Realizada a primeira etapa até Pontedeume, comezou a sengunda até Coirós

Onte partía do peirao de Ferrol, diante do edificio da Autoridade Portuaria, a Marcha a Teixeiro pola Defensa da Ría e a Liberdade de Bernardo Bastida, Patrón Maior da Cofradía de Pescadores de Ferrol. A iniciativa foi da Asemblea de Mariscadores e Mariscadoras, secundada polo Comité Cidadán de Emerxencia para a Ría de Ferrol e apoiada pola Asemblea Cidadá celebrada nos locais da Asociación veciñal de Ferrol-Vello o pasado Xoves, 7 de xuño.

Sobre unhas duascentas persoas partiron de Ferrol, pasadas as tres e media da tarde, o maior grupo o compoñen mariscadores e mariscadoras, mais tamén se sumarón membros do Comité Cidadán de Emerxencia, VERDEGAIA, ADEGA, SGHN e outros colectivos da comarca.

A camiñata foi levadeira, mais chegou a dispersarse uns 500 metros, houbo reagrupamento en Cabanas e chegou a Pontedeume sobre as oito e media da tarde. A gente aproveitou para recuperar forzas e se dispersaron pola vila de Pontedeume. Sobre as dez e media da noite entraron no Pabillón Polideportivo "A Casqueira" que facilitou o Concello para utilizar as duchas, servizos e poder pasar a noite, até as 7 da mañá de hoxe sábado, 9 de xuño, que a marcha solidaria e reivindicativa parte até Coirós, con parada para xantar na vila de Betanzos, entre a unha e as dúas da tarde. Logo continurá a Marcha até chegar a Ois, no concello de Coirós, onde poderase descansar, cear e pasar a noite nun Pabillón Polideportivo.

A Marcha Solidaria e Reivindicativa, pretende seguir rompendo o silencio e a manipulación á que estivo sometida a oposición contra a instalación dunha Planta de Gas dentro da Ría.

Ninguén nos vai acalar, manifestou Jaime Gabarri, antes de saír de Ferrol, portavoz da Confradía de Pescadores.

Á Marcha, desde a saída de Ferrol, quedaballe sobre uns 80 Km até a prisión de Teixeiro, onde desde o 30 de maio permanece encarcerado en situación de prisión provisional sen fianza o Patrón Maior do pósito ferrolán.

Bernardo Bastida, permanece en prisión como refén de REGANOSA. Non hai que esquecer que REGANOSA, non só é o Grupo TOJEIRO [18%], que a estas alturas xa fixo grande parte do seu negocio, senon que tamén está ENDESA GENERACIÓN [21%], UNIÓN FENOSA GAS [21%], CAIXA GALICIA [10%], CAIXA NOVA [5%], BANCO PASTOR [5%], a coporación arxerina do gas SONATRACH [10%] e a propia XUNTA DE GALICIA [10%], porcentaxes dun capital social de 34,4 millóns de euros e un investimento que case chega aos 400, tamén en millóns de euros. O poder político e económico de REGANOSA, ten grandes tentáculos que lle permiten manter un refén no conflito que a cidadanía desta comarca libramos contra a empresa bomba que ameza a vida de miles de persoas que vivimos á beira da Ría e que paulatinamente vai destruindo, ainda máis do que está, o ecosistema mariño vertendo á Ría 300 millóns de litros/día de auga contaminada e enfriada.

E seguimos afirmando, que Bastida e refén de REGANOSA, senon non se pode entender que a xuíz e o fiscal, manteñan en prisión a un dirixente do movimento cidadán opositor á planta de Gás, Patrón Maior da Cofradía de Pescadores, do Comité Cidadán de Emerxencia, movimento cidadán que sempre promoveu accións de desobediencia civil máis non violentas, e que pediron a súa liberación por clamor popular mais de 5.000 persoas o pasado domingo 3 de xuño; alcaldes da comarca; o pleno do Concello de Mugardos; dirixentes políticos; parlamentarios; todas as organizacións ecoloxistas do País; Plataformas cidadáns; a Federación Galega de Cofradías de Pescadores e varias cofradías; case cen organizacións e asociacións veciñais, sociais e culturais; partidos políticos e todas as centrais sindicais da Comarca. O que realmente causa alarma social, é manter ao patrón Maior no cárcere, por iso hai que seguir berrando: Bastida Liberdade !! REGANOSA mentireira, ilegal e perigosa !! A Ría é nosa e non de REGANOSA !! Planta de Gas, Fóra da Ría !!

_____________________

O domingo, 10 de Xuño, tod@s en Teixeiro, ás 14:30 hrs.

Desde Ferrol, sairán, ás 12:30 hrs, Autobuses desde a parada da Praza de Galiza, diante do edificio de Correos. Quen queira ir en Autobus chamar a un destes telefonos: 690612737 ( Alexandre), 649024612 (Mel), 981-933223 (A.V. Fontelonga, Miguel).
______________________

Enlace coa Galería Fotográfica da PA21
______________________

Como recollen, a noticia, os medios nas súas edicións dixitais:

Diario de Ferrol










Unha imaxe parcial da marcha a pé ao seu paso onte polo Cantón de Molíns
Autor: Luís Polo
_______

Atención !! Atención !! ...

Anónim@s colaboradores seguen discurrindo, para contribuir a rachar os muros de silencio, isto é o que nos acaban de achegar.

Se queres colaborar en seguir destruíndo os MUROS de SILENCIO, entra nesta WEB , pilla o código do barner [A Ría é nosa e non de REGANOSA] e coloca-o despois da etiqueta BODY da tua web ou blog.

Este é o barner:



Para pilla-lo entra nesta web que está o código completo para que che saía na esquina dereita do teu Blog ou Web.

Tamén nesa web podes atopar unha videoteca de moito interese.

Saúde e Liberdade !
_________________________