luns, agosto 31, 2009

Os Titulares de Hoxe -31.08.2009-, do programa de radio Democracy Now!

Democracy Now! (Democracia Xa!) é un programa diario de noticias de radio e TV presentado por Amy Goodman e Juan Gonzalez e transmitido en case de 800 emisoras, conformando así a rede máis ampla de medios comunitarios do mundo[*].

31.08.2009

[*] En maio do 2005, Democracy Now! comezou a emitir Os Titulares de Hoxe en español que actualmente se escoitan en máis de 200 emisoras en América Latina, 20 en Estados Unidos , 10 en España e outros países. A cobertura segue crecendo.


Escoita os titulares de hoxe:






Democracy Now!
http://www.democracynow.org/

Difundindo Democracy Now! desde Galiza
http://democracia-xa.blogspot.com/

 

_________________

Mobilización entre o 1 e o 7 de Setembro: Semana de accións europeas polo prezo do leite

Semana de accións europeas polo prezo do leite
DO 1 ao 7 O PREZO DO LEITE DECÍDESE EN EUROPA

31 de Agosto do 2009
Semana de accións europeas polo prezo do leite

Como anunciabamos na pasada semana, co gallo das reunións que manterá a Comisión de Agricultura e nas que se abordarán medidas que agardamos poñan fin á crise do sector leiteiro, a Coordenadora Europea Vía Campesina, da que o SLG forma parte, fixo un chamamento á mobilización conxunta en Europa do 1 ao 7 de setembro, accións que o Sindicato Labrego Galego secundará dende Galiza, ao igual que as gandeiras e gandeiros franceses, entre outr@s, que xa comezaron hoxe coas mobilizacións en Francia.

O SLG levará a cabo unha semana de accións reivindicativas que fará cumio co desprazamento a Santander o vindeiro luns 7 de setembro (coincidindo coa celebración, en convocatoria extraordinaria, do Consello Europeo de Agricultura), onde a ministra de agricultura Elena Espinosa ten anunciada a inauguración dun curso de verano da Universidade Menéndez Pelayo.

Do 1 ao 5 de setembro terá lugar unha concentración reivindicativa permanente que se realizará mediante relevos en distintas quendas, manténdonos día e noite.

A tales efectos ubicarase unha carpa na Alameda de Santiago de Compostela, onde terán lugar actividades informativas e reivindicativas [*], co obxectivo de abordar en conxunto, produtoras/es e consumidoras/es, as claves da crise do sector leiteiro, aliás de chamar atención sobor dos resultados das reunións europeas, dos que procuraremos ir dando conta a través dos medios de comunicación.

Mañá, martes 1 de setembro, encetaremos a “Semana de accións europeas polo prezo do leite” cunha:
  • CONCENTRACIÓN ÁS 11:30 NA PRAZA DO TOURAL.
Produtoras/es e consumidores/as queremos visibilizar a nosa unión diante das actuais regras de mercado que está a esnaquizar o sector que vertebra o rural da Galiza: o sector leiteiro.

ENCONTRO COS GRUPOS PARLAMENTARES. 16,30 na ALAMEDA DE SANTIAGO

Na pasada semana convidamos ao BNG, PSOE, EU e PP, grupos políticos que teñen presenza no Parlamento Europeo, para que expresen a súa postura e cal vai ser a posición das e dos eurodeputados do seu grupo na Comisión de Agricultura do Parlamento Europeo (COMAGRI) o día 1, sobre as propostas presentadas pola Coordenadora Europea Vía Campesina o 21 de xullo na comparecencia ante a COMAGRI para saír da crise do leite en Europa e, máis concretamente sobre as que fan referencia ao prezo mínimo, á redución da cota global, a redistribución do dereito a producir, mantemento do control público da produción e o mantemento da regulación dos mercados.

Ao longo de todo o día 1, como durante toda a semana de reivindicacións, terá lugar o reparto de folletos informativos ao respeito da crise do sector leiteiro, ao tempo que a carpa instalada na Alameda será un espazo de encontro entre produtoras/es e consumidoras/es.

PROGRAMA DE ACTIVIDADES DA SEMANA DE ACCIÓNS EUROPEAS POLO PREZO DO LEITE

MARTES 1
11:30hrs.CONCENTRACIÓN na Praza do Toural
16:30hrs.ENCONTRO COS GRUPOS PARLAMENTARES. Carpa na Alameda de Santiago de Compostela.
Reparto de materiais informativos (polas rúas de Compostela) e espazo de encontro (carpa Alameda)

MÉRCORES 2
Ao longo do día: reparto de material informativo sobor da crise do sector leiteiro e a necesidade dun prezo mínimo para o leite.(Polas rúas de Compostela)
20:30hrs. Palestra de Carme Freire Cruces, Secretaria Xeral do SLG: O leite é noso. Poñámoslle o prezo. Proxección de vídeos das recentes mobilizacións do  sector leiteiro

XOVES 3
Ao longo do día: reparto de material informativo sobor da crise do sector leiteiro e a necesidade dun prezo mínimo para o leite.(Polas rúas de Compostela).
20:30hrs. Encontro con organizacións sociais e asociacións da Galiza. (Carpa Alameda)Ç

VENRES 4
Ao longo do día: reparto de material informativo sobor da crise do sector leiteiro e a necesidade dun prezo mínimo para o leite.(Polas rúas de Compostela).
20:30hrs. Palestra de Lída Senra Rodríguez, Secretaria de Organización do SLG e Responsábel de sectores gandeiros na Coordenadora Europea Vía Campesina. PreSentación e debate sobre a situación internacional do leite e o modelo da OMC.

SÁBADO 5
Ao longo do día: reparto de material informativo sobor da crise do sector leiteiro e a necesidade dun prezo mínimo para o leite.(Polas rúas de Compostela).
13:00hrs. Palestra de Xosé Ramón Cendán, Responsábel de Relacións Internacionais do SLG. Posición do SLG e proposta para unha nova política leiteira en Europa.

DOMINGO 6
Saída para Cantabria

LUNS 7
Manifestación en Santander

[*] Nota: aqueles medios ou persoas a título individual que desexedes acompañarnos a Santander podedes contactar co gabinete de prensa do SLG no 649 541 773 ou prensa@sindicatolabrego.com

Fonte: sindicatolabrego.com
_________________

Enlaces relacionados:

_____________

O Instituto Galego de Estatística fai públicos os datos da Estatística de construción de edificios correspondentes a abril de 2009

Tags

Estatística de construción de edificios. Abril de 2009

En abril de 2009 os concellos galegos concederon licenzas para construír 712 vivendas de nova planta

Segundo a “Estatística de construción de edificios”, elaborada polo Instituto Galego de Estatística en colaboración co Ministerio de Fomento, e que resume os datos das licenzas de obra maior concedidas polos concellos galegos, no mes de abril de 2009 concedéronse licenzas para 249 edificacións de nova planta. Sobre edificacións xa existentes, concedéronse licenzas para 123 obras de rehabilitación de edificios e 26 para obras de demolición de edificios. [+info en formato pdf]

O IGE publica hoxe na súa páxina web os datos da Estatística de construción de edificios correspondentes a abril de 2009.

Construción de edificios | Principais resultados | Resultados detallados

Información para Galicia. Datos dende 1990
Información para Galicia e provincias. Datos dende 2000
Información ata o nivel municipal. Datos dende 2000
 Pode-se atopar máis información en:

Un saúdo
--------------------------------------------------
Servizo de Difusión e Información Estatística
Complexo Administrativo San Lázaro s/n
Instituto Galego de Estatística
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/catalogo/peticioninfo.jsp
web: http://www.ige.eu


Enviado por:
IGE
-ige.novidades@ige.eu-
31 de agosto de 2009 09:18

_______________

Relacionados:

Os datos do pasado Marzo de 2009


_____________________

Novo horario do Museo da Natureza e Biblioteca da SGHN Ferrol

Tags
A partires do día 1 de setembro o Museo da Natureza e Biblioteca da SGHN Ferrol, abrirá:

de luns a venres

 en horario de 09:30 a 13:30 e de 16:30 a 20:30 horas

Enviado por;:
SGHNFERROLGmail
-sghnferrol@gmail.com-
31 de agosto de 2009 11:15

____________________

O "MUSEO DA NATUREZA" se atopa na Delegación de Ferrol da SGHN. Unha Entidade Científica sen ánimo de lucro fundada en 1973, inscrita no Rex. Nacional de Asociacións co nº 584918 e rexistrada no folio 11 das Asoc. Protectoras do Medio Ambiente (Xunta de Galicia)Nº AO/C-000/382 do Rex. de Asoc. Culturais Galegas. Membro do Consello Galego de Medio Ambiente. Incluída no Rex. de Entidades de Carácter Ambiental de Galicia co número 2009/0110.

http://sghnferrol.blogspot.com/

_________________

A Assembleia Geral da ONU declara Herois Mundiais a Evo Morales, Fidel Castro e Julius Nyerere

O presidente da Assembleia Geral das Nações Unidas, Miguel D'Escoto, declarou hoje o presidente boliviano, Evo Morales, como "Herói Mundial da Mãe Terra", em um ato realizado no Palácio do Governo de La Paz. Com uma medalha e um pergaminho, a Assembleia Geral da ONU reconheceu Morales como "o máximo expoente e paradigma de amor à Mãe Terra", afirma a resolução de condecoração lida durante o ato.

O documento acrescenta que a decisão foi tomada "após amplas consultas" entre representantes dos Estados que integram essa instância.

D'Escoto lembrou que Morales "foi o que mais ajudou" para que as Nações Unidas declarassem 22 de abril como Dia Internacional da Mãe Terra.

De seu lado, o líder afirmou que o reconhecimento não é para Evo Morales, "mas, para os antepassados e os povos originais" que "sempre defenderam à Mãe Terra".

Acrescentou que insistirá para conseguir que a comunidade internacional reconheça os direitos da Mãe Terra.

Além de Morales, o líder cubano Fidel Castro foi nomeado "herói mundial da solidariedade" e o falecido ex-presidente da Tanzânia Julius Nyerere será reconhecido como "herói mundial da justiça social".

"O que estamos querendo fazer é apresentar perante o mundo estas três pessoas e dizer que eles encarnam as virtudes, os valores dignos de serem repetidos por todos nós", concluiu.

EFE gb/an

Tirado de: http://www.brazilianvoice.com/bv_noticias/bv_mundo/28730-morales_declarado_quot_her_i.html

A nova em varios sitios:


Enviado por;:
Damch GZ
-damchgz@gmail.com-
31 de agosto de 2009 12:55
____________________

O impacto da crise sobre os sistemas de protección social

O profesor Vicenç Navarro non puido asistir en persoa a un curso na Universidade Internacional Menéndez Pelayo, mais a cambio diso deixounos un vídeo explicando como afecta a crise aos sistemas de protección social. Como sempre, é claro, maxistral e rotundo. Recomendo velo e divulgalo.

Juan Torres López


Fonte: juantorreslopez.com

Enviado por:
Juan Torres López
-juantorres@uma.es-
30 de agosto de 2009 14:18
__________________

domingo, agosto 30, 2009

Profesionais do mundo da saúde pasan á acción para informar dun xeito científico, crítico e veraz sobre a "pandemia" da Gripe A

Tags
GRIPE A

Estimad@s amig@s e seguidores de F-CAPE.

Con motivo da información confusa e algo alarmista aparecida nalgúns medios de comunicación un grupo de profesionais da sanidade de toda España estanse organizando para difundir documentos en base a estudos e informes recentemente publicados. O obxectivo que se propón é facer unha procura ampla e sen trabas pola literatura científica dispoñible e realizar unha lectura crítica profesional, logo de validar o seu contido con diversas asociacións e grupos de pacientes e comprobar que se trata de información legible e entendible por calquera persoa. Posteriormente será difundida nos medios e Blogs do sector.

Segundo o noso comunicante "a información versará exclusivamente sobre os aspectos sanitarios da pandemia, que será veraz, de contidos actualizados e realizado dunha forma cientificamente rigorosa. Cremos que os pacientes e a sociedade civil e os nosos propios compañeiros de traballo merecían que unha información así se puxese a disposición de todos, xa que probablemente tanta avalancha de información e tantos intereses e emocións en xogo debuxaron un panorama que para nada cremos saudable nin beneficioso".


Esta información vai ser difundida nas próximas semanas (comezarán a semana que vén) nunha cadea de BLOGS colaboradores comezando cun grupo de 30 Blogs mantidos por profesionais sanitarios do ámbito da atención primaria de saúde, ao unísono e de forma coordinada do medicamento. Nós www.f-cape.org ímonos a sumar a esta iniciativa, aínda que o noso unico obxectivo, como todos sabedes, sexa a recolocación da peligrosísima planta de gas natural licuado situada no corazón da nosa ría de Ferrol.

Enviamos este comunicado para invitar aos Blogs interesados en colaborar con esta iniciativa. Calquera persoa, xornalista, Bloguers, asociación, etc interesada pode enviarnos a súa mensaxe por e-mail a ferrol.cape@gmail.com indicando o seu interese en recibir estes comunicados periódicos. Nós contestaremos enviando o enlace para contactar coa cadea.

Saúdos,

www.f-cape.org

A Información anunciada aparecerá en : http://saludyotrascosasdecomer.blogspot.com/, entre otros blogs.

Enviado por:
Ferrol CAPE
ferrol.cape@gmail.com
30 de agosto de 2009 22:54

___________________

Outro gaseiro que non pode entrar na Ría de Ferrol

Hoxe, sábado 29 de agosto, estaba prevista a entrada na Ría do gaseiro “Madrid Spirit”, que tivo que renunciar a efectuala debido ao forte vento.

Este buque faría o nº 51 dos que arriban a Reganosa cargados de GNL e o 9º que ten que desistir da súa entrada polas circunstancias climatolóxicas adversas.
A improcedente localización da Planta de Gas no interior da ría, en lugar do Porto Exterior, fai que 1 de cada 5 buques, teñan problemas para atravesar a angosta canle de entrada e deban fondear, un ou varios días, á espera dunha marea coas condicións axeitadas.

Membros do Comité Cidadán de Emerxencia para a Ría de Ferrol, concentráronse ante o Edificio da Xunta de Galicia, como vén sucedendo cada vez que se anuncia a entrada dun buque cargado de gas natural liquado, para facer patente á cidadanía do perigo constante que supón a Planta e o tráfico dos gaseiros para o empobrecimiento da Ría e para a vida dos seus habitantes. Alí, o coordinador do Comité reclamou das autoridades : Alcalde de Ferrol, Presidente da Xunta, e Presidente do Goberno, que deixen de mirar para outro lado, que sexan conscientes do grave perigo que supón e que tomen as medidas necesarias para a paralización da planta e o seu traslado fóra da Ría.

O de hoxe deriva soamente nun gasto económico adicional, pero si esta situación se dera co buque dentro da ría e a tivera que abandonar precipitadamente por unha emerxencia, estaríamos posiblemente ante unha traxedia irreparable.

Ainda estamos a tempo:

¡PLANTA DE GAS FORA DA RÍA!

Enviado por:
Comité Cidadán de Emerxencia
-comitecidadan@gmail.com-
30 de agosto de 2009 00:57


--
Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
__________________

sábado, agosto 29, 2009

Karoll William hoxe en Ferrol para participar no Segundo Certame Solidario de Ferrol

O rap levantou desde un principio o seu berro desgarrado contra a guerra. Os raperos cubanos non son a excepción. O videoclip do grupo cubano de Hip Hop, Hoyo Colorao, autoría de Karoll William Pérez Zambrano é o exemplo de como a voz popular en beizos dos raperos está facendo moito máis que os mesmos gobernos. Este vidoclip ten entre os seus ingredientes unha factura de alta calidade, letra de revolucionario contido e mestura de humor, dor e creatividade que lanza un berro de paz e esperanza ao mundo.







Letra da canción

Di que NON!

Fai tempo que estou vendo que este mundo está patas pa´rriba,
a xente paga co seu sangue o prezo da vida,
os nenos choran,
porque o famento non ten saída,
e morren baixo o lume da terra prometida.

Os ricos dividindo a cañonazos o planeta
coa supremacía branca a punta de escopeta.
Atacando bastións, relixións e profetas
en nome dunha paz con metralleta.
E están televisando o que pasa,
están levando o odio aos recunchos da túa casa,
están facendo un show co abuso e a matanza,
están medindo o rating criminal da vinganza.

Agora que o mundo cambiou,
que os asasinos queren á xente.
Agora que están atacando aos nenos con bombas máis intelixentes.
Agora que corre o sangue en nome da paz,
agora que hai lume amigo.
Agora que di a tele que todos os pobres somos inimigos.

Di que non... A guerra non pode seguir.
Di que non... Os nenos non deben morrer.
Di que non... Un Non á guerra irmán,
xuntando as nosas mans, soñemos co porvir

Eu pensei que era Nintendo aquilo que eu estaba vendo.
Na pantalla da miña Panda a xente estaba morrendo.
Vin un indixente chorando e un presidente mentindo,
a guerra comezando, vin par de bombas caendo,
continentes protestando, policías reprimindo,
a bolsa cambaleando e o petróleo vai subindo.
Vin un terrorista gozando e cinco mozos sufrindo,
todo un pobo loitando, pero outro pobo morrendo.
Vin os ollos daquel neno que as tropas han mata´ou,
por estar no momento e o lugar equivoca´ou.

Agora que o mundo cambiou,
que os asasinos queren á xente.
Agora que están atacando aos nenos con bombas máis intelixentes.
Agora que corre o sangue en nome da paz,
agora que hai lume amigo.
Agora que di a tele que todos os pobres somos inimigos.

Di que non... A guerra non pode seguir.
Di que non... Os nenos non deben morrer.
Di que non... Un Non á guerra irmán,
xuntando as nosas mans, soñemos co porvir

Convencións e tratados que botaron polo caño do lavabo,
comisións que buscaron pero que non atoparon.
Consellos divididos, todo un pobo ameazado.
Estou fronte á tele saturado
de boletas que compran e véndense por cheas,
da manipulación que hai coas opinións.
Cowboy fillo de papi que comprou as eleccións.
De toda esta candanga xa estou ata os collóns.
Di que non, e ponche en 3 e 2 con to´esa xente
que quere encher o tanque sacrificando inocentes.
Dei que non, porque o chamaco teu pode ser
o que saíu en primeira plana, esta mañá, morto´e bala.
¡Di que non!

A guerra non pode seguir.
Di que non... Os nenos non deben morrer.
Di que non... Un Non á guerra irmán,
xuntando as nosas mans, soñemos co porvir

¡Di que non!
¡Di que non!
¡Di que non!
¡Non!


http://www.hoyocolorao.com/banda.html
_______________

Adega Informa: cacerola novo gaseiro, outras novas, proxima xuntanza. ... nova contaminación en Caranza e un Premio para Adega

Concentración-cacerolada entrada noso gaseiro "ilegal" na ría de Ferrol
Ferrol 29.8.2009. Ás 8 da Tarde concentración-cacerolada de repulsa ante a entrada "ilegal" dun novo gaseiro na ria de Ferrol cara a pranta de regasificación de Mugardos. Lugar:Diante do Edificio da Xunta de Galicia (Praza Amada García – Praza de España – Ferrol). Convoca o Comité Cidadán de Emerxencias e os colectivos que o apoiamos (... Adega, ..).

Nova contaminación e peche por un novo verquido de fecais na praia de Caranza en Ferrol
Ferrol 27.8.2009. Nova contaminación na Ria de Ferrol. A Ría de Ferrol sofre continuas agresións medioambientais, verquidos, recheos,… e de novo, volve haber outra pechadura temporal dun praia (praia de Caranza) por verquidos fecais. ADEGA leva desde fai anos reivindicando a depuración completa de ría de Ferrol, a eliminación de recheos innecesarios e a eliminación de verquidos industriais á ria.

Recoñecemento público a ADEGA po-la defensa do espazo natural de Brión (Ferrol)
Brión -Ferrol 23.8.2009. Premio a ADEGA pola loita na defensa dos espazos naturáis de Brión. Con motivo da celebración anual da "Marcha aos montes de Brión" o 23.8.209, a organización da actividade e representante dos veciños, deron recoñecemento público e outorgaron un premio a ADEGA polo traballo realizado na loita pola defensa dos montes de Brión ante a ameaza da construción dunha plataforma loxistica (megapolígono industrial) e que culminou coa paralización do proxecto e manter a zona natural de Brión sen devandito polígono industrial. Na plataforma pola defensa de Brión, tamén acompañaron a ADEGA, o Club de Montaña , veciños da zona, Nos, EU-IU, SGHN, ... A zona de Brión atópase xunto ao LIC Costa Artabra e a ZEPA da lagoa de Doniños. A paralización de tal "plataforma loxística" foi uns dos maiores éxitos ecoloxistas na comarca nos últimos anos.

Levantamento do Porto Carboeiro
ADEGA-Trasancos vai solicitar o levantamento do porto carboeiro de Ferrol, posto que o carbón descargan agora no porto exterior.


Sobre Contaminación da Praia de Caranza

Tirado do Diario de Ferrol:
Xoves 27 de Agosto de 2009

O achado dunha tubaxe de fecais pechou ao baño tres días o areal de Caranza
O Concello colocou o martes estas advertencias no areal sobre a prohibición de bañarse - Foto: JORGE MEIS

D.R.G. > FERROL

A praia da ensenada de Caranza permaneceu durante tres xornadas pechada ao baño. O pasado martes, o Concello colocou a pé de area indicacións con esta prohibición tras deixar a acción do mar ao descuberto unha tubaxe de augas fecais que verte directamente á ría.

Os carteis con esta restrición continuaban onte na praia, a pesar de que a prohibición xa está levantada unha vez que os técnicos de Emafesa comprobasen o estado da tubaxe. A concelleira de Medio Ambiente e Servizos, María López, explicou onte que a acción do mar deixou ao descuberto esta canalización que "desde fai 30 anos verte directamente ao mar, pero que ata agora permaneceu oculta baixo a area".

De todos os xeitos, esta non é a primeira, nin a segunda, nin a terceira vez que se pecha ao baño o areal de Caranza; e con este achado de novo vólvese a pór en cuestión a calidade das augas da mesma.

Así, aínda que a tempada de praias está na súa recta final, o asunto será hoxe motivo de debate político no pleno de fin de mes da corporación municipal de Ferrol debido a unha moción respecto diso de Esquerda Unida (EU). Na súa iniciativa, a formación que lidera Yolanda Díaz reclama que se aclaren as causas da contaminación que xa obrigou a prohibir o baño neste areal noutras tres ocasións anteriores: o pasado 29 de maio, así como os días 3 e 10 de xullo.

A portavoz de EU aludiu o pasado martes ao "principio de precaución" para demandar que non se permita á xente penetrarse nestas augas: "pedimos que se hai dúbidas cando menos se sexa cauteloso", dixo. Neste sentido, reclamou que "se faga un estudo para coñecer as causas destas anomalías perigosas para a saúde pública, que debe estar por riba de todo".

A concelleira sinalou que Esquerda Unida leva desde antes do inicio da tempada de praias con esta demanda, sinalando que "temos a obriga de informar á xente sobre a situación do areal de Caranza e que saiba ou que pode pasar". Respecto diso, na moción que esta tarde leva a pleno, EU denuncia que "a transparencia informativa está a fallar porque se oculta, e xa que logo descoñecemos, as causas e as modalidades dá contaminación". Unha falta de información que vulnera a ordenanza de praias, posto que "é un deber do Concello informar aos usuarios sobre a calidade dás augas de baño", indicou Díaz.

Vecin@s> A asociación veciñal Cuco Ruiz de Cortázar, pola súa banda, cuestionou onte o método seguido pola Xunta para realizar as análises. Para eles, estes realízanse de xeito incorrecto.

Sosteñen que os técnicos limítanse a coller mostras na beira, á altura da ermida, "cando o correcto sería tomalas no centro da praia a 80 metros de profundidade", explicaron onte desde a entidade.

Reunión ordinaria de adega
ADEGA-Trasancos: Vai-se reunir o vindeiro Martes, 1 de Setembro de 2009, ás 8 da tarde nos Locais da asociación veciñal no Centro Cívico e Cultural de Caranza.

Información adicional na web de ADEGA sobre algunhas destas reivindacions


Enlace de interese: adega.info/

Baseado na información enviada por:
Antonio Gª
ADEGA-Trasancos
angaji@yahoo.com-
ADEGA-TRASANCOS
-adegatrasancos@adega.info-
29 de agosto de 2009 11:44
__________________________

Nova convocatoria de reunión para falar sobre os Orzamentos Participativos, o mércores 2 de Setembro, no local social de Valón

[O concelleiro de Participación Cidadá, Manuel Santiago, explicou o proceso
Foto de DANIEL ALEXANDRE
]

Convocatoria_Orzamentos Participativos

Estimados/as veciños/as,

O próximo mércores 2 de setembro ás 19:00 horas imos manter unha nova sesión no local social da A.VV. O Cruceiro de Valón. Sería convinte que puidésemos avanzar sobre os seguintes puntos:
  1. Criterios de priorización de propostas en función do que traballou cada barrio e o GAP.

  2. Que órgano aproba o regulamento (intentaremos traer a esta sesión tamén as achegas dos diferentes grupos políticos)

  3. Datas das asembleas.

  4. Xestión dos locais sociais para depositar a ficha do rexistro de participantes.

Apertas,

Área de Participación Cidadá E DEPORTES
Maica Rodríguez Freire, técnica en Participación Cidadá
Praza de Armas, s/n. 1º andar. 15402 Ferrol
Tel.: 981.944.015 / Móbil: 696.112.691
participacion@ferrol.es


Enviado por:
Participación Cidadá
-participacion@ferrol.es-
28 de agosto de 2009 13:46

______________________


Enlaces relacionados:

Venres, 28 de agosto de 2009
O edil Manuel Santiago dá conta dos acordos adoptados polo Grupo Motor e o GAP na súa última reunión de traballo. As charlas para difundir este proceso continuarán hoxe, no local da Xunta Veciñal de Doniños, a partir das 19 horas



Orzamentos participativos



Documentos interesantes:

Blog que informa sobre:
___________________________

Responsabilidade social

Por Manuel Mera [*]
27.08.2009

Un estudo realizado en todo o Estado español amosa que un 54% dos que demandan emprego xa están traballando. Queren aceder ao pluriemprego para completar os ingresos salariais, facendo horas extras despois do traballo cotiá, os fins de semana e mesmo nas vacacións. Trátase fundamentalmente de inmigrantes que están dispostos a realizar xornadas máis longas para completar os ingresos. Abraia que a porcentaxe multiplicou por cinco desde o pasado ano, e ademais o estudo reflicte que son persoas dispostas a aceitar calquera tipo de emprego e de menor cualificación.

Evidentemente este aumento de solicitudes de pluriemprego ten relación coa crise unido a un recuar das condicións laborais, e complicará moito a redución do desemprego. Compre termos en conta que o INEM considera que catro de cada dez parados teñen poucas posibilidades de acadar traballo, porcentaxe que atinxe o 57,3% cando se trata de maiores de 45 anos.

Hai algún medio de información económico que fala dunha seleción que deixa fóra aos menos preparados, porén a peneira empresarial parece responder sobre todo a criterios de custes salariais e neutralizar as persoas máis reivindicativas, algo que moi doado cunha enorme man de obra de reserva.

O medre da contratación irregular de inmigrantes, no ano 2008 foron descubertas 588 persoas traballando nestas condicións en Galiza, un 20% máis que un ano antes, demostra que un sector da patronal está disposta a actuar fóra da Lei para aumentar lucro, a costa de salarios baixos e canear os seguros sociais. Esta tendencia con seguridade crece nun intre como o actual onde a crise parece xustificalo todo nas empresas, e cando pode acadar estes fins por procedementos semi-legais. Esquecen que teñen unha responsabilidade social, ou sexa: cos operarios e o lugar onde obteñen os beneficios.

Artigo publicado no Diario de Ferrol


[*] Manuel Mera Sánchez, é Secretario confederal de Formación Sindical e Comunicación da Confederación Intersindical Galega (CIG). Membro do Movemento Galego ao Socialismo, formación de recente constitución integrada no BNG.

______________________

Outros artigos de interse de Manuel Mera no xornal sindical Avante
________________

Instan ao Goberno Municipal para que proceda, consonte os compromisos recollidos no acordo orzamentario para este exercicio, a facer realidade a reurbanización da Praza de Sartaña


O Grupo Municipal de Esquerda Unida quere chamar a atención do Goberno Municipal para que proceda, consonte os compromisos recollidos no acordo orzamentario para este exercicio, a facer realidade a reurbanización da Praza de Sartaña.

Informacións do Grupo Municipal de Esquerda Unida

  • O GRUPO MUNICIPAL DE  ESQUERDA UNIDA   URXE    AO GOBERNO MUNICIPAL A  DESENVOLVER A REURBANIZACIÓN DA PRAZA DE SARTAÑA
  • A VOCEIRA DO GRUPO MUNICIPAL APOSTA  POLA MELLORA  DUN ESPAZO PÚBLICO AO SERVIZO DA CIDADANÍA
  • ESQUERDA UNIDA INCORPOROU A REURBANIZACIÓN DA PRAZA NO ACORDO ORZAMENTARIO  PARA ESTE ANO
O Grupo Municipal de Esquerda Unida quere chamar a atención do Goberno Municipal para que proceda, consonte os compromisos recollidos no acordo orzamentario para este exercicio, a facer realidade a reurbanización da Praza de Sartaña.

Para Esquerda Unida a Praza de Sartaña foi un dos exemplos  de loita e reivindicación cidadá que aconteceron no mandato anterior e  que a nosa organización fixo seu. De feito no noso paso polo Goberno   anulamos as actuacións emprendidas polo anterior goberno da dereita, como primeiro paso cara a reurbanización da devandita praza.

A Voceira do Grupo Municipal, Yolanda Díaz, considera  que vai tempo dabondo para dar ese paso adiante, necesario, consistente na reurbanización da Praza de Sartaña, para facer dela un espazo público  mellorado ao servizo da nosa veciñanza.

A demanda do movemento veciñal da zona é firme na necesariedade e urxencia de acometer esta obra para achegar mellorado un espazo de relación social e vida comunitaria nunha zona  que  adoece deles.

A nosa organización quere insistir na falla de ritmo coa que o Goberno Municipal acomete ou incluso adía  os compromisos adquiridos co noso Grupo Municipal e coa cidadanía en xeral.

Enviado por:
eu-ferrolterra@esquerdaunida.org
28 de agosto de 2009 15:34


Prezad@s amig@s: vaivos no arquivo un Informacións referente a demanda de reurbanización da Praza de Sartaña. Grazas pola vosa atención.
Saúdos, Ramiro Marier

______________________

Nova Masacre en Colombia: Exterminio sistemático do pobo indíxena Awá

Estimadas amigas e amigos de Salva a Selva:

Respondendo ao chamamento urxente do pobo Awá, reproducimos na nosa web un pedido urxente ás organizacións sociais e populares, aos organismos defensores de dereitos humanos nacionais e internacionais para que se solidaricen e promovan accións destinadas a visibilizar e denunciar a grave masacre sucedida fai dous días nunha comunidade Awá.

Máis información para iso e un modelo de carta para protestar ante as autoridades colombianas atopan na nosa web:

http://www.salvalaselva.org

Non deixen de asinar hoxe mesmo e axuden a difundir esta mensaxe entre tod@s aqueles que poidan estar interesados en asinar a acción. Moitas grazas e un saúdo afectuoso

Guadalupe Rodríguez
Salva a Selva
www.salvalaselva.org

Berlin, Alemaña
Tel.: 49 (0)30- 51736879

Ademais: Continúa a acción para defender as tartarugas en Costa Rica e Gran éxito en Chiapas: o defensor de de a Sierra Nai de Chiapas en contra da minería transnacional a gran escala, Don Mariano Abarca, que nun principio se pensou secuestrado pero que fora inxustamente detido polas autoridades e criminalizado inxustamente polas súas actividades de resistencia, foi liberado onte e atópase san e salvo no seu domicilio. Desde México agradecen de corazón a todos polas numerosas cartas que mandaron e polos chamados telefónicos de presión.

Enviado por:
Rettet den Regenwald e.V.
-info@regenwald.org-
29 de agosto de 2009 05:21

______________________

Enlaces relacionados:
_____________

xoves, agosto 27, 2009

Unha vez máis o Comité Cidadán convoca unha acción de protesta, para este Sábado 29 de Agosto, polo anuncio de entrada na nosa Ría dun gaseiro cargado con GNL para Reganosa

O gaseiro Madrid Spirit que fai o 51 cargado con GNL-LNG para a ilegal e perigosa Reganosa, ten previsto a entrada na Ría de Ferrol, este Sábado 29 de Agosto de 2009. Diante deste anuncio, o Comité Cidadán de Emerxencia convoca unha CONCENTRACIÓN o mesmo Sábado, ás 8 da Tarde na Praza Amada García, diante do Edificio Admistrativo da Xunta de Galicia.

Características do buque: Nome.- Madrid Spirit,   Bandeira.- España,  Eslora.- 284.40 m,  Manga.- 42.50 m, Calado máximo.- 12.30 m,   Capacidade.- 138.000 m3

¡ PLANTA DE GAS FORA DA RÍA ¡


Para apoiar e colaborar co Comité Cidadán
:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

__________________________________
Enviado por:
Comité Cidadán de Emerxencia
-comitecidadan@gmail.com-
27 de agosto de 2009 21:14

_______________________________

O grupo Som do Galpom actuará o Venres 28 de Agosto, ás 10 da noite, na Praza de Armas dentro do Programa das Festas de Ferrol

Tags


Este é un grupo en alza, dentro das formacións galegas, a súa música, as súas letras, o seu compromiso, todo un conxunto que paga a pena apreciar

"Som do Galpom nace en Decembro de 2005 nunha aldea (A Moniña) perto de Compostela. A verdade é que todos os integrantes do grupo traíamos múltiples e variadas propostas do tipo de música que queríamos facer. Sem embargo, todos coincidíamos en apostar por unha formación innovadora e orixinal que se apoiase nas raíces de tres estilos de música diferentes que, ao mesmo tempo, semellaban moi parellos como son: o funky, o reagge e o rap. De fondo, sentíase o latexo dunha idea que consistía en apoiar toda a nosa música sobre bases totalmente instrumentais. É dicir, pretendíamos dar un paso maís no panorama musical que vivimos neste S.XXI (era das máquinas) deixando de lado as produccións electrónicas. ..." [+info en Komunikando.net]



__________________________

Enlaces relacionados:

http://www.komunikando.net

http://www.myspace.com/somdogalpom

http://www.somdogalpom.com/
________________________________

Segundo o IGE a economía galega rexistra un crecemento negativo (-3,2%) no segundo trimestre de 2009

Tags
O IGE publica hoxe na súa páxina web os datos das Contas económicas trimestrais de Galicia correspondentes ao 2º trimestre de 2009.
                                                                       
Contas económicas trimestrais. Segundo trimestre de 2009
27 de agosto de 2009

A economía galega rexistra un crecemento do -3,2% no segundo trimestre de 2009

O Produto interior bruto (PIB) xerado pola economía galega no segundo trimestre de 2009 rexistrou un descenso do 3,2% con respecto ao mesmo período do ano anterior, medido en termos de índices de volume e con datos corrixidos de efectos estacionais e de calendario.

Este descenso é superior en 1,1 puntos á caída rexistrada no trimestre anterior.

O crecemento interanual do PIB galego supera en 0,9 puntos ao dato avance difundido polo INE de crecemento economía española (-4,1%).

O descenso intertrimestral sitúase no 0,9%, 1 punto inferior ao retroceso do trimestre anterior.

Poden atopar máis información en: ige.eu

Noticia: A economía galega rexistra un crecemento do -3,2% no segundo trimestre de 2009

Poden atopar máis información na nota de prensa para os medios de comunicación en: ige.eu

Un saúdo

Baixar a información completa nun documento en formato -pdf-


Enviado por:
Servizo de Difusión e Información Estatística
ige.novidades@ige.eu
27 de agosto de 2009 09:22


Instituto Galego de Estatística
Complexo Administrativo San Lázaro s/n
15703 Santiago de Compostela
Telf: 981 541589 de 9 a 14 horas, Fax: 981 541323
contacto: http://www.ige.eu/catalogo/peticioninfo.jsp
web: http://www.ige.eu
_____________________

Charla en Doniños, Venres 28 de Agosto, sobre as necesidades da parroquia e os orzamentos participativos

PARTICIPACIÓN CIDADÁ-FERROL

2ª CHARLA INFORMATIVA - DONIÑOS

2ª  Charla Informativa sobre Orzamentos Participativos.

Análise das necesidades da parroquia.

Día 28 de Agosto, ás 7 da tarde, no Local Social da Xunta Veciñal de Doniños.

Intervirán:
  • María Fernández , Asoc. Mulleres Rurais de Doniños.
  • Mª José Fernández, Asoc. San Román.
  • Magdalena Gonzalez, Asos. Prioriño.
  • Pilar Díaz, Asoc. Xunta Veciñal de Doniños.

Publicado por Participación Cidadá de Ferrol para PARTICIPACIÓN CIDADÁ-FERROL el 8/27/2009 06:53:00 PM

Enviado por:
x.mel sanxoan
-melsanxoan@gmail.com-
27 de agosto de 2009 21:19

_____________________

A Marcha Mundial pola Paz e a Non Violencia, será a protagonista, estes 29 e 30 de Agosto, no Encontro Solidario que se organiza anualmente no Cantón de Ferrol

Convidamos a tod@s a participar os días 29 e 30 de Agosto, no Encontro Solidario [II Certame Solidario do Concello de Ferrol] que terá lugar no Cantón de Molins.
  • Sábado 29 de Agosto: de 12 a 14 horas e de 17 a 20 horas

  • Domingo 30 de Agosto: de 12 a 14 horas e de 17 a 20 horas

O sábado, pouco despois das 12 do mediodía, representantes da Marcha farán unha intervención, logo das palabras de representantes do Concello, para dar apertura ao evento. Agardamos a vosa presencia e participación na divulgación da proposta d'Un mundo sen guerras.

Un saúdo a tod@s !
Susana








Enviado por:
Marcha Mundial pola la Paz e a Non Violencia - Ferrol
-porlapazferrol@hotmail.com-
25 de agosto de 2009 10:32
_________________________


"... Beatriz Sestayo avanzaba que este ano o Certame Solidario renderá tributo á Marcha Mundial pola Paz. Unha acción promovida pola Organización Internacional “Mundo sin guerra” que botará a andar o vindeiro 2 de outubro en Nova Zelanda e rematará na cordilleira dos Andes o 2 de xaneiro de 2010 e á que o Concello de Ferrol como moitas outras cidade do mundo se adhería hai unhas semanas para reclamar a través de diversas accións e actividades simbólicas o fin das guerras e da violencia. Na urbe naval estará a finais de outubro pero antes e para dar a coñecer este proxecto entre a cidadanía ferrolá o Certame Solidario contará cun stand informativo. ..."

Máis información do evento na páxina web do Concello: ferrol.es
_________________________

mércores, agosto 26, 2009

O Colectivo Ártabra 21 reitera a súa oposición á construción dun novo estacionamento soterrado na Praza do Concello [Praza de Armas]



Estes días asistimos a un debate social nos medios de comunicación locais, a raíz da aprobación por parte do Pleno do Concello de Ferrol [06.07.2009] do "Estudo de Viabilidade do Párking da Praza de Armas", co voto a favor do PSOE e BNG, e a abstención do resto -PP, EU e IF-, estudo de viabilidade elaborado pola firma IDOM, e que proxecta un estacionamento soterrado de 8.200 m2, tres plantas e un mínimo de 320 prazas [publicado o anuncio de exposición pública no BOP o 14.07.2009].

Unha vez aberto un período de alegacións dun mes a partir da citada data de publicación, presentaron-se máis dun cento de alegacións, a maioría de particulares, unha do PP e outras de diferentes entidades [segundo varios medios de comunicación local], na súa maioría só cuestionan asuntos referentes a cantidades: que "o estacionamento non oferta suficientes prazas" [oferta 320, frente ás 116 actuais]; que o prazo de execución das obras ten que ser menor, alguén demanda que sexa entre 6 e 8 meses [no Estudo figuran 24]; preocupados tamén polo "canon" [400.000 € por unha adxudicación de 40 anos] e outros asuntos de interese para comerciantes e residentes. Algunha entidade como a asociación Ferrol se mueve, achega unhas 2.000 sinaturas de apoio ás súas demandas; o Centro Comercial Aberto da Magdalena - ACOF e a asociación veciñal Pedro Padrón van na mesma dirección [máis esta última, segundo o Diario de Ferrol, eleva a 480 a capacidade de prazas do estacionamento].

A asociación ecoloxista VERDEGAIA é a única entidade que presentou alegacións cuestionando-se a idoneidade e necesidade do propio estacionamento. Actuación loábel que ten o noso recoñecimento e apoio. Precedido este posicionamento, de Verdegaia, por un artigo titulado "Peotanización e pacificación do tráfico na Magdalena", publicado o 2 de Agosto de 2009 no semanario Nordesía, separata dominical do xornal comarcal Diario de Ferrol, asinado pola arquitecta ferrolá Olga Fra Gálvez [que formou parte da equipa de redacción, dirección e coordinación do PERI - Plan especial de protección e rehabilitación do barrio da Magdalena - aprobado o 27.09.2007] e o activista social Alexandre Carrodeguas.

Por outra banda o colectivo Masa Crítica de Ferrol, manifestou publicamente o seu desacordo coa construción do estacionamento, apostando por uns barrios libres de coches e a potenciación doutro tipo de mobilidade urbana, máis saudábel e sustentábel, baseada en ir a pé aos sitios, ou utilizar a bicicleta e tranporte público. Esquerda Unida, até hai pouco tempo formaba parte do goberno municipal, non presentou alegacións, mais anunciou a súa oposición ao estudo de viabilidade e que pedirá a súa retirada no pleno no que se traten as alegacións, aínda que, como xa dixemos con antelación, á hora da presentación á aprobación do estudo de viabilidade no pleno do 6 de Xullo, esta organización política optou pola abstención. Pois realmente esta organización só demanda un novo estudo de viabilidade, sen cuestionar-se a necesidade da construción dun novo estacionamento, precisamente este foi un dos asuntos que lles criou un conflito interno á par doutro co PSOE o seu antigo socio no goberno local. A organización política Nós-UP, tamén manifestou a súa posición contraria á construción dun novo estacionamento.

Parece-nos importante resaltar que o propio Concello, cos votos a favor de todos os grupos, é dicer por unanimidade, no Plan Urban de Ferrol, aprovou unha cousa moi diferente ao que se pretende facer na Praza do Concello [Praza de Armas], pois na páxina 25 do citado plano di textualmente:

"A iniciativa URBAN insérese nun conxunto de accións dirixidas ao obxectivo común da recuperación urbana. Planificación urbanística para a protección e a rehabilitación; Programas de Rehabilitación de edificios e vivendas; Centro Comercial Aberto; Novos equipamentos culturais da cidade; Programa de reurbanización parcial da Magdalena, construción de estacionamentos periféricos disuasorios; Programa de reurbanización xeral de Ferrol Vello; Proxecto de peonalización, reordenación de tráfico e potenciación do transporte público na Magdalena; Servizo público de bicicletas; son outras tantas accións que conflúen co Proxecto URBAN nunha estratexia integral de recuperación urbana".

Este plano esta cheo de propostas sustentábeis a todos os niveis, mais no referente á mobilidade urbana, as súa propostas son moi razonabeis, polo que recomendamos a súa leitura e detido análise. O paradóxico é que foi presentado  publicamente o 29 de Xuño, só uns días antes de aprobar-se o "Estudo de Viabilidade do Párking da Praza de Armas" [06.07.2009]. O que non se pode entender, entre moitas outras cousas, é que si se está elaborando un "Plano de Mobilidade Urbana para Ferrol" [páxina 32 do Plan Urban] como é que se pretende facer un estacionamento soterrado no medio do casco histórico, animando deste xeito aos vehículos particulares motorizados a entrar no mesmo?, como se pode facer este "equipamento" que ten que ser periférico, no mesmo corazón do centro? e o que é pior como se pode facer o equipamento antes que a planificación estexa rematada?.

O Colectivo Ártabra 21 reitera a súa oposición á construción dun novo estacionamento soterrado na Praza do Concello [Praza de Armas], tal e como acordamos na reunión aberta con diferentes persoas e colectivos, celebrada o pasado 15 de Xullo. Nesa mesma reunión acordouse promover no mes de Setembro o debate, a unión e a acción dos colectivos e diferentes organizacións co obxectivo de artellar un movimento opositor ao proxecto e que conciencie á cidadanía na necesidade de "reducir a mobilidade forzada e deixar de fomentar o uso innecesario dos vehículos motorizados". Un movimento opositor que teña entre as súas demandas e propostas políticas de mobilidade urbana, o dar "prioridade aos medios de transporte respectuosos co medio ambiente, -en particular, os desprazamentos a pé, en bicicleta ou mediante o transporte público- ...".

O Colectivo Ártabra 21, abriu un blogue público:  http://mobilidade-urbana.blogspot.com/,  para armar-nos de argumentos e facilitar o debate e a toma de decisións, en todo o referente á "Mobilidade Urbana" .

Posición Pública do Colectivo Ártabra 21

SOBRE O ESTUDO DE VIABILIDADE DO APARCAMENTO

O colectivo Ártabra21 lembra que neste pasado mes de Febreiro nos opuxemos e rexeitamos o proxecto do actual goberno municipal en construír un aparcadoiro na Praza de Armas - Praza do Concello.

Contestamos de igual modo ao estudo de viabilidade para a construción do aparcamento a que entendemos que vulnera as conclusións da AXENDA21 LOCAL celebrado en Ferrol no ano 2003-2004, e as recomendacións da UNESCO na súa comisión Vial para os Cascos Históricos.

Saúdo!

Colectivo Ártabra21.

Anexos:

ANEXO -I-

PRAZA DE ARMAS – PRAZA DO CONCELLO

O Colectivo Ártabra21 quere lembrar que no mes de Febreiro deste ano emitimos un comunicado, rexeitando os planos do goberno local en rescatar a concesión da Praza de Armas – Praza do Concello para a construción dun aparcamento.

Pensamos que este proxecto de construír un aparcamento atenta e vulnera o pacto e acordos contemplados na propia Axenda21 Local, ademais de non respectar os acordos alcanzados nas conclusións dos debates desta Axenda 21 realizados nesta cidade de Ferrol durante os anos 2003 e 2004.

Na última década, entidades e forzas conservadoras, realizaron varios intentos para PRIVATIZAR varios ESPAZOS E PRAZAS PÚBLICAS da nosa cidade a cal tivo unha decidida resposta cidadá co fin de PRESERVAR E DEFENDER ESTAS PRAZAS da constante ameazada da ESPECULACIÓN.

Debemos entender que este barrio da Magdalena, a diferenza doutros, está situado dentro dun CASCO HISTÓRICO onde teñen que se definir unhas políticas específicas e protectoras, impulsando ZONAS PEONÍS como prioridade principal das persoas fronte aos coches.

Recollemos algún exemplo como a UNESCO que recomenda e advirte á cidade de Córdoba para ser Capitalidade Cultural do ano 2016....

"Quen dixo que ser Capital Cultural de Europa sería fácil? Como comezo, un bon asento histórico e cultural es imprescindíbel, mais no sólo de historia vive o home, tamén de presente. E no presente, o urbanismo sostíbel e a mobilidade ocupan gran parte do interese das institucións. De aí a recomendación ou, mais ben, a advertencia da Cátedra de Seguridade Vial da Unesco: si Córdoba é preseleccionada en 2010 para optar a Capitalidade en 2016, deberá someter-se a importantes restricións no fluxo de vehículos no interior do seu casco histórico".

Institucións como a UNESCO e a propia AXENDA 21 LOCAL advirten e recomendan a construción de APARCAMENTOS DE BORDE ou ARREDOR DOS BARRIOS HISTÓRICOS como ALTERNATIVA ao tráfico rodado.

Este é o caso do Aparcadoiro da PRAZA  DE ESPAÑA – PRAZA DE PORTA NOVA, onde no ano 1999, o Pleno do Concello Ferrol aprobou por unanimidade iniciar as políticas de REHABILITACIÓN DO CASCO HISTÓRICO E ZONA PEONIL NO BARRIO DA MAGDALENA.

Entendemos que se debe impulsar un transporte público de calidade como alternativa ao uso do transporte privado así como viais de servizo público, ademais da implantación de CARRÍS–BICI.

O COLECTIVO ÁRTABRA 21, DEFENDE E SALIENTA ESTE SINGULAR E REPETÍBEL CASCO HISTÓRICO DO BARRIO DA MAGDALENA POLO QUE INSTAMOS AO GOBERNO MUNICIPAL QUE RETIRE ESTE PLANO DE VIABILIDADE.

INSTAMOS AO GOBERNO A QUE RECTIFIQUE E IMPULSE ESTE CASCO HISTÓRICO COMO ZONA PEONIL CO FIN DE PRESERVAR E SALVAGARDAR ESTE IMPORTANTE PATRIMONIO ARQUITECTÓNICO PARA USO E GOZO DA CIDADANÍA.

Ferrol a 24 de Agosto de 2009.

Colectivo Ártabra21

ANEXO -II-


Enviado por:
Colectivo Ártabra 21
artabra21@gmail.com
25 de agosto de 2009 01:15

--

Colectivo Ártabra 21
Xurdimos a favor dunha política xusta, democrática, participativa e sustentábel, responsábel cara ao futuro da humanidade, respeituosa e defensora do medio natural
Ferrol, Terra de Trasancos e Bezoucos
Blog do Colectivo Ártabra 21
http://artabra21.blogspot.com/

____________________

Enlaces relacionados:
Outros enlaces de interese:
__________________

luns, agosto 24, 2009

Atención !!!: Videos de moito interese - A crise Sistémica -

"... os fraudulentos mecanismos económicos que puxeron contra as cordas ao sistema capitalista levoume en anos pasados a descubrir a inaprazable crise enerxética que pronto terá lugar cando o petróleo empece a escasear, moito máis grave e mortífera que a actual crise financeira ..."
-Manuel Talens | Madrid, Maio de 2009-

Chris Martenson's Blog - El Crash Course en Español - Aug. 8, 2009 | Blogs at Chris Martenson - Chris Martenson's Blog, Crash Course, Espanol, Spanish, Translation

Esta serie de vídeos explica moi ben a situación de crise sistémica terminal na que estamos envoltos. Moi recomendable!

08.08.2009

"Benvidos ao Crash Course.

O usamericano Chris Martenson doctorou-se en ciencias na Duke University [Durham, North Carolina]. É autor do Crash Course, que rapidamente recibiu grandes eloxios e alcanzou unha enorme popularidade na súa versión inglesa orixinal. O Crash Course pretende axudarlles a comprender a natureza dalgúns retos de extraordinaria gravidade para a nosa economía e a súa futura prosperidade. O que están vostedes a piques de ver é unha versión moi resumida dun seminario de entre 6 e 8 horas que Chris Martenson estivo impartindo desde fai catro anos no seu país, Usamérica.

Grazas a Manuel Talens, quen ofreceu gratuitamente o seu tempo e esforzo para traducilo ao español, compráce-nos presentar o Crash Course de Chris Martenson en español. Esperamos que sexa proveitoso
".

"Ola, chámome Atenea Acevedo e son a presentadora desta serie. O Crash Course integra diversos temas aparentemente dispersos para formar unha soa narración. Falaremos de economía, enerxía e medio ambiente, e iso porque na encrucillada de tales temas é onde se conta a historia máis transcendental de calquera xeración".

"Unha vez concluída esta presentación comprenderán e pensarán a economía de xeito totalmente distinto. Vou ofrecer un marco que clarificará o que, para moita xente, é un asunto profundamente confuso. Chris Martenson necesitou varios anos para recompilar e desenvolver a información deste breve curso nunha narración altamente condensada".

"Debo advertir que para algúns non será fácil, porque falaremos dalgúns cambios descomunais que, preciso é recoñecer, son moi dificultosos de concibir".

"Pretendo cambiar as súas opinións e ata poida que enfrónteme a algunhas das crenzas máis arraigadas [por exemplo, O crecemento é bo e O futuro parecerase ao pasado ou O dólar é un valor seguro]. Tratarei de convencer de que xa vai sendo hora de que se aprenda, preste atención e se pase a acción".

Enlace coa serie de Videos:

http://www.chrismartenson.com/crashcourse/espanol

Enlace de moito interese:

http://www.chrismartenson.com/blog/el-crash-course-en-espanol/24286

--
Manuel Casal Lodeiro 'Casdeiro'

["Either we tactfully manage to reduce our environmental load, or resource constraints and pollution will limit it for us­ unpleasantly" - Jason Bradford, 2007]

http://www.Cenit-del-Petroleo.info
·····································
ESPALLA! Lista de espallamento de novas, convocatorias e outro material por outra Galiza posíbel.
·····································
Envíos ---> espalla@redeanticapitalista.org

Espalla esta mensaxe!!!

Enviado por:
Manuel Casal Lodeiro
-casdeiro@degalicia.org-
22 de agosto de 2009 11:00

_________________







_________________________

Titulares desde o Sur a 24 de Agosto de 2009

Tags