Amosando publicacións coa etiqueta Asociación Custodia Bosque Atlántico BETULA. Amosar todas as publicacións
Amosando publicacións coa etiqueta Asociación Custodia Bosque Atlántico BETULA. Amosar todas as publicacións

sábado, xaneiro 15, 2022

Deseucaliptización no 'Monte do Estado' na Graña (Ferrol) - Convocatoria ao voluntariado ambiental, para participar o 22 de xaneiro


Deseucaliptización no Monte do Estado na Graña 22 de xaneiro

O día 22 de xaneiro as Asociacións de veciños de San Felipe - San Cristobal, Brión e A Graña convócannos a erradicar eucaliptos no "Monte do Estado" na Graña.

O "Monte do Estado" alberga, rodeada de eucaliptos, unha das mellores fragas autóctonas do Concello de Ferrol, sendo frecuentada nos seus paseos pola veciñanza da contorna. Ante o perigo que supón para a súa continuidade e a rexeneración natural da fraga a cantidade de rebrotes de eucalipto e novos eucaliptos de semente, as asociacións convocadoras solicitaron permiso de actuación ós titulares do monte (A base naval da Graña), que mesmo ofreceron a colaboración do seu persoal na xornada.

Punto de partida

O punto de encontro será diante da AAVV Castelao de Brión ás 9:00 h da mañá (Ir ao mapa).

Inscripción


Para apuntarse é imprescindible, ademáis de estar inscrit@ como brigadista no seguinte enlace http://verdegaia.org/brigadas/formulario-de-inscricion-como-brigadista (por cuestión do seguro de accidentes, sen custe nin obriga algunha) mandar confirmación (wasapp ou chamada) ao 650 07 46 88 (Carlos) antes do 20 de xaneiro para coordinar á cantidade de xente participante.

Aviso

As persoas participantes deberán traer roupa axeitada e guantes de traballo, a ferramenta a usar será o machado, agradécese a quen poida que traia o propio aínda que a organización disporá dalgúns para quen non teña.

A area de traballo ten bastante pendente polo que formaremos dous grupos, de modo que as persoas con menor capacidade física ou menos costume de traballo no monte poidan traballar na área menos pendente.

Despois da actuación sobre ás 14:00 h a organización convidará ás persoas participantes a un xantar colectivo, (Caldo, empanada, tortilla) para iso e por motivos covid cada persoa terá que traer o seu propio vaso, prato e cubertos, quen teña algún tipo de restrición alimentaria que avise no momento de apuntarse.
 
VÉMONOS NO MONTE!!!!

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu
 
Enviado por:
Asociación Custodia Bosque Atlántico BETULA
-custodia.betula@gmail.com-
12 de janeiro de 2022 10:49

_______

xoves, setembro 23, 2021

No contexto da XVI Limpeza simultánea de ríos, este domingo 26 de setembro, a asociación Betula un ano máis, colaborara na limpeza do no noso malparado río Baa


Un ano máis colaboramos ca limpeza simultánea de ríos, insistindo no noso malparado río Baa.

ESTE DOMINGO 26 DE SETEMBRO DENDE AS 10,30 ATA AS 13.30.

O punto de encontro será fronte a nave de Salvamento marítimo, no polígono industrial Vilar do Colo.

Podedes anotarvos vía correo: custodia.betula@gmail.com

Indicando nome e apelidos e mais DNI das persoas participantes maiores de idade.

Os menores deben de ir acompañados dun adulto.

Recomendable levar botas de auga ou calzado impermeable e luvas resistentes

ANIMÁDEVOS A PARTICIPAR,

un pouco do voso tempo para unha boa acción medioambiental. Agardámosvos.

Proxecto Ríos

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu

Enviado por:
Asociación Custodia Bosque Atlántico BETULA
-custodia.betula@gmail.com-
22 de setembro de 2021 18:13

_______

mércores, setembro 01, 2021

Concentración no Mosteiro de Caaveiro (Fragas do Eume), o vindeiro domingo 5 de setembro, ás 12:30hs, punto de encontro dos roteiros reivindicativos contra os proxectos de parques macroeólicos e na defensa do rural - Betula participará no roteiro que parte desde a Alameda do Eume parroquia de Ombre (Pontedeume)

Concentración no Mosteiro de Caaveiro (Fragas do Eume), o vindeiro domingo 5 de setembro, ás 12:30hs, punto de encontro dos roteiros reivindicativos contra os proxectos de parques macroeólicos e na defensa do rural.

Betula participará no roteiro que parte desde a Alameda do Eume parroquia de Ombre (Pontedeume), no Centro de Acollida de Visitantes de Ombre, ás 10:30 h.

Dende hai varios meses vense producindo unha considerable alarma social motivada polos proxectos de instalación indiscriminada de macroeólicos en diferentes espazos naturais de Galicia. A envergadura destas estruturas de 250 m de altura, provoca impactos irreversibles na paisaxe, na flora, na fauna e no patrimonio arqueolóxico e etnográfico. Tamén na vida, economía e saúde das comunidades do rural, xa mermadas por outras circunstancias.

A Asociación Betula de custodia do territorio non pode permanecer indiferente ante esta agresión especulativa ao medio natural amparada nunha falsa transición enerxética. Necesitamos enerxías limpas, pero non así.

Á parte das alegacións masivas que se están a presentar, varias asociacións e plataformas convocan unha concentración en Caaveiro, nas Fragas do Eume, o vindeiro domingo 5 de setembro, ás 12:30 h, para facer visible este rexeitamento aos proxectos en marcha.

Betula, con moito esforzo, conseguiu adquirir en propiedade máis de 14 ha. nas Fragas do Eume, que trata de conservar e mellorar. Por iso se suma á convocatoria, pola conservación do patrimonio natural, nesa xornada e contribuír a evitar unha nova degradación deste extraordinario espazo.

As persoas participantes deberán achegar nome (custodia.betula@gmail.com), apelidos, DNI e Tel. para organizar a xornada e cumprir co protocolo Covid. Os menores irán acompañados de adulto. Data límite para apuntarse 3/09/21, ás 14:00 h.

O lugar de encontro será o Centro de Acollida de Visitantes de Ombre, ás 10:30 h. Feito o reconto, dende alí accederemos en vehículos á zona de Fornelos (onde Betula ten propiedades) e logo faremos o último tramo (uns 3 km.) camiñando ata o Mosteiro para encontrármonos cos restantes participantes.

Limodre, 26 de agosto de 2021


BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu

Foto: Mosteiro de Caaveiro - Xulio Barreiro.

"Non queremos un modelo eólico que rompe, deteriora e minusvalorara o noso territorio e a súa xente para o beneficio dos de sempre".

#EolicaAsiNon
#NonInvasionEolica
#GalizaContraAmezaEolica
#aldeaslibresdemacroeólicos
#Moratoriaeólica
#PorUnNovoModeloEolico
#aldeasconhorizonte
#RepartoXustoFondosEuropeosNextGeneration

Enviado por:
Asociación Custodia Bosque Atlántico BETULA
-custodia.betula@gmail.com-
26 de agosto de 2021 20:54

_______

mércores, xuño 30, 2021

Roteiro polo lugar do Saguiñedo (Monfero) onde aínda se atopan fragas primitivas sen apenas alteracións - Domingo 4 de xullo


O vindeiro domingo 4 de xullo a Asociación Betula organizará unha andaina nun recanto pouco coñecido das Fragas do Eume. Trátase do lugar de Sanguiñedo (Monfero) onde aínda se atopan fragas primitivas sen apenas alteracións.

É necesario anotarse previamente enviando nome completo e DNI a custodia.betula@gmail.com antes do sábado 3 de xulio.

Mais información clicando no cartaz para ampliar.

Vémonos no monte !

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu

Enviado por:
Asociación Custodia Bosque Atlántico BETULA
-custodia.betula@gmail.com-
29 de junho de 2021 09:10

_______

mércores, xuño 23, 2021

Roteiro polo Marraxón este sábado 26 de xuño, organizado por Betula - Asociación Custodia Bosque Atlántico

ROTEIRO POLO MARRAXÓN ESTE SÁBADO 26 DE XUÑO

Subiremos ao monte Marraxón e desfrutaremos das fermosas vistas do lugar e achegarémonos a parcela na que se plantaron uns bidueiros para ver como evolucionan.

Animádevos a participar !

Mais información clicando no cartaz para ampliar.

Vémonos no monte !

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu

Enviado por:
Asociación Custodia Bosque Atlántico BETULA
-custodia.betula@gmail.com-
23 de junho de 2021 16:31

_______

domingo, maio 02, 2021

Asociación Betula, xunto con outras organizacións, posiciónase no rexeitamento a instalación dun macroparque eólico en montes da costa de Ferrol, por entender que suporía un gran deterioro medioambiental

Ante a solicitude por parte da empresa LAN2030 S.L. para a instalación dun macroparque eólico no concello de Ferrol (montes do Chá, Mougá e monte da Lagoa), en lugares de costa de gran valor natural, patrimonial, social e paisaxístico; a Asociación Betula, xunto con outras organizacións, posiciónase no rexeitamento a este proxecto por entender que suporía un gran deterioro medioambiental para a comarca de Ferrol. O escaso lucro económico e a nula enerxía que deixaría na comarca, non compensarían os danos irrevocaveis (54 mámos afectadas, destrución de acuíferos, fontes, traídas veciñais; ruído constante da pas, efectos sobre a avifauna, etc.) producidos pola súa instalación (accesos, desmontes, movementos de terras, muíños de 200m de altura, liñas de alta tensión, etc.).

Entendemos que é moi importante a divulgación entre a cidadanía de toda a información referida a este proxecto de cara a conseguir un amplo coñecemento das consecuencias derivadas da instalación deste macroparque eólico.

Adxunto enviamos diferentes documentos que explican gráfica e textualmente a realidade desta tipo de actuacións, que sendo locais, encádranse dentro dunha auténtica avalancha de parques eólicos en Galicia. Consultar Rede Galega Stop Eólicos; tamén, con tempo, podedes ver un interesante vídeo en Youtube: Roxin Roxal. Que pasa no monte do Gato?

 ✅ Texto ao Pleno do Concello de Ferrol, solicitando do mesmo, o rexeitamento ós proxectos de parques eólicos no termo municipal de Ferrol, polo seu inasumíbel impacto no patrimonio arqueolóxico, natural e na paisaxe da costa ferrolá, sen xerar beneficios ningúns para o conxunto da cidadanía e a veciñanza | 23 de abril de, 2021 | Acceder/Baixar.










Enviado por:
Asociación Custodia Bosque Atlántico BETULA
-custodia.betula@gmail.com-
28 de abril de 2021 22:50

_______

#NonInvasionEolica

#GalizaContraAmezaEolica

#RepartoXustoFondosEuropeosNextGeneration

_______

luns, xaneiro 04, 2021

Un ano difícil, mais Betula (Asociación Custodia Bosque Atlántico) desenvolveu unha intensa e importante actividade, na defensa do territorio

A piques de rematar este 2020 de tantas incertezas e dificultades, e a pesar das mesmas, a Directiva de Betula seguiu a traballar no seu obxectivo principal: a custodia e posta en valor do noso patrimonio. Un patrimonio que durante o transcurso dos séculos, e especialmente nestas últimas décadas, se veu desprezado, minusvalorado e denostado; tanto por aqueles que se servían del, como dos que nen sequera o coñecían, chegando a un deterioro que nalgúns casos fai difícil a sua recuperación.

Somos un pobo cun gran patrimonio cultural, natural, paisaxístico e etnográfico, pero que para a maior parte da poboación é un completo descoñecido.Temos una historia que se remonta ao principio dos tempos e que se ve reflectido nos restos arqueolóxicos, na nosa lingua ou nas lendas e contos que son o vestixio do noso pasado e as pegadas que as antigas civilizacións foron deixando ao seu paso polas nosas terras. É por iso que temos castros, mámoas, murallas, castelos ou pazos; temos lendas, contos, mitos, ritos ou seres mitolóxicos; temos una flora e fauna cunha diversidade, variedade e variabilidade biolóxica envexable por outros pobos.

Malia as circunstancias excepcionais que vivimos este ano, que nos obrigaron a alterar o calendario e organización do noso programa anual de actividades, logramos manter as súas liñas xerais e conseguimos levar a cabo a meirande parte delas:

  • Compra de terreos nas Fragas do Eume (adquisición de fincas cunha superficie total de 50.473m).
  • Compra de dúas estacións meteorolóxicas para avaliar os efectos do cambio climático na flora e fauna das Fragas.
  • Compra de maquinaria e ferramentas necesarias para desenvolver as actividades programadas.
  • Charla e roteiro das bolboretas do Eume.
  • Charla e roteiro dos morcegos. Redes.
  • Limpeza simultánea de praias. Seselle.
  • Roteiro-convivencia polo Marraxón. Fene.
  • Xornada de deseucaliptización en Montefaro.
  • Restauración forestal e paisaxística no monte Marraxón. Comunidade de montes de Sillobre. Fene.
  • Participación nas Xornadas de Parques Naturais do CEIDA. Sta, Cruz. Sada.
  • Participación no curso sobre fieitos do CFEA. Guísamo.
  • Xornada de propostas cara á declaración dun ENIL na zona de Montefaro.
  • Sinatura de dous convenios de custodia con particulares.
  • Xestión con concellos e sociedades cara a dotármonos dun local social e oferta de convenios de custodia e formación medioambiental.
  • Visitas e asesoramento a fincas de particulares sobre restauración forestal.
  • Visita a finca experimental e de compostaxe de ASPANAES. Fene.
  • Reforzó da directiva con novas incorporacións.
  • Xestión da web e redes sociais.

Cómpre ademais facer fincapé noutras tarefas levadas a cabo, que, malia non teren visibilidade de cara ao público, requiren de moito esforzo e abondosas xestións por parte de Betula, e que resultan imprescindibles para a consecución dos fins da entidade. Dentro destas outras xestións poderiamos destacar as entrevistas cos/as titulares das fincas a adquirir ou das terras onde se fan as actividades, os desprazamentos aos terreos, a documentación, …, ou tarefas de carácter administrativo relacionadas co plan de actividades, investimentos e actuacións en Parques Naturais.

Así mesmo, queremos agradecer a labor de tódolos/as voluntarios/as que colaboraron na consecución dos obxectivos ao longo de todo este ano, así como dos/as participantes nas actividades desenvolvidas.

¡¡Grazas, porque sen vós non sería posible!!

Seguiremos loitando para que o noso patrimonio consiga o recoñecemento que se merece acorde coa súa riqueza e para que as galegas e os galegos aprendamos a valorar o que é noso.

FELIZ ANO 2021!!!

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

http://betula-atlantico.eu/

contacto@betula-atlantico.eu

Enviado por:
Asociación Custodia Bosque Atlántico BETULA
-custodia.betula@gmail.com-
30 de dezembro de 2020 12:30

_______