PSOE e IU querem mais polícia... e privada!

De: Nosup-trasancos -nosup-trasancos@nosgaliza.org-
Para: artabra21@gmail.com
Data: 15 de abril de 2008 18:42
Asunto: PSOE e IU querem mais polícia... e privada!


PSOE e IU querem mais polícia... e privada!

A Assembleia Comarcal de NÓS-Unidade Popular em Trasancos quer denunciar a orientaçom privada e repressiva que os partidos governantes em Ferrol querem dar à segurança pública.

O anúncio de que o PSOE e IU querem pôr em maos de umha empresa privada labores tam inconcretos e sujeitos à arbitrariedade como a “vigiláncia de estranhos e suspeitos” em espaços públicos do concelho de Ferrol, situa essas forças políticas nos parámetros repressivos e privatizadores próprios do mais puro e duro neoliberalismo.

A policializaçom da vida social, com empresas privadas a exercer labores repressivos carentes de transparência e controlo público é umha decisom reaccionária que deve ser rechaçada por quem defende um modelo de convivência democrática.

Em lugar de andar a conceber planos repressivos privados para o controlo das pessoas, o governo municipal de Ferrol deveria pôr os meios para combater as desigualdades e promover a justiça social, através de programas de integraçom, formaçom e promoçom de emprego em condiçons dignas para todos e todas.

É certo que todo isso nom está só nas maos de umha administraçom local, mas gastar o dinheiro público em pagar a empresas para que controlem e reprimam “estranhos e suspeitos” é umha medida contrária a um modelo social justo e democrático como o que duas forças autodefinidas como de esquerda deveriam defender.

Por todo o anterior, NÓS-Unidade Popular reclama a retirada imediata da proposta de privatizaçom parcial dos labores policiais através do chamado “serviço de vigiláncia e serviços complementares para os centros e instalaçons pertencentes ao Excmo. Concelho de Ferrol”.

Ferrol, 15 de Abril de 2008

Assembleia Comarcal de NÓS-Unidade Popular em Trasancos
_______________

Enlaces Relacionados:

Segundo o BNG, o goberno local pretende contratar un servizo de vixilancia de estranos e sospeitosos

Prego de prescripcións técnicas Servizo de vixilancia e servizos complementarios para os centros e instalacións pertencentes ao Excmo. Concello de Ferrol, asinado o 31 de Marzo de 2008, polo Cordenador da Área de Seguridade do Concello de Ferrol, José Manuel Pérez Díaz

Enlace co Prego nos Arquivos Ártabros

______________