Apoio de EU á manifestación veciñal das asociacións de Doniños, A Cabana e Valón, contra o transporte o clínker e o carbón pola estrada de Valón

De: eu-ferrolterra@esquerdaunida.org
Para: artabra21@gmail.com
Data: 4 de dezembro de 2008 15:44
Asunto: ESQUERDA UNIDA RESPALDA E CHAMA A PARTICIPAR NA MANIFESTACIÓN ORGANIZADA POLAS ASOCIACIÓNS VECIÑAIS DE DONIÑOS, A CABANA E VALÓN

ESQUERDA UNIDA RESPALDA E CHAMA A PARTICIPAR NA MANIFESTACIÓN ORGANIZADA POLAS ASOCIACIÓNS VECIÑAIS DE DONIÑOS, A CABANA E VALÓN

O GRUPO MUNICIPAL ASISTIRÁ PARA EXPRESAR O SEU RESPALDO E ESIXIR SOLUCIÓNS INMEDIATAS PARA AS DEMANDAS VECIÑAIS

O Grupo Municipal de Esquerda Unida participará na manifestación convocada para a sobremesa de mañá, venres, 5 de decembro, ás 16:30 horas, polas asociacións veciñais de Doniños, A Cabana e Valón. Van meses dabondo sen que as administracións públicas competentes teñan feito algo pola veciñanza, que sofre de cotío os perigos e inconveniencias que a desidia dos responsables políticos permiten.

Esquerda Unida hai meses que ven denunciando da man dos veciños a problemática creada, e demandando das autoridades competentes unha resolución e as debidas compensacións para os afectados. Demarcación de estradas ten neste periodo unha actuación alomenos neglixente, con tratamentos diferenciados segundo os casos.

Para Esquerda Unida hai razóns dabondo para se mobilizar, e as enumeran as asociacións convocantes:

• Para conquerir un tráfico que sexa respectuoso das sinais da estrada: 40 km/h e camións que non excedan as 16tn.
• Para que a Deputación amañe os danos que causan os camións que transportan clínker e os que levan carbón, danos que afectan ás vivendas, aos peches e a propia estrada.
• Para que non se transporte o clínker e o carbón pola estrada de Valón, segundo os compromisos adquiridos.
• Para que asuman a súa responsabilidade os que aínda non fixeron a estrada ao porto exterior.
• Para conquerir o dereito da veciñanza para vivir e camiñar polas beirarrúas con seguridade.
  

Chama, pois, a nosa organización, a participar a todas e todos para conquerir a forza necesaria para arrancar das autoridades unha solución os problemas que arrastra a veciñanza da zona.

Ferrol, xoves 4 de decembro de 2008
_______________

http://esquerdaunida-ferrol.blogspot.com/
_______________