Amosando publicacións coa etiqueta Colectivo Terra. Amosar todas as publicacións
Amosando publicacións coa etiqueta Colectivo Terra. Amosar todas as publicacións

mércores, xuño 09, 2021

Já estamos de volta!!! - Um fim de semana inaugurando o novo local do Colectivo Terra, em Pontedeume - A sexta-feira, 11 de junho, com Miguel RodrÍguez Carnota: O galego no estudantado - O sábado dia 12, umha jornada de convívio e pintaram um mural


Já estamos de volta!!!

Depois de meses aguardando para poder anunciá-lo, com umha pandemia polo meio, temos muita ganha de ensinar-vos o nosso novo local social.

O próximo fim de semana faremos a inauguraçom. Serám pequenas atividades e cumprindo todas as medidas sanitárias. É por isso que o aforo será limitado e será necessário anotar-se previamente.

A sexta-feira (venres) dia 11 de Junho, às 20:30 teremos a Miguel Rodríguez Carnota falando-nos sobre a situaçom do galego no estudantado, apresentando a sua tese doutoral.

O sábado dia 12 de junho, faremos umha jornada de convívio. Desde as 12:30h estaremos pintando um mural no exterior do centro social e depois jantaremos todas juntas.

Novo local na Avenida d'A Cohunha, 17. Pontedeume

Necesário confirmar asistencia no correio
colectivoterra@gmail.com,
mediante as nossas redes sociais ou com caquera das responsáveis.

Aforo limitado, mascara obrigatória, distancia de seguridade

Colectivo Terra
colectivoterra@gmail.com
www.colectivoterra.gal
Avenida d'A Cohunha, 17
15600 - Pontedeume

Enviado por:
Colectivo Terra
-colectivoterra@gmail.com-
9 de junho de 2021 08:26

_______

xoves, xaneiro 09, 2020

O Colectivo Terra, reclama ao Concello de Pontedeume, a retirada dos contentores de recollida de roupa de Humana instalados na vila - Tras esta organización agóchase o entramado financiero da seita Tvind, que xa foi condenada por enriquecimento ilícito e branqueo


O COLECTIVO TERRA RECLAMA A RETIRADA DOS CONTEDORES HUMANA INSTALADOS EN PONTEDEUME


Tras esta organización agóchase o entramado financiero da seita Tvind, que xa foi condenada por enriquecimento ilícito e branqueo. Con sede en Dinamarca, mais con presenza en paraísos fiscais, o seu fundador está sendo buscado pola Interpol. A empresa Humana vende a roupa en tendas de segunda man en multitude de países. Coa doazón de roupa nestes contedores, fornecemos de balde a     materia prima do seu lucrativo negocio, ficando    a multinacional    co 91% dos beneficios.

O Colectivo Terra, reclama ao Concello de Pontedeume, a retirada dos contentores de recollida de roupa de Humana instalados na vila Apresentou a proposta no rexistro do Concello, así como ás organizacións políticas con representación municipal, para o seu debate no Pleno.

Documento apresentado no rexistro e aos grupos municipais. | Acceder/Baixar.

Colectivo Terra

http://www.colectivoterra.gal/


Enviado por:
Colectivo Terra
-colectivoterra@gmail.com-
3 de janeiro de 2020 15:54

__________________

mércores, xuño 19, 2019

A Biblioteca municipal de Pontedeume acollerá o venres 21 de xuño, ás 8 da tarde, a presentación do libro ilustrado 'Rosalía de festa, unha viaxe ao Seixo do século XIX', de Anxos García Fonte, ilustrado por Carlos Sardiña


Rosalía de Castro, convidada de honor na biblioteca de Pontedeume


A Biblioteca municipal de Pontedeume acollerá o venres 21 de xuño ás 8 da tarde a presentación do libro ilustrado Rosalía de festa, unha viaxe ao Seixo do século XIX. Escrito por Anxos García Fonte e ilustrado por Carlos Sardiña, trátase dun relato gráfico que explica a conexión de Rosalía de Castro e O Seixo (Mugardos) e as razóns que levaron á famosa autora de Cantares gallegos a escribir un poema dedicado “á festa do Seixo na beira do mar”. Os autores explicarán as circunstancias que rodearon a publicación deste poema e as implicacións que pode ter no coñecemento da vida e obra de Rosalía de Castro. Ademais, mostrarán os desafíos que atoparon  durante o proceso de creación da parte artística do libro.

http://www.colectivoterra.gal/

Enviado por:
Colectivo Terra
-colectivoterra@gmail.com-
19 de junho de 2019 09:27

____________

martes, maio 08, 2018

Palestra e debate aberto sobre o tren de proximidade, na Casa da Cultura de Pontedeume: #QueremnosTren - Venres 11 de maio ás 8 da tarde - Manifesto da Plataforma en Defensa do Tren - Reclamamos a creación dun servizo de proximidade entre A Coruña-Ferrol...


Palestra_debate sobre o tren de proximidade

O tren é un medio de transporte vital para o noso concello e comarca. No Colectivo Terra somos conscientes da súa importancia para o desenvolvemento  social e económico. O Plan de Racionalización de servizos ferroviarios supón unha seria ameaza para o raquítico servizo que ven prestando Renfe.

O próximo venres 11 de maio visitarannos membros da Plataforma en defensa do tren para informar e debater sobre o futuro deste sistema de transporte. A cita será na Casa da Cultura ás 20:00.

A continuación deixámosvos o manifesto de dita plataforma.

MANIFESTO

A chegada do tren a Galiza foi recibida pola sociedade de finais do século XIX como un símbolo de progreso e modernización fronte ao atraso, marxinación e illamento no que estaba sumido o país. Durante o século XX, con moito atraso sobre outras zonas do estado español, fóronse construíndo novas liñas de ferrocarril que ampliaban a rede e servían para paliar a precariedade que presentaban outras vías de comunicación. Con todo, o trazado presentaba unha eiva aínda existente: o deseño do camiño de ferro primou a comunicación con Madrid e non a articulación da comunicación interna entre as poboacións e comarcas do país.

A pesar da súa importancia, durante as últimas décadas o tren convencional deixou de estar nas prioridades dos sucesivos gobernos autonómicos e do estado. Non se investiu en mellorar os servizos e as infraestruturas ata que foron deixando de ser operativas. A existencia do tren en Galiza desenvólvese nun círculo vicioso onde a redución de frecuencias e o desmantelamento de liñas e estacións ven provocando unha paulatina perda de viaxeiros/as que se utiliza como argumento para xustificar a eliminación de máis servizos no canto do investimento en melloras que o farían perfectamente viábel, como acontece coas melloras -aínda que matizábeis pola redución de servizos para poboacións intermedias- realizadas na liña A Coruña-Santiago, reformada tras unha intensa demanda social.

Así as cousas, o Ministerio de Fomento ven de presentar o Plan de Racionalización de servizos ferroviarios de media distancia. Este plan é un ataque que ameaza gravemente o noso sistema ferroviario. Contempla a desaparición de estacións con baixos índices de utilización e a redución de servizos noutras ata o punto de facer inviábel a súa utilización práctica. No caso do servizo entre A Coruña e Ferrol pon en cuestión a propia existencia futura do servizo. A medición da rendibilidade do tren con criterios exclusivamente económicos -e metodoloxicamente discutíbeis- e as progresivas actuacións que apuntan a unha intención privatizadora do ferrocarril significarán, de non haber un posicionamento e unha resposta popular contundente, a desaparición do ferrocarril público e social.

>>> Por este motivo, as persoas e colectivos asinantes deste manifesto DICIMOS:

>>> O ferrocarril debe seguir sendo un servizo público de propiedade pública, no que debe primar, por riba doutras consideracións económicas ou de intereses particulares, o beneficio social que este medio de transporte supón para o conxunto da comunidade.

>>> A planificación e o servizo ferroviario deben ser unha unidade integrada que responda da infraestrutura, do transporte, do mantemento e do seu patrimonio de xeito que permita a súa viabilidade e a súa vocación de servizo público.

>>> O ferrocarril convencional é o medio de transporte social por excelencia, que presta un servizo ao alcance de toda a sociedade. É respectuoso co medio natural e favorece a integración e vertebración territorial.

>>> Débense realizar investimentos no ferrocarril convencional para recuperalo do seu prolongado abandono, con actuacións dirixidas á mellora das liñas (electrificación, duplicación de vías e mellora de trazados), modernización dos sistemas de seguridade e sinalización, aumento de frecuencias e recuperación de servizos e infraestruturas; rexeitando a política que impón o modelo AVE en detrimento do ferrocarril convencional -de maior potencialidade, funcionalidade e utilidade para as maiorías sociais e factor de desenvolvemento social e económico.

>>> Esiximos que os gobernos central e autonómico fagan forza ante a Unión Europea para que proceda ao desenvolvemento das nosas conexións por ferrocarril no marco do eixo atlántico de transportes que nos vincula con Europa e Lisboa, ao mesmo nivel que os eixos central e mediterráneo.

>>> O traspaso ao ferrocarril das mercadorías transportadas por estrada alí onde é posíbel posibilitaría o desbloqueo do colapso físico, de consumo enerxético e degradación ambiental que provoca, así como un aforro que non se adoita computar cando se fala da rendibilidade do tren.

>>> É necesario favorecer a intermodalidade do transporte público, principalmente a complementariedade entre o ferrocarril e o transporte público colectivo por estrada a todos os niveis (compatibilidade horaria, percorridos complementares, estacións ou billete único).

>>> O uso do tren e do transporte público é a mellor alternativa á saturación das infraestruturas propias e o alto impacto ambiental negativo que provoca a promoción do vehículo privado como principal medio de desprazamento entre os concellos da comarca da Coruña e das Mariñas.

Por todas estas razóns, declarámonos firmemente contrarios e reclamamos a anulación das medidas adoptadas polo goberno no Plan de Racionalización de servizos ferroviarios de media distancia conducentes á eliminación total de servizos nalgunhas estacións (p.ex. Franza) ou a súa drástica redución ata o punto de supor a súa inutilidade práctica nas liñas A Coruña-Ferrol e A Coruña-Lugo.

Reclamamos a creación dun servizo de proximidade entre A Coruña-Ferrol mediante a implantación dun tren de cadencia que aumente os horarios e as frecuencias para facelo socialmente rendíbel e economicamente viábel como único xeito de consolidar unha liña actualmente ameazada e que deberá dar servizo de calidade a zonas densamente poboadas como O Burgo, Cambre, Betanzos, Pontedeume, etc. Este tipo de servizos veñen funcionando perfectamente en áreas incluso menos poboadas noutras zonas do estado como Santander, Cádiz, ou Donostia.

Pedimos que se acometan melloras no servizo A Coruña-Lugo de xeito que dea servizo e conexión das cidades coas localidades interiores para acadar a máxima vertebración posíbel e rendemento económico e social para localidades como Oza, Cesuras, Piñoi, Curtis, Teixeiro, Guitiriz, Parga, Baamonde, Begonte, Rábade, Lugo, etc., e non un modelo no que só se contemple a conexión entre as cidades.

É necesario dotar de conexión ferroviaria puntos como o aeroporto de Alvedro, Campus, zona sanitaria e, xeito especial e urxente, o porto exterior de Punta Langosteira.

Débese proceder á construción de novas estacións naquelas poboacións da comarca onde o crecemento demográfico que se produciu o xustifica para seren utilizadas como servizo de proximidade (A Barcala, As Xubias, Guísamo).

Solicitamos unha política de prezos que favoreza a utilización do servizo por parte de persoas con diversidade funcional, en situación de desemprego, pensionistas ou estudantes.

Débense acometer nun futuro próximo a construción de novas infraestruturas que completen o mapa do ferrocarril galego como, na nosa zona, a liña A Coruña-Arteixo-Carballo.

Ademais, rexeitamos que os recortes en materia ferroviaria, así como a precarización e destrución de empregos no sector van ter como consecuencia directa o deterioro do servizo e a diminución da seguridade, polo que consideramos de interese xeral a existencia dun marco laboral común e cohesionado que garanta as condicións e postos de traballo dos traballadores e traballadoras.

QUEREMOS UN FERROCARRIL PÚBLICO, SOCIAL E DE CALIDADE. O TREN É DO POBO PORQUE FOMOS NÓS OS QUE O CREAMOS E MANTIVEMOS, E NINGUÉN TEN DEREITO A ARREBATARNOS O QUE NOS PERTENCE.

Enviado por:
Colectivo Terra
-colectivoterra@gmail.com-
8 de maio de 2018 08:45

______________

luns, abril 30, 2018

A primavera tamén é tempo de cogumelos. Nesta nova edición das xornadas micolóxicas de Pontedeume aprenderemos a cultivar varios tipos de cogumelos en troncos e borras de café - X Xornadas micolóxicas de primavera en Pontedeume, o 5 e 6 de maio


Xornadas micolóxicas de primavera

Pontedeume, o 5 e 6 de maio de 2018

A primavera tamén é tempo de cogumelos. Nesta nova edición das xornadas micolóxicas de Pontedeume aprenderemos a cultivar varios tipos de cogumelos en troncos e borras de café. Para ter conta da xente e adaptar millor os grupos, deberás apuntarte no correo aavendoa@gmail.com ou no número que aparece no cartaz. Ademais contaremos coa actuación de Magín Blanco, dado que é unha actividade que perfectamente poden facer as crianzas. Para este concerto, ao cal podes asistir malia non ir ás xornadas, non é preciso anotarse.
Vémonos!

Evento no facebook.

Dentro das actividades do noso X aniversario, este ano tamén organizaremos unhas xornadas de primavera.

Haberà obradoiro, saìdas o monte e xantar.

Nos vindeiros dìas informaremos de toda a programaciòn definitiva.

Sàbado 5 de maio

18:00h. Obradoiro

Aprenderemos a inocular en troncos e borras de café de man dos amigos da Asociación Micolóxica Viriato. Useremos micelio de 'Pleurotus ostreatus' e 'Hypsizigus ulmarinus'.

Domingo 6 de maio

10:30h. Saìda as Fragas do eume. Estarán con nòs, Marcote e Costa da A.A.M.M. Pan de raposo de Cee e Moncho Pato. Esta ruta, sinxela pero moi rica, é apropiada para os nenos.

14:30h. Xantar no Restaurante Andarubel (prezo 25€ por persoa).

17:30h.Saída o pinar de Cabanas cos micòlogos Marcote e Costa.

18:00h.Concerto na Casa da Cultura de Magín Blanco presentando o seu novo traballo "Camiños". Para aqueles nenos que queiran descansar do paseo matutino.

PONTEDEUME
COLECTIVO TERRA
Un espazo onde facer visíbel a creatividade do país, onde preservar a nosa identidade como pobo, onde defender a língua, o noso símbolo máis internaciona...

colectivoterra.gal

Enviado por:
Colectivo Terra
-colectivoterra@gmail.com-
30 de abril de 2018 08:50

___________________

martes, novembro 07, 2017

IX Xornadas Micolóxicas de Pontedeume, que terán lugar entre o 10 e o 12 de novembro


IX Xornadas Micolóxicas


Dende o Colectivo Terra promovemos as IX Xornadas Micolóxicas de Pontedeume, que terán lugar entre o 10 e o 12 de novembro.  A inscrición ten un prezo de 6€ e podes anotarte no correo electrónico aavendoa@gmail.com.

VENRES 10: 09:30h Varias persoas da organización das xornadas sairemos na procura de cogumelos para a posterior clasificación e exposición. Podes acompanharnos! Quedaremos ás 09:30h no aparcadoiro que está ao carón da gasolineira de pontedeume:

19:30h Vémonos na casa da cultura de Pontedeume para clasificar os cogumelos recollidos pola manhá e para preparar a exposición.

SÁBADO 11: Metémonos en faena ás 09:00h e quedaremos tamén no aparcadoiro ao carón da gasolineira de pontedeume para facer unha saída á serra do forgoselo. O obxectivo principal é aprender, non ir a enchelo cesto. A media manhá faremos un descanso onde degustaremos un petisco (tamén vegano)

14:30h Xantar micolóxico no BAR O TRASTEIRO. Non está incluído no prezo

18:00h Palestra na Casa da Cultura a cargo de José María Costa Lago, que ofrecerá unha introdución ao mundo da micoloxía para despois visitar tamén na Casa da Cultura a exposición de cogumelos.

Pola noite a cea é libre. Cadaquén que se administre o seu tempo. Nós proponhémosche que nos seguintes bares asociados degustes un petisco micolóxico: O Varadoiro (na parte alta da rúa Real de Pontedeume). No Trasteiro (na zona do muelle ao pé do torreón dos Andrade) e na Casa de la Abuela, (rúa Chafarís, 1, ao carón da Casa da Cultura).

DOMINGO 12: Non vos recollades moi tarde ;) porque o domingo tamén hai actividade. Ás 10:00h quedaremos novamente no aparcadoiro ao carón da gasolineira de Pontedeume para sair todas xuntas ás Fragas do Eume. Logo ás 14:30h xantar de confraternización na parrillada o pedrexal (Churrasco de Sambollo).

As xornadas todavía non están pechadas, atenta ás modificación que fagamos nas redes soiais, dado que poderiamos incorporar algunha palestra máis específica. Hai un evento creado no Facebook que leva por nome IX Xornadas Micolóxicas de Pontedeume

ANOTARSE: aavendoa@gmail.com.

Colectivo Terra - Xornadas Micolóxicas

Enviado por:
Colectivo Terra
-colectivoterra@gmail.com-
7 de novembro de 2017 19:48

_______

xoves, abril 07, 2016

En Pontedeume unha fin de semana chea de actividade, di o Colectivo Terra: O Sábado unha Gastrofesta e Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa - E o Domingo, unha actuación de Fran Amil que presenta o seu disco "A Voz do Vento", unha homenaxe a Manuel María


Actividades fin de semana

Temos unha fin de semana chea de actividade. 


O vindeiro sábado 9 de abril argallamos unha nova Gastrofesta co fin de prestar axuda na medida das nosas posibilidades ás refuxiadas que cada día tentan atravesar as fronteiras de Europa.

Levaremos a cabo un pequeno festival con maxia, música e contos onde os beneficios da barra e da cea (menú árabe a base de hummus, falafel e harise) irán destinados de xeito íntegro á Asociación Causas Comúns.

Dúas crianzas morren ao día tentando chegar ás costas de Europa. Pode soar simple, pero a foto de Aylan, o meniño sirio que nos sobrecolleu a todas, non é consecuencia dunha crise migratoria. Esta traxedia é consecuencia directa do sistema capitalista. Siria, último Estado que levantou (con erros e acertos) as bandeiras do nacionalismo árabe, que non ten débeda externa con organismos internacionais, rico en recursos naturais e, casualidade, que defende a causa palestina, é agora o epicentro das políticas de exterminio desenroladas por EEUU, o Sionismo e a OTAN.

Fotografías como idioma universal. Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa. O imperialismo queda retratado unha vez máis neste drama. Lembrade o inicio de todo. O punto de partida. Por exemplo, un serán nas Azores. A fotografía. Idioma universal.

O Domingo 10 de abril contaremos no Terra coa actuación de Fran Amil que ven a presentar o seu disco 'A Voz do Vento', unha homenaxe a Manuel María, recoñecido poeta e incansábel activista a prol da lingua a quen este ano se lle adican as Letras Galegas. Será ás 17:30h no local do Colectivo Terra. Agardamos por vos!

Agardámosvos a tod@s!!!

#RefuxiadasBenvidas

http://colectivoterra.gal


Enviado por:
Colectivo Terra
-colectivoterra@gmail.com-
6 de abril de 2016 08:31

______________