredo e Oleiros que constituíron en 2013, a empresa pública Edar Bens SA, co fin de xestionar de xeito conxunto a depuración das augas residuais dos cinco concellos, convertendo-se na primeira empresa supramunicipal de Galiza.


Texto da intervención da Plataforma no Pleno Municipal de Ferrol de hoxe, por Lupe Ces

Boas tardes!

A Plataforma na Defensa dos Servizos Públicos pola Remunicipalización toma a palabra neste pleno municipal para solicitar no seu nome, e no nome das veciñas e veciños de Ferrol amantes do bem común e practicantes do sentido común, que se devolva a xestión das infraestruturas do servizo de saneamento e depuración a Augas de Galicia, mentres non se críe un ente supramunicipal, de carácter público, que afronte a xestión deste servizo.

Nesta cidade estamos no “Día da marmota”,  como lle pasaba a Bill Murray no filme "Atrapado no tempo", e deste bucle nom se sae se nom se actúa de xeito diferente, correcto e xusto. No caso desta corporación, se non se actúa en defensa dos intereses da veciñanza deste Concello e non no interese dunha empresa que consegue, unha corporación tras outra, que todo se organice en función dos intereses empresariais da parte privada de EMAFESA.

Vimos outra vez a dicir e repetir, e asín o faremos o tempo e as veces que faga falta, que EMAFESA debe estar fóra da xestión de calquera servizo de Ferrol. Unha empresa que só merecera neste momento un expediente por incumprimentos de contrato e unha auditoría completa por irregularidades.

Non se pode confiar nesta empresa tal e como foi a sua xestión ao longo destes anos, pola cantidade de irregularidades e incumprimentos que ven realizando: lecturas estimadas abusivas para facerse con liquidez a consta da veciñanza; facer definitivo o que era provisional, aplicando consumos lineais por non instalar contadores nos barrios de Recimil e San Pablo; cobro da depuración sen que se prestase o servizo enganando ate ao mesmo goberno municipal; non facendo ningún investimento no saneamento do rural, sendo este un dos compoñentes para o cálculo do prezo da taxa que se nos cobra; retención e non pago do canon concesional, chegando a deber ao Concello máis de 6 millóns de euros; retención do canon da auga despois de telo recadado...

O “Día da marmota” Señor Mato. Mentres, vostede afirma en Radio Voz que EMAFESA é unha empresa “pública” e modélica. Nós retámoslle a que publique as actas dos seus consellos de administración e as súas contas, e logo probe a solicitar un cambio na xerencia da empresa a ver como lle vai. Ou por exemplo esixa e publique os datos de canto recada a empresa SOCAMEX, a parte privada, subcontratada pola propia EMAFESA, cobrando 120€ a hora ou fracción, por resolver os problemas de atascos no saneamento que teñen as comunidades nos edificios desta cidade. A onde van parar os lodos que recolle? Está incluído no prezo do servizo a xestión deses lodos cando a propia SOCAMEX o que fai é verte-los no sistema de depuración da cidade? Cobra pola auga consumida por este servizo, cando sabemos que a colle directamente do sistema? Como explica vostede que se nos siga cobrando igual polo concepto de saneamento (rede de sumidoiros), cando unha parte moi importante da rede (rexistros, colectores, interceptores) xa non os xestiona EMAFESA que os leva ACUAES e xa os pagamos no concepto de depuración?

A parte pública de EMAFESA, o seu goberno municipal, nen sabe nen quere saber. Cando o seu labor ten que ser de fiscalizador e garante da xestión, vostede como os seus antecesores, só están para tomar acordos que aumenten o volume de negocio de EMAFESA, e tapen as súas vergoñas.

EMAFESA empresa modelo de xestión? Pois algo pasará para que este Pleno leve sen aprobarlle as contas dos exercicios 2016, 2017, 2018, 2019 e 2020. Cinco anos sen que se lle aproben as contas, iso só se pode traducir en irregularidades, desconfianza, incompetencia e mala xestión.

O “Día da marmota”. Augas de Galicia propúxolles tres alternativas nun documento que agora coñecemos: devolver a xestión a Augas de Galicia; criar un ente supramunicipal ou continuar como estamos, no “Día da marmota”, iso si regulando  e coordinando o que non se deu feito en sete anos. Un documento que tampouco é neutral. Está claro polo contido do documento que Augas de Galicia non quere para nada a xestión do sistema, e o da constitución do ente supramunicipal, aínda que o cualifique do ideal, parece que está moi lonxe, pola incapacidade que amosaron os concellos para poñerse de acordo nesta solución, ou mais ben debemos dicir polo encantamento que exerce Socamex sobre o goberno municipal.

Temos que lembrar que Narón e Ferrol, chegaron a un acordo o 17 de agosto de 2018, asinado por Jorge Suárez e Marián Ferreiro, para que fora ACUAES a partir do 1 de agosto de 2019 quen xestionara o sistema, mentres non se creara o ente supramunicipal, estando esta sociedade estatal de acordo e facendo os estudos correspondentes, publicados en marzo de 2019, por uns custes de explotación un 22% inferior ao que nos sae con EMAFESA.  Acordo que todos os grupos municipais coñecen e que foi remitido ao daquela director xeral de Augas de Galicia, Roberto Rodríguez. Algún dia saberemos quen truncou este acordo? A transparencia non é o forte dentro de todo este proceso, todo o esforzo realizado por tanta xente quedou en baldío.

Estamos no “Día da marmota” porque vostede como os seus antecesores tropezan na pedra de Narón, que defende á sua veciñanza, e non dan co xeito de evitar o obstáculo, unha e outra vez. EMAFESA quere cobrar en base a uns cálculos que Narón non acepta e que a unha parte da veciñanza de Ferrol, se nos veñen aplicando inxustamente desde o ano 2014. Poderémonos librar do obstáculo que representa quen xestiona EMAFESA?

Hoxe votan seguir no “Día da marmota”. Nós desde esta Plataforma pedímoslles que non o fagan, que fagan frente común con Narón e devolvan a xestión do saneamento e depuración a Augas de Galicia, única entidade que asumiu con carácter indefinido esa xestión nun convenio subscrito o 27 de decembro do ano 2013 coa Confederación Hidrográfica do Miño-Sil, e se poñan a traballar na creación dun ente supramunicipal para unha xestión pública deste servizo.

Entregue a Augas de Galicia a xestión do sistema de saneamento e depuración (incluído o que xestiona ACUAES) porque este ten un carácter supramunicipal e a xestión debe ser única e centralizada, para optimizar custes e aproveitar as sinerxías. Todo isto mentres non se constitúe un ente supramunicipal para a xestión do sistema. Esta Plataforma apoia a creación dese ente supramunicipal entre os dous concellos, sempre que se trate da xestión directa mancomunada dunha empresa pública que reverta os beneficios en mellorar o sistema reducindo custes enerxéticos e custes ambientais.

Para iso temos exemplos onde mirar como pode ser o modelo da Coruña, Arteixo, Cambre, Culleredo e Oleiros. Estes concellos  constituíron en 2013, a empresa pública Edar Bens SA, co fin de xestionar de xeito conxunto o saneamento e depuración das augas residuais dos cinco concellos, convertendo-se na primeira empresa supramunicipal de Galiza.

Estes meses, a suba exponencial dos custes da electricidade debera ter feito sacar as cores a quen planeou e aprobou o sistema de saneamento imposto á nosa cidade. Un sistema insostíbel económica e ambientalmente. Non se trata de levantar outra vez as rúas da cidade como afirmou o Sr Suárez no pleno do pasado mes de xullo, nun intento de ridiculizar a quen cuestionamos o actual sistema. Trátase de esixir ás administracións autonómica e estatal, que contribúan para realiza as transformacións necesarias, para que o sistema sexa máis sostíbel (transformación gradual nun sistema separativo, innovación tecnolóxica, aproveitamento das augas residuais -biogás-  e  a súa caída como fonte de enerxía, instalación de turbinas eólicas, paneis de enerxía solar, optimización e redución dos custes eléctricos...) seguindo o modelo da nomeada empresa supramunicipal pública EDAR BENS.

Estas melloras no sistema tan necesarias, non se van conseguir permitindo unha xestión privada do servizo. Lembren que EMAFESA ten no 3% do facturado un dos piares do seu negocio; que fai negocio co caudal aumentado; que fai negocio aumentando o consumo.

Sr. Alcalde, señores e señoras concelleiras, nós quixeramos despertar do “Día da marmota”, non o impidan vostedes co seu voto.

#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______

Rolda de prensa da Plataforma sobre a xestión do sistema de saneamento e depuración da marxe norte da Ría de Ferrol - Vídeo

Hoxe pola mañá, 20 de decembro, membros da Plataforma na defensa dos servizos públicos, pola remunicipalización realizaron unha rolda de prensa nas escaleiras exteriores do Palacio Municipal de Ferrol sobre a xestión do sistema de saneamento e depuración da marxe norte da Ría. Lupe Ces foi a encargada de falar no nome da Plataforma.

A razón de convocar esta rolda de prensa é o feito de que a encomenda de xestión das instalacións EBAR, EDAR, emisario terrestre e emisario submarino, do sistema de saneamento e depuración, caduca o 31 de decembro deste ano 2021, e esta Plataforma quere facer pública a súa posición ao respecto. Na actualidade estas instalacións están xestionadas por EMAFESA como encargada final dun encadeamento de encomendas de xestión por convenios, entre a Confederación Hidrográfica Miño-Sil e Augas de Galicia, entre Augas de Galicia e o Concello de Ferrol e un caducado Protocolo de Execución Concertada entre o Concello de Ferrol e Emafesa.

Outra das razóns é que chegou a coñecemento desta Plataforma a existencia dun documento elaborado pola propia Augas de Galicia (Xunta de Galicia) para dar unha saída a esta situación que mantén ademais en conflito aos concellos de Narón e Ferrol. Tratado nunha reunión a tres bandas (o martes 26 de outubro), polo que sabemos, sen chegar a ningún acordo. Un documento onde se ofertan tres saídas diferentes para a xestión das infraestruturas:

    • A primeira, que a xestión das instalacións sexa devolta a Augas de Galicia e que ACUAES siga xestionando os tanques de tormenta, colectores e interceptores.
     
    • A segunda saída proposta é a creación dun ente supramunicipal que se encargue da xestión de todo o sistema, coa participación das empresas mixtas (EMAFESA e COSMA) e que dentro de 6 meses asuma a xestión do sistema de interceptores que leva ACUAES con VIAQUA.
     
    • A terceira é manter por separado a xestión de cada concello, cunha maior asunción de carga por parte do concello de Ferrol, como viña sendo até agora.

    • O concello de Narón manifestou xa o seu rechazo á terceira opción, apoiando a primeira, que a xestión sexa asumida por Augas de Galicia, mentres non se crea o ente supramunicipal necesario para darlle unha xestión de ámbito local.

    • A postura desta Plataforma coincide con devolver a Augas de Galicia a xestión do sistema de saneamento e depuración (incluído o que xestiona ACUAES) porque este ten un carácter supramunicipal e a xestión debe ser única e centralizada, para optimizar custes e aproveitar as sinerxías, e porque non se pode confiar na empresa que o ven xestionando ao longo destes anos pola cantidade de irregularidades e incumprimentos que desde hai anos ven realizando: lecturas estimadas abusivas para facerse con liquidez a consta das abonadas; facer definitivo o que era provisional, aplicando consumos lineais por non instalar contadores nos barrios de Recimil e San Pablo; cobro de depuración sen que existise o servizo enganando ate o mesmo goberno municipal; non facendo ningún investimento no rural, sendo este un dos compoñente para o cálculo do prezo da taxa que se nos cobra; retención e non pago do canon concesional; retención despois de telo recadado do canon da auga... E apoiamos a creación dese ente supramunicipal entre os dous concellos, sempre que se trate da xestión directa mancomunada dunha empresa pública que reverta os beneficios en mellorar o sistema reducindo custes enerxéticos e custes ambientais. Para iso temos exemplos onde mirar como pode ser o modelo da Coruña, Arteixo, Cambre, Culleredo e Oleiros  que constituíron en 2013, a empresa pública Edar Bens SA, co fin de xestionar de xeito conxunto a depuración das augas residuais dos cinco concellos, convertendo-se na primeira empresa supramunicipal de Galiza.

    • Nese sentido tamén queremos engadir que Augas de Galicia debe asumir a xestión do sistema para transformalo conforme a criterios de sustentabilidade, respecto ao medio e optimización de custos. Asistimos a unha suba do custe eléctrico exponencial. O modelo imposto ao concello de Ferrol é un modelo insostible, que non só é unitario (eliminando a separación de augas pluviais e residuais), senón que ademais, ten unha estación de bombeo para lanzar as augas residuais a case 50 metros de altura para que completen o seu camiño ate a EDAR de Prioriño. Un despropósito que cada día sae máis caro e que se debe transformar inspirándose nos modelos antes citados de aproveitamento enerxético e redución de custes ambientais de EDAR BENS.

    • O goberno municipal de Angel Mato, ante esta situación actúa con total falta de transparencia, ocultando o documento e sen dar conta do acontecido nas reunións a tres bandas, sen dar conta nas comisións informativas municipais, nin convocar xunta de portavoces, ... Actuando así para continuar na sua liña de favorecer o aumento de negocio da empresa mixta EMAFESA e o seu socio privado SOCAMEX, que nestas alturas non deberan xestionar ningún servizo municipal, dadas todas as  irregularidades e incumprimentos que como mínimo deberan estar recollidos nun expediente administrativo por incumprimento de contrato.

A Plataforma reiteramos:

1º Que Augas de Galicia debe asumir a xestión do servizo de saneamento e depuración no seu conxunto mentres non se cree o ente supramunicipal que se faga cargo da xestión a nivel local.

2º Que Augas de Galicia debe asumir as transformacións necesarias do sistema para facelo máis sostíbel (transformación gradual nun sistema separativo, innovación tecnolóxica, aproveitamento das augas residuais -biogás-  e  a súa caída polo emisario terrestre como fonte de enerxía, turbinas eólicas, enerxía solar, optimización e redución dos custes eléctricos...) seguindo o modelo da nomeada empresa supramunicipal pública EDAR BENS.

3º Exiximos transparencia e compromiso na defensa dos intereses das veciñas e veciños de Ferrol, por parte do Alcalde, señor Mato e o seu goberno, facendo fronte común co concello de Narón, poñendo punto e final aos abusos da empresa EMAFESA no noso concello, impedindo que aumente de xeito irregular o seu volume de negocio .

4º O fin último desta Plataforma é recuperar para a xestión pública os servizos básicos agora privatizados... Sabemos que a maioría da representación política no Concello non está pola labor, mesmo no caso da limpeza viaria e recollida de residuos sólidos, que terían agora a oportunidade, prefiren estar cunha prorroga ilegal dun contrato caducado hai 7 anos, a rescatar o servizo para a xestión pública. No caso concreto do servizo de saneamento e depuración estaría complicado porque neste momento, na corporación cohabitan o alcalde e dous ex-alcaldes, cuxa política propiciou a posición de abuso e impunidade da empresa EMAFESA e o seu socio privado SOCAMEX,  que cobrou á veciñanza máis de 7 millóns de euros por un servizo que non prestaba. Cobrando-nos como se foran máis de 67 millóns de m³ de augas residuais as que pasaron pola depuradora, cando na realidade só foron pouco máis de 9 millóns e cobrando como si se consumiran máis de 37 millóns de Kw/h cando en realidade só foron pouco máis de 7 millóns. Cargando deste xeito os falsos custes, de 31 meses do período (setembro de 2014 a marzo de 2017) que durou a reparación, arranque, posta en marcha e probas do sistema, a unha parte da veciñanza de Ferrol.


#EmafesaCenPorCenPublica
#Remunicipalizar
#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
_______