Amosando publicacións coa etiqueta Antimilitarista. Amosar todas as publicacións
Amosando publicacións coa etiqueta Antimilitarista. Amosar todas as publicacións

luns, outubro 29, 2018

A eurodeputada Lídia Senra traerá a Santiago á vicepresidenta da Subcomisión de Seguridade e Defensa do Parlamento Europeo e eurodeputada do Die Linke alemán Sabine Lösing para falar do gasto militar na UE - Senra traerá a Santiago á eurodeputada do Die Linke alemán Sabine Lösing para falar do gasto militar na UE - Lösing é vicepresidenta da Subcomisión de Seguridade e Defensa do Parlamento Europeo e ofrecerá unha charla o 8 de novembro ás 19:00hrs na Facultade de Políticas da USC, presentada por Xavier Vence.



Senra traerá a Santiago á vicepresidenta da Subcomisión de Seguridade e Defensa do Parlamento Europeo e eurodeputada do Die Linke alemán Sabine Lösing para falar do gasto militar na UE. | Senra traerá a Santiago á eurodeputada do Die Linke alemán Sabine Lösing para falar do gasto militar na UE. | Lösing é vicepresidenta da Subcomisión de Seguridade e Defensa do Parlamento Europeo e ofrecerá unha charla o 8 de novembro ás 19:00hrs na Facultade de Políticas da USC, presentada por Xavier Vence.

A eurodeputada galega Lídia Senra pretende coa organización deste acto dar a coñecer como as institucións europeas están reforzando a industria armamentística e comprometendo a paz dentro e fóra da UE

A vicepresidenta da Subcomisión de Seguridade e Defensa do Parlamento Europeo e eurodeputada do Die Linke alemán Sabine Lösing estará na Galiza a vindeira semana, para participar, convidada pola súa compañeira galega dentro do Grupo Confederal da Esquerda Unitaria Europea/Esquerda Verde Nórdica (GUE/NGL), Lídia Senra, nunha charla-coloquio titulada “Con esta Europa non hai paz. Non ao gasto militar”. O acto, ao que Lídia Senra anima a acudir a todas as persoas sensibles e comprometidas coa paz, terá lugar no Salón de Graos da Facultade de Políticas da Universidade de Santiago de Compostela (USC), o xoves 8 de novembro ás 19:00 horas, e será presentado polo catedrático de Economía Aplicada na USC Xavier Vence.

Senra, organizadora do evento, considera fundamental dar a coñecer como as institucións europeas “están comprometendo a paz na UE”. Así, a europarlamentaria galega denuncia que nestes momentos estase negociando o Marco Financeiro Plurianual para o período 2021-2027 e “as cifras destinadas á militarización e ao reforzo da industria armamentística non deixan lugar a dúbidas”. Así, a fronteiras exteriores e seguridade destinaranse 21.300 millóns de euros, fronte aos 5.600 millóns do período anterior. En seguridade e defensa, investiranse 27.515 millóns de euros e dentro desta partida hai 13.000 millóns para crear un fondo novo de Defensa. E o capítulo de infraestruturas para facilitar a mobilidade militar financiarase con 6.500 millóns de euros dentro do Mecanismo Conectar Europa.

A Alta Representante da Unión Europea para Asuntos Exteriores e Política de Seguridade e Vicepresidenta da Comisión Europea, Federica Mogherini, propón crear un ‘Mecanismo de Apoio á Paz’ para reforzar posibles accións conxuntas en países de fóra da Unión. Mal se pode apoiar a paz preparándose para intervir”, advirte Lídia Senra, que agarda que a charla-coloquio do 8 de novembro en Santiago sirva para informarse, debater e poñer en común a preocupación ante este escenario.

A eurodeputada do GUE/NGL polo Die Linke alemán Sabine Lösing é vicepresidenta da Subcomisión de Seguridade e Defensa do Parlamento Europeo e unha grande experta neste tema. Durante a charla, ofrecerá a súa visión crítica coas decisións que está a tomar a UE ao respecto dun maior gasto en militarización. Esta será a primeira vez que se poderá escoitar a Lösing na Galiza e a charla contará con servizo de tradución simultánea do alemán ao galego.

Santiago, 29 de outubro de 2018.

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL). | Tlf: 609 845 861, lidia.senra@europarl.europa.eu 1
http://lidiasenra.gal/ | https://www.facebook.com/LidiaSenraRodriguez

Enviado por:
AGEe Europa
-ageeneuropa@gmail.com-
29 de outubro de 2018 11:34

___________________

xoves, maio 24, 2012

24 de maio: "Día Internacional das Mulleres pola Paz" - En Ferrol Exposición Antimilitarista ás 7 da Tarde no Cantón



Exposición 24 de maio

DÍA INTERNACIONAL DAS MULLERES POLA PAZ
24 de MAIO

FERROLTERRA

Xoves, 24 de maio
Exposición dende ás 19:00 hrs.
Cantón de Molíns (Ferrol)

Este ano, a Coordinadora Comarcal de Ferrolterra da Marcha Mundial das Mulleres, quere conmemorar esta data internacional de mulleres antimilitaristas, a través, dunha exposición na que se reflicte como os estados invisten nas guerras e nas armas e recortan dereitos sociais, que son fundamentais, como o ensino e a sanidade.

Tamén queremos mostrar como as mulleres e as nosas crianzas, somos vítimas nos conflitos armados e somos utilizadas como "botín de guerra".

E amosar os valores que debería ter unha sociedade mundial, como a nosa, para conquerir a paz definitiva.     

As mulleres da Marcha Mundial das Mulleres demostramos a nosa perseveranza e a nosa forza colectiva, para superar a inxusta orde actual que provoca violencia e pobreza, e construír o mundo que queremos, baseado na paz, a xustiza, a liberdade, a igualdade e a solidariedade.

--
Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
Teléfonos de contacto:
Coord. Nacional: 671695968/637817745
Coord. Ferrol: 696732735
Coord. Pontevedra: 669794462
Coord. Vigo: 657825556/667531529
http://www.feminismo.info

ASOCIACIÓN GRUPO DIVERSIDADE FUNCIONAL FERROL E COMARCAS
R/Colon esq. Mendizabal B/4 P/5 Baixos 38-39 15406 Ferrol
Tlf: 981930544, Mobil: 620485450
E-mail:  diversidadefuncionalferrol@hotmail.com
Blog:    http://rachandobarreiras.blogspot.com

Enviado por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
22 de maio de 2012 10:22

Por se fora do voso intéres. Mari Morado.

_________________