O PROXECTO SEGUE EN CONSTRUCIÓN
De boca a boca ... axenda aberta ven de cumprir un ano en funcionamento, e por iso, queremos aproveitar a ocasión para darvos as grazas a todos e todas aquelas persoas que visitades a páxina. Tamén, agradecer a colaboración a todas aquelas persoas que nos envían información de convocatorias e aproveitar tamén para animarvos a que o sigades facendo e animar a quen non o fai para que o faga xa que esta axenda é de todos e todas, e o futuro, claro está, témolo que construír entre todos e todas.
Quén somos?
Axenda Aberta é unha iniciativa impulsada por un pequeno grupo de persoas, veciñas de Ferrol, que vimos a necesidade de ter un mínimo de coordinación entre todo o movemento asociativo da comarca. Coñecer as convocatorias e actividades das outras organizacións é un pequeno comezo para tecer unha rede de colaboración que multiplique esforzos e evite duplicidades, favorecendo os obxectivos comúns. Trátase de cambiar o valor da COMPETITIVIDADE, sobre o que se construíu o modelo económico e social actual, polo da COMPLEMENTARIEDADE, que está chamado a ser un valor fundamental na creación dun novo modelo social máis xusto.
Aínda que desde o primeiro momento a axenda está funcionando a pleno rendemento, sabemos que ten eivas. É por iso, que precisamos colaboración. Neste momento, atopámonos recompilando información e en plena construción do sitio na rede, así que se algunha asociación, observa que non aparece nas nosas listaxes, pode enviarnos un email a axendaaberta@gmail.com solicitando a súa inserción, ou tamén, se algunha entidade non quere aparecer nas nosas listaxes, pode utilizar este mesmo medio para excluirse. En todo caso, Axenda Aberta non se fai responsable das posíbeis modificacións de lugar, contido, data ou hora ou supresión das distintas actividades publicadas na nosa axenda.
Podedes enviar convocatorias abertas a axendaaberta@gmail.com para inserilas na axenda principal do blogue.
Se albiscades algún erro na data, hora, lugar, denominación ...dalgunha das actividades ou convocatorias anunciadas, pregamos nolo comuniquedes canto antes para corrixilo.
www.axendaaberta.blogspot.com
Somos, entre outr@s:
Fran Iglesias (frandacabana@gmail.com)
Inácio Martínez (inaciogz@gmail.com)
Suso Pazos (susopazos@yahoo.es)
Se queres colaborar inxire este barner no teu blogue ou web:
Enviado por:
Axenda Aberta
-axendaaberta@gmail.com-
7 de março de 2012 01:51
________________