O Comité Cidadá fai pública a 3ª Sentenza do TSXG contra REGANOSA e reclama á Xunta de Galicia que retire os recursos ante o Tribunal Supremo

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 18 de junho de 2008 16:57
Asunto: Resumo e dosier da Rolda de Prensa de hoxe en Santiago


Resumo e dosier da Rolda de Prensa de hoxe en Santiago, do Comité Cidadán de Emerxencia para a Ría de Ferrol (CCE), no Clube Internacional de Prensa.

Celebrada hoxe, mércores 18 ás 12 h.

Compareceron ante os medios de comunicación, os seguintes membros do CCE: Manuel A. Rodríguez Carballeira, Eliseo Zaera Ríos, Humberto Hidalgo Couce, Jesús I. Caselas Pérez e José Álvarez, o último en representación da A.VV. "O Cruceiro de Meá"

O CCE deu conta nesta rolda de prensa da nova sentencia do TSXG (a terceira) en contra de Reganosa, que anula a modificación do Plan Xeral de Ordenación Municipal do Concello de Mugardos (cambio de usos do chan) e que servíulle a Reganosa para instalar a planta de gas en Punta Promontoiro, dentro da Ría de Ferrol.

Doutra banda, sinalar que este CCE fixo entrega á Presidencia e Vicepresidencia da Xunta de Galicia dun escrito de petición para que retiren os recursos ante o Tribunal Supremo en Madrid e acaten as sentencias do máis alto Tribunal galego.

16 de xuño de 2008

Asdo. Manuel A. Rguez. Carballeira

Coordinador do CCE


Engádese ficheiro coa seguinte documentación:

• Resumo da Rolda de Prensa.
• Escrito dirixido ao Presidente e Vicepresidente da Xunta.
• Copia da Sentenza do TSXG.

Os tres documentos nun ficheiro formato -pdf- nos Arquivos Ártabros:

http://Dossier-Reganosa.pdf

Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org
_______________

A nova nalgúns medios:

O CASO NA FISCALÍA DE DELITOS ECONÓMICOS
Terceira sentenza do TSXG contra Reganosa
O Comité Cidadán de Emerxencia para a Ría de Ferrol pide á Xunta que non recorra o ditame que anula o cambio do PXOM de Mugardos, sobre o que se basearon as posteriores autorizacións da planta de gas, e advirte de responsabilidades penais dos políticos.
Manuel Vilas. 18.06.2008 | 17:59 A Nosa Terra

4 MILLÓNS DE BENEFICIOS logo de recalificar
O Comité Cidadán de Emerxencia apunta á conexión Toxeiro-Orza
O Comité Cidadán de Emerxencia para a Ría de Ferrol asegura que unha 'trama de corrupción permanente' permitiu a instalación de Reganosa en Mugardos. En concreto, destacan que o ex-conselleiro de Economía da Xunta, o conservador Xosé Antonio Orza, era socio do Grupo Tojeiro, que promoveu a regasificadora.
Manuel Vilas. 18.06.2008 | 18:04 A Nosa Terra

TERCEIRA DECISIÓN XUDICIAL CONTRARIA Á PLANTA
O Comité Cidadán exíxelle á Xunta que acate a nova sentenza do TSXG contra Reganosa
O xuíz invalida o cambio de usos do solo dos terreos nos que se asenta a regasificadora, pola ausencia da Declaración de Impacto Ambiental.
Redacción - 18:40 18/06/2008 Vieiros

O Comité de Emerxencia denuncia a "corrupción" e o "sacrificio" da ría de Ferrol ás empresas
Santiago de Compostela.- O Comité Cidadán de Urxencia, asociación de defensa ambiental da ría de Ferrol, denunciou hoxe a "corrupción" e o intento de "sacrificar" esa zona do litoral galego que atribuíu a empresarios privados, e pediu á Xunta que non sexa "corresponsable" desa situación.
EFE Actualizado 18-06-2008 15:21 CET soitu.es

_______________________