Así foi o acto de lembranza de Vitoria e Carmelo en Caranza este 9 de febreiro de 2014 - Fotos e Vídeos

Acto de lembranza de Vitoria e Carmelo en Caranza

O Mércores, 5 de Febreiro, cumpría-se seis anos do falecemento do noso ben querido Carmelo Teixeiro, primeiro Coordinador do Comité Cidadán de Emerxencia para a Ría de Ferrol.

Con este motivo, o Comité Cidadán de Emerxencia organizou unha ofrenda floral que se celebrou, na súa lembranza, o 9 de Febreiro de 2014, ás 12 horas, no parque municipal de Caranza que leva o seu nome: "Parque Carmelo Teixeiro".

Neste acto colocou-se unha nova placa, con versos de José Torregrosa, na que tamén se fai unha lembranza de Victoria Fernández Paredes compañeira de Carmelo, falecida o pasado 8 de novembro de 2014, compañeira de vida e de loita a favor de todas as causas sociais, e que mantivo unha especial vinculación con este Comité Cidadán de Emerxencia.

Amigas, amigos, familiares, compañeiros e compañeiras de loita, deron-se cita nunha fria e chuviosa maña deste domingo de inverno. Estrela Gómez Viñas interpretou ao violín, 'Negra Sombra' e unha aria de Bach. Polo Comité Cidadán interveu o seu coordinador Manuel Rodríguez Carballeira "Lalán", que fixo unha semblanza de Vitoria e Carmelo, dos seus valores, do seu compromiso, ... así como da súa, e a nosa, loita en defensa da Ría e contra a construción da planta de gas, que Reganosa ten instalada no corazón da nosa Ría.


http://youtu.be/eK0ByI7vgkY

http://youtu.be/c6Z0xhDing4

http://youtu.be/K4WLBOFl2Oc

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PECHE XA!!
• PLANTA DE GAS FORA DA RÍA  !!

10 razóns que respostan á pregunta: Por que Reganosa ten que saír da nosa Ría e das nosas Vidas?

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

_______________

Acto de lembranza de Vitoria e Carmelo, este Domingo 9 de Febreiro, ás 12 do mediodía en Caranza

Onte Mércores, 5 de Febreiro, cumpría-se seis anos do falecemento do noso ben querido Carmelo Teixeiro, primeiro Coordinador do Comité Cidadán de Emerxencia para a Ría de Ferrol.

Con este motivo, o Comité convida a toda a cidadanía a participar na ofrenda floral que se celebrará na súa lembranza o vindeiro Domingo 9 de Febreiro de 2014, ás 12 horas, no parque municipal de Caranza que leva o seu nome: "Parque Carmelo Teixeiro" (Entre a Ermida de Caranza, Rúa Cartaxena e Avenida do Mar).

Neste acto colocarase unha placa en lembranza da súa compañeira Victoria Fernández Paredes, falecida o pasado 8 de novembro de 2014, compañeira de vida e de loita a favor de todas as causas sociais e que mantivo unha especial vinculación a este Comité Cidadán de Emerxencia.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PLANTA DE GAS PECHE XA !!
• PLANTA DE GAS FORA DA RÍA   !!

10 razóns para preguntar-se ... Por que Reganosa ten que saír da nosa Ría e das nosas Vidas ?

O COMITÉ CIDADÁN DE EMERXENCIA PARA A RÍA DE FERROL, NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada por:
comitecidadan
-comitecidadan@gmail.com-
5 de fevereiro de 2014 13:50
____________

Enlace relacionado:
Ártabra 21: Apoio económico á loita contra a ameaza da ilegal e perigosa Reganosa contra a vida, a seguridade e a Ría - Planta de gas construída ao amparo da corrupción política e económica
___________________________________

Falecemento da compañeira Vitoria Fernández Paredes. Comunicado da Asociación Fuco Buxán.

Con gran sentimento, comunicamos o falecemento, esta tarde (8 de Novembro de 2013), da nosa querida compañeira Vitoria Fernández Paredes [1] e [2], tras unha breve, pero irreversible, enfermidade.

Victoria, Directiva e cofundadora da Asociación Cultural Fuco Buxán, mantivo toda a súa vida un gran compromiso con todas as causas sociais, desde a súa activa militancia na HOAC nos anos sesenta, a participación nas ANPAS e nos movementos veciñais, o seu labor como Concelleira polo terzo familiar, despois na UGT e no PSOE e os últimos anos nesta Asociación, desenvolvendo un importante traballo no Foro Social de Ferrolterra e nas súas Plataformas solidarias.

Hai que destacar tamén a súa entrega xenerosa a todas as actividades do Comité Cidadán de Emerxencia para a Ría de Ferrol, do que formaba parte e do cal ou seu compañeiro Carmelo Teixeiro foi o primeiro Coordinador.

Lembraremos sempre a Vitoria, e a Carmelo, como amigos, como compañeiros entrañables e como exemplo de dedicación e perseveranza no traballo polo ben social e as causas solidarias.

Aos seus fillos Juan Ramón, Carmelo e Noé, ás suas compañeiras, netos e netas, aos seus hirmáns Angeles e Ricardo, familia e amigos as nosas máis profundas condolencias e apertas solidarias.

Asociación Cultural Fuco Buxán
--
María Victoria Fernández Paredes
Tanatorio Artábria - A Gándara
Enterro: o sábado, 10 de Novembro de 2013, ás 18 hs.
______________________