Estoupa unha planta de gas en Canadá [10.08.2008]

De: ASOCIACION VECIÑAL FONTELONGA
Para: artabra21@gmail.com
Data: 14 de agosto de 2008 18:32
Asunto: Estoupa unha planta de gas en Canadá




A Nosa Terra Dixital
Xoves, 14 de agosto de 2008

MILES DE EVACUADOS

Estoupa unha planta de gas en Canadá

Redacción . ADEGA apunta que a gaseira de Toronto era 2.000 veces menor que a de Reganosa en Mugardos e advirte que o Plan de Emerxencia é inútil.
Reloxo 12.08.2008 | 18:48

Explosión da planta de gas en Toronto

O pasado día 10 de agosto na cidade canadiana de Toronto produciuse unha explosión de 220.000 litros de gas propano. Milleiros de pesoas tiveron que ser evacuadas nun radio de 1,6 quilómeteros, afirma a asociación ecoloxista ADEGA.

A organización alerta que “REGANOSA posúe en Ferrol unha planta de gas licuado cunha capacidade 2000 veces maior que os depósitos que estouparon en Toronto. Si esta mesma emerxencia acontecera en REGANOSA, habería que evacuar á totalidade da poboación de Ferrol, de Mugardos e á maioría de Fene”.

De “ridículo" cualifica ADEGA o Plan de Emerxencia Exterior de REGANOSA pois “só contempla como máxima area de afectación 400 metros!!!”.

Cinta illante

Os ecoloxistas aseguran que este Plan non é valido. De feito, indican que estes días se está a informar á poboación de Mugardos das medidas que deben adoitar en caso de accidente na planta. “Collan cinta illante e selen portas e fiestras. Non saian á rúa!. Non utilicen os interruptores das luces!. Escoiten a Radio Galega, serán informados!”, cita con retranca ADEGA nun comunicado.
____________

ESTEIRO
Web veciñal
Blog veciñal
Artigos PA21
____________


_________