Amosando publicacións coa etiqueta Praza Tahrir. Amosar todas as publicacións
Amosando publicacións coa etiqueta Praza Tahrir. Amosar todas as publicacións

luns, decembro 19, 2011

Exipto: Tres días de inferno na Praza Tahrir de El-Cairo - A contrarrevolución toma posicións e os militares ven xustificada a represión nos resultados electorais - Aviso vídeos moi duros

Forzas militares deteendo manifestante no predio da Oficina, El-Cairo, 16  de Decembro de 2011. Forzas militares e persoas non identificadas atacaron un sit-in fronte ao edificio do Consello de Ministros na madrugada, que deu comezo a unha agresión máis brutal que polo de agora deixou máis de 10 persoas mortas e centenas de feridas - Foto de Mohamed El Shamy.

A brutal represión dos manifestantes exipcios é un intento da xunta militar para desfacerse das forzas da revolución. Aproveitando o silencio da maioría das forzas políticas que participan nun contestado singular proceso electoral, e coa complicidade destas forzas coa xunta militar, especialmente os islamitas dos Irmáns Musulmáns que teñen moito que gañar en toda esta nova situación. Todo baixo a complicidade e visto bon de Washington.

Hai poucos dias que o novo goberno do primeiro ministro Kamal el-Ganzuri asumiu o cargo en Exipto, foi o pasado 07 de decembro. Ganzuri prestou xuramento ante o mariscal Hussein Tantaui, xefe de Estado de feito dende a caída de Hosni Mubarak, en febreiro. Ao pouco xa un número de membros do Consello Asesor presentara a súa renuncia o sábado para protestar contra a violencia exercida polas forzas policiais e militares contra os manifestantes cando estaban nas inmediacións do edificio do Consello de Ministros.

O Consello Supremo das Forzas Armadas, como era de agardar non quere vestixios da revolución de xaneiro, polo que hai tempo que encetou a contrarrevolución, fortalecendo o sistema con "cambios" que non cambian nada e seguen mantendo os privilexios dos de sempre, poñendo fora da lei a quen denuncia a contrarrevolución na rúa.

Por terceiro día consecutivo @s manifestantes da praza Tahrir foron atacados polas tropas policiais, producindo centenares de feridos e probabelmente máis de 10 persoas mortas. Mesmo arrasaron os hospitais das acampadas secuestrando médicos e feridos, até agora desaparecidos. Moitos feridos que retiraban as forzas policiais non aparecen en ningún hospital oficial.

Revelou Mohammed Mustafa, "que dos hospitais das acampadas, hai un gran número de casos de desaparecidos entre os médicos activos nestes hospitais, despois que a policía militar e o exército irromperon nos mesmos, e realizaran a detención de médicos e pacientes que estaban no seu interior interior"... "Numerosos activistas en Twitter denuncian casos de desaparición entre pacientes e médicos, aproximadamente 20 persoas até agora" ... Como noticia que se difundiu sobre a desaparición de tres das persoas con feridas de bala despois do seu trasladado en ambulancia aos hospitais.

Hai moitos vídeos das brutais intervencións das forzas comandadas polo Consello Supremo das Forzas Armadas, mais estes están sendo retirados do Youtube baixo a escusa de ser denunciados, mais continuamente hai persoas que os volven a subir, polo que os enlaces poden quedar anulados, mais os vídeos seguen-se subindo á rede


http://youtu.be/4iboFV-yeTE

http://youtu.be/kBKcFEjHVIc


Fontes:
http://www.saidatv.tv/
http://www.almasryalyoum.com/

Máis vídeos:
http://www.youtube.com/user/saedsalem?feature=watch
_____________________