Comeza a programación de Rádio FilispiM, 93.9 FM, a radio libre e comunitaria da Terra de Trasancos

De: FilispiM 93.9FM -filispina@gmail.com-
RFM - Gmail -opaii.rfm@gmail.com-
Para: artabra21@gmail.com
Data: 20 de setembro de 2007 13:16
Asunto: Comeza a programación de Rádio FilispiM, 93.9 FM, a radio libre e comunitaria da Terra de Trasancos.



O Colectivo Opaíí!, encargado da súa coordinación, pretende coa presente comunicación a difusión da idea, dun xeito ben directo. É o noso deber, como medio comunitario que somos, ofrecer os espazos da nosa grella @s radio-apaixoad@s, e sobre todo, ós colectivos do noso ámbito de influencia. De aí que recibas o presente convite para participar activamente neste apaixoante proxecto radiofónico.

Se cadra, a vosa voz, as vosas inquedanzas, xa foron amplificadas polas "ondas filispinas" en pasadas programacións, polo que xa nos coñecedes. Mais, tambén queremos achegarnos aos colectivos veciñais, culturais, sociais… que aínda non formar parte do Colectivo Opaíí! e a propia Rádio FilispiM.

De todas vós, agardamos comunicación para poder concretar un primeiro contacto persoal e explicarvos, dende o propio estudio radiofónico de RFM, o noso funcionamento. Como sabedes, tanto o noso Colectivo como rádio teñen sé no Ateneo Ferrolán, R/ Magdalena, 202, Ferrol.

A nova programación de Rádio FilispiM, 93.9 FM, está a piques de comezar! Apóntate dende xa!

Escríbenos a: filispina@gmail.com, enviándonos a túa proposta de programa radiofónico, ou pídenos máis información. Tambén podes consultar o noso blog www.opaii.blogspot.com, para saber máis de nós.

O prazo para a recepción de solicitudes remata o 31 de outubro de 2007. Porén, de terdes interés, é hora de contactar con nós.

Saúdos e moi boa onda!

Colectivo Opaíí! – Asociación Cultural – Ferrol.

--
Rádio FilispiM
A rádio livre e comunitária da comarca de Trás-Ancos
No 93.9 da FM
Rádio FilispiM 93.9FM
www.opaii.blogspot.com
-filispina@gmail.com-