Asemblea Xeral Anual, de Betula (Asociación para a Custodia do Bosque Atlántico) a celebrar o domingo 23 de febreiro, ás 10 da mañá, no local da Tenencia, en Redes (Ares)

Asociación para a Custodia do Bosque Atlántico, Betula

CONVOCATORIA DE ASEMBLEA XERAL ORDINARIA

Consonte co establecido nos Estatutos da Asociación e na lexislación vixente sobre asociacións, a Xunta Directiva, na reunión do 7 de febreiro de 2020, acordou convocar a Asemblea Xeral Anual a celebrar o vindeiro domingo 23 de febreiro de 2020, ás 10:00 h. en primeira convocatoria e ás 10:30 h. en segunda convocatoria, no local da Tenencia, en Redes, coa seguinte ORDE DO DÍA:

🔽 1. Presentación da memoria de actividades e da memoria económica correspondentes ao exercicio 2019.

🔽 2. Proxecto de actividades 2020.

🔽 3. Propostas relacionadas co Plan de actividades 2020.

🔽 4. Propostas relacionadas coa xestión da Asociación e a dinámica da Xunta Directiva.

🔽 5. Pedimentos e preguntas.

NOTA: A Xunta Directiva agradece a asistencia e participación na Asemblea de todos e todas. É a mellor ocasión para achegar suxestións e afortalar este proxecto que nos ilusiona a tod@s. A memoria de actividades acompañarase dunha pequena proxección como resumo anual das principais actuacións.

Ao remate ofreceranse uns petiscos de benvida aos novos socios, socias e persoas asistentes.

E-mail: custodia.betula@gmail.com

Redes, 9 de febreiro de 2020

O secretario.

Asdo.: César Martínez Yáñez

Asociación Custodia Bosque Atlántico 'Betula'custodia.betula@gmail.com
http://betula-atlantico.eu/

Enviado por:
Asociación Custodia Bosque Atlántico BETULA
-custodia.betula@gmail.com-
10 de fevereiro de 2020 10:41
_______________

Xornada voluntariado deseucaliptización, convocada pola Asociación Custodia Bosque Atlántico Betula, o 1 de xuño na parcela de Betula nas Fragas do Eume - Hai que anotar-se con antelación

Xornada voluntariado deseucaliptización

Dende que Betula accedeu por doazón á titularidade de dúas parcelas nas Fragas do Eume hai máis  de dous anos, estableceu como prioridade a eliminación dos 350 pés de eucalipto que invadían este fermoso espazo de bosque atlántico. Conseguiuse a tala, non sen dificultades, tratando de non danar a vexetación orixinal. A segunda tarefa era eliminar os rebrotes sen sermos agresivos nun terreo con  forte pendente e un alto grao de humidade. Tamén se conseguiu coas orientacións técnicas do socio Jorge que recomendou a cubrición dos cepos con plástico negro para evitar a luz e favorecer os fungos saprófitos. Feita a correspondente comprobación, xa é hora da retirada definitiva dos plásticos, que cumpriron a función agardada.

É polo que Betula convoca para o día 1/06/2019 a derradeira xornada de deseucaliptización nestas parcelas, sumándose así á convocada para o 8/06/19 a nivel xeral e agardando unha boa participación de voluntariado.

Concentrarémonos ás 10:00 h. no Centro de Acollida de Visitantes de Ombre (Pontedeume) e remateremos a actividade ás 13:30 h. Para participar é necesario inscribirse, achegando os datos persoais (nome completo e DNI) a Lan, tel. 605355650 antes do 31/05/19. Precísase calzado axeitado e luvas.

Asociación Custodia Bosque Atlántico 'Betula'custodia.betula@gmail.com
http://betula-atlantico.eu/

Enviado por:
Asociación Custodia Bosque Atlántico BETULA
-custodia.betula@gmail.com-
26 de maio de 2019 13:08
________________

Andaina II: Roteiro pola Costa de Ares, con Betula, Asociación para a Custodia do Bosque Atlántico, este sábado 25 de maio

Andaina II: Roteiro pola Costa de Ares, con Betula,  Asociación Custodia Bosque Atlántico

Seguimos avanzando no programa anual de actividades, nesta ocasión, coa programación dunha andaina pola costa de Ares, dende Cervás ata a vila de Ares o sábado 25 de maio. Trátase doutro tramo de costa da península de Bezoucos de grande interese natural, paisaxístico e arqueolóxico. O percorrido será duns sete quilómetros e dificultade media baixa.

Partirá do aparcadoiro do cemiterio de Cervás e rematará na vila de Ares seguindo o carreiro costeiro.

Saída ás 10:30 h. e remate sobre as 14:00 h. en Ares.

Ao longo da mesma diferentes especialistas irán explicando as singularidades que presenta no que se refire a flora e fauna, arqueoloxía, etc. Tamén sobre ameazas e valores a preservar.

A inscrición gratuíta farase achegando os datos persoais: Nome, apelidos e DNI a Lan, Tel. 605355650, antes das 22:00 h. do 23/05/19, a efectos de formalizar o correspondente seguro.

Os menores irán acompañados dun adulto responsable.

Limodre, 18 de maio de 2019

---
BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

A Custodia do Territorio consiste nunha serie de ferramentas e accións para concienciar aos propietarios e usuarios do territorio no seu coidado e posta en valor.

Na asociación xuntámonos xentes preocupadas pola perda dos valores naturais do territorio galego e que consideramos insuficiente o desempeño que as diferentes administracións públicas fan das políticas medioambientais, forestais, territoriais e urbanísticas, e tentamos melloralo coa nosa actividade:

⏩ Conservación e recuperación do patrimonio natural, cultural e paisaxístico utilizando como instrumento principal a Custodia do Territorio.

⏩ Realización de estudos científicos e culturais, congresos, cursos, xornadas, publicacións, etc.

⏩ Acceso á xestión do territorio mediante a adquisición de terreos ou dos seus dereitos de xestión, alugueres e/ou formalización de acordos de custodia.

⏩ Seguimento e avaliación das especies e espazos prioritarios.

⏩ Colaboración e/ou participación con entidades públicas ou privadas na Realización e fomento de actividades de custodia.

http://betula-atlantico.eu/

Facebook | Twitter

Enviado por:
Asociación Custodia Bosque Atlántico BETULA
-custodia.betula@gmail.com-
18 de maio de 2019 17:35
____________

Pequenos e maiores daranse cita na Festa da Horta, impulsada pola Agrupación Instrutiva - Pequenos e maiores teñen unha cita o vindeiro sábado 27 de abril na Horta de Quinín (Caamouco - Redes - Ares)

Pequenos e maiores daranse cita na Festa da Horta, impulsada pola Agrupación Instrutiva de Caamouco

Pequenos e maiores teñen unha cita o vindeiro sábado 27 de abril na Horta de Quinín. A Agrupación Instrutiva de Caamouco organiza alí a Festa da Horta, un evento educativo e de lecer co que se pretende dar vida á parcela e fomentar a implicación da veciñanza no seu desenvolvemento. A xornada ten un carácter festivo e divulgativo. Todas as actividades son de balde e non se precisa inscrición previa. O programa previsto contempla diversas actividades e xogos para toda a familia, para que os nenos e nenas interactúen coa contorna coa axuda dos seus pais ou nais.

A xornada vai arancar ás 11 horas cun obradoiro de 'Hoteis para insectos'. Cada un dos nenos e nenas que participen poderán construír o seu propio aloxamento para bechos, tomando conciencia da súa importancia no medio natural. Ao remate poderán levar o seu hotel para a casa.

Acto seguido terá lugar o 'Xogo-labirinto da natureza', unha divertida proba na que os nenos e nenas, axudados dos maiores, deberán dar resposta a unha serie de incógnitas agochadas na horta ou nos seus arredores.

Unha vez rematado este xogo e para repoñer forzas, será a quenda do 'Que é que da nosa horta?', un xogo no que os pequenos, de novo axudados polos adultos, deberán poñerlle nome aos diferentes apeiros e utensilios que se empegan nunha horta tradicional. 

Para poñer o broche final a esta xornada terá lugar a plantación dunha maciñeira. Este acto simbólico pretende evidenciar a importancia das árbores e a necesidade de coidar e respectar o noso medio natural.

A Festa rematará cuns pinchos para todas as persoas que asistan e xogo libre para toda a rapazada.

Agrupación Instrutiva de Caamouco

http://www.caamouco.net/

Asociación Custodia Bosque Atlántico BETULA

http://betula-atlantico.eu/

Enviado por:
Asociación Custodia Bosque Atlántico BETULA
-custodia.betula@gmail.com-
23 de abril de 2019 15:4
__________

Betula de Custodia Bosque Atlántico organiza este sábado 13 de abril, o roteiro 'Camiños Senlleiros', pola banda sur da Ría de Ferrol

ROTEIRO “CAMIÑOS SENLLEIROS”


A andaina percorrerá a zona costeira do interior da ría de Ferrol. Partirá da enseada da Barca, no Seixo (Mugardos) ás 10:00 h. e rematará sobre as 14:00 h. na zona do Carril (Barallobre).

Ao longo da mesma diferentes especialistas irán explicando as singularidades que presenta no que se refire á flora e fauna, arqueoloxía, riqueza marisqueira, tipoloxía urbana do Seixo, ameazas e valores a preservar.

• Pedro Cruzado: aves de invernada e vexetación de ribeira.

• Jerónimo Bouza: Xacementos arqueolóxicos e tipoloxía urbana.

• Cesio: A riqueza marisqueira da ría e os impactos que a condicionan.

Serán uns catro quilómetros de dificultade media Baixa. Polo que poden asistir nenos, Iso si, acompañados dun adulto responsable.


Asociación Custodia Bosque Atlántico BETULA, unha entidade que procura a conservación e recuperación do patrimonio natural, cultural e paisaxístico a través da Custodia do Territorio.

custodia.betula@gmail.com

http://betula-atlantico.eu/

Enviado por:
Asociación Custodia Bosque Atlántico BETULA
-custodia.betula@gmail.com-
10 de abril de 2019 09:56
____________

Móllate polos ríos, este domingo 30 de setembro que terá lugar a Xornada de Limpeza Simultánea de Rios que desta vez será no Rio Castro - O punto de encontró será na Asociación Veciñal de Limodre (antiga escola) ás 10:30hs - Participa - Enlaces de interese

O próximo domingo 30 de setembro, como todo-los anos por estas datas,terá lugar a Xornada de Limpeza de Rios. Actividade que esta vez realizaremos no Rio Castro.

O punto de encontro será na Asociación Veciñal de Limodre (antiga escola) ás 10:30hs.

Aínda que non é imprescindíbel a inscrición,era ben comunicásedes a vosa asistencia para facermos previsión do material necesario. Tlf.651884692 // 6053555650.

Proxecto Ríos

http://proxectorios.org/

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Territorio.

Xa 108.995 m2 en custodia, coa túa participación e colaboración teremos máis, apúntate agardamos por ti. | Ir á Web.

contacto@betula-atlantico.eu

http://betula-atlantico.eu/

facebook | twitter

Enviado por:
Asociación Custodia Bosque Atlántico BETULA
-custodia.betula@gmail.com-
25 de setembro de 2018 11:27
_________________

Roteiro: 'As Fragas do Eume, refuxio guerrilleiro' - Xornada de 'mergullo nas Fragas', un roteiro pola fraga até o refuxio de Suapena, o domingo 1 de Xullo de 2018 - Hai que anotar-se antes do martes 26 de xuño

Roteiro “As Fragas do Eume, refuxio guerrilleiro”.

Xornada de “mergullo nas Fragas”, un roteiro pola fraga até o refuxio de Suapena.

Domingo 1 de Xullo de 2018

Punto de encontro: Aparcadoiro do estanco da Lavandeira (Cabanas)

A dificultade é media: Os menores deben ir acompañados por un adulto.

Desplazarémonos en vehículos ata Xabaris, e den alí, farase o resto do roteiro camiñando uns 3km. á zona do Xardín, n'As Fragas.

Xosé Manuel Sardiña achegará comenta sobre o terreo.

Recoméndase levar auga e algo sólido para recuperar forzas.

Prevese o regreso a Lavandeira sobre às 14:00.

Lembrar que hai que anotar-se antes do 26 de xuño no tlf. 605355650 (Lan).

BETULA, Asociación para a Custodia do Bosque Atlántico, é unha asociación que procura a conservación e recuperación do patrimonio natural, cultural e paisaxístico a través da Custodia do Terra.

Betula, forma parte da Rede Galega de Custodia do Territorio.
http://betula-atlantico.eu/

Estamos no facebook e no twitter.

Escribe a:
custodia.betula@gmail.com

O se prefires chamarnos:
Inténtao no (+34) 651 884 692 ou (+34) 605 355 650

Enviado por:
Asociación Custodia Bosque Atlántico BETULA
-custodia.betula@gmail.com-
19 de junho de 2018 10:51