Amosando publicacións coa etiqueta Saúde. Solidariedade. Amosar todas as publicacións
Amosando publicacións coa etiqueta Saúde. Solidariedade. Amosar todas as publicacións

luns, setembro 24, 2018

A Asociación Oncohematolóxica de Fene POR+VIDA ven de acadar dous premios na 6ª Edición da Carreira da Muller celebrada na cidade de A Coruña - Educación física contra a fatiga oncolóxica, para manter, na medida do posible, os niveis de calidade de vida que disfrutaba antes de ser diagnosticada de cancro


A Asociación Oncohematolóxica de Fene POR+VIDA ven de acadar 2 premios na 6ª Edición da Carreira da Muller celebrada na cidade de A Coruña


POR+ VIDA leva participando seis veces, as mesmas edicións que se levan celebrando  na cidade herculina.

Engadir que son 5 anos de colaboración coa concellaría de Benestar Social e Igualdade de Fene, poñendo a disposición 2 autobuses dende Fene para as participantes desta asociación.

Este ano o percorrido foi o mesmo do ano pasado, con saída e chegada á meta aos pés do estadio de Riazor, na avda. Bos Aires, ata a altura da Torre de Hércules, de algo máis de 6 km.

O total de participantes con esta asociación foi de 151 mulleres, sendo a máis nova de 12 anos ata 82 da participante máis veterana (que levou premio no ano 2013 como a muller con mellor tempo de chegada con maior idade).

Os premios foron os seguintes:

- Primeiro premio como asociación con máis participantes que chegasen á meta (dentro do tempo establecido por reglamento da carreira).

- Terceiro premio como asociación con mellor tempo de chegada.

Este colectivo sempre acadou premios nas edicións anteriores.

Un saúdo

---

Na asociación POR+VIDA somos un grupo de persoas cunha inquietude común:

Afrontar o cancro de xeito activo e positivo.

Decidimos asociarnos para levar a cabo diferentes iniciativas neste ámbito, e nestes momentos estamos cos trámites para formar unha asociación a nivel legal.

Con esta asociación intentaremos humildemente ofrecer apoio a outros afectados de cancro e ás súas familias.

Se coñeces a alguén interesado, por favor, faille chegar este blog e se ti estás interesado no proxecto, non o dubides ¡CONTACTA CONNOSCO!

Agradecemos a túa axuda así como calquera suxestión que poidas facer para a mellora do proxecto.

COA TÚA COLABORACIÓN SEGUIR--
por + vida
Asociación oncohematolóxica
Tlf. 650 812 030
pormaisvida2011@gmail.com
pormaisvida2011.blogspot.com

Enviado por:
Asociación Oncohematolóxica POR+VIDA
-pormaisvida2011@gmail.com-
16 de setembro de 2018 18:08

_______________________________

venres, xullo 31, 2015

O Pleno do Concello do día 30 de xullo aprobou a moción que declara a Narón municipio oposto o TTIP


NARÓN MUNICIPIO OPOSTO O TTIP

Dende Esquerda Unida Narón valoramos moi positivamente que o pleno do concello do día 30 de xullo aprobase a moción que declara a Narón municipio oposto o TTIP, nos felicitamos por esta decisión histórica, dende EU comezaremos  unha campaña de información e concienciación da cidadanía para que entenda a ameaza que supón para todas e todos este tratado.

Como manifestou en máis dunha ocasión o noso concelleiro André Abeledo:

O TTIP ameaza tanto os dereitos laborais como a liberdade sindical, ameaza a supervivencia dos servizos públicos, supón a privatización dos servizos básicos, ameaza a seguridade alimentaria, ameaza os recursos naturais, ameaza a biodibersidade, ameaza a privacidade persoal, permite un maior control de internet, ameaza o acceso os produtos farmacéuticos.

O TTIP rouba a soberanía nacional dos pobos deixando en mans das multinacionais o poder real, e deixando tamén a democracia baleira de contido.

O TTIP é un atentado contra a clase obreira, que tratan de impoñernos os poderosos pola porta de atrás e sen luz nin taquígrafos, o TTIP é un paso definitivo cara a ditadura do capital!
”.


ESQUERDA UNIDA DE NARÓN

Contas de Esquerda Unida Narón no facebook e no twitter.
Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
31 de julho de 2015 13:39

___________

Enlaces relacionados:

http://www.nottip.org.uk/global-day-of-action-april-18-2015/

http://noalttip.blogspot.com.es/

MÁIS INFORMACIÓN:
http://www.stop-ttip-ceta-tisa.eu/
________________

"Que o goberno do Estado se faga cargo do custe do novo medicamento para a hepatites C", din desde Esquerda Unida de Narón


EU NARÓN COS ENFERMOS DA HEPATITES C

Esquerda Unida Narón participou este martes día 28 no acto dos afectados de hepatites C celebrado en Valón, estivo representada por Belén Aneiros responsable da área da muller no CPL de EU Narón, e Manola López García.

Dende Esquerda Unida seguimos esixindo que o goberno do estado se faga cargo do custe do novo medicamento para a hepatites C, que pode evitar mortes, ademais de mellorar a calidade de vida das persoas afectadas por esta doenza. Durante o acto os conferenciantes incidiron na situación dos enfermos presos nas cárceres do estado onde os enfermos están nunha peor situación. Como di o noso concelleiro André Abeledo “non se pode poñer prezo a vida”.


ESQUERDA UNIDA DE NARÓN

Contas de Esquerda Unida Narón no facebook e no twitter.
Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
31 de julho de 2015 13:37

___________

domingo, marzo 08, 2009

Coidar a saúde, Protexer a vida

O Grupo de autoapoio "O Imán" da Unidade Asistencial de Drogodependencias do Concello de Vigo, hoxe, xoves, día 5 de marzo, ás 11.30h da mañá, reunímonos na Praza da Independencia ao redor de 100 persoas, xunto ao banco situado fronte á tenda de deportes Jalda, para recordar con afecto e respecto á nova muller enferma, transeúnte na nosa cidade, que o pasado día 24, pola tarde, morría prematuramente.

En devandito encontro lemos unha reflexión sobre "Coidar a saúde, Protexer a vida"; acompañounos a música de Mª Xosé López que interpretou acompañada da zanfoña a canción "Cantarei" (letra e música de Tino Baz), depositamos flores e acendemos unha velas.

Intentamos sinalar pedagóxicamente a importancia da morte na soidade da rúa e que se debería crear un espazo de respecto, pudor, reflexión ... para que nenos, novos e maiores non actúen coma se nese espazo non pasase nada.

Achegamos documento reflexivo lido.

Atentamente.

Coordinador Grupo Imán
Antón Bouzas Alvarez
Praza da Independencia.
5 de marzo de 2009.
11.30h.

Benqueridas amigas e amigos:

Xuntámonos hoxe aquí, diante deste banco de madeira, onde o pasado día 24, nosa compañeira sentábase a eso das catro da tarde, con evidentes síntomas de atoparse mal, deitándose no banco do que mais tarde caería. Cando se achegou unha ambulancia non puideron facer nada para salvar a súa vida.

Na túa honra debemos dicir que toda persoa é única e irrepetible e, como tal, ti eras valiosa para a sociedade e agora es valiosa no noso recordo.

Apénanos non ter tido a sorte de pasar ese día onde agonizabas porque nos achegaríamos a ti, falariámoste, tocariámoste, chamariamos a unha ambulancia mentres tratariamos de achegarte os primeiros auxilios.

Salvar a túa vida, se fora posible, houbera sido moi valioso, por eso, este é un acto cidadá e político, é un acto de duelo que en grupo é mais fácil de asumir. A sociedade, no seu conxunto, debemos recuperar a intervención inmediata, urxente e solidaria cara calquera ser humano que podamos intuír que necesita da nosa intervención.

Se hai un cadáver no chan, nenos, mozos e adultos, debemos crear no seu contorno un espazo de pudor e respecto.

Benquerida compañeira, ti es un eslavón nesta cadea de evidencias que nos ten que dar folgos na construcción dunha sociedade mais humana e mais xusta, onde vaian atenuándose as conductas aporofóbicas e a exclusión social.

Hoxe temos necesidade de acollernos ás habilidades da resiliencia, que son as capacidades que temos as persoas ou grupos para seguir proxectándonos no futuro, a pesar de acontecementos desestabilizadores, de condicións de vida difíciles e de traumas, a veces, graves.

Lembramos a importancia de que o Centro de Emerxencia Social, xa en obras no edificio Hogar San Pelayo, se axilicen con suficientes orzamentos para que no menor tempo posible de respostas ás persoas mais enfermas e pobres da nosa cidade.

Collámonos das mans e gardemos un minuto de silencio por esta valiosa vida que se nos foi.

_________________

O grupo de autoapoio "O Imán" é un programa do U.A.D. do Concello de Vigo, que reúne persoas afectadas polo VIH/Sida e adiccións, e persoas solidarias con esta causa.

GRUPO O IMÁN
R/ Pintor Colmeiro, 9 baixo. 36211 Vigo
Tel. 986 482 247 - Fax. 986 483 019
http://www.imansida.org/
info@imansida.org
_____________________
"Cantarei" [letra e música de Tino Baz]