Á TODA A CIDADANÍA DA COMARCA DE FERROLTERRA
A raíz da entrada do gaseiro, chamado Galicia Spirit, desde o mércores 9 de maio de 2007 ás 9,30 da mañá en adiante a poboación da Ría de Ferrol está sometida a unha ameaza real día e noite, polo risco dun accidente grave que poden provocar sustancias perigosas na planta que REGANOSA está construíndo ou no buque gaseiro que alí está atracado.
Por iso o Comité Cidadán de Emerxencia para a Ría de Ferrol acordou convocar unha concentración nos peiraos de Curruxeiras en Ferrol, ás 12 da mañá do sábado próximo día 12 de maio de 2007, coa finalidade de que:
a) A cidadanía manifeste o seu rexeitamento á entrada ilegal dentro da Ría dun buque Gaseiro cargado con 140.500 m3 de Gas Natural Licuado, para descargalo nos tanques que a empresa Reganosa está construíndo, sen ter todos os permisos, sen ter cumprimentado os condicionados da súa autorización de construción e que deben ser cumprimentados antes da posta en funcionamento, entre eles os riscos para a vida humana nas poboacións próximas e a saída de urxencia dos buques gaseiros, ambos imposibles de cumprimentar, polo que é ilegal a acta de probas outorgado o 4 de maio pola Área de Enerxía desa Subdelegación que serviu de pretexto para burlar a lei coa entrada do devandito buque gaseiro.
b) A cidadanía exixa por escrito o cese do Capitán Marítimo de Ferrol D. Jorge Cao Ruiz, do Presidente da Autoridade Portuaria D. Amable Dopico Freire e do Delegado do Goberno D. Manuel Ameijeiras Vales, por permitir a entrada do gaseiro Galicia Spirit cargado de gas natural licuado, a partir do cal iníciase un risco, permanente día e noite, de accidente grave que ameaza a vida da poboación próxima e á riqueza marisquera dentro de Ría de Ferrol.
Así mesmo o Comité Cidadán de Emerxencia acordou continuar coas actuacións por vía administrativa, xudicial, de mobilización e información á sociedade, a fin de que sexa paralizada a actividade na Planta de Gas de REGANOSA.
DA RÍA DE FERROL
SÓ USANDO A FORZA
LOGROU ENTRAR
NO PORTO DE FERROL
COMITÉ CIDADÁN DE EMERXENCIA DA RÍA DE FERROL
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon