A Fundaçom Artábria celebra o seu 12 aniversário com diferentes actos que já começarom o passado 17 de Setembro e finalizarám o 23 de Outubro deste 2010

Neste mês de Setembro, a Fundaçom Artábria cumpre o seu décimo segundo aniversário. Já vam doze anos de muitas actividades socioculturais a prol do galego e da cultura nacional da Galiza, graças á ajuda inestimável de tod@s @s companheir@s que por aqui passarom.

Com este motivo, preparamos um programa de actividades para celebrarmos tod@s esta data assinalada. Ei-lo:

- Na sexta-feira, 17 de Setembro, começamos as actividades do aniversario com o Passa-ruas Normalizador, no qual, de jeito reivindicativo, percorreremos as ruas da cidade baixo a legenda Defendamos a nossa língua. A saida está prevista para as 19.45h da Praça do Hino Galego.

- No domingo, 19 de Setembro, haverá um Cruzeiro pola Ria, onde diversas associaçons ambientalistas da comarca e da Galiza nos daram a sua visom sobre a situaçom da ria. Porto de Curujeiras, 11h.

- Quinta-feira, 23 de Setembro, ás 20h. Com o motivo da greve geral convocada para este mês, diversos representantes sindicais debateram sobre a conjuntura em que nos encontramos (Debate Greve Geral). Haverá também a Projecçom do documentário 1984, Tres Folgas Xerais contra a Reconversión.

- Na sexta-feira, 24 de Setembro, ás 20h, temos a sorte de contar com a presença de Sechu Sende, que apresentará no Centro Social o seu último trabalho Animais, no qual, o escritor explora a sua faceta de ilustrador.

- No sábado, 25 de Setembro, combinamos na Artábria ás 10h para realizarmos um Mural em homenagem á insigne figura do profesor Ricardo Carvalho Calero.
Já á noite, ás 22h, turma para o rock´n´roll. Poderemos desfrutar do metal da banda Avante e do roque duro dos estradenses Os John Deeres. Os bilhetes teram um preço de 2€ para @s associad@s e 3€ para @s nom associad@s ou de 5€, bilhete+CD dos Avante para as pessoas associadas e de 6€ para as pessoas nom associadas.

- No sábado, 2 de Outubro, ás 22h, poderemos gozar da música do cantor português Jorge Mirancos. A entrada será de balde.

- Na sexta-feira, 8 de Outubro, ás 22h, chega desde Fene, umha das mais conhecidas conta-contos do país: Paula Carvalheira. O preço do bilhete será de 3€ para as pessoas associadas e de 4€ para as pessoas nom associadas.

- No sábado, 9 de Outubro, também ás 22h, quenda para o folque com os pontenses Muxarega. O preço dos bilhetes será, como em todos os concertos, de 2€ para as pessoas associadas e de 3€ para as pessoas nom associadas.

- No sábado, 16 de Outubro, ás 21h, haverá um Espectáculo de Magia a cargo de Fiz o Mágico.

- No sábado, 23 de Outubro, ás 21.30 e já para rematar as actividades do programa, Ceia de confraternizaçom para celebrar estes doze anos de trabalho polo reintegracionismo lingüístico, o monolingüismo social e a defesa da cultura nacional. A ceia celebrara-se no Restaurante Trasanquesa (Feira do Treze, s/n, Sedes - Narom) e a ementa estará composta de petiscos, churrasco, pam, vinho, chupinhos e sobremesa e terá um preço de 18€. Já estam á venda os bonos, no balcom do Café-bar do Centro Social.

Tirado do seu Blogue: http://agal-gz.org/blogues/index.php/artabria/
__________________