Mobilización en toda Galiza na defensa da Atención Primaria, este mércores 30 de Novembro - En Ferrol, ás 7 da tarde diante do centro de saúde Fontenla Maristany

HOXE MÉRCORES, 30 DE NOVEMBRO, ÁS 7 DA TARDE, CONCENTRACIÓN EN FERROL NA DEFENSA DA ATENCIÓN PRIMARIA, DIANTE DO CENTRO DE SAÚDE FONTENLA MARISTANY, NA PRAZA DE ESPAÑA.

Haberá mobilizacións simultáneas en todas as cidades e numerosas vilas da Galiza

Desde a Plataforma SOS Sanidade Pública de Galicia convocamos a toda a cidadanía a mobilizarse para salvar e fortalecer a Atención Primaria e a todo o Sistema Sanitario Público Gallego, seriamente ameazado polas política de recortes e desmantelamento da Xunta de Galicia e a Conselleira de Sanidade.

A Poboación sofre importantes trabas e limitacións para:

✅ Acceder e ser atendida de maneira presencial nos Centros de Saúde, PAC e Servizos de Pediatría de Atención Primaria.

✅ Soporta listas de espera de días ou semanas e consultas masificadas
✅ Estan a desaparecendo as consultas de pediatría.

✅ Moitos PAC están pechados al igual que moitos de saúde no rural.

✅ Boa parte dos Centros de Saúde perderon as actividades de promoción,
prevención, promoción, rehabilitación, atención ás enfermidades crónica e os programas da muller.

✅ O SERGAS acabou coa participación comunitaria.

✅ O persoal dos centros esta sometido a condicións de inestabilidade e precariedade laboral inaceptables e a unha enorme presión asistencial polo recorte de persoais e falta de recursos.

Desde a Xunta de Galicia e a Consellaría de Sanidade non hai ningunha vontade de facer fronte ao problema dado que para o 2023 orzamento sanitario apenas crece respecto a este ano, especialmente o de Atención Primaria que paso do 13,4% ao 13,7% do gasto sanitario total, tres miserables décimas para facer fronte á maior crise do sistema sanitario desde que se creo. Con este incremento es imposible recuperar a normalidade nas consultas de medicina familiar e os servizos de pediatría e os PAC pechados por falta de persoal medico e dos outros profesionais necesarios para unha atención de calidade.

Por todo iso desde SOS Sanidade Pública convocamos esta mobilización xeral de rexeitamento ao desmantelamento da Atención Primaria Pública e en apoio da Iniciativa Lexislativa Popular na que propoñemos que o Parlamento de Galicia debata e aprobe unha serie de medidas necesarias para solucionar a situación.

E necesario acordou redobrar os esforzos para recoller firmas para a ILP, informar á poboación do desastre da Atención Primaria e continuar convocando concentracións e manifestacións en todas as localidades de Galicia.

Reivindicamos un Novo Modelo de Atención Primaria que responda as necesidades da poboación, dotado dos recursos necesarios para atender os problemas e demandas de saúde da poboación, baseado na promoción, prevención, participación social e traballo comunitario.

As mobilizacións non van parar ata conseguir o obxectivo de salvar e fortalecer a nosa Atención Primaria.

SOS Sanidade Pública convocara unha nova manifestación en Santiago a primeiros do mes de xaneiro.

Soamente a alianza da poboación co persoal sanitario pode frear a deterioración do nivel primario de asistencia e a precariedade do persoal.

Seguiremos convocando novas actuacións unitarias.

Para contactar coa Plataforma SOS Sanidade Pública de Ferrolterra:

plataformasosanidadepublica@gmail.com

_______

Charla saudable: Como convivir co cancro de próstata? - O xoves 5 de maio na Casa da Cultura de Fene, organizada pola asociación oncohematolóxica POR+VIDA que contará coa presencia da oncóloga médica do CHUF Carme García Lorenzo

A asociación oncohematolóxica POR+VIDA de Fene volve a ofrecer unha charla saudable neste mes de maio, volvendo a actividade habitual antes da pandemia.

Xa iniciamos estes faladoiros contando coa presenza de Ángel Carracedo Álvarez, catedrático de Medicina Legal da Universidade de Santiago de Compostela (USC) e director da Fundación Pública Galega de Medicina Xenómica (Sergas-Xunta de Galicia) no mes de xaneiro.

Nesta ocasión a charla que leva o título de Como convivir co cancro de próstata? correrá a cargo da oncóloga médica do CHUF Carme García Lorenzo, profesional adicada especialmente ao cancro de pulmón e xenitourinario e vogal del Grupo Galego Cancro Pulmón. Será no salón de actos da Casa da Cultura de Fene ás 17.30 horas, o xoves día 5 de maio.

O cancro de próstata é o de maior taxa na poboación masculiña. Segundo os datos aportados por SEOM (Sociedade Española de Oncoloxía Médica).

O cancro de próstata ten para este ano 2022 unha estimación de 30.884 novos casos nos homes. Dito aumento vai parello ao aumento poboacional e ao seu envellecemento, exposición a factores de risco (como o tabaco, o alcohol, a contaminación, a obesidade, o sedentarismo entre outros moitos) ,... e nalgúns casos como o colorrectal e os de mama, cérvix ou próstata o aumento da detección precoz. De feito se os programas de detección precoz son axeitados, primeiro conducen a un aumento do número de casos incidentes (invasivos) pero posteriormente a unha diminución dos casos invasivos (maior diagnose de carcinomas in situ) e tamén a unha redución da mortalidade. Debido á combinación destes factores, pódese dar o caso de que a pesar de que a exposición a factores de risco non varíe ao longo do tempo, o número absoluto de casos aumente debido a outros factores (aumento poblacional e envellecemento).

Un saúdo,

Foto: Mulleres de por + vida na 6ª Carreira de Fene en setembro de 2018.
--
por + vida
Asociación oncohematolóxica
Tlf. 676 478 361
pormaisvida2011@gmail.com
https://www.pormaisvida2011.blogspot.com/

Enviado por:
Asociación Oncohematolóxica POR+VIDA
-pormaisvida2011@gmail.com-
2 de maio de 2022 11:15
_______

O BNG impulsa a resolución do Parlamento galego para desbloquear a tramitación no Congreso dun fondo de compensación para as vítimas do amianto en 3 meses - Mon Fernández recorda a urxencia deste instrumento para as persoas afectadas, das que que só en Ferrol hai en seguimento unhas 1.200

BNG acadou o acordo no Parlamento para aprobar por unanimidade unha resolución que inste ao Congreso dos Deputados e Deputadas a desbloquear a tramitación da proposición de lei de creación dun fondo de compensación para as vítimas do amianto nun prazo de tres meses.

Nunha iniciativa defendida na comisión 6ª da Cámara galega, o portavoz nacionalista de Industria, Mon Fernández, recordou que o deputado do Bloque no Congreso, Néstor Rego, presentou hai xa un par de meses unha solicitude á Mesa da cámara baixa estatal para que peche dunha vez o prazo para a presentación de emendas, prorrogado 20 veces dende que a proposición non de lei fora tomada en consideración o 13 de abril de 2021.

Fernández tamén lembrou que se ben a iniciativa chegou ao Congreso da man do Parlamento vasco, “trátase dunha reivindicación compartida por todas as asociacións do Estado español, e moi especialmente por AGAVIDA, Asociación Galega de Vítimas do Amianto que, xunto coa vasca é a máis importante a nivel estatal por número de persoas afectadas e que leva moitos anos facendo un traballo denodado e intenso de socialización, sensibilización, asesoramento e tamén de denuncia”.

Neste sentido, apuntou que en Galiza aínda poden aparecer moitos casos, segundo os expertos, e indicou que só en Ferrol, “onde os efectos do amianto foron e son devastadores e ten a súa sede a consulta especial do SERGAS para a asbestos, están a facer seguimento a día de hoxe a unhas 1.200 persoas afectadas".

Logo de sinalar o consenso político no Congreso, con excepción de VOX, que invita ao optimismo sobre a creación do fondo, o deputado nacionalista apuntou á necesidade de acelerar a súa tramitación porque as persoas afectadas “literalmente non teñen tempo que perder porque a enfermidade non concede prórrogas”. Así, advertiu que os afectados e afectadas son vítimas de “incumprimentos moi graves en materia de seguridade e saúde laboral e de condutas culposas, tal e como recollen innumerábeis sentenzas e resolucións”.

Fernández indicou que, "dado que o proceso do recoñecemento do dano e reparación económica é longo e complexo, cómpre un instrumento áxil e especializado como existen xa noutros estados da UE ou en Gran Bretaña, polo que considerou fundamental non paralizar a tramitación da creación do fondo. De igual xeito advertiu que, logo das emendas, aínda quedaría pendente o desenvolvemento regulamentario, o que significa que, sendo áxiles, queda moito para que as vítimas vexan satisfeitas as súas demandas”. “Non parece de recibo que os trámites ordinarios se prolonguen más alá do necesario”, subliñou, para concluír manifestando que sería recomendable que no consello reitor do fondo estiveran representadas as asociacións de vítimas, a comunidade científica e os sistemas de saúde das zonas afectadas, no caso galego, do Sergas.

Bloque Nacionalista Galego de Ferrol.

Ferrol | Web | Facebook | Twitter.

Ferrolterra | Web.


BNG


Enviado por:
Inácio GZ
-inaciogz@gmail.com-
28 de janeiro de 2022 20:00
_______

O Catedrático de Medicina Legal e experto internacional en xenética, Ángel Carracedo Álvarez, impartirá unha charla en Fene, da man da asociación oncohematolóxica POR+VIDA - O venres 28 de xaneiro, 17:30hs, na Casa da Cultura Na Casa da Cultura

CHARLA DE ÁNGEL CARRACEDO EN FENE
VENRES 28 DE XANEIRO
ÁS 17:30 HORAS
NA CASA DE CULTURA

A asociación oncohematolóxica POR+VIDA informa da charla que vai ofrecer este venres 28 de xaneiro no salón de actos da Casa da Cultura de Fene ás 17.30 horas, seguindo cun dos fins desta asociación de impulsar as actividades formativas e/ou de divulgación vencelladas coa saúde.

A charla correrá a cargo de Ángel Carracedo Álvarez co título de “Medicina personalizada e de precisión: unha revolución en medicina” .

Ángel Carracedo Álvarez é catedrático de Medicina Legal da Univesidade de Santiago de Compostela (USC) e director da Fundación Pública Galega de Medicina Xenómica (Sergas-Xunta de Galicia). O grupo que dirixe consta duns cen investigadores e varias plataformas tecnolóxicas.

(Dita charla estaba prevista para abril do 2020 e por mor da pandemia houbo que cancelala).

As súas principais achegas atópanse na Xenética forense e de poblacións, a poboacións xenómica, Farmacoxenómica e Medicina personalizada e tamén destacamos a súa labor de divulgación e preocupación pola educación dos máis novos, que complementa a súa labor docente.

Ten unha extensa traxectoria profesional que resumimos dun xeito moi sintético:

. Ten publicado 8 libros e máis de 800 artigos en revistas internacionais incluíndo numerosos artigos en Nature, Science, Cell, Nature Genetics, NEJM, ademáis das principais revistas de xenética médica, cancro e ademais forense.

. As súas principais liñas de investigación actuais inclúen a xenética do cancro e das enfermidades psiquiátricas en idade infantil, as enfermidades raras e a farmacoxenómica.

. Dirixe numerosos proxectos e consorcios nacionais e internacionais de investigación.

. Membro do board de sociedades científicas nacionais e internacionais de Xenética, farmacoxenómica, cancro e Medicina forense.

. Membro de organismos reguladores e axencias (Axencia Europea del Medicamento -EMA, Forensic DNA Regulator UK, CNUFADN, Comité da Cruz Vermella Internacional, Consorcio Internacional de Enfermidades raras –IRDiRC, Tribunal Penal Internacional de La Haya, etc).

. Membro do consello asesor de numerosos centros de investigación nacionais e internacionais e departamentos ministeriais. Presidente da International Academy of Legal Medicine.

. Co-director científico da Fundación Kaertor (para a busca precoz de fármacos), Presidente da Fundación INGADA (sobre atención e estudo del TDAH e trastornos asociados) e outras fundacións e asociacións sen ánimo de lucro.

. Recibíu numerosos premios entre os que destacan o Premio Rey Jaime I de investigación (é o de maior cuantía do país, outorgado por un xurado de máis de 20 Premios Nobel), Adelaide Medal (a distinción máis importante a nivel mundial en Medicina forense), Galien Medal (conocida como el Premio Nobel del Medicinamento), Medalla de Ouro e Prata de Galicia, Premio Nacional de Xenética, Medaia de Ouro e brillantes do Colexio Médico, Premio Galicia de Investigación, Medalla Castelao, Premio Novoa Santos, entre moitos outros...

. Doutor Honoris Causa por dez universidades de Europa e América.

(...)

Informamos tamén que a nosa asociación ven de facer neste comezo de ano unha doazón de 6.000 € para IDIS (Fundación Instituto de Investigación Sanitaria de Santiago de Compostela) destinada a actividades de investigación no ámbito do grupo de xenética, entre elas a xenética do cancro, levadas a cabo no Complexo Hospitalario de Santiago de Compostela. Dita achega ven a sumarse a outras cantidades doadas en anos anteriores, no 2020, no 2018 e no 2017 ao grupo que dirixe Ángel Carracedo.

Por+Vida quere reivindicar unha maior dotación económica dos gobernos para a investigación médica, e neste caso, para a enfermidade do cancro.

Por+Vida é unha asociación sociosanitaria sen ánimo de lucro nada no ano 2011 no concello de Fene, e xurde co inicio da actividade de Educación Física Contra a Fatiga Oncolóxica que o concello inicia no ano 2008 e que se mantén na actualidade. Este colectivo está formado por enfermas e enfermos de cancro, familiares, compañeiras/os e amigas/os e outras persoas que se foron unindo neste proxecto.

Ata agora, nese tempo tivemos todo tipo de iniciativas como talleres de diferente temática (arte floral, manualidades, repostería,),... porque consideramos que socializar é fundamental, participacións en carreiras cun grupo numeroso como a Carreira da Muller, Carreira do cancro en Ferrol, en As Pontes,...

Charlas de divulgación médica e da saúde, participación en mesas redondas da universidade de Santiago de Compostela en colaboración con outras asociacións e profesionais, e balnearios de Guitiriz e Lugo ou o Talaso de Oia, excursión lúdicas e de saúde, ofrecemos clases de pilates, Participación nos congresos en Madrid organizados por GEPAC: Grupo Español de Pacientes de Cancro do que formamos parte, poñemos mesas informativas en feiras, e por último falar da nosa Andaina que á a actividade principal e histórica da nosa asociación que contamos poder volver a celebrar este ano despois de 2 anos de interrupción.

Foto: nunha visita a Santiago de Compostela con integrantes da asociación, o 19 de xaneiro de 2029.

por + vida
Asociación oncohematolóxica
Tlf. 650 812 030
pormaisvida2011@gmail.com
pormaisvida2011.blogspot.com

Enviado por:
Asociación Oncohematolóxica POR+VIDA
-pormaisvida2011@gmail.com-
26 de janeiro de 2022 13:56
_______

Doazón da asociación oncohematolóxica POR+VIDA de Fene á Fundación Instituto de Investigación Sanitaria de Santiago de Compostela - O catedrático de Mediciña Legal da USC, Ángel Carracedo, está en Fene o o 28 de xaneiro

SOBRE A DOAZÓN DO 2022 E A CHARLA DE ÁNGEL CARRACEDO

A asociación oncohematolóxica POR+VIDA de Fene ven de facer nestes comezo de ano unha doazón de 6.000 € para IDIS (Fundación Instituto de Investigación Sanitaria de Santiago de Compostela) destinada a actividades de investigación no ámbito do grupo de xenética, entre elas a xenética do cancro, levadas a cabo no Complexo Hospitalario de Santiago de Compostela. Dita achega ven a sumarse a outras cantidades doadas en anos anteriores, no 2020, no 2018 e no 2017 ao grupo que dirixe Ángel Carracedo.

Por+Vida quere reivindicar unha maior dotación económica dos gobernos para a investigación médica, e neste caso, para a enfermidade do cancro.

E seguindo cun dos fins desta asociación de impulsar actividades formativas, ofrecerá unha charla prevista para finais deste mes de xaneiro, o venres 28 no salón de actos da Casa da Cultura de Fene de Ángel Carracedo Álvarez, catedrático de Mediciña Legal da Univesidade de Santiago de Compostela (USC) e director da Fundación Pública Galega de Mediciña Xenómica (Sergas-Xunta de Galicia). O grupo que dirixe consta duns cen investigadores e varias plataformas tecnolóxicas. Dita charla estaba prevista para abril do 2020 e por mor da pandemia tívose que cancelar.

Por+Vida é unha asociación sociosanitaria sen ánimo de lucro nada no ano 2011 no concello de Fene, e xurde co inicio da actividade de Educación Física Contra a Fatiga Oncolóxica que o concello inicia no ano 2008 e que se mantén na actualidade.

✔ Foto visita de parte da nosa directiva ás instalacións que teñen no Complexo Hospitalario Universitario de Santiago da man do propio Ángel Carracedo en relación á investigación (2019).

--
por + vida
Asociación oncohematolóxica
Tlf. 650 812 030
pormaisvida2011@gmail.com
pormaisvida2011.blogspot.com
 
Enviado por:
Asociación Oncohematolóxica POR+VIDA
-pormaisvida2011@gmail.com-
13 de janeiro de 2022 23:24
_______

Iniciativa sobre a situación da asistencia sanitaria na Atención Primaria, da organización política LiGanDo ao Concello de Ferrol

Iniciativa sobre a situación sanitaria da Atención Primaria, da organización política Ligando.

AO SR. ALCALDE DO CONCELLO DE FERROL

Iolanda Teixeiro Rei, veciña de Ferrol, en calidade de delegada da organización política LIGANDO,

EXPÓN:

Desde LGD temos falado con profesionais que coñecen e padecen de primeira man a situación case de colapso no que está inmerso o nivel primario de asistencia sanitaria. A súa percepción é, se cabe, peor que a que temos a maioría das persoas. Falan de colapso do sistema sanitario se non se modifica de xeito radical, o seu funcionamento.

Os cambios introducidos para facer fronte á pandemia fanlle crer á cidadanía que o deterioro é pasaxeiro e que todo volverá a unha certa normalidade unha vez teñamos saído da emerxencia sanitaria. Mais a realidade é ben distinta. O sistema sanitario galego e tamén o español, está preparado para ser altamente operativo atendendo aos doentes agudos, pero o principal problema da sociedade actual son os enfermos crónicos pois son os estes os que máis abundan. Unha mala atención dos enfermos crónicos fai que estes pacientes teñan episodios agudos, creando un círculo vicioso que se resume en mala atención de enfermos crónicos, provocando un incremento nas necesidades asistenciais que precisan atención sen demora e, polo tanto, sobrecarga o sistema, ao tempo que esta sobrecarga provoca unha mala atención dos crónicos.

A esta nova realidade social hai que engadir a mala xestión que se fixo nos últimos anos na captación dos profesionais recén formados para a súa incorporación no sistema de saúde galego. De pouco serve á sociedade formar novos médicos/as e enfermeiros/as de familia se a estes non se lles garante unhas condicións de traballo e remuneración competitivas co resto da Unión Europea. Non debemos esquecer que nos últimos anos, moitos contratos de médicos/as e enfermeiros/as de familia formalizáronse cun salario inferior ao existente nas zonas limítrofes ao tempo que estes se asinaron só polos días laborábeis da semana comezando o luns e rematando o venres. E volta a empezar. A baixa incentivación económica e a falla de continuidade laboral, provocou a marcha de numerosos profesionais cara outros territorios. Esta situación provocou e provoca que a día de hoxe se dea en Galiza unha forte fenda entre demanda de profesionais (médicos/as e enfermeiras/os) e a oferta real. Esta fenda de profesionais formados na Galiza e no resto da UE non é fácil de suplir coa incorporación de persoas procedentes de fóra da UE debido á dificultade a hora de homologar os estudos.

Se a todo o argumentado anteriormente engadimos que o modelo de atención primaria galega ten o concello como base territorial para a súa definición e que estes son amplamente diferentes dentro dunha mesma comarca, xeramos unha combinación explosiva que pode levar a situacións como que nun concello existan 3 médicos atendendo cada un deles máis usuarios que a poboación dun concello limítrofe con só 2 médicos.

En Galiza, o saldo vexetativo tende a ser negativo no seu conxunto, mais a realidade territorial está enmarcada polo contraste de que existe unha Galiza avellentada que recúa e unha nova que medra. O saldo migratorio é máis flutuante e todo fai pensar que a inmigración está e vai ir en aumento polas novas situacións aparecidas como son a pandemia e o cambio climático.

Esta nova realidade xa se espella en concellos cunha alta taxa de segundas residencias, ao decidir os seus propietarios, ficar todo o ano, aínda que sexa de xeito temporal. Este incremento poboacional durante todo o ano dáse na parte territorial turística. Son os concellos turísticos os que se atopan cunha situación de peor atención sanitaria primaria debido a que experimentan saldos vexetativos positivos, saldos migratorios positivos e unha flutuación de poboación entre o inverno e o verán que pode acadar ate o 100%.

A exposición dos feitos recollidos no anterior parágrafo podería ser distinta se nos últimos anos se tivera dado unha revisión e actualización no reparto dos médicos/as e enfermeiras/os asignados a cada centro de saúde (concello). Este novo reparto permitiría un maior equilibrio entre profesionais e usuarios/as da atención sanitaria primaria.

Na área de Ferrol, a presión sanitaria incrementouse malia as restricións. Médicos de urxencia quéixanse de saturación de traballo, esgotamento físico e mental polas duras condicións laborais chegando a darse abandono por parte de profesionais de Atención primaria. Pois os profesionais atende varias axendas, urxencias, domicilios, facendo seguimento de casos de covid. Por riba, o sistema de receitas de crónicos que é preciso activar cada certos meses, sobrecarga aínda máis estas axendas. De non lle dar solución xa, o persoal sanitario de Ferrol prognostica a fin da Atención primaria. Por todo o antedito:

SOLICITASE:

1º.- Que o concello de Ferrol se poña en contacto cos profesionais dos centros de saúde para recoller as súas demandas e inclúa as mesmas nas reivindicacións locais -a enviar á Consellería de Sanidade- para un correcto funcionamento deses centros.

2º.- Que o concello de Ferrol demande enerxicamente á Consellería de Sanidade o incremento de profesionais nos centros de Saúde de Ferrol ate chegar a un ratio razonabel para unha calidade asistencial digna. Sen tempos de espera de máis de dous día porque iso satura as urxencias. Así como tamén reclamar unha volta á asistencia presencial.

3º.- Que o concello de Ferrol solicite á Consellería de Sanidade unha remodelación da asistencia sanitaria primaria de Galiza, tendo en conta,entre outros factores:

A. A mellora das condicións sociolaborais (retribucións e contratación fixa, entre outras) para os distintos grupos profesionais de atención primaria de xeito que os esforzos educativos terminen recaendo en beneficio da sociedade galega. B. As modificacións de número de habitantes que se deron nos últimos anos.

C. As flutuacións estacionais de habitantes que se deron nos últimos anos.

D. A pirámide de poboación existente para cada centro de saúde. E. A apertura dun debate social e non partidario de cara a unha posibel modificación da asignación de usuarios de cada centro de saúde que teña como base territorial a parroquia e non o concello.

LIGANDO-LGD

http://www.ligando.org/

Facebook | Twitter

Enviado por:
LiGanDo Ferrol
-ligando.ferrol@gmail.com-
22 de setembro de 2021 14:34
_______

A 'Disforia de Xénero' (Trastorno) clasificada así pola OMS no CIE-10, a partires do 1 de xaneiro de 2022, na nova CIE-11, será mencionada como 'Discordancia de Xénero' (Condición de Saúde) - Definición da OMS da discordancia de xénero

Definición da OMS da discordancia de xénero

O que na anterior CIE-10 era "Disforia de Xénero" clasificada dentro do Capítulo IV, de Trastornos Sexuais e Saúde Sexual (Trastornos ou enfermidade), a OMS acordou clasificar, na nova CIE-11, como "Discordancia de Xénero" dentro dun novo Capitulo XVII, de Condicións relacionadas coa saúde sexual (Condición de Saúde) que entrará en vigor o 1 de xaneiro de 2022. O que axudará na redución do "estigma cara a esta poboación, asegurando ao tempo a atención de calidade para a transformación corporal segura e baixo supervisión médica que podería requirirse".

Que é a 11ª Clasificación Internacional de Enfermidades (CIE-11) da OMS?

A undécima edición da Clasificación Estatística Internacional de Enfermidades e Problemas de Saúde Relacionados (CIE-11) [1] é un documento que proporciona datos e vocabulario estandarizados para axudar a diagnosticar e monitorizar problemas de saúde en todo o mundo. Inclúe códigos revisados da anterior versión, a CIE-10. Os profesionais da saúde utilizan o sistema internacional de códigos para clasificar unha enfermidade ou condición de saúde para usos múltiples. Estes códigos revisados espérase que impacten nas provisións de coidado e financiamento da saúde dos Estados.

A CIE-11 foi aprobada o 18 de xuño de 2018 e entrará en vigor o 1 de xaneiro de 2022 para substituír a anterior clasificación (a CIE-10), que está en vigor desde 1990. Xa que logo, é importante sinalar que en calquera caso a CIE-11 non se atopa en vigor aínda.

Que di a CIE-11 sobre a transexualidade?

A Clasificación Internacional de Enfermidades da OMS de 2018 (CIE-11) continúa incluíndo a transexualidade no seu articulado, aínda que cun término diferente e baixo outro epígrafe que a anterior CIE de 1990: a CIE-11 extrae a "disforia de xénero" do "Capítulo sobre Trastornos Mentais e do Comportamento", pasando a chamala "discordancia de xénero" e a situala debaixo dun epígrafe titulado "condicións relativas á saúde sexual".

Ademais, é importante subliñar que o articulado da OMS segue falando a necesidade dun diagnóstico para determinar a "discordancia de xénero". Igualmente, a OMS tamén sinala que a discordancia de xénero, no caso do seu diagnóstico na infancia, debe "persistir aproximadamente durante dous anos". Precisamente a Lei de 2007 actualmente vixente en España refírese a un proceso de seguimento de polo menos dous anos de duración que son necesarios antes de aceptar o cambio rexistral do sexo nos documentos.

A CIE-11 da OMS tamén apunta: "As variacións no comportamento de xénero e as preferencias non son por si soas unha base para determinar o diagnóstico". Isto é importante porque abunda no feito de que o diagnóstico require o máximo rigor e xa que logo o mero comportamento da infancia e as persoas adultas en contra dos roles convencionais de xénero non pode utilizarse para diagnosticar a discordancia de xénero.

Tamén é relevante sinalar que mentres que a 10ª Clasificación Internacional de Enfermidades, que entrou en vigor en 1990, eliminou a homosexualidade da súa articulado, a 11ª Clasificación continúa incluíndo a transexualidade na súa articulado, aínda que sexa co término "discordancia de xénero" e baixo outro epígrafe.

Definicións da "discordancia de xénero" na CIE-11

As definicións da OMS na CIE-11 relativas á discordancia de xénero inclúense de forma literal a continuación:

Definición de discordancia de xénero [2]:

A discordancia de xénero caracterízase por unha marcada e persistente discordancia entre o xénero experimentado da persoa e o sexo asignado. As variacións no comportamento de xénero e as preferencias non constitúen por si soas a base para asignar os diagnósticos neste grupo.

Definición de discordancia de xénero na adolescencia ou adultez [3]:

A discordancia de xénero na adolescencia ou adultez caracterízase por unha discordancia marcada e persistente entre o xénero experimentado pola persoa e o sexo asignado, o que a miúdo conduce a un desexo de "transición" para vivir e ser aceptada como unha persoa do xénero experimentado, xa sexa por medio dun tratamento hormonal, intervención cirúrxica ou outros servizos de saúde, para que o corpo poida aliñarse, tanto como o desexe e na medida do posible, co xénero experimentado. O diagnóstico non se pode facer antes do inicio da puberdade. As variacións no comportamento de xénero e as preferencias non constitúen por si soas unha base para determinar o diagnóstico.

Definición de discordancia de xénero na infancia [4]:

A discordancia de xénero na infancia caracterízase por unha discordancia marcada entre o xénero experimentado ou expresado e o sexo asignado en nenos re nenas prepúberes. Inclúe un forte desexo de ser dun xénero diferente ao do sexo asignado; unha forte aversión por parte da nena ou do neno a súa anatomía sexual ou ás características sexuais secundarias previstas, ou un forte desexo por ter as características sexuais secundarias primarias ou previstas que coinciden co xénero experimentado; e xogos imaxinarios, xoguetes, xogos ou actividades e compañeiros de xogo que son típicos do xénero experimentado en lugar dos do sexo asignado. A discordancia debe persistir aproximadamente durante dous anos. As variacións no comportamento de xénero e as preferencias non son por si soas unha base para determinar o diagnóstico.

[1] CIE-11 (who.int).

[2] Discordancia de xénero (who.int).

[3] Discordancia de xénero na adolescencia ou adultez (who.int).

[4] Discordancia de xénero na infancia (who.int).

Fontes: CIE-11 | FAMSD .

_______