A Asociación Veciñal Fontelonga de Esteiro ten programado unha conferencia a política da Xunta para a rehabilitación de vivendas

De: asociacion veciñal -avvorosario@gmail.com-
Para artabra21@gmail.com
Data: 13 de Abril de 2007 23:38
Asunto: A Asociación Veciñal Fontelonga de Esteiro ten programado unha conferencia a política da Xunta para a rehabilitación de vivendas

Para ampliar clicar acima da imaxen

Conferencia-coloquio

A Asociación Veciñal de Esteiro " Fontelonga" imos celebrar o vindeiro martes día 17 de abril ás 20 horas ( no cartel que lles achegamos por erro figura ás 19:30) unha conferencia na que intervirá Dona Encarna Otero Cepeda , Directora Xeral de Fomento e Calidade de Vivenda da Xunta de Galicia e na que falará da política da Xunta sobre rehabilitación de vivendas en xeral e de cascos antigos en particular, así como das axudas, que para a rehabilitación de vivendas, ofrece a Consellería de Vivenda.

Desde a creación desta Asociación vimos reivindicando a creación dunha Area de Rehabilitación Integral ( ARI) para a rúa Carlos III e transversais e ese será un dos temas obxecto de debate na citada conferencia. Tamén cumpre sinalar que no Barrio de Esteiro existe máis dun milleiro de vivendas construídas directamente pola Xunta en Álvaro Cunqueiro, Antelo, Colon, Mendizábal e Fernando VI para as que é posible a condición de axudas para rehabilitación.

Previamente ás 19:30 horas a Xunta Directiva de Fontelonga acompañaremos á Dona Encarna Otero nunha visita pola rúa Carlos III e transversais para amosarlle a parte histórica do barrio de Esteiro que demandamos que se rehabilite.

Dámoslles anticipadamente as grazas pola publicación e difusión deste comunicado, así como a asistencia ó mesmo.

Ferrol a 13 de abril de 2007.

Asdo./X. Miguel López Pérez, presidente



--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
blog da asociación: ferrolnovo.blogspot.com