sábado, xaneiro 13, 2018

Campaña de alegacións colectivas ao decreto da RISGA - Fronte a “esmola social” da RISGA e do resto de políticas sociais propoñemos a creación dun novo dereito que supere a política vixente prestacións e axudas sociais que non eliminan nin o empobrecemento nin a desigualdade - Modelos Alegacións


A finais de ano a Xunta penduraba o borrador do decreto que desenvolve a lei da RISGA. Xunto á publicación deste documento abren un período para presentar alegacións que finaliza o 19/01/2018.

Dende a ODS-Coia elaboramosuse unha proposta de alegacións, que animamos a presentar nos rexistros da Xunta antes do 19 de xaneiro a todas aquelas persoas comprometidas coa xustiza social (só tes que encher os teus datos e asinar).

Fronte a “esmola social” da RISGA e do resto de políticas sociais propoñemos a creación dun novo dereito que supere a política vixente prestacións e axudas sociais que non eliminan nin o empobrecemento nin a desigualdade. Fronte a isto propoñemos un novo dereito: a Renda Básica das iguais que garanta, xunto a outras medidas, unha vida digna para todas as persoas. Na transición cara ese novo dereito propoñemos unha serie de medidas de urxencia que detallamos nos seguintes puntos:
  • Contía digna: ninguén cobrando menos de 890 €/mes por persoa (metade da renda per cápita da Galiza, dividida entre todas as persoas residentes no país). Así como a eliminación do IPREM que leva 6 anos conxelado.
  • Dereito para aquelas que residan na Galiza, con independencia do seu pasaporte e situación administrativa.
  • Brevidade e simplicidade na tramitación: as resolución as fai a Xunta, sen pasar polos servizos comunitarios dos concellos, e ten que estar resolta nun prazo máximo dun mes dende a solicitude.
  • Compatibilidade con axudas e prestacións (PNC, Axuda familiar, RAI...) de contía inferior mentres non desaparezan.
Botade-nos unha man enchendo a alegación que podedes descargar. Formato pdf. | Acceder/Baixar.

As podedes enviar de varias formas:

1- Enchendo o formulario na web da Xunta onde está subido o borrador. | Acceder/Baixar.

2- Meténdo-a a través do rexistro da Xunta.

3- Achegándo-a ao noso mail (odscoia@riseup.net) e dende aí as enviamos nós.

--
OFICINA DEREITOS SOCIAIS - COIA (ODS-Coia)
odscoia.arkipelagos.net | odscoia@riseup.net |@odscoia | tel: 696 618 732 - 679 758 663. | Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo)


Enviado por:
Oficina Dereitos Sociais - Coia
-dereitossociais@gmail.com-
11 de janeiro de 2018 22:13

____________________________

venres, xaneiro 12, 2018

O Vigo que [NON] Sorrí, é unha exposición urbana sobre a cidade que non vemos, o 13 de xaneiro na rúa Príncipe de Vigo, ás 12 do mediodía


O 13 de xaneiro en Príncipe 12.00 h

"O Vigo que [NON] Sorrí", unha exposición urbana sobre a cidade que non vemos.

Activistas de diferentes colectivos sociais portarán as imaxes desta obra itinerante que busca denunciar a exclusión social na que malviven miles de vigueses.

Unha vintena de retratos para ilustrar O Vigo que [NON] sorrí, un traballo fotográfico que trata de mostrar a outra cara da cidade, o Vigo que non vemos. Activistas de diferentes colectivos sociais portarán as imaxes desta exposición itinerante, o vindeiro sábado 13 de xaneiro ás 12 do mediodía, na rúa de Príncipe, co fin de visibilizar a exclusión social na que malviven miles de vigueses e viguesas. A partir do Luns día 15, poderá verse de forma permanente na Praza do Rei.

"Ou Vigo que [NON] sorrí mostra a dura realidade dalgúns dos nosos veciños e veciñas. As fotografías foron tomadas durante o inverno pasado en diferentes barrios da cidade. Trata de mostrar a realidade dun Vigo que non sorrí porque non ten motivos para facelo. O Vigo do non: do non teño casa, non teño traballo, non teño voz, non teño dereitos... O Vigo que non queremos ver ou que só miramos de reojo", explica Aarón Díez, autor dos retratos.

A iniciativa nace como resposta á exposición patrocinada polo Concello de Vigo, en xullo de 2016, onde se mostraba un Vigo riseiro. "Con este traballo non pretendemos criticar a boa vontade do proxecto, que quería sacar un sorriso á xente, buscamos apelar á empatía e á responsabilidade colectiva ante os dramas sociais que temos na porta de casa, aqueles que as institucións tratan de ocultar", opina o fotógrafo, que sinala que "vivimos nunha cidade fermosa pero onde hai demasiadas persoas que non a poden gozar".

As imaxes relatan a historia dunha vintena de veciños e veciñas. Por unha banda, das vítimas do desemprego, a pobreza, o maltrato ou o abandono institucional dos últimos anos. Por outro, dos activistas que loitan por un Vigo máis xusto e igualitario. O obxectivo da obra é situar no centro do debate a esa parte da cidade que queda sempre en segundo plano.

A exposición conta co apoio e a participación de organizacións sociais locais como a Oficina de Dereitos Sociais de Coia, a Rede de Solidariedade Popular de Vigo, o Colectivo Acampa Contra a Pobreza, Os Ninguéns e PAH Vigo, Tui - Baixo Miño.

--
OFICINA DEREITOS SOCIAIS - COIA (ODS-Coia)
odscoia.arkipelagos.net | odscoia@riseup.net |@odscoia | tel: 696 618 732 - 679 758 663. | Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo).

Enviado por:
Oficina Dereitos Sociais - Coia
-dereitossociais@gmail.com-
12 de janeiro de 2018 09:21
_______________

Enlace de interese, fotos de Aarón Díez do 15 de Outubro de 2011, Vigo polo Cambio Global. | Ir áo Álbum.
___________________________

O Concello de Ferrol de fondo: O Xulgado Contencioso-Administrativo número 4 da Coruña fallou contra Aqualia que terá que pagar 12,8 millóns ao Concello de Arteixo en concepto de indemnización pola mala xestión do servizo da auga que xestionaba ao 100% como parte privada dentro dunha empresa mixta (Aurgasa) - En 2013 o Concello acordara rescatar o servizo municipal de augas para a xestión e titularidade pública, ao detectar esa mala xestión por parte da empresa privada, agora condenada, por segunda vez


Polo que nos toca en Ferrol, ante a mala xestión de Socamex, socio privado de Emafesa co 49% da empresa mixta, mais xestor ao 100% da mesma, transcribimos a reportaxe publicada no Noticiero de Arteixo e un detalle e enlace do publicado por Antón S. Rodríguez, en La Voz, no día 11 de xaneiro de 2018, sobre a segunda sentenza que lle ven dar a razón ao Concello de Arteixo no seu litixio con Aqualia (Fomento de Construciones y Contratas) a antiga concesionaria privada do servizo municipal de augas que xestionaba ao 100% a empresa mixta de augas (Augarsa), agora remunicipalizado e de xestión pública, proceso de rescate moi interesante e de importantes ensinanzas. Mesmo este Concello aprobou uns orzamentos para 2018, onde contempla a municipalización do servizo de recollida de residuos urbanos. Polo seu interese para a nosa loita en defensa dos Servizos Públicos e pola súa (re)municipalización.


Un xulgado condena a Aqualia a pagar 12,8 millóns de euros ao concello de Arteixo polos prexuízos derivados da súa xestión da rede de auga no concello.

O concello de Arteixo ve xuridicamente avaladas así por segunda vez as súas teses sobre a responsabilidade da filial de Fomento de Construciones y Contratas no calamitoso estado na que deixou o sistema de abastecemento municipal antes de que o concello interviñese o servizo e o municipalizara...

O xulgado contencioso-administrativo número catro decretou que Aqualia terá que pagar ao Concello de Arteixo un total de 12,8 millóns de euros en concepto de indemnización pola xestión do servizo de abastecemento e saneamento que levou a cabo entre os anos 2005 e 2013, ano no que o goberno de Carlos Calvelo municipalizou o servizo ao detectar graves incumprimentos por parte da empresa privada dependente de Fomento de Construcións e Contratas.

O equipo de avogados de Aqualia perseguía conseguir unha sentenza xudicial que rexeitase as teses do concello de Arteixo, que constatara por medio de varias auditorías técnicas e financeiras as responsabilidades que tiña Aqualia no mal estado do servizo de auga. A sentenza, fechada o 28 de decembro e notificada onte, explica que Aqualia debe pagar 2,6 millóns polo incumprimento do plan de investimentos durante os oito anos que prestou o servizo; 8,7 millóns de euros pola redución do valor patrimonial da rede, é dicir, a falta de mantemento na rede de tuberías e depósitos de Arteixo; 2,8 millóns polo impago da compra de auga que Aqualia deixou de abonar a Emalcsa durante anos; 542.000 euros polos gastos de reencho de auga no depósito de Pastoriza nos anos 2012 e 2013; e 111.000 euros polos gastos que asumiu o Concello ao intervir e municipalizar a xestión de auga no 2013.

Estas cifras sumarían preto de 14,9 millóns de euros, aos que habería que descontar os 2,1 millóns que o Concello cobrou en concepto de canon cando Aqualia se adxudicou o contrato no 2005. O resultado serían 12,8 millóns de euros que o xulgado estima que debe cobrar o Concello en concepto de indemnización. Os xulgados xa habían decretado un aval de 14 millóns de euros de forma cautelar para que a empresa puidese facer fronte a posíbeis indemnizacións como a que agora lle esixe o xulgado número 4.

Esta sentenza pode ser recorrida no prazo de quince días ao Tribunal Superior de Xustiza de Galicia, que xa ditara outra sentenza referida ao mesmo caso en febreiro de 2016, na que sinalaba á filial de Fomento de Construcións e Contratas como responsábel de levar a un estado calamitoso a rede de abastecemento e saneamento de Arteixo utilizando unhas deficientes prácticas empresariais nas que, como sinalaron no proceso as auditorías técnicas do concello de Arteixo, e o propio Tribunal Superior de Xustiza de Galicia "consta acreditado o deficiente estado de mantemento e conservación das diferentes instalacións inherentes tanto ao abastecemento de auga como ao saneamento municipal, inclusive con patentes evidencias gráficas que non foron desmentidas, a máis diso apreciarse patentes pautas de contratación empresarial con prezos inclusive sensiblemente superiores aos do mercado con terceiras entidades empresariais ligadas ao mesmo grupo empresarial".

A sentenza continúa sinalando que Aqualia "tampouco cumprimentou as súas iniciais pautas de investimento". A demoledora sentenza continúa sinalando a Aqualia como unha empresa que non "consta que fixese honor aos compromisos de eficacia técnica e investimento financeiro inicialmente proclamados".

Despois de que os tribunais sinalen de forma contundente a culpa de Aqualia na situación que provocou que o alcalde de Arteixo, Carlos Calvelo, tomase a decisión, apoiado por diversos informes xurídicos e auditorías técnicas, de disolver a empresa no 2013, agora fíxase a contía da indemnización coa que o concello de Arteixo debe ser compensado por Aqualia, un total de 12,8 millóns de euros. A empresa xa depositou no 2016, obrigada polo xulgado, un aval de catorce millóns de euros como garantía inicial para facer fronte a esta indemnización derivada polas consecuencias negativas que tivo a súa xestión do auga para o municipio de Arteixo.

Fonte: Noticiero de Arteixo.


2018.01.11 - Auga . | Remunicipalización. | O xulgado fixa en 12,8 millóns a indemnización de Aqualia a Arteixo | O Concello celebra un fallo que a concesionaria do auga poderá recorrer no TSXG. | Antón S. Rodríguez Arteixo / La Voz 11/01/2018 05:00 h. | O Xulgado Contencioso-Administrativo número 4 da Coruña acaba de decretar que a empresa concesionaria da auga Aqualia terá que pagar 12,8 millóns ao Concello de Arteixo en concepto de indemnización pola xestión do servizo de abastecemento e saneamento que desenvolveu neste municipio entre o 2005 e o 2013. Ese ano, o alcalde Carlos Calvelo optou por municipalizar o servizo de auga ao detectar "graves incumprimentos" por parte de Aqualia, asina propiedade de Fomento de Construcións e Contratas. | Empresa e Concello levan preiteando desde entón, e esta sentenza, asinada o pasado 28 de decembro e feita pública onte, non será o punto e final ao litixio, xa que Aqualia ten opcións de recurso ante o Tribunal Superior de Xustiza de Galicia (TSXG). | Ir á Web.


PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Alexandre Carrodeguas | Fernando Ramos | Pablo Portero |  Bernardo Rego | Lupe Ces  |
remunicipalizacion.plataforma@gmail.com | https://plataformaferrol.blogspot.com.es---

xoves, xaneiro 11, 2018

Em Janeiro, na Fundaçom Artábria, começamos o ano com umha completa programaçom que incluirá música, poesia, arte e audiovisuais - Este 2018 será o ano do XX aniversário do nosso Centro Social, vinte anos programando atividade em galego e ofertando ócio alternátivo na cidade de Ferrol e na nossa Comarca


Comezamos 2018 com um mês lotado de atividades


Este 2018 será o ano do XX aniversário do nosso Centro Social, vinte anos programando atividade em galego e ofertando ócio alternátivo na cidade de Ferrol e na nossa Comarca.

E começamos o ano com umha completa programaçom que incluirá música, poesia, arte e audiovisuais.

Eis o programa de janeiro.

Desde o dia 5 de janeiro e até o 3 de fevereiro está disponível no nosso Centro Social a exposiçom "Prints" do tatuador Joako Ayala. Pode-se visitar em horário de apertura do café-bar entre as 10.30 e 13.30 e 17.30 a 22.30.

No dia 12 o poeta begantinham Oscar de Souto apresentando o seu poemário "Carbón Querubín", um livro de autor que já vai pola sétima ediçom. O ato dará início às 20.30hs.

No sábado 13, e organizado por CGTH Records contaremos no Centro Social com os ferrolanos Schawrzenegger e os vigueses Salvaje. O bilhete som 5 euros e a hora do ínicio (pontoal) as 22.00hs.

Na sexta-feira 19 decorrerá às 20.30hs a apresentaçom do número 3 da revista de estudos galegos KALLAIKIA. Contaremos com a presença das colaboradoras de este número: Catarina Cortiças, licenciada em Geografia pola UDC e Ténica Superior em Química Ambiental; Joám L. Ferreiro Caramês, biólogo na Confraria de Pescadores de Baralhobre e Maurício Castro, docente de português na EOI de Ferrol.

No sábado 20 de janeiro desde a Corunha aterrizam em Ferrol os Ulträqäns que trazeram as suas melodias electro-folque-dance-tradicionais construídas com ladridos em semicorcheas e ouvidos de fusas e parafusa. O concerto começará às 22.30h e será de graça.

Sexta-feira 26, decorrerá a projeçom do documentário "O canteiro de Sebil: umha olhada comunal ao redor de Xoám Xesus González" producido polo Quinteiro do Umia. O documentário, é umha mirada coletiva sobre o patriota galego assassinado polo fascismo em 1936. Um trabalho de divulgaçom e de recuperaçom da nossa memória, para pôr em valor a aquelas figuras que luitarom na defesa da democria. Xoám Xesus González.

A projeçom dará início às 20.30hs e a entrada é livre.

No sábado 27, despedimos as atividades do mês com o concerto de The Brosas e os John Deeres. A entrada é de graça e a hora de início às 22.30hs.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!
....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.


Enviado por:
Fundaçom Artábria
-artabria@artabria.net-
10 de janeiro de 2018 18:36

_______________

mércores, xaneiro 10, 2018

Un acto de recoñecemento e agradecemento a Bernardo Bastida Sixto - Sábado 13 de xaneiro ás 12 do mediodía, nas proximidades da Lonxa, no Peirao de Coruxeiras de Ferrol - Ofrenda Floral e Homenaxe


Homenaxe a Bernardo Bastida


O vindeiro sábado, 13 de xaneiro, ás 12 hs, nas proximidades da Lonxa, no Peirao de Coruxeiras de Ferrol.

A Confraría de Pescadores e Mariscadores de Ferrol, a Asociación Cultural Fuco Buxán e o Comité Cidadán de Emerxencia para a Ría de Ferrol, farán unha Ofrenda Floral, en homenaxe a Bernardo Bastida Sixto, ExPatrón Maior da Confraría Ferrolá, socio de Fuco Buxán e colaborador do CCE, falecido onte, recoñecendo e agradecendo o seu permanente compromiso social, político e sindical.

As entidades que convocan o acto, agradecen a difusión e participación no mesmo.

Enviado por:
Comite Cidadan de Emerxencia
-comitecidadan@gmail.com-
10 de janeiro de 2018 19:46

_________________

Enlace relacionado:

Foi-se o compañeiro Bernardo Bastida, mais fica na memoria de tod@s nós. - Na mañá do martes, 9 de xaneiro de 2018, finaba o compañeiro por mor dunha enfermidade pulmonar que levaba padecendo desde había tempo - Desde Ártabra 21 queremos lembralo e reivindica-lo como un activista social, defensor da Ría e da Xente do Mar - Nota de pésame e solidariedade de Fuco Buxán do que era membro - Comité Cidadán de Emerxencia: Bernardo Bastida, sempre na nosa memoria, descanse en paz - Vídeo da manifestación do 3 de xuño de 2007 pedindo a súa liberdade. | Acceder en Ártabra 21.
_________________________

A eurodeputada galega Lidia Senra esixe á UE que deixe de amparar o espolio do Sáhara Occidental e respecte as conclusións do TXUE - Saúda que a xustiza europea se reafirme en que Marrocos e a Unión Europea non poden asinar acordos que afectan aos recursos saharauís - Lidia recorda que Marrocos non pode ser considerado como un interlocutor pola UE no relativo aos intereses do pobo saharauí - Vídeo da Intervención da Eurodeputada no Parlamento Europeo


Lidia Senra esixe á UE que deixe de amparar o espolio do Sáhara Occidental e respecte as conclusións do TXUE. | Saúda que a xustiza europea se reafirme en que Marrocos e a Unión Europea non poden asinar acordos que afectan aos recursos saharauís. | A eurodeputada galega recorda que Marrocos non pode ser considerado como un interlocutor pola UE no relativo aos intereses do pobo saharauí.

Lídia Senra, integrada no Grupo Confederal da Esquerda Unitaria Europea/Esquerda Verde Nórdica (GUE/NGL), recibiu con satisfacción a opinión emitida hoxe polo avogado xeral do Tribunal de Xustiza da Unión Europea (TXUE), que establece que o Acordo de Pesca asinado en 2006 entre a Unión Europea e Marrocos non pode en ningún caso ser aplicado ao Sáhara Occidental nin ás augas adxacentes. “O TXUE está a darlle a razón ao pobo saharauí reiterando que este Acordo de Pesca estase a aplicar ilegalmente nun territorio ocupado, en contra do Dereito Internacional e impedindo que o Sáhara Occidental dispoña libremente dos seus recursos naturais”, recalcou a eurodeputada galega, representante suplente para o GUE/NGL na Comisión de Pesca do Parlamento Europeo.

As conclusións feitas públicas hoxe polo avogado xeral da UE, paso previo dunha futura sentencia, “constitúe unha nova vitoria do pobo saharauí fronte aos acordos que a UE asina cun país ocupante como é Marrocos, acordos ilexítimos que teñen que acabar xa. É inadmisíbel que dende as institucións comunitarias se ampare e se colabore co espolio do pobo saharauí”, criticou. Senra entende que o avogado xeral da UE “é moi claro ao establecer que a explotación pesqueira por parte da Unión das augas adxacentes ao Sáhara Occidental, instaurada e aplicada polos actos impugnados, non respecta o dereito á libre determinación do pobo saharauí”.

Está previsto que proximamente comecen as negociacións para renovar o acordo de Pesca entre a UE e Marrocos, que vence nuns meses. “Que agarda a Comisión Europea para poñer fin a esta situación? A aplicación deste acordo é ilegal e a UE non pode seguir escudándose nel nin seguir tratando a Marrocos como interlocutor no referente aos territorios ocupados do Sáhara Occidental”, apremiou a eurodeputada galega.

Senra, que xa o ano pasado denunciou a explotación ilegal dos fosfatos saharauís polo Reino de Marrocos e foille impedida a entrada, xunto a outras eurodeputadas, a El Aaiún no curso dunha visita a colectivos e activistas saharauís, lembra que esta non é a primeira vez que o TXUE tumba acordos comunitarios con Marrocos por aplicarse ilegalmente ao territorio e aos recursos do Sáhara Occidental, “en decembro de 2016 unha sentencia do TXUE declarou que o Acordo de Asociación de 1996 e o Acordo de liberalización en materia de produtos agrícolas, pescado e produtos de pesca de 2012 non podían aplicarse ao Sáhara Occidental, a UE ten que deixar xa de eludir o recoñecemento ao pobo saharauí sobre os seus propios recursos naturais”.

Bruxelas, 10 de xaneiro de 2018


https://youtu.be/WscPgtecND8

Intervención da eurodeputada galega en sesión plenaria no marco do debate sobre a proposta de Regulamento do Parlamento Europeo e do Consello para o establecemento de disposicións relativas á comercialización de produtos fertilizantes co marcado “CE” -modificando os Regulamentos (CE) n.º 1069/2009 e (CE) n.º 1107/2009-.

Canle de AGE en Europa. | Ir á canle.

Máis información:

Lídia Senra, eurodeputada galega. | Grupo Confederal da Esquerda Unitaria Europea/Esquerda Verde Nórdica (GUE/NGL). | lidia.senra@europarl.europa.eu | http://ageuropa.gal/     

https://www.facebook.com/LidiaSenraRodriguez

Enviado por:
SENRA RODRÍGUEZ Maria Lidia OFFICE
-lidia.senra-office@europarl.europa.eu-
10 de janeiro de 2018 18:21

___________________

Xornada contra a mina de Touro-O Pino, este sábado 13 de xaneiro, un evento organizado pola eurodeputada galega Lídia Senra e a Plataforma Veciñal Mina Touro-O Pino Non, será no Hotel Bello do Pino - Participarán tamén persoas da loita contra as minas de Corcoesto, Lousame, A Terra Cha, As Encrobas e Xanceda, así como de Roitinto


Xornada contra a mina de Touro-O Pino, este sábado, para debater sobre un problema que é de todos/as. | O evento, organizado pola eurodeputada Lídia Senra e a plataforma veciñal Mina Touro-O Pino Non, será no Hotel Bello do Pino todo o día. | Participarán tamén persoas da loita contra as minas de Corcoesto, Lousame, A Terra Cha, As Encrobas e Xanceda, así como de Roitinto

Persoas implicadas de forma moi activa na loita contra a minaría en diferentes lugares de Galiza daranse cita este sábado, 13 de xaneiro, no Pino, para intercambiar experiencias, poñer en común puntos de vista e debater sobre os efectos deste tipo de explotacións. O evento, organizado pola eurodeputada Lídia Senra, está concibido ademais para arroupar á plataforma veciñal Mina Touro-O Pino Non, que leva meses pelexando contra o proxecto de nova mina de extracción de cobre que pretende abrir na cotorna Cobre San Rafael S.L, -empresa participada por Atalaya Mining, a mesma dona das minas de Riotinto en Huelva-, e que ocuparía unha área de 689 hectáreas, das que se extraerían 267 millóns de toneladas durante 16 anos e medio.

A xornada desenvolverase durante todo o sábado no Hotel Bello, situado no concello do Pino, con carácter aberto. Neste sentido, a europarlamentaria Lídia Senra anima a todas as persoas a achegarse. “Estamos ante un problema que, de ir adiante, nos vai afectar a todas e a todos, non só á xente que vive á beira dos terreos mineiros no Pino e Touro”, defendeu, e chamou a tomar conciencia e á mobilización en toda Galiza para frear “esta aberración que poñería en perigo a saúde das persoas, do medio ambiente, do río Ulla e afluentes, o marisqueo da ría de Arousa, as explotacións gandeiras que hai na zona, os establecementos turísticos que viven do Camiño de Santiago,…, é moito o que está en xogo”. Senra lembra ademais que xa puxo sobre aviso á Comisión Europea e ao Parlamento Europeo sobre este proxecto, a través dunha pregunta parlamentaria feita por escrito o ano pasado, e a través dunha intervención no pleno europeo en Estrasburgo e dunha carta que lle remitiu ao comisario europeo de Medio Ambiente Karmenu Vella. “E non cesaremos en seguir denunciando por todos os medios posibles este proxecto mineiro ante a UE”, asegurou. “Entre todas e todos temos que paralo. Só coa presión e a mobilización social se logrará”, dixo.

A xornada comezará pola mañá a partir das 10:30 cun coloquio sobre o proxecto mineiro Touro-O Pino e as consecuencias que traerá, no que intervirán como ponentes membros da plataforma, a propia Lídia Senra e Aurora Puentes, Doutora en Bioloxía e membro da Sociedade Galega de Historia Natural (SGHN). Ás 12:30 horas, Miguel Ángel Collado Aguilar, doutorando en Historia da Universidade de Huelva e veciño de Nerva realizará unha ponencia con debate posterior sobre a experiencia vivida en Riotinto, que é o principal activo da mineira Atalaya Mining.

Pola tarde, a partir das 16:30 horas, terá lugar o coloquio “Galiza non é unha mina, pero hai quen pretende que o sexa”, no que se realizará un repaso ás últimas loitas galegas contra minaría e no que intervirán Braulio Amaro, voceiro da Plataforma pola defensa de Corcoesto e Bergantiños; Joam Evans, membro da Sociedade Coluna Sanfins de Lousame e ContraMINAcción; Marga Prieto Ledo, coordinadora la loita contra a minaría salvaxe do Sindicato Lagrego Galego (SLG) e representante da Comisión das minas da Terra Cha; e Mero Iglesias Dobarro, membro da Coordinadora Antiminas de Xanceda, en Mesía.

Xa ás 19:00 horas, e para rematar, terá lugar a proxección do documental “As Encrobas, a ceo aberto” e posterior coloquio do director do filme, Xosé Antón Bocixa Rei.

Santiago, 9 de xaneiro de 2018.

Máis información:

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL). | lidia.senra@europarl.europa.eu | http://ageuropa.gal/

Enviado por:
AGEe Europa
-ageeneuropa@gmail.com-
9 de janeiro de 2018 14:04
______________________

martes, xaneiro 09, 2018

Foi-se o compañeiro Bernardo Bastida - Na mañá do martes, 9 de xaneiro de 2018, finaba o compañeiro por mor dunha enfermidade pulmonar que levaba padecendo desde había tempo - Desde Ártabra 21 queremos lembralo e reivindica-lo como un activista social, defensor da Ría e da Xente do Mar - Nota de pesame e solidariedade de Fuco Buxán do que era membro - Comité Cidadán de Emerxencia: Bernardo Bastida, sempre na nosa memoria, descanse en paz - Vídeo da manifestación do 3 de xuño de 2007 pedindo a súa liberdade


Foi-se o compañeiro Bernardo Bastida, mais fica na memoria de tod@s nós.

A mañá, deste martes 9 de xaneiro de 2018, finaba Bernardo Bastida Sixto por mor dunha enfermidade pulmonar que levaba padecendo desde había tempo. Desde Ártabra 21 queremos lembra-lo e reivindica-lo como un activista social defensor da Ría e da Xente do Mar.


En 4 de maio de 2007 se lle concedía acta de autorización de funcionamento provisional a Reganosa, de xeito ilegal como logo quedou probado polo Tribunal Supremo en sentenzas firmes. Sentenzas que o Goberno Español do PP burlou, excluíndo a Reganosa da obriga de someterse a avaliación de impacto ambiental. Asunto que xa está recorrido.

En maio de 2007 a imaxe dun gaseiro bloqueado na entrada da Ría de Ferrol foi portada de todos os medios de comunicación. A acción que durou varios días, convocada polo Comité Cidadán de Emerxencia para a Ría de Ferrol, na que participaban centos de cidadáns e cidadás, incluída a "xente do mar" -palabras que utilizaba Bastida para incluír a todas as mariscadoras, mariscadores e demais traballadoras que viven do mar- coas súas lanchas, verdadeira protagonista da acción que impediu a entrada ilegal do primeiro gaseiro cargado con GNL na Ría de Ferrol. Rachábanse, deste xeito, os muros de silencio construídos, para silenciar o despropósito de Reganosa, unha planta de gas construída no corazón da nosa Ría que nos ameaza todos os días.

A resultas daquela acción e doutra posterior do 29 do mesmo mes, Bernardo Bastida, entón patrón maior da Confraría de Ferrol, foi encadeado e procesado. Xulgado varios anos despois, xunto a outros mariscadores. A acción solidaria impediu que Bernardo ingresara de novo en prisión.

Os feitos de maio e xuño de 2007, incluída a detención e prisión de Bastida perante 15 días en Teixeiro, desencadeou unha grande mobilización solidaria co Patrón Maior e de denuncia da Planta de Gas. Miles de persoas nunha grande manifestación, máis de 1.000 auto-inculpacións, e unha marcha a pé da xente do mar até Teixeiro esixindo a liberdade do seu Patrón Maior. Pasados 15 días desde a súa detención, o fiscal une-se á petición de liberdade feita pola defensa, queda en liberdade o compañeiro Bernardo.

Mais Bernardo Bastida, ten o mérito, recoñecido, de facer da Cofradía de Pescadores de Ferrol, unha importante empresa, onde un sector da xuventude conseguiu unha profesión nas artes pesqueiras e marisqueiras, con moitos postos de traballo e unha considerábel facturación, foron anos de logros, mais non exentos de loitas reivindicativas, onde os intereses económicos e asociativos da xente do mar estiveron ben defendidos, concienciando na necesidade da defensa da Ría e do seu saneamento. E conseguindo elevar a autoestima das traballadoras e traballadores do sector.

Bastida, tiña unha dilatada historia de activista, desde a mocidade na loita na clandestinidade nos anos 70, nas filas comunistas contra a ditadura, onde foi represaliado e padeceu prisión; na implantación do sindicalismo en BAZAN até as folgas comarcais contra a mal chamada reconversión e as folgas xerais da Galiza, da primeira metade dos 80, onde foi un destacado activista nos piquetes, pasando pola xa mencionada recuperación do traballo no mar desde a segunda metade dos 80, perante 20 anos de actividade na defensa do sector. Na loita contra Reganosa e a súa colaboración nas Marchas da Dignidade e en Stop Desafiuzamentos da Rede de Apoio Mutuo de Ferrolterra.



As compañeiras e compañeiros da asociación Fuco Buxán e do Comité Cidadán de Emerxencia para a Ría de Ferrol envían unhas notas de pesar e recoñecemento, ante o falecemento de Bernardo que a continuación reproducimos.

Ante o falecemento de Bernardo Bastida Sixto

Fuco Buxán A.C. quere manifestar o seu profundo pesar polo falecemento no día de hoxe de Bernardo Bastida Sixto, compañeiro e socio da nosa asociación. Transmitirlle a súa compañeira Analuz , fillos Anuska e Pedro e familia o noso pesar e solidariedade.

Bernardo Bastida, nacera  en 1949, entrando de aprendiz na Bazán, onde traballou, ate ser despedido a consecuencia dos feitos do 1972 (foi detido e encadeado na prisión d'A Coruña), e readmitido coa amnistía de 1977.

Militante activo, desde a clandestinidade, do PCG e das CCOO, foi enlace sindical, detido e procesado polo TOP. Durante anos foi o Patrón Maior da Confraría de Pescadores e Mariscadores de Ferrol donde realizou unha defensa activa deste colectivo, así como da Ria, sendo detido e procesado pola acción de bloqueo da entrada dos primeiros gaseiros cargados con GNL para Reganosa

Lembraremos sempre del a súa entrañable amizade e o seu compromiso, sindical, político e social. Descanse en Paz

Tanatorio Artabria  Sala Nro 9, sendo incinerado este mércores 10 de xaneiro, ás 18 horas.

---

O Comité Cidadán de Emerxencia lamenta profundamente o falecemento do amigo e compañeiro Bernardo Bastida, ExPatrón Maior da Confraría de Pescadores e Mariscadores de Ferrol, que tivo lugar esta tarde, tras longa enfermidade, no Hospital Xeral de Caranza.

O lembraremos sempre como un dos principais colaboradores deste CCE na defensa da legalidade, da Ría e da Vida contra a ilegal e perigosa Planta de Gas, aínda a costa da súa liberdade.

Bernardo Bastida Sixto, naceu en Ferrol en 1949, e entrou de aprendiz en BAZÁN, ao tempo que militaba activamente, na clandestinidade, no PCG e nas CCOO. Como consecuencia dos sucesos do 10 de marzo do 72, foi despedido da Empresa, detido, torturado na Prisión Naval de Caranza, sometido a Consello de Guerra, encarcerado en A Coruña e procesado polo T.O.P. no Xuizo dos 23.

Coa amnistía de 1977 retornou a BAZÁN continuando a súa militancia política e sindical, como membro do Comité de Empresa.

Foi durante varios anos Patrón Maior da Confraría Ferrolá, onde encabezou una eficaz defensa dos intereses deste colectivo que lle custou numerosas sancións.

Tivo unha participación destacada na loita contra a instalación de REGANOSA no interior da Ría e no bloqueo a entrada dos primeiros Gaseiros cargados con GNL, en maio de 2007, sendo detido e confinado vinte días na Cárcere de Teixeiro, o que motivou numerosas e multitudinarias manifestacións e unha Marcha a pé dos Mariscadores ate aquela Prisión, para exixir a súa liberdade. Por tales feitos foi procesado con outros mariscadores e multado en 2014.

A pesar dos seus graves problemas de saúde estivo sempre presente nos actos reivindicativos, amosando o seu compromiso político e social de toda a vida.

Bernardo Bastida, sempre na nosa memoria, descanse en paz.

Mañá mércores, día 10 de xaneiro, unha vez realizada a autopsia, será trasladado ao Tanatorio Artabria, na Gándara, onde será incinerado ás 18 hs.

Álbum fotográfico. | Acceder/Baixar.
---

Manifestación en Ferrol, pola Liberdade de Bernardo Bastida, o domingo 3 de xuño do 2007.


https://youtu.be/R2pL7IDlIus

venres, xaneiro 05, 2018

ADEGA galardoada coa insignia de ouro do concello de Ferrol - O acto de entrega do galardón terá lugar este día 7 de xaneiro a partires das 12 do medidía no Teatro Jofre - O Concello de Ferrol recoñece así os máis de 40 anos de andaina da entidade ecoloxista, cunha importante presenza e actividade en Ferrolterra


ADEGA galardoada coa insignia de ouro do concello de Ferrol

O concello de Ferrol, a proposta do grupo municipal do BNG, vén de conceder (Xunto a outras entidades e persoas)  a insignia de ouro da cidade a ADEGA polo seu traballo na concienciación social para a conservación do medio natural.

O concello de Ferrol recoñece así os máis de 40 anos de andaina da nosa entidade, cunha importante presenza e actividade na comarca de Ferrolterra.

Os compañeiros e compañeiras de ADEGA da delegación de Ferrolterra-Trasancos protagonizaron tamén ao longo do pasado ano,  numerosos actos en defensa do noso patrimonio natural:  limpezas de praias (Doniños, Caranza...), limpezas de rios, campañas de sensibilización sobre a xestión de residuos, mesas informativas sobre a eficiencia enerxética ou a importancia de usar medios de transporte alternativos ao coche particular.

No apartado das denuncias, chamaron a atención sobre o abandono do transporte público, a escaseza de ciclovías e o carrís-bus; o deficiente saneamento da ría ou as denuncias de numerosas plantacións ilegais de Eucalyptus nesta comarca. A delegación de ADEGA en Ferrolterra colaborou tamén con outros colectivos e plataformas, nomeadamemnte o Comité Cidadán de Emerxencia na súa loita contra REGANOSA, participando en diversos actos en defensa do noso idioma, da cultura galega ou contra a violencia machista.

Dende ADEGA agradecemos ao concello de Ferrol a concesión da insignia de ouro da cidade, algo que nos enche de ledicia e que nos anima a continuar a loita, por un mundo máis xusto social e ambientalmente sustentábel.

O acto de entrega do galardón terá lugar este día 7 de xaneiro a partires das 12h no Teatro Jofre.

Fonte: adega.gal


ADEGA-Delegación de Ferrolterra

Antiguo Hospicio (Praza De Amboaxe)
Rúa Méndez Núñez, 11, 15401 Ferrol
Apartado de Correos 481, C.P.: 15480
adegatrasancos@adega.gal
www.adega.gal/
___________________

Caridade non, xustiza, ... Por Xosé María Dobarro Paz - O problema é que se lle crean ás crianzas necesidades propias do capitalismo e, o que é peor, con base na caridade, cando esas crianzas do que precisan é de xustiza.

A Raiña Letizia apoiando a campaña "Un Juguete, Una Ilusión 2016",
de RNE e a "Fundación Crecer Jugando".

Por Xosé María Dobarro Paz [*]
05.01.2018


As emisoras de RNE e as dúas cadeas da TVE por estas datas, desde hai 18 anos, levan a cabo, en colaboración coa “Fundación Crecer Jugando”, a campaña solidaria “Un juguete, una ilusión” que ten como finalidade recadar fondos para poder enviar xoguetes novos a crianzas a países pouco desenvolvidos de diferentes lugares do planeta. Na campaña ofértase un bolígrafo –este ano tamén unha libreta– ao razoable prezo de 5 euros contando co respaldo de persoas coñecidas do deporte, a música, os medios de comunicación... Xustifícase no recoñecemento polas Nacións Unidas do “dereito da crianza ao descanso e ao lecer, ao divertimento e ás actividades recreativas propias da idade”. Non vexo que en ningún momento se fale de xoguetes para nada. Non son imprescindibles para o lecer e o divertimento. As crianzas do meu tempo divertiámonos con calquera cousa. Que remedio! E eramos máis infelices que as de hoxe? O que acontece e que a citada fundación está promovida pola “Asociación Española de Fabricantes de Juguetes” e... claro. O problema é que se lle crean ás crianzas necesidades propias do capitalismo e, o que é peor, con base na caridade, cando esas crianzas do que precisan é de xustiza.

Publicado no Diario de Ferrol. | 5 de xaneiro, de 2017.

[*] Xosé María Dobarro Paz (Ferrol, 1950), escritor, articulista, profesor, activista cultural e político. Na súa xuventude militou no PCG, e posteriormente no nacionalismo-popular galego, sendo militante da UPG e foi Presidente da Sociedade Cultural Medulio e divulgador da figura de Ricardo Carvalho Calero. Foi catedrático de Lingua e Literatura Galega na Universidade da Coruña. Na actualidade no PCG e foi coordinador comarcal de EU.
_________

xoves, xaneiro 04, 2018

Delegación denuncia graves violacións aos dereitos humanos por parte do goberno de Honduras tras denuncias de fraude en eleccións presidenciais - Democracy Now! gravou o evento organizado en Nova York por unha delegación de líderes políticos e representantes da comunidade hondureña encabezada polo médico e ex comisionado nacional para a saúde pública, Dr. Luther Castelo Harry, para denunciar graves violacións aos dereitos humanos por parte do goberno de Honduras - Vídeo e máis info


Democracy Now! gravou o evento organizado en Nova York por unha delegación de líderes políticos e representantes da comunidade hondureña encabezada polo médico e ex comisionado nacional para a saúde pública, Dr. Luther Castelo Harry, para denunciar graves violacións aos dereitos humanos por parte do goberno de Honduras, tras graves denuncias de fraude electoral nas pasadas eleccións presidenciais do 26 de novembro. Entre as persoas que fixeron parte da delegación atópanse: O alcalde municipal de San José de Colinas, no departamento de Santa Bárbara e líder do Partido Libre, Amable de Jesús Hernández, o alcalde do municipio de Aradas, Santa Barbara, Jose Arnold Avelar Hernandez, o líder da Alianza nacional en contra da ditadura, Gerardo Torrez, o encargado das relacións internacionais do Partido Libre e da Alianza contra a ditadura, David Nataren Oyerla, un economista que actualmente está estudando na Escola de Goberno Kennedy de Harvard e Rudo Pastor, líder do Partido Libre, entre outros.


Máis info en: Democracy Now.
_________________

'Chuvia' peza teatral de Anómico Teatro, este xoves día 4 de xaneiro ás 8 da tarde, no Ateneo Ferrolán - Watt e Olf, dous homes cun marcado trazo intelectual, atopan na súa vivenda un home espido e refuxiado baixo unha cadeira...


"Chuvia" peza teatral de Anómico Teatro,  o xoves día 4 de xaneiro de 2018, ás 20.00hs, no #AteneoFerrolán
Entrada: 5 euros + libro de regalo
https://anomicoteatro.wordpress.com/

FICHA ARTÍSTICA
Texto e dirección: Julio Fernández Peláez.
Con: Roberto Leal, Alberto Rolán e Manu Dosouto
Axudante dirección e Movemento: Eva Alfonso González.
Iluminación: Raquel Hernández / Pedro Fresneda.
Espazo escénico: Montse Piñeiro e Julio Fernández.

Sinopse: Watt e Olf, dous homes cun marcado trazo intelectual, atopan na súa vivenda un home espido e refuxiado baixo unha cadeira, un home do cal descoñecen todo, mesmo como chegou ata alí, e co que non chegarán a ter contacto, agás do visual, mais que espertará neles todo tipo de especulacións. Non é este, con todo, o incidente de maior magnitude que sobrevén na cotidianeidade de Watt e Olf. De súpeto, e coma nun soño, a cidade derrúbase, e os tres homes volven atoparse no medio dous cascallos.

O enlace ao video completo en youtube é:
https://youtu.be/M6HOZbRniV4

Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055 Dirección Postal: Rúa Magdalena 202-204. CP.15402 | Ferrol (Galiza) | Buscanos en Twittere, Facebook.
http://ateneo-ferrolan.blogspot.com/

Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350
Enviado por:
Ateneo Ferrolán Fundado en 1879
-ateneoferrolan@gmail.com-
3 de janeiro de 2018 13:31

___________________________

O orzamento de Defensa xa crecera en 1.349 millóns a un mes de pechar 2017 - A contía destinada a Defensa para este ano creceu case dous mil millóns, o gasto final segue inflándose, como en anos anteriores


O orzamento de Defensa xa crecera en 1.349 millóns a un mes de pechar 2017


As contas aprobadas destinaban 7.638 millóns, pero a 30 de novembro as modificacións soben esa cifra até os case 9.000 millóns de euros.

O BOE de hoxe recolle a execución orzamentaria a 30 de novembro de 2017, isto é, as modificacións que se realizaron ao orzamento inicial a un mes de pechadura de 2016. O orzamento de Defensa, unha vez máis, crece.

Aínda que se presupostaron 7.639 millóns -fronte aos 5.788 do ano anterior-, os créditos ascenden xa a case 9.000 millóns de euros, 1.349 millóns extra. Así, o custo xa alcanza os case 9.000 millóns de euros, cifras de execución similares ás de 2012, o exercicio dos últimos anos no que o gasto final, o real, foi o máis elevado.

Este crecemento dos orzamentos, que se repite cada ano, produciuse até sen créditos extraordinarios, un sistema que se veu utilizando nos últimos exercicios e que inxectaba centos de millóns extra no verán vía Decreto-Lei para o pago de programas especiais de armamento, e que o Constitucional tombou en 2016.

Na sentenza, que responde a un recurso presentado por varios grupos parlamentarios (PSOE, IU, ICV, CHA e UPyD) contra o crédito de 2014, o Constitucional considera que o uso do Real decreto-lei para aprobar estes pagos non está xustificado e anulou a decisión. Iso si, non houbo marcha atrás para as transferencias xa realizadas e de orzamentos anteriores (2014 e 2015).

Así, en 2016 o Goberno non puido aprobar ese crédito extraordinario, e aprazou a 2017 o pago de 717 millóns de euros destinados a sufragar estes programas de modernización das Forzas Armadas. O orzamento inicial de 2017, así, inclúe logo de moitos anos de ocultalo na aprobación dos PGE, unha previsión sobre o custo destes programas especiais: uns 1.800 millóns para os pagos atrasados de 2016 e os correspondentes a 2017.

Pese a que ese custo xa estaba contemplado nos orzamentos iniciais e a que a contía destinada a Defensa para este ano creceu case dous mil millóns, o gasto final segue inflándose, como en anos anteriores. Polo momento, e a 30 de novembro, 1.349 millóns extra. En 2016, a pechadura do ano deixou 1.395 millóns máis que os presupostados.

Eva Belmonte
4 xaneiro 2018
Baixo licenza Creative Commons.

Fonte: Civio - O Boletín Noso de Cada Día.
_________________

A Fundación Fragas do Mandeo fai balance dun ano de actuacións para preservar a biodiversidade da comarca d'As Mariñas - Estas foron as actividades de fin de ano - 116 voluntarias conservaron a natureza n'As Mariñas no 2017


116 voluntarias conservaron a natureza en As Mariñas no 2017


A Fundación Fragas do Mandeo fai balance dun ano de actuacións para preservar a biodiversidade da comarca d'As Mariñas.

Fragas do Mandeo viviu o cambio de ano traballando pola conservación da natureza da nosa bisbarra.

O día 30, doce voluntarios estiveron traballando no monte da Espenuca na restauración ecolóxica dunha parcela de 16.846 m2 situada na aba norte do miradoiro, ao pé da capela. Grazas a estes esforzos, o antigo eucaliptal vai agora camiño de converterse nun bosque autóctono.

O día de ano vello, para despedir o ano que remataba, un dos nosos voluntarios recolleu nun camiño do espazo natural protexido do encoro de Abegondo-Cecebre 200 botellas de vidro e varias bolsas de refugallos. Logo, dedicou o aninovo a transportar as ducias de bolsas de lixo que tamén estivera enchendo con refugallos atopados no propio encoro os días anteriores. Chegou a retirar 602 quilos de lixo soamente na zona da cabeceira do encoro que forma o río Mero augas arriba da ponte de Seixurra. Entre os refugallos había de todo: plásticos, vidros, latas, cerámica, calzado, etc., pero tamén dúas rodas de camión, unha roda e unha batería de coche, e 261 botellas de vidro.
Extrapolando estes datos a toda a superficie do espazo natural protexido e camiños do seu arredor, estimamos que debe haber preto de 4 toneladas de residuos.

Estas actuacións soamente foron o colofón dun ano de intenso traballo que resumimos a continuación:

Voluntariado: No ano 2017 organizamos 24 xornadas de voluntariado ambiental. Contamos coa participación de 116 persoas, con igual número de homes que de mulleres, e cunha idade media de 48 anos.

Totalizaron 246 xornadas de traballo, sendo a media de 2,1 xornadas por persoa.

Montes: En Fragas do Mandeo custodiamos actualmente 259.048 m 2 de monte, dos que 96.425 m 2 o son en propiedade, 147.863 m 2 mediante acordos de custodia de até 50 anos e 14.760 m 2 grazas a un arrendamento a 30 anos. Nestas parcelas eliminamos os eucaliptos, as transformamos en bosque autóctono e conservamos a súa biodiversidade. Están situadas nos concellos de Coirós, Aranga, Oza-Cesuras e Sobrado.

Ríos: Eliminamos 15 especies exóticas e retiramos periodicamente o lixo en 14 km dos ríos Mandeo e Mendo. Adicionalmente, no 2017 actuamos por primeira vez no río Callou (Bergondo), onde nun tramo de 2 km recollemos 10 toneladas de lixo e 2 m 3 de dúas especies exóticas invasoras.

Praias: Temos eliminado 14 especies invasoras e recollemos periodicamente lixo nas praias da Alameda e Grande de Miño. Nesta última praia, precisáronse tres viaxes de tractor para transportar tódolos restos vexetais das invasoras eliminadas no 2017.

Marisma: Na xornada de limpeza realizada en Mariñán no mes de setembro retiramos un total de 14 m 3 de lixo, máis 1,5 m 3 de uralita con amianto contaminante e 72 rodas (62 de camión, 1 de tractor e 9 de coche).

Reservas naturais: No 2017 realizamos tarefas de mantemento na Reserva de Anfibios do Catorce (Coirós), que creamos no ano 2016. Tamén avanzamos na creación dunha segunda reserva de anfibios no concello de Oza-Cesuras. Periodicamente facemos labores de mantemento no observatorio ornitolóxico da lagoa de Sobrado dos Monxes.

Fragas do Mandeo agradece a tódolos seus voluntarios o seu compromiso pola conservación da natureza, especialmente a aqueles que veñen de tan lonxe como Santiago, Ferrol ou Guitiriz. E tamén ós seus doadores, algúns deles residentes no estranxeiro e noutras comunidade autónomas, pois fan posible que sigamos mercando montes onde poder eliminar eucaliptos e acacias para así restaurar as nosas fragas.

Dende Fragas do Mandeo animamos a tódolos amantes da natureza a ser parte activa na súa conservación durante este ano 2018 que comeza. Calquera pode participar nalgunha das numerosas xornadas de voluntariado que organizamos ó longo do ano ou facer unha modesta doazón (que deduce na declaración da renda até o 75 %) para poder seguir mercando montes que se destinarán a perpetuidade á conservación da súa biodiversidade. Basta con poñerse en contacto connosco a través do correo electrónico correo@fragasdomandeo.org ou do teléfono 981 105 903.

Betanzos, 2 de xaneiro de 2018

Máis información sobre as nosas campañas en:
http://www.fragasdomandeo.org/campanas/
Novas sobre Fragas do Mandeo en:
http://www.fragasdomandeo.org/

Atopa-a no facebook:
http://www.facebook.com/voluntariadomandeo

Enviado por:
Fragas do Mandeo
-correo@fragasdomandeo.org-
2 de janeiro de 2018 16:05

______

O Concello convida a veciñanza a sumarse ao acto público e informativo que vai ter lugar o martes, 9 de xaneiro, ás 7 da tarde, no Antigo Hospicio de Amboaxe, para explicar, como acceder as Axudas á Vivendas nas Áreas de Rehabilitación de Ferrol (ARI) - Para os barrios d'A Magdalena-Ferrol Vello, A Graña e Esteiro Vello - Esta convocatoria supón unha inxección económica de 3.369.773,58 euros


ABERTA A CONVOCATORIA DE AXUDAS A REHABILITACION DE VIVENDAS NOS ARIS DE FERROL, QUE SUPORÁ UNHA INXECCION DE 3,3 MILLÓNS DE EUROS


* O Concello convida a veciñanza a sumarse ao acto público e informativo que terá lugar o martes, 9 de xaneiro de 2018, ás 19:00 horas, no Antigo Hospicio de Amboaxe, para explicar, polo miudo, como acceder as estas axudas.

* A convocatoria publicouse o 28 de decembro de 2017 no DOG e as bases están na web municipal para os barrios d'A Magdalena-Ferrol Vello, A Graña, Esteiro Vello e Recimil.

* Para calquera consulta, pódese acudir a Oficina Municipal de Rehabilitación en Urbanismo.

O Concello de Ferrol abre unha nova convocatoria de subvencións para a rehabilitación de edificios de vivendas nas Áreas de Rehabilitación de Ferrol (ARI): Magdalena-Ferrol Vello, A Graña, Esteiro.

Así o anunciaron en rolda de prensa o alcalde, Jorge Suárez, e a concelleira de Urbanismo, Infraestruturas, Vivenda e Rehabilitación, María Fernández Lemos, logo de que o DOG publicase, na edición do 27 de decembro, os anuncios da convocatoria da Prórroga do Plan de Vivenda 2013-2016 e as addendas que permitirán reinvestir os cartos de anteriores convocatorias.

Esta convocatoria supón unha inxección económica de 3,3 millons de euros, concretamente, 3.369.773,58 euros, e con especial fincapé e atención, pola parte do Goberno local, ao barrio de Recimil, que acadou a consideracion de ARI en xaneiro deste 2017, mais no concreto nas rúas Dez do Marzal e Narón, co cambio da envolvente enerxética e as cubertas de 72 vivendas en dous blocos como primeiro paso para a renovación dun barrio que precisa dunha inxección de fondos e de autoestima, ao que se sumaran, no futuro, os fondos da Edusi.

Fernández Lemos, foi a encargada de expor, polo miúdo, o contido do novo convenio que obtivo o respaldo unánime de todos os grupos da corporación na sesión plenaria do 30 de outubro.

A inversión global é de 3,3 millóns de euros dos que 2,4 son achegas públicas sumando os aportes das tres administracións local, autonómica e central, polo que a parte que lles corresponden ass propietarias particulares estímase en 900.000 euros, en torno ao 27%.

A achega que fai o Concello de Ferrol, explicou a concelleira, ascende a 991.142,8 euros con cargo as anualidades 2017 (17.254,29) e 2018 (845.460,00). Un esforzo orzamentario moi esixente para as arcas locais e que destina, na súa meirande parte, na aposta decidida pola rehabilitación de 72 vivendas de titularidade municipal no barrio de Recimil, sitas nas rúas Dez de Marzal e Narón.

Ferrol é unha das cidades que mais intervencións ten realizados nos últimos dous anos, manifestou Lemos, e consolidamos a totalidades das axudas, segundo a comisión de seguimento do plan”.

O aporte da Xunta a este novo convenio 17/18, logo de ficar ausente nas convocatorias dos anos 2015 e 2016, será de 416.720,22, mentres que Fomento achega 1.033,200,00, apuntou a concelleira Lemos.

PRÓRROGA E ADDENDAS

Nesta ocasión convócanse subvencións correspondentes aos novos convenios A Magdalena – Ferrol Vello 12ª Fase, A Graña 8ª Fase e Esteiro Vello 2ª Fase, convenios denominados PRÓRROGA, pola prorrogación do Plan de Vivenda 2013-2016. Esta convocatoria inclúe ademais financiamento Autonómico para vivendas con uso habitual e permanente do propietario ou inquilino.

Prórroga Área de Rexeneración e Renovación Urbana Nº intervencións Achega Fomento Achega Xunta
ARRU/ARI da Magdalena e Ferrol Vello 12ª fase 67 268,000.00 € 107,679.00 €
ARRU/ARI A Graña. 8ª fase. 3 27,000.00 € 10,848.26 €
ARRU/ARI Esteiro Vello 2ª Fase 15 60,000.00 € 24,107.24 €

Ademais convócanse subvencións para completar os anteriores convenios aínda en vigor (A Magdalena – Ferrol Vello 10ª-11ª fase, A Graña 6ª e 7ª fase e Esteiro Vello 2ª fase).

Addendas Área de Rexeneración e Renovación Urbana Nº intervencións Achega Fomento
A Magdalena e Ferrol Vello. Addenda do 14 marzo 2015 14 52,529.64 €
A Magdalena e Ferrol Vello. Addenda do 27 outubro 2015 36 167,762.09 €
A Graña. Addenda do 14 marzo 2015 5 40,459.64 €
A Graña. Addenda do 27 outubro 2015 5 27,500.00 €
Esteiro Vello. Addenda do 27 outubro 2015 39 64,863.60 €

As obras que poden ser subvencionadas son as de mantemento ou mellora das condicións de habitabilidade, as de mellora da accesibilidade e a mellora da eficiencia enerxética, tanto para elementos comúns do edificio como para as vivendas.

Cumprimentarase unha solicitude por cada convenio (Prórroga e Addenda) e a documentación a presentar é común para ambas convocatorias, sen necesidade de entregala por duplicado. Esta consiste en documentación técnica: proxecto ou memoria valorada, Informe de Avaliación de Edificios (IAE) e licenza ou solicitude desta entre outros, e documentación administrativa, tanto dos propietarios individuais como as das comunidades, de selo caso.

Toda a documentación requirida está recollida na folla resume na convocatoria de subvencións da solicitude ADDENDA.

As contías para a subvención das addendas non poden exceder o 35% do custo subvencionable e unha contía máxima de 11.000 € por vivenda. Para o convenio da PRÓRROGA poderase obter ademais do 35% máximo 11.000€, unha contía adicional ata un 10% do custo subvencionable e máximo 4.000 € por vivenda no caso de ser vivendas habitual ou permanente.

Poden acollerse ás axudas as actuacións xa iniciadas pero non finalizadas na data de presentación das solicitudes.

O prazo para a presentación da documentación comezará aos dez días hábiles desde a data da última publicación nos boletíns oficiais (BOP, DOG). A concesión das subvencións será de concorrencia non competitiva, sendo a selección de beneficiarios por rigoroso orden de presentación da solicitude e da documentación completa nos rexistros admitidos por lei.

É necesario solicitar unha visita previa do edificio antes de realizar a solicitude de subvención. Cando solicite unha comunidade de propietarios estes realizarán unha única solicitude.

Datas límite para solicitar as subvencións:

- Para a convocatoria da PRÓRROGA: 30 abril 2018.

- Para a convocatoria da ADDENDA do 14 de marzo 2015: 30 de xaneiro do 2018.

- Para a ADDENDA do 27 outubro 2015: 30 de abril 2018.

A obra terá que estar rematada e a documentación xustificativa da inversión presentada con anterioridade ás seguintes datas:

- Para os solicitantes da PRÓRROGA: 30 de novembro do 2018.

- Para os solicitantes da ADDENDA do 14 de marzo 2015: 1 de marzo 2018.

- Para a ADDENDA do 27 outubro 2015: 8 de outubro 2018.

As bases reguladoras das dúas convocatorias encóntranse na páxina WEB do Concello, no apartado de Sede Electrónico/Urbanismo/Rehabilitación. Para calquera información referente ás mesmas pódese acudir á Oficina de Rehabilitación.

Ferrol, 28 de decembro de 2017

ANUNCIO de convocatoria de subvencións para a rehabilitación de edificios e vivendas nos barrios da Magdalena, Ferrol Vello, A Graña e Esteiro Vello, referidas a addendas para a modificación de acordos, derivadas do convenio de colaboración entre o Ministerio de Fomento e a Comunidade Autónoma de Galicia, conforme a prórroga do Plan de vivenda 2013-2016. | 58489 | Acceder/Baixar.

ANUNCIO da convocatoria de subvencións para a rehabilitación de edificios e vivendas nos barrios da Magdalena, Ferrol Vello, A Graña e Esteiro Vello, referidas ao novo convenio entre o Ministerio de Fomento, o Instituto Galego da Vivenda e Solo e o Concello de Ferrol con base na prórroga do Plan estatal de vivenda 2013-2016. | 58491 | Acceder/Baixar.

Fonte: Web Oficial do Concello de Ferrol.

______________

martes, xaneiro 02, 2018

Lumes Nunca Mais, nunha acción artístico-reivindicativa no tren de vía estreita na estación de Moeche - Retención dunha hora onde pintaron maquina e vagóns contra os incendios forestais mencionando á multinacional papeleira Ence


Lumes Nunca Mais, nunha acción artístico-reivindicativa no tren de vía estreita na estación de Moeche

Este sábado 30 de decembro, un grupo de activistas, fala-se de entre 15 e 20 persoas, retiveron perante un tempo, pouco máis dunha hora, o comboio, mentres pintaban un dos laterais do tren -maquina e vagóns, contra os incendios forestais, mencionando expresamente á multinacional papeleira Ence.

O comboio quedou parado, impedindo-se que continuara a ruta, cortando a circulación coa colocación de troncos nas vías.

Segundo o xornal local Diario de Ferrol, "o suceso produciuse en torno ás once e media da mañá, cando o tren da antiga FEVE que partiu da estación de Ferrol se detivo na estación de Moeche para recoller a un pasaxeiro. Este, que, segundo explicaron algunhas testemuñas, subiu ao vagón embozado, tapando a súa cara, tirou da alarma do tren e procedeu a efectuar algunhas outras manipulacións. O condutor viu polas cámaras o sucedido e tivo que deter o tren, ademais, pola presenza na vía de troncos de árbores, que foron colocados de forma inmediata por outros individuos que se atopaban esperando a chegada do tren".

Un outono de incendios e mobilizacións

Neste Outono, miles de persoas encheron as rúas e prazas de Galiza para erguer un “Nunca Máis” contra a vaga de incendios forestais que asolaron a nosa Terra, perante días. “Lume nunca máis” era o berro de orde das mobilización que denunciaban o desastre provocado polo lume no monte e núcleos poboados, mesmo chegaron até as cidades de Ourense e Vigo. A incompetencia do Goberno e da Xunta foron denunciados nas mobilización populares convocadas na alerta de emerxencia dada polos movementos sociais e veciñais, indignados. A veciñanza sustitueu onde non chegaban os medios de extinción oficial.

A eucaliptización, a política forestal do Partido Popular, a falta de prevención, e os recortes en medios e persoal de extinción, foron denunciados, nas mobilización e nun Manifesto en Defensa do Monte Galego.

Nunha forte campaña mediática orquestrada desde a secretaria xeral do PP galego, afondaban na idea de que os lumes estaban provocados por unha trama clandestina de terroristas incendiarios, insistindo nesta idea, probabelmente xurdida da cabeza dun Miguel Tellado, convertido nos últimos tempos nun valorado estratega e esperto en técnicas do marketing político. Que seguiron mantendo erre que erre, a pesar de que a fiscalía non atopou indicios da existencia de tal trama. Chegando a deter-se a persoas perante días, para facer cadrar as súas teorías.

As mobilizacións demandaban unha nova política forestal para o monte galego: un novo ordenamento territorial, a multifuncionalidade do monte ou un Plano Forestal que contemple os montes como algo máis que subministradores de madeira barata, sobre todo para Ence. Incrementar os esforzos e os investimentos en prevención, planificar e desenvolver programas de rexeneración hidrolóxico-forestal nos montes queimados para evitar a perda de solo e a erosión, prohibindo a mudanza de usos e a especulación nestes terreos, son outras das propostas. Así como promover o incremento dos montes públicos e reforzar o papel das Comunidades de Montes Veciñais en Man Común e a profesionalizar os equipos de prevención, detección, extinción e rexeneración nos incendios.

Enlaces de interese:

Por un Monte Vivo. O Comité de Defensa do Monte Galego -CDMG- é unha plataforma formada por diferentes organizacións unidas para reclamar unha nova política agro-forestal e de loita contra o lume. | Buscar Facebook e Twitter.
______________________