Amosando publicacións coa etiqueta Regino Varela Martínez. Amosar todas as publicacións
Amosando publicacións coa etiqueta Regino Varela Martínez. Amosar todas as publicacións

mércores, xullo 30, 2014

Regino Varela, ... por Rafael Pillado Lista


Por Rafael Pillado Lista [*]
30.07.2014


Regino Varela Martínez

Fóisenos na madrugada do 25 de xullo, Regino Varela. Desaparece así o irmán, amigo e camarada, con quen compartimos ideas, angurias e esperanzas, durante o franquismo e na democracia.

Regino nace en Ares no 1942, no mes de xuño. Comparto con él esas datas. Ingresa na Bazán aos 14, será aprendiz de Fundición, onde vivirá diversos acontecementos. Terá ocasión de ser protagonista dunha anécdota: Na elaboración da estatua ecuestre de Franco, tras a súa fundición por pezas, ten que trasladar, para a súa limpeza o tronco e a cabeza, que van unidas. Regino aplica a normativa de seguridade, amarrouna polo pescozo. ¡Había que ver aquela estampa, co dictador colgado da grúa polo pescozo!. O enxeñeiro que se decatou do feito, correu berrando para que se descolgara a “peza”. Regino respostou: “Amarreina por onde non podía zafarse ...”.

Militante do PCG e fundador das CCOO de Bazán. Aquela “Comisión de Obreiros e Enlaces” do 1966, na asemblea do Paralelo, antes de ser elixido enlace sindical. Foi detido, encadeado e procesado en diversas ocasións, una delas aquel 13 de abril de 1967, por impedir o despido de 250 traballadoras de PYSBE. A policía franquista acusábanos de celebrar o aniversario da República.

En marzo do 72 foi detido, despedido e procesado, levado á prisión da Coruña e xulgado po Tribunal de Orde Público. Mantivo sempre o compromiso sindical, político e social. Fixo gala das ideas galeguistas, na defensa da nosa terra. Recitaba de memoria a Curros Enríquez: “Se este é o mundo que eu fixen, que o demo me leve ...” poñía Curros na boca de Deus.

Retornou a Bazán coa amnistía do 77, para seguir sendo traballador exemplar, profesional e socialmente. Recordo, cando en maio do 69, trala mobilización na defensa dos traballadores da Maderera, tiven toda a noite á policía na porta dos meus sogros. Mandei recado a Regino e cando, unha hora despois, abrín a porta para entregarme, xa estaba parada toda a Bazán, exixindo a miña liberdade. Amizade tamén, pero sobre todo compromiso con aquela loita colectiva. Hoxe era socio de “Fuco Buxán”.

Regino permanecerá na nosa memoria, pola súa calidade humana, honestidade, xenerosidade e defensa de principios y valores democráticos.

Dende estas liñas, queremos transmitir a toda a súa familia e a tantos amigos o noso cariño e solidariedade, cando despedimos a un gran ser humano. Terémolo sempre presente, como exemplo inesquecible.

Artigo Publicado no xornal comarcal 'Diario de Ferrol'.

[*] Rafael Pillado Lista, San Cibrao (Cervo) o 12 de xuño de 1942,  é Vicepresidente da A.C. Fuco Buxán e membro do Comité Cidadán de Emerxencia para a Ría de Ferrol. Foi un activista sindical e político nos anos da ditadura franquista, sen deixar nunca a súa actividade social e política. Participa no Encontro Social e na Rede de Apoio Mutuo de Ferrol Terra. Escribe artigos sobre a actualidade nos medios locais. Ten escrito un importante e moi interesante libro sobre unha parte da nosa historia recente "O Latexo da vida e da conciencia - Memorias Colectivas de Rafael Pillado - I (Primeiro Volume)".

A nosa web:
www.fucobuxan.net
Os nosos blogues:
Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/
Nas redes sociais:
Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/posts
Albúns fotográficos en Picasa:
https://picasaweb.google.com/106726281086842107689
Canle e Youtube:
http://www.youtube.com/user/fucobuxan

---
Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es

Enviado por:
fucobuxan
-fucobuxan@gmail.com-
29 de julho de 2014 15:52

______________

sábado, xullo 26, 2014

A xente de Fuco Buxán lembran ao seu compañeiro Regino Varela que finou esta madrugada


Lamentamos comunicar o falecemento, na madrugada de hoxe, do noso querido compañeiro Regino Varela Martínez, socio fundador desta A.C. Fuco Buxán.

Regino Varela nacera en Ares en 1942, entrando en Bazán aos 14 anos, onde traballou en Fundición e Gálibos, até ser despedido a consecuencia dos sucesos do 1972, e readmitido coa amnistía de 1977.

Militante activo, desde a clandestinidade, do PCG e das CCOO, foi enlace sindical e membro do Comité Empresa. Detido e procesado polo TOP.

Lembraremos sempre del a súa entrañable amizade e o seu exemplar compromiso, sindical, político e social.

Transmitimos a súa familia e amigos o noso sentimento e solidariedade. Descanse en Paz.

Tanatorio: Artabria, nº 12 – A Gándara.
Fuco Buxán, A. C.

 A nosa web:
www.fucobuxan.net

Os nosos blogues:
Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Programa de radio:
O Recuncho programa radiofónico en Radio Filispim, no 93.9 da FM
http://recunchofuco.blogspot.com.es/

Nas redes sociais:
Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/
Picasa
https://picasaweb.google.com/106726281086842107689
Youtube
http://www.youtube.com/user/fucobuxan
Vimeo
http://vimeo.com/user18058474

Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es



Enviado por:
fucobuxan
-fucobuxan@gmail.com-
25 de julho de 2014 17:36

________________