Inmigrantes e emigrantes: compartindo o mesmo mundo imperfecto - Conectate ao Día Internacional das persoas emigrantes

Actualmente no, polo de agora, Reino de España aumentou o número de emigrantes, consecuencia da crise. Á súa vez, a penísula sempre foi lugar de acollida de inmigrantes, até agora, por ben que é moita menos xente a que chega na actualidade da que o facía cinco ou dez anos atrás. Emigrantes e inmigrantes, uns chegan e outros se van. Pero, son tan diferentes uns doutros? Que buscan ao marcharse dos seus países? Poden acabar cruzándose nos seus camiños por estar perseguindo os mesmos obxectivos e as mesmas necesidades? Esta pretende ser unha reflexión para acabar coa idea de que os uns somos tan diferentes dos outros que, ao final, somos incomparables. Porque, á fin e ao cabo, todos somos persoas compartindo o mesmo mundo imperfecto.

Reporteira Meritxell Parera para Radio18/12

13/12/12|10:11 minutos (9.32 MB) | descargar este archivo

Fonte: http://www.radio1812.net/
______________

Non ao “Apartheid sanitario” - "Flashmob" da Asemblea Sen Papeis, para denunciar a exclusión sanitaria do colectivo de persoas inmigrantes que non dispoñen de permiso de residencia, tivo lugar en Ferrol o pasado Venres 31 de Agosto

O  sábado, 1 de setembro do 2012 , entrou en vigor  as normas que exclúen á poboación inmigrante que non contan con permiso de residencia, da atención médica e sanitaria do sistema público de saúde. A Asamblea Sen Papeis de Ferrol, xunto a outras organizacións sociais,  Asociacións de inmigrantes e de defensa dos dereitos humanos,  esixen ao goberno de España, á derogación inmediata do RDL 16/ 2012  e 1192 / 2012 que supón un ataque frontal contra o dereito á saúde, tanto da poboación migrada como da autóctona.

Para denunciar esta ideolóxica reforma sanitaria, xa tristemente coñecida como “Apartheid sanitario”, a Asamblea Sen Papeis de Ferrol, convocou á toda cidadanía e entidades solidarizadas con esta denuncia,  á flasmob  que tivo lugar o pasado venres 31 de Agosto do 2012, ás 11 da maña, na Praza do Concello de Ferrol (diante do Pazo Municipal).

O acto consistiu na representación da Flashmob de denuncia do apartheid sanitario  e posterior lectura do Manifesto (que a continuación reproducimos) rexeitando os inxustos reais decretos e instando ao goberno de España a que recapacite e instaure a sanidade universal para todas as persoas.

Ningunha persoa é ilegal !!

Tod@s Somos Inmigrantes !!

MANIFESTO ASEMBLEA SEN PAPEIS
DESATENCIÓN SANITARIA.
Venres 31 de Agosto do 2012

Benqueridos amigos, benqueridas amigas:

O, 1 de setembro do 2012, pasará á historia coma o día no que o Goberno do Estado Español aplicará as normas que exclúen ás persoas inmigrantes, sen permiso de residencia, do Sistema Público de Saúde.

Os Reais Decretos 16/2012 e 1192/2012 supoñen un ataque frontal contra os dereitos fundamentais do colectivo, pero tamén, da poboación autóctona. Nestes decretos se instaura o repago farmacéutico, incluíndo ás persoas pensionistas, se exclúe do sistema público de saúde á poboación autóctona que non cumpre requisitos para seren aseguradas ou beneficiarias, se abonan prestacións, anteriormente gratuítas coma por exemplo o transporte hospitalario non urxente. En definitiva, se precariza un sistema sanitario, considerado dentro dos seis mellor valorados do mundo.

Nas últimas semanas fumos partícipes, a través dos medios de prensa, de decisións improvisadas tomadas polo goberno, de forma unilateral e con argumentos contraditorios. Se falou de crear un sistema sanitario paralelo, asistindo ás persoas inmigrantes en situación administrativa irregular dende as ONGs, posteriormente se falou dunha cuota anual, cuxo importe é superior ao da maioría dos seguros sanitarios privados, tamén se falou de cobrarlle aos países de orixe da poboación estranxeira, cando España só ten firmado tratados con 6 países e estes cubrirían unicamente á poboación que posúe a condición de asegurado/a. Estas propostas carecen de base legal para ser aplicadas e incrementan a incertidume.
O Goberno non tivo en conta o custo que a desatención sanitaria da poboación inmigrante en situación irregular, pode ter para a economía Estatal , xa que a atención en urxencias duplica e incluso triplica o custo da atención primaria. En términos de saúde pública, estas medidas poden diseminar enfermidades infecto-contaxiosas e infecto transmisibles, incrementando o número de casos, as hospitalizacións e as mortes por estas enfermidades.

É certo, que algunhas comunidades manifestaron que non aplicarán a normativa que deixa sen atención a poboación inmigrante, e que atenderán a este colectivo. Nembargantes descoñecemos se a cobertura sanitaria será parcial ou completa, ou incluso se realmente se aplicará. Estas regulacións aumentan as desigualdades territoriais, no ámbito da saúde, e pode favorecer o éxodo cara as comunidades onde si se presta atención e o colapso das áreas sanitarias onde se de cobertura ás persoas inmigrantes, sen permiso de residencia.

Non queremos deixar de mencionar aos profesionais sanitarios que manifestaron a súa intención de obxectar, nos congratulamos por esta reacción rexeitando medidas inxustas. Ninguén mellor que estes profesionais, coñece as consecuencias que implica a desatención sanitaria. Nembargantes temen as consecuencias que a súa obxección lles poda carrear a nivel laboral e legal. Nós, estaremos cos e cas profesionais comprometidos cas persoas.

Estamos convencidos e convencidas que estas medidas recortan o dereito á saúde, e vulnera dereitos fundamentais ao colectivo de persoas inmigrantes en situación irregular . Ademais estas normativas incumpren tratados internacionais, asinados polo Estado Español sobre atención sanitaria e dereitos humanos.

Por último, dende a Asemblea Sen Papeis, afirmamos que as citadas normas, non obedecen a criterios de aforro económico, nin a políticas de austeridade. Baixo este ambiguo paraugas, se esconde unha ideoloxía racista, xenófoba e discriminatoria , que xerará un alto custo económico , social, e máis enfermidade e morte.

Non as políticas inxustas. Sanidade Universal e gratuíta para todas e todos!

Asemblea Sen Papeis Ferrol

* * *

Colectivo "Asamblea Sen Papeis-Ferrol", está fomado por persoas nativas e inmigrantes, en situación administrativa irregular, ou non, e pretende ser un espazo de encontro reivindicativo que de resposta  ás políticas e comportamentos que atenten contra os dereitos humanos da poboación inmigrante, especialmente hacia aquela que se atope en situación administrativa irregular.

Pódese contactar coa asamblea Sen Papeis no correo: senpapeisferrol@gmail.com

--

     Asamblea Sen Papeis Ferrol

Contacto:

senpapeisferrol@gmail.com

Tamén no facebook.

A Asemblea Sen Papeis Ferrol, conforman a Comisión de Inmigración do Encontro Social de Ferrol Terra.

Fotos Susete'70.
________________

O goberno Español volve atacar ao colectivo de inmigrantes coa proposta de imposición da poliza especial para o acceso á sanidade pública, denuncia o Foro Galego de Inmigración

FORO GALEGO DE INMIGRACIÓN - COMUNICADO DE PRENSA

O Foro Galego de Inmigración  formado por asociacións e entidades de migrantes ou que prestan servizos a estes colectivo de Galiza, quere facer público o seguinte Comunicado en relación coa Proposta recentemente coñecida de establecer unha poliza especial moi gravosa económicamente  para o  acceso ao sistema sanitario común para as persoas inmigrantes en situación de irregularidade administrativa:

1.- Esta proposta supón unha nova e lamentable ocorrencia para tentar disimular a terrible decisión que supón deixar fora do sistema sanitario normalizado as persoas inmigrantes en situación de irregularidade administrativa.  Non é posible  a nivel práctico, pola imposibilidade de asumir os custos derivados desa poliza para estas persoas; non é aceptable dende o punto de vista de ético porque supón manter  pechada na práctica a atención sanitaria a un dos colectivos en maior situación de vulnerabilidade, que deben superar as 300.000 persoas no Conxunto do Estado e entre 10.000 e 15.000  en Galicia.  Mantería ademáis unha limitación máis pola necesidade de xustificar un ano de empadroamento como requisito.

2.- Esta decisión é unha terrible inxustiza, porque as persoas migrantes en situación de irregularidade administrativa non teñen nada que ver co chamado “turismo sanitario”, cuestión que atinxe de forma prácticamente en exclusiva a persoas procedentes da Unión Europea.  É ademáis unha decisión claramente racista, que pretende responsabilizar  a un colectivo, en situación de alta vulnerabilidade social, das  dificultades de sostemento do sistema sanitario por un suposto abuso do mesmo. Non ten sentido algún que se negué a tarxeta sanitaria para persoas sen recursos, a un dos colectivos que de menos recursos pode dispoñer ou que se pretenda que paguen unha poliza de aseguramento tan custosa.

3.- A non atención sanitaria dunha parte da poboación residente no Estado Español é moito máis que un recurte ou un “aforro”, é unha exclusión  intolerable e perigosa para a vida destas persoas, que forman parte dun dos colectivos en maior situación de vulnerabilidade. Por iso, o Foro Galego de Inmigración  quere facer un chamamento ao conxunto da sociedade  para que non se deixe enganar por Propostas, como esta que coñecemos onte, que pretende facer  esquecer ou disimular que o goberno de Rajoy vai deixar as persoas migrantes en maior situación de vulnerabilidade sin asistencia sanitaria a partir do 1 de setembro.

Para máis información: Miguel Fernández (662-307019) ou Rocío Rodríguez (981-580506/600-876460)

FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
www.forogi.wordpress.com

Enviado por:
susana beatriz alaníz gonzález
-sual259@hotmail.com-
8 de agosto de 2012 11:19
_____

O maior asentamiento de inmigrantes de Barcelona baixo ameaza de desaloxo - SOS - Solidariedade - Mobilicemo-nos - Vídeos

O pasado xoves, axentes da policía catalá (Els Mossos d’Esquadra) presentáronse no que é xa o asentamiento máis grande da cidade, unha zona de fábricas abandonadas no barrio de Poblenou onde malviven máis de 300 persoas, a maioría inmigrantes subsaharianos.

Os uniformados ameazaron aos habitantes con desaloxalos este luns, dándolles só tres días de prazo para recoller os seus pertenzas e abandonar o asentamento. Isto foi catalogado polos residentes como inadmisible e denunciaron que a policía non mostrou en ningún momento unha orde xudicial para proceder.

O colectivo que habita esta zona industrial abandonada do Distrito de Sant Martí dedícase principalmente á recolleita e venda de chatarra desde fai tres anos e non mantiveron conflitos co resto de persoas do barrio.

O complexo carece de auga corrente e servizos básicos como lavabos ou recolleita de lixo, o que supón un risco para a saúde e a calidade de vida.

A pasada semana, durante a Audiencia Pública na Sé do Distrito, un representante do colectivo subsahariano expúxolle ao Regidor Eduard Freixedes as condicións nas que viven estas persoas e pediulle que fixese chegar auga corrente ás naves industriais.

Uns días máis tarde, lonxe de responder a esta demanda básica, o Regidor Freixedes, co beneplácito do Alcalde de Barcelona, Xavier Trias, enviaron á policía para anunciar o desaloxo inminente.

Asociacións de veciños, organizacións de defensa dos Dereitos Humanos e asembleas de “indignados” do Movemento 15M xa mostraron o seu apoio ao colectivo e sitúanse contrarias ao desaloxo. A través dun comunicado conxunto, denuncian a impunidade policial, a inacción da Admnistración e o abandono no que se atopan os habitantes do asentamento. Ademais, esixen ao Alcalde que mellore as condicións de vida destas persoas e ofreza alternativas e non represión policial.


http://youtu.be/IP4sgF9ts3Y

Máis info:

http://www.assembleasocial.poblenou.org/

http://www.facebook.com/assembleapoblenou

https://twitter.com/assembleapoble9

http://www.acampadadebarcelona.org/es/barris/poble-nou

Información baseada na enviada por:
LibreRed
16 de julho de 2012 00:01http://www.librered.net/
_________

Fuco Buxán valora a VII Asemblea Galega de Inmigración

Valoración da VII Asemblea Galega de Inmigración

O domingo 27 de Maio realizouse a VII Asemblea Galega de Inmigración e Emigración de Retorno.

Que buscabamos con esta Asemblea?

O endurecimiento das políticas migratorias, o recorte de dereitos, a crise económica, os diferentes discursos políticos, non fan máis que acentuar as desigualdades, e golpean máis directamente ás e os máis débiles.

Na historia das sociedades europeas, a desigualdade e a carencia dunha economía viable, foron o caldo de cultivo para impulsar o auxe da extrema dereita e manifestacións de índole fascista ou xenófobas, que lles botan a culpa aos inmigrantes de todas estas problemáticas .

No ano 2011, España preside a Unión Europea, e con ela a 4ta Reforma da Lei de Estranxeiría, que endurece aínda máis a xa existente. Controis policiais, identificacións arbitrarias, internamentos nos CIES, e o regulamento do DOGA de setembro /9 / 2012 e o do goberno Nacional, que deixa en réxime de exclusión aos inmigrantes irregulares. Por iso entendemos que as persoas migrantes estamos chamadas á construción dun mellor sistema social, a xogar un importante papel,a non converternos en simples espectadores ou convidados de pedra .

A Asemblea abre entón un espazo de reflexión e desenvolvimento de solucións comúns nun contexto de crise social, política e económica.

Con catro mesas de diálogo, de traballo, con catro temas específicos: Reparto de alimentos polos colectivos, restrición no acceso ao sistema sanitario, cambios na lesgislación de empregadas de fogar, e persecución policial .

Logo xuntámonos para transmitir os resultados do traballo, e ali coñecemos o de todas as mesas.

Foi unha xornada que comezou ás 10 da mañá, cunha acolleita de saúdos en distintos idiomas, un xantar onde a Casa Okupa de Coruña fíxonos unha paella e unha macedonia e onde compartimos tamén o que cada un levamos.

Terminamos cunha manifestación desde o CAMPO DE MARTE, PRAZA MARÍA PITA, ata o OBELISCO, onde se leu un manifesto.

Susana Alaníz
Área de Inmigración da A.C. Fuco Buxán
--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

Enviado por:
Fuco Buxán Asoc. Cultural - Ferrol
-fucobuxan@gmail.com-
8 de junho de 2012 00:19
_______________

Denuncian a situación de acoso e desprotección na que se atopan as persoas adicadas á venda ambulante na cidade da Coruña

FORO GALEGO DE INMIGRACIÓN
COMUNICADO DE PRENSA

O Foro Galego de Inmigración formado polas asociacións e entidades recollidas ao final, apoia o seguinte comunicado emitido pola Asociación SEN PAPEIS DA CORUÑA:


A ASOCIACIÓN SEN PAPEIS DA CORUÑA AMOSA O SEU TOTAL REXEITAMENTO ANTE OS ABUSOS POLICIAIS

DENDE FAI VARIAS SEMANAS OS DÍAS SÁBADO SE CONSTITUEN EN ESCENARIOS PARA O ACOSO DOS COMPAÑEIROS SENEGALESES QUE ADICANSE A VENDA NA RÚA REAL. A ASOCIACIÓN TEN INICIADO PROCESOS PENAIS EN CONTRA DESTES E OUTROS FEITOS

Desde a Asociación Sen Papeis levamos meses denunciando ante as distintas Administracións, a Policía Local, os medios de comunicación e a sociedade a situación de acoso e desprotección na que se atopan as persoas adicadas á venda ambulante na cidade da Coruña. Consideramos que non se pode culpar a un colectivo, xa de por si vulnerábel e que só busca a supervivencia, da crise do pequeno comercio e dunha suposta competencia con este. Antes ben, entre outros aspectos, debemos achacar esta situación a un contexto xeral de recesión, crise de modelo comercial, falta de planificación e apoio municipais e a presenza de grandes centros comerciais do consumo controlados por poderosas multinacionais e o gran capital.

A falta de seguimento da normativa, a inutilización dos procedementos de garantía aos intervidos, o emprego de axentes “de paisano” (para actividades para as que non están permitidos), ameazas, detencións ilegais derivadas de infraccións administrativas, subtraccións non documentadas... son prácticas habituais na Policía Local da Coruña fronte a este colectivo. Estas prácticas teñen sido obxeto de denuncia penal nos xulgados correspondentes, feito que ten incrementado o acoso policial nas condicións divanditas, toda vez que a reapertura dun dos procesos penais fixo que o acoso de policías de paisano e uniformados se dirixiran con maior intensidade sobre a persoa que denunciou estes feitos. O acoso ten lugar na rúa, fora dos puntos de venda, chegando incluso á actuacións ilegais nas vivendas dos compañeiros migrantes.

Por iso, como xa temos feito noutras ocasións, desde a Asociación Sen Papeis da Coruña:

Manifestamos a nosa total repulsa diante destes abusos e actuacións policiais desproporcionadas, algo que faremos todas as veces que faga falta e polos medios que consideremos necesarios.

Esiximos a ruptura da Policía Local con estas prácticas ilegais, e a volta ao emprego de medios e procedementos adecuados á Lei.

Reclamamos do goberno municipal que retome a vía da legalidade e que investigue estas actuacións policiais, e que rache coas políticas de confrontación como medio de solución desta
situación, apostando por instrumentos de comunicación, participación cidadá e cooperación.

Sabemos que ningunha persoa é ilegal, e sabemos que ninguén sobra nunha crise!!

Para máis información:

Asociación SEN PAPEIS DA CORUÑA (687 700 879)
Foro de Inmigración: Miguel Fernández (981-580506-662-307019)

Organizacións que conforman o Foro Galego de Inmigración: Asociación Amarante, Asociación Amani-Galiza, Asociación Chambo, Asociación de inmigrantes Gondwana, Asociación de Argentinos en el Exterior, Asociación Plataforma polo Emprego, Asociación Puente Cultural Rumano-Gallego, Asociación Universia, Attac Compostela, Cáritas Interparroquial Santiago, Cáritas Milladoiro, Colexio Oficial de Educadores Sociais de Galicia, Comisión de Migración do BNG, Comité Óscar Romero de Santiago de Compostela, Coordenadora Diocesá de Acción Católica, Cruz Vermella, CUT, Departamento de Migracióin da CIG, Esquerda Unida, Foro Debate e Acción, Inzar, Juventudes Marianas Vicencianas, Mans Unidas, Misioneros Combonianos, Mulleres Cristiás Galegas, Oficina de Cooperación e Voluntariado da Universidade de A Coruña, PsdeG-PSOE-Santiago, Seminario Galego de Educación para a Paz; Voluntariado Rogas. Uruguayos por el Mundo Carballo, Asociación de Venezolanos en A Coruña, Hermandad Venezolana de A Estrada, Asociación Equs Zebra, Asociación Batuko-Tabanka, Cáritas de Lugo, Cáritas de Mondoñedo-Ferrol, Asociación Cultural para las Migraciones Colombianas “ACUMIC”, Sindicato Labrego Galego, ASMIREFE, Asociación Renacer, Mediomundo Uruguayos en Coruña, Galicia Terra de Acollida de Ourense, AMESPA, Asociación de Venezolanos del Deza, ASCD Amigos de Venezuela de Vigo, Hermandad de Venezolanos das Rías Biaxas, Asociación Casa de Inmigrantes Oya de Arteixo. Asociación Banda Oriental, Asociación Centro Argentino de Carballiño-Asociación Latinoamericana, Cáritas de A Coruña, Asociación de Argentinos de Lalín, Fundación Juan Soñador, Asociación de Mulleres Anovar de Galicia, Asociación Venezolana do Salnés, Casa Argentina de La Coruña , Comunidade do Castiñeiriño de Santiago de Compostela,Parroquia Cristo de la Victoria de Vigo, Asociación Recandea, Agrupación de Inmigrantes Latinoamericanos Ntra Sra de Guadalupe de Pontevedra, Asociación de Emigrantes Retornados de A Mahía, Médicos do Mundo, Asociación de Venezolanos de Santiago, Cosior (Asociación de Ecuatorianos de Santiago), Aseser Teranga, Asociación Ouresá-Venezolana, Asociación Ñane-Reta Paraguay, Asociación Multicultural de Mujeres de Vigo; Agra Humanista, Marineda, Orense Acoge, Federación de Anpas, Forum Propolis, Asociación 25 de Agosto de Uruguay, Asociación Fonte de Ourense, Cáritas Diocesá de Ourense, Asociación de Guineanos de A Coruña. Somos Igrexa-Galiza, Asociación Cultural e Intelectual de Santiago de Compostela. Asociación de Senegaleses de Ourense. Asociación Marusía de Emigrantes Retornados. Asociación TroCamundo. Madres Latinas. Proyecto Teranga Sociolaboral. Cáritas Tiu-Vigo. Representantes urbanos no Consello de Relacións Veciñais. ONGD ConTacto, Asociación Afrolatina de Ourense, ASAGA Asociación de Africanos en Galicia. Asociación cultural Fuco Buxán.

FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
www.forogi.wordpress.com

Enviado por:

susana beatriz alaníz gonzález

-sual259@hotmail.com-

-foroinmigracionsantiago@yahoo.es-

14 de março de 2012 14:03

______________________

Conferencia debate e presentación do libro " Quen invade a quen", con Eduardo Romero, en Ferrol: Xoves 16 de Febreiro

Eduardo Romero que é ademais de escritor, periodista, reúne nos seus libros a denuncia e plasma neles a explotación laboral, o atropelo aos Dereitos humanos, a criminalización, o desprezo, supervivencia, a ameaza que significan os inmigrantes para esta sociedade con tan pouca memoria.

Eduardo Romero, pertence á Asociación Cambalache, en Asturias, a cal ten un amplísimo traballo social en diferentes áreas como Comunicación, Ecoloxía, Feminismo, Inmigración e saúde.

É autor de varios libros, "O plan África e a Inmigración", "Fronteira Sur " "Á volta da esquina. Relatos de racismo e represión", "Un desexo apaixonado de traballo máis barato e servizal. Migracións, fronteiras e capitalismo", "Quen invade a quen" entre outros. Os seus libros reflicten as loitas contra as políticas migratorias, españolas e europeas, coas humillacións, detencións e persecucións aos inmigrantes sen papeis.

A Asociación Cultural Fuco Buxán, organiza
Conferencia – Debate e presentación do libro
“Quen invade a quén”
(Del colonialismo al II Plán África)
Hoxe Xoves, 16 de Febreiro, na Galería Sargadelos, ás 19:30 horas.

Intervirán:
Susana Alaniz e Miguel Castro
(Directivos da A.C. Fuco Buxán)
e o autor do libro:
Eduardo Romero
Escritor e experto en cuestións migratorias.

Entrevistas a Eduardo Romero:

DIAGONAL.NET

PERIODISMOHUMANO

fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
___________________