domingo, maio 19, 2019

Narón por Diante vai presentar o seu programa electoral este luns 20 de Maio, na súa sede electoral


Narón por Diante presenta o seu programa electoral

Este luns  20 de Maio as 11:45 NARÓN POR DIANTE presentará o seu programa electoral nunha rolda de prensa no seu local de campaña situado na Praza de A Gándara (Rúa Vigo, 20, Narón).



https://www.facebook.com/naronpordiante/

https://twitter.com/naronpordiante


NARÓN POR DIANTE- SON EN COMÚN

Enviado por:
Naron Esquerda Unida
-eu-naron@esquerdaunida.org-
19 de maio de 2019 02:48
_______________

Eliximos Narón realizou diferentes actos no Alto polo blindaxe das Pensións, en Xuvia de presentación da candidatura e un debate sobre as expropiacións do parque fluvial no acto de campaña en Piñeiros - Relación de actos previstos para o día de hoxe domingo e os vindeiros luns e martes en: A Solaina, Freixeiro, Sedes e Castro


Previsións de Eliximos Narón de actos de presentación da candidatura:


• Domingo 19 de maio, ás 11:30 da maña, acto no local social de A Solaina.
• Domingo 19 de maio, ás 20:00 da tarde, acto no local social de Freixeiro.
• Luns 20 de maio, ás 20:00 da tarde en Sedes.
• Martes 21 de maio, ás 20:00 da tarde en Castro.

Sobre os actos no Alto polo blindaxe das Pensións e en Xuvia de presentación da candidatura.

Actos no Alto polo blindaxe das Pensións e en Xuvia de presentación da candidatura.

Eliximos quere agradecer a asistencia de onte ao acto Conferencia – Debate sobre o Blindaxe Das Pensións na Constitución celebrada no Alto do Castiñeiro, tanto as persoas que foron interesarse polo acto como organizacións como Long Hope, Recortes Cero-Los Verdes, etc que o apoiaron, e especialmente a Joanen Cunyat, portavoz da Mesa Estatal polo Referendo polas Pensións (MERP), como poñente do acto.

Máis tarde tivemos o acto en Xuvia con unha interesante conversa en torno ao patrimonio como o muiño de Xuvia, logo de 30 anos de comprado e de feito o proxecto para a súa rehabilitación, 30 anos de abandono por parte de TEGA, como outras moitas, unha inversión que non se aproveitou nin se puxo en valor. Un exemplo máis do deixamento de funcións de TEGA.

de San Mateo (ver foto) onde falamos de todo ó traballo realizado durante estes catro anos e sobre o noso programa electoral. Tamén falamos das súas inquedanzas e tomamos nota para o futuro.


Debate sobre as expropiacións do parque fluvial de Narón no acto de campaña en Piñeiros.

Debate sobre as expropiacións do parque fluvial de Narón no acto de campaña en Piñeiros.

Eliximos continúa cos seus acto de campaña, na tarde do sábado estibemos en Piñeiros, onde falamos do proceso de expropiacións polo Parque fluvial de Narón no que Eliximos puxo a disposición dos afectados informes sobre os terreos do proxecto xustificando valoracións de 65,06 €/m² no rural e 145,53 €/m² no urbano, fronte aos 5,11 e 26,54 €/m² do proxecto.

Na táboa seguinte se mostran as distintas valoracións que o concello e Acuaes pagaron por distintas propiedades nos distintos anos.

Resulta cando menos sorprendente que o Concello viñese pagando moito máis polos terreos do que paga actualmente no novo proxecto de expropiación.
Desde Eliximos creemos que a construción do parque non pode ser a consta dos propietarios, aos que lles corresponde cobrar a valoración real das súas propiedades. Motivo polo que tivo reunións cos propietarios a axudoulles cos trámites para as alegacións, e finalmente alegaron sobre o 83% da superficie as propiedades do proxecto.

Eliximos Narón

Enviado por:
ENE Eliximos Narón Electores
-eliximos@gmail.com-
18 de maio de 2019 19:09
19 de maio de 2019 01:4

_____________________

Andaina II: Roteiro pola Costa de Ares, con Betula, Asociación para a Custodia do Bosque Atlántico, este sábado 25 de maio


Andaina II: Roteiro pola Costa de Ares, con Betula,  Asociación Custodia Bosque Atlántico


Seguimos avanzando no programa anual de actividades, nesta ocasión, coa programación dunha andaina pola costa de Ares, dende Cervás ata a vila de Ares o sábado 25 de maio. Trátase doutro tramo de costa da península de Bezoucos de grande interese natural, paisaxístico e arqueolóxico. O percorrido será duns sete quilómetros e dificultade media baixa.

Partirá do aparcadoiro do cemiterio de Cervás e rematará na vila de Ares seguindo o carreiro costeiro.

Saída ás 10:30 h. e remate sobre as 14:00 h. en Ares.

Ao longo da mesma diferentes especialistas irán explicando as singularidades que presenta no que se refire a flora e fauna, arqueoloxía, etc. Tamén sobre ameazas e valores a preservar.

A inscrición gratuíta farase achegando os datos persoais: Nome, apelidos e DNI a Lan, Tel. 605355650, antes das 22:00 h. do 23/05/19, a efectos de formalizar o correspondente seguro.

Os menores irán acompañados dun adulto responsable.

Limodre, 18 de maio de 2019

---
BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

A Custodia do Territorio consiste nunha serie de ferramentas e accións para concienciar aos propietarios e usuarios do territorio no seu coidado e posta en valor.

Na asociación xuntámonos xentes preocupadas pola perda dos valores naturais do territorio galego e que consideramos insuficiente o desempeño que as diferentes administracións públicas fan das políticas medioambientais, forestais, territoriais e urbanísticas, e tentamos melloralo coa nosa actividade:

⏩ Conservación e recuperación do patrimonio natural, cultural e paisaxístico utilizando como instrumento principal a Custodia do Territorio.

⏩ Realización de estudos científicos e culturais, congresos, cursos, xornadas, publicacións, etc.

⏩ Acceso á xestión do territorio mediante a adquisición de terreos ou dos seus dereitos de xestión, alugueres e/ou formalización de acordos de custodia.

⏩ Seguimento e avaliación das especies e espazos prioritarios.

⏩ Colaboración e/ou participación con entidades públicas ou privadas na Realización e fomento de actividades de custodia.

http://betula-atlantico.eu/

Facebook | Twitter

Enviado por:
Asociación Custodia Bosque Atlántico BETULA
-custodia.betula@gmail.com-
18 de maio de 2019 17:35

____________

O BNG de Ferrol presentou o seu programa electoral: 'Estamos diante dun programa electoral que o que precisa é contar cun Goberno coa suficiente determinación para que tome decisións que fagan que Ferrol teña unha transformación substancial de cara aos próximos catro anos'


O BNG de Ferrol presentou o seu programa electoral


O BNG de Ferrol presentou hoxe en rolda de prensa o seu programa electoral de cara aos vindeiros comicios electorais que terán lugar o 26 de maio. O candidato á alcaldía, Iván Rivas, incidiu en que se trata do único texto que explica de onde se van obter os recursos para desenvolver as propostas que se recollen no programa. “Estamos diante dun programa electoral que o que precisa é contar cun Goberno coa suficiente determinación para que tome decisións que fagan que Ferrol teña unha transformación substancial de cara aos próximos catro anos”, afirmou o voceiro do BNG de Ferrol.

Hai 5 ideas prioritarias que estruturan o programa electoral dos nacionalistas, que ten coma obxectivo rematar cos abusos que os veciños e veciñas desta cidade levan tanto tempo padecendo.

O primeiro baséase na necesidade de recursos que ten Ferrol. A falla de ingresos é un problema estructural que cómpre darlle solución de forma inmediata. En Ferrol, como xa temos dito en varias ocasións, non somos todos iguais. O Ministerio de Defensa, a Autoridade Portuaria, Navantia e a Igrexa non pagan os impostos que pagamos os demais. “É fundamental que se remate cos privilexios duns poucos que se manteñen a costa da maioría”, apuntou Rivas.  Ferrol é unha cidade que non chega aos 70.000 habitantes e que se sostén exclusivamente co esforzo dos veciños e veciñas, a pesar de que hai administracións públicas ou empresas como Navantia e Emafesa que deberían contribuír aos recursos económicos que permitan encarar o futuro da cidade con dignidade.

A segunda idea pasa por recuperar a nosa cidade. Ferrol actualmente non é das veciñas e veciños. Ten o 20% das vivendas baleiras e con algúns barrios en ruina. Aínda así, o resto de organizacións políticas están a avalar proxectos especulativos como o que se pretende facer no Sánchez Aguilera. Dende o BNG comprometémonos co crecemento urbanístico cero. “Isto non supón impedir a construcción de vivenda nova pero sí o desenvolvemento de novos solos urbanizables”, explicou o candidato. É preciso ademais ter en conta que o 20% do solo urbano da cidade está ocupado polo Ministerio de Defensa, polo que tamén é preciso recuperar terreos que pertencen aos veciños e veciñas de Ferrol e que lle foron negados durante tantos anos. “Refírome aos terreos que hai detrás da muralla do Arsenal.  Non consiste en ver o mar, consiste e acceder a el e incorporar todos eses terreos á trama urbana de Ferrol”, indicou Rivas.

A terceira idea ten que ver coa necesidade destinar o diñeiro dos ferroláns aos ferroláns.  Nesta cidade levamos moito tempo gastando millóns e millóns de euros por queimar o lixo en Sogama, por sanear a mala xestión da empresa Emafesa e o que nos queda, vai directamente a pagar os préstamos que se contrataron por parte doutros gobernos municipais, co único obxectivo de converter  a débeda privada das financeiras en débeda pública, no proceso de austericidio económico que implementou o PP en 2012 coa chamada Lei de Estabilidade. Ante este marco estatal, cómpre asumir unha política económica que vaia contra estas decisións. “Isto pasa por asumir que a xestión dos servizos esenciais debe ser pública, xerar emprego será máis económico e ademais  nos permitirá contar con recursos para investir nos veciños e veciñas. Outro dos obxectivos: o superávit cero”, indicou o candidato á alcaldía.

A cuarta idea pasa por converter Ferrol nunha cidade sustentable, tanto dende un punto de vista económico como medioambiental.  A relación que existe entre compacidade e densidade en Ferrol é unha das principais vantaxes. A sustentabilidade se basea fundamentalmente en que esa relación sexa equilibrada e as cidades medias como a nosa teñen todas as posibilidades para poder acabar eses obxectivos. Neste sentido, o lixo debe desenvolverse en base a criterios de reciclase e compostaxe no canto de seguir incinerando os residuos en Sogama. A electricidade ten que ser un ben básico e para iso hai que empezar a cobrarlle taxas e impostos ás comercializadoras que ocupan o solo público e con eses recursos poder financiar axudas para que ningún veciño ou veciño poida non ter acceso a unha necesidade básica como é a enerxía. Mentres, o transporte público non só debe orientarse dende un punto de vista para mellorar a mobilidade e a conexión entre os barrios de Ferrol, senón como unha maneira de reducir a contaminación. É preciso ter en conta ademais que a cidade se compón de espazos como a ría, que cómpre poñer en valor mediante a limpeza dos seus fondos, eliminando barreiras artificiais coma o peirao carboeiro e impedindo que outros proxectos que se pretenden desenvolver continúen a empeorar a súa capacidade de rexeneración, como no caso do acceso ao porto exterior. Doutra banda, a política forestal no Concello de Ferrol debería rexenerar o monte con especies autóctonas, asumindo a sustitución do eucalipto e de especies invasoras, con axudas e subvencións aos particulares para que tamén o fagan.

Por último, cómpre facer a cidade atractiva para poder aumentar a súa poboación. Para iso Ferrol ten a potencialidade, con 1.000 vivendas públicas que nos permitirían resolver unha das primeiras demandas: o acceso á vivenda. E temos tamén a capacidade, a través da xestión pública dos nosos servizos, para crear emprego. “Debe ser unha prioridade facilitarlle á xente de fóra que se asente na cidade. Exclusivamente con ferroláns é imposible que poidamos encarar a recuperación demográfica dunha cidade que leva tanto tempo nun proceso de perda constante de poboación”, concluíu Rivas.

Ferrol, 18 de maio de 2019.

Programa Electoral Municipais 2019, do BNG - Ferrol. | Acceder/Baixar.

BNG - Ferrol

Enviado por:
BNG Ferrol
-bngferrol@gmail.com-
18 de maio de 2019 17:04

_____________

sábado, maio 18, 2019

No día das Nosas Letras, a Marea de Ferrol realizou unha ofrenda floral na Praza de Rosalía de Castro, ademais de participar na Concentración organizada pola Plataforma Queremos Galego e realizar unha homenaxe a Ricardo Carvalho Calero - As previsión de actividades de Marea de Ferrol para domingo 19 de maio


PREVISIÓNS DE MAREA DE FERROL PARA O DOMINGO 19 DE MAIO

Detallamos a continuación a previsión de actividades de Marea de Ferrol para  mañá domingo 19 de maio:

1. Desde as 11.30 horas, estaremos visitando a Feira de Ferrol.

2. Arredor das 12.30 horas, participaremos na Entrega de Trofeos da XIII Carreira do Ensanche A.


MAREA DE FERROL NO DÍA DAS LETRAS GALEGAS

Na xornada do Día das Letras Galegas, Marea de Ferrol realizou unha ofrenda floral na Praza de Rosalía de Castro, ademais de participar na Concentración organizada pola Plataforma Queremos Galego.

Durante a ofrenda floral, leuse un manifesto no que se reflexionaba sobre a falta de garantías do dereito a vivirmos na nosa lingua, dereito avalado por diversos organismos internacionais entre os que se atopa o Consello de Europa:

"Na encrucillada pola que atravesa arestora o noso idioma, non pedimos que se marxine a ninguén. Reivindicamos e comprometémonos coa aplicación daquelas medidas legais que permitan sermos aquelo que secularmente se nos negou: un pobo con lingua de seu. É hora de que todas teñamos os mesmos dereitos e deberes reais, tamén no que atinxe aos dereitos lingüísticos.

Mais a situación do galego, pese á súa protección por parte do Estatuto de Autonomía e da Lei de Normalización Lingüística, está moi lonxe de ser normalizada. É unha realidade obxectiva que tanto na Galiza como na nosa cidade non se están a dar garantías para o uso normal do galego en sectores tan importantes como a educación, a xustiza, os servizos públicos ou os medios de comunicación, incumpríndose de feito os tratados internacionais sobre dereitos lingüísticos. O verdadeiro problema non está na cooficialidade dos idiomas, senón na actitude de quen nega a existencia de pobos e linguas diversas. Esta actitude si é a negación da convivencia e da igualdade.

Desde Marea de Ferrol apelamos á conciencia democrática para que entre todas deamos pasos decisivos para que o galego sexa oficial a todos os efectos no seu ámbito territorial, e para que as galegofalantes teñamos o mesmo estatus legal que as falantes de calquera outra lingua no seu territorio
."

Por último, durante a tarde, Marea de Ferrol fixo unha pequena homenaxe a Carvalho Calero diante da que fora a casa onde naceu, a carón da Praza Vella, onde se fixo fincapé na importancia da súa figura, e na nosa aposta decidida por que lle sexa dedicado o próximo día das Letras Galegas, como se vén reivindicando desde hai xa anos por moitos colectivos da cidade.


Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
18 de maio de 2019 10:55
17 de maio de 2019 22:58

_____________

sexta-feira, maio 17, 2019

Acto do BNG de Ferrol sobre mobilidade humana despois de participar no dia das Nosas Letras con Queremos Galego na Praza Vella e coas asociacións veciñais do rural en Valón - E a axenda electoral para o sábado 18 de maio: Presentación do programa e Conversas na lareira do BNG


Axenda electoral do BNG-Ferrol, para mañá sábado 18 de maio

Ás 10:00 horas: Iván Rivas participa no almorzo organizado por Xeración. Sala de exposicións do Torrente Ballester.

Ás 12:30 horas: Presentación do programa electoral do BNG. Local rúa Galiano, 66.

Ás 19:00 horas: Conversas na lareira do BNG. Recuperación e normalización da lingua. Participarán Iván Rivas, Bernardo Penabade e Pim Patinho. Local rúa Galiano


O BNG de Ferrol abriu hoxe as portas do seu proxecto ás persoas migrantes da cidade.


MOBILIDADE HUMANA

Hoxe participamos en dous actos representativos de dous dos aspectos que o BNG ten como obxectivos prioritarios para o próximo mandato, co fin de mudar a faciana de Ferrol encarando o futuro con optimismo, seguridade e determinación.

Durante a mañá participamos na concentración desenvolvida pola plataforma Queremos galego en defensa da lingua e á tarde, despois do Encontro cos veciños e veciñas no local social de Valón en conmemoración do Día das letras galegas, desenvolvemos unha xuntanza con diferentes asociacións da cidade que están a traballar co colectivo de migrantes de Ferrol.

A nosa lingua, única e universal, é unha potencia e unha oportunidade para esta cidade. Para a gran maioría dos que se presentan a estas eleccións nin existe, é negada ou simplemente é un elemento decorativo a musealizar. Para nós é a forza que nos define e que nos abre portas para relacionármonos co moderno mundo de lusofonía e tamén da mestura e da contemporaneidade, que virán achegar esas persoas migrantes, coas que hoxe mantivemos un encontro no que lles quixemos abrir as portas do noso proxecto, para que sexan o aire novo que inunde Ferrol cos seus acentos, músicas e identidades.

A creación dunha oficina de información ás persoas migrantes ou de acabadas de chegar, o asesoramento xurídico, a programación de cursos de formación para este colectivo e a interacción con estas persoas a través de proxectos culturais e deportivos son necesidades básicas para facer visíbel e poñer en valor a identidade dunha cidade que xa é múltiple e diversa e non quere ser en absoluto só española, só madrileña e unicamente inmobilista, como parecen proxectar a maioría dos aspirantes á alcaldía nesta cidade a xeito do máis rancio centralismo represor de toda creatividade.

Nesta liña de traballo, ademais de todo isto, é preciso que Ferrol teña en conta que o noso grave problema demográfico como cidade, que non se vai resolver cunha “pura raza ferrolá” porque vai ser de todo imposible. Estamos nunha situación de colapso demográfico e por tanto a nosa única opción de recuperación pasa pola acollida de persoas migrantes ou de chegada recente.

Para iso cómpre que fagamos a cidade atractiva, fundamentalmente sobre dous aspectos.

1. Vivenda, e temos a materia prima, 1000 vivendas públicas que son a envexa de calquera Concello co mesmo problema.

2. Xeración de emprego con municipalizacións.

Ferrol, 17 de maio de 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol
Local Electoral BNG Ferrol
Rúa Galiano, 66 Baixo.

Enviado por:
BNG Ferrol
-bngferrol@gmail.com-
17 de maio de 2019 16:47

____________

'Nós Diario', a realidade dun xornal en galego, ... Por Xosé Lois García


Por Xosé Lois García [*]
17.05.2019


Aproxímase a aparición do xornal: “Nós Diario”. Con el ábrese un xigantesco e preciso pórtico de información no idioma galego. As imprecisións son un vello síntoma que enarbora o xornalismo en español, tan mediatizado polos poderes oligárquicos e por administracións estatais e autonómicas en Galiza. As estimadas e case millonarias subvencións que reciben localizados xornais galegos reverten o favor en fidelidade ao vulnerar unha información veraz, en vez de informar sobre a autenticidade real que tantas veces é terxiversada e, no caso máis grave, negada. Todo este volume de diñeiro serve para comprar desinformación, omisión e dar unha orientación nesgada, a que nos ofrecen eses medios? Non hai máis que ver a estatística do DOG sobre as axudas xornalísticas que certos medios reciben da Xunta. Esas poderosas cifras revelan múltiples orientacións do que é capaz de facer “don dinero” coa información en negativo, axudar a gañar eleccións sempre do mesmo lado. Estas premisas hai tempo que as teñen descuberto lectores pragmáticos que non se deixan guiar pola falsa e cobizosa evidencia xornalística que domina o panorama galego.

“Nós Diario” preséntase como opción a cubrir un espazo que non temos. Mais un espazo relevante e ausente dunha información que retome ese síntoma progresista que ten o noso país e que se foi realizando aos poucos até tomar a decisión de organizar un xornal. Que valor hai que ter nestes tempos de desoídas e desencontros, unificar ideas e esforzos e ser nós quen erga os alicerces dun xornal que sexa a voz dunha rexeneración de actitudes que florecen no noso país ás que se lles nega o seu brillo. Un xornal que procurará a veracidade informativa para divulgala. Precisamos dun medio que inicie un debate plural que responda aos intereses da nosa identidade para resolver localizados problemas.

É verdade que o xornalismo xurdiu en momentos moi críticos, naqueles espazos nos que prevalecía un dominio ditatorial. O estrondo triunfal da Revolución Francesa creou elementos sólidos en favor da democracia, da república e da liberdade, por medio de xornais, gacetas e folletíns. Mais aí estaba a idea e o espírito revolucionario daquela prensa. En sucesivos episodios revolucionarios da Europa do século XIX, a protagonista foi a información liberadora que daban os xornais. Por tanto, non hai rexeneración posíbel sen unha óptima información. Como dixo o escritor brasileiro Machado de Assis: “Tudo se regenera: tudo toma unha nova face. O xornal é un síntoma, un exemplo desta regeneração. A humanidade, como o vulcão, rebenta unha nova cratera quanto mais fogo lhe ferve no centro”.

Naquela altura de álxida repercusión da prensa, sinala Machado de Assis: “O jornal matará o livro? O livro absorverá o jornal?” Esta era a preocupación daquela nobreza asentada no seu barroquismo, que pensaba que os xornais estaban creando uns adeptos pola lectura nas clases populares, as máis desprotexidas economicamente que optaron pola lectura e creando desasosego. Aínda sinala Assis: “O jornal é a verdadeira forma da república do pensamento. É a locomotiva intelectual em viagem para mundos desconhecidos, é a literatura comum, universal, altamente democrática, reproducida todos os dias, levando em si a frescura das idéias e o fogo das convincções”. Nesta dirección orixinaria camiña “Nós Diario”, coa vocación de liberdade e de contar día a día as transcendencias que acontecen no noso país. E, por suposto, vai ocupar por primeira vez un lugar importante na prensa en Galiza, desta vez como diario.


A vinda deste xornal en galego non deixa de ser un proxecto de fidelidade ao noso país

Os que tentan divulgar o precipicio do proxecto están orquestrando de que xa non hai máis lugar para os medios, que o dixital está devorando o formato papel. A este tema tan especulativo como incendiario deu puntual resposta, nun recente artigo en Sermos, a súa directora María Obelleiro, sinalando: “Cando apareceu a televisión, prognosticábase que sería a fin da radio. Cando chegou a internet, dicíase que desaparecería a televisión. Cando irromperon os libros electrónicos, e anunciábase o fin dos libros en papel. Mais nada disto aconteceu”.

A vinda deste xornal en galego non deixa de ser un proxecto de fidelidade ao noso país, que constata o rigor e belixerancia pola defensa da nosa lingua. Sen o vehículo lingüístico non podemos ter o respiro do herdo identitario en súa plenitude. A lingua é a que nos proporciona interiorizarnos na comprensión cultural e social e expresarnos na nosa lingua orixinaria debe ser un elemento de expresión que nos unifica en outras demandas. A lingua é o pulmón da nosa identidade, o saben ben os que queren aniquilar o seu respiro. Por tanto, “Nós Diario” exercerá de mastro direccional dun proxecto informativo que, ademais de suplir carencias, poñerá en valor todo aquelo que foi depredado ou está en vías de repoñer o noso patrimonio inmaterial e material. Este proxecto xornalístico non deixa de ser ilusionante para unha nación anulada, con silencios colonialistas. É moi importante, en tempos de confusión, manter diariamente unha cabeceira xornalística en galego. A creación deste xornal reflexa a dialéctica de autoestima polo noso país.

[*] Xosé Lois García Fernández, nado en Merlán (Chantada) o 22 de abril de 1945, é un escritor. Galipedia | Web de Xosé Lois Garcia. |  AELG.

Públicado en Sermos Galiza - 09.05.2019 | Baixo lizenza Creative Communs.

Para saber máis: "Nós Diario".

https://www.nosdiario.gal/

Facebook | Twitter
________________________

Marea de Ferrol recibirá a Luís Villares e Ana Seijas, voceiro (tamén no Parlamento Galego) e vicevoceira respectivamente de En Marea, faran unha visita ao Mercado da Magdalena e manterán xuntanzas coa Asociación de Comerciantes do Barrio da Magdalena, Centro Comercial Aberto


LUÍS VILLARES E ANA SEIJAS VISITAN FERROL


Mañá sábado 18 de Maio, Marea de Ferrol recibirá a Luís Villares e Ana Seijas, voceiro (tamén no Parlamento Galego) e vicevoceira respectivamente de En Marea.

Durante a mañá, acompañarannos nunha visita ao Mercado da Magdalena, para despois, ás 12.30 horas, manter unha xuntanza no local electoral de Marea de Ferrol (R/Dolores, 20), coa Asociación de Comerciantes do Barrio da Magdalena, Centro Comercial Aberto. No transcurso da xuntanza, abordaranse temas que preocupan e concernen aos comerciantes do centro de Ferrol, e tratarase a Lei Galega de Comercio da que se ocupa o Parlamento Galego.

Como sabedes, Marea de Ferrol concorre ás eleccións municipais en colaboración con En Marea, posto que, sendo a nosa candidatura veciñal e municipalista, centrada no Concello de Ferrol, precisamos de apoios que nos avalen no ámbito supramunicipal para aqueles temas para os que os municipios non teñene competencias ou as teñen moi limitadas.que unha falta de vontade política e de absoluta desidia.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
17 de maio de 2019 10:28

_____________

Mitín de ENE Eliximos Narón en San Mateo e próximos actos de campaña na fin de semana (Sábado 18 de maio e domingo 19)


Mitin en San Mateo e próximos actos de campaña no fin de semana (Sábado 18 de maio e domingo 19).


Eliximos quere agradecer a asistencia de onte ao acto de San Mateo onde falamos de todo ó traballo realizado durante estes catro anos e sobre o noso programa electoral. Tamén falamos das súas inquedanzas e tomamos nota para o futuro.

Ademais dos actos para o día de hoxe (venres 17 de maio) coa conferencia-debate sobre “O blindaxe das pensións na Constitución”, ás 18:30 no local social de O Alto, e o acto de campaña no local social de Xuvia, recordamos a programación para o fin de semana:

➤ Sábado 18 de maio, ás 11:30 da mañá, acto no local social d'O Alto do Castiñeiro.

➤ Sábado 18 de maio, ás 20:00 da tarde, acto no local social de Piñeiros.

➤ Domingo 19 de maio, ás 11:30 da mañá, acto no local social d'A Solaina.

➤ Domingo 19 de maio, á 20:00 da tarde, acto no local social de Freixeiro.


Eliximos Narón
(Recortes Cero – Grupo Verde)

673141822 - eliximos@gmail.com
Narón, moito  por facer
...fagámolo, xuntos podemos.
Web  |  TwitterFacebook



Enviado por:
ENE Eliximos Narón Electores
-eliximos@gmail.com-
17 de maio de 2019 15:47

__________________

Marea de Ferrol xuntouse coa Asociación Diversidade Funcional de Ferrol e Comarcas e mantivo un encontro no CC Torrente Ballester con diversas asociacións asentadas no Barrio de Magdalena, como Toxos e Froles, a Acociación de Hostalería, Cáritas, ou a Xunta Xeral de Confrarías da Semana Santa



MAREA DE FERROL REÚNESE CON DIVERFEC


Na mañá do xoves 16 de maio, Marea de Ferrol xuntouse coa Asociación Diversidade Funcional de Ferrol e Comarcas (Diverfec).

Unha vez máis, puidemos constatar o desleixo da xestión municipal dos últimos anos.

Entre outras moitas cousas, o colectivo demanda que se leve a cabo a tramitación e aprobación da ordenanza municipal de accesibilidade para a vida independete. Resulta imprescindible cumprir a lexislación vixente, que se vulnera sistematicamente en cuestións tan fundamentais como a accesibilidade no transporte público, nas paradas de autobús, nos parkings, nos equipamentos municipais de todo tipo (cultural, deportivo...), ou nas instalacións hospitalarias e educativas.

Así mesmo, resulta imprescindible ampliar o convenio co Concello, posto que o actual e absolutamente pírrico.
Como vimos constatando en cada xuntanza que mantivemos co tecido asociativo, todos estes anos acusouse unha grande falta de interlocución e visibilidade no Concello de Ferrol.


MAREA DE FERROL MANTÉN UN ENCONTRO CO MOVEMENTO ASOCIATIVO DO BARRIO DA MAGDALENA

Na tarde do xoves 16 de maio, Marea de Ferrol mantivo un encontro no CC Torrente Ballester con diversas asociacións asentadas no Barrio de Magdalena, como Toxos e Froles, a Acociación de Hostalería, Cáritas, ou a Xunta Xeral de Confrarías da Semana Santa.

Falouse da necesidade de pensar colectivamente no futuro do barrio da Magdalena, e sobre distintos aspectos que o afectan de forma particular: PXOM, acceso dende a saída da autoestrada (convenio de Defensa), peonalización, orzamentos participativos, plans de dinamización comercial, incentivos para a creación cultural...

Estivemos de acordo en que é fundamental o establecemento de redes entre entidades de diversos ámbitos, transversalizando cuestións como cultura, comercio, hostalería e atención social.

Queremos destacar que, sendo todas as asociacións de moi diferentes ámbitos de actuación, foi moi doado dialogar entre todas. Unha vez máis constatamos que a falta de comunicación e diálogo imperante nos últimos anos é nada máis que unha falta de vontade política e de absoluta desidia.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
16 de maio de 2019 22:39
16 de maio de 2019 22:43

_____________

quinta-feira, maio 16, 2019

A folga en Citroen pola sobrecarga de traballo paraliza a actividade nas liñas de montaxe - O persoal realiza paros de dúas horas por quenda e mobilizacións na factoría viguesa




A folga en Citroen pola sobrecarga de traballo paraliza a actividade nas liñas de montaxe , | O persoal realiza paros de dúas horas por quenda e mobilizacións na factoría viguesa.

Os traballadores e traballadoras da fábrica de PSA-Citroen están secundando hoxe unha xornada de paros laborais de dúas horas por quenda para esixir solucións á sobrecarga de traballo en montaxe, sobre todo na liña 2, que se contrate o persoal necesario e que se recupere a actividade externalizada. A folga rexistra un elevadísimo seguimento nas diferentes quendas, alcanzando un seguimento global do 80%, o que provocou a paralización da actividade nas liñas de montaxe.

Coincidindo coas horas dos paros, os traballadores e as traballadoras realizaron asembleas e mobilizacións nas instalacións da fábrica de Vigo para visibilizar as súas demandas, cunha concentración que comezou en montaxe e marchou até as portas de dirección. O representante da CIG, Manuel Domínguez, xa adiantou que non se descarta convocar novas xornadas de folga se nos vindeiros días non se producen avances significativos, "porque non imos abandonar a reivindicación sobre o exceso de carga de traballo dos postos produtivos e que estes sexan realizábeis".

Compromisos por escrito

A folga, convocada por CIG, CCOO e UGT, chega tras de meses de conversas infrutuosas coa dirección, que malia apelar de xeito continuado ao diálogo, non puxo en marcha nin unha soa medida para corrixir este deterioro. Neste senso, Domínguez, valorou que a moi alta participación nos paros demostra que o persoal non tolera máis esta situación e ten plena disposición a plantarlle cara á empresa para conseguir unha mellora nas súas condicións laborais.

O representante sindical reclamou da dirección que formalice por escrito un compromiso de aplicación de medidas para reverter esta situación, "de igual maneira que cando se trata de precarizar condicións enseguida quere plasmalo por escrito". Pola súa banda, a empresa, remitiu unha convocatoria urxente de reunión ao comité de folga "mais non sabemos con que obxectivo".

Postos "irrealizábeis"

Lembrou que as centrais sindicais levan advertindo á dirección sobre os problemas da excesiva carga de traballo dende que se levou a cabo a planificación dos postos na liña 2 de montaxe. "Os postos son irrealizábeis, a carga de traballo inasumíbel e a xente xa non dá máis", aseverou Domínguez, mentes advertía que este sobre-esforzo está provocando problemas de saúde para os operarios e operarias.

Aínda que a sobrecarga afecta especialmente á liña 2, o representante do persoal destaca que situacións similares se poderían dar noutras liñas de montaxe, polo que a folga parcial deste xoves implica a todo o persoal da planta viguesa.

Algúns dos problemas detectados, sinala Domínguez, refírense ás deficiencias na configuración dos postos de traballo, que fan que non sexan realizábeis “sen andar a correr”, e nos útiles cos que teñen que desenvolver o seu traballo; tamén o feito de que as cargas de traballo estean por riba do tempo do pase de cada coche; a externalización continua de operacións; alteracións da velocidade; a falta dun mapa dos postos que requiren de esixencia física importante en membros do corpo; así como a ausencia dun tope máximo de cargas para postos ocupados por persoal con limitacións.

Entre as medidas adoptadas pola CIG, CCOO e UGT neste tempo inclúense visitas ao taller co responsábel de fabricación para que comprobara o deterioro no que moitos traballadores/as teñen que afrontar os seus postos; denuncias na comisión paritaria de tempos e rendementos; e elaboración dun estudo detallado posto por posto e doutro no que cada responsábel de unidade participou achegando as súas necesidades.

Tamén enviaron escritos reclamando compromisos e solucións por parte da dirección de montaxe, do departamento de recursos humanos e do director da planta; denunciaron diante do departamento de prevención a situación do persoal con limitacións, para o que solicitaron medidas urxentes; e comunicáronlle á Inspección de Traballo o que está a padecer o persoal de montaxe “para que tome cartas no asunto antes de que estes/as empregados/as sufran problemas de saúde”.

Fonte: Avante. | Baixo Licenza Creative Commons by-nc-sa/2.5.
______________

O BNG de Ferrol organizou un acto público no barrio de Santa Mariña, onde incidiu na situación na que se atopan as infraestruturas do Concello - Axenda do BNG de Ferrol para mañá venres 17 de maio


Axenda do BNG de Ferrol para mañá venres 17 de maio.


12:00 horas: Iván Rivas acudirá á concentración de Queremos Galego, na praza Vella.

17:00 horas: Iván Rivas asiste á celebración das Letras Galegas organizada polas A.V.V do rural en Valón.

20:00 horas: O candidato á alcaldía mantén un encontro no local do BNG (r/Galiano) sobre a mobilidade humana.


O BNG DE FERROL ORGANIZOU UN ACTO PÚBLICO EN SANTA MARIÑA, ONDE INCIDIU NA SITUACIÓN NA QUE SE ATOPAN AS INFRAESTRUTURAS DA CIDADE


O BNG de Ferrol desenvolveu esta tarde un acto público no barrio de Santa Mariña, un evento que tivo lugar no local da asociación de veciños e no que precisamente interviron, ademais do candidato á alcaldía, Iván Rivas, a súa presidenta María Rivera e o seu secretario, José Ramón López, que forman parte da lista dos nacionalistas para os vindeiros comicios.

O voceiro do BNG de Ferrol incidiu durante a súa intervención nos problemas que durante os últimos anos levan tratando de resolver no barrio, como é a execución da pasarela peonil que conecta os barrios de Santa Mariña e o Ensanche A.

Despois de múltiples mocións ao pleno, manifestacións e concentracións cos veciños e veciñas fomos capaces de presionar ao goberno local para que consignase nos orzamentos municipais a dotación económica necesaria para a súa execución e a contratación dos traballos da pasarela peonil.

Pero isto, pese a esforzo que supuxo acadalo, non é máis que o inicio, o punto de partida para comezar a resolver problemas do barrio que levan enquistados anos e anos, produto da absoluta indolencia do Estado ao respecto e da complicidade dos diferentes gobernos locais.

A reparación do muro de contención que discorre en paralelo á vía do ferrocarril é unha necesidade urxente deste barrio polo que supón de perigo físico para as persoas e porque impide xa a circulación peonil e rodada pola rúa Loureiros que discorre en paralelo a el.

Resulta vergoñento ver como unha responsabilidade directa do Ministerio de Fomento a través do ADIF se trata con tanta indiferenza. “Vai sendo hora de que os veciños e veciñas de Santa Mariña conten cun goberno local capaz de esixirlle ao Ministerio de Fomento que cumpra coas súas obrigas”, asegurou ao respecto.

Rivas recordou que os veciños e veciñas deste barrio estiveron presentes, a través da súa presidenta, na reunión que se mantivo coa subdelegación do goberno relativa ao estado de deterioro e desplome do muro de contención do ferrocarril ao seu paso polo barrio de Santa Mariña. Un encontro no que tanto o voceiro nacionalista como a presidenta e o secretario da asociación de veciños de Santa Mariña non saíron do seu asombro cando tiveron que escoitar por parte da representante do goberno do estado que nada se podía facer, que non se trataba dun problema político cando estamos a falar dunha empresa pública dirixida por un cargo político e que se financia a través de fondos públicos cos orzamentos do Estado. “Pero non se preocupen; que unha empresa pública como o ADIF, que manexa miles de millóns de euros, con amaños, sobrecustes, fraude e subornos polo medio e co horizonte da privatización á vista que aquí significará o desmantelamento, non é un problema político”, ironzou o voceiro do BNG en Ferrol.

Para os nacionalistas, o estado dese muro non é máis que o exemplo do desleixo coa que a administración estatal trata a esta cidade, que continúa cunha conexión ferroviaria que ten un trazado de hai máis de cen anos. “Mentres os subrecustes das obras da alta velocidade superan os 7.000 millóns de euros, tal é como se recolle no demoledor informe do Tribunal de Contas Europeo de xuño de 2018 sobre o ADIF, no que ademais se afirma que a decisión de construír liñas se basea en consideracións políticas”, afirmou o candidato á alcaldía. “É dicir, non é un problema de cartos é un problema de falta de vontade política” insistiu.

Diante desta actitude, a única maneira de mellorar a situación das infraestruturas ferroviarias na cidade é un goberno local contundente que deixe de ser sumiso e cómplice co maltrato do Estado e para iso unha importante presenza do BNG é determinante.

Vai sendo hora de decir basta e exixir a execución inmediata dun By Pass en Betanzos, a electrificación das vías e dupla vía rectificando curvas e trazado para poder contar na cidade.

Ferrol, 16 de maio de 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.
#AgoraGaliza
#AgoraBNG
#Agora Ferrol
BNG - Ferrol


Enviada por:
BNG Ferrol
-bngferrol@gmail.com-
16 de maio de 2019 21:28

_________________

Foto: Mobilización veciñal do 15 de decembro de 2014, na Pasarela de Santa Mariña. Foron anos de loita.
___________________________

A tradición naval e o baile tradicional, irmanados nun mar de muiñeiras - Vídeo


Un mar de muiñeiras é unha acción educativa coa pretensión de vindicar a danza galega na escola, e ao tempo homenaxear as letras galegas no 2019, adicadas ao mestre da etnografía galega Antón Fraguas. Cremos nun futuro cheo de barcos e muiñeiras. Sentímonos carpinteiros de ribeira elaborando a escola do porvir a ritmo de seis por oito.


https://youtu.be/-kW_DJz_8cI

Profesorado, alumas e alumnos de 20 colexios da Comarca de Ferrolterra, o CFR Ferrol  e Navantia, un conxunto pola lingua e o baile tradicional galego.

CFR Ferrol | Publicado o 16 de maio de 2019.

Fonte: Canle do CFR Ferrol.
_________

Acto da iniciativa veciñal de apoio á candidatura do BNG encabezada por Iván Rivas Rico ao Concello de Ferrol, celebrado na Praza de Rosalía de Castro, no barrio ferrolán de San Xoán - Vídeo

Foto: Algunhas das persoas promotoras da iniciativa e Iván Rivas - 15.05.2019

Acto da iniciativa veciñal de apoio á candidatura do BNG encabezada por Iván Rivas Rico ao Concello de Ferrol, celebrado o 15 de maio de 2019.

Música (Manolo Bacalhao e Sermos), poesía (Pim Patinho, Loreto de Castro e André Cerdido) e intervencións por parte de persoas que sen afiliación ao BNG entenden que neste momento é a alternativa necesaria (Anxo Fernández-Armesto e Pepe Cunha), contou-se coa intervención de Iván Rivas, ofrenda floral a Rosalía e presentou Lupe Ces.


https://youtu.be/GMMFH5fd4-c

Iniciativa veciñal de apoio à candidatura do BNG encabezada por Iván Rivas ao Concello de Ferrol

Aínda pode-se asinar o manifesto de apoio.

Contacto:
apoiocandidaturaivan@gmail.com

Enviado por:
Apoio a candidatura encabezada por Iván Rivas
-apoiocandidaturaivan@gmail.com-
16 de maio de 2019 14:59

________

Marea de Ferrol continuou as súas xuntanzas con diversas asociacións de veciñanza da zona rural de Ferrol, concretamente a de San Salvador de Serantes, A Cabana e A Graña - Previsión de actividades de Marea de Ferrol para mañá venres 17 de maio




PREVISIÓNS DE MAREA DE FERROL PARA O VENRES 17 DE MAIO


Detallamos a continuación a previsión de actividades de Marea de Ferrol para  mañá venres 17 de maio.

1. Ás 11.30 horas, faremos unha ofrenda floral na Praza Rosalía de Castro

2. Ás 12.00 horas na Praza Vella, participaremos na Concentración organizada pola Plataforma Queremos Galego.

3. Ás 18.00 horas, estaremos repartindo o noso programa electoral na Praza Vella, e faremos unha pequena homenaxe diante da casa de Carvalho Calero.

4. Así mesmo, o noso local electoral (Rúa Dolores, 20) permanecerá aberto mañá e tarde -en horario de 10:00 a 14:00 hh. e de 17:30 a 19:30 hh.- como espazo de encontro e de conversa con todos os/as veciños/as que queiran achegarse.

MAREA DE FERROL CONTINÚA AS SÚAS XUNTANZAS COA VECIÑANZA DA ZONA RURAL

Onte mércores 15 de maio, Marea de Ferrol continuou as súas xuntanzas con diversas asociacións de veciñanza da zona rural de Ferrol, concretamente a de San Salvador de Serantes, A Cabana e A Graña.

Ademáis de explicar en todos os casos as nosas propostas relacionadas co ámbito da zona rural e con aqueles servizos que o concello debe prestar ao conxunto do territorio, puidemos recoller as demandas e preocupacións máis latentes en cada parroquia.

Seguimos constatando que en todas as zonas do rural acúsase unha importante deixadez e abandono por parte do Concello.

Repítese a constante preocupación polo saneamento, malestar pola burocracia administrativa ou o recorte de subvencións. Coincidimos tamén co movemento asociativo do rural na imperiosa necesidade de establecer un plan de mantemento "do que hai", centros socioculturais, instalacións deportivas, zonas verdes, estradas, etc. É preciso eliminar a precariedade na que se atopan as infraestruturas propias do Concello.

Así mesmo, síntese en todos os casos as dificultades de comunicación e de operatividade que implica a imposibilidade de canalizar unha participación axeitada na toma de decisións que teñen que ver cos diferentes ámbitos de actuación e territorios que conforman o Concello.

Marea de Ferol
Local: Rúa Dores, 20 Baixo.
Correo-e: mareadeferrol@gmail.com
http://mareadeferrol.gal/
Twitter | Facebook

Enviado por:
Marea de Ferrol
-mareadeferrol@gmail.com-
16 de maio de 2019 12:59
16 de maio de 2019 12:45

___________

O Ateneo Ferrolán, con motivo das Eleccións Locais do 26M, organiza dúas mesas de debate coas candidaturas que se presentan para acadar representación no Concello e para acceder ao Goberno Municipal - Martes día 21 de maio e Xoves día 23, ás 19,30 h


[Ateneo Ferrolán]
Mesas de Debate: Eleccións Municipais 2019.
Martes día 21 de maio e Xoves día 23, ás 19,30 h.

Dúas Mesas de Debate no Ateneo Ferrolán
Eleccións Municipais 2019

#Ferrol

Modera: Club de Prensa de Ferrol.

Entrada libre

--
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
http://ateneo-ferrolan.blogspot.com/
FACEBOOK:
Faite soci@ on line! Colabora con nos!

Enviado por:
Ateneo Ferrolán Fundado en 1879
-ateneoferrolan@gmail.com-
16 de maio de 2019 12:29

_______________