Pesame pola morte de Sely (José Luis Estévez Barros), que era o Patrón Maior da Cofradía de Pescadores de Ferrol desde o 13 de xuño de 2009

Sely (José Luis Estévez Barros), naceu en Narón en 1964. Mariscador. Viciño de Chamorro, Serantes, Ferrol.

Foi Patrón Maior da Cofradía de Pescadores de Ferrol desde o 13 de xuño de 2009 até que morreu 18 de decembro de 2011. Membro polo sector pesqueiro na Autoridade Portuaria e un dos denunciantes ante a Comisión do Medio Ambiente do Parlamento Europeo, da contaminación da Ría de Ferrol, demandando solucións, o seu saneamento e limpeza.

Sely era un do mariscadores dos nove procesados no caso do peche da ría aos gaseiros que querían entrar cargados para Reganosa en 2007.  Mais Seli faleceu antes de se celebrar o xuízo. Acusaban-nos duns supostos delitos de desobediencia grave e coaccións.

A Sely e aos seus compañeiros mariscadores se lles responsabilizaba de desobedecer as instrucións da Capitanía Marítima e da Garda Civil de deixar libre canle de entrada da Ría que cortaba o paso ao LNG Galicia Spirit, o primeiro gaseiro que se dirixía ao pantalán de Punta Promontoiro, en Mugardos, para descargar en Reganosa o 7 de maio de 2007. Pasaron dous días até que ao final protexido pola Guardi Civil por mar e a Policía Nacional por terra, puido entrar e descargar na planta regasificadora.

Mais os mariscadores, mariscadoras e o Comité Cidadán de Emerxencia para a Ría de Ferrol, volveron á carga de novo o día 29 do mesmo mes de maio que estaba programada a entrada doutro buque, o LNG Mourad Didouche, ao que tamén se intentou parar. Mais xa a intervención policial impediu o corte da Ría coas lanchas ao ocupar os peiraos e non deixar que a xente do mar puidera chegar ás lanchas.

O Comité Cidadán e a xente do mar, ían da man na defensa da Ría, a Vida e o Sector Marisqueiro, fronte o despropósito gasista de Reganosa, que localizou a Planta de Gas no mesmo corazón da Ría, por intereses especulativos, acompañados de corrupción política e económica.

Grazas Sely polo teu compromiso coa Ría e coa Xente do Mar.
_______________