#acampada no CEIP San Xoán de Filgueira, contra os recortes da Consellería ao colexio público - Concentración o Luns 4 de Xullo ás 12 do mediodía diante do Centro

Esta é a cuarta noite que membros da comunidade educativa do CEIP San Xoán de Filgueira van pasar no centro. O pasado 30 de Xuño, levaran a súa protesta diante do Edificio Administrativo dada Xunta en Ferrol, na "Praza Amada García" e logo desplazaron-se até a Praza do Concello. Protestan polas medidas adoptadas pola Consellería de Educación que supoñen a desaparición de varios grupos e o seu profesorado, causando un grande perxuizo ao colexio que fora galardoado co Primeiro Premio Nacional de Boas Prácticas de Convivencia 2008, convocado polo Ministerio de Educación, Política Social e Deporte. por todo un traballo que continua na actualidade, "pola mellora da convivencia escolar e a consecución dunha sociedade comprometida cos valores". "O CEIP San Xoán de Filgueira está a traballar no ámbito Valora-Interculturalidade".

Coa política de recortes da Xunta de Galicia non lle importa deitar pola borda todo o traballo e esaforzo realizado até a data co alumnado e polo alumnado.

"O centro de San Xoán dispoñía ata agora de nove grupos de alumnos de Educación Primaria, posto que en tres dos cursos os alumnos dividíanse en dúas aulas, para proporcionarlles un maior reforzo educativo. Segundo denuncian os mestres, unificar estes grupos fará imposible continuar a impartir unha ensinanza de calidade a alumnos que presentan importantes necesidades educativas especiais. O alumnado do colexio presenta unha elevada diversidade, con cerca dun 25% de escolares de etnia xitana e un 11% procedentes de familias inmigrantes, o que non lle impediu obter premios a nivel estatal nos últimos anos" [Fonte: Diario de Ferrol"

O Luns 4 de Xullo de 2011, ás 12 do mediodía, agarda-se que se achegue algún reprsentante da Xefatura Territorial da Consellería, outras fonte falan de que mesmo Conselleiro de Educación achegara-se ao Colexio.

Apoio á protesta

Ás 12 do mediodía, do mesmo día, está convocada unha concentración de apoio á loita da comunidade educativa do Colexio contra os recortes da Consellería. Polo dereito das crianzas, rapazas e rapazes ao dereito ao ensino publico e de calidade.

Participa na convocatoría contra o desmantelamento e o deterioro da escola pública.

INDIGNADOS

A COMUNIDADE ESCOLAR DO CEIP SAN XOÁN DE FILGUEIRA

INDIGNADA

COA CONSELLERÍA DE EDUCACIÓN

AO ESTABLECEREN CRITERIOS ECONÓMICOS

POR RIBA DAS NECESIDADES EDUCATIVAS DO ALUMNADO

CEIP "SAN XOÁN DE FILGUEIRA"
Campo Chao s/n 15405 Ferrol
A CORUÑA (Galiza)

Tfno: 981 320 853 Fax: 981 320 853
ceip.xoan.filgueira@edu.xunta.es
http://www.edu.xunta.es/centros/ceipxoanfilgueira/

O Colexio na rede [máis de 26.000 resultados]
_____________________