Congreso do Centenario de Hildegart Rodríguez Carballeira, do 5 a 7 de decembro de 2014 - Ateneo Ferrolán

Congreso do Centenario de Hildegart Rodríguez Carballeira |​Ateneo Ferrolán: R/Magdalena, 202-204. CP 15406 Ferrol | 5 a 7 de decembro de 2014.

O Ateneo Ferrolán e a Comisión para a Recuperación da Memoria Histórica da Coruña, coa colaboración da Marcha Mundial das Mulleres e da Fundación Anselmo Lorenzo, organizan o Congreso do Centenario de Hildegart Rodríguez Carballeira coa intención de lembrar a vida de Hildegart.

A figura de Hildegart Rodríguez Carballeira é unha das máis coñecidas da nosa historia contemporánea. Sobre a súa persoa téñense feito películas, novelas, obras de teatro e numerosos libros e traballos de investigación. En todo o que se ten feito sobre ela paira a sombra do seu tráxico fin e as circunstancias do asasinato pola man da súa nai, a ferrolá Aurora Rodríguez Carballeira; como consecuencia, a súa traxectoria vital e o seu pensamento no eido da reforma sexual ou da crítica política, ficaron en parte ocultos. Cen anos despois do seu nacemento, tentamos lembrar á Hildegart sexóloga, xornalista, activista política ou feminista, coa celebración dunha serie de actos de homenaxe e un congreso de investigación que poña en valor a súa figura histórica e o seu pensamento, todo o lonxe que sexa posible do sensacionalismo e da superficialidade.

O conxunto de actividades do Congreso quere servir para achegar ao público de todo o mundo á historia e ao pensamento dunha das mulleres máis singulares do seu tempo: Hildegart Rodríguez Carballeira. E malia fixar o obxectivo nunha única persoa, o Congreso quere contribuír de xeito xeral á recuperación da historia do pensamento feminino e dos movementos da liberación da muller no século XX.


Congreso
Venres, 5 de decembro

19:00 – 19:30 INAGURACIÓN DO CONGRESO

A cargo de representantes das entidades organizadoras e entidades colaboradoras: Comisión para a Recuperación da Memoria Historica da Coruña, Ateneo Ferrolán, e Marcha Mundial das Mulleres.

19:30 – 21:00 CONFERENCIA INAUGURAL

• A cargo de Aurora Marco: “Romper barreiras. Voces femininas a comezos do XX".
  
  
  • Aurora Marco é profesora da Facultade de Ciencias da Educación da Universidade de Santiago de Compostela e especialista na historia das mulleres na Galiza. Ten publicado os libros “As precursoras. Achegas para o estudo da escrita femenina (Galiza, 1800-1936)” (1993), “Mulleres e educación na Galiza. Vidas de mestras” (2002), “Mulleres na guerrilla antifranquista” (2011), e o seu monumental “Dicionario de mulleres galegas. Das orixes a 1975” (2007).

21:00 - 22:00 ACTUACIÓN MUSICAL

• Actuación musical por determinar

Sábado, 6 de decembro

10:00 – 11:15 PONENCIAS DOS TRABALLOS PRESENTADOS

• José Manuel Peláez Ropero – Mi hija Hildegart (Fernando Fernán Gómez, 1977).¿ Un filme inacabado?
• Martín Paradelo Núñez – A representación cinematográfica do corpo da muller no tempo de Hildegart.
• Ana Muiña – Aurora de sangre. Vida y muerte de Hildegart. Introducción a la reedición del libro de Eduardo de Guzmán.

11:30 – 12:45 PONENCIAS DOS TRABALLOS PRESENTADOS

• Lola Ferreiro Díaz – Republicanas de corazón, de cabeza e de corpo enteiro
• Luz Darriba / Micaela Fernández Darriba – As netas de Olympia de Gouges, as fillas de Flora Tristán

13:00 – 14:00 PRESENTACION DA NOVELA

• “Entrada ao xardín do saber”, co seu autor Henrique Dacosta, presentado por Eduardo Fra Molinero.

16:00 – 17:15 PONENCIAS DOS TRABALLOS PRESENTADOS

• Miguel Ángel Pradera – Una tarea pendiente: una bibliografía formal de Hildegart Rodríguez Carballeira.
• Pablo Herrero Hernández – Hildegart Rodríguez Carballeira en el recuerdo y en los escritos del periodista y escritor republicano Luis Hernández Alfonso (1901-1979).
• Manuela Santalla López – Hildegart: ¿Una mujer-proyecto ferrolana?

17:30 – 18:45 PONENCIAS DOS TRABALLOS PRESENTADOS

• Kyra Kietrys – Archivo Hildegart.
• Micaela Pattison – Hildegart como figura internacional.

19:00 – 20:00 CONFERENCIA

• Rosa Cal – "Aurora una mujer con un proyecto de vida propio: Hildegart".

20:00 – 21:00 ACTUACIÓN MUSICAL

• Actuación musical por determinar

Domingo, 7 de decembro

10:00 – 11:15  PONENCIAS DOS TRABALLOS PRESENTADOS

• Eduard Masjuan – El neomalthusianismo anarquista y la cuestión social en Hildegart Rodríguez.
• Lorena Cuevas Buján – Hildegart Rodríguez e Amparo Poch: a repercusión das ideas de reformismo sexual no anarcofeminismo dos anos 30.
• Eusebio Lucía Olmos – El paso de Hildegart Rodríguez por la Casa del Pueblo Madrileña.

11:30 – 12:45 PONENCIAS DOS TRABALLOS PRESENTADOS

• Mónica Bar Cendón – Sexualidade e trampas da "diferencia" en Hildegart.
• Josep María Roselló – Una mujer moderna: amor y sexo en el pensamiento de Hildegart.
• Marga do Val – Por qué escribir unha obra de teatro sobre Hildegart.

13:00 – 14:00 ROTEIRO E HOMENAXE POPULAR A HILDEAGART

16:00 – 17:15 PONENCIAS DOS TRABALLOS PRESENTADOS

• Miguel Ángel Pradera – Reflexiones para una adecuada contextualización histórica de Hildegart.
• Jean-Louis Guereña – Hildegart y la reforma sexual en la Casa del Pueblo de Madrid.

17,30 – 18,45 PONENCIAS DOS TRABALLOS PRESENTADOS

• Blanca Quintanilla – Hildegart, la aniquilación de una rebelde.
• Olga Roig López – Aurora Rodríguez y Hildegart, dos vidas marcadas por la disciplina.
• Guillermo Rendueles Olmedo – Aurora Rodríguez y su doble manicomial.

19:00 RECITAL DE POESÍA

• Carmen Blanco – “Hildegarts vivas nas carballeiras: miles de mulleres para outras auroras”.
• Actuación musical por determinar.

21:00 CLAUSURA DO CONGRESO.


Exposicións
En paralelo ao Congreso, haberá instaladas no Ateneo dúas exposicións relativas a Hildegart Rodríguez Carballeira:

• Unha exposición de 16 paneis sobre a vida e a obra de Hildegart Rodríguez Carballeira, que fará un percorrido pola súa traxectoria vital e recollerá tamén noticia das 14 obras publicadas por Hildegart na súa vida, e doutra 14 obras feitas arredor da súa vida e obra, por outros autores, despois da súa morte.
• Unha exposición de obxectos sobre Hildegart Rodríguez Carballeira, con libros escritos por Hildegart, así como publicacións periódicas, documentos e obras relativas aos movementos nos que Hildegart estivo implicada.

Outros actos

Xoves, 4 de decembro

Na Coruña, a Casa Museo Casares Quiroga acollerá unha presentación do congreso o día 4 de decembro ás 20.00 horas, a cargo de representantes da Comisión pola Recuperación da Memoria Histórica e o Ateneo Ferrolán, entidades organizadoras da cita, e de algunha das investigadoras ou investigadores especializados na figura de Hildegart.

Martes, 9 de decembro

No Ateneo de Madrid terá lugar un acto de homenaxe á pensadora e feminista Hildegart Rodríguez Carballeira o día 9 de decembro, ás 19.30 horas, organizado polo Ateneo Ferrolán, Ateneo de Madrid e a Cátedra de Memoria Histórica del Siglo XX da Universidad Complutense. Na capital española falarán representantes destas tres entidades así como a popular feminista Lidia Falcón. O acto quere lembrar que o día 9 do mes de decembro de 1914 tivera lugar o nacemento de Hildegart en Madrid, cidade onde desenvolveu a súa vida e onde foi asasinada o 9 de xuño de 1933.

Web oficial do Congreso:
http://congresohildegart.ateneoferrolan.org/

Enviado por:
Congreso Hildegart - Ateneo Ferrolán
-congresohildegart@ateneoferrolan.org-
30 de novembro de 2014 21:24
_____________

Aberta a inscrición para o Congreso Hildegart que se celebrará do 5 ao 8 de decembro de 2014, no Ateneo Ferrolán

Aberta a inscrición para o Congreso Hildegart

O Congreso do centenario de Hildegart Rodríguez Carballeira vai celebrarse nos días do 5 ao 8 de decembro de 2014. A inscrición para o mesmo está xa aberta na web do congreso http://congresohildegart.ateneoferrolan.org/  e na secretaría do Ateneo (R/Magdalena, 202-204). O prezo da inscrición para o Congreso será de 6 euros e para as persoas socias do Ateneo e outras entidades organizadoras, será de 5 euros.

A entrada ao congreso será libre, mais as persoas inscritas terán dereito ademáis ao material do Congreso, un desconto no material da tenda do Congreso e un diploma de asistencia.

--
Un lugar de encontro para a cultura.
Ateneo Ferrolán, fundado en 1879.
www.ateneoferrolan.org
e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)
BLOG: http://ateneo-ferrolan.blogspot.com/
Tamén no Facebook: http://www.facebook.com/pages/Ateneo-Ferrolan/134569549934117
Séguenos en Twitter: @ateneoferrolanCampaña de APOIO e DEFENSA do Ateneo. Patrimonio da cidade
APOIA e DIFUNDE!
https://www.facebook.com/pages/Salvemos-o-Ateneo/1430118530577463?ref=hl
http://salvemosoateneo.blogspot.com.es/p/o-ateneo.html
Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-secretaria@ateneoferrolan.org-
5 de novembro de 2014 19:01
_________________

O Ateneo Ferrolán ultima os preparativos do Congreso do Centenario de Hildegart Rodríguez Carballeira (1914-2014) e fai un convite para participar no mesmo

Congreso do Centenario de Hildegart Rodríguez Carballeira (1914-2014)

Ademais de tentar recuperar e divulgar a figura de Hildegart Rodríguez Carballeira e o seu pensamento, o Congreso quere contribuir de xeito xeral á recuperación da historia do pensamento feminino e dos movementos da liberación da muller no século XX

A figura de Hildegart Rodríguez Carballeira é unha das máis coñecidas da nosa historia contemporánea. Sobre a súa persoa teñense feito películas, novelas, obras de teatro e numerosos libros e traballos de investigación. En todo o que se ten feito sobre ela paira a sombra do seu tráxico fin e as circunstancias do asesinato pola man da súa nai, a ferrolá Aurora Rodríguez Carballeira; como consecuencia, a súa traxectoria vital e o seu pensamento no eido da reforma sexual ou da crítica política, ficaron en parte ocultos. Cen anos despois do seu nacemento, o Ateneo Ferrolán tenta lembrar á Hildegart sexóloga, xornalista, activista política ou feminista, coa celebración dunha serie de actos de homenaxe e un congreso de investigación que poña en valor a súa figura histórica e o seu pensamento, todo o lonxe que sexa posible do sensacionalismo e da superficialidade.

O cerne do Congreso é o chamamento ás investigadoras e investigadores para contribuir cos seus traballos a este comicio, que artellamos arredor dalgúns dos temas que están presentes na obra de Hildegart Rodríguez Carballeira e tamén sobre o contexto no que desenvolveu a súa actividade:

• A figura histórica de Hildegart Rodríguez Carballeira
• Hildegart e a reforma sexual no primeiro tercio do século XX
• Hildegart e a oposición de esquerdas na II República
• As mulleres do tempo de Hildegart

O conxunto dos traballos de investigación presentados e aceptados polo comité científico do Congreso serán obxecto de presentación pública nos días 6 a 8 de decembro de 2014 e serán publicados nas actas do Congreso.

A celebración do Congreso estará complementada por outras actividades como exposicións, debates, cine e teatro, así como a celebración dun acto público de homenaxe á figura de Hildegart Rodríguez Carballeira. Tamén vanse facer publicacións e estamos preparando unha páxina web sobre o Congreso e sobre Hildegart (http://congresohildegart.ateneoferrolan.org/).

O conxunto de actividades do Congreso quere servir para achegar ao público de todo o mundo á historia e ao pensamento dunha das mulleres máis destacadas da nosa historia: Hildegart Rodríguez Carballeira. E malia fixar o obxectivo nunha única persoa, o Congreso quere contribuir de xeito xeral á recuperación da historia do pensamento feminino e dos movementos da liberación da muller no século XX.

Convidamos a todolas investigadoras e investigadores que traballaran algún aspecto da historia e do pensamento de Hildegart, así como os temas nos que ela desenvolveu a súa actividade, a compartir os seus coñecementos co público en xeral e coa comunidade investigadora, para tentar recuperar e divulgar a figura de Hildegart Rodríguez Carballeira e o seu pensamento. A data límite para presentar propostas de traballos para exponer no Congreso é o 15 de setembro.

Eliseo Fernández
Presidente do Ateneo Ferrolán

Enviado por:
Congreso Hildegart - Ateneo Ferrolán
-congresohildegart@ateneoferrolan.org-
20 de agosto de 2014 21:55
Prégase difusión: Convite para participar no Congreso do Centenario de Hildegart Rodríguez Carballeira (1914-2014)
____________

O Ateneo Ferrolán conmemorará o centenario de Hildegart cun Congreso e actos de homenaxe - As investigadoras e investigadores poderán presentar as súas propostas até o 15 de setembro - O Congreso vaise celebrar en Ferrol nos días 6 a 8 de decembro

O 9 de decembro de 1914 nacía en Madrid Hildegart Rodríguez Carballeira. Filla da ferrolá Aurora Rodríguez Carballeira, Hildegart foi un importante personaxe da cultura e da política até o ano da súa morte en 1933. Publicou unha decena de libros e foi colaboradora de publicacións periódicas como “Renovación”, “El Socialista”, “Orto” e “La Tierra”, ademáis de directiva das Juventudes Socialistas e da Liga para la Reforma Sexual. Estivo en contacto con importantes personaxes da época como Havelock Ellis, H.G. Wells ou Gregorio Marañón. A súa vida e a súa tráxica morte a mans da súa nai, en decembro de 1933 (cando só contaba 19 anos), fixeron dela un personaxe recreado en novelas, obras de teatro e mesmo filmes, ademáis de investigacións históricas.

Cen anos despois do seu nacemento, o Ateneo Ferrolán considerou preciso convocar un Congreso arredor de Hildegart Rodríguez Carballeira, para lembrar a súa figura dende diversas facianas: ao tempo que tentar encadrar o seu pensamento no eido da sexualidade e da crítica de esquerdas á II República, o Congreso quere recuperar tamén a memoria das mulleres e dos colectivos femininos da súa xeración. O Congreso, ao que as investigadoras e investigadores poderán presentar as súas propostas até o 15 de setembro, vaise celebrar en Ferrol nos días 6 a 8 de decembro.

Ao tempo, nos días da celebración do Congreso, vanse facer dúas exposicións (unha biográfica e a outra bibliográfica) e realizaranse actividades culturais relacionadas coa figura de Hildegart, para concluir cun acto de homenaxe á malograda pensadora e activista social do primeiro tercio do século XX.

O Congreso conta cunha páxina web que está poñéndose en marcha en http://congresohildegart.ateneoferrolan.org/ e na que se van colocar informacións sobre o Congreso e materiais que acerquen ao público a figura de Hildegart Rodríguez Carballeira.

Un lugar de encontro para a cultura.
Ateneo Ferrolán, fundado en 1879.
www.ateneoferrolan.org
e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)
BLOG: http://ateneo-ferrolan.blogspot.com/
Tamén no Facebook: http://www.facebook.com/pages/Ateneo-Ferrolan/134569549934117Séguenos en Twitter: @ateneoferrolan

Campaña de APOIO e DEFENSA do Ateneo. Patrimonio da cidade
APOIA e DIFUNDE!

• https://www.facebook.com/pages/Salvemos-o-Ateneo/1430118530577463?ref=hl

• http://salvemosoateneo.blogspot.com.es/p/o-ateneo.html

Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa. Titular Ateneo Ferrolán.
ES72-3058-6402-9527-2000-5350


Enviado por:
Ateneo Ferrolán Fundado en 1879
-secretaria@ateneoferrolan.org-
19 de julho de 2014 18:12
_________________